| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੨. ਗੁਹਟ੍ਠਕਸੁਤ੍ਤਂ
2. Guhaṭṭhakasuttaṃ
੭੭੮.
778.
ਸਤ੍ਤੋ ਗੁਹਾਯਂ ਬਹੁਨਾਭਿਛਨ੍ਨੋ, ਤਿਟ੍ਠਂ ਨਰੋ ਮੋਹਨਸ੍ਮਿਂ ਪਗਾਲ਼੍ਹੋ।
Satto guhāyaṃ bahunābhichanno, tiṭṭhaṃ naro mohanasmiṃ pagāḷho;
ਦੂਰੇ વਿવੇਕਾ ਹਿ ਤਥਾવਿਧੋ ਸੋ, ਕਾਮਾ ਹਿ ਲੋਕੇ ਨ ਹਿ ਸੁਪ੍ਪਹਾਯਾ॥
Dūre vivekā hi tathāvidho so, kāmā hi loke na hi suppahāyā.
੭੭੯.
779.
ਇਚ੍ਛਾਨਿਦਾਨਾ ਭવਸਾਤਬਦ੍ਧਾ, ਤੇ ਦੁਪ੍ਪਮੁਞ੍ਚਾ ਨ ਹਿ ਅਞ੍ਞਮੋਕ੍ਖਾ।
Icchānidānā bhavasātabaddhā, te duppamuñcā na hi aññamokkhā;
ਪਚ੍ਛਾ ਪੁਰੇ વਾਪਿ ਅਪੇਕ੍ਖਮਾਨਾ, ਇਮੇવ ਕਾਮੇ ਪੁਰਿਮੇવ ਜਪ੍ਪਂ॥
Pacchā pure vāpi apekkhamānā, imeva kāme purimeva jappaṃ.
੭੮੦.
780.
ਕਾਮੇਸੁ ਗਿਦ੍ਧਾ ਪਸੁਤਾ ਪਮੂਲ਼੍ਹਾ, ਅવਦਾਨਿਯਾ ਤੇ વਿਸਮੇ ਨਿવਿਟ੍ਠਾ।
Kāmesu giddhā pasutā pamūḷhā, avadāniyā te visame niviṭṭhā;
ਦੁਕ੍ਖੂਪਨੀਤਾ ਪਰਿਦੇવਯਨ੍ਤਿ, ਕਿਂਸੂ ਭવਿਸ੍ਸਾਮ ਇਤੋ ਚੁਤਾਸੇ॥
Dukkhūpanītā paridevayanti, kiṃsū bhavissāma ito cutāse.
੭੮੧.
781.
ਤਸ੍ਮਾ ਹਿ ਸਿਕ੍ਖੇਥ ਇਧੇવ ਜਨ੍ਤੁ, ਯਂ ਕਿਞ੍ਚਿ ਜਞ੍ਞਾ વਿਸਮਨ੍ਤਿ ਲੋਕੇ।
Tasmā hi sikkhetha idheva jantu, yaṃ kiñci jaññā visamanti loke;
ਨ ਤਸ੍ਸ ਹੇਤੂ વਿਸਮਂ ਚਰੇਯ੍ਯ, ਅਪ੍ਪਞ੍ਹਿਦਂ ਜੀવਿਤਮਾਹੁ ਧੀਰਾ॥
Na tassa hetū visamaṃ careyya, appañhidaṃ jīvitamāhu dhīrā.
੭੮੨.
782.
ਪਸ੍ਸਾਮਿ ਲੋਕੇ ਪਰਿਫਨ੍ਦਮਾਨਂ, ਪਜਂ ਇਮਂ ਤਣ੍ਹਗਤਂ ਭવੇਸੁ।
Passāmi loke pariphandamānaṃ, pajaṃ imaṃ taṇhagataṃ bhavesu;
ਹੀਨਾ ਨਰਾ ਮਚ੍ਚੁਮੁਖੇ ਲਪਨ੍ਤਿ, ਅવੀਤਤਣ੍ਹਾਸੇ ਭવਾਭવੇਸੁ॥
Hīnā narā maccumukhe lapanti, avītataṇhāse bhavābhavesu.
੭੮੩.
783.
ਮਮਾਯਿਤੇ ਪਸ੍ਸਥ ਫਨ੍ਦਮਾਨੇ, ਮਚ੍ਛੇવ ਅਪ੍ਪੋਦਕੇ ਖੀਣਸੋਤੇ।
Mamāyite passatha phandamāne, maccheva appodake khīṇasote;
ਏਤਮ੍ਪਿ ਦਿਸ੍વਾ ਅਮਮੋ ਚਰੇਯ੍ਯ, ਭવੇਸੁ ਆਸਤ੍ਤਿਮਕੁਬ੍ਬਮਾਨੋ॥
Etampi disvā amamo careyya, bhavesu āsattimakubbamāno.
੭੮੪.
784.
ਉਭੋਸੁ ਅਨ੍ਤੇਸੁ વਿਨੇਯ੍ਯ ਛਨ੍ਦਂ, ਫਸ੍ਸਂ ਪਰਿਞ੍ਞਾਯ ਅਨਾਨੁਗਿਦ੍ਧੋ।
Ubhosu antesu vineyya chandaṃ, phassaṃ pariññāya anānugiddho;
ਯਦਤ੍ਤਗਰਹੀ ਤਦਕੁਬ੍ਬਮਾਨੋ, ਨ ਲਿਪ੍ਪਤੀ 1 ਦਿਟ੍ਠਸੁਤੇਸੁ ਧੀਰੋ॥
Yadattagarahī tadakubbamāno, na lippatī 2 diṭṭhasutesu dhīro.
੭੮੫.
785.
ਸਞ੍ਞਂ ਪਰਿਞ੍ਞਾ વਿਤਰੇਯ੍ਯ ਓਘਂ, ਪਰਿਗ੍ਗਹੇਸੁ ਮੁਨਿ ਨੋਪਲਿਤ੍ਤੋ।
Saññaṃ pariññā vitareyya oghaṃ, pariggahesu muni nopalitto;
ਅਬ੍ਬੂਲ਼੍ਹਸਲ੍ਲੋ ਚਰਮਪ੍ਪਮਤ੍ਤੋ, ਨਾਸੀਸਤੀ 3 ਲੋਕਮਿਮਂ ਪਰਞ੍ਚਾਤਿ॥
Abbūḷhasallo caramappamatto, nāsīsatī 4 lokamimaṃ parañcāti.
ਗੁਹਟ੍ਠਕਸੁਤ੍ਤਂ ਦੁਤਿਯਂ ਨਿਟ੍ਠਿਤਂ।
Guhaṭṭhakasuttaṃ dutiyaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੨. ਗੁਹਟ੍ਠਕਸੁਤ੍ਤવਣ੍ਣਨਾ • 2. Guhaṭṭhakasuttavaṇṇanā
