| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
г̇од̇д̇зна ануссааванаануж̇аананагат̇ааван̣н̣анаа
Gottena anussāvanānujānanakathāvaṇṇanā
122. ‘‘ид̇т̇аннаамо ид̇т̇аннаамасса ааяасмад̇о’’д̇и наамагид̇д̇анасса ануссааванааяа ааг̇ад̇ад̇д̇аа ‘‘наахам̣ уссахаами т̇зрасса наамам̣ г̇ахзд̇у’’нд̇и вуд̇д̇ам̣, ‘‘ааяасмад̇о биббалисса убасамбад̣̇аабзгко’’д̇и звам̣ наамам̣ г̇ахзд̇ум̣ на уссахаамийд̇и ад̇т̇о. ‘‘г̇од̇д̇знаби ануссаавзд̇у’’нд̇и важанад̇о язна вохаарзна вохарад̇и, д̇зна ваддад̇ийд̇и сид̣̇д̇хам̣. ‘‘гонаамо д̇з убаж̇жхааяо’’д̇и будтзнаби г̇од̇д̇амзва наамам̣ гад̇ваа вад̇д̇аб̣б̣анд̇и сид̣̇д̇хам̣ ход̇и, д̇асмаа жад̇уб̣б̣ид̇хзсу наамзсу язна гзнажи наамзна ануссааванаа гаад̇аб̣б̣аад̇и вад̣̇анд̇и. згасса б̣ахууни наамаани хонд̇и, д̇ад̇т̇а згам̣ наамам̣ н̃ад̇д̇ияаа, згам̣ ануссааванааяа гаад̇ум̣ на ваддад̇и, ад̇т̇ад̇о б̣яан̃ж̇анад̇о жа абхиннаахи ануссааванаахи бхавид̇аб̣б̣анд̇и. гин̃жааби ‘‘ид̇т̇аннаамо ид̇т̇аннаамасса ааяасмад̇о’’д̇и баал̣ияам̣ ‘‘ааяасмад̇о’’д̇и бад̣̇ам̣ бажчаа вуд̇д̇ам̣, гаммаваажаабаал̣ияам̣ бана ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇ассаа’’д̇и батамам̣ ликид̇анд̇и д̇ам̣ уббадибаадияаа вуд̇д̇анд̇и на бажжзд̇аб̣б̣ам̣. баал̣ияан̃хи ‘‘ид̇т̇аннаамо ид̇т̇аннаамасса ааяасмад̇о’’д̇и ад̇т̇амад̇д̇ам̣ д̣̇ассид̇ам̣, д̇асмаа баал̣ияам̣ авуд̇д̇оби ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇ассаа’’д̇и гаммаваажаабаал̣ияам̣ баяог̇о д̣̇ассид̇о. ‘‘на мз д̣̇идто ид̇о буб̣б̣з ижжааяасмаа саарибуд̇д̇о’’д̇и жа ‘‘ааяасмаа саарибуд̇д̇о ад̇т̇агусало’’д̇и жа батамам̣ ‘‘ааяасмаа’’д̇и баяог̇асса д̣̇ассанад̇од̇и вад̣̇анд̇и. гад̇т̇ажи ‘‘ааяасмад̇о б̣уд̣̇д̇харагкид̇ад̇т̇зрассаа’’д̇и вад̇ваа гад̇т̇ажи гзвалам̣ ‘‘б̣уд̣̇д̇харагкид̇ассаа’’д̇и саавзд̇и, сааванам̣ хаабзд̇ийд̇и на вужжад̇и наамасса ахаабид̇ад̇д̇аад̇и згз. сажз гад̇т̇ажи ‘‘ааяасмад̇о б̣уд̣̇д̇харагкид̇ассаа’’д̇и вад̇ваа гад̇т̇ажи ‘‘б̣уд̣̇д̇хараакад̇ассааяасмад̇о’’д̇и саавзд̇и, баатаануруубад̇д̇аа кзд̇д̇амзва од̇ин̣н̣анд̇иби згз. б̣яан̃ж̇анабхзд̣̇аббасан̇г̇ад̇о ануссааванаанам̣ д̇ам̣ на ваддад̇ийд̇и вад̣̇анд̇и. сажз бана саб̣б̣адтаанзби зд̇знзва багаарзна вад̣̇ад̇и, ваддад̇и.
122. ‘‘Itthannāmo itthannāmassa āyasmato’’ti nāmakittanassa anussāvanāya āgatattā ‘‘nāhaṃ ussahāmi therassa nāmaṃ gahetu’’nti vuttaṃ, ‘‘āyasmato pippalissa upasampadāpekkho’’ti evaṃ nāmaṃ gahetuṃ na ussahāmīti attho. ‘‘Gottenapi anussāvetu’’nti vacanato yena vohārena voharati, tena vaṭṭatīti siddhaṃ. ‘‘Konāmo te upajjhāyo’’ti puṭṭhenapi gottameva nāmaṃ katvā vattabbanti siddhaṃ hoti, tasmā catubbidhesu nāmesu yena kenaci nāmena anussāvanā kātabbāti vadanti. Ekassa bahūni nāmāni honti, tattha ekaṃ nāmaṃ ñattiyā, ekaṃ anussāvanāya kātuṃ na vaṭṭati, atthato byañjanato ca abhinnāhi anussāvanāhi bhavitabbanti. Kiñcāpi ‘‘itthannāmo itthannāmassa āyasmato’’ti pāḷiyaṃ ‘‘āyasmato’’ti padaṃ pacchā vuttaṃ, kammavācāpāḷiyaṃ pana ‘‘ayaṃ buddharakkhito āyasmato dhammarakkhitassā’’ti paṭhamaṃ likhitanti taṃ uppaṭipāṭiyā vuttanti na paccetabbaṃ. Pāḷiyañhi ‘‘itthannāmo itthannāmassa āyasmato’’ti atthamattaṃ dassitaṃ, tasmā pāḷiyaṃ avuttopi ‘‘ayaṃ buddharakkhito āyasmato dhammarakkhitassā’’ti kammavācāpāḷiyaṃ payogo dassito. ‘‘Na me diṭṭho ito pubbe iccāyasmā sāriputto’’ti ca ‘‘āyasmā sāriputto atthakusalo’’ti ca paṭhamaṃ ‘‘āyasmā’’ti payogassa dassanatoti vadanti. Katthaci ‘‘āyasmato buddharakkhitattherassā’’ti vatvā katthaci kevalaṃ ‘‘buddharakkhitassā’’ti sāveti, sāvanaṃ hāpetīti na vuccati nāmassa ahāpitattāti eke. Sace katthaci ‘‘āyasmato buddharakkhitassā’’ti vatvā katthaci ‘‘buddharaakhatassāyasmato’’ti sāveti, pāṭhānurūpattā khettameva otiṇṇantipi eke. Byañjanabhedappasaṅgato anussāvanānaṃ taṃ na vaṭṭatīti vadanti. Sace pana sabbaṭṭhānepi eteneva pakārena vadati, vaṭṭati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 60. г̇од̇д̇зна ануссааванаануж̇аананаа • 60. Gottena anussāvanānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇амигаад̣̇иниссаяавад̇т̇угат̇аа • Gamikādinissayavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 59. г̇амигаад̣̇иниссаяавад̇т̇угат̇аа • 59. Gamikādinissayavatthukathā
