Library / Tipiṭaka / ਤਿਪਿਟਕ • Tipiṭaka / ਮਹਾਨਿਦ੍ਦੇਸ-ਅਟ੍ਠਕਥਾ • Mahāniddesa-aṭṭhakathā

    ੨. ਗੁਹਟ੍ਠਕਸੁਤ੍ਤਨਿਦ੍ਦੇਸવਣ੍ਣਨਾ

    2. Guhaṭṭhakasuttaniddesavaṇṇanā

    ੭. ਦੁਤਿਯੇ – ਸਤ੍ਤੋਤਿ ਲਗ੍ਗੋ। ਗੁਹਾਯਨ੍ਤਿ ਕਾਯੇ। ਕਾਯੋ ਹਿ ਰਾਗਾਦੀਨਂ વਾਲ਼ਾਨਂ વਸਨੋਕਾਸਤੋ ‘‘ਗੁਹਾ’’ਤਿ વੁਚ੍ਚਤਿ। ਬਹੁਨਾਭਿਛਨ੍ਨੋਤਿ ਬਹੁਨਾ ਰਾਗਾਦਿਕਿਲੇਸਜਾਤੇਨ ਅਭਿਚ੍ਛਨ੍ਨੋ। ਏਤੇਨ ਅਜ੍ਝਤ੍ਤਬਨ੍ਧਨਂ વੁਤ੍ਤਂ। ਤਿਟ੍ਠਨ੍ਤਿ ਰਾਗਾਦਿવਸੇਨ ਤਿਟ੍ਠਨ੍ਤੋ। ਮੋਹਨਸ੍ਮਿਂ ਪਗਾਲ਼੍ਹੋਤਿ ਮੋਹਨਂ વੁਚ੍ਚਤਿ ਕਾਮਗੁਣੋ। ਏਤ੍ਥ ਹਿ ਦੇવਮਨੁਸ੍ਸਾ ਮੁਯ੍ਹਨ੍ਤਿ ਤੇਸੁ ਅਜ੍ਝੋਗਾਲ਼੍ਹਾ ਹੁਤ੍વਾ; ਏਤੇਨ ਬਾਹਿਰਬਨ੍ਧਨਂ વੁਤ੍ਤਂ। ਦੂਰੇ વਿવੇਕਾ ਹਿ ਤਥਾવਿਧੋ ਸੋਤਿ ਸੋ ਤਥਾਰੂਪੋ ਨਰੋ ਤਿવਿਧਾਪਿ ਕਾਯવਿવੇਕਾਦਿવਿવੇਕਾ ਦੂਰੇ , ਅਨਾਸਨ੍ਨੇ। ਕਿਂਕਾਰਣਾ? ਕਾਮਾ ਹਿ ਲੋਕੇ ਨ ਹਿ ਸੁਪ੍ਪਹਾਯਾਤਿ ਯਸ੍ਮਾ ਲੋਕੇ ਕਾਮਾ ਸੁਪ੍ਪਹਾਯਾ ਨ ਹੋਨ੍ਤਿ, ਤਸ੍ਮਾਤਿ વੁਤ੍ਤਂ ਹੋਤਿ।

    7. Dutiye – sattoti laggo. Guhāyanti kāye. Kāyo hi rāgādīnaṃ vāḷānaṃ vasanokāsato ‘‘guhā’’ti vuccati. Bahunābhichannoti bahunā rāgādikilesajātena abhicchanno. Etena ajjhattabandhanaṃ vuttaṃ. Tiṭṭhanti rāgādivasena tiṭṭhanto. Mohanasmiṃ pagāḷhoti mohanaṃ vuccati kāmaguṇo. Ettha hi devamanussā muyhanti tesu ajjhogāḷhā hutvā; etena bāhirabandhanaṃ vuttaṃ. Dūre vivekā hi tathāvidho soti so tathārūpo naro tividhāpi kāyavivekādivivekā dūre , anāsanne. Kiṃkāraṇā? Kāmā hi loke na hi suppahāyāti yasmā loke kāmā suppahāyā na honti, tasmāti vuttaṃ hoti.

    ਸਤ੍ਤੋਤਿ ਹਿ ਖੋ વੁਤ੍ਤਨ੍ਤਿ ‘‘ਸਤ੍ਤੋ, ਨਰੋ, ਮਾਨવੋ’’ਤਿ ਏવਮਾਦਿਨਾ ਨਯੇਨ ਕਥਿਤੋਯੇવ। ਗੁਹਾ ਤਾવ વਤ੍ਤਬ੍ਬਾਤਿ ਗੁਹਾ ਤਾવ ਕਥੇਤਬ੍ਬਾ। ਕਾਯੋਤਿ વਾਤਿਆਦੀਸੁ ਅਯਂ ਤਾવ ਪਦਯੋਜਨਾ – ਕਾਯੋ ਇਤਿ વਾ ਗੁਹਾ ਇਤਿ વਾ…ਪੇ॰… ਕੁਮ੍ਭੋ ਇਤਿ વਾਤਿ। ਤਤ੍ਥ ਕਾਯੋਤਿ ‘‘ਕੁਚ੍ਛਿਤਾਨਂ ਆਯੋਤਿ ਕਾਯੋ’’ਤਿਆਦਿਨਾ ਹੇਟ੍ਠਾ ਸਤਿਪਟ੍ਠਾਨਕਥਾਯਂ વੁਤ੍ਤੋਯੇવ। ਰਾਗਾਦਿવਾਲ਼ਾਨਂ વਸਨੋਕਾਸਟ੍ਠੇਨ ਗੁਹਾ, ‘‘ਪਟਿਚ੍ਛਾਦਨਟ੍ਠੇਨਾ’’ਤਿਪਿ ਏਕੇ। ‘‘ਦੂਰਙ੍ਗਮਂ ਏਕਚਰਂ, ਅਸਰੀਰਂ ਗੁਹਾਸਯ’’ਨ੍ਤਿਆਦੀਸੁ (ਧ॰ ਪ॰ ੩੭) વਿਯ। ਰਾਗਾਦੀਹਿ ਝਾਪਨਟ੍ਠੇਨ ਦੇਹੋ ‘‘ਤੇ ਹਿਤ੍વਾ ਮਾਨੁਸਂ ਦੇਹ’’ਨ੍ਤਿਆਦੀਸੁ (ਦੀ॰ ਨਿ॰ ੨.੩੩੨ ਥੋਕਂ વਿਸਦਿਸਂ) વਿਯ। ਪਮਤ੍ਤਕਰਣਟ੍ਠੇਨ ਸਨ੍ਦੇਹੋ ‘‘ਭਿਜ੍ਜਤਿ ਪੂਤਿਸਨ੍ਦੇਹੋ, ਮਰਣਨ੍ਤਞ੍ਹਿ ਜੀવਿਤ’’ਨ੍ਤਿਆਦੀਸੁ (ਧ॰ ਪ॰ ੧੪੮) વਿਯ। ਸਂਸਾਰੇ ਸਞ੍ਚਰਣਟ੍ਠੇਨ ਨਾવਾ ‘‘ਸਿਞ੍ਚ ਭਿਕ੍ਖੁ ਇਮਂ ਨਾવਂ, ਸਿਤ੍ਤਾ ਤੇ ਲਹੁਮੇਸ੍ਸਤੀ’’ਤਿਆਦੀਸੁ (ਧ॰ ਪ॰ ੩੬੯) વਿਯ। ਇਰਿਯਾਪਥਸ੍ਸ ਅਤ੍ਥਿਭਾવਟ੍ਠੇਨ ਰਥੋ ‘‘ਰਥੋ ਸੀਲਪਰਿਕ੍ਖਾਰੋ, ਝਾਨਕ੍ਖੋ ਚਕ੍ਕવੀਰਿਯੋ’’ਤਿਆਦੀਸੁ (ਸਂ॰ ਨਿ॰ ੫.੪) વਿਯ। ਅਚ੍ਚੁਗ੍ਗਤਟ੍ਠੇਨ ਧਜੋ ‘‘ਧਜੋ ਰਥਸ੍ਸ ਪਞ੍ਞਾਣ’’ਨ੍ਤਿਆਦੀਸੁ (ਜਾ॰ ੨.੨੨.੧੮੪੧) વਿਯ।

    Sattoti hi kho vuttanti ‘‘satto, naro, mānavo’’ti evamādinā nayena kathitoyeva. Guhā tāva vattabbāti guhā tāva kathetabbā. Kāyoti vātiādīsu ayaṃ tāva padayojanā – kāyo iti vā guhā iti vā…pe… kumbho iti vāti. Tattha kāyoti ‘‘kucchitānaṃ āyoti kāyo’’tiādinā heṭṭhā satipaṭṭhānakathāyaṃ vuttoyeva. Rāgādivāḷānaṃ vasanokāsaṭṭhena guhā, ‘‘paṭicchādanaṭṭhenā’’tipi eke. ‘‘Dūraṅgamaṃ ekacaraṃ, asarīraṃ guhāsaya’’ntiādīsu (dha. pa. 37) viya. Rāgādīhi jhāpanaṭṭhena deho ‘‘te hitvā mānusaṃ deha’’ntiādīsu (dī. ni. 2.332 thokaṃ visadisaṃ) viya. Pamattakaraṇaṭṭhena sandeho ‘‘bhijjati pūtisandeho, maraṇantañhi jīvita’’ntiādīsu (dha. pa. 148) viya. Saṃsāre sañcaraṇaṭṭhena nāvā ‘‘siñca bhikkhu imaṃ nāvaṃ, sittā te lahumessatī’’tiādīsu (dha. pa. 369) viya. Iriyāpathassa atthibhāvaṭṭhena ratho ‘‘ratho sīlaparikkhāro, jhānakkho cakkavīriyo’’tiādīsu (saṃ. ni. 5.4) viya. Accuggataṭṭhena dhajo ‘‘dhajo rathassa paññāṇa’’ntiādīsu (jā. 2.22.1841) viya.

    ਕਿਮਿਕੁਲਾਨਂ ਆવਾਸਭਾવੇਨ વਮ੍ਮਿਕੋ ‘‘વਮ੍ਮਿਕੋਤਿ ਖੋ, ਭਿਕ੍ਖੁ, ਇਮਸ੍ਸੇਤਂ ਚਾਤੁਮਹਾਭੂਤਿਕਸ੍ਸ ਕਾਯਸ੍ਸ ਅਧਿવਚਨ’’ਨ੍ਤਿਆਦੀਸੁ (ਮ॰ ਨਿ॰ ੧.੨੫੧) વਿਯ। ਯਥੇવ ਹਿ ਬਾਹਿਰਕੋ વਮ੍ਮਿਕੋ, વਮਤਿ વਨ੍ਤਕੋ વਨ੍ਤੁਸ੍ਸਯੋ વਨ੍ਤਸਿਨੇਹਸਮ੍ਬਦ੍ਧੋਤਿ ਚਤੂਹਿ ਕਾਰਣੇਹਿ ‘‘વਮ੍ਮਿਕੋ’’ਤਿ વੁਚ੍ਚਤਿ। ਸੋ ਹਿ ਅਹਿਨਕੁਲਉਨ੍ਦੂਰਘਰਗੋਲ਼ਿਕਾਦਯੋ ਨਾਨਪ੍ਪਕਾਰੇ ਪਾਣਕੇ વਮਤੀਤਿ વਮ੍ਮਿਕੋ। ਉਪਚਿਕਾਹਿ વਨ੍ਤਕੋਤਿ વਮ੍ਮਿਕੋ। ਉਪਚਿਕਾਹਿ વਮਿਤ੍વਾ ਮੁਖਤੁਣ੍ਡਕੇਹਿ ਉਕ੍ਖਿਤ੍ਤਪਂਸੁਚੁਣ੍ਣੇਨ ਕਟਿਪ੍ਪਮਾਣੇਨਪਿ ਪੋਰਿਸਪ੍ਪਮਾਣੇਨਪਿ ਉਸ੍ਸਿਤੋਤਿ વਮ੍ਮਿਕੋ। ਉਪਚਿਕਾਹਿ વਨ੍ਤਖੇਲ਼ਸਿਨੇਹੇਨ ਆਬਦ੍ਧਤਾਯ ਸਤ੍ਤਸਤ੍ਤਾਹਂ ਦੇવੇ વਸ੍ਸਨ੍ਤੇਪਿ ਨ વਿਪ੍ਪਕਿਰੀਯਤਿ, ਨਿਦਾਘੇਪਿ ਤਤੋ ਪਂਸੁਮੁਟ੍ਠਿਂ ਗਹੇਤ੍વਾ ਤਸ੍ਮਿਂ ਮੁਟ੍ਠਿਨਾ ਪੀਲ਼ਿਯਮਾਨੇ ਸਿਨੇਹੋ ਨਿਕ੍ਖਮਤਿ, ਏવਂ વਨ੍ਤਸਿਨੇਹੇਨ ਸਮ੍ਬਦ੍ਧੋਤਿ વਮ੍ਮਿਕੋ। ਏવਮਯਂ ਕਾਯੋਪਿ ‘‘ਅਕ੍ਖਿਮ੍ਹਾ ਅਗ੍ਗਿਗੂਥਕੋ’’ਤਿਆਦਿਨਾ ਨਯੇਨ ਨਾਨਪ੍ਪਕਾਰਂ ਅਸੁਚਿਕਲਿਮਲਂ વਮਤੀਤਿ વਮ੍ਮਿਕੋ। ਬੁਦ੍ਧਪਚ੍ਚੇਕਬੁਦ੍ਧਖੀਣਾਸવਾ ਇਮਸ੍ਮਿਂ ਅਤ੍ਤਭਾવੇ ਨਿਕਨ੍ਤਿਪਰਿਯਾਦਾਨੇਨ ਅਤ੍ਤਭਾવਂ ਛਡ੍ਡੇਤ੍વਾ ਗਤਾਤਿ ਅਰਿਯੇਹਿ વਨ੍ਤਕੋਤਿਪਿ વਮ੍ਮਿਕੋ। ਯੇਹਿ ਚਾਯਂ ਤੀਹਿ ਅਟ੍ਠਿਸਤੇਹਿ ਉਸ੍ਸਿਤੋ ਨਹਾਰੁਸਮ੍ਬਦ੍ਧੋ ਮਂਸਾવਲੇਪਨੋ ਅਲ੍ਲਚਮ੍ਮਪਰਿਯੋਨਦ੍ਧੋ ਛવਿਰਞ੍ਜਿਤੋ ਸਤ੍ਤੇ વਞ੍ਚੇਤਿ, ਤਂ ਸਬ੍ਬਂ ਅਰਿਯੇਹਿ વਨ੍ਤਮੇવਾਤਿ વਨ੍ਤੁਸ੍ਸਯੋਤਿਪਿ વਮ੍ਮਿਕੋ। ‘‘ਤਣ੍ਹਾ ਜਨੇਤਿ ਪੁਰਿਸਂ, ਚਿਤ੍ਤਮਸ੍ਸ વਿਧਾવਤੀ’’ਤਿ (ਸਂ॰ ਨਿ॰ ੧.੫੫-੫੭) ਏવਂ ਤਣ੍ਹਾਯ ਜਨਿਤਤ੍ਤਾ ਅਰਿਯੇਹਿ વਨ੍ਤੇਨੇવ ਤਣ੍ਹਾਸਿਨੇਹੇਨ ਸਮ੍ਬਦ੍ਧੋ ਅਯਨ੍ਤਿ વਨ੍ਤਸਿਨੇਹੇਨ ਸਮ੍ਬਦ੍ਧੋਤਿਪਿ વਮ੍ਮਿਕੋ। ਯਥਾ ਚ વਮ੍ਮਿਕਸ੍ਸ ਅਨ੍ਤੋ ਨਾਨਪ੍ਪਕਾਰਾ ਪਾਣਕਾ ਤਤ੍ਥੇવ ਜਾਯਨ੍ਤਿ, ਉਚ੍ਚਾਰਪਸ੍ਸਾવਂ ਕਰੋਨ੍ਤਿ, ਗਿਲਾਨਾ ਸਯਨ੍ਤਿ, ਮਤਾ ਨਿਪਤਨ੍ਤਿ। ਇਤਿ ਸੋ ਤੇਸਂ ਸੂਤਿਘਰਂ વਚ੍ਚਕੁਟਿ ਗਿਲਾਨਸਾਲਾ ਸੁਸਾਨਞ੍ਚ ਹੋਤਿ। ਏવਂ ਖਤ੍ਤਿਯਮਹਾਸਾਲਾਦੀਨਮ੍ਪਿ ਕਾਯੋ ‘‘ਅਯਂ ਗੋਪਿਤਰਕ੍ਖਿਤੋ ਮਣ੍ਡਿਤਪਸਾਦਿਤੋ ਮਹਾਨੁਭਾવਾਨਂ ਕਾਯੋ’’ਤਿ ਅਚਿਨ੍ਤੇਤ੍વਾ ਛવਿਨਿਸ੍ਸਿਤਾ ਪਾਣਾ ਚਮ੍ਮਨਿਸ੍ਸਿਤਾ ਪਾਣਾ ਮਂਸਨਿਸ੍ਸਿਤਾ ਪਾਣਾ ਨਹਾਰੁਨਿਸ੍ਸਿਤਾ ਪਾਣਾ ਅਟ੍ਠਿਨਿਸ੍ਸਿਤਾ ਪਾਣਾ ਅਟ੍ਠਿਮਿਞ੍ਜਨਿਸ੍ਸਿਤਾ ਪਾਣਾਤਿ ਏવਂ ਕੁਲਗਣਨਾਯ ਅਸੀਤਿਮਤ੍ਤਾਨਿ ਕਿਮਿਕੁਲਸਹਸ੍ਸਾਨਿ ਅਨ੍ਤੋਕਾਯਸ੍ਮਿਂਯੇવ ਜਾਯਨ੍ਤਿ, ਉਚ੍ਚਾਰਪਸ੍ਸਾવਂ ਕਰੋਨ੍ਤਿ, ਗੇਲਞ੍ਞੇਨ ਆਤੁਰਿਤਾਨਿ ਸਯਨ੍ਤਿ, ਮਤਾਮਤਾ ਨਿਪਤਨ੍ਤਿ। ਇਤਿ ਅਯਮ੍ਪਿ ਤੇਸਂ ਪਾਣਾਨਂ ਸੂਤਿਘਰਂ વਚ੍ਚਕੁਟਿ ਗਿਲਾਨਸਾਲਾ ਸੁਸਾਨਞ੍ਚ ਹੋਤੀਤਿ ‘‘વਮ੍ਮਿਕੋ’’ਤਿ ਸਙ੍ਖਂ ਗਤੋ।

    Kimikulānaṃ āvāsabhāvena vammiko ‘‘vammikoti kho, bhikkhu, imassetaṃ cātumahābhūtikassa kāyassa adhivacana’’ntiādīsu (ma. ni. 1.251) viya. Yatheva hi bāhirako vammiko, vamati vantako vantussayo vantasinehasambaddhoti catūhi kāraṇehi ‘‘vammiko’’ti vuccati. So hi ahinakulaundūragharagoḷikādayo nānappakāre pāṇake vamatīti vammiko. Upacikāhi vantakoti vammiko. Upacikāhi vamitvā mukhatuṇḍakehi ukkhittapaṃsucuṇṇena kaṭippamāṇenapi porisappamāṇenapi ussitoti vammiko. Upacikāhi vantakheḷasinehena ābaddhatāya sattasattāhaṃ deve vassantepi na vippakirīyati, nidāghepi tato paṃsumuṭṭhiṃ gahetvā tasmiṃ muṭṭhinā pīḷiyamāne sineho nikkhamati, evaṃ vantasinehena sambaddhoti vammiko. Evamayaṃ kāyopi ‘‘akkhimhā aggigūthako’’tiādinā nayena nānappakāraṃ asucikalimalaṃ vamatīti vammiko. Buddhapaccekabuddhakhīṇāsavā imasmiṃ attabhāve nikantipariyādānena attabhāvaṃ chaḍḍetvā gatāti ariyehi vantakotipi vammiko. Yehi cāyaṃ tīhi aṭṭhisatehi ussito nahārusambaddho maṃsāvalepano allacammapariyonaddho chavirañjito satte vañceti, taṃ sabbaṃ ariyehi vantamevāti vantussayotipi vammiko. ‘‘Taṇhā janeti purisaṃ, cittamassa vidhāvatī’’ti (saṃ. ni. 1.55-57) evaṃ taṇhāya janitattā ariyehi vanteneva taṇhāsinehena sambaddho ayanti vantasinehena sambaddhotipi vammiko. Yathā ca vammikassa anto nānappakārā pāṇakā tattheva jāyanti, uccārapassāvaṃ karonti, gilānā sayanti, matā nipatanti. Iti so tesaṃ sūtigharaṃ vaccakuṭi gilānasālā susānañca hoti. Evaṃ khattiyamahāsālādīnampi kāyo ‘‘ayaṃ gopitarakkhito maṇḍitapasādito mahānubhāvānaṃ kāyo’’ti acintetvā chavinissitā pāṇā cammanissitā pāṇā maṃsanissitā pāṇā nahārunissitā pāṇā aṭṭhinissitā pāṇā aṭṭhimiñjanissitā pāṇāti evaṃ kulagaṇanāya asītimattāni kimikulasahassāni antokāyasmiṃyeva jāyanti, uccārapassāvaṃ karonti, gelaññena āturitāni sayanti, matāmatā nipatanti. Iti ayampi tesaṃ pāṇānaṃ sūtigharaṃ vaccakuṭi gilānasālā susānañca hotīti ‘‘vammiko’’ti saṅkhaṃ gato.

    ਮਨਾਪਾਮਨਾਪਪਤਨਟ੍ਠੇਨ ਨਗਰਂ ‘‘ਸਕ੍ਕਾਯਨਗਰ’’ਨ੍ਤਿਆਦੀਸੁ વਿਯ। ਰੋਗਾਦੀਨਂ ਨੀਲ਼ਭਾવੇਨ ਕੁਲਾવਕਭਾવੇਨ ਨੀਲ਼ਂ ‘‘ਰੋਗਨੀਲ਼ਂ ਪਭਙ੍ਗੁਰ’’ਨ੍ਤਿਆਦੀਸੁ (ਧ॰ ਪ॰ ੧੪੮) વਿਯ। ਪਟਿਸਨ੍ਧਿਯਾ ਨਿવਾਸਗੇਹਟ੍ਠੇਨ ਕੁਟਿ ‘‘ਪਞ੍ਚਦ੍વਾਰਾਯਂ ਕੁਟਿਕਾਯਂ ਪਸਕ੍ਕਿਯਾ’’ਤਿਆਦੀਸੁ (ਥੇਰਗਾ॰ ੧੨੫) વਿਯ। ਪੂਤਿਭਾવੇਨ ਗਣ੍ਡੋ ‘‘ਰੋਗੋਤਿ ਭਿਕ੍ਖવੇ, ਗਣ੍ਡੋਤਿ ਭਿਕ੍ਖવੇ, ਸਲ੍ਲੋਤਿ ਭਿਕ੍ਖવੇ, ਕਾਯਸ੍ਸੇਤਂ ਅਧਿવਚਨ’’ਨ੍ਤਿਆਦੀਸੁ (ਅ॰ ਨਿ॰ ੯.੧੫) વਿਯ। ਭਿਜ੍ਜਨਟ੍ਠੇਨ ਕੁਮ੍ਭੋ ‘‘ਕੁਮ੍ਭੂਪਮਂ ਕਾਯਮਿਮਂ વਿਦਿਤ੍વਾ’’ਤਿਆਦੀਸੁ (ਧ॰ ਪ॰ ੪੦) વਿਯ। ਕਾਯਸ੍ਸੇਤਂ ਅਧਿવਚਨਨ੍ਤਿ ਏਤਂ વੁਤ੍ਤਪ੍ਪਕਾਰਂ ਚਤੁਮਹਾਭੂਤਮਯਸ੍ਸ ਕੁਚ੍ਛਿਤਧਮ੍ਮਾਨਂ ਆਯਸ੍ਸ ਅਧਿવਚਨਂ, ਕਥਨਨ੍ਤਿ ਅਤ੍ਥੋ। ਗੁਹਾਯਨ੍ਤਿ ਸਰੀਰਸ੍ਮਿਂ । ਸਤ੍ਤੋਤਿ ਅਲ੍ਲੀਨੋ। વਿਸਤ੍ਤੋਤਿ વਣ੍ਣਰਾਗਾਦਿવਸੇਨ વਿવਿਧੋ ਅਲ੍ਲੀਨੋ। ਸਣ੍ਠਾਨਰਾਗવਸੇਨ ਆਸਤ੍ਤੋ। ਤਤ੍ਥੇવ ‘‘ਸੁਭਂ ਸੁਖ’’ਨ੍ਤਿ ਗਹਣવਸੇਨ ਲਗ੍ਗੋ। ਅਤ੍ਤਗ੍ਗਹਣવਸੇਨ ਲਗ੍ਗਿਤੋ। ਪਲਿਬੁਦ੍ਧੋਤਿ ਫਸ੍ਸਰਾਗવਸੇਨ ਅਮੁਞ੍ਚਿਤ੍વਾ ਠਿਤੋ। ਭਿਤ੍ਤਿਖਿਲੇਤਿ ਭਿਤ੍ਤਿਯਂ ਆਕੋਟਿਤਖਾਣੁਕੇ। ਨਾਗਦਨ੍ਤੇਤਿ ਤਥੇવ ਹਤ੍ਥਿਦਨ੍ਤਸਦਿਸੇ વਙ੍ਕਦਣ੍ਡਕੇ। ਸਤ੍ਤਨ੍ਤਿ ਭਿਤ੍ਤਿਖਿਲੇ ਲਗ੍ਗਂ। વਿਸਤ੍ਤਨ੍ਤਿ ਨਾਗਦਨ੍ਤੇ ਲਗ੍ਗਂ। ਆਸਤ੍ਤਨ੍ਤਿ ਚੀવਰવਂਸੇ ਲਗ੍ਗਂ। ਲਗ੍ਗਨ੍ਤਿ ਚੀવਰਰਜ੍ਜੁਯਾ ਲਗ੍ਗਂ। ਲਗ੍ਗਿਤਨ੍ਤਿ ਪੀਠਪਾਦੇ ਲਗ੍ਗਂ। ਪਲਿਬੁਦ੍ਧਨ੍ਤਿ ਮਞ੍ਚਪਾਦੇ ਲਗ੍ਗਨ੍ਤਿ ਏવਮਾਦਿਨਾ ਨਯੇਨ ਯੋਜੇਤਬ੍ਬਂ।

    Manāpāmanāpapatanaṭṭhena nagaraṃ ‘‘sakkāyanagara’’ntiādīsu viya. Rogādīnaṃ nīḷabhāvena kulāvakabhāvena nīḷaṃ ‘‘roganīḷaṃ pabhaṅgura’’ntiādīsu (dha. pa. 148) viya. Paṭisandhiyā nivāsagehaṭṭhena kuṭi ‘‘pañcadvārāyaṃ kuṭikāyaṃ pasakkiyā’’tiādīsu (theragā. 125) viya. Pūtibhāvena gaṇḍo ‘‘rogoti bhikkhave, gaṇḍoti bhikkhave, salloti bhikkhave, kāyassetaṃ adhivacana’’ntiādīsu (a. ni. 9.15) viya. Bhijjanaṭṭhena kumbho ‘‘kumbhūpamaṃ kāyamimaṃ viditvā’’tiādīsu (dha. pa. 40) viya. Kāyassetaṃ adhivacananti etaṃ vuttappakāraṃ catumahābhūtamayassa kucchitadhammānaṃ āyassa adhivacanaṃ, kathananti attho. Guhāyanti sarīrasmiṃ . Sattoti allīno. Visattoti vaṇṇarāgādivasena vividho allīno. Saṇṭhānarāgavasena āsatto. Tattheva ‘‘subhaṃ sukha’’nti gahaṇavasena laggo. Attaggahaṇavasena laggito. Palibuddhoti phassarāgavasena amuñcitvā ṭhito. Bhittikhileti bhittiyaṃ ākoṭitakhāṇuke. Nāgadanteti tatheva hatthidantasadise vaṅkadaṇḍake. Sattanti bhittikhile laggaṃ. Visattanti nāgadante laggaṃ. Āsattanti cīvaravaṃse laggaṃ. Lagganti cīvararajjuyā laggaṃ. Laggitanti pīṭhapāde laggaṃ. Palibuddhanti mañcapāde lagganti evamādinā nayena yojetabbaṃ.

    ਲਗ੍ਗਨਾਧਿવਚਨਨ੍ਤਿ વਿਸੇਸੇਨ ਅਲ੍ਲੀਯਨਕਥਨਂ। ਛਨ੍ਨੋਤਿ વੁਤ੍ਤਪ੍ਪਕਾਰੇਹਿ ਕਿਲੇਸੇਹਿ ਛਾਦਿਤੋ। ਪੁਨਪ੍ਪੁਨਂ ਉਪ੍ਪਤ੍ਤਿવਸੇਨ ਉਪਰੂਪਰਿ ਛਨ੍ਨੋਤਿ ਉਚ੍ਛਨ੍ਨੋ। ਆવੁਤੋਤਿ ਆવਰਿਤੋ। ਨਿવੁਤੋਤਿ વਾਰਿਤੋ। ਓਫੁਤੋਤਿ ਅવਤ੍ਥਰਿਤ੍વਾ ਛਾਦਿਤੋ। ਪਿਹਿਤੋਤਿ ਭਾਜਨੇਨ ਉਕ੍ਖਲਿਮੁਖਂ વਿਯ ਪਲਿਗੁਣ੍ਠਿਤੋ। ਪਟਿਚ੍ਛਨ੍ਨੋਤਿ ਆવਟੋ। ਪਟਿਕੁਜ੍ਜਿਤੋਤਿ ਅਧੋਮੁਖਂ ਠਪਿਤੋ। ਤਤ੍ਥ ਤਿਣਪਣ੍ਣਾਦੀਹਿ ਛਾਦਿਤਂ વਿਯ ਛਨ੍ਨੋ। ਉਚ੍ਛਨ੍ਨੋ ਨਦਿਂ ਆવਰਣਸੇਤੁ વਿਯ। ਆવੁਤੋ ਜਨਸਞ੍ਚਰਣਮਗ੍ਗਾવਰਣਂ વਿਯ।

    Lagganādhivacananti visesena allīyanakathanaṃ. Channoti vuttappakārehi kilesehi chādito. Punappunaṃ uppattivasena uparūpari channoti ucchanno. Āvutoti āvarito. Nivutoti vārito. Ophutoti avattharitvā chādito. Pihitoti bhājanena ukkhalimukhaṃ viya paliguṇṭhito. Paṭicchannoti āvaṭo. Paṭikujjitoti adhomukhaṃ ṭhapito. Tattha tiṇapaṇṇādīhi chāditaṃ viya channo. Ucchanno nadiṃ āvaraṇasetu viya. Āvuto janasañcaraṇamaggāvaraṇaṃ viya.

    વਿਨਿਬਦ੍ਧੋ ਮਾਨવਸੇਨਾਤਿ ਨਾਨਾવਿਧੇਨ ਮਾਨਾਤਿਮਾਨવਸੇਨ ਨਾਨਾવਿਧੇ ਆਰਮ੍ਮਣੇ ਬਦ੍ਧੋ ਹੁਤ੍વਾ ਤਿਟ੍ਠਤਿ। ਪਰਾਮਟ੍ਠੋ ਦਿਟ੍ਠਿવਸੇਨਾਤਿ ਦ੍વਾਸਟ੍ਠਿਦਿਟ੍ਠੀਨਂ વਸੇਨ ਪਰਾਮਟ੍ਠੋ ਆਮਸਿਤ੍વਾ ਗਹਿਤੋ। વਿਕ੍ਖੇਪਗਤੋ ਉਦ੍ਧਚ੍ਚવਸੇਨਾਤਿ ਆਰਮ੍ਮਣੇ ਅਸਨ੍ਤਿਟ੍ਠਨવਸੇਨ ਚਿਤ੍ਤવਿਕ੍ਖੇਪਂ ਪਤ੍ਤੋ ਉਪਗਤੋ। ਅਨਿਟ੍ਠਙ੍ਗਤੋ વਿਚਿਕਿਚ੍ਛਾવਸੇਨਾਤਿ ਰਤਨਤ੍ਤਯਾਦੀਸੁ ਕਙ੍ਖਾਸਙ੍ਖਾਤਾਯ વਿਚਿਕਿਚ੍ਛਾਯ વਸੇਨ ਸਨ੍ਨਿਟ੍ਠਾਨਂ ਅਪ੍ਪਤ੍ਤੋ। ਥਾਮਗਤੋ ਅਨੁਸਯવਸੇਨਾਤਿ ਦੁਨ੍ਨੀਹਰਣਅਪ੍ਪਹੀਨਾਨੁਸਯવਸੇਨ ਥਿਰਭਾવਂ ਪਤ੍ਤੋ ਉਪਗਤੋ ਹੁਤ੍વਾ ਤਿਟ੍ਠਤਿ।

    Vinibaddho mānavasenāti nānāvidhena mānātimānavasena nānāvidhe ārammaṇe baddho hutvā tiṭṭhati. Parāmaṭṭho diṭṭhivasenāti dvāsaṭṭhidiṭṭhīnaṃ vasena parāmaṭṭho āmasitvā gahito. Vikkhepagato uddhaccavasenāti ārammaṇe asantiṭṭhanavasena cittavikkhepaṃ patto upagato. Aniṭṭhaṅgato vicikicchāvasenāti ratanattayādīsu kaṅkhāsaṅkhātāya vicikicchāya vasena sanniṭṭhānaṃ appatto. Thāmagato anusayavasenāti dunnīharaṇaappahīnānusayavasena thirabhāvaṃ patto upagato hutvā tiṭṭhati.

    ਰੂਪੂਪਯਨ੍ਤਿ ਤਣ੍ਹਾਦਿਟ੍ਠੂਪਯવਸੇਨ ਰੂਪਂ ਉਪਗਨ੍ਤ੍વਾ ਆਰਮ੍ਮਣਂ ਕਤ੍વਾ। વਿਞ੍ਞਾਣਂ ਤਿਟ੍ਠਮਾਨਂ ਤਿਟ੍ਠਤੀਤਿ ਤਸ੍ਮਿਂ ਆਰਮ੍ਮਣੇ ਰੂਪਾਰਮ੍ਮਣਂ વਿਞ੍ਞਾਣਂ ਤਿਟ੍ਠਨ੍ਤਂ ਤਿਟ੍ਠਤਿ। ਰੂਪਾਰਮ੍ਮਣਂ ਰੂਪਪਤਿਟ੍ਠਨ੍ਤਿ ਰੂਪਮੇવ ਆਰਮ੍ਮਣਂ ਆਲਮ੍ਬਿਤ੍વਾ ਰੂਪਮੇવ ਪਤਿਟ੍ਠਂ ਕਤ੍વਾ। ਨਨ੍ਦੂਪਸੇਚਨਨ੍ਤਿ ਸਪ੍ਪੀਤਿਕਤਣ੍ਹੋਦਕੇਨ ਆਸਿਤ੍ਤਂ વਿਞ੍ਞਾਣਂ। વੁਦ੍ਧਿਨ੍ਤਿ વੁਦ੍ਧਿਭਾવਂ। વਿਰੂਲ਼੍ਹਿਨ੍ਤਿ ਜવਨવਸੇਨ ਉਪਰਿਤੋ વਿਰੂਲ਼੍ਹਿਭਾવਂ। વੇਪੁਲ੍ਲਨ੍ਤਿ ਤਦਾਰਮ੍ਮਣવਸੇਨ વੇਪੁਲ੍ਲਂ।

    Rūpūpayanti taṇhādiṭṭhūpayavasena rūpaṃ upagantvā ārammaṇaṃ katvā. Viññāṇaṃ tiṭṭhamānaṃ tiṭṭhatīti tasmiṃ ārammaṇe rūpārammaṇaṃ viññāṇaṃ tiṭṭhantaṃ tiṭṭhati. Rūpārammaṇaṃrūpapatiṭṭhanti rūpameva ārammaṇaṃ ālambitvā rūpameva patiṭṭhaṃ katvā. Nandūpasecananti sappītikataṇhodakena āsittaṃ viññāṇaṃ. Vuddhinti vuddhibhāvaṃ. Virūḷhinti javanavasena uparito virūḷhibhāvaṃ. Vepullanti tadārammaṇavasena vepullaṃ.

    ਅਤ੍ਥਿ ਰਾਗੋਤਿਆਦੀਨਿ ਲੋਭਸ੍ਸੇવ ਨਾਮਾਨਿ। ਸੋ ਹਿ ਰਞ੍ਜਨવਸੇਨ ਰਾਗੋ, ਨਨ੍ਦਨવਸੇਨ ਨਨ੍ਦੀ, ਤਣ੍ਹਾਯਨવਸੇਨ ਤਣ੍ਹਾਤਿ વੁਚ੍ਚਤਿ। ਪਤਿਟ੍ਠਿਤਂ ਤਤ੍ਥ વਿਞ੍ਞਾਣਂ વਿਰੂਲ਼੍ਹਨ੍ਤਿ ਕਮ੍ਮਂ ਜવਾਪੇਤ੍વਾ ਪਟਿਸਨ੍ਧਿਆਕਡ੍ਢਨਸਮਤ੍ਥਤਾਯ ਪਤਿਟ੍ਠਿਤਞ੍ਚੇવ વਿਰੂਲ਼੍ਹਞ੍ਚ। ਯਤ੍ਥਾਤਿ ਤੇਭੂਮਕવਟ੍ਟੇ ਭੁਮ੍ਮਂ। ਸਬ੍ਬਤ੍ਥ વਾ ਪੁਰਿਮਪਦੇ ਏਤਂ ਭੁਮ੍ਮਂ। ਅਤ੍ਥਿ ਤਤ੍ਥ ਸਙ੍ਖਾਰਾਨਂ વੁਦ੍ਧੀਤਿ ਇਦਂ ਇਮਸ੍ਮਿਂ વਿਪਾਕવਟ੍ਟੇ ਠਿਤਸ੍ਸ ਆਯਤਿਂ વਟ੍ਟਹੇਤੁਕੇ ਸਙ੍ਖਾਰੇ ਸਨ੍ਧਾਯ વੁਤ੍ਤਂ। ਯਤ੍ਥ ਅਤ੍ਥਿ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤੀਤਿ ਯਸ੍ਮਿਂ ਠਾਨੇ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤਿ ਅਤ੍ਥਿ। ਤਤ੍ਥ ਪੁਰਿਮਸੁਤ੍ਤਂ ਰੂਪਾਦਿਆਰਮ੍ਮਣਲਗ੍ਗਨવਸੇਨ વੁਤ੍ਤਂ, ਦੁਤਿਯਸੁਤ੍ਤਂ ਤਦੇવਾਰਮ੍ਮਣਂ ਅਭਿਨਨ੍ਦਨવਸੇਨ વੁਤ੍ਤਂ, ਤਤਿਯਂ વਿਞ੍ਞਾਣਪਤਿਟ੍ਠਾਨવਸੇਨ વੁਤ੍ਤਂ, ਚਤੁਤ੍ਥਂ ਚਤੁਬ੍ਬਿਧਆਹਾਰવਸੇਨ, ਕੁਸਲਾਕੁਸਲવਿਞ੍ਞਾਣਪਤਿਟ੍ਠਾਨવਸੇਨ વੁਤ੍ਤਨ੍ਤਿ ਞਾਤਬ੍ਬਂ।

    Atthirāgotiādīni lobhasseva nāmāni. So hi rañjanavasena rāgo, nandanavasena nandī, taṇhāyanavasena taṇhāti vuccati. Patiṭṭhitaṃ tattha viññāṇaṃ virūḷhanti kammaṃ javāpetvā paṭisandhiākaḍḍhanasamatthatāya patiṭṭhitañceva virūḷhañca. Yatthāti tebhūmakavaṭṭe bhummaṃ. Sabbattha vā purimapade etaṃ bhummaṃ. Atthi tattha saṅkhārānaṃ vuddhīti idaṃ imasmiṃ vipākavaṭṭe ṭhitassa āyatiṃ vaṭṭahetuke saṅkhāre sandhāya vuttaṃ. Yattha atthi āyatiṃ punabbhavābhinibbattīti yasmiṃ ṭhāne āyatiṃ punabbhavābhinibbatti atthi. Tattha purimasuttaṃ rūpādiārammaṇalagganavasena vuttaṃ, dutiyasuttaṃ tadevārammaṇaṃ abhinandanavasena vuttaṃ, tatiyaṃ viññāṇapatiṭṭhānavasena vuttaṃ, catutthaṃ catubbidhaāhāravasena, kusalākusalaviññāṇapatiṭṭhānavasena vuttanti ñātabbaṃ.

    ਯੇਭੁਯ੍ਯੇਨਾਤਿ ਪਾਯੇਨ। ਮੁਯ੍ਹਨ੍ਤੀਤਿ ਮੋਹਂ ਆਪਜ੍ਜਨ੍ਤਿ। ਸਮ੍ਮੁਯ੍ਹਨ੍ਤੀਤਿ વਿਸੇਸੇਨ ਮੁਯ੍ਹਨ੍ਤਿ। ਸਮ੍ਪਮੁਯ੍ਹਨ੍ਤੀਤਿ ਸਬ੍ਬਾਕਾਰੇਨ ਮੁਯ੍ਹਨ੍ਤਿ। ਅਥ વਾ ਰੂਪਾਰਮ੍ਮਣਂ ਪਟਿਚ੍ਚ ਮੁਯ੍ਹਨ੍ਤਿ, ਸਦ੍ਦਾਰਮ੍ਮਣਂ ਪਟਿਚ੍ਚ ਸਮ੍ਮੁਯ੍ਹਨ੍ਤਿ, ਮੁਤਾਰਮ੍ਮਣਂ ਪਟਿਚ੍ਚ ਸਮ੍ਪਮੁਯ੍ਹਨ੍ਤਿ। ਅવਿਜ੍ਜਾਯ ਅਨ੍ਧੀਕਤਾਤਿ ਅਟ੍ਠਸੁ ਠਾਨੇਸੁ ਅਞ੍ਞਾਣਾਯ ਅવਿਜ੍ਜਾਯ ਅਨ੍ਧੀਕਤਾ। ‘‘ਗਤਾ’’ਤਿ વਾ ਪਾਠੋ, ਅਨ੍ਧਭਾવਂ ਉਪਗਤਾਤਿ ਅਤ੍ਥੋ। ਪਗਾਲ਼੍ਹੋਤਿ ਪવਿਟ੍ਠੋ। ਓਗਾਲ਼੍ਹੋਤਿ ਹੇਟ੍ਠਾਭਾਗਂ ਪવਿਟ੍ਠੋ। ਅਜ੍ਝੋਗਾਲ਼੍ਹੋਤਿ ਅਧਿਓਗਾਹਿਤ੍વਾ ਅવਤ੍ਥਰਿਤ੍વਾ વਿਸੇਸੇਨ ਪવਿਟ੍ਠੋ ਨਿਮੁਗ੍ਗੋਤਿ ਅਧੋਮੁਖਂ ਹੁਤ੍વਾ ਪવਿਟ੍ਠੋ। ਅਥ વਾ ਦਸ੍ਸਨਸਂਸਗ੍ਗੇਨ ਓਗਾਲ਼੍ਹੋ। ਸવਨਸਂਸਗ੍ਗੇਨ ਅਜ੍ਝੋਗਾਲ਼੍ਹੋ। વਚਨਸਂਸਗ੍ਗੇਨ ਨਿਮੁਗ੍ਗੋ। ਸਪ੍ਪੁਰਿਸਸਂਸਗ੍ਗવਿਰਹਿਤੋ વਾ ਓਗਾਲ਼੍ਹੋ। ਸਦ੍ਧਮ੍ਮਸੇવਨવਿਰਹਿਤੋ વਾ ਅਜ੍ਝੋਗਾਲ਼੍ਹੋ। ਧਮ੍ਮਾਨੁਧਮ੍ਮਪਟਿਪਤ੍ਤਿવਿਰਹਿਤੋ વਾ ਨਿਮੁਗ੍ਗੋ।

    Yebhuyyenāti pāyena. Muyhantīti mohaṃ āpajjanti. Sammuyhantīti visesena muyhanti. Sampamuyhantīti sabbākārena muyhanti. Atha vā rūpārammaṇaṃ paṭicca muyhanti, saddārammaṇaṃ paṭicca sammuyhanti, mutārammaṇaṃ paṭicca sampamuyhanti. Avijjāya andhīkatāti aṭṭhasu ṭhānesu aññāṇāya avijjāya andhīkatā. ‘‘Gatā’’ti vā pāṭho, andhabhāvaṃ upagatāti attho. Pagāḷhoti paviṭṭho. Ogāḷhoti heṭṭhābhāgaṃ paviṭṭho. Ajjhogāḷhoti adhiogāhitvā avattharitvā visesena paviṭṭho nimuggoti adhomukhaṃ hutvā paviṭṭho. Atha vā dassanasaṃsaggena ogāḷho. Savanasaṃsaggena ajjhogāḷho. Vacanasaṃsaggena nimuggo. Sappurisasaṃsaggavirahito vā ogāḷho. Saddhammasevanavirahito vā ajjhogāḷho. Dhammānudhammapaṭipattivirahito vā nimuggo.

    વਿવੇਕਾਤਿ વਿવਿਤ੍ਤਿ, વਿવਿਚ੍ਚਨਂ વਾ વਿવੇਕੋ। ਤਯੋਤਿ ਗਣਨਪਰਿਚ੍ਛੇਦੋ। ਕਾਯવਿવੇਕੋਤਿ ਕਾਯੇਨ વਿવਿਤ੍ਤਿ, વਿਨਾ ਅਪਸਕ੍ਕਨਂ। ਚਿਤ੍ਤવਿવੇਕਾਦੀਸੁਪਿ ਏਸੇવ ਨਯੋ। ਇਧ ਭਿਕ੍ਖੂਤਿ ਇਮਸ੍ਮਿਂ ਸਾਸਨੇ। ਸਂਸਾਰੇ ਭਯਂ ਇਕ੍ਖਨਤੋ ਭਿਕ੍ਖੁ। વਿવਿਤ੍ਤਨ੍ਤਿ ਸੁਞ੍ਞਂ, ਅਪ੍ਪਸਦ੍ਦਂ ਅਪ੍ਪਨਿਗ੍ਘੋਸਨ੍ਤਿ ਅਤ੍ਥੋ। ਏਤਦੇવ ਹਿ ਸਨ੍ਧਾਯ વਿਭਙ੍ਗੇ ‘‘વਿવਿਤ੍ਤਨ੍ਤਿ ਸਨ੍ਤਿਕੇ ਚੇਪਿ ਸੇਨਾਸਨਂ ਹੋਤਿ, ਤਞ੍ਚ ਅਨਾਕਿਣ੍ਣਂ ਗਹਟ੍ਠੇਹਿ ਪਬ੍ਬਜਿਤੇਹਿ, ਤੇਨ ਤਂ વਿવਿਤ੍ਤ’’ਨ੍ਤਿ (વਿਭ॰ ੫੨੬) વੁਤ੍ਤਂ। ਸੇਤਿ ਚੇવ ਆਸਤਿ ਚ ਏਤ੍ਥਾਤਿ ਸੇਨਾਸਨਂ, ਮਞ੍ਚਪੀਠਾਦੀਨਮੇਤਮਧਿવਚਨਂ। ਤੇਨਾਹ –

    Vivekāti vivitti, viviccanaṃ vā viveko. Tayoti gaṇanaparicchedo. Kāyavivekoti kāyena vivitti, vinā apasakkanaṃ. Cittavivekādīsupi eseva nayo. Idha bhikkhūti imasmiṃ sāsane. Saṃsāre bhayaṃ ikkhanato bhikkhu. Vivittanti suññaṃ, appasaddaṃ appanigghosanti attho. Etadeva hi sandhāya vibhaṅge ‘‘vivittanti santike cepi senāsanaṃ hoti, tañca anākiṇṇaṃ gahaṭṭhehi pabbajitehi, tena taṃ vivitta’’nti (vibha. 526) vuttaṃ. Seti ceva āsati ca etthāti senāsanaṃ, mañcapīṭhādīnametamadhivacanaṃ. Tenāha –

    ‘‘ਸੇਨਾਸਨਨ੍ਤਿ ਮਞ੍ਚੋਪਿ ਸੇਨਾਸਨਂ, ਪੀਠਮ੍ਪਿ… ਭਿਸਿਪਿ… ਬਿਬ੍ਬੋਹਨਮ੍ਪਿ… વਿਹਾਰੋਪਿ… ਅਡ੍ਢਯੋਗੋਪਿ… ਪਾਸਾਦੋਪਿ… ਅਟ੍ਟੋਪਿ… ਮਾਲ਼ੋਪਿ… ਲੇਣਮ੍ਪਿ… ਗੁਹਾਪਿ… ਰੁਕ੍ਖਮੂਲਮ੍ਪਿ… વੇਲ਼ੁਗੁਮ੍ਬੋਪਿ… ਯਤ੍ਥ વਾ ਪਨ ਭਿਕ੍ਖੂ ਪਟਿਕ੍ਕਮਨ੍ਤਿ, ਸਬ੍ਬਮੇਤਂ ਸੇਨਾਸਨ’’ਨ੍ਤਿ (વਿਭ॰ ੫੨੭)।

    ‘‘Senāsananti mañcopi senāsanaṃ, pīṭhampi… bhisipi… bibbohanampi… vihāropi… aḍḍhayogopi… pāsādopi… aṭṭopi… māḷopi… leṇampi… guhāpi… rukkhamūlampi… veḷugumbopi… yattha vā pana bhikkhū paṭikkamanti, sabbametaṃ senāsana’’nti (vibha. 527).

    ਅਪਿ ਚ વਿਹਾਰੋ ਅਡ੍ਢਯੋਗੋ ਪਾਸਾਦੋ ਹਮ੍ਮਿਯਂ ਗੁਹਾਤਿ ਇਦਂ વਿਹਾਰਸੇਨਾਸਨਂ ਨਾਮ। ਮਞ੍ਚੋ ਪੀਠਂ ਭਿਸਿ ਬਿਬ੍ਬੋਹਨਨ੍ਤਿ ਇਦਂ ਮਞ੍ਚਪੀਠਸੇਨਾਸਨਂ ਨਾਮ। ਚਿਮਿਲਿਕਾ ਚਮ੍ਮਖਣ੍ਡੋ ਤਿਣਸਨ੍ਥਾਰੋ ਪਣ੍ਣਸਨ੍ਥਾਰੋਤਿ ਇਦਂ ਸਨ੍ਥਤਸੇਨਾਸਨਂ ਨਾਮ। ਯਤ੍ਥ વਾ ਪਨ ਭਿਕ੍ਖੂ ਪਟਿਕ੍ਕਮਨ੍ਤਿ, ਇਦਂ ਓਕਾਸਸੇਨਾਸਨਂ ਨਾਮਾਤਿ ਏવਂ ਚਤੁਬ੍ਬਿਧਂ ਸੇਨਾਸਨਂ ਹੋਤਿ। ਤਂ ਸਬ੍ਬਮ੍ਪਿ ਸੇਨਾਸਨਗ੍ਗਹਣੇਨ ਗਹਿਤਮੇવ।

    Api ca vihāro aḍḍhayogo pāsādo hammiyaṃ guhāti idaṃ vihārasenāsanaṃ nāma. Mañco pīṭhaṃ bhisi bibbohananti idaṃ mañcapīṭhasenāsanaṃ nāma. Cimilikā cammakhaṇḍo tiṇasanthāro paṇṇasanthāroti idaṃ santhatasenāsanaṃ nāma. Yattha vā pana bhikkhū paṭikkamanti, idaṃ okāsasenāsanaṃ nāmāti evaṃ catubbidhaṃ senāsanaṃ hoti. Taṃ sabbampi senāsanaggahaṇena gahitameva.

    ਇਧ ਪਨਸ੍ਸ ਸਕੁਣਸਦਿਸਸ੍ਸ ਚਾਤੁਦ੍ਦਿਸਸ੍ਸ ਭਿਕ੍ਖੁਨੋ ਅਨੁਚ੍ਛવਿਕਸੇਨਾਸਨਂ ਦਸ੍ਸੇਨ੍ਤੋ ‘‘ਅਰਞ੍ਞਂ ਰੁਕ੍ਖਮੂਲ’’ਨ੍ਤਿਆਦਿਮਾਹ। ਤਤ੍ਥ ਅਰਞ੍ਞਨ੍ਤਿ ‘‘ਨਿਕ੍ਖਮਿਤ੍વਾ ਬਹਿ ਇਨ੍ਦਖੀਲਾ ਸਬ੍ਬਮੇਤਂ ਅਰਞ੍ਞ’’ਨ੍ਤਿ (વਿਭ॰ ੫੨੯) ਇਦਂ ਭਿਕ੍ਖੁਨੀਨਂ વਸੇਨ ਆਗਤਂ। ‘‘ਆਰਞ੍ਞਕਂ ਨਾਮ ਸੇਨਾਸਨਂ ਪਞ੍ਚਧਨੁਸਤਿਕਂ ਪਚ੍ਛਿਮ’’ਨ੍ਤਿ (ਪਾਰਾ॰ ੬੫੪) ਇਦਂ ਪਨ ਇਮਸ੍ਸ ਭਿਕ੍ਖੁਨੋ ਅਨੁਰੂਪਂ। ਤਸ੍ਸ ਲਕ੍ਖਣਂ વਿਸੁਦ੍ਧਿਮਗ੍ਗੇ ਧੁਤਙ੍ਗਨਿਦ੍ਦੇਸੇ (વਿਸੁਦ੍ਧਿ॰ ੧.੩੧) વੁਤ੍ਤਂ। ਰੁਕ੍ਖਮੂਲਨ੍ਤਿ ਯਂਕਿਞ੍ਚਿ ਸਨ੍ਤਚ੍ਛਾਯਂ વਿવਿਤ੍ਤਂ ਰੁਕ੍ਖਮੂਲਂ। ਪਬ੍ਬਤਨ੍ਤਿ ਸੇਲਂ। ਤਤ੍ਥ ਹਿ ਉਦਕਸੋਣ੍ਡੀਸੁ ਉਦਕਕਿਚ੍ਚਂ ਕਤ੍વਾ ਸੀਤਾਯ ਰੁਕ੍ਖਚ੍ਛਾਯਾਯ ਨਿਸਿਨ੍ਨਸ੍ਸ ਨਾਨਾਦਿਸਾਸੁ ਖਾਯਮਾਨਾਸੁ ਸੀਤੇਨ વਾਤੇਨ ਬੀਜਿਯਮਾਨਸ੍ਸ ਚਿਤ੍ਤਂ ਏਕਗ੍ਗਂ ਹੋਤਿ। ਕਨ੍ਦਰਨ੍ਤਿ ਕਂ વੁਚ੍ਚਤਿ ਉਦਕਂ, ਤੇਨ ਦਾਰਿਤਂ, ਉਦਕੇਨ ਭਿਨ੍ਨਂ ਪਬ੍ਬਤਪਦੇਸਂ। ਯਂ ‘‘ਨਦੀਤੁਮ੍ਬ’’ਨ੍ਤਿਪਿ ‘‘ਨਦੀਕੁਞ੍ਜ’’ਨ੍ਤਿਪਿ વਦਨ੍ਤਿ। ਤਤ੍ਥ ਹਿ ਰਜਤਪਟ੍ਟਸਦਿਸਾ વਾਲੁਕਾ ਹੋਤਿ, ਮਤ੍ਥਕੇ ਮਣਿવਿਤਾਨਂ વਿਯ વਨਗਹਨਂ, ਮਣਿਖਨ੍ਧਸਦਿਸਂ ਉਦਕਂ ਸਨ੍ਦਤਿ। ਏવਰੂਪਂ ਕਨ੍ਦਰਂ ਓਰੁਯ੍ਹ ਪਾਨੀਯਂ ਪਿવਿਤ੍વਾ ਗਤ੍ਤਾਨਿ ਸੀਤਾਨਿ ਕਤ੍વਾ વਾਲੁਕਂ ਉਸ੍ਸਾਪੇਤ੍વਾ ਪਂਸੁਕੂਲਚੀવਰਂ ਪਞ੍ਞਪੇਤ੍વਾ ਨਿਸਿਨ੍ਨਸ੍ਸ ਸਮਣਧਮ੍ਮਂ ਕਰੋਤੋ ਚਿਤ੍ਤਂ ਏਕਗ੍ਗਂ ਹੋਤਿ। ਗਿਰਿਗੁਹਨ੍ਤਿ ਦ੍વਿਨ੍ਨਂ ਪਬ੍ਬਤਾਨਂ ਅਨ੍ਤਰਂ, ਏਕਸ੍ਮਿਂਯੇવ વਾ ਉਮਙ੍ਗਸਦਿਸਂ ਮਹਾવਿવਰਂ। ਸੁਸਾਨਲਕ੍ਖਣਂ વਿਸੁਦ੍ਧਿਮਗ੍ਗੇ (વਿਸੁਦ੍ਧਿ॰ ੧.੩੪) વੁਤ੍ਤਂ।

    Idha panassa sakuṇasadisassa cātuddisassa bhikkhuno anucchavikasenāsanaṃ dassento ‘‘araññaṃ rukkhamūla’’ntiādimāha. Tattha araññanti ‘‘nikkhamitvā bahi indakhīlā sabbametaṃ arañña’’nti (vibha. 529) idaṃ bhikkhunīnaṃ vasena āgataṃ. ‘‘Āraññakaṃ nāma senāsanaṃ pañcadhanusatikaṃ pacchima’’nti (pārā. 654) idaṃ pana imassa bhikkhuno anurūpaṃ. Tassa lakkhaṇaṃ visuddhimagge dhutaṅganiddese (visuddhi. 1.31) vuttaṃ. Rukkhamūlanti yaṃkiñci santacchāyaṃ vivittaṃ rukkhamūlaṃ. Pabbatanti selaṃ. Tattha hi udakasoṇḍīsu udakakiccaṃ katvā sītāya rukkhacchāyāya nisinnassa nānādisāsu khāyamānāsu sītena vātena bījiyamānassa cittaṃ ekaggaṃ hoti. Kandaranti kaṃ vuccati udakaṃ, tena dāritaṃ, udakena bhinnaṃ pabbatapadesaṃ. Yaṃ ‘‘nadītumba’’ntipi ‘‘nadīkuñja’’ntipi vadanti. Tattha hi rajatapaṭṭasadisā vālukā hoti, matthake maṇivitānaṃ viya vanagahanaṃ, maṇikhandhasadisaṃ udakaṃ sandati. Evarūpaṃ kandaraṃ oruyha pānīyaṃ pivitvā gattāni sītāni katvā vālukaṃ ussāpetvā paṃsukūlacīvaraṃ paññapetvā nisinnassa samaṇadhammaṃ karoto cittaṃ ekaggaṃ hoti. Giriguhanti dvinnaṃ pabbatānaṃ antaraṃ, ekasmiṃyeva vā umaṅgasadisaṃ mahāvivaraṃ. Susānalakkhaṇaṃ visuddhimagge (visuddhi. 1.34) vuttaṃ.

    વਨਪਤ੍ਥਨ੍ਤਿ ਗਾਮਨ੍ਤਂ ਅਤਿਕ੍ਕਮਿਤ੍વਾ ਮਨੁਸ੍ਸਾਨਂ ਅਨੁਪਚਾਰਟ੍ਠਾਨਂ ਯਤ੍ਥ ਨ ਕਸਨ੍ਤਿ ਨ વਪਨ੍ਤਿ। ਤੇਨੇવਾਹ ‘‘વਨਪਤ੍ਥਨ੍ਤਿ ਦੂਰਾਨਮੇਤਂ ਸੇਨਾਸਨਾਨਂ ਅਧਿવਚਨ’’ਨ੍ਤਿਆਦਿ (વਿਭ॰ ੫੩੧)। ਅਬ੍ਭੋਕਾਸਨ੍ਤਿ ਅਚ੍ਛਨ੍ਨਂ। ਆਕਙ੍ਖਮਾਨੋ ਪਨੇਤ੍ਥ ਚੀવਰਕੁਟਿਂ ਕਤ੍વਾ વਸਤਿ। ਪਲਾਲਪੁਞ੍ਜਨ੍ਤਿ ਪਲਾਲਰਾਸਿਂ। ਮਹਾਪਲਾਲਪੁਞ੍ਜਤੋ ਹਿ ਪਲਾਲਂ ਨਿਕ੍ਕਡ੍ਢਿਤ੍વਾ ਪਬ੍ਭਾਰਲੇਣਸਦਿਸੇ ਆਲਯੇ ਕਰੋਨ੍ਤਿ, ਗਚ੍ਛਗੁਮ੍ਬਾਦੀਨਮ੍ਪਿ ਉਪਰਿ ਪਲਾਲਂ ਪਕ੍ਖਿਪਿਤ੍વਾ ਹੇਟ੍ਠਾ ਨਿਸਿਨ੍ਨਾ ਸਮਣਧਮ੍ਮਂ ਕਰੋਨ੍ਤਿ। ਸਬ੍ਬਮੇਤਂ ਸਨ੍ਧਾਯ વੁਤ੍ਤਂ ‘‘ਕਾਯੇਨ વਿવਿਤ੍ਤੋ વਿਹਰਤੀ’’ਤਿਆਦਿ। ਏਕੋ ਚਙ੍ਕਮਂ ਅਧਿਟ੍ਠਾਤਿ ਪવਤ੍ਤਯਤੀਤਿ વੁਤ੍ਤਂ ਹੋਤਿ। ਇਰਿਯਤੀਤਿ ਇਰਿਯਾਪਥਂ વਤ੍ਤਯਤਿ। વਤ੍ਤਤੀਤਿ ਇਰਿਯਾਪਥવੁਤ੍ਤਿਂ ਉਪ੍ਪਾਦੇਤਿ। ਪਾਲੇਤੀਤਿ ਇਰਿਯਾਪਥਂ ਰਕ੍ਖਤਿ। ਯਪੇਤੀਤਿ ਯਪਯਤਿ। ਯਾਪੇਤੀਤਿ ਯਾਪਯਤਿ।

    Vanapatthanti gāmantaṃ atikkamitvā manussānaṃ anupacāraṭṭhānaṃ yattha na kasanti na vapanti. Tenevāha ‘‘vanapatthanti dūrānametaṃ senāsanānaṃ adhivacana’’ntiādi (vibha. 531). Abbhokāsanti acchannaṃ. Ākaṅkhamāno panettha cīvarakuṭiṃ katvā vasati. Palālapuñjanti palālarāsiṃ. Mahāpalālapuñjato hi palālaṃ nikkaḍḍhitvā pabbhāraleṇasadise ālaye karonti, gacchagumbādīnampi upari palālaṃ pakkhipitvā heṭṭhā nisinnā samaṇadhammaṃ karonti. Sabbametaṃ sandhāya vuttaṃ ‘‘kāyena vivitto viharatī’’tiādi. Eko caṅkamaṃ adhiṭṭhāti pavattayatīti vuttaṃ hoti. Iriyatīti iriyāpathaṃ vattayati. Vattatīti iriyāpathavuttiṃ uppādeti. Pāletīti iriyāpathaṃ rakkhati. Yapetīti yapayati. Yāpetīti yāpayati.

    ਪਠਮਂ ਝਾਨਂ ਸਮਾਪਨ੍ਨਸ੍ਸਾਤਿ ਕੁਸਲਜ੍ਝਾਨਸਮਙ੍ਗਿਸ੍ਸ। ਨੀવਰਣੇਹਿ ਚਿਤ੍ਤਂ વਿવਿਤ੍ਤਨ੍ਤਿ ਉਪਚਾਰੇਨ ਨੀવਰਣੇਹਿ વਿવਿਤ੍ਤਮ੍ਪਿ ਸਮਾਨਂ ਅਨ੍ਤੋਅਪ੍ਪਨਾਯਂ ਸੁਟ੍ਠੁ વਿવਿਤ੍ਤਂ ਨਾਮ ਹੋਤੀਤਿ ਦਸ੍ਸੇਤੁਂ ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਨੀવਰਣੇਹਿ ਚਿਤ੍ਤਂ વਿવਿਤ੍ਤਂ ਹੋਤੀ’’ਤਿ વੁਤ੍ਤਂ। ਏਸੇવ ਨਯੋ વਿਤਕ੍ਕવਿਚਾਰਪੀਤਿਸੁਖਦੁਕ੍ਖੇਹਿ ਦੁਤਿਯਤਤਿਯਚਤੁਤ੍ਥਜ੍ਝਾਨਾਨਿ ਸਮਾਪਨ੍ਨਾਨਨ੍ਤਿ। ਰੂਪਸਞ੍ਞਾਯਾਤਿ ਕੁਸਲવਿਪਾਕਕਿਰਿਯવਸੇਨ ਪਞ੍ਚਦਸਨ੍ਨਂ ਰੂਪਾવਚਰਜ੍ਝਾਨਾਨਂ ਸਞ੍ਞਾਯ। ਪਟਿਘਸਞ੍ਞਾਯਾਤਿ ਚਕ੍ਖੁਰੂਪਾਦਿਸਙ੍ਘਟ੍ਟਨੇਨ ਉਪ੍ਪਨ੍ਨਾਯ ਕੁਸਲਾਕੁਸਲવਿਪਾਕવਸੇਨ ਦ੍વਿਪਞ੍ਚવਿਞ੍ਞਾਣਸਙ੍ਖਾਤਾਯ ਪਟਿਘਸਞ੍ਞਾਯ ਚ। ਨਾਨਤ੍ਤਸਞ੍ਞਾਯਾਤਿ ਨਾਨਾਰਮ੍ਮਣੇ ਪવਤ੍ਤਾਯ ਚਤੁਚਤ੍ਤਾਲੀਸਕਾਮਾવਚਰਸਞ੍ਞਾਯ ਚ ਚਿਤ੍ਤਂ વਿવਿਤ੍ਤਂ ਹੋਤਿ ਸੁਞ੍ਞਂ ਹੋਤਿ।

    Paṭhamaṃjhānaṃ samāpannassāti kusalajjhānasamaṅgissa. Nīvaraṇehi cittaṃ vivittanti upacārena nīvaraṇehi vivittampi samānaṃ antoappanāyaṃ suṭṭhu vivittaṃ nāma hotīti dassetuṃ ‘‘paṭhamaṃ jhānaṃ samāpannassa nīvaraṇehi cittaṃ vivittaṃ hotī’’ti vuttaṃ. Eseva nayo vitakkavicārapītisukhadukkhehi dutiyatatiyacatutthajjhānāni samāpannānanti. Rūpasaññāyāti kusalavipākakiriyavasena pañcadasannaṃ rūpāvacarajjhānānaṃ saññāya. Paṭighasaññāyāti cakkhurūpādisaṅghaṭṭanena uppannāya kusalākusalavipākavasena dvipañcaviññāṇasaṅkhātāya paṭighasaññāya ca. Nānattasaññāyāti nānārammaṇe pavattāya catucattālīsakāmāvacarasaññāya ca cittaṃ vivittaṃ hoti suññaṃ hoti.

    ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸਾਤਿ ਏਤ੍ਥ ਨਾਸ੍ਸ ਅਨ੍ਤੋਤਿ ਅਨਨ੍ਤਂ, ਆਕਾਸਂ ਅਨਨ੍ਤਂ ਆਕਾਸਾਨਨ੍ਤਂ, ਆਕਾਸਾਨਨ੍ਤਮੇવ ਆਕਾਸਾਨਞ੍ਚਂ, ਤਂ ਆਕਾਸਾਨਞ੍ਚਂ ਅਧਿਟ੍ਠਾਨਟ੍ਠੇਨ ਆਯਤਨਮਸ੍ਸ ਸਸਮ੍ਪਯੁਤ੍ਤਧਮ੍ਮਸ੍ਸ ਝਾਨਸ੍ਸ ਦੇવਾਨਂ ਦੇવਾਯਤਨਮਿવਾਤਿ ਆਕਾਸਾਨਞ੍ਚਾਯਤਨਂ, ਕਸਿਣੁਗ੍ਘਾਟਿਮਾਕਾਸਾਰਮ੍ਮਣਝਾਨਸ੍ਸੇਤਂ ਅਧਿવਚਨਂ। ਤਂ ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸ ਕੁਸਲਕਿਰਿਯਝਾਨਂ ਸਮਾਪਨ੍ਨਸ੍ਸ। ਰੂਪਸਞ੍ਞਾਯਾਤਿ ਸਞ੍ਞਾਸੀਸੇਨ ਰੂਪਾવਚਰਜ੍ਝਾਨਤੋ ਚੇવ ਤਦਾਰਮ੍ਮਣਤੋ ਚ। ਰੂਪਾવਚਰਜ੍ਝਾਨਮ੍ਪਿ ਹਿ ‘‘ਰੂਪ’’ਨ੍ਤਿ વੁਚ੍ਚਤਿ ‘‘ਰੂਪੀ ਰੂਪਾਨਿ ਪਸ੍ਸਤੀ’’ਤਿਆਦੀਸੁ (ਪਟਿ॰ ਮ॰ ੧.੨੦੯), ਤਸ੍ਸ ਆਰਮ੍ਮਣਮ੍ਪਿ ‘‘ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਸੁવਣ੍ਣਦੁਬ੍ਬਣ੍ਣਾਨੀ’’ਤਿਆਦੀਸੁਪਿ (ਪਟਿ॰ ਮ॰ ੧.੨੦੯)। ਤਸ੍ਮਾ ਇਧ ਰੂਪੇ ਸਞ੍ਞਾ ਰੂਪਸਞ੍ਞਾਤਿ ਏવਂ ਸਞ੍ਞਾਸੀਸੇਨ ਰੂਪਾવਚਰਜ੍ਝਾਨਸ੍ਸੇਤਂ ਅਧਿવਚਨਂ। ਰੂਪੇ ਸਞ੍ਞਾ ਅਸ੍ਸਾਤਿ ਰੂਪਸਞ੍ਞਂ, ਰੂਪਮਸ੍ਸ ਨਾਮਨ੍ਤਿ વੁਤ੍ਤਂ ਹੋਤਿ। ਏવਂ ਪਥવੀਕਸਿਣਾਦਿਭੇਦਸ੍ਸ ਤਦਾਰਮ੍ਮਣਸ੍ਸ ਚੇਤਂ ਅਧਿવਚਨਨ੍ਤਿ વੇਦਿਤਬ੍ਬਂ। ਏਤਾਯ ਕੁਸਲવਿਪਾਕਕਿਰਿਯਾવਸੇਨ ਪਞ੍ਚਦਸવਿਧਾਯ ਝਾਨਸਙ੍ਖਾਤਾਯ ਰੂਪਸਞ੍ਞਾਯ। ਏਤਾਯ ਚ ਪਥવੀਕਸਿਣਾਦਿવਸੇਨ ਅਟ੍ਠવਿਧਾਯ ਆਰਮ੍ਮਣਸਙ੍ਖਾਤਾਯ ਰੂਪਸਞ੍ਞਾਯ।

    Ākāsānañcāyatanaṃ samāpannassāti ettha nāssa antoti anantaṃ, ākāsaṃ anantaṃ ākāsānantaṃ, ākāsānantameva ākāsānañcaṃ, taṃ ākāsānañcaṃ adhiṭṭhānaṭṭhena āyatanamassa sasampayuttadhammassa jhānassa devānaṃ devāyatanamivāti ākāsānañcāyatanaṃ, kasiṇugghāṭimākāsārammaṇajhānassetaṃ adhivacanaṃ. Taṃ ākāsānañcāyatanaṃ samāpannassa kusalakiriyajhānaṃ samāpannassa. Rūpasaññāyāti saññāsīsena rūpāvacarajjhānato ceva tadārammaṇato ca. Rūpāvacarajjhānampi hi ‘‘rūpa’’nti vuccati ‘‘rūpī rūpāni passatī’’tiādīsu (paṭi. ma. 1.209), tassa ārammaṇampi ‘‘bahiddhā rūpāni passati suvaṇṇadubbaṇṇānī’’tiādīsupi (paṭi. ma. 1.209). Tasmā idha rūpe saññā rūpasaññāti evaṃ saññāsīsena rūpāvacarajjhānassetaṃ adhivacanaṃ. Rūpe saññā assāti rūpasaññaṃ, rūpamassa nāmanti vuttaṃ hoti. Evaṃ pathavīkasiṇādibhedassa tadārammaṇassa cetaṃ adhivacananti veditabbaṃ. Etāya kusalavipākakiriyāvasena pañcadasavidhāya jhānasaṅkhātāya rūpasaññāya. Etāya ca pathavīkasiṇādivasena aṭṭhavidhāya ārammaṇasaṅkhātāya rūpasaññāya.

    ਪਟਿਘਸਞ੍ਞਾਯਾਤਿ ਚਕ੍ਖਾਦੀਨਂ વਤ੍ਥੂਨਂ ਰੂਪਾਦੀਨਂ ਆਰਮ੍ਮਣਾਨਞ੍ਚ ਪਟਿਘਾਤੇਨ ਸਮੁਪ੍ਪਨ੍ਨਾ ਸਞ੍ਞਾ ਪਟਿਘਸਞ੍ਞਾ, ਰੂਪਸਞ੍ਞਾਦੀਨਂ ਏਤਂ ਅਧਿવਚਨਂ। ਯਥਾਹ – ‘‘ਤਤ੍ਥ ਕਤਮਾ ਪਟਿਘਸਞ੍ਞਾ? ਰੂਪਸਞ੍ਞਾ ਸਦ੍ਦਸਞ੍ਞਾ ਗਨ੍ਧਸਞ੍ਞਾ ਰਸਸਞ੍ਞਾ ਫੋਟ੍ਠਬ੍ਬਸਞ੍ਞਾ, ਇਮਾ વੁਚ੍ਚਨ੍ਤਿ ਪਟਿਘਸਞ੍ਞਾਯੋ’’ਤਿ (વਿਭ॰ ੬੦੩)। ਤਾ ਕੁਸਲવਿਪਾਕਾ ਪਞ੍ਚ ਅਕੁਸਲવਿਪਾਕਾ ਪਞ੍ਚਾਤਿ ਏਤਾਯ ਪਟਿਘਸਞ੍ਞਾਯ।

    Paṭighasaññāyāti cakkhādīnaṃ vatthūnaṃ rūpādīnaṃ ārammaṇānañca paṭighātena samuppannā saññā paṭighasaññā, rūpasaññādīnaṃ etaṃ adhivacanaṃ. Yathāha – ‘‘tattha katamā paṭighasaññā? Rūpasaññā saddasaññā gandhasaññā rasasaññā phoṭṭhabbasaññā, imā vuccanti paṭighasaññāyo’’ti (vibha. 603). Tā kusalavipākā pañca akusalavipākā pañcāti etāya paṭighasaññāya.

    ਨਾਨਤ੍ਤਸਞ੍ਞਾਯਾਤਿ ਨਾਨਤ੍ਤੇ ਗੋਚਰੇ ਪવਤ੍ਤਾਯ ਸਞ੍ਞਾਯ, ਨਾਨਤ੍ਤਾਯ વਾ ਸਞ੍ਞਾਯ। ਯਥਾਹ – ‘‘ਤਤ੍ਥ ਕਤਮਾ ਨਾਨਤ੍ਤਸਞ੍ਞਾ? ਅਸਮਾਪਨ੍ਨਸ੍ਸ ਮਨੋਧਾਤੁਸਮਙ੍ਗਿਸ੍ਸ વਾ ਮਨੋવਿਞ੍ਞਾਣਧਾਤੁਸਮਙ੍ਗਿਸ੍ਸ વਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ, ਇਮਾ વੁਚ੍ਚਨ੍ਤਿ ਨਾਨਤ੍ਤਸਞ੍ਞਾਯੋ’’ਤਿ (વਿਭ॰ ੬੦੪) ਏવਂ વਿਭਙ੍ਗੇ વਿਭਜਿਤ੍વਾ વੁਤ੍ਤਾ। ਤਾ ਇਧ ਅਧਿਪ੍ਪੇਤਾ। ਅਸਮਾਪਨ੍ਨਸ੍ਸ ਮਨੋਧਾਤੁਮਨੋવਿਞ੍ਞਾਣਧਾਤੁਸਙ੍ਗਹਿਤਾ ਸਞ੍ਞਾ ਰੂਪਸਦ੍ਦਾਦਿਭੇਦੇ ਨਾਨਤ੍ਤੇ ਨਾਨਾਸਭਾવੇ ਗੋਚਰੇ ਪવਤ੍ਤਨ੍ਤਿ। ਯਸ੍ਮਾ ਚੇਸਾ ਅਟ੍ਠ ਕਾਮਾવਚਰਕੁਸਲਸਞ੍ਞਾ, ਦ੍વਾਦਸ ਅਕੁਸਲਸਞ੍ਞਾ, ਏਕਾਦਸ ਕਾਮਾવਚਰਕੁਸਲવਿਪਾਕਸਞ੍ਞਾ, ਦ੍વੇ ਅਕੁਸਲવਿਪਾਕਸਞ੍ਞਾ , ਏਕਾਦਸ ਕਾਮਾવਚਰਕਿਰਿਯਸਞ੍ਞਾਤਿ ਏવਂ ਚਤੁਚਤ੍ਤਾਲੀਸਮ੍ਪਿ ਸਞ੍ਞਾ ਨਾਨਤ੍ਤਾ ਨਾਨਾਸਭਾવਾ ਅਞ੍ਞਮਞ੍ਞਂ ਅਸਦਿਸਾ, ਤਸ੍ਮਾ ‘‘ਨਾਨਤ੍ਤਸਞ੍ਞਾ’’ਤਿ વੁਤ੍ਤਾ, ਤਾਯ ਨਾਨਤ੍ਤਸਞ੍ਞਾਯ।

    Nānattasaññāyāti nānatte gocare pavattāya saññāya, nānattāya vā saññāya. Yathāha – ‘‘tattha katamā nānattasaññā? Asamāpannassa manodhātusamaṅgissa vā manoviññāṇadhātusamaṅgissa vā saññā sañjānanā sañjānitattaṃ, imā vuccanti nānattasaññāyo’’ti (vibha. 604) evaṃ vibhaṅge vibhajitvā vuttā. Tā idha adhippetā. Asamāpannassa manodhātumanoviññāṇadhātusaṅgahitā saññā rūpasaddādibhede nānatte nānāsabhāve gocare pavattanti. Yasmā cesā aṭṭha kāmāvacarakusalasaññā, dvādasa akusalasaññā, ekādasa kāmāvacarakusalavipākasaññā, dve akusalavipākasaññā , ekādasa kāmāvacarakiriyasaññāti evaṃ catucattālīsampi saññā nānattā nānāsabhāvā aññamaññaṃ asadisā, tasmā ‘‘nānattasaññā’’ti vuttā, tāya nānattasaññāya.

    ਚਿਤ੍ਤਂ વਿવਿਤ੍ਤਂ ਹੋਤੀਤਿ ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸ ਰੂਪਸਞ੍ਞਾਪਟਿਘਸਞ੍ਞਾਨਾਨਤ੍ਤਸਞ੍ਞਾਸਙ੍ਖਾਤਾਹਿ ਸਞ੍ਞਾਹਿ ਝਾਨਚਿਤ੍ਤਂ વਿવਿਤ੍ਤਂ ਹੋਤਿ વਿਨਾ ਹੋਤਿ ਅਪਸਕ੍ਕਨਂ ਹੋਤਿ। વਿਞ੍ਞਾਣਞ੍ਚਾਯਤਨਨ੍ਤਿ ਏਤਦੇવ વਿਞ੍ਞਾਣਂ ਅਧਿਟ੍ਠਾਨਟ੍ਠੇਨ ਆਯਤਨਮਸ੍ਸਾਤਿ વਿਞ੍ਞਾਣਞ੍ਚਾਯਤਨਂ, ਆਕਾਸੇ ਪવਤ੍ਤવਿਞ੍ਞਾਣਾਰਮ੍ਮਣਸ੍ਸ ਝਾਨਸ੍ਸੇਤਂ ਅਧਿવਚਨਂ। ਤਂ ਝਾਨਂ ਸਮਾਪਨ੍ਨਸ੍ਸ વੁਤ੍ਤਪ੍ਪਕਾਰਾਯ ਆਕਾਸਾਨਞ੍ਚਾਯਤਨਸਞ੍ਞਾਯ ਚਿਤ੍ਤਂ વਿવਿਤ੍ਤਂ ਹੋਤਿ।

    Cittaṃ vivittaṃ hotīti ākāsānañcāyatanaṃ samāpannassa rūpasaññāpaṭighasaññānānattasaññāsaṅkhātāhi saññāhi jhānacittaṃ vivittaṃ hoti vinā hoti apasakkanaṃ hoti. Viññāṇañcāyatananti etadeva viññāṇaṃ adhiṭṭhānaṭṭhena āyatanamassāti viññāṇañcāyatanaṃ, ākāse pavattaviññāṇārammaṇassa jhānassetaṃ adhivacanaṃ. Taṃ jhānaṃ samāpannassa vuttappakārāya ākāsānañcāyatanasaññāya cittaṃ vivittaṃ hoti.

    ਆਕਿਞ੍ਚਞ੍ਞਾਯਤਨਨ੍ਤਿ ਏਤ੍ਥ ਪਨ ਨਾਸ੍ਸ ਕਿਞ੍ਚਨਨ੍ਤਿ ਅਕਿਞ੍ਚਨਂ, ਅਨ੍ਤਮਸੋ ਭਙ੍ਗਮਤ੍ਤਮ੍ਪਿ ਅਸ੍ਸ ਅવਸਿਟ੍ਠਂ ਨਤ੍ਥੀਤਿ વੁਤ੍ਤਂ ਹੋਤਿ। ਅਕਿਞ੍ਚਨਸ੍ਸ ਭਾવੋ ਆਕਿਞ੍ਚਞ੍ਞਂ, ਆਕਾਸਾਨਞ੍ਚਾਯਤਨવਿਞ੍ਞਾਣਾਪਗਮਸ੍ਸੇਤਂ ਅਧਿવਚਨਂ। ਤਂ ਆਕਿਞ੍ਚਞ੍ਞਂ ਅਧਿਟ੍ਠਾਨਟ੍ਠੇਨ ਆਯਤਨਮਸ੍ਸਾਤਿ ਆਕਿਞ੍ਚਞ੍ਞਾਯਤਨਂ, ਆਕਾਸੇ ਪવਤ੍ਤਿਤવਿਞ੍ਞਾਣਾਪਗਮਾਰਮ੍ਮਣਝਾਨਸ੍ਸੇਤਂ ਅਧਿવਚਨਂ। ਤਂ ਆਕਿਞ੍ਚਞ੍ਞਾਯਤਨਂ ਸਮਾਪਨ੍ਨਸ੍ਸ ਤਾਯ વਿਞ੍ਞਾਣਞ੍ਚਾਯਤਨਸਞ੍ਞਾਯ ਚਿਤ੍ਤਂ વਿવਿਤ੍ਤਂ।

    Ākiñcaññāyatananti ettha pana nāssa kiñcananti akiñcanaṃ, antamaso bhaṅgamattampi assa avasiṭṭhaṃ natthīti vuttaṃ hoti. Akiñcanassa bhāvo ākiñcaññaṃ, ākāsānañcāyatanaviññāṇāpagamassetaṃ adhivacanaṃ. Taṃ ākiñcaññaṃ adhiṭṭhānaṭṭhena āyatanamassāti ākiñcaññāyatanaṃ, ākāse pavattitaviññāṇāpagamārammaṇajhānassetaṃ adhivacanaṃ. Taṃ ākiñcaññāyatanaṃ samāpannassa tāya viññāṇañcāyatanasaññāya cittaṃ vivittaṃ.

    ਨੇવਸਞ੍ਞਾਨਾਸਞ੍ਞਾਯਤਨਨ੍ਤਿ ਏਤ੍ਥ ਪਨ ਯਾਯ ਸਞ੍ਞਾਯ ਭਾવਤੋ ਤਂ ‘‘ਨੇવਸਞ੍ਞਾਨਾਸਞ੍ਞਾਯਤਨ’’ਨ੍ਤਿ વੁਚ੍ਚਤਿ, ਯਥਾਪਟਿਪਨ੍ਨਸ੍ਸ ਸਾ ਸਞ੍ਞਾ ਹੋਤਿ, ਤਂ ਤਾવ ਦਸ੍ਸੇਤੁਂ વਿਭਙ੍ਗੇ (વਿਭ॰ ੬੨੦) ‘‘ਨੇવਸਞ੍ਞੀਨਾਸਞ੍ਞੀ’’ਤਿ ਉਦ੍ਧਰਿਤ੍વਾ ਤਞ੍ਞੇવ ‘‘ਆਕਿਞ੍ਚਞ੍ਞਾਯਤਨਂ ਸਨ੍ਤਤੋ ਮਨਸਿ ਕਰੋਤਿ, ਸਙ੍ਖਾਰਾવਸੇਸਸਮਾਪਤ੍ਤਿਂ ਭਾવੇਤਿ, ਤੇਨ વੁਚ੍ਚਤਿ ਨੇવਸਞ੍ਞੀਨਾਸਞ੍ਞੀ’’ਤਿ વੁਤ੍ਤਂ। ਤਤ੍ਥ ਸਨ੍ਤਤੋ ਮਨਸਿ ਕਰੋਤੀਤਿ ‘‘ਸਨ੍ਤੋવਤਾਯਂ ਸਮਾਪਤ੍ਤਿ, ਯਤ੍ਰ ਹਿ ਨਾਮ ਨਤ੍ਥਿਭਾવਮ੍ਪਿ ਆਰਮ੍ਮਣਂ ਕਰਿਤ੍વਾ વਸਤੀ’’ਤਿ ਏવਂ ਸਨ੍ਤਾਰਮ੍ਮਣਤਾਯ ਨਂ ‘‘ਸਨ੍ਤਾ’’ਤਿ ਮਨਸਿ ਕਰੋਤਿ। ਤਂ ਨੇવਸਞ੍ਞਾਨਾਸਞ੍ਞਾਯਤਨਂ ਅਪ੍ਪੇਤ੍વਾ ਨਿਸਿਨ੍ਨਸ੍ਸ ਤਾਯ ਆਕਿਞ੍ਚਞ੍ਞਾਯਤਨਸਞ੍ਞਾਯ ਝਾਨਚਿਤ੍ਤਂ ਸੁਞ੍ਞਂ ਹੋਤਿ।

    Nevasaññānāsaññāyatananti ettha pana yāya saññāya bhāvato taṃ ‘‘nevasaññānāsaññāyatana’’nti vuccati, yathāpaṭipannassa sā saññā hoti, taṃ tāva dassetuṃ vibhaṅge (vibha. 620) ‘‘nevasaññīnāsaññī’’ti uddharitvā taññeva ‘‘ākiñcaññāyatanaṃ santato manasi karoti, saṅkhārāvasesasamāpattiṃ bhāveti, tena vuccati nevasaññīnāsaññī’’ti vuttaṃ. Tattha santato manasi karotīti ‘‘santovatāyaṃ samāpatti, yatra hi nāma natthibhāvampi ārammaṇaṃ karitvā vasatī’’ti evaṃ santārammaṇatāya naṃ ‘‘santā’’ti manasi karoti. Taṃ nevasaññānāsaññāyatanaṃ appetvā nisinnassa tāya ākiñcaññāyatanasaññāya jhānacittaṃ suññaṃ hoti.

    ਸੋਤਾਪਨ੍ਨਸ੍ਸਾਤਿ ਸੋਤਾਪਤ੍ਤਿਫਲਂ ਪਤ੍ਤਸ੍ਸ। ਸਕ੍ਕਾਯਦਿਟ੍ਠਿਯਾਤਿ વੀਸਤਿવਤ੍ਥੁਕਾਯ ਸਕ੍ਕਾਯਦਿਟ੍ਠਿਯਾ। વਿਚਿਕਿਚ੍ਛਾਯਾਤਿ ਅਟ੍ਠਸੁ ਠਾਨੇਸੁ ਕਙ੍ਖਾਯ। ਸੀਲਬ੍ਬਤਪਰਾਮਾਸਾਤਿ ‘‘ਸੀਲੇਨ ਸੁਦ੍ਧਿ, વਤੇਨ ਸੁਦ੍ਧੀ’’ਤਿ ਪਰਾਮਸਿਤ੍વਾ ਉਪ੍ਪਜ੍ਜਨਕਦਿਟ੍ਠਿ। ਦਿਟ੍ਠਾਨੁਸਯਾਤਿ ਅਪ੍ਪਹੀਨਟ੍ਠੇਨ ਸਨ੍ਤਾਨੇ ਅਨੁਸਯਕਾ ਦਿਟ੍ਠਾਨੁਸਯਾ। ਤਥਾ વਿਚਿਕਿਚ੍ਛਾਨੁਸਯਾ। ਤਦੇਕਟ੍ਠੇਹਿ ਚਾਤਿ ਤੇਹਿ ਸਕ੍ਕਾਯਦਿਟ੍ਠਿਆਦੀਹਿ ਏਕਤੋ ਠਿਤੇਹਿ ਚ। ਉਪਤਾਪੇਨ੍ਤਿ વਿਬਾਧੇਨ੍ਤਿ ਚਾਤਿ ਕਿਲੇਸਾ, ਤੇਹਿ ਸਕ੍ਕਾਯਦਿਟ੍ਠਿਯਾਦਿਕਿਲੇਸੇਹਿ ਚਿਤ੍ਤਂ વਿવਿਤ੍ਤਂ ਸੁਞ੍ਞਂ ਹੋਤਿ। ਏਤ੍ਥ ‘‘ਤਦੇਕਟ੍ਠ’’ਨ੍ਤਿ ਦੁવਿਧਂ ਏਕਟ੍ਠਂ ਪਹਾਨੇਕਟ੍ਠਂ ਸਹਜੇਕਟ੍ਠਞ੍ਚ। ਅਪਾਯਗਮਨੀਯਾ ਹਿ ਕਿਲੇਸਾ ਯਾવ ਸੋਤਾਪਤ੍ਤਿਮਗ੍ਗੇਨ ਨ ਪਹੀਯਨ੍ਤਿ, ਤਾવ ਦਿਟ੍ਠਿવਿਚਿਕਿਚ੍ਛਾਹਿ ਸਹ ਏਕਸ੍ਮਿਂ ਪੁਗ੍ਗਲੇ ਠਿਤਾਤਿ ਪਹਾਨੇਕਟ੍ਠਾ। ਦਸਸੁ ਹਿ ਕਿਲੇਸੇਸੁ ਇਧ ਦਿਟ੍ਠਿવਿਚਿਕਿਚ੍ਛਾ ਏવ ਆਗਤਾ। ਅਨੁਸਯੇਸੁ ਦਿਟ੍ਠਾਨੁਸਯવਿਚਿਕਿਚ੍ਛਾਨੁਸਯਾ ਆਗਤਾ। ਸੇਸਾ ਪਨ ਅਪਾਯਗਮਨੀਯੋ ਲੋਭੋ ਦੋਸੋ ਮੋਹੋ ਮਾਨੋ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਨ੍ਤਿ ਅਟ੍ਠ ਕਿਲੇਸਾ ਦਿਟ੍ਠਿવਿਚਿਕਿਚ੍ਛਾਹਿ ਸਹ ਪਹਾਨੇਕਟ੍ਠਾ ਹੁਤ੍વਾ ਦ੍વੀਹਿ ਅਨੁਸਯੇਹਿ ਸਦ੍ਧਿਂ ਸੋਤਾਪਤ੍ਤਿਮਗ੍ਗੇਨ ਪਹੀਯਨ੍ਤਿ। ਰਾਗਦੋਸਮੋਹਪਮੁਖੇਸੁ વਾ ਦਿਯਡ੍ਢੇਸੁ ਕਿਲੇਸਸਹਸ੍ਸੇਸੁ ਸੋਤਾਪਤ੍ਤਿਮਗ੍ਗੇਨ ਦਿਟ੍ਠਿਯਾ ਪਹੀਯਮਾਨਾਯ ਦਿਟ੍ਠਿਯਾ ਸਹ વਿਚਿਕਿਚ੍ਛਾ ਪਹੀਨਾ, ਦਿਟ੍ਠਾਨੁਸਯવਿਚਿਕਿਚ੍ਛਾਨੁਸਯੇਹਿ ਸਹ ਅਪਾਯਗਮਨੀਯਾ ਸਬ੍ਬਕਿਲੇਸਾ ਪਹਾਨੇਕਟ੍ਠવਸੇਨ ਪਹੀਯਨ੍ਤਿ। ਸਹਜੇਕਟ੍ਠਾ ਪਨ ਦਿਟ੍ਠਿਯਾ ਸਹ વਿਚਿਕਿਚ੍ਛਾਯ ਚ ਸਹ ਏਕੇਕਸ੍ਮਿਂ ਚਿਤ੍ਤੇ ਠਿਤਾ ਅવਸੇਸਕਿਲੇਸਾ।

    Sotāpannassāti sotāpattiphalaṃ pattassa. Sakkāyadiṭṭhiyāti vīsativatthukāya sakkāyadiṭṭhiyā. Vicikicchāyāti aṭṭhasu ṭhānesu kaṅkhāya. Sīlabbataparāmāsāti ‘‘sīlena suddhi, vatena suddhī’’ti parāmasitvā uppajjanakadiṭṭhi. Diṭṭhānusayāti appahīnaṭṭhena santāne anusayakā diṭṭhānusayā. Tathā vicikicchānusayā. Tadekaṭṭhehi cāti tehi sakkāyadiṭṭhiādīhi ekato ṭhitehi ca. Upatāpenti vibādhenti cāti kilesā, tehi sakkāyadiṭṭhiyādikilesehi cittaṃ vivittaṃ suññaṃ hoti. Ettha ‘‘tadekaṭṭha’’nti duvidhaṃ ekaṭṭhaṃ pahānekaṭṭhaṃ sahajekaṭṭhañca. Apāyagamanīyā hi kilesā yāva sotāpattimaggena na pahīyanti, tāva diṭṭhivicikicchāhi saha ekasmiṃ puggale ṭhitāti pahānekaṭṭhā. Dasasu hi kilesesu idha diṭṭhivicikicchā eva āgatā. Anusayesu diṭṭhānusayavicikicchānusayā āgatā. Sesā pana apāyagamanīyo lobho doso moho māno thinaṃ uddhaccaṃ ahirikaṃ anottappanti aṭṭha kilesā diṭṭhivicikicchāhi saha pahānekaṭṭhā hutvā dvīhi anusayehi saddhiṃ sotāpattimaggena pahīyanti. Rāgadosamohapamukhesu vā diyaḍḍhesu kilesasahassesu sotāpattimaggena diṭṭhiyā pahīyamānāya diṭṭhiyā saha vicikicchā pahīnā, diṭṭhānusayavicikicchānusayehi saha apāyagamanīyā sabbakilesā pahānekaṭṭhavasena pahīyanti. Sahajekaṭṭhā pana diṭṭhiyā saha vicikicchāya ca saha ekekasmiṃ citte ṭhitā avasesakilesā.

    ਸੋਤਾਪਤ੍ਤਿਮਗ੍ਗੇਨ ਹਿ ਚਤ੍ਤਾਰਿ ਦਿਟ੍ਠਿਸਹਗਤਾਨਿ વਿਚਿਕਿਚ੍ਛਾਸਹਗਤਞ੍ਚਾਤਿ ਪਞ੍ਚ ਚਿਤ੍ਤਾਨਿ ਪਹੀਯਨ੍ਤਿ। ਤਤ੍ਥ ਦ੍વੀਸੁ ਦਿਟ੍ਠਿਸਮ੍ਪਯੁਤ੍ਤਅਸਙ੍ਖਾਰਿਕਚਿਤ੍ਤੇਸੁ ਪਹੀਯਮਾਨੇਸੁ ਤੇਹਿ ਸਹਜਾਤੋ ਲੋਭੋ ਮੋਹੋ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਨ੍ਤਿ ਇਮੇ ਕਿਲੇਸਾ ਸਹਜੇਕਟ੍ਠવਸੇਨ ਪਹੀਯਨ੍ਤਿ, ਦ੍વੀਸੁ ਦਿਟ੍ਠਿਸਮ੍ਪਯੁਤ੍ਤਸਸਙ੍ਖਾਰਿਕਚਿਤ੍ਤੇਸੁ ਪਹੀਯਮਾਨੇਸੁ ਤੇਹਿ ਸਹਜਾਤੋ ਲੋਭੋ ਮੋਹੋ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਨ੍ਤਿ ਇਮੇ ਕਿਲੇਸਾ ਸਹਜੇਕਟ੍ਠવਸੇਨ ਪਹੀਯਨ੍ਤਿ, વਿਚਿਕਿਚ੍ਛਾਸਹਗਤਚਿਤ੍ਤੇ ਪਹੀਯਮਾਨੇ ਤੇਨ ਸਹਜਾਤੋ ਮੋਹੋ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਨ੍ਤਿ ਇਮੇ ਕਿਲੇਸਾ ਸਹਜੇਕਟ੍ਠવਸੇਨ ਪਹੀਯਨ੍ਤਿ। ਤੇਹਿ ਦੁવਿਧੇਕਟ੍ਠੇਹਿ ਕਿਲੇਸੇਹਿ ਚਿਤ੍ਤਂ વਿવਿਤ੍ਤਂ ਹੋਤੀਤਿ ਮਗ੍ਗਚਿਤ੍ਤਂ વਿવਿਚ੍ਚਤਿ, ਫਲਚਿਤ੍ਤਂ વਿવਿਤ੍ਤਂ વਿਯੁਤ੍ਤਂ ਅਪਸਕ੍ਕਿਤਂ ਸੁਞ੍ਞਂ ਹੋਤੀਤਿ ਅਤ੍ਥੋ।

    Sotāpattimaggena hi cattāri diṭṭhisahagatāni vicikicchāsahagatañcāti pañca cittāni pahīyanti. Tattha dvīsu diṭṭhisampayuttaasaṅkhārikacittesu pahīyamānesu tehi sahajāto lobho moho uddhaccaṃ ahirikaṃ anottappanti ime kilesā sahajekaṭṭhavasena pahīyanti, dvīsu diṭṭhisampayuttasasaṅkhārikacittesu pahīyamānesu tehi sahajāto lobho moho thinaṃ uddhaccaṃ ahirikaṃ anottappanti ime kilesā sahajekaṭṭhavasena pahīyanti, vicikicchāsahagatacitte pahīyamāne tena sahajāto moho uddhaccaṃ ahirikaṃ anottappanti ime kilesā sahajekaṭṭhavasena pahīyanti. Tehi duvidhekaṭṭhehi kilesehi cittaṃ vivittaṃ hotīti maggacittaṃ viviccati, phalacittaṃ vivittaṃ viyuttaṃ apasakkitaṃ suññaṃ hotīti attho.

    ਸਕਦਾਗਾਮਿਸ੍ਸ ਓਲ਼ਾਰਿਕਾ ਕਾਮਰਾਗਸਞ੍ਞੋਜਨਾਤਿ ਓਲ਼ਾਰਿਕਭੂਤਾ ਕਾਯਦ੍વਾਰੇ વੀਤਿਕ੍ਕਮਸ੍ਸ ਪਚ੍ਚਯਭਾવੇਨ ਥੂਲਭੂਤਾ ਮੇਥੁਨਰਾਗਸਙ੍ਖਾਤਾ ਸਞ੍ਞੋਜਨਾ। ਸੋ ਹਿ ਕਾਮਭવੇ ਸਞ੍ਞੋਜੇਤੀਤਿ ‘‘ਸਞ੍ਞੋਜਨ’’ਨ੍ਤਿ વੁਚ੍ਚਤਿ। ਪਟਿਘਸਞ੍ਞੋਜਨਾਤਿ ਬ੍ਯਾਪਾਦਸਞ੍ਞੋਜਨਾ। ਸੋ ਹਿ ਆਰਮ੍ਮਣੇ ਪਟਿਹਞ੍ਞਤੀਤਿ ‘‘ਪਟਿਘ’’ਨ੍ਤਿ વੁਚ੍ਚਤਿ। ਤੇ ਏવ ਥਾਮਗਤਟ੍ਠੇਨ ਸਨ੍ਤਾਨੇ ਅਨੁਸੇਨ੍ਤੀਤਿ ਅਨੁਸਯਾ। ਅਣੁਸਹਗਤਾਤਿ ਸੁਖੁਮਭੂਤਾ ਕਾਮਰਾਗਸਞ੍ਞੋਜਨਾ ਪਟਿਘਸਞ੍ਞੋਜਨਾ ਅਣੁਸਹਗਤਾ ਕਾਮਰਾਗਾਨੁਸਯਾ ਪਟਿਘਾਨੁਸਯਾਤਿ ਅਪ੍ਪਹੀਨਟ੍ਠੇਨ ਸਨ੍ਤਾਨੇ ਅਨੁਸਯਨવਸੇਨ ਸੁਖੁਮਭੂਤਾ ਕਾਮਰਾਗਪਟਿਘਾਨੁਸਯਾ। ਤਦੇਕਟ੍ਠੇਹਿ ਚਾਤਿ વੁਤ੍ਤਤ੍ਥੇਹਿ ਦੁવਿਧੇਕਟ੍ਠੇਹਿ ਕਿਲੇਸੇਹਿ ਚਿਤ੍ਤਂ વਿવਿਤ੍ਤਂ ਸੁਞ੍ਞਂ ਹੋਤਿ।

    Sakadāgāmissa oḷārikā kāmarāgasaññojanāti oḷārikabhūtā kāyadvāre vītikkamassa paccayabhāvena thūlabhūtā methunarāgasaṅkhātā saññojanā. So hi kāmabhave saññojetīti ‘‘saññojana’’nti vuccati. Paṭighasaññojanāti byāpādasaññojanā. So hi ārammaṇe paṭihaññatīti ‘‘paṭigha’’nti vuccati. Te eva thāmagataṭṭhena santāne anusentīti anusayā. Aṇusahagatāti sukhumabhūtā kāmarāgasaññojanā paṭighasaññojanā aṇusahagatā kāmarāgānusayā paṭighānusayāti appahīnaṭṭhena santāne anusayanavasena sukhumabhūtā kāmarāgapaṭighānusayā. Tadekaṭṭhehi cāti vuttatthehi duvidhekaṭṭhehi kilesehi cittaṃ vivittaṃ suññaṃ hoti.

    ਅਰਹਤੋਤਿ ਕਿਲੇਸਾਰੀਨਂ ਹਤਤ੍ਤਾ ‘‘ਅਰਹਾ’’ਤਿ ਲਦ੍ਧਨਾਮਸ੍ਸ। ਰੂਪਰਾਗਾਤਿ ਰੂਪਭવੇ ਛਨ੍ਦਰਾਗਾ । ਅਰੂਪਰਾਗਾਤਿ ਅਰੂਪਭવੇ ਛਨ੍ਦਰਾਗਾ। ਮਾਨਾਤਿ ਅਰਹਤ੍ਤਮਗ੍ਗવਜ੍ਝਾ ਮਾਨਾ ਏવ। ਤਥਾ ਉਦ੍ਧਚ੍ਚਅવਿਜ੍ਜਾਮਾਨਾਨੁਸਯਾਦਯੋ ਅਰਹਤ੍ਤਮਗ੍ਗવਜ੍ਝਾ। ਏਤੇਸੁ ਉਣ੍ਣਤਿਲਕ੍ਖਣੋ ਮਾਨੋ। ਅવੂਪਸਮਲਕ੍ਖਣਂ ਉਦ੍ਧਚ੍ਚਂ। ਅਨ੍ਧਭਾવਲਕ੍ਖਣਾ ਅવਿਜ੍ਜਾ। ਰੂਪਰਾਗਅਰੂਪਰਾਗવਸੇਨ ਪવਤ੍ਤਾ ਭવਰਾਗਾਨੁਸਯਾ। ਤਦੇਕਟ੍ਠੇਹਿ ਚਾਤਿ ਤੇਹਿ ਏਕਤੋ ਠਿਤੇਹਿ ਚ ਕਿਲੇਸੇਹਿ। ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹੀਤਿ ਅਜ੍ਝਤ੍ਤਚਿਤ੍ਤਸਨ੍ਤਾਨੇ ਅਕੁਸਲਕ੍ਖਨ੍ਧੇ ਉਪਾਦਾਯ ‘‘ਬਹਿਦ੍ਧਾ’’ਤਿ ਸਙ੍ਖਂ ਗਤੇਹਿ ਅਜ੍ਝਤ੍ਤਂ ਮੁਞ੍ਚਿਤ੍વਾ ਬਹਿਦ੍ਧਾ ਪવਤ੍ਤੇਹਿ ਸਬ੍ਬਸਙ੍ਖਾਰਨਿਮਿਤ੍ਤੇਹਿ ਮਗ੍ਗਚਿਤ੍ਤਂ વਿવਿਚ੍ਚਤਿ વਿਨਾ ਹੋਤਿ ਅਪਸਕ੍ਕਤਿ, ਫਲਚਿਤ੍ਤਂ વਿવਿਤ੍ਤਂ વਿਯੁਤ੍ਤਂ ਅਪਸਕ੍ਕਿਤਂ ਹੋਤਿ।

    Arahatoti kilesārīnaṃ hatattā ‘‘arahā’’ti laddhanāmassa. Rūparāgāti rūpabhave chandarāgā . Arūparāgāti arūpabhave chandarāgā. Mānāti arahattamaggavajjhā mānā eva. Tathā uddhaccaavijjāmānānusayādayo arahattamaggavajjhā. Etesu uṇṇatilakkhaṇo māno. Avūpasamalakkhaṇaṃ uddhaccaṃ. Andhabhāvalakkhaṇā avijjā. Rūparāgaarūparāgavasena pavattā bhavarāgānusayā. Tadekaṭṭhehi cāti tehi ekato ṭhitehi ca kilesehi. Bahiddhā ca sabbanimittehīti ajjhattacittasantāne akusalakkhandhe upādāya ‘‘bahiddhā’’ti saṅkhaṃ gatehi ajjhattaṃ muñcitvā bahiddhā pavattehi sabbasaṅkhāranimittehi maggacittaṃ viviccati vinā hoti apasakkati, phalacittaṃ vivittaṃ viyuttaṃ apasakkitaṃ hoti.

    ਤਤ੍ਥ ਕਿਲੇਸਪਟਿਪਾਟਿਯਾ ਮਗ੍ਗਪਟਿਪਾਟਿਯਾ ਚਾਤਿ ਦ੍વਿਧਾ ਅਨੁਸਯਾਨਂ ਅਭਾવੋ વੇਦਿਤਬ੍ਬੋ। ਕਿਲੇਸਪਟਿਪਾਟਿਯਾ ਹਿ ਕਾਮਰਾਗਾਨੁਸਯਪਟਿਘਾਨੁਸਯਾਨਂ ਤਤਿਯਮਗ੍ਗੇਨ ਅਭਾવੋ ਹੋਤਿ, ਮਾਨਾਨੁਸਯਸ੍ਸ ਚਤੁਤ੍ਥਮਗ੍ਗੇਨ, ਦਿਟ੍ਠਾਨੁਸਯવਿਚਿਕਿਚ੍ਛਾਨੁਸਯਾਨਂ ਪਠਮਮਗ੍ਗੇਨ, ਭવਰਾਗਾਨੁਸਯਾવਿਜ੍ਜਾਨੁਸਯਾਨਂ ਚਤੁਤ੍ਥਮਗ੍ਗੇਨੇવ। ਮਗ੍ਗਪਟਿਪਾਟਿਯਾ ਪਨ ਪਠਮਮਗ੍ਗੇਨ ਦਿਟ੍ਠਾਨੁਸਯવਿਚਿਕਿਚ੍ਛਾਨੁਸਯਾਨਂ ਅਭਾવੋ ਹੋਤਿ, ਦੁਤਿਯਮਗ੍ਗੇਨ ਕਾਮਰਾਗਾਨੁਸਯਪਟਿਘਾਨੁਸਯਾਨਂ ਤਨੁਭਾવੋ, ਤਤਿਯਮਗ੍ਗੇਨ ਸਬ੍ਬਸੋ ਅਭਾવੋ, ਚਤੁਤ੍ਥਮਗ੍ਗੇਨ ਮਾਨਾਨੁਸਯਭવਰਾਗਾਨੁਸਯਾવਿਜ੍ਜਾਨੁਸਯਾਨਂ ਅਭਾવੋ ਹੋਤਿ। ਚਿਤ੍ਤવਿવੇਕੋਤਿ ਮਹਗ੍ਗਤਲੋਕੁਤ੍ਤਰਚਿਤ੍ਤਾਨਂ ਕਿਲੇਸੇਹਿ ਸੁਞ੍ਞਭਾવੋ, ਤੁਚ੍ਛਭਾવੋਤਿ ਅਤ੍ਥੋ।

    Tattha kilesapaṭipāṭiyā maggapaṭipāṭiyā cāti dvidhā anusayānaṃ abhāvo veditabbo. Kilesapaṭipāṭiyā hi kāmarāgānusayapaṭighānusayānaṃ tatiyamaggena abhāvo hoti, mānānusayassa catutthamaggena, diṭṭhānusayavicikicchānusayānaṃ paṭhamamaggena, bhavarāgānusayāvijjānusayānaṃ catutthamaggeneva. Maggapaṭipāṭiyā pana paṭhamamaggena diṭṭhānusayavicikicchānusayānaṃ abhāvo hoti, dutiyamaggena kāmarāgānusayapaṭighānusayānaṃ tanubhāvo, tatiyamaggena sabbaso abhāvo, catutthamaggena mānānusayabhavarāgānusayāvijjānusayānaṃ abhāvo hoti. Cittavivekoti mahaggatalokuttaracittānaṃ kilesehi suññabhāvo, tucchabhāvoti attho.

    ਉਪਧਿવਿવੇਕੋਤਿ ਕਿਲੇਸਕ੍ਖਨ੍ਧਅਭਿਸਙ੍ਖਾਰਸਙ੍ਖਾਤਾਨਂ ਉਪਧੀਨਂ ਸੁਞ੍ਞਭਾવੋ। ਉਪਧਿਂ ਤਾવ ਦਸ੍ਸੇਤੁਂ ‘‘ਉਪਧਿ વੁਚ੍ਚਨ੍ਤਿ ਕਿਲੇਸਾ ਚਾ’’ਤਿਆਦਿਮਾਹ। ਰਾਗਾਦਯੋ ਯਸ੍ਸ ਉਪ੍ਪਜ੍ਜਨ੍ਤਿ, ਤਂ ਉਪਤਾਪੇਨ੍ਤਿ વਿਬਾਧੇਨ੍ਤੀਤਿ ਕਿਲੇਸਾ ਚ। ਉਪਾਦਾਨਗੋਚਰਾ ਰੂਪਾਦਯੋ ਪਞ੍ਚਕ੍ਖਨ੍ਧਾ ਚ। ਉਪਾਦਾਨਸਮ੍ਭੂਤਾ ਪੁਞ੍ਞਾਪੁਞ੍ਞਆਨੇਞ੍ਜਾਭਿਸਙ੍ਖਾਰਾ ਚ। ਅਮਤਨ੍ਤਿ ਨਤ੍ਥਿ ਏਤਸ੍ਸ ਮਰਣਸਙ੍ਖਾਤਂ ਮਤਨ੍ਤਿ ਅਮਤਂ, ਕਿਲੇਸવਿਸਪਟਿਪਕ੍ਖਤ੍ਤਾ ਅਗਦਨ੍ਤਿਪਿ ਅਮਤਂ। ਸਂਸਾਰਯੋਨਿਗਤਿਉਪਪਤ੍ਤਿવਿਞ੍ਞਾਣਟ੍ਠਿਤਿਸਤ੍ਤਾવਾਸੇਸੁ ਸਂਸਿਬ੍ਬਤਿ વਿਨਤੀਤਿ ਤਣ੍ਹਾ ‘‘વਾਨ’’ਨ੍ਤਿ વੁਚ੍ਚਤਿ, ਤਂ ਤਤ੍ਥ ਨਤ੍ਥੀਤਿ ਨਿਬ੍ਬਾਨਂ। વਿવੇਕਟ੍ਠਕਾਯਾਨਨ੍ਤਿ ਗਣਸਙ੍ਗਣਿਕਾਯ ਅਪਗਤਸਰੀਰਾਨਂ। ਨੇਕ੍ਖਮ੍ਮਾਭਿਰਤਾਨਨ੍ਤਿ ਨੇਕ੍ਖਮ੍ਮੇ ਕਾਮਾਦਿਤੋ ਨਿਕ੍ਖਨ੍ਤੇ ਪਠਮਜ੍ਝਾਨਾਦਿਕੇ ਅਭਿਰਤਾਨਂ ਤਨ੍ਨਿਨ੍ਨਾਨਂ। ਪਰਮવੋਦਾਨਪ੍ਪਤ੍ਤਾਨਨ੍ਤਿ ਉਤ੍ਤਮਪਰਿਸੁਦ੍ਧਭਾવਫਲਂ ਪਾਪੁਣਿਤ੍વਾ ਠਿਤਾਨਂ। ‘‘ਉਪਕ੍ਕਿਲੇਸਾਭਾવੇਨ ਪਰਿਸੁਦ੍ਧਚਿਤ੍ਤਾਨਂ, ਕਿਲੇਸੇਹਿ ਮੁਤ੍ਤਭਾવੇਨ ਪਰਮવੋਦਾਨਪ੍ਪਤ੍ਤਾਨਂ। વਿਕ੍ਖਮ੍ਭਨਪ੍ਪਹਾਨੇਨ ਪਰਿਸੁਦ੍ਧਚਿਤ੍ਤਾਨਂ, ਸਮੁਚ੍ਛੇਦਪ੍ਪਹਾਨੇਨ ਪਰਮવੋਦਾਨਪ੍ਪਤ੍ਤਾਨ’’ਨ੍ਤਿ ਏવਮੇਕੇ વਣ੍ਣਯਨ੍ਤਿ। ਨਿਰੂਪਧੀਨਨ੍ਤਿ વਿਗਤੂਪਧੀਨਂ। વਿਸਙ੍ਖਾਰਗਤਾਨਨ੍ਤਿ ਸਙ੍ਖਾਰਾਰਮ੍ਮਣਂ ਚਜਿਤ੍વਾ વਿਗਤਸਙ੍ਖਾਰਂ ਨਿਬ੍ਬਾਨਂ ਆਰਮ੍ਮਣવਸੇਨ ਉਪਗਤਾਨਂ। વਿਸਙ੍ਖਾਰਗਤਂ ਚਿਤ੍ਤਨ੍ਤਿ ਏਤ੍ਥਪਿ ਹਿ ਨਿਬ੍ਬਾਨਮੇવ ‘‘વਿਸਙ੍ਖਾਰ’’ਨ੍ਤਿ વੁਤ੍ਤਂ।

    Upadhivivekoti kilesakkhandhaabhisaṅkhārasaṅkhātānaṃ upadhīnaṃ suññabhāvo. Upadhiṃ tāva dassetuṃ ‘‘upadhi vuccanti kilesā cā’’tiādimāha. Rāgādayo yassa uppajjanti, taṃ upatāpenti vibādhentīti kilesā ca. Upādānagocarā rūpādayo pañcakkhandhā ca. Upādānasambhūtā puññāpuññaāneñjābhisaṅkhārā ca. Amatanti natthi etassa maraṇasaṅkhātaṃ matanti amataṃ, kilesavisapaṭipakkhattā agadantipi amataṃ. Saṃsārayonigatiupapattiviññāṇaṭṭhitisattāvāsesu saṃsibbati vinatīti taṇhā ‘‘vāna’’nti vuccati, taṃ tattha natthīti nibbānaṃ. Vivekaṭṭhakāyānanti gaṇasaṅgaṇikāya apagatasarīrānaṃ. Nekkhammābhiratānanti nekkhamme kāmādito nikkhante paṭhamajjhānādike abhiratānaṃ tanninnānaṃ. Paramavodānappattānanti uttamaparisuddhabhāvaphalaṃ pāpuṇitvā ṭhitānaṃ. ‘‘Upakkilesābhāvena parisuddhacittānaṃ, kilesehi muttabhāvena paramavodānappattānaṃ. Vikkhambhanappahānena parisuddhacittānaṃ, samucchedappahānena paramavodānappattāna’’nti evameke vaṇṇayanti. Nirūpadhīnanti vigatūpadhīnaṃ. Visaṅkhāragatānanti saṅkhārārammaṇaṃ cajitvā vigatasaṅkhāraṃ nibbānaṃ ārammaṇavasena upagatānaṃ. Visaṅkhāragataṃ cittanti etthapi hi nibbānameva ‘‘visaṅkhāra’’nti vuttaṃ.

    વਿਦੂਰੇਤਿ વਿવਿਧੇ ਦੂਰੇ। ਸੁવਿਦੂਰੇਤਿ ਸੁਟ੍ਠੁ વਿਦੂਰੇ। ਨ ਸਨ੍ਤਿਕੇਤਿ ਨ ਸਮੀਪੇ। ਨ ਸਾਮਨ੍ਤਾਤਿ ਨ ਏਕਪਸ੍ਸੇ। ਅਨਾਸਨ੍ਨੇਤਿ ਅਨਚ੍ਚਨ੍ਤਸਮੀਪੇ। વਿવੇਕਟ੍ਠੇਤਿ ਅਤਿਦੂਰੇ, વਿਗਤੇਤਿ ਅਤ੍ਥੋ। ਤਾਦਿਸੋਤਿ ਤਂਸਦਿਸੋ। ਤਸ੍ਸਣ੍ਠਿਤੋਤਿ ਤੇਨ ਆਕਾਰੇਨ ਠਿਤੋ। ਤਪ੍ਪਕਾਰੋਤਿ ਤੇਨ ਪਕਾਰੇਨ ਠਿਤੋ। ਤਪ੍ਪਟਿਭਾਗੋਤਿ ਤਂਕੋਟ੍ਠਾਸਿਕੋ। ਅਥ વਾ ‘‘ਅਤ੍ਤਭਾવਗੁਹਾਯ ਲਗ੍ਗਭਾવੇਨ ਤਾਦਿਸੋ। ਕਿਲੇਸੇਹਿ ਛਨ੍ਨਭਾવੇਨ ਤਸ੍ਸਣ੍ਠਿਤੋ। ਮੋਹਨਸ੍ਮਿਂ ਪਗਾਲ਼੍ਹਭਾવੇਨ ਤਪ੍ਪਕਾਰੋ। ਤੀਹਿ વਿવੇਕੇਹਿ ਦੂਰਭਾવੇਨ ਤਪ੍ਪਟਿਭਾਗੋਤਿ ਏવਮੇਕੇ વਣ੍ਣਯਨ੍ਤਿ।

    Vidūreti vividhe dūre. Suvidūreti suṭṭhu vidūre. Na santiketi na samīpe. Na sāmantāti na ekapasse. Anāsanneti anaccantasamīpe. Vivekaṭṭheti atidūre, vigateti attho. Tādisoti taṃsadiso. Tassaṇṭhitoti tena ākārena ṭhito. Tappakāroti tena pakārena ṭhito. Tappaṭibhāgoti taṃkoṭṭhāsiko. Atha vā ‘‘attabhāvaguhāya laggabhāvena tādiso. Kilesehi channabhāvena tassaṇṭhito. Mohanasmiṃ pagāḷhabhāvena tappakāro. Tīhi vivekehi dūrabhāvena tappaṭibhāgoti evameke vaṇṇayanti.

    ਦੁਪ੍ਪਹਾਯਾਤਿ ਸੁਖੇਨ ਪਹਾਤਬ੍ਬਾ ਨ ਹੋਨ੍ਤਿ। ਦੁਚ੍ਚਜ੍ਜਾਤਿ ਸੁਖੇਨ ਜਹਿਤੁਂ ਨ ਸਕ੍ਕਾ। ਦੁਪ੍ਪਰਿਚ੍ਚਜ੍ਜਾਤਿ ਸਬ੍ਬਾਕਾਰੇਨ ਜਹਿਤੁਂ ਨ ਸਕ੍ਕਾ। ਦੁਨ੍ਨਿਮ੍ਮਦਯਾਤਿ ਨਿਮ੍ਮਦਂ ਅਮਦਂ ਕਾਤੁਂ ਨ ਸਕ੍ਕਾ। ਦੁਬ੍ਬਿਨਿવੇਠਯਾਤਿ વਿਨਿવੇਠਨਂ ਮੋਚਨਂ ਕਾਤੁਂ ਨ ਸਕ੍ਕਾ। ਦੁਤ੍ਤਰਾਤਿ ਉਤ੍ਤਰਿਤ੍વਾ ਅਤਿਕ੍ਕਨ੍ਤੁਂ ਨ ਸਕ੍ਕਾ। ਦੁਪ੍ਪਤਰਾਤਿ વਿਸੇਸੇਤ੍વਾ ਤਰਿਤੁਂ ਨ ਸਕ੍ਕਾ। ਦੁਸ੍ਸਮਤਿਕ੍ਕਮਾਤਿ ਦੁਕ੍ਖੇਨ ਅਤਿਕ੍ਕਮਿਤਬ੍ਬਾ। ਦੁਬ੍ਬਿਨਿવਤ੍ਤਾਤਿ ਨਿવਤ੍ਤੇਤੁਂ ਦੁਕ੍ਖਾ। ਅਥ વਾ ‘‘ਪਕਤਿવਸੇਨ ਦੁਪ੍ਪਰਿਚ੍ਚਜ੍ਜਾ। ਗੋਣਪਤਾਸਂ વਿਯ ਦੁਨ੍ਨਿਮ੍ਮਦਯਾ। ਨਾਗਪਾਸਂ વਿਯ ਦੁਬ੍ਬਿਨਿવੇਠਯਾ। ਗਿਮ੍ਹਸਮਯੇ ਮਰੁਕਨ੍ਤਾਰਂ વਿਯ ਦੁਤ੍ਤਰਾ ਦੁਪ੍ਪਤਰਾ। ਬ੍ਯਗ੍ਘਪਰਿਗ੍ਗਹਿਤਾ ਅਟવੀ વਿਯ ਦੁਸ੍ਸਮਤਿਕ੍ਕਮਾ। ਸਮੁਦ੍ਦવੀਚਿ વਿਯ ਦੁਬ੍ਬਿਨਿવਤ੍ਤਾਤਿ ਏવਮੇਕੇ વਣ੍ਣਯਨ੍ਤਿ।

    Duppahāyāti sukhena pahātabbā na honti. Duccajjāti sukhena jahituṃ na sakkā. Duppariccajjāti sabbākārena jahituṃ na sakkā. Dunnimmadayāti nimmadaṃ amadaṃ kātuṃ na sakkā. Dubbiniveṭhayāti viniveṭhanaṃ mocanaṃ kātuṃ na sakkā. Duttarāti uttaritvā atikkantuṃ na sakkā. Duppatarāti visesetvā tarituṃ na sakkā. Dussamatikkamāti dukkhena atikkamitabbā. Dubbinivattāti nivattetuṃ dukkhā. Atha vā ‘‘pakativasena duppariccajjā. Goṇapatāsaṃ viya dunnimmadayā. Nāgapāsaṃ viya dubbiniveṭhayā. Gimhasamaye marukantāraṃ viya duttarā duppatarā. Byagghapariggahitā aṭavī viya dussamatikkamā. Samuddavīci viya dubbinivattāti evameke vaṇṇayanti.

    ੮. ਏવਂ ਪਠਮਗਾਥਾਯ ‘‘ਦੂਰੇ વਿવੇਕਾ ਹਿ ਤਥਾવਿਧੋ’’ਤਿ ਸਾਧੇਤ੍વਾ ਪੁਨ ਤਥਾવਿਧਾਨਂ ਸਤ੍ਤਾਨਂ ਧਮ੍ਮਤਂ ਆવਿ ਕਰੋਨ੍ਤੋ ‘‘ਇਚ੍ਛਾਨਿਦਾਨਾ’’ਤਿਆਦਿਗਾਥਮਾਹ। ਤਤ੍ਥ ਇਚ੍ਛਾਨਿਦਾਨਾਤਿ ਤਣ੍ਹਾਹੇਤੁਕਾ। ਭવਸਾਤਬਦ੍ਧਾਤਿ ਸੁਖવੇਦਨਾਦਿਮ੍ਹਿ ਭવਸਾਤੇਨ ਬਦ੍ਧਾ। ਤੇ ਦੁਪ੍ਪਮੁਞ੍ਚਾਤਿ ਤੇ ਭવਸਾਤવਤ੍ਥੁਭੂਤਾ ਧਮ੍ਮਾ। ਤੇ વਾ ਤਤ੍ਥ ਬਦ੍ਧਾ ਇਚ੍ਛਾਨਿਦਾਨਾ ਸਤ੍ਤਾ ਦੁਪ੍ਪਮੋਚਯਾ। ਨ ਹਿ ਅਞ੍ਞਮੋਕ੍ਖਾਤਿ ਅਞ੍ਞੇ ਚ ਮੋਚੇਤੁਂ ਨ ਸਕ੍ਕੋਨ੍ਤਿ। ਕਾਰਣવਚਨਂ વਾ ਏਤਂ। ਤੇ ਸਤ੍ਤਾ ਦੁਪ੍ਪਮੁਞ੍ਚਾ। ਕਸ੍ਮਾ? ਯਸ੍ਮਾ ਅਞ੍ਞੇਨ ਮੋਚੇਤਬ੍ਬਾ ਨ ਹੋਨ੍ਤਿ। ਯਦਿ ਸਤ੍ਤਾ ਮੁਞ੍ਚੇਯ੍ਯੁਂ, ਸਕੇਨ ਥਾਮੇਨ ਮੁਞ੍ਚੇਯ੍ਯੁਨ੍ਤਿ ਅਯਮਸ੍ਸ ਅਤ੍ਥੋ। ਪਚ੍ਛਾ ਪੁਰੇ વਾਪਿ ਅਪੇਕ੍ਖਮਾਨਾਤਿ ਅਨਾਗਤੇ ਅਤੀਤੇ વਾ ਕਾਮੇ ਅਪੇਕ੍ਖਮਾਨਾ। ਇਮੇ વ ਕਾਮੇ ਪੁਰਿਮੇ વ ਜਪ੍ਪਨ੍ਤਿ ਇਮੇ વਾ ਪਚ੍ਚੁਪ੍ਪਨ੍ਨੇ ਕਾਮੇ ਪੁਰਿਮੇ વਾ ਦੁવਿਧੇਪਿ ਅਤੀਤਾਨਾਗਤੇ ਬਲવਤਣ੍ਹਾਯ ਪਤ੍ਥਯਮਾਨਾ। ਇਮੇਸਞ੍ਚ ਦ੍વਿਨ੍ਨਂ ਪਦਾਨਂ ‘‘ਤੇ ਦੁਪ੍ਪਮੁਞ੍ਚਾ ਨ ਹਿ ਅਞ੍ਞਮੋਕ੍ਖਾ’’ਤਿ ਇਮਿਨਾવ ਸਹ ਸਮ੍ਬਨ੍ਧੋ વੇਦਿਤਬ੍ਬੋ। ਇਤਰਥਾ ਅਪੇਕ੍ਖਮਾਨਾ ਜਪ੍ਪਂ ਕਿਂ ਕਰੋਨ੍ਤਿ, ਕਿਂ વਾ ਕਤਾਤਿ ਨ ਪਞ੍ਞਾਯੇਯ੍ਯੁਂ।

    8. Evaṃ paṭhamagāthāya ‘‘dūre vivekā hi tathāvidho’’ti sādhetvā puna tathāvidhānaṃ sattānaṃ dhammataṃ āvi karonto ‘‘icchānidānā’’tiādigāthamāha. Tattha icchānidānāti taṇhāhetukā. Bhavasātabaddhāti sukhavedanādimhi bhavasātena baddhā. Te duppamuñcāti te bhavasātavatthubhūtā dhammā. Te vā tattha baddhā icchānidānā sattā duppamocayā. Na hi aññamokkhāti aññe ca mocetuṃ na sakkonti. Kāraṇavacanaṃ vā etaṃ. Te sattā duppamuñcā. Kasmā? Yasmā aññena mocetabbā na honti. Yadi sattā muñceyyuṃ, sakena thāmena muñceyyunti ayamassa attho. Pacchā pure vāpi apekkhamānāti anāgate atīte vā kāme apekkhamānā. Ime va kāme purime va jappanti ime vā paccuppanne kāme purime vā duvidhepi atītānāgate balavataṇhāya patthayamānā. Imesañca dvinnaṃ padānaṃ ‘‘te duppamuñcā na hi aññamokkhā’’ti imināva saha sambandho veditabbo. Itarathā apekkhamānā jappaṃ kiṃ karonti, kiṃ vā katāti na paññāyeyyuṃ.

    ਭવਸਾਤਬਦ੍ਧਾਤਿ ਭવੇ ਸਾਤਂ ਭવਸਾਤਂ, ਤੇਨ ਭવਸਾਤੇਨ ਸੁਖਸ੍ਸਾਦੇਨ ਬਦ੍ਧਾ ਹੁਤ੍વਾ ਠਿਤਾ। ਤਂ ਭਾਜੇਤ੍વਾ ਦਸ੍ਸੇਤੁਂ ‘‘ਏਕਂ ਭવਸਾਤਂ – ਸੁਖਾ વੇਦਨਾ’’ਤਿਆਦਿਮਾਹ। ਯੋਬ੍ਬਨਭਾવੋ ਯੋਬ੍ਬਞ੍ਞਂ। ਅਰੋਗਭਾવੋ ਆਰੋਗ੍ਯਂ। ਜੀવਿਤਿਨ੍ਦ੍ਰਿਯਸ੍ਸ ਪવਤ੍ਤਭਾવੋ ਜੀવਿਤਂ। ਲਾਭੋਤਿ ਚਤੁਨ੍ਨਂ ਪਚ੍ਚਯਾਨਂ ਲਾਭੋ। ਯਸੋਤਿ ਪਰਿવਾਰੋ। ਪਸਂਸਾਤਿ ਕਿਤ੍ਤਿ। ਸੁਖਨ੍ਤਿ ਕਾਯਿਕਚੇਤਸਿਕਂ ਸੁਖਂ। ਮਨਾਪਿਕਾ ਰੂਪਾਤਿ ਮਨવਡ੍ਢਨਕਾ ਰੂਪਾ। ਸੇਸੇਸੁਪਿ ਏਸੇવ ਨਯੋ।

    Bhavasātabaddhāti bhave sātaṃ bhavasātaṃ, tena bhavasātena sukhassādena baddhā hutvā ṭhitā. Taṃ bhājetvā dassetuṃ ‘‘ekaṃ bhavasātaṃ – sukhā vedanā’’tiādimāha. Yobbanabhāvo yobbaññaṃ. Arogabhāvo ārogyaṃ. Jīvitindriyassa pavattabhāvo jīvitaṃ. Lābhoti catunnaṃ paccayānaṃ lābho. Yasoti parivāro. Pasaṃsāti kitti. Sukhanti kāyikacetasikaṃ sukhaṃ. Manāpikā rūpāti manavaḍḍhanakā rūpā. Sesesupi eseva nayo.

    ਚਕ੍ਖੁਸਮ੍ਪਦਾਤਿ ਚਕ੍ਖੁਸ੍ਸ ਸਮ੍ਪਦਾ। ‘‘ਮਯ੍ਹਂ ਚਕ੍ਖੁ ਸਮ੍ਪਨ੍ਨਂ ਮਣਿવਿਮਾਨੇ ਉਗ੍ਘਾਟਿਤਸੀਹਪਞ੍ਜਰਂ વਿਯ ਖਾਯਤੀ’’ਤਿ ਉਪ੍ਪਨ੍ਨਂ ਸੁਖਸ੍ਸਾਦਂ ਸਨ੍ਧਾਯ ‘‘ਚਕ੍ਖੁਸਮ੍ਪਦਾ’’ਤਿ વੁਤ੍ਤਂ। ਸੋਤਸਮ੍ਪਦਾਦੀਸੁਪਿ ਏਸੇવ ਨਯੋ। ਸੁਖਾਯ વੇਦਨਾਯ ਸਾਤਬਦ੍ਧਾ…ਪੇ॰… વਿਬਦ੍ਧਾਤਿ વਿવਿਧਾਕਾਰੇਨ ਬਦ੍ਧਾ। ਆਬਦ੍ਧਾਤਿ વਿਸੇਸੇਨ ਆਦਿਤੋ ਬਦ੍ਧਾ। ਲਗ੍ਗਾਤਿ ਆਰਮ੍ਮਣੇਨ ਸਦ੍ਧਿਂ ਅਪ੍ਪਿਤਾ। ਲਗ੍ਗਿਤਾਤਿ ਨਾਗਦਨ੍ਤੇ ਫਾਣਿਤવਾਰਕੋ વਿਯ ਲਗ੍ਗਿਤਾ। ਯਮੇਤ੍ਥ ਚ ਅવੁਤ੍ਤਂ, ਤਂ ਸਤ੍ਤੋ વਿਸਤ੍ਤੋਤਿਆਦਿਮ੍ਹਿ વੁਤ੍ਤਨਯੇਨ ਗਹੇਤਬ੍ਬਂ।

    Cakkhusampadāti cakkhussa sampadā. ‘‘Mayhaṃ cakkhu sampannaṃ maṇivimāne ugghāṭitasīhapañjaraṃ viya khāyatī’’ti uppannaṃ sukhassādaṃ sandhāya ‘‘cakkhusampadā’’ti vuttaṃ. Sotasampadādīsupi eseva nayo. Sukhāya vedanāya sātabaddhā…pe… vibaddhāti vividhākārena baddhā. Ābaddhāti visesena ādito baddhā. Laggāti ārammaṇena saddhiṃ appitā. Laggitāti nāgadante phāṇitavārako viya laggitā. Yamettha ca avuttaṃ, taṃ satto visattotiādimhi vuttanayena gahetabbaṃ.

    ਨ ਹਿ ਅਞ੍ਞਮੋਕ੍ਖਾਤਿ ਨ ਪਰੇਹਿ ਮੋਕ੍ਖਾ। ਤੇ વਾ ਭવਸਾਤવਤ੍ਥੂ ਦੁਪ੍ਪਮੁਞ੍ਚਾਤਿ ਭવੇ ਸੁਖਸ੍ਸਾਦવਤ੍ਥੁਭੂਤਾ ਧਮ੍ਮਾ ਤੇ ਮੁਞ੍ਚਿਤੁਂ ਦੁਕ੍ਖਾ। ਸਤ੍ਤਾ વਾ ਏਤ੍ਤੋ ਦੁਮ੍ਮੋਚਯਾਤਿ ਸਤ੍ਤਾ ਏવ વਾ ਏਤਸ੍ਮਾ ਭવਸਾਤવਤ੍ਥੁਤੋ ਮੋਚੇਤੁਂ ਦੁਕ੍ਖਾ।

    Na hi aññamokkhāti na parehi mokkhā. Te vā bhavasātavatthū duppamuñcāti bhave sukhassādavatthubhūtā dhammā te muñcituṃ dukkhā. Sattā vā etto dummocayāti sattā eva vā etasmā bhavasātavatthuto mocetuṃ dukkhā.

    ਦੁਰੁਦ੍ਧਰਾਤਿ ਉਦ੍ਧਰਿਤੁਂ ਦੁਕ੍ਖਾ। ਦੁਸ੍ਸਮੁਦ੍ਧਰਾਤਿ ਸਮਨ੍ਤਤੋ ਛਿਨ੍ਨਤਟੇ ਨਰਕਾવਾਟੇ ਪਤਿਤੋ વਿਯ ਉਦ੍ਧਂ ਕਤ੍વਾ ਉਦ੍ਧਰਿਤੁਂ ਦੁਕ੍ਖਾ। ਦੁਬ੍ਬੁਟ੍ਠਾਪਯਾਤਿ ਉਟ੍ਠਾਪੇਤੁਂ ਦੁਕ੍ਖਾ। ਦੁਸ੍ਸਮੁਟ੍ਠਾਪਯਾਤਿ ਸੁਖੁਮਅਤ੍ਤਭਾવਂ ਪਥવਿਯਂ ਪਤਿਟ੍ਠਾਪਨਂ વਿਯ ਉਸ੍ਸਾਪੇਤੁਂ ਅਤਿવਿਯ ਦੁਕ੍ਖਾ।

    Duruddharāti uddharituṃ dukkhā. Dussamuddharāti samantato chinnataṭe narakāvāṭe patito viya uddhaṃ katvā uddharituṃ dukkhā. Dubbuṭṭhāpayāti uṭṭhāpetuṃ dukkhā. Dussamuṭṭhāpayāti sukhumaattabhāvaṃ pathaviyaṃ patiṭṭhāpanaṃ viya ussāpetuṃ ativiya dukkhā.

    ਤੇ ਅਤ੍ਤਨਾ ਪਲਿਪਪਲਿਪਨ੍ਨਾਤਿ ਗਮ੍ਭੀਰਕਦ੍ਦਮੇ ਯਾવ ਸੀਸਤੋ ਨਿਮੁਗ੍ਗਾ ਨ ਸਕ੍ਕੋਨ੍ਤਿ। ਪਰਂ ਪਲਿਪਪਲਿਪਨ੍ਨਂ ਉਦ੍ਧਰਿਤੁਨ੍ਤਿ ਅਪਰਂ ਤਥੇવ ਨਿਮੁਗ੍ਗਂ ਹਤ੍ਥੇ વਾ ਸੀਸੇ વਾ ਗਹੇਤ੍વਾ ਉਦ੍ਧਰਿਤ੍વਾ ਥਲੇ ਪਤਿਟ੍ਠਾਪੇਤੁਂ ਨ ਸਕ੍ਕੋਨ੍ਤਿ। ਸੋ વਤ ਚੁਨ੍ਦਾਤਿ ਸੋਤਿ વਤ੍ਤਬ੍ਬਾਕਾਰਪੁਗ੍ਗਲਨਿਦ੍ਦੇਸੋ। ਤਸ੍ਸ ‘‘ਯੋ’’ਤਿ ਇਮਂ ਉਦ੍ਦੇਸવਚਨਂ ਆਹਰਿਤ੍વਾ ਯੋ ਅਤ੍ਤਨਾ ਪਲਿਪਪਲਿਪਨ੍ਨੋ, ਸੋ વਤ , ਚੁਨ੍ਦ, ਪਰਂ ਪਲਿਪਪਲਿਪਨ੍ਨਂ ਉਦ੍ਧਰਿਸ੍ਸਤੀਤਿ। ਏવਂ ਸੇਸਪਦੇਸੁ ਸਮ੍ਬਨ੍ਧੋ વੇਦਿਤਬ੍ਬੋ। ਪਲਿਪਪਲਿਪਨ੍ਨੋਤਿ ਗਮ੍ਭੀਰਕਦ੍ਦਮੇ ਨਿਮੁਗ੍ਗੋ વੁਚ੍ਚਤਿ। ਯਥਾ, ਚੁਨ੍ਦ, ਕੋਚਿ ਪੁਰਿਸੋ ਯਾવ ਸੀਸਤੋ ਗਮ੍ਭੀਰਕਦ੍ਦਮੇ ਨਿਮੁਗ੍ਗੋ, ਪਰਮ੍ਪਿ ਤਥੇવ ਨਿਮੁਗ੍ਗਂ ਹਤ੍ਥੇ વਾ ਸੀਸੇ વਾ ਗਹੇਤ੍વਾ ਉਦ੍ਧਰਿਸ੍ਸਤੀਤਿ ਨੇਤਂ ਠਾਨਂ વਿਜ੍ਜਤਿ। ਨ ਹਿ ਤਂ ਕਾਰਣਮਤ੍ਥਿ, ਯੇਨ ਸੋ ਤਂ ਉਦ੍ਧਰਿਤ੍વਾ ਥਲੇ ਪਤਿਟ੍ਠਾਪੇਯ੍ਯਾਤਿ। ਅਦਨ੍ਤੋ ਅવਿਨੀਤੋ ਅਪਰਿਨਿਬ੍ਬੁਤੋਤਿ ਏਤ੍ਥ ਪਨ ਅਨਿਬ੍ਬਿਸੇવਨਤਾਯ ਅਦਨ੍ਤੋ। ਅਸਿਕ੍ਖਿਤવਿਨਯਤਾਯ ਅવਿਨੀਤੋ। ਅਨਿਬ੍ਬੁਤਕਿਲੇਸਤਾਯ ਅਪਰਿਨਿਬ੍ਬੁਤੋਤਿ વੇਦਿਤਬ੍ਬੋ। ਸੋ ਤਾਦਿਸੋ ਪਰਂ ਦਮੇਸ੍ਸਤਿ ਨਿਬ੍ਬਿਸੇવਨਂ ਕਰਿਸ੍ਸਤਿ, વਿਨੇਸ੍ਸਤਿ ਤਿਸ੍ਸੋ ਸਿਕ੍ਖਾ ਸਿਕ੍ਖਾਪੇਸ੍ਸਤਿ। ਪਰਿਨਿਬ੍ਬਾਪੇਸ੍ਸਤਿ ਤਸ੍ਸ ਕਿਲੇਸੇ ਨਿਬ੍ਬਾਪੇਸ੍ਸਤਿ।

    Te attanā palipapalipannāti gambhīrakaddame yāva sīsato nimuggā na sakkonti. Paraṃ palipapalipannaṃ uddharitunti aparaṃ tatheva nimuggaṃ hatthe vā sīse vā gahetvā uddharitvā thale patiṭṭhāpetuṃ na sakkonti. So vata cundāti soti vattabbākārapuggalaniddeso. Tassa ‘‘yo’’ti imaṃ uddesavacanaṃ āharitvā yo attanā palipapalipanno, so vata , cunda, paraṃ palipapalipannaṃ uddharissatīti. Evaṃ sesapadesu sambandho veditabbo. Palipapalipannoti gambhīrakaddame nimuggo vuccati. Yathā, cunda, koci puriso yāva sīsato gambhīrakaddame nimuggo, parampi tatheva nimuggaṃ hatthe vā sīse vā gahetvā uddharissatīti netaṃ ṭhānaṃ vijjati. Na hi taṃ kāraṇamatthi, yena so taṃ uddharitvā thale patiṭṭhāpeyyāti. Adanto avinīto aparinibbutoti ettha pana anibbisevanatāya adanto. Asikkhitavinayatāya avinīto. Anibbutakilesatāya aparinibbutoti veditabbo. So tādiso paraṃ damessati nibbisevanaṃ karissati, vinessati tisso sikkhā sikkhāpessati. Parinibbāpessati tassa kilese nibbāpessati.

    ਨਤ੍ਥਞ੍ਞੋ ਕੋਚੀਤਿ ਅਞ੍ਞੋ ਕੋਚਿ ਪੁਗ੍ਗਲੋ ਮੋਚੇਤੁਂ ਸਮਤ੍ਥੋ ਨਤ੍ਥਿ। ਸਕੇਨ ਥਾਮੇਨਾਤਿ ਅਤ੍ਤਨੋ ਞਾਣਥਾਮੇਨ। ਬਲੇਨਾਤਿ ਞਾਣਬਲੇਨ। વੀਰਿਯੇਨਾਤਿ ਞਾਣਸਮ੍ਪਯੁਤ੍ਤਚੇਤਸਿਕવੀਰਿਯੇਨ। ਪੁਰਿਸਪਰਕ੍ਕਮੇਨਾਤਿ ਪਰਂ ਪਰਂ ਠਾਨਂ ਅਕ੍ਕਮਨੇਨ ਮਹਨ੍ਤવੀਰਿਯੇਨ।

    Natthaññokocīti añño koci puggalo mocetuṃ samattho natthi. Sakena thāmenāti attano ñāṇathāmena. Balenāti ñāṇabalena. Vīriyenāti ñāṇasampayuttacetasikavīriyena. Purisaparakkamenāti paraṃ paraṃ ṭhānaṃ akkamanena mahantavīriyena.

    ਨਾਹਂ ਸਹਿਸ੍ਸਾਮੀਤਿ ਅਹਂ ਨ ਸਹਿਸ੍ਸਾਮਿ ਨ ਸਕ੍ਕੋਮਿ, ਨ વਾਯਮਿਸ੍ਸਾਮੀਤਿ વੁਤ੍ਤਂ ਹੋਤਿ। ਪਮੋਚਨਾਯਾਤਿ ਪਮੋਚੇਤੁਂ। ਕਥਂਕਥਿਨ੍ਤਿ ਸਕਙ੍ਖਂ। ਧੋਤਕਾਤਿ ਆਲਪਨਂ। ਤਰੇਸੀਤਿ ਤਰੇਯ੍ਯਾਸਿ।

    Nāhaṃ sahissāmīti ahaṃ na sahissāmi na sakkomi, na vāyamissāmīti vuttaṃ hoti. Pamocanāyāti pamocetuṃ. Kathaṃkathinti sakaṅkhaṃ. Dhotakāti ālapanaṃ. Taresīti tareyyāsi.

    ‘‘ਅਤ੍ਤਨਾ ਹਿ ਕਤਂ ਪਾਪਂ, ਅਤ੍ਤਨਾ ਸਂਕਿਲਿਸ੍ਸਤਿ।

    ‘‘Attanā hi kataṃ pāpaṃ, attanā saṃkilissati;

    ਅਤ੍ਤਨਾ ਅਕਤਂ ਪਾਪਂ, ਅਤ੍ਤਨਾવ વਿਸੁਜ੍ਝਤਿ।

    Attanā akataṃ pāpaṃ, attanāva visujjhati;

    ਸੁਦ੍ਧੀ ਅਸੁਦ੍ਧਿ ਪਚ੍ਚਤ੍ਤਂ, ਨਾਞ੍ਞੋ ਅਞ੍ਞਂ વਿਸੋਧਯੇ’’ਤਿ॥ (ਧ॰ ਪ॰ ੧੬੫; ਕਥਾ॰ ੭੪੩) –

    Suddhī asuddhi paccattaṃ, nāñño aññaṃ visodhaye’’ti. (dha. pa. 165; kathā. 743) –

    ਏਤ੍ਥਾਯਮਤ੍ਥੋ – ਯੇਨ ਅਤ੍ਤਨਾ ਅਕੁਸਲਂ ਕਮ੍ਮਂ ਕਤਂ ਹੋਤਿ, ਸੋ ਚਤੂਸੁ ਅਪਾਯੇਸੁ ਦੁਕ੍ਖਂ ਅਨੁਭવਨ੍ਤੋ ਅਤ੍ਤਨਾવ ਸਂਕਿਲਿਸ੍ਸਤਿ। ਯੇਨ ਪਨ ਅਤ੍ਤਨਾ ਅਕਤਂ ਪਾਪਂ, ਸੋ ਸੁਗਤਿਞ੍ਚੇવ ਅਗਤਿਞ੍ਚ ਗਚ੍ਛਨ੍ਤੋ ਅਤ੍ਤਨਾવ વਿਸੁਜ੍ਝਤਿ। ਕੁਸਲਕਮ੍ਮਸਙ੍ਖਾਤਾ ਸੁਦ੍ਧਿ ਅਕੁਸਲਕਮ੍ਮਸਙ੍ਖਾਤਾ ਚ ਅਸੁਦ੍ਧਿ ਪਚ੍ਚਤ੍ਤਂ ਕਾਰਕਸਤ੍ਤਾਨਂ ਅਤ੍ਤਨਿਯੇવ વਿਪਚ੍ਚਤਿ। ਅਞ੍ਞੋ ਪੁਗ੍ਗਲੋ ਅਞ੍ਞਂ ਪੁਗ੍ਗਲਂ ਨ વਿਸੋਧਯੇ ਨੇવ વਿਸੋਧੇਤਿ, ਨ ਕਿਲੇਸੇਤੀਤਿ વੁਤ੍ਤਂ ਹੋਤਿ।

    Etthāyamattho – yena attanā akusalaṃ kammaṃ kataṃ hoti, so catūsu apāyesu dukkhaṃ anubhavanto attanāva saṃkilissati. Yena pana attanā akataṃ pāpaṃ, so sugatiñceva agatiñca gacchanto attanāva visujjhati. Kusalakammasaṅkhātā suddhi akusalakammasaṅkhātā ca asuddhi paccattaṃ kārakasattānaṃ attaniyeva vipaccati. Añño puggalo aññaṃ puggalaṃ na visodhaye neva visodheti, na kilesetīti vuttaṃ hoti.

    ਤਿਟ੍ਠਤੇવ ਨਿਬ੍ਬਾਨਨ੍ਤਿ ਅਮਤਮਹਾਨਿਬ੍ਬਾਨਂ ਤਿਟ੍ਠਤਿਯੇવ। ਨਿਬ੍ਬਾਨਗਾਮਿਮਗ੍ਗੋਤਿ ਪੁਬ੍ਬਭਾਗવਿਪਸ੍ਸਨਾਤੋ ਪਟ੍ਠਾਯ ਅਰਿਯਮਗ੍ਗੋ। ਤਿਟ੍ਠਾਮਹਂ ਸਮਾਦਪੇਤਾਤਿ ਅਹਂ ਗਣ੍ਹਾਪੇਤਾ ਪਤਿਟ੍ਠਾਪੇਤਾ ਤਿਟ੍ਠਾਮਿ। ਏવਂ ਓવਦਿਯਮਾਨਾ ਏવਂ ਅਨੁਸਾਸਿਯਮਾਨਾਤਿ ਮਯਾ ਏવਂ ਓવਦਿਯਮਾਨਾ ਏવਂ ਅਨੁਸਾਸਿਯਮਾਨਾ। ਏਤ੍ਥ ਉਪ੍ਪਨ੍ਨੇ વਤ੍ਥੁਸ੍ਮਿਂ વਦਨ੍ਤੋ ਓવਦਤਿ ਨਾਮ, ਅਨੁਪ੍ਪਨ੍ਨੇ વਤ੍ਥੁਸ੍ਮਿਂ ਅਨੁਸਾਸਨ੍ਤੋ ‘‘ਅਯਸੋਪਿ ਤੇ ਭવਿਸ੍ਸਤੀ’’ਤਿਆਦਿવਸੇਨ ਅਨਾਗਤਂ ਦਸ੍ਸੇਨ੍ਤੋ ਅਨੁਸਾਸਤਿ ਨਾਮ। ਸਮ੍ਮੁਖਾ વਦਨ੍ਤੋਪਿ ਓવਦਤਿ ਨਾਮ, ਪਰਮ੍ਮੁਖਾ ਦੂਤਸਾਸਨਂ વਾ ਪੇਸੇਨ੍ਤੋ ਅਨੁਸਾਸਤਿ ਨਾਮ। ਸਕਿਂ વਦਨ੍ਤੋਪਿ ਓવਦਤਿ ਨਾਮ, ਪੁਨਪ੍ਪੁਨਂ વਦਨ੍ਤੋ ਅਨੁਸਾਸਤਿ ਨਾਮ। ਓવਦਨ੍ਤੋ ਏવ વਾ ਅਨੁਸਾਸਤਿ ਨਾਮ। ਅਪ੍ਪੇਕਚ੍ਚੇਤਿ ਅਪਿ ਏਕਚ੍ਚੇ, ਏਕੇਤਿ ਅਤ੍ਥੋ। ਅਚ੍ਚਨ੍ਤਨਿਟ੍ਠਂ ਨਿਬ੍ਬਾਨਂ ਆਰਾਧੇਨ੍ਤੀਤਿ ਖਯવਯਸਙ੍ਖਾਤਂ ਅਨ੍ਤਂ ਅਤੀਤਨ੍ਤਿ ਅਚ੍ਚਨ੍ਤਂ, ਅਚ੍ਚਨ੍ਤਞ੍ਚ ਤਂ ਸਬ੍ਬਸਙ੍ਖਾਰਾਨਂ ਅਪ੍ਪવਤ੍ਤਿਟ੍ਠਾਨਤ੍ਤਾ ਨਿਟ੍ਠਞ੍ਚਾਤਿ ਅਚ੍ਚਨ੍ਤਨਿਟ੍ਠਂ, ਏਕਨ੍ਤਨਿਟ੍ਠਂ, ਸਤਤਨਿਟ੍ਠਨ੍ਤਿ ਅਤ੍ਥੋ। ਤਂ ਅਚ੍ਚਨ੍ਤਨਿਬ੍ਬਾਨਂ ਆਰਾਧੇਨ੍ਤਿ ਸਮ੍ਪਾਦੇਨ੍ਤਿ। ਨਾਰਾਧੇਨ੍ਤੀਤਿ ਨ ਸਮ੍ਪਾਦੇਨ੍ਤਿ, ਨ ਪਟਿਲਭਨ੍ਤੀਤਿ ਅਤ੍ਥੋ। ਏਤ੍ਥ ਕ੍ਯਾਹਨ੍ਤਿ ਏਤੇਸੁ ਕਿਂ ਅਹਂ, ਕਿਂ ਕਰੋਮੀਤਿ ਅਤ੍ਥੋ। ਮਗ੍ਗਕ੍ਖਾਯੀਤਿ ਪਟਿਪਦਾਮਗ੍ਗਕ੍ਖਾਯੀ । ਆਚਿਕ੍ਖਤਿ ਕਥੇਤਿ। ਅਤ੍ਤਨਾ ਪਟਿਪਜ੍ਜਮਾਨਾ ਮੁਞ੍ਚੇਯ੍ਯੁਨ੍ਤਿ ਪਟਿਪਜ੍ਜਨ੍ਤਾ ਮਯਂ ਮੁਞ੍ਚੇਯ੍ਯੁਂ।

    Tiṭṭhateva nibbānanti amatamahānibbānaṃ tiṭṭhatiyeva. Nibbānagāmimaggoti pubbabhāgavipassanāto paṭṭhāya ariyamaggo. Tiṭṭhāmahaṃ samādapetāti ahaṃ gaṇhāpetā patiṭṭhāpetā tiṭṭhāmi. Evaṃovadiyamānā evaṃ anusāsiyamānāti mayā evaṃ ovadiyamānā evaṃ anusāsiyamānā. Ettha uppanne vatthusmiṃ vadanto ovadati nāma, anuppanne vatthusmiṃ anusāsanto ‘‘ayasopi te bhavissatī’’tiādivasena anāgataṃ dassento anusāsati nāma. Sammukhā vadantopi ovadati nāma, parammukhā dūtasāsanaṃ vā pesento anusāsati nāma. Sakiṃ vadantopi ovadati nāma, punappunaṃ vadanto anusāsati nāma. Ovadanto eva vā anusāsati nāma. Appekacceti api ekacce, eketi attho. Accantaniṭṭhaṃ nibbānaṃ ārādhentīti khayavayasaṅkhātaṃ antaṃ atītanti accantaṃ, accantañca taṃ sabbasaṅkhārānaṃ appavattiṭṭhānattā niṭṭhañcāti accantaniṭṭhaṃ, ekantaniṭṭhaṃ, satataniṭṭhanti attho. Taṃ accantanibbānaṃ ārādhenti sampādenti. Nārādhentīti na sampādenti, na paṭilabhantīti attho. Ettha kyāhanti etesu kiṃ ahaṃ, kiṃ karomīti attho. Maggakkhāyīti paṭipadāmaggakkhāyī . Ācikkhati katheti. Attanā paṭipajjamānā muñceyyunti paṭipajjantā mayaṃ muñceyyuṃ.

    ਅਤੀਤਂ ਉਪਾਦਾਯਾਤਿ ਅਤੀਤਂ ਪਟਿਚ੍ਚ। ਕਥਂ ਪੁਰੇ ਅਪੇਕ੍ਖਂ ਕਰੋਤੀਤਿ ਕੇਨ ਪਕਾਰੇਨ ਇਕ੍ਖਂ ਓਲੋਕਨਂ ਕਰੋਤਿ। ਏવਂਰੂਪੋ ਅਹੋਸਿਨ੍ਤਿ ਦੀਘਰਸ੍ਸਅਣੁਕਥੂਲਾਦਿવਸੇਨ ਏવਂਜਾਤਿਕੋ ਏવਰੂਪੋ ਅਭવਿਂ। ਤਤ੍ਥ ਨਨ੍ਦਿਂ ਸਮਨ੍ਨਾਨੇਤੀਤਿ ਤਸ੍ਮਿਂ ਰੂਪਾਰਮ੍ਮਣੇ ਤਣ੍ਹਂ ਸਮ੍ਮਾ ਆਨਯਤਿ ਉਪਨੇਤਿ। વੇਦਨਾਦੀਸੁਪਿ ਏਸੇવ ਨਯੋ।

    Atītaṃ upādāyāti atītaṃ paṭicca. Kathaṃ pure apekkhaṃ karotīti kena pakārena ikkhaṃ olokanaṃ karoti. Evaṃrūpo ahosinti dīgharassaaṇukathūlādivasena evaṃjātiko evarūpo abhaviṃ. Tattha nandiṃ samannānetīti tasmiṃ rūpārammaṇe taṇhaṃ sammā ānayati upaneti. Vedanādīsupi eseva nayo.

    ‘‘ਇਤਿ ਮੇ ਚਕ੍ਖੂ’’ਤਿਆਦਯੋ વਤ੍ਥੁਆਰਮ੍ਮਣવਸੇਨ ਤਣ੍ਹੁਪ੍ਪਤ੍ਤਿਂ ਦਸ੍ਸੇਨ੍ਤੋ ਆਹ। ਇਤਿ ਰੂਪਾਤੀਤਿ ਏવਂ ਰੂਪਾ ਇਤਿ। ਤਤ੍ਥ ਛਨ੍ਦਰਾਗਪਟਿਬਦ੍ਧਨ੍ਤਿ ਤੇਸੁ ਚਕ੍ਖੁਰੂਪੇਸੁ ਦੁਬ੍ਬਲਸਙ੍ਖਾਤੋ ਛਨ੍ਦੋ ਚ ਬਲવਸਙ੍ਖਾਤੋ ਰਾਗੋ ਚ, ਤੇਨ ਛਨ੍ਦਰਾਗੇਨ ਪਟਿਬਦ੍ਧਂ ਅਲ੍ਲੀਨਂ। વਿਞ੍ਞਾਣਨ੍ਤਿ ਜવਨਚਿਤ੍ਤਂ। ਛਨ੍ਦਰਾਗਪਟਿਬਦ੍ਧਤ੍ਤਾ વਿਞ੍ਞਾਣਸ੍ਸਾਤਿ ਤਸ੍ਸ ਜવਨવਿਞ੍ਞਾਣਸ੍ਸ ਛਨ੍ਦਰਾਗੇਨ ਬਦ੍ਧਭਾવਾ। ਤਦਭਿਨਨ੍ਦਤੀਤਿ ਤਂ ਆਰਮ੍ਮਣਂ ਤਣ੍ਹਾવਸੇਨ ਅਭਿਨਨ੍ਦਤਿ।

    ‘‘Iti me cakkhū’’tiādayo vatthuārammaṇavasena taṇhuppattiṃ dassento āha. Iti rūpātīti evaṃ rūpā iti. Tattha chandarāgapaṭibaddhanti tesu cakkhurūpesu dubbalasaṅkhāto chando ca balavasaṅkhāto rāgo ca, tena chandarāgena paṭibaddhaṃ allīnaṃ. Viññāṇanti javanacittaṃ. Chandarāgapaṭibaddhattā viññāṇassāti tassa javanaviññāṇassa chandarāgena baddhabhāvā. Tadabhinandatīti taṃ ārammaṇaṃ taṇhāvasena abhinandati.

    ਯਾਨਿਸ੍ਸ ਤਾਨੀਤਿ ਯਾਨਿ ਅਸ੍ਸ ਤਾਨਿ। ਪੁਬ੍ਬੇਤਿ ਅਤੀਤੇ। ਸਦ੍ਧਿਨ੍ਤਿ ਏਕਤੋ। ਹਸਿਤਲਪਿਤਕੀਲ਼ਿਤਾਨੀਤਿ ਦਨ੍ਤવਿਦਂਸਾਦਿਹਸਿਤਾਨਿ ਚ, વਚੀਭੇਦਂ ਕਤ੍વਾ ਲਪਿਤਾਨਿ ਚ, ਕਾਯਖਿਡ੍ਡਾਦਿਕੀਲ਼ਿਤਾਨਿ ਚ। ਤਦਸ੍ਸਾਦੇਤੀਤਿ ਤਂ ਅਸ੍ਸਾਦਯਤਿ ਅਸ੍ਸਾਦਂ વਿਨ੍ਦਤਿ ਸਾਦਿਯਤਿ। ਤਂ ਨਿਕਾਮੇਤੀਤਿ ਤਂ ਨਿਕਾਮਯਤਿ ਪਚ੍ਚਾਸੀਸਤਿ। વਿਤ੍ਤਿਂ ਆਪਜ੍ਜਤੀਤਿ ਤੁਟ੍ਠਿਂ ਪਾਪੁਣਾਤਿ।

    Yānissatānīti yāni assa tāni. Pubbeti atīte. Saddhinti ekato. Hasitalapitakīḷitānīti dantavidaṃsādihasitāni ca, vacībhedaṃ katvā lapitāni ca, kāyakhiḍḍādikīḷitāni ca. Tadassādetīti taṃ assādayati assādaṃ vindati sādiyati. Taṃ nikāmetīti taṃ nikāmayati paccāsīsati. Vittiṃ āpajjatīti tuṭṭhiṃ pāpuṇāti.

    ਸਿਯਨ੍ਤਿ ਭવੇਯ੍ਯਂ। ਅਪ੍ਪਟਿਲਦ੍ਧਸ੍ਸ ਪਟਿਲਾਭਾਯਾਤਿ ਅਪ੍ਪਤ੍ਤਸ੍ਸ ਪਾਪੁਣਨਤ੍ਥਾਯ। ਚਿਤ੍ਤਂ ਪਣਿਦਹਤੀਤਿ ਚਿਤ੍ਤਂ ਠਪੇਤਿ। ਚੇਤਸੋ ਪਣਿਧਾਨਪਚ੍ਚਯਾਤਿ ਚਿਤ੍ਤਸ੍ਸ ਠਪਨਕਾਰਣਾ।

    Siyanti bhaveyyaṃ. Appaṭiladdhassa paṭilābhāyāti appattassa pāpuṇanatthāya. Cittaṃ paṇidahatīti cittaṃ ṭhapeti. Cetaso paṇidhānapaccayāti cittassa ṭhapanakāraṇā.

    ਸੀਲੇਨ વਾਤਿ ਪਞ੍ਚਸੀਲਾਦਿਸੀਲੇਨ વਾ। વਤੇਨ વਾਤਿ ਧੁਤਙ੍ਗਸਮਾਦਾਨੇਨ વਾ। ਤਪੇਨ વਾਤਿ વੀਰਿਯਸਮਾਦਾਨੇਨ વਾ। ਬ੍ਰਹ੍ਮਚਰਿਯੇਨ વਾਤਿ ਮੇਥੁਨવਿਰਤਿਯਾ વਾ। ਦੇવੋ વਾਤਿ ਮਹਾਨੁਭਾવੋ ਦੇવਰਾਜਾ વਾ। ਦੇવਞ੍ਞਤਰੋ વਾਤਿ ਤੇਸਂ ਅਞ੍ਞਤਰੋ વਾ।

    Sīlena vāti pañcasīlādisīlena vā. Vatena vāti dhutaṅgasamādānena vā. Tapena vāti vīriyasamādānena vā. Brahmacariyena vāti methunaviratiyā vā. Devo vāti mahānubhāvo devarājā vā. Devaññataro vāti tesaṃ aññataro vā.

    ਜਪ੍ਪਨ੍ਤਾਤਿ ਗੁਣવਸੇਨ ਕਥੇਨ੍ਤਾ। ਪਜਪ੍ਪਨ੍ਤਾਤਿ ਪਕਾਰੇਨ ਕਥੇਨ੍ਤਾ। ਅਭਿਜਪ੍ਪਨ੍ਤਾਤਿ વਿਸੇਸੇਨ ਕਥੇਨ੍ਤਾ, ਉਪਸਗ੍ਗવਸੇਨ વਾ વਡ੍ਢਿਤਂ।

    Jappantāti guṇavasena kathentā. Pajappantāti pakārena kathentā. Abhijappantāti visesena kathentā, upasaggavasena vā vaḍḍhitaṃ.

    ੯. ਏવਂ ਪਠਮਗਾਥਾਯ ‘‘ਦੂਰੇ વਿવੇਕਾ ਹਿ ਤਥਾવਿਧੋ’’ਤਿ ਸਾਧੇਤ੍વਾ ਦੁਤਿਯਗਾਥਾਯ ਚ ਤਥਾવਿਧਾਨਂ ਧਮ੍ਮਤਂ ਆવਿ ਕਤ੍વਾ ਇਦਾਨਿ ਤੇਸਂ ਪਾਪਕਰਣਂ ਆવਿ ਕਰੋਨ੍ਤੋ ‘‘ਕਾਮੇਸੁ ਗਿਦ੍ਧਾ’’ਤਿ ਗਾਥਮਾਹ।

    9. Evaṃ paṭhamagāthāya ‘‘dūre vivekā hi tathāvidho’’ti sādhetvā dutiyagāthāya ca tathāvidhānaṃ dhammataṃ āvi katvā idāni tesaṃ pāpakaraṇaṃ āvi karonto ‘‘kāmesu giddhā’’ti gāthamāha.

    ਤਸ੍ਸਤ੍ਥੋ – ਤੇ ਸਤ੍ਤਾ ਕਾਮੇਸੁ ਪਰਿਭੋਗਤਣ੍ਹਾਯ ਗਿਦ੍ਧਾ, ਪਰਿਯੇਸਨਾਦਿਮਨੁਯੁਤ੍ਤਤ੍ਤਾ ਪਸੁਤਾ, ਸਮ੍ਮੋਹਮਾਪਨ੍ਨਤ੍ਤਾ ਪਮੂਲ਼੍ਹਾ, ਅવਗਮਨਤਾਯ ਮਚ੍ਛਰਿਯਤਾਯ ਬੁਦ੍ਧਾਦੀਨਂ વਚਨਂ ਅਨਾਦਿਯਤਾਯ ਚ ਅવਦਾਨਿਯਾ, ਕਾਯવਿਸਮਾਦਿਮ੍ਹਿ વਿਸਮੇ ਨਿવਿਟ੍ਠਾ, ਅਨ੍ਤਕਾਲੇ ਮਰਣਦੁਕ੍ਖੂਪਨੀਤਾ, ‘‘ਕਿਂਸੁ ਭવਿਸ੍ਸਾਮ ਇਤੋ ਚੁਤਾਸੇ’’ਤਿ ਪਰਿਦੇવਯਨ੍ਤੀਤਿ।

    Tassattho – te sattā kāmesu paribhogataṇhāya giddhā, pariyesanādimanuyuttattā pasutā, sammohamāpannattā pamūḷhā, avagamanatāya macchariyatāya buddhādīnaṃ vacanaṃ anādiyatāya ca avadāniyā, kāyavisamādimhi visame niviṭṭhā, antakāle maraṇadukkhūpanītā, ‘‘kiṃsu bhavissāma ito cutāse’’ti paridevayantīti.

    ਗਿਦ੍ਧਾਤਿ ਕਾਮਰਾਗੇਨ ਗਿਦ੍ਧਾ। ਗਧਿਤਾਤਿ ਸਙ੍ਕਪ੍ਪਰਾਗੇਨ ਪਚ੍ਚਾਸੀਸਮਾਨਾ ਹੁਤ੍વਾ ਗਧਿਤਾ। ਮੁਚ੍ਛਿਤਾਤਿ ਕਾਮਤਣ੍ਹਾਯ ਮੁਚ੍ਛਾਪਰੇਤਾ। ਅਜ੍ਝੋਸਨ੍ਨਾਤਿ ਕਾਮਨਨ੍ਦਿਯਾ ਅਧਿਓਸਨ੍ਨਾ ਅਜ੍ਝੋਤ੍ਥਟਾ। ਲਗ੍ਗਾਤਿ ਕਾਮਸਿਨੇਹੇਨ ਅਲ੍ਲੀਨਾ। ਲਗ੍ਗਿਤਾਤਿ ਕਾਮਪਰਿਲ਼ਾਹੇਨ ਏਕੀਭੂਤਾ। ਪਲਿਬੁਦ੍ਧਾਤਿ ਕਾਮਸਞ੍ਞਾਯ ਆવਟ੍ਟਿਤਾ। ਅਥ વਾ ‘‘ਦਿਟ੍ਠਿਦਸ੍ਸਨੇ ਗਿਦ੍ਧਾ। ਅਭਿਣ੍ਹਦਸ੍ਸਨੇ ਗਧਿਤਾ। ਸਂਸਗ੍ਗਕਿਰਿਯਸ੍ਮਿਂ ਮੁਚ੍ਛਿਤਾ। વਿਸ੍ਸਾਸਕਿਰਿਯਸ੍ਮਿਂ ਅਜ੍ਝੋਸਨ੍ਨਾ। ਸਿਨੇਹવਲ਼ਞ੍ਜਸ੍ਮਿਂ ਲਗ੍ਗਾ। ਦ੍વਯਂਦ੍વਯਸਮਾਪਤ੍ਤਿਮ੍ਹਿ ਲਗ੍ਗਿਤਾ। ਅਪਰਾਪਰਂ ਅਮੁਞ੍ਚਮਾਨਾ ਹੁਤ੍વਾ ਪਲਿਬੁਦ੍ਧਾ’’ਤਿ ਏવਮੇਕੇ વਣ੍ਣਯਨ੍ਤਿ।

    Giddhāti kāmarāgena giddhā. Gadhitāti saṅkapparāgena paccāsīsamānā hutvā gadhitā. Mucchitāti kāmataṇhāya mucchāparetā. Ajjhosannāti kāmanandiyā adhiosannā ajjhotthaṭā. Laggāti kāmasinehena allīnā. Laggitāti kāmapariḷāhena ekībhūtā. Palibuddhāti kāmasaññāya āvaṭṭitā. Atha vā ‘‘diṭṭhidassane giddhā. Abhiṇhadassane gadhitā. Saṃsaggakiriyasmiṃ mucchitā. Vissāsakiriyasmiṃ ajjhosannā. Sinehavaḷañjasmiṃ laggā. Dvayaṃdvayasamāpattimhi laggitā. Aparāparaṃ amuñcamānā hutvā palibuddhā’’ti evameke vaṇṇayanti.

    ਏਸਨ੍ਤੀਤਿ ਪਚ੍ਚਾਸੀਸਨ੍ਤਿ। ਗવੇਸਨ੍ਤੀਤਿ ਮਗ੍ਗਯਨ੍ਤਿ। ਪਰਿਯੇਸਨ੍ਤੀਤਿ ਸਬ੍ਬਾਕਾਰੇਨ ਇਚ੍ਛਨ੍ਤਿ ਪਤ੍ਥੇਨ੍ਤਿ। ਅਥ વਾ ਦਿਟ੍ਠਾਰਮ੍ਮਣੇ ਸੁਭਾਸੁਭਂ ਅਤ੍ਥਿ, ਨਤ੍ਥੀਤਿ ਏਸਨ੍ਤਿ। ਸੁਭਾਸੁਭਾਰਮ੍ਮਣੇ ਪਚ੍ਚਕ੍ਖਂ ਕਤ੍વਾ વਲ਼ਞ੍ਜਨਤ੍ਥਾਯ ਪਿਯਂ ਕਰੋਨ੍ਤਾ ਗવੇਸਨ੍ਤਿ । ਚਿਤ੍ਤવਸੇਨ ਏਸਨ੍ਤਿ। ਪਯੋਗવਸੇਨ ਗવੇਸਨ੍ਤਿ। ਕਰਣવਸੇਨ ਪਰਿਯੇਸਨ੍ਤਿ। ਤੇ ਦੁવਿਧੇ ਕਾਮੇ ਪਟਿਚ੍ਚ ਓਤਰਿਤ੍વਾ ਚਰਨ੍ਤੀਤਿ ਤਚ੍ਚਰਿਤਾ। ਤੇ ਚ ਕਾਮੇ ਬਹੁਲਂ ਯੇਭੁਯ੍ਯੇਨ વਡ੍ਢੇਨ੍ਤਿ ਪવਤ੍ਤਯਨ੍ਤੀਤਿ ਤਬ੍ਬਹੁਲਾ। ਤੇ ਚ ਕਾਮੇ ਗਰੁਂ ਕਤ੍વਾ ਰਹਨ੍ਤੀਤਿ ਤਗ੍ਗਰੁਕਾ। ਤੇਸੁ ਕਾਮੇਸੁ ਨਿਨ੍ਨਾ ਨਮਿਤਾ ਹੁਤ੍વਾ વਸਨ੍ਤੀਤਿ ਤਨ੍ਨਿਨ੍ਨਾ। ਤੇਸੁ ਕਾਮੇਸੁ ਸਨ੍ਨਿਨ੍ਨਾ ਹੁਤ੍વਾ વਸਨ੍ਤੀਤਿ ਤਪ੍ਪੋਣਾ। ਤੇਸੁ ਕਾਮੇਸੁ ਅવਲਮ੍ਬਿਤਾ ਹੁਤ੍વਾ ਤੇਸੁਯੇવ ਨਮਿਤਾ વਸਨ੍ਤੀਤਿ ਤਪ੍ਪਬ੍ਭਾਰਾ। ਤੇਸੁ ਕਾਮੇਸੁ ਅવਤ੍ਥਰਿਤ੍વਾ ਮੁਚ੍ਛਾਪਰੇਤਪ੍ਪਸਙ੍ਗਾ ਹੁਤ੍વਾ વਦਨ੍ਤੀਤਿ ਤਦਧਿਮੁਤ੍ਤਾ। ਤੇ ਚ ਕਾਮੇ ਅਧਿਪਤਿਂ ਜੇਟ੍ਠਕਂ ਕਤ੍વਾ વਸਨ੍ਤੀਤਿ ਤਦਧਿਪਤੇਯ੍ਯਾ। ਅਥ વਾ ‘‘ਆਰਮ੍ਮਣਸ੍ਸ ਇਟ੍ਠਭਾવੇਨ ਤਚ੍ਚਰਿਤਾ। ਆਰਮ੍ਮਣਸ੍ਸ ਕਨ੍ਤਭਾવੇਨ ਤਬ੍ਬਹੁਲਾ। ਆਰਮ੍ਮਣਸ੍ਸ ਮਨਾਪਭਾવੇਨ ਤਗ੍ਗਰੁਕਾ। ਆਰਮ੍ਮਣਸ੍ਸ ਪਿਯਭਾવੇਨ ਤਨ੍ਨਿਨ੍ਨਾ। ਆਰਮ੍ਮਣਸ੍ਸ ਕਾਮੁਪਸਂਹਿਤਭਾવੇਨ ਤਪ੍ਪੋਣਾ। ਆਰਮ੍ਮਣਸ੍ਸ ਰਜਨੀਯਭਾવੇਨ ਤਪ੍ਪਬ੍ਭਾਰਾ। ਆਰਮ੍ਮਣਸ੍ਸ ਮੁਚ੍ਛਨੀਯਭਾવੇਨ ਤਦਧਿਮੁਤ੍ਤਾ। ਆਰਮ੍ਮਣਸ੍ਸ ਬਨ੍ਧਨੀਯਭਾવੇਨ ਤਦਧਿਪਤੇਯ੍ਯਾ’’ਤਿ ਏવਮੇਕੇ વਣ੍ਣਯਨ੍ਤਿ।

    Esantīti paccāsīsanti. Gavesantīti maggayanti. Pariyesantīti sabbākārena icchanti patthenti. Atha vā diṭṭhārammaṇe subhāsubhaṃ atthi, natthīti esanti. Subhāsubhārammaṇe paccakkhaṃ katvā vaḷañjanatthāya piyaṃ karontā gavesanti. Cittavasena esanti. Payogavasena gavesanti. Karaṇavasena pariyesanti. Te duvidhe kāme paṭicca otaritvā carantīti taccaritā. Te ca kāme bahulaṃ yebhuyyena vaḍḍhenti pavattayantīti tabbahulā. Te ca kāme garuṃ katvā rahantīti taggarukā. Tesu kāmesu ninnā namitā hutvā vasantīti tanninnā. Tesu kāmesu sanninnā hutvā vasantīti tappoṇā. Tesu kāmesu avalambitā hutvā tesuyeva namitā vasantīti tappabbhārā. Tesu kāmesu avattharitvā mucchāparetappasaṅgā hutvā vadantīti tadadhimuttā. Te ca kāme adhipatiṃ jeṭṭhakaṃ katvā vasantīti tadadhipateyyā. Atha vā ‘‘ārammaṇassa iṭṭhabhāvena taccaritā. Ārammaṇassa kantabhāvena tabbahulā. Ārammaṇassa manāpabhāvena taggarukā. Ārammaṇassa piyabhāvena tanninnā. Ārammaṇassa kāmupasaṃhitabhāvena tappoṇā. Ārammaṇassa rajanīyabhāvena tappabbhārā. Ārammaṇassa mucchanīyabhāvena tadadhimuttā. Ārammaṇassa bandhanīyabhāvena tadadhipateyyā’’ti evameke vaṇṇayanti.

    ਰੂਪੇ ਪਰਿਯੇਸਨ੍ਤੀਤਿਆਦੀਸੁ ਪਰਿਯੇਸਨ੍ਤੀਤਿ ਅਲਦ੍ਧਸ੍ਸ ਲਾਭਾਯ ਏਸਨવਸੇਨ। ਪਟਿਲਭਨ੍ਤੀਤਿ ਹਤ੍ਥਗਤવਸੇਨ। ਪਰਿਭੁਞ੍ਜਨ੍ਤੀਤਿ વਲ਼ਞ੍ਜਨવਸੇਨ વੁਤ੍ਤਨ੍ਤਿ ਞਾਤਬ੍ਬਂ। ਕਲਹਂ વਿવਾਦਂ ਕਰੋਤੀਤਿ ਕਲਹਕਾਰਕੋ। ਤਸ੍ਮਿਂ ਨਿਯੁਤ੍ਤੋਤਿ ਕਲਹਪਸੁਤੋ। ਕਮ੍ਮਕਾਰਕਾਦੀਸੁਪਿ ਏਸੇવ ਨਯੋ। ਗੋਚਰੇ ਚਰਨ੍ਤੋਤਿ વੇਸਿਯਾਦਿਗੋਚਰੇ, ਸਤਿਪਟ੍ਠਾਨਾਦਿਗੋਚਰੇ વਾ ਚਰਮਾਨੋ। ਤੇਸੁ ਨਿਯੁਤ੍ਤੋ ਗੋਚਰਪਸੁਤੋ। ਆਰਮ੍ਮਣੂਪਨਿਜ੍ਝਾਨવਸੇਨ ਝਾਨਂ ਅਸ੍ਸ ਅਤ੍ਥੀਤਿ ਝਾਯੀ। ਤਸ੍ਮਿਂ ਨਿਯੁਤ੍ਤੋ ਝਾਨਪਸੁਤੋ।

    Rūpepariyesantītiādīsu pariyesantīti aladdhassa lābhāya esanavasena. Paṭilabhantīti hatthagatavasena. Paribhuñjantīti vaḷañjanavasena vuttanti ñātabbaṃ. Kalahaṃ vivādaṃ karotīti kalahakārako. Tasmiṃ niyuttoti kalahapasuto. Kammakārakādīsupi eseva nayo. Gocare carantoti vesiyādigocare, satipaṭṭhānādigocare vā caramāno. Tesu niyutto gocarapasuto. Ārammaṇūpanijjhānavasena jhānaṃ assa atthīti jhāyī. Tasmiṃ niyutto jhānapasuto.

    ਅવਗਚ੍ਛਨ੍ਤੀਤਿ ਅਪਾਯਂ ਗਚ੍ਛਨ੍ਤਿ। ਮਚ੍ਛਰਿਨੋਤਿ ਸਕਸਮ੍ਪਤ੍ਤਿਂ ਨਿਗੁਹਨ੍ਤਾ। વਚਨਨ੍ਤਿ ਕਥਨਂ। ਬ੍ਯਪਥਨ੍ਤਿ વਾਕ੍ਯਪਥਂ। ਦੇਸਨਨ੍ਤਿ વਿਸ੍ਸਜ੍ਜਨਓવਾਦਂ। ਅਨੁਸਿਟ੍ਠਿਨ੍ਤਿ ਅਨੁਸਾਸਨਿਂ। ਨਾਦਿਯਨ੍ਤੀਤਿ ਨ ਗਣ੍ਹਨ੍ਤਿ ਨ ਗਰੁਂ ਕਰੋਨ੍ਤਿ। ‘‘ਨ ਪਟਿਸ੍ਸਨ੍ਤੀ’’ਤਿ વਾ ਪਾਠੋ, ਸੋਯੇવ ਅਤ੍ਥੋ। વਤ੍ਥੁਤੋ ਮਚ੍ਛਰਿਯਦਸ੍ਸਨਤ੍ਥਂ ‘‘ਪਞ੍ਚ ਮਚ੍ਛਰਿਯਾਨਿ ਆવਾਸਮਚ੍ਛਰਿਯ’’ਨ੍ਤਿਆਦਿ વੁਤ੍ਤਂ। ਤਤ੍ਥ ਆવਾਸੇ ਮਚ੍ਛਰਿਯਂ ਆવਾਸਮਚ੍ਛਰਿਯਂ। ਸੇਸਪਦੇਸੁਪਿ ਏਸੇવ ਨਯੋ।

    Avagacchantīti apāyaṃ gacchanti. Maccharinoti sakasampattiṃ niguhantā. Vacananti kathanaṃ. Byapathanti vākyapathaṃ. Desananti vissajjanaovādaṃ. Anusiṭṭhinti anusāsaniṃ. Nādiyantīti na gaṇhanti na garuṃ karonti. ‘‘Na paṭissantī’’ti vā pāṭho, soyeva attho. Vatthuto macchariyadassanatthaṃ ‘‘pañca macchariyāni āvāsamacchariya’’ntiādi vuttaṃ. Tattha āvāse macchariyaṃ āvāsamacchariyaṃ. Sesapadesupi eseva nayo.

    ਆવਾਸੋ ਨਾਮ ਸਕਲਾਰਾਮੋਪਿ ਪਰਿવੇਣਮ੍ਪਿ ਏਕੋવਰਕੋਪਿ ਰਤ੍ਤਿਟ੍ਠਾਨਾਦੀਨਿਪਿ। ਤੇਸੁ વਸਨ੍ਤਾ ਸੁਖਂ વਸਨ੍ਤਿ, ਪਚ੍ਚਯੇ ਲਭਨ੍ਤਿ। ਏਕੋ ਭਿਕ੍ਖੁ વਤ੍ਤਸਮ੍ਪਨ੍ਨਸ੍ਸੇવ ਪੇਸਲਸ੍ਸ ਭਿਕ੍ਖੁਨੋ ਤਤ੍ਥ ਆਗਮਨਂ ਨ ਇਚ੍ਛਤਿ, ਆਗਤੋਪਿ ‘‘ਖਿਪ੍ਪਂ ਗਚ੍ਛਤੂ’’ਤਿ ਚਿਨ੍ਤੇਸਿ, ਇਦਂ ਆવਾਸਮਚ੍ਛਰਿਯਂ ਨਾਮ। ਭਣ੍ਡਨਕਾਰਕਾਦੀਨਂ ਪਨ ਤਤ੍ਥ વਾਸਂ ਅਨਿਚ੍ਛਤੋ ਆવਾਸਮਚ੍ਛਰਿਯਂ ਨਾਮ ਨ ਹੋਤਿ।

    Āvāso nāma sakalārāmopi pariveṇampi ekovarakopi rattiṭṭhānādīnipi. Tesu vasantā sukhaṃ vasanti, paccaye labhanti. Eko bhikkhu vattasampannasseva pesalassa bhikkhuno tattha āgamanaṃ na icchati, āgatopi ‘‘khippaṃ gacchatū’’ti cintesi, idaṃ āvāsamacchariyaṃ nāma. Bhaṇḍanakārakādīnaṃ pana tattha vāsaṃ anicchato āvāsamacchariyaṃ nāma na hoti.

    ਕੁਲਨ੍ਤਿ ਉਪਟ੍ਠਾਕਕੁਲਮ੍ਪਿ ਞਾਤਿਕੁਲਮ੍ਪਿ। ਤਤ੍ਥ ਅਞ੍ਞਸ੍ਸ ਉਪਸਙ੍ਕਮਨਂ ਅਨਿਚ੍ਛਤੋ ਕੁਲਮਚ੍ਛਰਿਯਂ ਹੋਤਿ। ਪਾਪਪੁਗ੍ਗਲਸ੍ਸ ਪਨ ਉਪਸਙ੍ਕਮਨਂ ਅਨਿਚ੍ਛਤੋਪਿ ਮਚ੍ਛਰਿਯਂ ਨਾਮ ਨ ਹੋਤਿ। ਸੋ ਹਿ ਤੇਸਂ ਪਸਾਦਭੇਦਾਯ ਪਟਿਪਜ੍ਜਤਿ। ਪਸਾਦਂ ਰਕ੍ਖਿਤੁਂ ਸਮਤ੍ਥਸ੍ਸੇવ ਪਨ ਭਿਕ੍ਖੁਨੋ ਤਤ੍ਥ ਉਪਸਙ੍ਕਮਨਂ ਅਨਿਚ੍ਛਤੋ ਮਚ੍ਛਰਿਯਂ ਨਾਮ ਹੋਤਿ।

    Kulanti upaṭṭhākakulampi ñātikulampi. Tattha aññassa upasaṅkamanaṃ anicchato kulamacchariyaṃ hoti. Pāpapuggalassa pana upasaṅkamanaṃ anicchatopi macchariyaṃ nāma na hoti. So hi tesaṃ pasādabhedāya paṭipajjati. Pasādaṃ rakkhituṃ samatthasseva pana bhikkhuno tattha upasaṅkamanaṃ anicchato macchariyaṃ nāma hoti.

    ਲਾਭੋਤਿ ਚਤੁਪਚ੍ਚਯਲਾਭੋવ। ਤਂ ਅਞ੍ਞਸ੍ਮਿਂ ਸੀਲવਨ੍ਤੇਯੇવ ਲਭਨ੍ਤੇ ‘‘ਮਾ ਲਭਤੂ’’ਤਿ ਚਿਨ੍ਤੇਨ੍ਤਸ੍ਸ ਲਾਭਮਚ੍ਛਰਿਯਂ ਹੋਤਿ। ਯੋ ਪਨ ਸਦ੍ਧਾਦੇਯ੍ਯਂ વਿਨਿਪਾਤੇਤਿ, ਅਪਰਿਭੋਗਦੁਪ੍ਪਰਿਭੋਗਾਦਿવਸੇਨ વਿਨਾਸੇਤਿ, ਪੂਤਿਭਾવਂ ਗਚ੍ਛਨ੍ਤਮ੍ਪਿ ਅਞ੍ਞਸ੍ਸ ਨ ਦੇਤਿ, ਤਂ ਦਿਸ੍વਾ ‘‘ਸਚੇ ਇਮਂ ਏਸ ਨ ਲਭੇਯ੍ਯ, ਅਞ੍ਞੋ ਸੀਲવਾ ਲਭੇਯ੍ਯ, ਪਰਿਭੋਗਂ ਗਚ੍ਛੇਯ੍ਯਾ’’ਤਿ ਚਿਨ੍ਤੇਨ੍ਤਸ੍ਸ ਮਚ੍ਛਰਿਯਂ ਨਾਮ ਨਤ੍ਥਿ।

    Lābhoti catupaccayalābhova. Taṃ aññasmiṃ sīlavanteyeva labhante ‘‘mā labhatū’’ti cintentassa lābhamacchariyaṃ hoti. Yo pana saddhādeyyaṃ vinipāteti, aparibhogadupparibhogādivasena vināseti, pūtibhāvaṃ gacchantampi aññassa na deti, taṃ disvā ‘‘sace imaṃ esa na labheyya, añño sīlavā labheyya, paribhogaṃ gaccheyyā’’ti cintentassa macchariyaṃ nāma natthi.

    વਣ੍ਣੋ ਨਾਮ ਸਰੀਰવਣ੍ਣੋਪਿ ਗੁਣવਣ੍ਣੋਪਿ। ਤਤ੍ਥ ਸਰੀਰવਣ੍ਣੇ ਮਚ੍ਛਰੀ ‘‘ਪਰੋ ਪਾਸਾਦਿਕੋ ਰੂਪવਾ’’ਤਿ વੁਤ੍ਤੇ ਤਂ ਨ ਕਥੇਤੁਕਾਮੋ ਹੋਤਿ। ਗੁਣવਣ੍ਣਮਚ੍ਛਰੀ ਪਰਸ੍ਸ ਸੀਲੇਨ ਧੁਤਙ੍ਗੇਨ ਪਟਿਪਦਾਯ ਆਚਾਰੇਨ વਣ੍ਣਂ ਨ ਕਥੇਤੁਕਾਮੋ ਹੋਤਿ।

    Vaṇṇo nāma sarīravaṇṇopi guṇavaṇṇopi. Tattha sarīravaṇṇe maccharī ‘‘paro pāsādiko rūpavā’’ti vutte taṃ na kathetukāmo hoti. Guṇavaṇṇamaccharī parassa sīlena dhutaṅgena paṭipadāya ācārena vaṇṇaṃ na kathetukāmo hoti.

    ਧਮ੍ਮੋਤਿ ਪਰਿਯਤ੍ਤਿਧਮ੍ਮੋ ਚ ਪਟਿવੇਧਧਮ੍ਮੋ ਚ। ਤਤ੍ਥ ਅਰਿਯਸਾવਕਾ ਪਟਿવੇਧਧਮ੍ਮਂ ਨ ਮਚ੍ਛਰਾਯਨ੍ਤਿ, ਅਤ੍ਤਨਾ ਪਟਿવਿਦ੍ਧਧਮ੍ਮੇ ਸਦੇવਕਸ੍ਸ ਲੋਕਸ੍ਸ ਪਟਿવੇਧਂ ਇਚ੍ਛਨ੍ਤਿ। ਤਂ ਪਨ ਪਟਿવੇਧਂ ‘‘ਪਰੇ ਜਾਨਨ੍ਤੂ’’ਤਿ ਇਚ੍ਛਨ੍ਤਿ, ਤਨ੍ਤਿਧਮ੍ਮੇਯੇવ ਪਨ ਧਮ੍ਮਮਚ੍ਛਰਿਯਂ ਨਾਮ ਹੋਤਿ। ਤੇਨ ਸਮਨ੍ਨਾਗਤੋ ਪੁਗ੍ਗਲੋ ਯਂ ਗੁਲ਼੍ਹਂ ਗਨ੍ਥਂ વਾ ਕਥਾਮਗ੍ਗਂ વਾ ਜਾਨਾਤਿ, ਤਂ ਅਞ੍ਞੇ ਨ ਜਾਨਾਪੇਤੁਕਾਮੋ ਹੋਤਿ। ਯੋ ਪਨ ਪੁਗ੍ਗਲਂ ਉਪਪਰਿਕ੍ਖਿਤ੍વਾ ਧਮ੍ਮਾਨੁਗ੍ਗਹੇਨ ਧਮ੍ਮਂ વਾ ਉਪਪਰਿਕ੍ਖਿਤ੍વਾ ਪੁਗ੍ਗਲਾਨੁਗ੍ਗਹੇਨ ਨ ਦੇਤਿ, ਅਯਂ ਧਮ੍ਮਮਚ੍ਛਰੀ ਨਾਮ ਨ ਹੋਤਿ। ਤਤ੍ਥ ਏਕਚ੍ਚੋ ਪੁਗ੍ਗਲੋ ਲੋਲੋ ਹੋਤਿ, ਕਾਲੇਨ ਸਮਣੋ ਹੋਤਿ , ਕਾਲੇਨ ਬ੍ਰਾਹ੍ਮਣੋ, ਕਾਲੇਨ ਨਿਗਣ੍ਠੋ। ਯੋ ਹਿ ਭਿਕ੍ਖੁ ‘‘ਅਯਂ ਪੁਗ੍ਗਲੋ ਪવੇਣਿਆਗਤਂ ਤਨ੍ਤਿਂ ਸਣ੍ਹਂ ਸੁਖੁਮਂ ਧਮ੍ਮਨ੍ਤਰਂ ਭਿਨ੍ਦਿਤ੍વਾ ਆਲੁਲ਼ੇਸ੍ਸਤੀ’’ਤਿ ਨ ਦੇਤਿ, ਅਯਂ ਪੁਗ੍ਗਲਂ ਉਪਪਰਿਕ੍ਖਿਤ੍વਾ ਧਮ੍ਮਾਨੁਗ੍ਗਹੇਨ ਨ ਦੇਤਿ ਨਾਮ। ਯੋ ਪਨ ‘‘ਅਯਂ ਧਮ੍ਮੋ ਸਣ੍ਹੋ ਸੁਖੁਮੋ, ਸਚਾਯਂ ਪੁਗ੍ਗਲੋ ਗਣ੍ਹਿਸ੍ਸਤਿ, ਅਞ੍ਞਂ ਬ੍ਯਾਕਰਿਤ੍વਾ ਅਤ੍ਤਾਨਂ ਆવਿ ਕਤ੍વਾ ਨਸ੍ਸਿਸ੍ਸਤੀ’’ਤਿ ਨ ਦੇਤਿ, ਅਯਂ ਧਮ੍ਮਂ ਉਪਪਰਿਕ੍ਖਿਤ੍વਾ ਪੁਗ੍ਗਲਾਨੁਗ੍ਗਹੇਨ ਨ ਦੇਤਿ ਨਾਮ। ਯੋ ਪਨ ‘‘ਸਚਾਯਂ ਇਮਂ ਧਮ੍ਮਂ ਗਣ੍ਹਿਸ੍ਸਤਿ, ਅਮ੍ਹਾਕਂ ਸਮਯਂ ਭਿਨ੍ਦਿਤੁਂ ਸਮਤ੍ਥੋ ਭવਿਸ੍ਸਤੀ’’ਤਿ ਨ ਦੇਤਿ, ਅਯਂ ਧਮ੍ਮਮਚ੍ਛਰੀ ਨਾਮ ਹੋਤਿ।

    Dhammoti pariyattidhammo ca paṭivedhadhammo ca. Tattha ariyasāvakā paṭivedhadhammaṃ na maccharāyanti, attanā paṭividdhadhamme sadevakassa lokassa paṭivedhaṃ icchanti. Taṃ pana paṭivedhaṃ ‘‘pare jānantū’’ti icchanti, tantidhammeyeva pana dhammamacchariyaṃ nāma hoti. Tena samannāgato puggalo yaṃ guḷhaṃ ganthaṃ vā kathāmaggaṃ vā jānāti, taṃ aññe na jānāpetukāmo hoti. Yo pana puggalaṃ upaparikkhitvā dhammānuggahena dhammaṃ vā upaparikkhitvā puggalānuggahena na deti, ayaṃ dhammamaccharī nāma na hoti. Tattha ekacco puggalo lolo hoti, kālena samaṇo hoti , kālena brāhmaṇo, kālena nigaṇṭho. Yo hi bhikkhu ‘‘ayaṃ puggalo paveṇiāgataṃ tantiṃ saṇhaṃ sukhumaṃ dhammantaraṃ bhinditvā āluḷessatī’’ti na deti, ayaṃ puggalaṃ upaparikkhitvā dhammānuggahena na deti nāma. Yo pana ‘‘ayaṃ dhammo saṇho sukhumo, sacāyaṃ puggalo gaṇhissati, aññaṃ byākaritvā attānaṃ āvi katvā nassissatī’’ti na deti, ayaṃ dhammaṃ upaparikkhitvā puggalānuggahena na deti nāma. Yo pana ‘‘sacāyaṃ imaṃ dhammaṃ gaṇhissati, amhākaṃ samayaṃ bhindituṃ samattho bhavissatī’’ti na deti, ayaṃ dhammamaccharī nāma hoti.

    ਇਮੇਸੁ ਪਞ੍ਚਸੁ ਮਚ੍ਛਰਿਯੇਸੁ ਆવਾਸਮਚ੍ਛਰਿਯੇਨ ਤਾવ ਯਕ੍ਖੋ વਾ ਪੇਤੋ વਾ ਹੁਤ੍વਾ ਤਸ੍ਸੇવ ਆવਾਸਸ੍ਸ ਸਙ੍ਕਾਰਂ ਸੀਸੇਨ ਉਕ੍ਖਿਪਿਤ੍વਾ વਿਚਰਤਿ। ਕੁਲਮਚ੍ਛਰਿਯੇਨ ਤਸ੍ਮਿਂ ਕੁਲੇ ਅਞ੍ਞੇਸਂ ਦਾਨਮਾਨਨਾਦੀਨਿ ਕਰੋਨ੍ਤੇ ਦਿਸ੍વਾ ‘‘ਭਿਨ੍ਨਂ વਤਿਦਂ ਕੁਲਂ ਮਮਾ’’ਤਿ ਚਿਨ੍ਤਯਤੋ ਲੋਹਿਤਮ੍ਪਿ ਮੁਖਤੋ ਉਗ੍ਗਚ੍ਛਤਿ, ਕੁਚ੍ਛਿવਿਰੇਚਨਮ੍ਪਿ ਹੋਤਿ, ਅਨ੍ਤਾਨਿਪਿ ਖਣ੍ਡਾਖਣ੍ਡਾਨਿ ਹੁਤ੍વਾ ਨਿਕ੍ਖਮਨ੍ਤਿ। ਲਾਭਮਚ੍ਛਰਿਯੇਨ ਸਙ੍ਘਸ੍ਸ વਾ ਗਣਸ੍ਸ વਾ ਸਨ੍ਤਕੇ ਲਾਭੇ ਮਚ੍ਛਰਾਯਿਤ੍વਾ ਪੁਗ੍ਗਲਿਕਪਰਿਭੋਗਂ વਿਯ ਪਰਿਭੁਞ੍ਜਿਤ੍વਾ ਯਕ੍ਖੋ વਾ ਪੇਤੋ વਾ ਮਹਾਅਜਗਰੋ વਾ ਹੁਤ੍વਾ ਨਿਬ੍ਬਤ੍ਤਤਿ। ਸਰੀਰવਣ੍ਣਗੁਣવਣ੍ਣਮਚ੍ਛਰੇਨ ਪਨ ਪਰਿਯਤ੍ਤਿਧਮ੍ਮਮਚ੍ਛਰਿਯੇਨ ਚ ਅਤ੍ਤਨੋવ વਣ੍ਣਂ વਣ੍ਣੇਤਿ, ਪਰੇਸਂ વਣ੍ਣੇ ‘‘ਕਿਂ વਣ੍ਣੋ ਏਸੋ’’ਤਿ ਤਂ ਤਂ ਦੋਸਂ વਦਨ੍ਤੋ ਪਰਿਯਤ੍ਤਿਧਮ੍ਮਞ੍ਚ ਕਸ੍ਸਚਿ ਕਿਞ੍ਚਿ ਅਦੇਨ੍ਤੋ ਦੁਬ੍ਬਣ੍ਣੋ ਚੇવ ਏਲ਼ਮੂਗੋ ਚ ਹੋਤਿ।

    Imesu pañcasu macchariyesu āvāsamacchariyena tāva yakkho vā peto vā hutvā tasseva āvāsassa saṅkāraṃ sīsena ukkhipitvā vicarati. Kulamacchariyena tasmiṃ kule aññesaṃ dānamānanādīni karonte disvā ‘‘bhinnaṃ vatidaṃ kulaṃ mamā’’ti cintayato lohitampi mukhato uggacchati, kucchivirecanampi hoti, antānipi khaṇḍākhaṇḍāni hutvā nikkhamanti. Lābhamacchariyena saṅghassa vā gaṇassa vā santake lābhe maccharāyitvā puggalikaparibhogaṃ viya paribhuñjitvā yakkho vā peto vā mahāajagaro vā hutvā nibbattati. Sarīravaṇṇaguṇavaṇṇamaccharena pana pariyattidhammamacchariyena ca attanova vaṇṇaṃ vaṇṇeti, paresaṃ vaṇṇe ‘‘kiṃ vaṇṇo eso’’ti taṃ taṃ dosaṃ vadanto pariyattidhammañca kassaci kiñci adento dubbaṇṇo ceva eḷamūgo ca hoti.

    ਅਪਿ ਚ ਆવਾਸਮਚ੍ਛਰਿਯੇਨ ਲੋਹਗੇਹੇ ਪਚ੍ਚਤਿ, ਕੁਲਮਚ੍ਛਰਿਯੇਨ ਅਪ੍ਪਲਾਭੋ ਹੋਤਿ, ਲਾਭਮਚ੍ਛਰਿਯੇਨ ਗੂਥਨਿਰਯੇ ਨਿਬ੍ਬਤ੍ਤਤਿ, વਣ੍ਣਮਚ੍ਛਰਿਯੇਨ ਭવੇ ਭવੇ ਨਿਬ੍ਬਤ੍ਤਸ੍ਸ વਣ੍ਣੋ ਨਾਮ ਨ ਹੋਤਿ, ਧਮ੍ਮਮਚ੍ਛਰਿਯੇਨ ਕੁਕ੍ਕੁਲ਼ਨਿਰਯੇ ਨਿਬ੍ਬਤ੍ਤਤੀਤਿ।

    Api ca āvāsamacchariyena lohagehe paccati, kulamacchariyena appalābho hoti, lābhamacchariyena gūthaniraye nibbattati, vaṇṇamacchariyena bhave bhave nibbattassa vaṇṇo nāma na hoti, dhammamacchariyena kukkuḷaniraye nibbattatīti.

    ਮਚ੍ਛਰਾਯਨવਸੇਨ ਮਚ੍ਛਰਿਯਂ। ਮਚ੍ਛਰਾਯਨਾਕਾਰੋ ਮਚ੍ਛਰਾਯਨਾ। ਮਚ੍ਛਰੇਨ ਅਯਿਤਸ੍ਸ ਮਚ੍ਛੇਰਸਮਙ੍ਗਿਨੋ ਭਾવੋ ਮਚ੍ਛਰਾਯਿਤਤ੍ਤਂ। ‘‘ਮਯ੍ਹਮੇવ ਹੋਨ੍ਤੁ, ਮਾ ਅਞ੍ਞਸ੍ਸਾ’’ਤਿ ਸਬ੍ਬਾਪਿ ਅਤ੍ਤਨੋ ਸਮ੍ਪਤ੍ਤਿਯੋ ਬ੍ਯਾਪੇਤੁਂ ਨ ਇਚ੍ਛਤੀਤਿ વਿવਿਚ੍ਛੋ, વਿવਿਚ੍ਛਸ੍ਸ ਭਾવੋ વੇવਿਚ੍ਛਂ, ਮੁਦੁਮਚ੍ਛਰਿਯਸ੍ਸੇਤਂ ਨਾਮਂ। ਕਦਰਿਯੋ વੁਚ੍ਚਤਿ ਅਨਾਦਰੋ, ਤਸ੍ਸ ਭਾવੋ ਕਦਰਿਯਂ, ਥਦ੍ਧਮਚ੍ਛਰਿਯਸ੍ਸੇਤਂ ਨਾਮਂ। ਤੇਨ ਹਿ ਸਮਨ੍ਨਾਗਤੋ ਪੁਗ੍ਗਲੋ ਪਰਮ੍ਪਿ ਪਰੇਸਂ ਦਦਮਾਨਂ ਨਿવਾਰੇਤਿ। વੁਤ੍ਤਮ੍ਪਿ ਚੇਤਂ –

    Maccharāyanavasena macchariyaṃ. Maccharāyanākāro maccharāyanā. Maccharena ayitassa maccherasamaṅgino bhāvo maccharāyitattaṃ. ‘‘Mayhameva hontu, mā aññassā’’ti sabbāpi attano sampattiyo byāpetuṃ na icchatīti viviccho, vivicchassa bhāvo vevicchaṃ, mudumacchariyassetaṃ nāmaṃ. Kadariyo vuccati anādaro, tassa bhāvo kadariyaṃ, thaddhamacchariyassetaṃ nāmaṃ. Tena hi samannāgato puggalo parampi paresaṃ dadamānaṃ nivāreti. Vuttampi cetaṃ –

    ‘‘ਕਦਰਿਯੋ ਪਾਪਸਙ੍ਕਪ੍ਪੋ, ਮਿਚ੍ਛਾਦਿਟ੍ਠਿਅਨਾਦਰੋ।

    ‘‘Kadariyo pāpasaṅkappo, micchādiṭṭhianādaro;

    ਦਦਮਾਨਂ ਨਿવਾਰੇਤਿ, ਯਾਚਮਾਨਾਨ ਭੋਜਨ’’ਨ੍ਤਿ॥ (ਸਂ॰ ਨਿ॰ ੧.੧੩੨)।

    Dadamānaṃ nivāreti, yācamānāna bhojana’’nti. (saṃ. ni. 1.132);

    ਯਾਚਕੇ ਦਿਸ੍વਾ ਕਟੁਕਭਾવੇਨ ਚਿਤ੍ਤਂ ਅਞ੍ਚਤਿ ਸਙ੍ਕੋਚੇਤੀਤਿ ਕਟੁਕਞ੍ਚੁਕੋ, ਤਸ੍ਸ ਭਾવੋ ਕਟੁਕਞ੍ਚੁਕਤਾ। ਅਪਰੋ ਨਯੋ – ਕਟੁਕਞ੍ਚੁਕਤਾ વੁਚ੍ਚਤਿ ਕਟਚ੍ਛੁਗ੍ਗਾਹੋ। ਸਮਤਿਤ੍ਤਿਕਪੁਣ੍ਣਾਯ ਹਿ ਉਕ੍ਖਲਿਯਾ ਭਤ੍ਤਂ ਗਣ੍ਹਨ੍ਤੋ ਸਬ੍ਬਤੋਭਾਗੇਨ ਸਙ੍ਕੁਟਿਤੇਨ ਅਗ੍ਗਕਟਚ੍ਛੁਨਾ ਗਣ੍ਹਾਤਿ ਪੂਰੇਤ੍વਾ ਗਹੇਤੁਂ ਨ ਸਕ੍ਕੋਤਿ, ਏવਂ ਮਚ੍ਛਰਿਪੁਗ੍ਗਲਸ੍ਸ ਚਿਤ੍ਤਂ ਸਙ੍ਕੁਚਤਿ, ਤਸ੍ਮਿਂ ਸਙ੍ਕੁਚਿਤੇ ਕਾਯੋਪਿ ਤਥੇવ ਸਙ੍ਕੁਚਤਿ ਪਟਿਕੁਟਤਿ ਪਟਿਨਿવਟ੍ਟਤਿ ਨ ਸਮ੍ਪਸਾਰੀਯਤੀਤਿ ਮਚ੍ਛੇਰਂ ‘‘ਕਟੁਕਞ੍ਚੁਕਤਾ’’ਤਿ વੁਤ੍ਤਂ।

    Yācake disvā kaṭukabhāvena cittaṃ añcati saṅkocetīti kaṭukañcuko, tassa bhāvo kaṭukañcukatā. Aparo nayo – kaṭukañcukatā vuccati kaṭacchuggāho. Samatittikapuṇṇāya hi ukkhaliyā bhattaṃ gaṇhanto sabbatobhāgena saṅkuṭitena aggakaṭacchunā gaṇhāti pūretvā gahetuṃ na sakkoti, evaṃ maccharipuggalassa cittaṃ saṅkucati, tasmiṃ saṅkucite kāyopi tatheva saṅkucati paṭikuṭati paṭinivaṭṭati na sampasārīyatīti maccheraṃ ‘‘kaṭukañcukatā’’ti vuttaṃ.

    ਅਗ੍ਗਹਿਤਤ੍ਤਂ ਚਿਤ੍ਤਸ੍ਸਾਤਿ ਪਰੇਸਂ ਉਪਕਾਰਕਰਣੇ ਦਾਨਾਦਿਨਾ ਆਕਾਰੇਨ ਯਥਾ ਨ ਸਮ੍ਪਸਾਰੀਯਤਿ, ਏવਂ ਆવਰਿਤ੍વਾ ਗਹਿਤਭਾવੋ ਚਿਤ੍ਤਸ੍ਸ। ਯਸ੍ਮਾ ਪਨ ਮਚ੍ਛਰਿਪੁਗ੍ਗਲੋ ਅਤ੍ਤਨੋ ਸਨ੍ਤਕਂ ਪਰੇਸਂ ਅਦਾਤੁਕਾਮੋ ਹੋਤਿ, ਪਰਸਨ੍ਤਕਂ ਗਣ੍ਹਿਤੁਕਾਮੋ। ਤਸ੍ਮਾ ‘‘ਇਦਂ ਅਚ੍ਛਰਿਯਂ ਮਯ੍ਹਮੇવ ਹੋਤੁ, ਮਾ ਅਞ੍ਞਸ੍ਸਾ’’ਤਿ ਪવਤ੍ਤਿવਸੇਨਸ੍ਸ ਅਤ੍ਤਸਮ੍ਪਤ੍ਤਿਨਿਗੂਹਨਲਕ੍ਖਣਤਾ ਪਰਸਮ੍ਪਤ੍ਤਿਗ੍ਗਹਣਲਕ੍ਖਣਤਾ ਚ વੇਦਿਤਬ੍ਬਾ।

    Aggahitattaṃ cittassāti paresaṃ upakārakaraṇe dānādinā ākārena yathā na sampasārīyati, evaṃ āvaritvā gahitabhāvo cittassa. Yasmā pana maccharipuggalo attano santakaṃ paresaṃ adātukāmo hoti, parasantakaṃ gaṇhitukāmo. Tasmā ‘‘idaṃ acchariyaṃ mayhameva hotu, mā aññassā’’ti pavattivasenassa attasampattinigūhanalakkhaṇatā parasampattiggahaṇalakkhaṇatā ca veditabbā.

    ਖਨ੍ਧਮਚ੍ਛਰਿਯਮ੍ਪਿ ਮਚ੍ਛਰਿਯਨ੍ਤਿ ਅਤ੍ਤਨੋ ਪਞ੍ਚਕ੍ਖਨ੍ਧਸਙ੍ਖਾਤਂ ਉਪਪਤ੍ਤਿਭવਂ ਅਞ੍ਞੇਹਿ ਅਸਾਧਾਰਣਂ ‘‘ਅਚ੍ਛਰਿਯਂ ਮਯ੍ਹਮੇવ ਹੋਤੁ, ਮਾ ਅਞ੍ਞਸ੍ਸਾ’’ਤਿ ਪવਤ੍ਤਂ ਮਚ੍ਛਰਿਯਂ ਖਨ੍ਧਮਚ੍ਛਰਿਯਂ ਨਾਮ। ਧਾਤੁਆਯਤਨਮਚ੍ਛਰਿਯੇਸੁਪਿ ਏਸੇવ ਨਯੋ। ਗਾਹੋਤਿ ਗਾਹਨਿਚ੍ਛਯવਸੇਨ ਗਹਣਂ। ਅવਦਞ੍ਞੁਤਾਯਾਤਿ ਸਬ੍ਬਞ੍ਞੁਬੁਦ੍ਧਾਨਮ੍ਪਿ ਕਥਿਤਂ ਅਜਾਨਨਭਾવੇਨ। ਯਾਚਕਾਨਂ ਅਦਦਮਾਨੋ ਹਿ ਤੇਹਿ ਕਥਿਤਂ ਨ ਜਾਨਾਤਿ ਨਾਮ। ਜਨਾ ਪਮਤ੍ਤਾਤਿ ਸਤਿવਿਪ੍ਪવਾਸਾ ਜਨਾ। વਚਨਨ੍ਤਿ ਸਙ੍ਖੇਪવਚਨਂ। ਬ੍ਯਪ੍ਪਥਨ੍ਤਿ વਿਤ੍ਥਾਰવਚਨਂ। ਦੇਸਨਨ੍ਤਿ ਉਪਮਂ ਦਸ੍ਸੇਤ੍વਾ ਅਤ੍ਥਸਨ੍ਦਸ੍ਸਨવਚਨਂ। ਅਨੁਸਿਟ੍ਠਿਨ੍ਤਿ ਪੁਨਪ੍ਪੁਨਂ ਸਂਲਕ੍ਖਾਪਨવਚਨਂ। ਅਥ વਾ ਦਸ੍ਸੇਤ੍વਾ ਕਥਨਂ વਚਨਂ ਨਾਮ। ਗਣ੍ਹਾਪੇਤ੍વਾ ਕਥਨਂ ਬ੍ਯਪ੍ਪਥਂ ਨਾਮ। ਤੋਸੇਤ੍વਾ ਕਥਨਂ ਦੇਸਨਂ ਨਾਮ। ਪਦਸ੍ਸੇਤ੍વਾ ਕਥਨਂ ਅਨੁਸਿਟ੍ਠਿ ਨਾਮ। ਅਥ વਾ ਪਰਿਤਾਪਦੁਕ੍ਖਂ ਨਾਸੇਤ੍વਾ ਕਥਨਂ વਚਨਂ ਨਾਮ। ਪਰਿਲ਼ਾਹਦੁਕ੍ਖਂ ਨਾਸੇਤ੍વਾ ਕਥਨਂ ਬ੍ਯਪ੍ਪਥਂ ਨਾਮ। ਅਪਾਯਦੁਕ੍ਖਂ ਨਾਸੇਤ੍વਾ ਕਥਨਂ ਦੇਸਨਂ ਨਾਮ। ਭવਦੁਕ੍ਖਂ ਨਾਸੇਤ੍વਾ ਕਥਨਂ ਅਨੁਸਿਟ੍ਠਿ ਨਾਮ। ਅਥ વਾ ਦੁਕ੍ਖਸਚ੍ਚਪਰਿਞ੍ਞਾਪਟਿવੇਧਯੁਤ੍ਤਂ વਚਨਂ। ਸਮੁਦਯਸਚ੍ਚਪਹਾਨਪਟਿવੇਧਯੁਤ੍ਤਂ ਬ੍ਯਪ੍ਪਥਂ। ਨਿਰੋਧਸਚ੍ਚਸਚ੍ਛਿਕਿਰਿਯਪਟਿવੇਧਯੁਤ੍ਤਂ ਦੇਸਨਂ। ਮਗ੍ਗਸਚ੍ਚਭਾવਨਾਪਟਿવੇਧਯੁਤ੍ਤਂ ਅਨੁਸਿਟ੍ਠੀਤਿ ਏવਮਾਦਿਨਾ ਨਯੇਨ ਏਕੇ વਣ੍ਣਯਨ੍ਤਿ।

    Khandhamacchariyampi macchariyanti attano pañcakkhandhasaṅkhātaṃ upapattibhavaṃ aññehi asādhāraṇaṃ ‘‘acchariyaṃ mayhameva hotu, mā aññassā’’ti pavattaṃ macchariyaṃ khandhamacchariyaṃ nāma. Dhātuāyatanamacchariyesupi eseva nayo. Gāhoti gāhanicchayavasena gahaṇaṃ. Avadaññutāyāti sabbaññubuddhānampi kathitaṃ ajānanabhāvena. Yācakānaṃ adadamāno hi tehi kathitaṃ na jānāti nāma. Janā pamattāti sativippavāsā janā. Vacananti saṅkhepavacanaṃ. Byappathanti vitthāravacanaṃ. Desananti upamaṃ dassetvā atthasandassanavacanaṃ. Anusiṭṭhinti punappunaṃ saṃlakkhāpanavacanaṃ. Atha vā dassetvā kathanaṃ vacanaṃ nāma. Gaṇhāpetvā kathanaṃ byappathaṃ nāma. Tosetvā kathanaṃ desanaṃ nāma. Padassetvā kathanaṃ anusiṭṭhi nāma. Atha vā paritāpadukkhaṃ nāsetvā kathanaṃ vacanaṃ nāma. Pariḷāhadukkhaṃ nāsetvā kathanaṃ byappathaṃ nāma. Apāyadukkhaṃ nāsetvā kathanaṃ desanaṃ nāma. Bhavadukkhaṃ nāsetvā kathanaṃ anusiṭṭhi nāma. Atha vā dukkhasaccapariññāpaṭivedhayuttaṃ vacanaṃ. Samudayasaccapahānapaṭivedhayuttaṃ byappathaṃ. Nirodhasaccasacchikiriyapaṭivedhayuttaṃ desanaṃ. Maggasaccabhāvanāpaṭivedhayuttaṃ anusiṭṭhīti evamādinā nayena eke vaṇṇayanti.

    ਨ ਸੁਸ੍ਸੁਸਨ੍ਤੀਤਿ ਨ ਸੁਣਨ੍ਤਿ। ਨ ਸੋਤਂ ਓਦਹਨ੍ਤੀਤਿ ਸવਨਤ੍ਥਂ ਕਣ੍ਣਸੋਤਂ ਨ ਠਪੇਨ੍ਤਿ। ਨ ਅਞ੍ਞਾ ਚਿਤ੍ਤਂ ਉਪਟ੍ਠਪੇਨ੍ਤੀਤਿ ਜਾਨਨਤ੍ਥਂ ਚਿਤ੍ਤਂ ਨ ਪਤਿਟ੍ਠਪੇਨ੍ਤਿ। ਅਨਸ੍ਸવਾਤਿ ਓવਾਦਂ ਅਸੁਣਮਾਨਾ। ਅવਚਨਕਰਾਤਿ ਸੁਣਮਾਨਾਪਿ વਚਨਂ ਨ ਕਰੋਨ੍ਤੀਤਿ ਅવਚਨਕਰਾ। ਪਟਿਲੋਮવੁਤ੍ਤਿਨੋਤਿ ਪਟਾਣੀ ਹੁਤ੍વਾ ਪવਤ੍ਤਨਕਾ । ਅਞ੍ਞੇਨੇવ ਮੁਖਂ ਕਰੋਨ੍ਤੀਤਿ ਕਰੋਨ੍ਤਾਪਿ ਮੁਖਂ ਨ ਦੇਨ੍ਤੀਤਿ ਅਤ੍ਥੋ।

    Nasussusantīti na suṇanti. Na sotaṃ odahantīti savanatthaṃ kaṇṇasotaṃ na ṭhapenti. Na aññā cittaṃ upaṭṭhapentīti jānanatthaṃ cittaṃ na patiṭṭhapenti. Anassavāti ovādaṃ asuṇamānā. Avacanakarāti suṇamānāpi vacanaṃ na karontīti avacanakarā. Paṭilomavuttinoti paṭāṇī hutvā pavattanakā . Aññeneva mukhaṃ karontīti karontāpi mukhaṃ na dentīti attho.

    વਿਸਮੇਤਿ ਕਾਯਸੁਚਰਿਤਾਦਿਸਮ੍ਮਤਸ੍ਸ ਸਮਸ੍ਸ ਪਟਿਪਕ੍ਖਤ੍ਤਾ વਿਸਮਂ, ਤਸ੍ਮਿਂ વਿਸਮੇ। ਨਿવਿਟ੍ਠਾਤਿ ਪવਿਟ੍ਠਾ ਦੁਨ੍ਨੀਹਰਾ। ਕਾਯਕਮ੍ਮੇਤਿ ਕਾਯਤੋ ਪવਤ੍ਤੇ, ਕਾਯੇਨ વਾ ਪવਤ੍ਤੇ ਕਾਯਕਮ੍ਮੇ। વਚੀਕਮ੍ਮਾਦੀਸੁਪਿ ਏਸੇવ ਨਯੋ।

    Visameti kāyasucaritādisammatassa samassa paṭipakkhattā visamaṃ, tasmiṃ visame. Niviṭṭhāti paviṭṭhā dunnīharā. Kāyakammeti kāyato pavatte, kāyena vā pavatte kāyakamme. Vacīkammādīsupi eseva nayo.

    ਤਤ੍ਥ ਕਾਯਕਮ੍ਮવਚੀਕਮ੍ਮਮਨੋਕਮ੍ਮਾਨਿ ਦੁਚ੍ਚਰਿਤવਸੇਨ વਿਭਤ੍ਤਾਨਿ, ਪਾਣਾਤਿਪਾਤਾਦਯੋ ਦਸਅਕੁਸਲਕਮ੍ਮਪਥવਸੇਨ વਿਭਤ੍ਤਾਤਿ ਞਾਤਬ੍ਬਂ। ਅਯਂ ਤਾવੇਤ੍ਥ ਸਾਧਾਰਣਪਦવਣ੍ਣਨਾ, ਅਸਾਧਾਰਣੇਸੁ ਪਨ ਪਾਣਸ੍ਸ ਅਤਿਪਾਤੋ ਪਾਣਾਤਿਪਾਤੋ, ਪਾਣવਧੋ ਪਾਣਘਾਤੋਤਿ વੁਤ੍ਤਂ ਹੋਤਿ। ਪਾਣੋਤਿ ਚੇਤ੍ਥ વੋਹਾਰਤੋ ਸਤ੍ਤੋ, ਪਰਮਤ੍ਥਤੋ ਜੀવਿਤਿਨ੍ਦ੍ਰਿਯਂ। ਤਸ੍ਮਿਂ ਪਨ ਪਾਣੇ ਪਾਣਸਞ੍ਞਿਨੋ ਜੀવਿਤਿਨ੍ਦ੍ਰਿਯੁਪਚ੍ਛੇਦਕਉਪਕ੍ਕਮਸਮੁਟ੍ਠਾਪਿਤਾ ਕਾਯવਚੀਦ੍વਾਰਾਨਂ ਅਞ੍ਞਤਰਦ੍વਾਰਪવਤ੍ਤਾ વਧਕਚੇਤਨਾ ਪਾਣਾਤਿਪਾਤੋ। ਸੋ ਗੁਣવਿਰਹਿਤੇਸੁ ਤਿਰਚ੍ਛਾਨਗਤਾਦੀਸੁ ਪਾਣੇਸੁ ਖੁਦ੍ਦਕੇ ਪਾਣੇ ਅਪ੍ਪਸਾવਜ੍ਜੋ, ਮਹਾਸਰੀਰੇ ਮਹਾਸਾવਜ੍ਜੋ। ਕਸ੍ਮਾ? ਪਯੋਗਮਹਨ੍ਤਤਾਯ, ਪਯੋਗਸਮਤ੍ਤੇਪਿ વਤ੍ਥੁਮਹਨ੍ਤਤਾਯ। ਗੁਣવਨ੍ਤੇਸੁ ਮਨੁਸ੍ਸਾਦੀਸੁ ਅਪ੍ਪਗੁਣੇ ਪਾਣੇ ਅਪ੍ਪਸਾવਜ੍ਜੋ, ਮਹਾਗੁਣੇ ਮਹਾਸਾવਜ੍ਜੋ। ਸਰੀਰਗੁਣਾਨਂ ਪਨ ਸਮਭਾવੇ ਸਤਿ ਕਿਲੇਸਾਨਂ ਉਪਕ੍ਕਮਾਨਞ੍ਚ ਮੁਦੁਤਾਯ ਅਪ੍ਪਸਾવਜ੍ਜੋ, ਤਿਬ੍ਬਤਾਯ ਮਹਾਸਾવਜ੍ਜੋਤਿ વੇਦਿਤਬ੍ਬੋ।

    Tattha kāyakammavacīkammamanokammāni duccaritavasena vibhattāni, pāṇātipātādayo dasaakusalakammapathavasena vibhattāti ñātabbaṃ. Ayaṃ tāvettha sādhāraṇapadavaṇṇanā, asādhāraṇesu pana pāṇassa atipāto pāṇātipāto, pāṇavadho pāṇaghātoti vuttaṃ hoti. Pāṇoti cettha vohārato satto, paramatthato jīvitindriyaṃ. Tasmiṃ pana pāṇe pāṇasaññino jīvitindriyupacchedakaupakkamasamuṭṭhāpitā kāyavacīdvārānaṃ aññataradvārapavattā vadhakacetanā pāṇātipāto. So guṇavirahitesu tiracchānagatādīsu pāṇesu khuddake pāṇe appasāvajjo, mahāsarīre mahāsāvajjo. Kasmā? Payogamahantatāya, payogasamattepi vatthumahantatāya. Guṇavantesu manussādīsu appaguṇe pāṇe appasāvajjo, mahāguṇe mahāsāvajjo. Sarīraguṇānaṃ pana samabhāve sati kilesānaṃ upakkamānañca mudutāya appasāvajjo, tibbatāya mahāsāvajjoti veditabbo.

    ਤਸ੍ਸ ਪਞ੍ਚ ਸਮ੍ਭਾਰਾ ਹੋਨ੍ਤਿ – ਪਾਣੋ ਪਾਣਸਞ੍ਞਿਤਾ વਧਕਚਿਤ੍ਤਂ ਉਪਕ੍ਕਮੋ ਤੇਨ ਮਰਣਨ੍ਤਿ। ਛਪ੍ਪਯੋਗਾ – ਸਾਹਤ੍ਥਿਕੋ ਆਣਤ੍ਤਿਕੋ ਨਿਸ੍ਸਗ੍ਗਿਯੋ ਥਾવਰੋ વਿਜ੍ਜਾਮਯੋ ਇਦ੍ਧਿਮਯੋਤਿ। ਇਮਸ੍ਮਿਂ ਪਨਤ੍ਥੇ વਿਤ੍ਥਾਰਿਯਮਾਨੇ ਅਤਿਪਪਞ੍ਚੋ ਹੋਤਿ, ਤਸ੍ਮਾ ਨਂ ਨ વਿਤ੍ਥਾਰਯਿਸ੍ਸਾਮ। ਅਞ੍ਞਞ੍ਚ ਏવਰੂਪਂ , ਅਤ੍ਥਿਕੇਹਿ ਪਨ ਸਮਨ੍ਤਪਾਸਾਦਿਕਂ વਿਨਯਟ੍ਠਕਥਂ (ਪਾਰਾ॰ ਅਟ੍ਠ॰ ੨.੧੭੨) ਓਲੋਕੇਤ੍વਾ ਗਹੇਤਬ੍ਬਂ।

    Tassa pañca sambhārā honti – pāṇo pāṇasaññitā vadhakacittaṃ upakkamo tena maraṇanti. Chappayogā – sāhatthiko āṇattiko nissaggiyo thāvaro vijjāmayo iddhimayoti. Imasmiṃ panatthe vitthāriyamāne atipapañco hoti, tasmā naṃ na vitthārayissāma. Aññañca evarūpaṃ , atthikehi pana samantapāsādikaṃ vinayaṭṭhakathaṃ (pārā. aṭṭha. 2.172) oloketvā gahetabbaṃ.

    ਅਦਿਨ੍ਨਸ੍ਸ ਆਦਾਨਂ ਅਦਿਨ੍ਨਾਦਾਨਂ, ਪਰਸ੍ਸ ਹਰਣਂ ਥੇਯ੍ਯਂ ਚੋਰਿਕਾਤਿ વੁਤ੍ਤਂ ਹੋਤਿ। ਤਤ੍ਥ ਅਦਿਨ੍ਨਨ੍ਤਿ ਪਰਪਰਿਗ੍ਗਹਿਤਂ, ਯਤ੍ਥ ਪਰੋ ਯਥਾਕਾਮਕਾਰਿਤਂ ਆਪਜ੍ਜਨ੍ਤੋ ਅਦਣ੍ਡਾਰਹੋ ਅਨੁਪવਜ੍ਜੋ ਚ ਹੋਤਿ, ਤਸ੍ਮਿਂ ਪਨ ਪਰਪਰਿਗ੍ਗਹਿਤੇ ਪਰਪਰਿਗ੍ਗਹਿਤਸਞ੍ਞਿਨੋ ਤਦਾਦਾਯਕਉਪਕ੍ਕਮਸਮੁਟ੍ਠਾਪਿਕਾ ਥੇਯ੍ਯਚੇਤਨਾ ਅਦਿਨ੍ਨਾਦਾਨਂ। ਤਂ ਹੀਨੇ ਪਰਸਨ੍ਤਕੇ વਤ੍ਥੁਸ੍ਮਿਂ ਅਪ੍ਪਸਾવਜ੍ਜਂ, ਪਣੀਤੇ ਮਹਾਸਾવਜ੍ਜਂ। ਕਸ੍ਮਾ? વਤ੍ਥੁਪਣੀਤਤਾਯ, વਤ੍ਥੁਸਮਤ੍ਤੇ ਸਤਿ ਗੁਣਾਧਿਕਾਨਂ ਸਨ੍ਤਕੇ વਤ੍ਥੁਸ੍ਮਿਂ ਮਹਾਸਾવਜ੍ਜਂ। ਤਂ ਤਂ ਗੁਣਾਧਿਕਂ ਉਪਾਦਾਯ ਤਤੋ ਤਤੋ ਹੀਨਗੁਣਸ੍ਸ ਸਨ੍ਤਕੇ વਤ੍ਥੁਸ੍ਮਿਂ ਅਪ੍ਪਸਾવਜ੍ਜਂ।

    Adinnassa ādānaṃ adinnādānaṃ, parassa haraṇaṃ theyyaṃ corikāti vuttaṃ hoti. Tattha adinnanti parapariggahitaṃ, yattha paro yathākāmakāritaṃ āpajjanto adaṇḍāraho anupavajjo ca hoti, tasmiṃ pana parapariggahite parapariggahitasaññino tadādāyakaupakkamasamuṭṭhāpikā theyyacetanā adinnādānaṃ. Taṃ hīne parasantake vatthusmiṃ appasāvajjaṃ, paṇīte mahāsāvajjaṃ. Kasmā? Vatthupaṇītatāya, vatthusamatte sati guṇādhikānaṃ santake vatthusmiṃ mahāsāvajjaṃ. Taṃ taṃ guṇādhikaṃ upādāya tato tato hīnaguṇassa santake vatthusmiṃ appasāvajjaṃ.

    ਤਸ੍ਸ ਪਞ੍ਚ ਸਮ੍ਭਾਰਾ ਹੋਨ੍ਤਿ – ਪਰਪਰਿਗ੍ਗਹਿਤਂ ਪਰਪਰਿਗ੍ਗਹਿਤਸਞ੍ਞਿਤਾ ਥੇਯ੍ਯਚਿਤ੍ਤਂ ਉਪਕ੍ਕਮੋ ਤੇਨ ਹਰਣਨ੍ਤਿ। ਛਪ੍ਪਯੋਗਾ ਸਾਹਤ੍ਥਿਕਾਦਯੋવ। ਤੇ ਚ ਖੋ ਯਥਾਨੁਰੂਪਂ ਥੇਯ੍ਯਾવਹਾਰੋ ਪਸਯ੍ਹਾવਹਾਰੋ ਪਟਿਚ੍ਛਨ੍ਨਾવਹਾਰੋ ਪਰਿਕਪ੍ਪਾવਹਾਰੋ ਕੁਸਾવਹਾਰੋਤਿ ਇਮੇਸਂ ਪਞ੍ਚਨ੍ਨਂ ਅવਹਾਰਾਨਂ વਸੇਨ ਪવਤ੍ਤਨ੍ਤਿ। ਅਯਮੇਤ੍ਥ ਸਙ੍ਖੇਪੋ। વਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯਂ વੁਤ੍ਤੋ।

    Tassa pañca sambhārā honti – parapariggahitaṃ parapariggahitasaññitā theyyacittaṃ upakkamo tena haraṇanti. Chappayogā sāhatthikādayova. Te ca kho yathānurūpaṃ theyyāvahāro pasayhāvahāro paṭicchannāvahāro parikappāvahāro kusāvahāroti imesaṃ pañcannaṃ avahārānaṃ vasena pavattanti. Ayamettha saṅkhepo. Vitthāro pana samantapāsādikāyaṃ vutto.

    ਕਾਮੇਸੁਮਿਚ੍ਛਾਚਾਰੋਤਿ ਏਤ੍ਥ ਪਨ ਕਾਮੇਸੂਤਿ ਮੇਥੁਨਸਮਾਚਾਰੇਸੁ। ਮਿਚ੍ਛਾਚਾਰੋਤਿ ਏਕਨ੍ਤਨਿਨ੍ਦਿਤੋ ਲਾਮਕਾਚਾਰੋ। ਲਕ੍ਖਣਤੋ ਪਨ ਅਸਦ੍ਧਮ੍ਮਸੇવਨਾਧਿਪ੍ਪਾਯੇਨ ਕਾਯਦ੍વਾਰਪ੍ਪવਤ੍ਤਾ ਅਗਮਨੀਯਟ੍ਠਾਨવੀਤਿਕ੍ਕਮਚੇਤਨਾ ਕਾਮੇਸੁਮਿਚ੍ਛਾਚਾਰੋ।

    Kāmesumicchācāroti ettha pana kāmesūti methunasamācāresu. Micchācāroti ekantanindito lāmakācāro. Lakkhaṇato pana asaddhammasevanādhippāyena kāyadvārappavattā agamanīyaṭṭhānavītikkamacetanā kāmesumicchācāro.

    ਤਤ੍ਥ ਅਗਮਨੀਯਟ੍ਠਾਨਂ ਨਾਮ ਪੁਰਿਸਾਨਂ ਤਾવ ਮਾਤੁਰਕ੍ਖਿਤਾ ਪਿਤੁਰਕ੍ਖਿਤਾ ਮਾਤਾਪਿਤੁਰਕ੍ਖਿਤਾ ਭਾਤੁਰਕ੍ਖਿਤਾ ਭਗਿਨਿਰਕ੍ਖਿਤਾ ਞਾਤਿਰਕ੍ਖਿਤਾ ਗੋਤ੍ਤਰਕ੍ਖਿਤਾ ਧਮ੍ਮਰਕ੍ਖਿਤਾ ਸਾਰਕ੍ਖਾ ਸਪਰਿਦਣ੍ਡਾਤਿ ਮਾਤੁਰਕ੍ਖਿਤਾਦਯੋ ਦਸ, ਧਨਕ੍ਕੀਤਾ ਛਨ੍ਦવਾਸਿਨੀ ਭੋਗવਾਸਿਨੀ ਪਟવਾਸਿਨੀ ਓਦਪਤ੍ਤਕਿਨੀ ਓਭਤਚੁਮ੍ਬਟਕਾ ਦਾਸੀ ਚ ਭਰਿਯਾ ਕਮ੍ਮਕਾਰੀ ਚ ਭਰਿਯਾ ਧਜਾਹਟਾ ਮੁਹੁਤ੍ਤਿਕਾਤਿ ਏਤਾ ਧਨਕ੍ਕੀਤਾਦਯੋ ਦਸਾਤਿ વੀਸਤਿ ਇਤ੍ਥਿਯੋ। ਇਤ੍ਥੀਸੁ ਪਨ ਦ੍વੀਨ੍ਨਂ ਸਾਰਕ੍ਖਸਪਰਿਦਣ੍ਡਾਨਂ ਦਸਨ੍ਨਞ੍ਚ ਧਨਕ੍ਕੀਤਾਦੀਨਨ੍ਤਿ ਦ੍વਾਦਸਨ੍ਨਂ ਇਤ੍ਥੀਨਂ ਅਞ੍ਞੇ ਪੁਰਿਸਾ, ਇਦਂ ਅਗਮਨੀਯਟ੍ਠਾਨਂ ਨਾਮ।

    Tattha agamanīyaṭṭhānaṃ nāma purisānaṃ tāva māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sārakkhā saparidaṇḍāti māturakkhitādayo dasa, dhanakkītā chandavāsinī bhogavāsinī paṭavāsinī odapattakinī obhatacumbaṭakā dāsī ca bhariyā kammakārī ca bhariyā dhajāhaṭā muhuttikāti etā dhanakkītādayo dasāti vīsati itthiyo. Itthīsu pana dvīnnaṃ sārakkhasaparidaṇḍānaṃ dasannañca dhanakkītādīnanti dvādasannaṃ itthīnaṃ aññe purisā, idaṃ agamanīyaṭṭhānaṃ nāma.

    ਸੋ ਪਨੇਸ ਮਿਚ੍ਛਾਚਾਰੋ ਸੀਲਾਦਿਗੁਣਰਹਿਤੇ ਅਗਮਨੀਯਟ੍ਠਾਨੇ ਅਪ੍ਪਸਾવਜ੍ਜੋ, ਸੀਲਾਦਿਗੁਣਸਮ੍ਪਨ੍ਨੇ ਮਹਾਸਾવਜ੍ਜੋ। ਤਸ੍ਸ ਚਤ੍ਤਾਰੋ ਸਮ੍ਭਾਰਾ – ਅਗਮਨੀਯવਤ੍ਥੁ ਤਸ੍ਮਿਂ ਸੇવਨਚਿਤ੍ਤਂ ਸੇવਨਪਯੋਗੋ ਮਗ੍ਗੇਨ ਮਗ੍ਗਪਟਿਪਤ੍ਤਿਅਧਿવਾਸਨਨ੍ਤਿ। ਏਕੋ ਪਯੋਗੋ ਸਾਹਤ੍ਥਿਕੋ ਏવ।

    So panesa micchācāro sīlādiguṇarahite agamanīyaṭṭhāne appasāvajjo, sīlādiguṇasampanne mahāsāvajjo. Tassa cattāro sambhārā – agamanīyavatthu tasmiṃ sevanacittaṃ sevanapayogo maggena maggapaṭipattiadhivāsananti. Eko payogo sāhatthiko eva.

    ਮੁਸਾਤਿ વਿਸਂવਾਦਨਪੁਰੇਕ੍ਖਾਰਸ੍ਸ ਅਤ੍ਥਭਞ੍ਜਨਕੋ વਚੀਪਯੋਗੋ ਕਾਯਪਯੋਗੋ વਾ। વਿਸਂવਾਦਨਾਧਿਪ੍ਪਾਯੇਨ ਪਨਸ੍ਸ ਪਰવਿਸਂવਾਦਕਕਾਯવਚੀਪਯੋਗਸਮੁਟ੍ਠਾਪਿਕਾ ਚੇਤਨਾ ਮੁਸਾવਾਦੋ। ਅਪਰੋ ਨਯੋ – ਮੁਸਾਤਿ ਅਭੂਤਂ ਅਤਚ੍ਛਂ વਤ੍ਥੁ। વਾਦੋਤਿ ਤਸ੍ਸ ਭੂਤਤੋ ਤਚ੍ਛਤੋ વਿਞ੍ਞਾਪਨਂ। ਲਕ੍ਖਣਤੋ ਪਨ ਅਤਥਂ વਤ੍ਥੁਂ ਤਥਤੋ ਪਰਂ વਿਞ੍ਞਾਪੇਤੁਕਾਮਸ੍ਸ ਤਥਾવਿਞ੍ਞਤ੍ਤਿਸਮੁਟ੍ਠਾਪਿਕਾ ਚੇਤਨਾ ਮੁਸਾવਾਦੋ। ਸੋ ਯਮਤ੍ਥਂ ਭਞ੍ਜਤਿ, ਤਸ੍ਸ ਅਪ੍ਪਤਾਯ ਅਪ੍ਪਸਾવਜ੍ਜੋ, ਮਹਨ੍ਤਤਾਯ ਮਹਾਸਾવਜ੍ਜੋ। ਅਪਿ ਚ ਗਹਟ੍ਠਾਨਂ ਅਤ੍ਤਨੋ ਸਨ੍ਤਕਂ ਅਦਾਤੁਕਾਮਤਾਯ ‘‘ਨਤ੍ਥੀ’’ਤਿਆਦਿਨਯਪ੍ਪવਤ੍ਤੋ ਅਪ੍ਪਸਾવਜ੍ਜੋ, ਸਕ੍ਖਿਨਾ ਹੁਤ੍વਾ ਅਤ੍ਥਭਞ੍ਜਨਤ੍ਥਂ વੁਤ੍ਤੋ ਮਹਾਸਾવਜ੍ਜੋ। ਪਬ੍ਬਜਿਤਾਨਂ ਅਪ੍ਪਕਮ੍ਪਿ ਤੇਲਂ વਾ ਸਪ੍ਪਿਂ વਾ ਲਭਿਤ੍વਾ ਹਸਾਧਿਪ੍ਪਾਯੇਨ ‘‘ਅਜ੍ਜ ਗਾਮੇ ਤੇਲਂ ਨਦੀ ਮਞ੍ਞੇ ਸਨ੍ਦਤੀ’’ਤਿ ਪੂਰਣਕਥਾਨਯੇਨ ਪવਤ੍ਤੋ ਅਪ੍ਪਸਾવਜ੍ਜੋ, ਅਦਿਟ੍ਠਂਯੇવ ਪਨ ਦਿਟ੍ਠਨ੍ਤਿਆਦਿਨਾ ਨਯੇਨ વਦਨ੍ਤਾਨਂ ਮਹਾਸਾવਜ੍ਜੋ।

    Musāti visaṃvādanapurekkhārassa atthabhañjanako vacīpayogo kāyapayogo vā. Visaṃvādanādhippāyena panassa paravisaṃvādakakāyavacīpayogasamuṭṭhāpikā cetanā musāvādo. Aparo nayo – musāti abhūtaṃ atacchaṃ vatthu. Vādoti tassa bhūtato tacchato viññāpanaṃ. Lakkhaṇato pana atathaṃ vatthuṃ tathato paraṃ viññāpetukāmassa tathāviññattisamuṭṭhāpikā cetanā musāvādo. So yamatthaṃ bhañjati, tassa appatāya appasāvajjo, mahantatāya mahāsāvajjo. Api ca gahaṭṭhānaṃ attano santakaṃ adātukāmatāya ‘‘natthī’’tiādinayappavatto appasāvajjo, sakkhinā hutvā atthabhañjanatthaṃ vutto mahāsāvajjo. Pabbajitānaṃ appakampi telaṃ vā sappiṃ vā labhitvā hasādhippāyena ‘‘ajja gāme telaṃ nadī maññe sandatī’’ti pūraṇakathānayena pavatto appasāvajjo, adiṭṭhaṃyeva pana diṭṭhantiādinā nayena vadantānaṃ mahāsāvajjo.

    ਤਸ੍ਸ ਚਤ੍ਤਾਰੋ ਸਮ੍ਭਾਰਾ ਹੋਨ੍ਤਿ – ਅਤਥਂ વਤ੍ਥੁ વਿਸਂવਾਦਨਚਿਤ੍ਤਂ ਤਜ੍ਜੋ વਾਯਾਮੋ ਪਰਸ੍ਸ ਤਦਤ੍ਥવਿਜਾਨਨਨ੍ਤਿ। ਏਕੋ ਪਯੋਗੋ ਸਾਹਤ੍ਥਿਕੋવ। ਸੋ ਚ ਕਾਯੇਨ વਾ ਕਾਯਪਟਿਬਦ੍ਧੇਨ વਾ વਾਚਾਯ વਾ ਪਰવਿਸਂવਾਦਕਕਿਰਿਯਾਕਰਣੇ ਦਟ੍ਠਬ੍ਬੋ। ਤਾਯ ਚੇ ਕਿਰਿਯਾਯ ਪਰੋ ਤਮਤ੍ਥਂ ਜਾਨਾਤਿ, ਅਯਂ ਕਿਰਿਯਸਮੁਟ੍ਠਾਪਿਕਾ ਚੇਤਨਾਕ੍ਖਣੇਯੇવ ਮੁਸਾવਾਦਕਮ੍ਮੁਨਾ ਬਜ੍ਝਤਿ।

    Tassa cattāro sambhārā honti – atathaṃ vatthu visaṃvādanacittaṃ tajjo vāyāmo parassa tadatthavijānananti. Eko payogo sāhatthikova. So ca kāyena vā kāyapaṭibaddhena vā vācāya vā paravisaṃvādakakiriyākaraṇe daṭṭhabbo. Tāya ce kiriyāya paro tamatthaṃ jānāti, ayaṃ kiriyasamuṭṭhāpikā cetanākkhaṇeyeva musāvādakammunā bajjhati.

    ਪਿਸੁਣવਾਚਾਤਿਆਦੀਸੁ ਯਾਯ વਾਚਾਯ ਯਸ੍ਸ ਤਂ વਾਚਂ ਭਾਸਤਿ, ਤਸ੍ਸ ਹਦਯੇ ਅਤ੍ਤਨੋ ਪਿਯਭਾવਂ ਪਰਸ੍ਸ ਚ ਸੁਞ੍ਞਭਾવਂ ਕਰੋਤਿ, ਸਾ ਪਿਸੁਣવਾਚਾ। ਯਾਯ ਪਨ ਅਤ੍ਤਾਨਮ੍ਪਿ ਪਰਮ੍ਪਿ ਫਰੁਸਂ ਕਰੋਤਿ, ਯਾ વਾਚਾ ਸਯਮ੍ਪਿ ਫਰੁਸਾ ਨੇવ ਕਣ੍ਣਸੁਖਾ ਨ ਹਦਯਙ੍ਗਮਾ, ਅਯਂ ਫਰੁਸવਾਚਾ। ਯੇਨ ਸਮ੍ਫਂ ਪਲਪਤਿ ਨਿਰਤ੍ਥਕਂ, ਸੋ ਸਮ੍ਫਪ੍ਪਲਾਪੋ। ਤੇਸਂ ਮੂਲਭੂਤਾਪਿ ਚੇਤਨਾ ਪਿਸੁਣવਾਚਾਦਿਨਾਮਮੇવ ਲਭਤਿ, ਸਾ ਏવ ਇਧ ਅਧਿਪ੍ਪੇਤਾਤਿ।

    Pisuṇavācātiādīsu yāya vācāya yassa taṃ vācaṃ bhāsati, tassa hadaye attano piyabhāvaṃ parassa ca suññabhāvaṃ karoti, sā pisuṇavācā. Yāya pana attānampi parampi pharusaṃ karoti, yā vācā sayampi pharusā neva kaṇṇasukhā na hadayaṅgamā, ayaṃ pharusavācā. Yena samphaṃ palapati niratthakaṃ, so samphappalāpo. Tesaṃ mūlabhūtāpi cetanā pisuṇavācādināmameva labhati, sā eva idha adhippetāti.

    ਤਤ੍ਥ ਸਂਕਿਲਿਟ੍ਠਚਿਤ੍ਤਸ੍ਸ ਪਰੇਸਂ વਾ ਭੇਦਾਯ ਅਤ੍ਤਨੋ ਪਿਯਕਮ੍ਯਤਾਯ વਾ ਕਾਯવਚੀਪਯੋਗਸਮੁਟ੍ਠਾਪਿਕਾ ਚੇਤਨਾ ਪਿਸੁਣવਾਚਾ। ਸਾ ਯਸ੍ਸ ਭੇਦਂ ਕਰੋਤਿ , ਤਸ੍ਸ ਅਪ੍ਪਗੁਣਾਯ ਅਪ੍ਪਸਾવਜ੍ਜਾ, ਮਹਾਗੁਣਤਾਯ ਮਹਾਸਾવਜ੍ਜਾ।

    Tattha saṃkiliṭṭhacittassa paresaṃ vā bhedāya attano piyakamyatāya vā kāyavacīpayogasamuṭṭhāpikā cetanā pisuṇavācā. Sā yassa bhedaṃ karoti , tassa appaguṇāya appasāvajjā, mahāguṇatāya mahāsāvajjā.

    ਤਸ੍ਸਾ ਚਤ੍ਤਾਰੋ ਸਮ੍ਭਾਰਾ ਹੋਨ੍ਤਿ – ਭਿਨ੍ਦਿਤਬ੍ਬੋ ਪਰੋ ‘‘ਇਤਿ ਇਮੇ ਨਾਨਾ ਭવਿਸ੍ਸਨ੍ਤਿ વਿਨਾ ਭવਿਸ੍ਸਨ੍ਤੀ’’ਤਿ ਭੇਦਪੁਰੇਕ੍ਖਾਰਤਾ વਾ, ‘‘ਇਤਿ ਅਹਂ ਪਿਯੋ ਭવਿਸ੍ਸਾਮਿ વਿਸ੍ਸਾਸਿਕੋ’’ਤਿ વਿਯਕਮ੍ਯਤਾ વਾ, ਤਜ੍ਜੋ વਾਯਾਮੋ, ਤਸ੍ਸ ਤਦਤ੍ਥવਿਜਾਨਨਨ੍ਤਿ।

    Tassā cattāro sambhārā honti – bhinditabbo paro ‘‘iti ime nānā bhavissanti vinā bhavissantī’’ti bhedapurekkhāratā vā, ‘‘iti ahaṃ piyo bhavissāmi vissāsiko’’ti viyakamyatā vā, tajjo vāyāmo, tassa tadatthavijānananti.

    ਪਰਸ੍ਸ ਮਮ੍ਮਚ੍ਛੇਦਕਕਾਯવਚੀਪਯੋਗਸਮੁਟ੍ਠਾਪਿਕਾ ਏਕਨ੍ਤਫਰੁਸਚੇਤਨਾ ਫਰੁਸવਾਚਾ। ਮਮ੍ਮਚ੍ਛੇਦਕੋਪਿ ਪਯੋਗੋ ਚਿਤ੍ਤਸਣ੍ਹਤਾਯ ਫਰੁਸવਾਚਾ ਨ ਹੋਤਿ। ਮਾਤਾਪਿਤਰੋ ਹਿ ਕਦਾਚਿ ਪੁਤ੍ਤਕੇ ਏવਮ੍ਪਿ વਦਨ੍ਤਿ ‘‘ਚੋਰਾ વੋ ਖਣ੍ਡਾਖਣ੍ਡਿਕਂ ਕਰੋਨ੍ਤੂ’’ਤਿ, ਉਪ੍ਪਲਪਤ੍ਤਮ੍ਪਿ ਚ ਨੇਸਂ ਉਪਰਿ ਪਤਨ੍ਤਂ ਨ ਇਚ੍ਛਨ੍ਤਿ। ਆਚਰਿਯੁਪਜ੍ਝਾਯਾ ਚ ਕਦਾਚਿ ਨਿਸ੍ਸਿਤਕੇ ਏવਂ વਦਨ੍ਤਿ ‘‘ਕਿਂ ਇਮੇ ਅਹਿਰਿਕਾ ਅਨੋਤ੍ਤਪ੍ਪਿਨੋ ਚਰਨ੍ਤਿ, ਨਿਦ੍ਧਮਥ ਨੇ’’ਤਿ। ਅਥ ਚ ਨੇਸਂ ਆਗਮਾਧਿਗਮਸਮ੍ਪਤ੍ਤਿਂ ਇਚ੍ਛਨ੍ਤਿ। ਯਥਾ ਚ ਚਿਤ੍ਤਸਣ੍ਹਤਾਯ ਫਰੁਸવਾਚਾ ਨ ਹੋਤਿ, ਏવਂ વਚਨਸਣ੍ਹਤਾਯ ਅਫਰੁਸવਾਚਾਪਿ ਨ ਹੋਤਿ। ਨ ਹਿ ਮਾਰਾਪੇਤੁਕਾਮਸ੍ਸ ‘‘ਇਮਂ ਸੁਖਂ ਸਯਾਪੇਥਾ’’ਤਿ વਚਨਂ ਅਫਰੁਸવਾਚਾ ਹੋਤਿ, ਚਿਤ੍ਤਫਰੁਸਤਾਯ ਪਨੇਸਾ ਫਰੁਸવਾਚਾવ, ਸਾ ਯਂ ਸਨ੍ਧਾਯ ਪવਤ੍ਤਿਤਾ। ਤਸ੍ਸ ਅਪ੍ਪਗੁਣਤਾਯ ਅਪ੍ਪਸਾવਜ੍ਜਾ, ਮਹਾਗੁਣਤਾਯ ਮਹਾਸਾવਜ੍ਜਾ। ਤਸ੍ਸਾ ਤਯੋ ਸਮ੍ਭਾਰਾ – ਅਕ੍ਕੋਸਿਤਬ੍ਬੋ ਪਰੋ ਕੁਪਿਤਚਿਤ੍ਤਂ ਅਕ੍ਕੋਸਨਨ੍ਤਿ।

    Parassa mammacchedakakāyavacīpayogasamuṭṭhāpikā ekantapharusacetanā pharusavācā. Mammacchedakopi payogo cittasaṇhatāya pharusavācā na hoti. Mātāpitaro hi kadāci puttake evampi vadanti ‘‘corā vo khaṇḍākhaṇḍikaṃ karontū’’ti, uppalapattampi ca nesaṃ upari patantaṃ na icchanti. Ācariyupajjhāyā ca kadāci nissitake evaṃ vadanti ‘‘kiṃ ime ahirikā anottappino caranti, niddhamatha ne’’ti. Atha ca nesaṃ āgamādhigamasampattiṃ icchanti. Yathā ca cittasaṇhatāya pharusavācā na hoti, evaṃ vacanasaṇhatāya apharusavācāpi na hoti. Na hi mārāpetukāmassa ‘‘imaṃ sukhaṃ sayāpethā’’ti vacanaṃ apharusavācā hoti, cittapharusatāya panesā pharusavācāva, sā yaṃ sandhāya pavattitā. Tassa appaguṇatāya appasāvajjā, mahāguṇatāya mahāsāvajjā. Tassā tayo sambhārā – akkositabbo paro kupitacittaṃ akkosananti.

    ਅਨਤ੍ਥવਿਞ੍ਞਾਪਿਕਾ ਕਾਯવਚੀਪਯੋਗਸਮੁਟ੍ਠਾਪਿਕਾ ਅਕੁਸਲਚੇਤਨਾ ਸਮ੍ਫਪ੍ਪਲਾਪੋ। ਸੋ ਆਸੇવਨਮਨ੍ਦਤਾਯ ਅਪ੍ਪਸਾવਜ੍ਜੋ, ਆਸੇવਨਮਹਨ੍ਤਤਾਯ ਮਹਾਸਾવਜ੍ਜੋ। ਤਸ੍ਸ ਦ੍વੇ ਸਮ੍ਭਾਰਾ ਹੋਨ੍ਤਿ – ਭਾਰਤਯੁਦ੍ਧਸੀਤਾਹਰਣਾਦਿਨਿਰਤ੍ਥਕਕਥਾਪੁਰੇਕ੍ਖਾਰਤਾ ਤਥਾਰੂਪੀਕਥਾਕਥਨਞ੍ਚਾਤਿ।

    Anatthaviññāpikā kāyavacīpayogasamuṭṭhāpikā akusalacetanā samphappalāpo. So āsevanamandatāya appasāvajjo, āsevanamahantatāya mahāsāvajjo. Tassa dve sambhārā honti – bhāratayuddhasītāharaṇādiniratthakakathāpurekkhāratā tathārūpīkathākathanañcāti.

    ਅਭਿਜ੍ਝਾਯਤੀਤਿ ਅਭਿਜ੍ਝਾ, ਪਰਭਣ੍ਡਾਭਿਮੁਖੀ ਹੁਤ੍વਾ ਤਨ੍ਨਿਨ੍ਨਤਾਯ ਪવਤ੍ਤਤੀਤਿ ਅਤ੍ਥੋ। ਸਾ ‘‘ਅਹੋ વਤ ਇਦਂ ਮਮਾਸ੍ਸਾ’’ਤਿ ਏવਂ ਪਰਭਣ੍ਡਾਭਿਜ੍ਝਾਯਨਲਕ੍ਖਣਾ। ਅਦਿਨ੍ਨਾਦਾਨਂ વਿਯ ਅਪ੍ਪਸਾવਜ੍ਜਾ ਮਹਾਸਾવਜ੍ਜਾ ਚ। ਤਸ੍ਸਾ ਦ੍વੇ ਸਮ੍ਭਾਰਾ ਹੋਨ੍ਤਿ – ਪਰਭਣ੍ਡਂ ਅਤ੍ਤਨੋ ਪਰਿਣਾਮਨਞ੍ਚਾਤਿ। ਪਰਭਣ੍ਡવਤ੍ਥੁਕੇ ਹਿ ਲੋਭੇ ਉਪ੍ਪਨ੍ਨੇਪਿ ਨ ਤਾવ ਕਮ੍ਮਪਥਭੇਦੋ ਹੋਤਿ, ਯਾવ ‘‘ਅਹੋ વਤਿਦਂ ਮਮਾਸ੍ਸਾ’’ਤਿ ਅਤ੍ਤਨੋ ਨ ਪਰਿਣਾਮੇਤਿ।

    Abhijjhāyatīti abhijjhā, parabhaṇḍābhimukhī hutvā tanninnatāya pavattatīti attho. Sā ‘‘aho vata idaṃ mamāssā’’ti evaṃ parabhaṇḍābhijjhāyanalakkhaṇā. Adinnādānaṃ viya appasāvajjā mahāsāvajjā ca. Tassā dve sambhārā honti – parabhaṇḍaṃ attano pariṇāmanañcāti. Parabhaṇḍavatthuke hi lobhe uppannepi na tāva kammapathabhedo hoti, yāva ‘‘aho vatidaṃ mamāssā’’ti attano na pariṇāmeti.

    ਹਿਤਸੁਖਂ ਬ੍ਯਾਪਾਦਯਤੀਤਿ ਬ੍ਯਾਪਾਦੋ, ਸੋ ਪਰવਿਨਾਸਾਯ ਮਨੋਪਦੋਸਲਕ੍ਖਣੋ। ਫਰੁਸવਾਚਾ વਿਯ ਅਪ੍ਪਸਾવਜ੍ਜੋ ਮਹਾਸਾવਜ੍ਜੋ ਚ। ਤਸ੍ਸ ਦ੍વੇ ਸਮ੍ਭਾਰਾ ਹੋਨ੍ਤਿ – ਪਰਸਤ੍ਤੋ ਚ ਤਸ੍ਸ ਚ વਿਨਾਸਚਿਨ੍ਤਾਤਿ। ਪਰਸਤ੍ਤવਤ੍ਥੁਕੇ ਹਿ ਕੋਧੇ ਉਪ੍ਪਨ੍ਨੇਪਿ ਨ ਤਾવ ਕਮ੍ਮਪਥਭੇਦੋ ਹੋਤਿ, ਯਾવ ‘‘ਅਹੋ વਤਾਯਂ ਉਚ੍ਛਿਜ੍ਜੇਯ੍ਯ વਿਨਸ੍ਸੇਯ੍ਯਾ’’ਤਿ ਤਸ੍ਸ વਿਨਾਸਂ ਨ ਚਿਨ੍ਤੇਸਿ।

    Hitasukhaṃ byāpādayatīti byāpādo, so paravināsāya manopadosalakkhaṇo. Pharusavācā viya appasāvajjo mahāsāvajjo ca. Tassa dve sambhārā honti – parasatto ca tassa ca vināsacintāti. Parasattavatthuke hi kodhe uppannepi na tāva kammapathabhedo hoti, yāva ‘‘aho vatāyaṃ ucchijjeyya vinasseyyā’’ti tassa vināsaṃ na cintesi.

    ਯਥਾਭੁਚ੍ਚਗਹਣਾਭਾવੇਨ ਮਿਚ੍ਛਾ ਪਸ੍ਸਤੀਤਿ ਮਿਚ੍ਛਾਦਿਟ੍ਠਿ। ਸਾ ‘‘ਨਤ੍ਥਿ ਦਿਨ੍ਨ’’ਨ੍ਤਿਆਦਿਨਾ ਨਯੇਨ વਿਪਰੀਤਦਸ੍ਸਨਲਕ੍ਖਣਾ। ਸਮ੍ਫਪ੍ਪਲਾਪੋ વਿਯ ਅਪ੍ਪਸਾવਜ੍ਜਾ ਮਹਾਸਾવਜ੍ਜਾ ਚ।

    Yathābhuccagahaṇābhāvena micchā passatīti micchādiṭṭhi. Sā ‘‘natthi dinna’’ntiādinā nayena viparītadassanalakkhaṇā. Samphappalāpo viya appasāvajjā mahāsāvajjā ca.

    ਸਞ੍ਞੀ, ਅਸਞ੍ਞੀ, ਨੇવਸਞ੍ਞੀਨਾਸਞ੍ਞੀ ਭવਿਸ੍ਸਾਮਾਤਿ ਰੂਪਾਦਿવਸੇਨ ਕਙ੍ਖਨ੍ਤਿ। ਭવਿਸ੍ਸਾਮ ਨੁ ਖੋ ਮਯਨ੍ਤਿਆਦਿਨਾ ਅਤ੍ਤਾਨਂ ਕਙ੍ਖਨ੍ਤਿ। ਤਤ੍ਥ ਭવਿਸ੍ਸਾਮ ਨੁ ਖੋ। ਨ ਨੁ ਖੋ ਭવਿਸ੍ਸਾਮਾਤਿ ਤਸ੍ਸ ਸਸ੍ਸਤਾਕਾਰਞ੍ਚ ਉਚ੍ਛੇਦਾਕਾਰਞ੍ਚ ਨਿਸ੍ਸਾਯ ਅਨਾਗਤੇ ਅਤ੍ਤਾਨਂ વਿਜ੍ਜਮਾਨਤਞ੍ਚ ਅવਿਜ੍ਜਮਾਨਤਞ੍ਚ ਕਙ੍ਖਨ੍ਤਿ। ਕਿਂ ਨੁ ਖੋ ਭવਿਸ੍ਸਾਮਾਤਿ ਜਾਤਿਲਿਙ੍ਗੁਪਪਤ੍ਤਿਯੋ ਨਿਸ੍ਸਾਯ ‘‘ਖਤ੍ਤਿਯਾ ਨੁ ਖੋ ਭવਿਸ੍ਸਾਮ, ਬ੍ਰਾਹ੍ਮਣવੇਸ੍ਸਸੁਦ੍ਦਗਹਟ੍ਠਪਬ੍ਬਜਿਤਦੇવਮਨੁਸ੍ਸਾਨਂ ਅਞ੍ਞਤਰਾ’’ਤਿ ਕਙ੍ਖਨ੍ਤਿ। ਕਥਂ ਨੁ ਖੋ ਭવਿਸ੍ਸਾਮਾਤਿ ਸਣ੍ਠਾਨਾਕਾਰਂ ਨਿਸ੍ਸਾਯ ‘‘ਦੀਘਾ ਨੁ ਖੋ ਭવਿਸ੍ਸਾਮ, ਰਸ੍ਸਓਦਾਤਕਣ੍ਹਪਮਾਣਿਕਅਪ੍ਪਮਾਣਿਕਾਦੀਨਂ ਅਞ੍ਞਤਰਾ’’ਤਿ ਕਙ੍ਖਨ੍ਤਿ। ਕੇਚਿ ਪਨ ‘‘ਇਸ੍ਸਰਨਿਮ੍ਮਾਨਾਦੀਨਿ ਨਿਸ੍ਸਾਯ ‘ਕੇਨ ਨੁ ਖੋ ਕਾਰਣੇਨ ਭવਿਸ੍ਸਾਮਾ’ਤਿ ਹੇਤੁਤੋ ਕਙ੍ਖਨ੍ਤੀ’’ਤਿ વਦਨ੍ਤਿ। ਕਿਂ ਹੁਤ੍વਾ ਕਿਂ ਭવਿਸ੍ਸਾਮ ਨੁ ਖੋ ਮਯਨ੍ਤਿ ਜਾਤਿਆਦੀਨਿ ਨਿਸ੍ਸਾਯ ‘‘ਖਤ੍ਤਿਯਾ ਹੁਤ੍વਾ ਨੁ ਖੋ ਬ੍ਰਾਹ੍ਮਣਾ ਭવਿਸ੍ਸਾਮ…ਪੇ॰… ਦੇવਾ ਹੁਤ੍વਾ ਮਨੁਸ੍ਸਾ’’ਤਿ ਅਤ੍ਤਨੋ ਪਰਮ੍ਪਰਂ ਕਙ੍ਖਨ੍ਤਿ। ਸਬ੍ਬਤ੍ਥੇવ ਪਨ ਅਦ੍ਧਾਨਨ੍ਤਿ ਕਾਲਾਧਿવਚਨਮੇਤਂ।

    Saññī, asaññī, nevasaññīnāsaññī bhavissāmāti rūpādivasena kaṅkhanti. Bhavissāma nu kho mayantiādinā attānaṃ kaṅkhanti. Tattha bhavissāma nu kho. Na nu kho bhavissāmāti tassa sassatākārañca ucchedākārañca nissāya anāgate attānaṃ vijjamānatañca avijjamānatañca kaṅkhanti. Kiṃ nu kho bhavissāmāti jātiliṅgupapattiyo nissāya ‘‘khattiyā nu kho bhavissāma, brāhmaṇavessasuddagahaṭṭhapabbajitadevamanussānaṃ aññatarā’’ti kaṅkhanti. Kathaṃ nu kho bhavissāmāti saṇṭhānākāraṃ nissāya ‘‘dīghā nu kho bhavissāma, rassaodātakaṇhapamāṇikaappamāṇikādīnaṃ aññatarā’’ti kaṅkhanti. Keci pana ‘‘issaranimmānādīni nissāya ‘kena nu kho kāraṇena bhavissāmā’ti hetuto kaṅkhantī’’ti vadanti. Kiṃ hutvā kiṃ bhavissāma nu kho mayanti jātiādīni nissāya ‘‘khattiyā hutvā nu kho brāhmaṇā bhavissāma…pe… devā hutvā manussā’’ti attano paramparaṃ kaṅkhanti. Sabbattheva pana addhānanti kālādhivacanametaṃ.

    ੧੦. ਯਸ੍ਮਾ ਏਤਦੇવ ਤਸ੍ਮਾ ਹਿ ਸਿਕ੍ਖੇਥ…ਪੇ॰… ਆਹੁ ਧੀਰਾਤਿ। ਤਤ੍ਥ ਸਿਕ੍ਖੇਥਾਤਿ ਤਿਸ੍ਸੋ ਸਿਕ੍ਖਾ ਆવਜ੍ਜੇਯ੍ਯ। ਇਧੇવਾਤਿ ਇਮਸ੍ਮਿਂਯੇવ ਸਾਸਨੇ। ਤਤ੍ਥ ਸਿਕ੍ਖਿਤਬ੍ਬਾਤਿ ਸਿਕ੍ਖਾ। ਤਿਸ੍ਸੋਤਿ ਗਣਨਪਰਿਚ੍ਛੇਦੋ। ਅਧਿਸੀਲਸਿਕ੍ਖਾਤਿ ਅਧਿਕਂ ਉਤ੍ਤਮਂ ਸੀਲਨ੍ਤਿ ਅਧਿਸੀਲਂ, ਅਧਿਸੀਲਞ੍ਚ ਤਂ ਸਿਕ੍ਖਿਤਬ੍ਬਟ੍ਠੇਨ ਸਿਕ੍ਖਾ ਚਾਤਿ ਅਧਿਸੀਲਸਿਕ੍ਖਾ। ਏਸ ਨਯੋ ਅਧਿਚਿਤ੍ਤਅਧਿਪਞ੍ਞਾਸਿਕ੍ਖਾਸੁ।

    10. Yasmā etadeva tasmā hi sikkhetha…pe… āhu dhīrāti. Tattha sikkhethāti tisso sikkhā āvajjeyya. Idhevāti imasmiṃyeva sāsane. Tattha sikkhitabbāti sikkhā. Tissoti gaṇanaparicchedo. Adhisīlasikkhāti adhikaṃ uttamaṃ sīlanti adhisīlaṃ, adhisīlañca taṃ sikkhitabbaṭṭhena sikkhā cāti adhisīlasikkhā. Esa nayo adhicittaadhipaññāsikkhāsu.

    ਕਤਮਂ ਪਨੇਤ੍ਥ ਸੀਲਂ, ਕਤਮਂ ਅਧਿਸੀਲਂ, ਕਤਮਂ ਚਿਤ੍ਤਂ, ਕਤਮਂ ਅਧਿਚਿਤ੍ਤਂ, ਕਤਮਾ ਪਞ੍ਞਾ, ਕਤਮਾ ਅਧਿਪਞ੍ਞਾਤਿ? વੁਚ੍ਚਤੇ – ਪਞ੍ਚਙ੍ਗਦਸਙ੍ਗਸੀਲਂ ਤਾવ ਸੀਲਮੇવ । ਤਞ੍ਹਿ ਬੁਦ੍ਧੇ ਉਪ੍ਪਨ੍ਨੇਪਿ ਅਨੁਪ੍ਪਨ੍ਨੇਪਿ ਲੋਕੇ ਪવਤ੍ਤਤਿ । ਉਪ੍ਪਨ੍ਨੇ ਬੁਦ੍ਧੇ ਤਸ੍ਮਿਂ ਸੀਲੇ ਬੁਦ੍ਧਾਪਿ ਸਾવਕਾਪਿ ਮਹਾਜਨਂ ਸਮਾਦਪੇਨ੍ਤਿ, ਅਨੁਪ੍ਪਨ੍ਨੇ ਬੁਦ੍ਧੇ ਪਚ੍ਚੇਕਬੁਦ੍ਧਾ ਚ ਕਮ੍ਮવਾਦਿਨੋ ਚ ਧਮ੍ਮਿਕਾ ਸਮਣਬ੍ਰਾਹ੍ਮਣਾ ਚ ਚਕ੍ਕવਤ੍ਤੀ ਚ ਮਹਾਰਾਜਾਨੋ ਮਹਾਬੋਧਿਸਤ੍ਤਾ ਚ ਸਮਾਦਪੇਨ੍ਤਿ, ਸਾਮਮ੍ਪਿ ਪਣ੍ਡਿਤਾ ਸਮਣਬ੍ਰਾਹ੍ਮਣਾ ਸਮਾਦਿਯਨ੍ਤਿ। ਤੇ ਤਂ ਕੁਸਲਂ ਧਮ੍ਮਂ ਪਰਿਪੂਰੇਤ੍વਾ ਦੇવੇਸੁ ਚ ਮਨੁਸ੍ਸੇਸੁ ਚ ਸਮ੍ਪਤ੍ਤਿਂ ਅਨੁਭੋਨ੍ਤਿ।

    Katamaṃ panettha sīlaṃ, katamaṃ adhisīlaṃ, katamaṃ cittaṃ, katamaṃ adhicittaṃ, katamā paññā, katamā adhipaññāti? Vuccate – pañcaṅgadasaṅgasīlaṃ tāva sīlameva . Tañhi buddhe uppannepi anuppannepi loke pavattati . Uppanne buddhe tasmiṃ sīle buddhāpi sāvakāpi mahājanaṃ samādapenti, anuppanne buddhe paccekabuddhā ca kammavādino ca dhammikā samaṇabrāhmaṇā ca cakkavattī ca mahārājāno mahābodhisattā ca samādapenti, sāmampi paṇḍitā samaṇabrāhmaṇā samādiyanti. Te taṃ kusalaṃ dhammaṃ paripūretvā devesu ca manussesu ca sampattiṃ anubhonti.

    ਪਾਤਿਮੋਕ੍ਖਸਂવਰਸੀਲਂ ਪਨ ‘‘ਅਧਿਸੀਲ’’ਨ੍ਤਿ વੁਚ੍ਚਤਿ। ਤਞ੍ਹਿ ਸੂਰਿਯੋ વਿਯ ਪਜ੍ਜੋਤਾਨਂ ਸਿਨੇਰੁ વਿਯ ਪਬ੍ਬਤਾਨਂ ਸਬ੍ਬਲੋਕਿਯਸੀਲਾਨਂ ਅਧਿਕਞ੍ਚੇવ ਉਤ੍ਤਮਞ੍ਚ, ਬੁਦ੍ਧੁਪ੍ਪਾਦੇਯੇવ ਚ ਪવਤ੍ਤਤਿ, ਨ વਿਨਾ ਬੁਦ੍ਧੁਪ੍ਪਾਦਾ। ਨ ਹਿ ਤਂ ਪਞ੍ਞਤ੍ਤਿਂ ਉਦ੍ਧਰਿਤ੍વਾ ਅਞ੍ਞੋ ਸਤ੍ਤੋ ਠਪੇਤੁਂ ਸਕ੍ਕੋਤਿ। ਬੁਦ੍ਧਾਯੇવ ਪਨ ਸਬ੍ਬਸੋ ਕਾਯવਚੀਦ੍વਾਰਅਜ੍ਝਾਚਾਰਸੋਤਂ ਛਿਨ੍ਦਿਤ੍વਾ ਤਸ੍ਸ ਤਸ੍ਸ વੀਤਿਕ੍ਕਮਸ੍ਸ ਅਨੁਚ੍ਛવਿਕਂ ਤਂ ਸੀਲਸਂવਰਂ ਪਞ੍ਞਪੇਨ੍ਤਿ। ਪਾਤਿਮੋਕ੍ਖਸਂવਰਤੋਪਿ ਚ ਮਗ੍ਗਫਲਸਮ੍ਪਯੁਤ੍ਤਮੇવ ਸੀਲਂ ਅਧਿਸੀਲਂ।

    Pātimokkhasaṃvarasīlaṃ pana ‘‘adhisīla’’nti vuccati. Tañhi sūriyo viya pajjotānaṃ sineru viya pabbatānaṃ sabbalokiyasīlānaṃ adhikañceva uttamañca, buddhuppādeyeva ca pavattati, na vinā buddhuppādā. Na hi taṃ paññattiṃ uddharitvā añño satto ṭhapetuṃ sakkoti. Buddhāyeva pana sabbaso kāyavacīdvāraajjhācārasotaṃ chinditvā tassa tassa vītikkamassa anucchavikaṃ taṃ sīlasaṃvaraṃ paññapenti. Pātimokkhasaṃvaratopi ca maggaphalasampayuttameva sīlaṃ adhisīlaṃ.

    ਕਾਮਾવਚਰਾਨਿ ਪਨ ਅਟ੍ਠ ਕੁਸਲਚਿਤ੍ਤਾਨਿ ਲੋਕਿਯਅਟ੍ਠਸਮਾਪਤ੍ਤਿਚਿਤ੍ਤਾਨਿ ਚ ਏਕਜ੍ਝਂ ਕਤ੍વਾ ਚਿਤ੍ਤਮੇવਾਤਿ વੇਦਿਤਬ੍ਬਾਨਿ। ਬੁਦ੍ਧੁਪ੍ਪਾਦਾਨੁਪ੍ਪਾਦੇ ਚਸ੍ਸ ਪવਤ੍ਤਿ, ਸਮਾਦਪਨਂ ਸਮਾਦਾਨਞ੍ਚ ਸੀਲੇ વੁਤ੍ਤਨਯੇਨੇવ વੇਦਿਤਬ੍ਬਂ।

    Kāmāvacarāni pana aṭṭha kusalacittāni lokiyaaṭṭhasamāpatticittāni ca ekajjhaṃ katvā cittamevāti veditabbāni. Buddhuppādānuppāde cassa pavatti, samādapanaṃ samādānañca sīle vuttanayeneva veditabbaṃ.

    વਿਪਸ੍ਸਨਾਪਾਦਕਂ ਅਟ੍ਠਸਮਾਪਤ੍ਤਿਚਿਤ੍ਤਂ ਪਨ ‘‘ਅਧਿਚਿਤ੍ਤ’’ਨ੍ਤਿ વੁਚ੍ਚਤਿ। ਤਞ੍ਹਿ ਅਧਿਸੀਲਂ વਿਯ ਸੀਲਾਨਂ, ਸਬ੍ਬਲੋਕਿਯਚਿਤ੍ਤਾਨਂ ਅਧਿਕਞ੍ਚੇવ ਉਤ੍ਤਮਞ੍ਚ, ਬੁਦ੍ਧੁਪ੍ਪਾਦੇਯੇવ ਚ ਹੋਤਿ, ਨ વਿਨਾ ਬੁਦ੍ਧੁਪ੍ਪਾਦਾ। ਤਤੋਪਿ ਚ ਮਗ੍ਗਫਲਚਿਤ੍ਤਮੇવ ਅਧਿਚਿਤ੍ਤਂ।

    Vipassanāpādakaṃ aṭṭhasamāpatticittaṃ pana ‘‘adhicitta’’nti vuccati. Tañhi adhisīlaṃ viya sīlānaṃ, sabbalokiyacittānaṃ adhikañceva uttamañca, buddhuppādeyeva ca hoti, na vinā buddhuppādā. Tatopi ca maggaphalacittameva adhicittaṃ.

    ‘‘ਅਤ੍ਥਿ ਦਿਨ੍ਨਂ ਅਤ੍ਥਿ ਯਿਟ੍ਠ’’ਨ੍ਤਿਆਦਿਨਯਪ੍ਪવਤ੍ਤਂ (ਮ॰ ਨਿ॰ ੨.੯੪) ਪਨ ਕਮ੍ਮਸ੍ਸਕਤਾਞਾਣਂ ਪਞ੍ਞਾ। ਸਾ ਹਿ ਬੁਦ੍ਧੇ ਉਪ੍ਪਨ੍ਨੇਪਿ ਅਨੁਪ੍ਪਨ੍ਨੇਪਿ ਲੋਕੇ ਪવਤ੍ਤਤਿ। ਉਪ੍ਪਨ੍ਨੇ ਬੁਦ੍ਧੇ ਤਸ੍ਸਾ ਪਞ੍ਞਾਯ ਬੁਦ੍ਧਾਪਿ ਸਾવਕਾਪਿ ਮਹਾਜਨਂ ਸਮਾਦਪੇਨ੍ਤਿ, ਅਨੁਪ੍ਪਨ੍ਨੇ ਬੁਦ੍ਧੇ ਪਚ੍ਚੇਕਬੁਦ੍ਧਾ ਚ ਕਮ੍ਮવਾਦਿਨੋ ਚ ਧਮ੍ਮਿਕਾ ਸਮਣਬ੍ਰਾਹ੍ਮਣਾ ਚ ਚਕ੍ਕવਤ੍ਤੀ ਚ ਮਹਾਰਾਜਾਨੋ ਮਹਾਬੋਧਿਸਤ੍ਤਾ ਚ ਸਮਾਦਪੇਨ੍ਤਿ, ਸਾਮਮ੍ਪਿ ਪਣ੍ਡਿਤਾ ਸਤ੍ਤਾ ਸਮਾਦਿਯਨ੍ਤਿ। ਤਥਾ ਹਿ ਅਙ੍ਕੁਰੋ ਦਸવਸ੍ਸਸਹਸ੍ਸਾਨਿ ਮਹਾਦਾਨਂ ਅਦਾਸਿ। વੇਲਾਮੋ વੇਸ੍ਸਨ੍ਤਰੋ ਅਞ੍ਞੇ ਚ ਬਹੂ ਪਣ੍ਡਿਤਮਨੁਸ੍ਸਾ ਮਹਾਦਾਨਾਨਿ ਅਦਂਸੁ। ਤੇ ਤਂ ਕੁਸਲਂ ਧਮ੍ਮਂ ਪਰਿਪੂਰੇਤ੍વਾ ਦੇવੇਸੁ ਚ ਮਨੁਸ੍ਸੇਸੁ ਚ ਸਮ੍ਪਤ੍ਤਿਂ ਅਨੁਭવਿਂਸੁ।

    ‘‘Atthi dinnaṃ atthi yiṭṭha’’ntiādinayappavattaṃ (ma. ni. 2.94) pana kammassakatāñāṇaṃ paññā. Sā hi buddhe uppannepi anuppannepi loke pavattati. Uppanne buddhe tassā paññāya buddhāpi sāvakāpi mahājanaṃ samādapenti, anuppanne buddhe paccekabuddhā ca kammavādino ca dhammikā samaṇabrāhmaṇā ca cakkavattī ca mahārājāno mahābodhisattā ca samādapenti, sāmampi paṇḍitā sattā samādiyanti. Tathā hi aṅkuro dasavassasahassāni mahādānaṃ adāsi. Velāmo vessantaro aññe ca bahū paṇḍitamanussā mahādānāni adaṃsu. Te taṃ kusalaṃ dhammaṃ paripūretvā devesu ca manussesu ca sampattiṃ anubhaviṃsu.

    ਤਿਲਕ੍ਖਣਾਕਾਰਪਰਿਚ੍ਛੇਦਕਂ ਪਨ વਿਪਸ੍ਸਨਾਞਾਣਂ ‘‘ਅਧਿਪਞ੍ਞਾ’’ਤਿ વੁਚ੍ਚਤਿ। ਸਾ ਹਿ ਅਧਿਸੀਲਅਧਿਚਿਤ੍ਤਾਨਿ વਿਯ ਸੀਲਚਿਤ੍ਤਾਨਂ, ਸਬ੍ਬਲੋਕਿਯਪਞ੍ਞਾਨਂ ਅਧਿਕਾ ਚੇવ ਉਤ੍ਤਮਾ ਚ, ਨ ਚ વਿਨਾ ਬੁਦ੍ਧੁਪ੍ਪਾਦਾ ਲੋਕੇ ਪવਤ੍ਤਤਿ। ਤਤੋਪਿ ਚ ਮਗ੍ਗਫਲਪਞ੍ਞਾવ ਅਧਿਪਞ੍ਞਾ।

    Tilakkhaṇākāraparicchedakaṃ pana vipassanāñāṇaṃ ‘‘adhipaññā’’ti vuccati. Sā hi adhisīlaadhicittāni viya sīlacittānaṃ, sabbalokiyapaññānaṃ adhikā ceva uttamā ca, na ca vinā buddhuppādā loke pavattati. Tatopi ca maggaphalapaññāva adhipaññā.

    ਇਦਾਨਿ ਏਕੇਕਂ ਦਸ੍ਸੇਨ੍ਤੋ ‘‘ਕਤਮਾ ਅਧਿਸੀਲਸਿਕ੍ਖਾ – ਇਧ ਭਿਕ੍ਖੁ ਸੀਲવਾ ਹੋਤਿ, ਪਾਤਿਮੋਕ੍ਖਸਂવਰਸਂવੁਤੋ વਿਹਰਤੀ’’ਤਿਆਦਿਮਾਹ। ਇਧਾਤਿ વਚਨਂ ਪੁਬ੍ਬਭਾਗਕਰਣੀਯਸਮ੍ਪਦਾਯ ਸਮ੍ਪਨ੍ਨਸ੍ਸ ਸਬ੍ਬਪਕਾਰਸੀਲਪਰਿਪੂਰਕਸ੍ਸ ਪੁਗ੍ਗਲਸ੍ਸ ਸਨ੍ਨਿਸ੍ਸਯਭੂਤਸਾਸਨਪਰਿਦੀਪਨਂ, ਅਞ੍ਞਸਾਸਨਸ੍ਸ ਚ ਤਥਾਭਾવਪਟਿਸੇਧਨਂ। વੁਤ੍ਤਞ੍ਹੇਤਂ – ‘‘ਇਧੇવ, ਭਿਕ੍ਖવੇ, ਸਮਣੋ…ਪੇ॰… ਸੁਞ੍ਞਾ ਪਰਪ੍ਪવਾਦਾ ਸਮਣੇਭਿ ਅਞ੍ਞੇਹੀ’’ਤਿ (ਮ॰ ਨਿ॰ ੧.੧੩੯-੧੪੦)। ਭਿਕ੍ਖੂਤਿ ਤਸ੍ਸ ਸੀਲਸ੍ਸ ਪਰਿਪੂਰਕਸ੍ਸ ਪੁਗ੍ਗਲਸ੍ਸ ਪਰਿਦੀਪਨਂ। ਪਾਤਿਮੋਕ੍ਖਸਂવਰਸਂવੁਤੋਤਿ ਇਦਮਸ੍ਸ ਪਾਤਿਮੋਕ੍ਖਸਂવਰੇ ਪਤਿਟ੍ਠਿਤਭਾવਪਰਿਦੀਪਨਂ। વਿਹਰਤੀਤਿ ਇਦਮਸ੍ਸ ਤਦਨੁਰੂਪવਿਹਾਰਸਮਙ੍ਗੀਭਾવਪਰਿਦੀਪਨਂ। ਆਚਾਰਗੋਚਰਸਮ੍ਪਨ੍ਨੋਤਿ ਇਦਮਸ੍ਸ ਪਾਤਿਮੋਕ੍ਖਸਂવਰਸ੍ਸ ਉਪਕਾਰਕਧਮ੍ਮਪਰਿਦੀਪਨਂ। ਅਣੁਮਤ੍ਤੇਸੁ વਜ੍ਜੇਸੁ ਭਯਦਸ੍ਸਾવੀਤਿ ਇਦਮਸ੍ਸ ਪਾਤਿਮੋਕ੍ਖਤੋ ਅਚવਨਧਮ੍ਮਤਾਪਰਿਦੀਪਨਂ। ਸਮਾਦਾਯਾਤਿ ਇਦਮਸ੍ਸ ਸਿਕ੍ਖਾਪਦਾਨਂ ਅਨવਸੇਸਤੋ ਆਦਾਨਪਰਿਦੀਪਨਂ। ਸਿਕ੍ਖਤੀਤਿ ਇਦਮਸ੍ਸ ਸਿਕ੍ਖਾਯ ਸਮਙ੍ਗੀਭਾવਪਰਿਦੀਪਨਂ। ਸਿਕ੍ਖਾਪਦੇਸੂਤਿ ਇਦਮਸ੍ਸ ਸਿਕ੍ਖਿਤਬ੍ਬਧਮ੍ਮਪਰਿਦੀਪਨਂ।

    Idāni ekekaṃ dassento ‘‘katamā adhisīlasikkhā – idha bhikkhu sīlavā hoti, pātimokkhasaṃvarasaṃvuto viharatī’’tiādimāha. Idhāti vacanaṃ pubbabhāgakaraṇīyasampadāya sampannassa sabbapakārasīlaparipūrakassa puggalassa sannissayabhūtasāsanaparidīpanaṃ, aññasāsanassa ca tathābhāvapaṭisedhanaṃ. Vuttañhetaṃ – ‘‘idheva, bhikkhave, samaṇo…pe… suññā parappavādā samaṇebhi aññehī’’ti (ma. ni. 1.139-140). Bhikkhūti tassa sīlassa paripūrakassa puggalassa paridīpanaṃ. Pātimokkhasaṃvarasaṃvutoti idamassa pātimokkhasaṃvare patiṭṭhitabhāvaparidīpanaṃ. Viharatīti idamassa tadanurūpavihārasamaṅgībhāvaparidīpanaṃ. Ācāragocarasampannoti idamassa pātimokkhasaṃvarassa upakārakadhammaparidīpanaṃ. Aṇumattesu vajjesu bhayadassāvīti idamassa pātimokkhato acavanadhammatāparidīpanaṃ. Samādāyāti idamassa sikkhāpadānaṃ anavasesato ādānaparidīpanaṃ. Sikkhatīti idamassa sikkhāya samaṅgībhāvaparidīpanaṃ. Sikkhāpadesūti idamassa sikkhitabbadhammaparidīpanaṃ.

    ਤਤ੍ਥ ਭਿਕ੍ਖੂਤਿ ਸਂਸਾਰੇ ਭਯਂ ਇਕ੍ਖਤੀਤਿ ਭਿਕ੍ਖੁ। ਸੀਲਮਸ੍ਸ ਅਤ੍ਥੀਤਿ ਸੀਲવਾਤਿ ਏਤ੍ਥ ਸੀਲਨ੍ਤਿ ਸੀਲਨਟ੍ਠੇਨ ਸੀਲਂ। ਕਿਮਿਦਂ ਸੀਲਨਂ ਨਾਮ? ਸਮਾਧਾਨਂ વਾ, ਕਾਯਕਮ੍ਮਾਦੀਨਂ ਸੁਸੀਲ੍ਯવਸੇਨ ਅવਿਪ੍ਪਕਿਣ੍ਣਤਾਤਿ ਅਤ੍ਥੋ। ਉਪਧਾਰਣਂ વਾ, ਕੁਸਲਾਨਂ ਧਮ੍ਮਾਨਂ ਪਤਿਟ੍ਠਾવਸੇਨ ਆਧਾਰਭਾવੋਤਿ ਅਤ੍ਥੋ। ਏਤਦੇવ ਹਿ ਏਤ੍ਥ ਅਤ੍ਥਦ੍વਯਂ ਸਦ੍ਦਲਕ੍ਖਣવਿਦੂ ਅਨੁਜਾਨਨ੍ਤਿ। ਅਞ੍ਞੇ ਪਨ ‘‘ਅਧਿਸੇવਨਟ੍ਠੇਨ ਆਚਾਰਟ੍ਠੇਨ ਸੀਲਨਟ੍ਠੇਨ ਸਿਰਟ੍ਠੇਨ ਸੀਤਲਟ੍ਠੇਨ ਸਿવਟ੍ਠੇਨ ਸੀਲ’’ਨ੍ਤਿ વਣ੍ਣਯਨ੍ਤਿ।

    Tattha bhikkhūti saṃsāre bhayaṃ ikkhatīti bhikkhu. Sīlamassa atthīti sīlavāti ettha sīlanti sīlanaṭṭhena sīlaṃ. Kimidaṃ sīlanaṃ nāma? Samādhānaṃ vā, kāyakammādīnaṃ susīlyavasena avippakiṇṇatāti attho. Upadhāraṇaṃ vā, kusalānaṃ dhammānaṃ patiṭṭhāvasena ādhārabhāvoti attho. Etadeva hi ettha atthadvayaṃ saddalakkhaṇavidū anujānanti. Aññe pana ‘‘adhisevanaṭṭhena ācāraṭṭhena sīlanaṭṭhena siraṭṭhena sītalaṭṭhena sivaṭṭhena sīla’’nti vaṇṇayanti.

    ਸੀਲਨਂ ਲਕ੍ਖਣਂ ਤਸ੍ਸ, ਭਿਨ੍ਨਸ੍ਸਾਪਿ ਅਨੇਕਧਾ।

    Sīlanaṃ lakkhaṇaṃ tassa, bhinnassāpi anekadhā;

    ਸਨਿਦਸ੍ਸਨਤ੍ਤਂ ਰੂਪਸ੍ਸ, ਯਥਾ ਭਿਨ੍ਨਸ੍ਸਨੇਕਧਾ॥

    Sanidassanattaṃ rūpassa, yathā bhinnassanekadhā.

    ਯਥਾ ਹਿ ਨੀਲਪੀਤਾਦਿਭੇਦੇਨਨੇਕਧਾ ਭਿਨ੍ਨਸ੍ਸਾਪਿ ਰੂਪਾਯਤਨਸ੍ਸ ਸਨਿਦਸ੍ਸਨਤ੍ਤਂ ਲਕ੍ਖਣਂ ਨੀਲਾਦਿਭੇਦੇਨ ਭਿਨ੍ਨਸ੍ਸਾਪਿ ਸਨਿਦਸ੍ਸਨਭਾવਾਨਤਿਕ੍ਕਮਨਤੋ। ਤਥਾ ਸੀਲਸ੍ਸ ਚੇਤਨਾਦਿਭੇਦੇਨ ਅਨੇਕਧਾ ਭਿਨ੍ਨਸ੍ਸਾਪਿ ਯਦੇਤਂ ਕਾਯਕਮ੍ਮਾਦੀਨਂ ਸਮਾਧਾਨવਸੇਨ, ਕੁਸਲਾਨਞ੍ਚ ਧਮ੍ਮਾਨਂ ਪਤਿਟ੍ਠਾવਸੇਨ વੁਤ੍ਤਂ ਸੀਲਨਂ, ਤਦੇવ ਲਕ੍ਖਣਂ ਚੇਤਨਾਦਿਭੇਦੇਨ ਭਿਨ੍ਨਸ੍ਸਾਪਿ ਸਮਾਧਾਨਪਤਿਟ੍ਠਾਭਾવਾਨਤਿਕ੍ਕਮਨਤੋ। ਏવਂ ਲਕ੍ਖਣਸ੍ਸ ਪਨਸ੍ਸ –

    Yathā hi nīlapītādibhedenanekadhā bhinnassāpi rūpāyatanassa sanidassanattaṃ lakkhaṇaṃ nīlādibhedena bhinnassāpi sanidassanabhāvānatikkamanato. Tathā sīlassa cetanādibhedena anekadhā bhinnassāpi yadetaṃ kāyakammādīnaṃ samādhānavasena, kusalānañca dhammānaṃ patiṭṭhāvasena vuttaṃ sīlanaṃ, tadeva lakkhaṇaṃ cetanādibhedena bhinnassāpi samādhānapatiṭṭhābhāvānatikkamanato. Evaṃ lakkhaṇassa panassa –

    ਦੁਸ੍ਸੀਲ੍ਯવਿਦ੍ਧਂਸਨਤਾ, ਅਨવਜ੍ਜਗੁਣੋ ਤਥਾ।

    Dussīlyaviddhaṃsanatā, anavajjaguṇo tathā;

    ਕਿਚ੍ਚਸਮ੍ਪਤ੍ਤਿਅਤ੍ਥੇਨ, ਰਸੋ ਨਾਮ ਪવੁਚ੍ਚਤਿ॥

    Kiccasampattiatthena, raso nāma pavuccati.

    ਤਸ੍ਮਾ ਇਦਂ ਸੀਲਂ ਨਾਮ ਕਿਚ੍ਚਟ੍ਠੇਨ ਰਸੇਨ ਦੁਸ੍ਸੀਲ੍ਯવਿਦ੍ਧਂਸਨਰਸਂ, ਸਮ੍ਪਤ੍ਤਿਅਤ੍ਥੇਨ ਰਸੇਨ ਅਨવਜ੍ਜਰਸਨ੍ਤਿ વੇਦਿਤਬ੍ਬਂ।

    Tasmā idaṃ sīlaṃ nāma kiccaṭṭhena rasena dussīlyaviddhaṃsanarasaṃ, sampattiatthena rasena anavajjarasanti veditabbaṃ.

    ਸੋਚੇਯ੍ਯਪਚ੍ਚੁਪਟ੍ਠਾਨਂ, ਤਯਿਦਂ ਤਸ੍ਸ વਿਞ੍ਞੁਭਿ।

    Soceyyapaccupaṭṭhānaṃ, tayidaṃ tassa viññubhi;

    ਓਤ੍ਤਪ੍ਪਞ੍ਚ ਹਿਰੀ ਚੇવ, ਪਦਟ੍ਠਾਨਨ੍ਤਿ વਣ੍ਣਿਤਂ॥

    Ottappañca hirī ceva, padaṭṭhānanti vaṇṇitaṃ.

    ਤਞ੍ਹਿਦਂ ਸੀਲਂ ‘‘ਕਾਯਸੋਚੇਯ੍ਯਂ વਚੀਸੋਚੇਯ੍ਯਂ ਮਨੋਸੋਚੇਯ੍ਯ’’ਨ੍ਤਿ ਏવਂ વੁਤ੍ਤਸੋਚੇਯ੍ਯਪਚ੍ਚੁਪਟ੍ਠਾਨਂ, ਸੋਚੇਯ੍ਯਭਾવੇਨ ਪਚ੍ਚੁਪਟ੍ਠਾਤਿ ਗਹਣਭਾવਂ ਗਚ੍ਛਤਿ। ਹਿਰੋਤ੍ਤਪ੍ਪਞ੍ਚ ਪਨ ਤਸ੍ਸ વਿਞ੍ਞੂਹਿ ਪਦਟ੍ਠਾਨਨ੍ਤਿ વਣ੍ਣਿਤਂ, ਆਸਨ੍ਨਕਾਰਣਨ੍ਤਿ ਅਤ੍ਥੋ। ਹਿਰੋਤ੍ਤਪ੍ਪੇ ਹਿ ਸਤਿ ਸੀਲਂ ਉਪ੍ਪਜ੍ਜਤਿ ਚੇવ ਤਿਟ੍ਠਤਿ ਚ, ਅਸਤਿ ਨੇવ ਉਪ੍ਪਜ੍ਜਤਿ ਚੇવ ਨ ਤਿਟ੍ਠਤਿ ਚਾਤਿ ਏવਂવਿਧੇਨ ਸੀਲੇਨ ਸੀਲવਾ ਹੋਤਿ। ਏਤਂ ਸੀਲਂ ਨਾਮ ਪਾਣਾਤਿਪਾਤਾਦੀਹਿ વਾ વਿਰਮਨ੍ਤਸ੍ਸ, વਤ੍ਤਪਟਿਪਤ੍ਤਿਂ વਾ ਪੂਰੇਨ੍ਤਸ੍ਸ ਚੇਤਨਾਦਯੋ ਧਮ੍ਮਾ વੇਦਿਤਬ੍ਬਾ। વੁਤ੍ਤਞ੍ਹੇਤਂ ਪਟਿਸਮ੍ਭਿਦਾਯਂ ‘‘ਕਿਂ ਸੀਲਨ੍ਤਿ? ਚੇਤਨਾ ਸੀਲਂ, ਚੇਤਸਿਕਂ ਸੀਲਂ, ਸਂવਰੋ ਸੀਲਂ, ਅવੀਤਿਕ੍ਕਮੋ ਸੀਲ’’ਨ੍ਤਿ (ਪਟਿ॰ ਮ॰ ੧.੩੯)।

    Tañhidaṃ sīlaṃ ‘‘kāyasoceyyaṃ vacīsoceyyaṃ manosoceyya’’nti evaṃ vuttasoceyyapaccupaṭṭhānaṃ, soceyyabhāvena paccupaṭṭhāti gahaṇabhāvaṃ gacchati. Hirottappañca pana tassa viññūhi padaṭṭhānanti vaṇṇitaṃ, āsannakāraṇanti attho. Hirottappe hi sati sīlaṃ uppajjati ceva tiṭṭhati ca, asati neva uppajjati ceva na tiṭṭhati cāti evaṃvidhena sīlena sīlavā hoti. Etaṃ sīlaṃ nāma pāṇātipātādīhi vā viramantassa, vattapaṭipattiṃ vā pūrentassa cetanādayo dhammā veditabbā. Vuttañhetaṃ paṭisambhidāyaṃ ‘‘kiṃ sīlanti? Cetanā sīlaṃ, cetasikaṃ sīlaṃ, saṃvaro sīlaṃ, avītikkamo sīla’’nti (paṭi. ma. 1.39).

    ਤਤ੍ਥ ਚੇਤਨਾ ਸੀਲਂ ਨਾਮ ਪਾਣਾਤਿਪਾਤਾਦੀਹਿ વਾ વਿਰਮਨ੍ਤਸ੍ਸ વਤ੍ਤਪਟਿਪਤ੍ਤਿਂ વਾ ਪੂਰੇਨ੍ਤਸ੍ਸ ਚੇਤਨਾ। ਚੇਤਸਿਕਂ ਸੀਲਂ ਨਾਮ ਪਾਣਾਤਿਪਾਤਾਦੀਹਿ વਿਰਮਨ੍ਤਸ੍ਸ વਿਰਤਿ। ਅਪਿ ਚ ਚੇਤਨਾ ਸੀਲਂ ਨਾਮ ਪਾਣਾਤਿਪਾਤਾਦੀਨਿ ਪਜਹਨ੍ਤਸ੍ਸ ਸਤ੍ਤਕਮ੍ਮਪਥਚੇਤਨਾ। ਚੇਤਸਿਕਂ ਸੀਲਂ ਨਾਮ ‘‘ਅਭਿਜ੍ਝਂ ਪਹਾਯ વਿਗਤਾਭਿਜ੍ਝੇਨ ਚੇਤਸਾ વਿਹਰਤੀ’’ਤਿਆਦਿਨਾ (ਦੀ॰ ਨਿ॰ ੧.੨੧੭) ਨਯੇਨ ਸਂਯੁਤ੍ਤਮਹਾવਗ੍ਗੇ વੁਤ੍ਤਾ ਅਨਭਿਜ੍ਝਾਬ੍ਯਾਪਾਦਸਮ੍ਮਾਦਿਟ੍ਠਿਧਮ੍ਮਾ। ਸਂવਰੋ ਸੀਲਨ੍ਤਿ ਏਤ੍ਥ ਪਞ੍ਚવਿਧੇਨ ਸਂવਰੋ વੇਦਿਤਬ੍ਬੋ – ਪਾਤਿਮੋਕ੍ਖਸਂવਰੋ ਸਤਿਸਂવਰੋ ਞਾਣਸਂવਰੋ ਖਨ੍ਤਿਸਂવਰੋ વੀਰਿਯਸਂવਰੋ। ਤਸ੍ਸ ਨਾਨਾਕਰਣਂ ਉਪਰਿ ਆવਿ ਭવਿਸ੍ਸਤਿ। ਅવੀਤਿਕ੍ਕਮੋ ਸੀਲਨ੍ਤਿ ਸਮਾਦਿਨ੍ਨਸੀਲਸ੍ਸ ਕਾਯਿਕવਾਚਸਿਕੋ ਅવੀਤਿਕ੍ਕਮੋ। ਏਤ੍ਥ ਚ ਸਂવਰਸੀਲਂ, ਅવੀਤਿਕ੍ਕਮਸੀਲਨ੍ਤਿ ਇਦਮੇવ ਨਿਪ੍ਪਰਿਯਾਯਤੋ ਸੀਲਂ। ਚੇਤਨਾਸੀਲਂ, ਚੇਤਸਿਕਂ ਸੀਲਨ੍ਤਿ ਪਰਿਯਾਯਤੋ ਸੀਲਨ੍ਤਿ વੇਦਿਤਬ੍ਬਂ।

    Tattha cetanā sīlaṃ nāma pāṇātipātādīhi vā viramantassa vattapaṭipattiṃ vā pūrentassa cetanā. Cetasikaṃ sīlaṃ nāma pāṇātipātādīhi viramantassa virati. Api ca cetanā sīlaṃ nāma pāṇātipātādīni pajahantassa sattakammapathacetanā. Cetasikaṃ sīlaṃ nāma ‘‘abhijjhaṃ pahāya vigatābhijjhena cetasā viharatī’’tiādinā (dī. ni. 1.217) nayena saṃyuttamahāvagge vuttā anabhijjhābyāpādasammādiṭṭhidhammā. Saṃvaro sīlanti ettha pañcavidhena saṃvaro veditabbo – pātimokkhasaṃvaro satisaṃvaro ñāṇasaṃvaro khantisaṃvaro vīriyasaṃvaro. Tassa nānākaraṇaṃ upari āvi bhavissati. Avītikkamo sīlanti samādinnasīlassa kāyikavācasiko avītikkamo. Ettha ca saṃvarasīlaṃ, avītikkamasīlanti idameva nippariyāyato sīlaṃ. Cetanāsīlaṃ, cetasikaṃ sīlanti pariyāyato sīlanti veditabbaṃ.

    ਪਾਤਿਮੋਕ੍ਖਨ੍ਤਿ ਸਿਕ੍ਖਾਪਦਸੀਲਂ। ਤਞ੍ਹਿ ਯੋ ਨਂ ਪਾਤਿ ਰਕ੍ਖਤਿ, ਤਂ ਮੋਕ੍ਖੇਤਿ ਮੋਚੇਤਿ ਆਪਾਯਿਕਾਦੀਹਿ ਦੁਕ੍ਖੇਹਿ, ਤਸ੍ਮਾ ‘‘ਪਾਤਿਮੋਕ੍ਖ’’ਨ੍ਤਿ વੁਤ੍ਤਂ। ਪਾਤਿਮੋਕ੍ਖਸਂવਰਸਂવੁਤੋਤਿ ਪਾਤਿਮੋਕ੍ਖਸਂવਰਸੀਲੇਨ ਸਮਨ੍ਨਾਗਤੋ। ਆਚਾਰਗੋਚਰਸਮ੍ਪਨ੍ਨੋਤਿ ਆਚਾਰੇਨ ਚੇવ ਗੋਚਰੇਨ ਚ ਸਮ੍ਪਨ੍ਨੋ। ਅਣੁਮਤ੍ਤੇਸੂਤਿ ਅਪ੍ਪਮਤ੍ਤਕੇਸੁ। વਜ੍ਜੇਸੂਤਿ ਅਕੁਸਲਧਮ੍ਮੇਸੁ। ਭਯਦਸ੍ਸਾવੀਤਿ ਭਯਦਸ੍ਸੀ। ਸਮਾਦਾਯਾਤਿ ਸਮ੍ਮਾ ਆਦਿਯਿਤ੍વਾ। ਸਿਕ੍ਖਤਿ ਸਿਕ੍ਖਾਪਦੇਸੂਤਿ ਤਂ ਤਂ ਸਿਕ੍ਖਾਪਦਂ ਸਮਾਦਿਯਿਤ੍વਾ ਸਿਕ੍ਖਤਿ। ਅਪਿ ਚ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੂਤਿ ਯਂਕਿਞ੍ਚਿ ਸਿਕ੍ਖਾਪਦੇਸੁ ਸਿਕ੍ਖਾਕੋਟ੍ਠਾਸੇਸੁ ਸਿਕ੍ਖਿਤਬ੍ਬਂ ਕਾਯਿਕਂ વਾ ਚੇਤਸਿਕਂ વਾ, ਤਂ ਸਬ੍ਬਂ ਸਮਾਦਾਯ ਸਿਕ੍ਖਤਿ।

    Pātimokkhanti sikkhāpadasīlaṃ. Tañhi yo naṃ pāti rakkhati, taṃ mokkheti moceti āpāyikādīhi dukkhehi, tasmā ‘‘pātimokkha’’nti vuttaṃ. Pātimokkhasaṃvarasaṃvutoti pātimokkhasaṃvarasīlena samannāgato. Ācāragocarasampannoti ācārena ceva gocarena ca sampanno. Aṇumattesūti appamattakesu. Vajjesūti akusaladhammesu. Bhayadassāvīti bhayadassī. Samādāyāti sammā ādiyitvā. Sikkhati sikkhāpadesūti taṃ taṃ sikkhāpadaṃ samādiyitvā sikkhati. Api ca samādāya sikkhati sikkhāpadesūti yaṃkiñci sikkhāpadesu sikkhākoṭṭhāsesu sikkhitabbaṃ kāyikaṃ vā cetasikaṃ vā, taṃ sabbaṃ samādāya sikkhati.

    ਖੁਦ੍ਦਕੋ ਸੀਲਕ੍ਖਨ੍ਧੋਤਿ ਸਙ੍ਘਾਦਿਸੇਸਾਦਿਸਾવਸੇਸੋ ਸੀਲਕ੍ਖਨ੍ਧੋ। ਮਹਨ੍ਤੋਤਿ ਪਾਰਾਜਿਕਾਦਿਨਿਰવਸੇਸੋ। ਯਸ੍ਮਾ ਪਨ ਪਾਤਿਮੋਕ੍ਖਸੀਲੇਨ ਭਿਕ੍ਖੁ ਸਾਸਨੇ ਪਤਿਟ੍ਠਾਤਿ ਨਾਮ , ਤਸ੍ਮਾ ਤਂ ‘‘ਪਤਿਟ੍ਠਾ’’ਤਿ વੁਤ੍ਤਂ। ਪਤਿਟ੍ਠਹਤਿ વਾ ਏਤ੍ਥ ਭਿਕ੍ਖੁ, ਕੁਸਲਾ ਧਮ੍ਮਾ ਏવ વਾ ਏਤ੍ਥ ਪਤਿਟ੍ਠਹਨ੍ਤੀਤਿ ਪਤਿਟ੍ਠਾ। ਅਯਮਤ੍ਥੋ ‘‘ਸੀਲੇ ਪਤਿਟ੍ਠਾਯ ਨਰੋ ਸਪਞ੍ਞੋ’’ਤਿ (ਸਂ॰ ਨਿ॰ ੧.੨੩, ੧੯੨) ਚ, ‘‘ਪਤਿਟ੍ਠਾਨਲਕ੍ਖਣਂ, ਮਹਾਰਾਜ, ਸੀਲਂ ਸਬ੍ਬੇਸਂ ਕੁਸਲਾਨਂ ਧਮ੍ਮਾਨ’’ਨ੍ਤਿ (ਮਿ॰ ਪ॰ ੨.੧.੯) ਚ , ‘‘ਸੀਲੇ ਪਤਿਟ੍ਠਿਤੋ ਖੋ, ਮਹਾਰਾਜ…ਪੇ॰… ਸਬ੍ਬੇ ਕੁਸਲਾ ਧਮ੍ਮਾ ਨ ਪਰਿਹਾਯਨ੍ਤੀ’’ਤਿ (ਮਿ॰ ਪ॰ ੨.੧.੯) ਚ ਆਦਿਸੁਤ੍ਤવਸੇਨ વੇਦਿਤਬ੍ਬੋ।

    Khuddako sīlakkhandhoti saṅghādisesādisāvaseso sīlakkhandho. Mahantoti pārājikādiniravaseso. Yasmā pana pātimokkhasīlena bhikkhu sāsane patiṭṭhāti nāma , tasmā taṃ ‘‘patiṭṭhā’’ti vuttaṃ. Patiṭṭhahati vā ettha bhikkhu, kusalā dhammā eva vā ettha patiṭṭhahantīti patiṭṭhā. Ayamattho ‘‘sīle patiṭṭhāya naro sapañño’’ti (saṃ. ni. 1.23, 192) ca, ‘‘patiṭṭhānalakkhaṇaṃ, mahārāja, sīlaṃ sabbesaṃ kusalānaṃ dhammāna’’nti (mi. pa. 2.1.9) ca , ‘‘sīle patiṭṭhito kho, mahārāja…pe… sabbe kusalā dhammā na parihāyantī’’ti (mi. pa. 2.1.9) ca ādisuttavasena veditabbo.

    ਤਦੇਤਂ ਪੁਬ੍ਬੁਪ੍ਪਤ੍ਤਿਅਤ੍ਥੇਨ ਆਦਿ। વੁਤ੍ਤਮ੍ਪਿ ਚੇਤਂ ‘‘ਤਸ੍ਮਾਤਿਹ ਤ੍વਂ ਉਤ੍ਤਿਯ ਆਦਿਮੇવ વਿਸੋਧੇਹਿ ਕੁਸਲੇਸੁ ਧਮ੍ਮੇਸੁ। ਕੋ ਚਾਦਿ ਕੁਸਲਾਨਂ ਧਮ੍ਮਾਨਂ, ਸੀਲਞ੍ਚ ਸੁવਿਸੁਦ੍ਧਂ ਦਿਟ੍ਠਿ ਚ ਉਜੁਕਾ’’ਤਿ (ਸਂ॰ ਨਿ॰ ੫.੩੮੨)। ਯਥਾ ਹਿ ਨਗਰવਡ੍ਢਕੀ ਨਗਰਂ ਮਾਪੇਤੁਕਾਮੋ ਪਠਮਂ ਨਗਰਟ੍ਠਾਨਂ ਸੋਧੇਤਿ, ਤਤੋ ਅਪਰਭਾਗੇ વੀਥਿਚਤੁਕ੍ਕਸਿਙ੍ਘਾਟਕਾਦਿਪਰਿਚ੍ਛੇਦੇਨ વਿਭਜਿਤ੍વਾવ ਨਗਰਂ ਮਾਪੇਤਿ। ਏવਮੇવ ਯੋਗਾવਚਰੋ ਆਦਿਤੋ ਸੀਲਂ વਿਸੋਧੇਤਿ, ਤਤੋ ਅਪਰਭਾਗੇ ਸਮਾਧਿવਿਪਸ੍ਸਨਾਮਗ੍ਗਫਲਨਿਬ੍ਬਾਨਾਨਿ ਸਚ੍ਛਿਕਰੋਤਿ। ਯਥਾ વਾ ਪਨ ਰਜਕੋ ਪਠਮਂ ਤੀਹਿ ਖਾਰੇਹਿ વਤ੍ਥਂ ਧੋવਿਤ੍વਾ ਪਰਿਸੁਦ੍ਧੇ વਤ੍ਥੇ ਯਦਿਚ੍ਛਕਂ ਰਙ੍ਗਜਾਤਂ ਉਪਨੇਤਿ, ਯਥਾ વਾ ਪਨ ਛੇਕੋ ਚਿਤ੍ਤਕਾਰੋ ਰੂਪਂ ਲਿਖਿਤੁਕਾਮੋ ਆਦਿਤੋવ ਭਿਤ੍ਤਿਪਰਿਕਮ੍ਮਂ ਕਰੋਤਿ, ਤਤੋ ਅਪਰਭਾਗੇ ਰੂਪਂ ਸਮੁਟ੍ਠਾਪੇਤਿ। ਏવਮੇવ ਯੋਗਾવਚਰੋ ਆਦਿਤੋવ ਸੀਲਂ વਿਸੋਧੇਤ੍વਾ ਅਪਰਭਾਗੇ ਸਮਥવਿਪਸ੍ਸਨਾਦਯੋ ਧਮ੍ਮੇ ਸਚ੍ਛਿਕਰੋਤਿ। ਤਸ੍ਮਾ ਸੀਲਂ ‘‘ਆਦੀ’’ਤਿ વੁਤ੍ਤਂ।

    Tadetaṃ pubbuppattiatthena ādi. Vuttampi cetaṃ ‘‘tasmātiha tvaṃ uttiya ādimeva visodhehi kusalesu dhammesu. Ko cādi kusalānaṃ dhammānaṃ, sīlañca suvisuddhaṃ diṭṭhi ca ujukā’’ti (saṃ. ni. 5.382). Yathā hi nagaravaḍḍhakī nagaraṃ māpetukāmo paṭhamaṃ nagaraṭṭhānaṃ sodheti, tato aparabhāge vīthicatukkasiṅghāṭakādiparicchedena vibhajitvāva nagaraṃ māpeti. Evameva yogāvacaro ādito sīlaṃ visodheti, tato aparabhāge samādhivipassanāmaggaphalanibbānāni sacchikaroti. Yathā vā pana rajako paṭhamaṃ tīhi khārehi vatthaṃ dhovitvā parisuddhe vatthe yadicchakaṃ raṅgajātaṃ upaneti, yathā vā pana cheko cittakāro rūpaṃ likhitukāmo āditova bhittiparikammaṃ karoti, tato aparabhāge rūpaṃ samuṭṭhāpeti. Evameva yogāvacaro āditova sīlaṃ visodhetvā aparabhāge samathavipassanādayo dhamme sacchikaroti. Tasmā sīlaṃ ‘‘ādī’’ti vuttaṃ.

    ਤਦੇਤਂ ਚਰਣਸਰਿਕ੍ਖਤਾਯ ਚਰਣਂ। ਚਰਣਾਤਿ ਹਿ ਪਾਦਾ વੁਚ੍ਚਨ੍ਤਿ। ਯਥਾ ਹਿ ਛਿਨ੍ਨਚਰਣਸ੍ਸ ਪੁਰਿਸਸ੍ਸ ਦਿਸਂ ਗਮਨਾਭਿਸਙ੍ਖਾਰੋ ਨ ਜਾਯਤਿ, ਪਰਿਪੁਣ੍ਣਪਾਦਸ੍ਸੇવ ਜਾਯਤਿ, ਏવਮੇવ ਯਸ੍ਸ ਸੀਲਂ ਭਿਨ੍ਨਂ ਹੋਤਿ ਖਣ੍ਡਂ ਅਪਰਿਪੁਣ੍ਣਂ, ਤਸ੍ਸ ਨਿਬ੍ਬਾਨਗਮਨਾਯ ਞਾਣਗਮਨਂ ਨ ਸਮ੍ਪਜ੍ਜਤਿ। ਯਸ੍ਸ ਪਨ ਤਂ ਅਭਿਨ੍ਨਂ ਹੋਤਿ ਅਖਣ੍ਡਂ ਪਰਿਪੁਣ੍ਣਂ, ਤਸ੍ਸ ਨਿਬ੍ਬਾਨਗਮਨਾਯ ਞਾਣਗਮਨਂ ਸਮ੍ਪਜ੍ਜਤਿ। ਤਸ੍ਮਾ ਸੀਲਂ ‘‘ਚਰਣ’’ਨ੍ਤਿ વੁਤ੍ਤਂ।

    Tadetaṃ caraṇasarikkhatāya caraṇaṃ. Caraṇāti hi pādā vuccanti. Yathā hi chinnacaraṇassa purisassa disaṃ gamanābhisaṅkhāro na jāyati, paripuṇṇapādasseva jāyati, evameva yassa sīlaṃ bhinnaṃ hoti khaṇḍaṃ aparipuṇṇaṃ, tassa nibbānagamanāya ñāṇagamanaṃ na sampajjati. Yassa pana taṃ abhinnaṃ hoti akhaṇḍaṃ paripuṇṇaṃ, tassa nibbānagamanāya ñāṇagamanaṃ sampajjati. Tasmā sīlaṃ ‘‘caraṇa’’nti vuttaṃ.

    ਤਦੇਤਂ ਸਂਯਮਨવਸੇਨ ਸਂਯਮੋ। ਸਂવਰਣવਸੇਨ ਸਂવਰੋਤਿ ਉਭਯੇਨਾਪਿ ਸੀਲਸਂਯਮੋ ਚੇવ ਸੀਲਸਂવਰੋ ਚ ਕਥਿਤੋ। વਚਨਤ੍ਥੋ ਪਨੇਤ੍ਥ ਸਂਯਮੇਤਿ વੀਤਿਕ੍ਕਮવਿਪ੍ਫਨ੍ਦਨਂ , ਪੁਗ੍ਗਲਂ વਾ ਸਂਯਮੇਤਿ વੀਤਿਕ੍ਕਮવਸੇਨ ਤਸ੍ਸ વਿਪ੍ਫਨ੍ਦਿਤੁਂ ਨ ਦੇਤੀਤਿ ਸਂਯਮੋ। વੀਤਿਕ੍ਕਮਸ੍ਸ ਪવੇਸਨਦ੍વਾਰਂ ਸਂવਰਤਿ ਪਿਦਹਤੀਤਿ ਸਂવਰੋ।

    Tadetaṃ saṃyamanavasena saṃyamo. Saṃvaraṇavasena saṃvaroti ubhayenāpi sīlasaṃyamo ceva sīlasaṃvaro ca kathito. Vacanattho panettha saṃyameti vītikkamavipphandanaṃ , puggalaṃ vā saṃyameti vītikkamavasena tassa vipphandituṃ na detīti saṃyamo. Vītikkamassa pavesanadvāraṃ saṃvarati pidahatīti saṃvaro.

    ਮੋਕ੍ਖਨ੍ਤਿ ਉਤ੍ਤਮਂ ਮੁਖਭੂਤਂ વਾ। ਯਥਾ ਹਿ ਸਤ੍ਤਾਨਂ ਚਤੁਬ੍ਬਿਧੋ ਆਹਾਰੋ ਮੁਖੇਨ ਪવਿਸਿਤ੍વਾ ਅਙ੍ਗਮਙ੍ਗਾਨਿ ਫਰਤਿ, ਏવਂ ਯੋਗਿਨੋਪਿ ਚਤੁਭੂਮਕਕੁਸਲਂ ਸੀਲਮੁਖੇਨ ਪવਿਸਿਤ੍વਾ ਅਤ੍ਥਸਿਦ੍ਧਿਂ ਸਮ੍ਪਾਦੇਤਿ। ਤੇਨ ‘‘ਮੋਕ੍ਖ’’ਨ੍ਤਿ। ਪਮੁਖੇ ਸਾਧੂਤਿ ਪਾਮੋਕ੍ਖਂ, ਪੁਬ੍ਬਙ੍ਗਮਂ ਸੇਟ੍ਠਂ ਪਧਾਨਨ੍ਤਿ ਅਤ੍ਥੋ। ਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾਤਿ ਚਤੁਭੂਮਕਕੁਸਲਾਨਂ ਪਟਿਲਾਭਤ੍ਥਾਯ ਪਾਮੋਕ੍ਖਂ ਪੁਬ੍ਬਙ੍ਗਮਂ ਸੇਟ੍ਠਂ ਪਧਾਨਨ੍ਤਿ વੇਦਿਤਬ੍ਬਂ।

    Mokkhanti uttamaṃ mukhabhūtaṃ vā. Yathā hi sattānaṃ catubbidho āhāro mukhena pavisitvā aṅgamaṅgāni pharati, evaṃ yoginopi catubhūmakakusalaṃ sīlamukhena pavisitvā atthasiddhiṃ sampādeti. Tena ‘‘mokkha’’nti. Pamukhe sādhūti pāmokkhaṃ, pubbaṅgamaṃ seṭṭhaṃ padhānanti attho. Kusalānaṃ dhammānaṃ samāpattiyāti catubhūmakakusalānaṃ paṭilābhatthāya pāmokkhaṃ pubbaṅgamaṃ seṭṭhaṃ padhānanti veditabbaṃ.

    વਿવਿਚ੍ਚੇવ ਕਾਮੇਹੀਤਿ ਕਾਮੇਹਿ વਿવਿਚ੍ਚ વਿਨਾ ਹੁਤ੍વਾ ਅਪਕ੍ਕਮਿਤ੍વਾ। ਯੋ ਪਨਾਯਮੇਤ੍ਥ ਏવਕਾਰੋ, ਸੋ ਨਿਯਮਤ੍ਥੋਤਿ વੇਦਿਤਬ੍ਬੋ। ਯਸ੍ਮਾ ਚ ਨਿਯਮਤ੍ਥੋ, ਤਸ੍ਮਾ ਤਸ੍ਮਿਂ ਪਠਮਂ ਝਾਨਂ ਉਪਸਮ੍ਪਜ੍ਜ વਿਹਰਣਸਮਯੇ ਅવਿਜ੍ਜਮਾਨਾਨਮ੍ਪਿ ਕਾਮਾਨਂ ਤਸ੍ਸ ਪਠਮਜ੍ਝਾਨਸ੍ਸ ਪਟਿਪਕ੍ਖਭਾવਂ ਕਾਮਪਰਿਚ੍ਚਾਗੇਨੇવ ਚਸ੍ਸ ਅਧਿਗਮਂ ਦੀਪੇਤਿ। ਕਥਂ? ‘‘વਿવਿਚ੍ਚੇવ ਕਾਮੇਹੀ’’ਤਿ ਏવਞ੍ਹਿ ਨਿਯਮੇ ਕਰਿਯਮਾਨੇ ਇਦਂ ਪਞ੍ਞਾਯਤਿ, ਨੂਨਿਮਸ੍ਸ ਝਾਨਸ੍ਸ ਕਾਮਾ ਪਟਿਪਕ੍ਖਭੂਤਾ, ਯੇਸੁ ਸਤਿ ਇਦਂ ਨ ਪવਤ੍ਤਤਿ ਅਨ੍ਧਕਾਰੇ ਸਤਿ ਪਦੀਪੋਭਾਸੋ વਿਯ, ਤੇਸਂ ਪਰਿਚ੍ਚਾਗੇਨੇવ ਚਸ੍ਸ ਅਧਿਗਮੋ ਹੋਤਿ ਓਰਿਮਤੀਰਪਰਿਚ੍ਚਾਗੇਨ ਪਾਰਿਮਤੀਰਸ੍ਸੇવ। ਤਸ੍ਮਾ ਨਿਯਮਂ ਕਰੋਤੀਤਿ।

    Viviccevakāmehīti kāmehi vivicca vinā hutvā apakkamitvā. Yo panāyamettha evakāro, so niyamatthoti veditabbo. Yasmā ca niyamattho, tasmā tasmiṃ paṭhamaṃ jhānaṃ upasampajja viharaṇasamaye avijjamānānampi kāmānaṃ tassa paṭhamajjhānassa paṭipakkhabhāvaṃ kāmapariccāgeneva cassa adhigamaṃ dīpeti. Kathaṃ? ‘‘Vivicceva kāmehī’’ti evañhi niyame kariyamāne idaṃ paññāyati, nūnimassa jhānassa kāmā paṭipakkhabhūtā, yesu sati idaṃ na pavattati andhakāre sati padīpobhāso viya, tesaṃ pariccāgeneva cassa adhigamo hoti orimatīrapariccāgena pārimatīrasseva. Tasmā niyamaṃ karotīti.

    ਤਤ੍ਥ ਸਿਯਾ ‘‘ਕਸ੍ਮਾ ਪਨੇਸ ਪੁਬ੍ਬਪਦੇਯੇવ વੁਤ੍ਤੋ ਨ ਉਤ੍ਤਰਪਦੇ, ਕਿਂ ਅਕੁਸਲੇਹਿ ਧਮ੍ਮੇਹਿ ਅવਿવਿਚ੍ਚਾਪਿ ਝਾਨਂ ਉਪਸਮ੍ਪਜ੍ਜ વਿਹਰੇਯ੍ਯਾ’’ਤਿ? ਨ ਖੋ ਪਨੇਤਂ ਏવਂ ਦਟ੍ਠਬ੍ਬਂ। ਤਂਨਿਸ੍ਸਰਣਤੋ ਹਿ ਪੁਬ੍ਬਪਦੇ ਏવ ਏਸ વੁਤ੍ਤੋ। ਕਾਮਧਾਤੁਸਮਤਿਕ੍ਕਮਨਤੋ ਹਿ ਕਾਮਰਾਗਪਟਿਪਕ੍ਖਤੋ ਚ ਇਦਂ ਝਾਨਂ ਕਾਮਾਨਮੇવ ਨਿਸ੍ਸਰਣਂ। ਯਥਾਹ – ‘‘ਕਾਮਾਨਮੇਤਂ ਨਿਸ੍ਸਰਣਂ ਯਦਿਦਂ ਨੇਕ੍ਖਮ੍ਮ’’ਨ੍ਤਿ (ਇਤਿવੁ॰ ੭੨)। ਉਤ੍ਤਰਪਦੇਪਿ ਪਨ ਯਥਾ ‘‘ਇਧੇવ, ਭਿਕ੍ਖવੇ, ਸਮਣੋ, ਇਧ ਦੁਤਿਯੋ ਸਮਣੋ’’ਤਿ (ਮ॰ ਨਿ॰ ੧.੧੩੯) ਏਤ੍ਥ ਏવਕਾਰੋ ਆਨੇਤ੍વਾ વੁਚ੍ਚਤਿ, ਏવਂ વਤ੍ਤਬ੍ਬੋ। ਨ ਹਿ ਸਕ੍ਕਾ ਇਤੋ ਅਞ੍ਞੇਹਿਪਿ ਨੀવਰਣਸਙ੍ਖਾਤੇਹਿ ਅਕੁਸਲੇਹਿ ਧਮ੍ਮੇਹਿ ਅવਿવਿਚ੍ਚ ਝਾਨਂ ਉਪਸਮ੍ਪਜ੍ਜ વਿਹਰਿਤੁਂ। ਤਸ੍ਮਾ વਿવਿਚ੍ਚੇવ ਕਾਮੇਹਿ વਿવਿਚ੍ਚੇવ ਅਕੁਸਲੇਹਿ ਧਮ੍ਮੇਹੀਤਿ ਏવਂ ਪਦਦ੍વਯੇਪਿ ਏਸ ਦਟ੍ਠਬ੍ਬੋ। ਪਦਦ੍વਯੇਪਿ ਚ ਕਿਞ੍ਚਾਪਿ વਿવਿਚ੍ਚਾਤਿ ਇਮਿਨਾ ਸਾਧਾਰਣવਚਨੇਨ ਤਦਙ੍ਗવਿવੇਕਾਦਯੋ ਕਾਯવਿવੇਕਾਦਯੋ ਚ ਸਬ੍ਬੇਪਿ વਿવੇਕਾ ਸਙ੍ਗਹਂ ਗਚ੍ਛਨ੍ਤਿ, ਤਥਾਪਿ ਪੁਬ੍ਬਭਾਗੇ ਕਾਯવਿવੇਕਚਿਤ੍ਤવਿવੇਕવਿਕ੍ਖਮ੍ਭਨવਿવੇਕਾ ਦਟ੍ਠਬ੍ਬਾ। ਲੋਕੁਤ੍ਤਰਮਗ੍ਗਕ੍ਖਣੇ ਕਾਯવਿવੇਕਚਿਤ੍ਤવਿવੇਕਸਮੁਚ੍ਛੇਦવਿવੇਕਨਿਸ੍ਸਰਣવਿવੇਕਾ।

    Tattha siyā ‘‘kasmā panesa pubbapadeyeva vutto na uttarapade, kiṃ akusalehi dhammehi aviviccāpi jhānaṃ upasampajja vihareyyā’’ti? Na kho panetaṃ evaṃ daṭṭhabbaṃ. Taṃnissaraṇato hi pubbapade eva esa vutto. Kāmadhātusamatikkamanato hi kāmarāgapaṭipakkhato ca idaṃ jhānaṃ kāmānameva nissaraṇaṃ. Yathāha – ‘‘kāmānametaṃ nissaraṇaṃ yadidaṃ nekkhamma’’nti (itivu. 72). Uttarapadepi pana yathā ‘‘idheva, bhikkhave, samaṇo, idha dutiyo samaṇo’’ti (ma. ni. 1.139) ettha evakāro ānetvā vuccati, evaṃ vattabbo. Na hi sakkā ito aññehipi nīvaraṇasaṅkhātehi akusalehi dhammehi avivicca jhānaṃ upasampajja viharituṃ. Tasmā vivicceva kāmehi vivicceva akusalehi dhammehīti evaṃ padadvayepi esa daṭṭhabbo. Padadvayepi ca kiñcāpi viviccāti iminā sādhāraṇavacanena tadaṅgavivekādayo kāyavivekādayo ca sabbepi vivekā saṅgahaṃ gacchanti, tathāpi pubbabhāge kāyavivekacittavivekavikkhambhanavivekā daṭṭhabbā. Lokuttaramaggakkhaṇe kāyavivekacittavivekasamucchedavivekanissaraṇavivekā.

    ਕਾਮੇਹੀਤਿ ਇਮਿਨਾ ਪਨ ਪਦੇਨ ਯੇ ਚ ਇਧ ‘‘ਕਤਮੇ વਤ੍ਥੁਕਾਮਾ ਮਨਾਪਿਕਾ ਰੂਪਾ’’ਤਿਆਦਿਨਾ ਨਯੇਨ વਤ੍ਥੁਕਾਮਾ વੁਤ੍ਤਾ, ਯੇ ਚ ਇਧੇવ વਿਭਙ੍ਗੇ ‘‘ਛਨ੍ਦੋ ਕਾਮੋ ਰਾਗੋ ਕਾਮੋ ਛਨ੍ਦਰਾਗੋ ਕਾਮੋ ਸਙ੍ਕਪ੍ਪੋ ਕਾਮੋ ਰਾਗੋ ਕਾਮੋ ਸਙ੍ਕਪ੍ਪਰਾਗੋ ਕਾਮੋ’’ਤਿ ਏવਂ ਕਿਲੇਸਕਾਮਾ વੁਤ੍ਤਾ, ਤੇ ਸਬ੍ਬੇਪਿ ਸਙ੍ਗਹਿਤਾ ਇਚ੍ਚੇવ ਦਟ੍ਠਬ੍ਬਾ। ਏવਞ੍ਹਿ ਸਤਿ વਿવਿਚ੍ਚੇવ ਕਾਮੇਹੀਤਿ વਤ੍ਥੁਕਾਮੇਹਿਪਿ વਿવਿਚ੍ਚੇવਾਤਿ ਅਤ੍ਥੋ ਯੁਜ੍ਜਤਿ। ਤੇਨ ਕਾਯવਿવੇਕੋ વੁਤ੍ਤੋ ਹੋਤਿ।

    Kāmehīti iminā pana padena ye ca idha ‘‘katame vatthukāmā manāpikā rūpā’’tiādinā nayena vatthukāmā vuttā, ye ca idheva vibhaṅge ‘‘chando kāmo rāgo kāmo chandarāgo kāmo saṅkappo kāmo rāgo kāmo saṅkapparāgo kāmo’’ti evaṃ kilesakāmā vuttā, te sabbepi saṅgahitā icceva daṭṭhabbā. Evañhi sati vivicceva kāmehīti vatthukāmehipi viviccevāti attho yujjati. Tena kāyaviveko vutto hoti.

    વਿવਿਚ੍ਚ ਅਕੁਸਲੇਹਿ ਧਮ੍ਮੇਹੀਤਿ ਕਿਲੇਸਕਾਮੇਹਿ ਸਬ੍ਬਾਕੁਸਲੇਹਿ વਾ વਿવਿਚ੍ਚਾਤਿ ਅਤ੍ਥੋ ਯੁਜ੍ਜਤਿ। ਤੇਨ ਚਿਤ੍ਤવਿવੇਕੋ વੁਤ੍ਤੋ ਹੋਤਿ। ਪੁਰਿਮੇਨ ਚੇਤ੍ਥ વਤ੍ਥੁਕਾਮੇਹਿ વਿવੇਕવਚਨਤੋ ਏવ ਕਾਮਸੁਖਪਰਿਚ੍ਚਾਗੋ, ਦੁਤਿਯੇਨ ਕਿਲੇਸਕਾਮੇਹਿ વਿવੇਕવਚਨਤੋ ਨੇਕ੍ਖਮ੍ਮਸੁਖਪਰਿਗ੍ਗਹੋ વਿਭਾવਿਤੋ ਹੋਤਿ । ਏવਂ વਤ੍ਥੁਕਾਮਕਿਲੇਸਕਾਮવਿવੇਕવਚਨਤੋਯੇવ ਚ ਏਤੇਸਂ ਪਠਮੇਨ ਸਂਕਿਲੇਸવਤ੍ਥੁਪ੍ਪਹਾਨਂ, ਦੁਤਿਯੇਨ ਸਂਕਿਲੇਸਪ੍ਪਹਾਨਂ। ਪਠਮੇਨ ਲੋਲਭਾવਸ੍ਸ ਹੇਤੁਪਰਿਚ੍ਚਾਗੋ, ਦੁਤਿਯੇਨ ਬਾਲਭਾવਸ੍ਸ। ਪਠਮੇਨ ਚ ਪਯੋਗਸੁਦ੍ਧਿ, ਦੁਤਿਯੇਨ ਆਸਯਪੋਸਨਂ વਿਭਾવਿਤਂ ਹੋਤੀਤਿ ਞਾਤਬ੍ਬਂ । ਏਸ ਤਾવ ਨਯੋ ‘‘ਕਾਮੇਹੀ’’ਤਿ ਏਤ੍ਥ વੁਤ੍ਤਕਾਮੇਸੁ વਤ੍ਥੁਕਾਮਪਕ੍ਖੇ ।

    Vivicca akusalehi dhammehīti kilesakāmehi sabbākusalehi vā viviccāti attho yujjati. Tena cittaviveko vutto hoti. Purimena cettha vatthukāmehi vivekavacanato eva kāmasukhapariccāgo, dutiyena kilesakāmehi vivekavacanato nekkhammasukhapariggaho vibhāvito hoti . Evaṃ vatthukāmakilesakāmavivekavacanatoyeva ca etesaṃ paṭhamena saṃkilesavatthuppahānaṃ, dutiyena saṃkilesappahānaṃ. Paṭhamena lolabhāvassa hetupariccāgo, dutiyena bālabhāvassa. Paṭhamena ca payogasuddhi, dutiyena āsayaposanaṃ vibhāvitaṃ hotīti ñātabbaṃ . Esa tāva nayo ‘‘kāmehī’’ti ettha vuttakāmesu vatthukāmapakkhe .

    ਕਿਲੇਸਕਾਮਪਕ੍ਖੇ ਪਨ ਛਨ੍ਦੋਤਿ ਚ ਰਾਗੋਤਿ ਚ ਏવਮਾਦੀਹਿ ਅਨੇਕਭੇਦੋ ਕਾਮਚ੍ਛਨ੍ਦੋવ ‘‘ਕਾਮੋ’’ਤਿ ਅਧਿਪ੍ਪੇਤੋ। ਸੋ ਚ ਅਕੁਸਲਪਰਿਯਾਪਨ੍ਨੋਪਿ ਸਮਾਨੋ ‘‘ਤਤ੍ਥ ਕਤਮੋ ਕਾਮਚ੍ਛਨ੍ਦੋ, ਕਾਮੋ’’ਤਿਆਦਿਨਾ ਨਯੇਨ વਿਭਙ੍ਗੇ ਝਾਨਪਟਿਪਕ੍ਖਤੋ વਿਸੁਂ વੁਤ੍ਤੋ। ਕਿਲੇਸਕਾਮਤ੍ਤਾ વਾ ਪੁਰਿਮਪਦੇ વੁਤ੍ਤੋ, ਅਕੁਸਲਪਰਿਯਾਪਨ੍ਨਤ੍ਤਾ ਦੁਤਿਯਪਦੇ। ਅਨੇਕਭੇਦਤੋ ਚਸ੍ਸ ਕਾਮਤੋਤਿ ਅવਤ੍વਾ ਕਾਮੇਹੀਤਿ વੁਤ੍ਤਂ। ਅਞ੍ਞੇਸਮ੍ਪਿ ਚ ਧਮ੍ਮਾਨਂ ਅਕੁਸਲਭਾવੇ વਿਜ੍ਜਮਾਨੇ ‘‘ਤਤ੍ਥ ਕਤਮੇ ਅਕੁਸਲਾ ਧਮ੍ਮਾ, ਕਾਮਚ੍ਛਨ੍ਦੋ’’ਤਿਆਦਿਨਾ ਨਯੇਨ વਿਭਙ੍ਗੇ (વਿਭ॰ ੫੬੪) ਉਪਰਿਝਾਨਙ੍ਗਾਨਂ ਪਚ੍ਚਨੀਕਪਟਿਪਕ੍ਖਭਾવਦਸ੍ਸਨਤੋ ਨੀવਰਣਾਨੇવ વੁਤ੍ਤਾਨਿ। ਨੀવਰਣਾਨਿ ਹਿ ਝਾਨਙ੍ਗਪਚ੍ਚਨੀਕਾਨਿ ਤੇਸਂ ਝਾਨਙ੍ਗਾਨੇવ ਪਟਿਪਕ੍ਖਾਨਿ, વਿਦ੍ਧਂਸਕਾਨਿ વਿਘਾਤਕਾਨੀਤਿ વੁਤ੍ਤਂ ਹੋਤਿ। ਤਥਾ ਹਿ ‘‘ਸਮਾਧਿ ਕਾਮਚ੍ਛਨ੍ਦਸ੍ਸ ਪਟਿਪਕ੍ਖੋ, ਪੀਤਿ ਬ੍ਯਾਪਾਦਸ੍ਸ, વਿਤਕ੍ਕੋ ਥਿਨਮਿਦ੍ਧਸ੍ਸ, ਸੁਖਂ ਉਦ੍ਧਚ੍ਚਕੁਕ੍ਕੁਚ੍ਚਸ੍ਸ, વਿਚਾਰੋ વਿਚਿਕਿਚ੍ਛਾਯਾ’’ਤਿ ਪੇਟਕੇ વੁਤ੍ਤਂ।

    Kilesakāmapakkhe pana chandoti ca rāgoti ca evamādīhi anekabhedo kāmacchandova ‘‘kāmo’’ti adhippeto. So ca akusalapariyāpannopi samāno ‘‘tattha katamo kāmacchando, kāmo’’tiādinā nayena vibhaṅge jhānapaṭipakkhato visuṃ vutto. Kilesakāmattā vā purimapade vutto, akusalapariyāpannattā dutiyapade. Anekabhedato cassa kāmatoti avatvā kāmehīti vuttaṃ. Aññesampi ca dhammānaṃ akusalabhāve vijjamāne ‘‘tattha katame akusalā dhammā, kāmacchando’’tiādinā nayena vibhaṅge (vibha. 564) uparijhānaṅgānaṃ paccanīkapaṭipakkhabhāvadassanato nīvaraṇāneva vuttāni. Nīvaraṇāni hi jhānaṅgapaccanīkāni tesaṃ jhānaṅgāneva paṭipakkhāni, viddhaṃsakāni vighātakānīti vuttaṃ hoti. Tathā hi ‘‘samādhi kāmacchandassa paṭipakkho, pīti byāpādassa, vitakko thinamiddhassa, sukhaṃ uddhaccakukkuccassa, vicāro vicikicchāyā’’ti peṭake vuttaṃ.

    ਏવਮੇਤ੍ਥ વਿવਿਚ੍ਚੇવ ਕਾਮੇਹੀਤਿ ਇਮਿਨਾ ਕਾਮਚ੍ਛਨ੍ਦਸ੍ਸ વਿਕ੍ਖਮ੍ਭਨવਿવੇਕੋ વੁਤ੍ਤੋ ਹੋਤਿ, વਿવਿਚ੍ਚ ਅਕੁਸਲੇਹਿ ਧਮ੍ਮੇਹੀਤਿ ਇਮਿਨਾ ਪਞ੍ਚਨ੍ਨਮ੍ਪਿ ਨੀવਰਣਾਨਂ। ਅਗ੍ਗਹਿਤਗ੍ਗਹਣੇਨ ਪਨ ਪਠਮੇਨ ਕਾਮਚ੍ਛਨ੍ਦਸ੍ਸ, ਦੁਤਿਯੇਨ ਸੇਸਨੀવਰਣਾਨਂ। ਤਥਾ ਪਠਮੇਨ ਤੀਸੁ ਅਕੁਸਲਮੂਲੇਸੁ ਪਞ੍ਚਕਾਮਗੁਣਭੇਦવਿਸਯਸ੍ਸ ਲੋਭਸ੍ਸ, ਦੁਤਿਯੇਨ ਆਘਾਤવਤ੍ਥੁਭੇਦਾਦਿવਿਸਯਾਨਂ ਦੋਸਮੋਹਾਨਂ। ਓਘਾਦੀਸੁ વਾ ਧਮ੍ਮੇਸੁ ਪਠਮੇਨ ਕਾਮੋਘਕਾਮਯੋਗਕਾਮਾਸવਕਾਮੁਪਾਦਾਨਅਭਿਜ੍ਝਾਕਾਯਗਨ੍ਥਕਾਮਰਾਗਸਂਯੋਜਨਾਨਂ, ਦੁਤਿਯੇਨ ਅવਸੇਸਓਘਯੋਗਾਸવਉਪਾਦਾਨਗਨ੍ਥਸਂਯੋਜਨਾਨਂ। ਪਠਮੇਨ ਚ ਤਣ੍ਹਾਯ ਤਂਸਮ੍ਪਯੁਤ੍ਤਕਾਨਞ੍ਚ, ਦੁਤਿਯੇਨ ਅવਿਜ੍ਜਾਯ ਤਂਸਮ੍ਪਯੁਤ੍ਤਕਾਨਞ੍ਚ। ਅਪਿ ਚ ਪਠਮੇਨ ਲੋਭਸਮ੍ਪਯੁਤ੍ਤਅਟ੍ਠਚਿਤ੍ਤੁਪ੍ਪਾਦਾਨਂ, ਦੁਤਿਯੇਨ ਸੇਸਾਨਂ ਚਤੁਨ੍ਨਂ ਅਕੁਸਲਚਿਤ੍ਤੁਪ੍ਪਾਦਾਨਂ વਿਕ੍ਖਮ੍ਭਨવਿવੇਕੋ વੁਤ੍ਤੋ ਹੋਤੀਤਿ વੇਦਿਤਬ੍ਬੋ।

    Evamettha vivicceva kāmehīti iminā kāmacchandassa vikkhambhanaviveko vutto hoti, vivicca akusalehi dhammehīti iminā pañcannampi nīvaraṇānaṃ. Aggahitaggahaṇena pana paṭhamena kāmacchandassa, dutiyena sesanīvaraṇānaṃ. Tathā paṭhamena tīsu akusalamūlesu pañcakāmaguṇabhedavisayassa lobhassa, dutiyena āghātavatthubhedādivisayānaṃ dosamohānaṃ. Oghādīsu vā dhammesu paṭhamena kāmoghakāmayogakāmāsavakāmupādānaabhijjhākāyaganthakāmarāgasaṃyojanānaṃ, dutiyena avasesaoghayogāsavaupādānaganthasaṃyojanānaṃ. Paṭhamena ca taṇhāya taṃsampayuttakānañca, dutiyena avijjāya taṃsampayuttakānañca. Api ca paṭhamena lobhasampayuttaaṭṭhacittuppādānaṃ, dutiyena sesānaṃ catunnaṃ akusalacittuppādānaṃ vikkhambhanaviveko vutto hotīti veditabbo.

    ਏਤ੍ਤਾવਤਾ ਚ ਪਠਮਸ੍ਸ ਝਾਨਸ੍ਸ ਪਹਾਨਙ੍ਗਂ ਦਸ੍ਸੇਤ੍વਾ ਇਦਾਨਿ ਸਮ੍ਪਯੋਗਙ੍ਗਂ ਦਸ੍ਸੇਤੁਂ ‘‘ਸવਿਤਕ੍ਕਂ ਸવਿਚਾਰ’’ਨ੍ਤਿਆਦਿ વੁਤ੍ਤਂ। ਤਤ੍ਥ ਆਰਮ੍ਮਣੇ ਚਿਤ੍ਤਸ੍ਸ ਅਭਿਨਿਰੋਪਨਲਕ੍ਖਣੋ વਿਤਕ੍ਕੋ, ਆਰਮ੍ਮਣਾਨੁਮਜ੍ਜਨਲਕ੍ਖਣੋ વਿਚਾਰੋ। ਸਨ੍ਤੇਪਿ ਚ ਨੇਸਂ ਕਤ੍ਥਚਿ ਅવਿਯੋਗੇ ਓਲ਼ਾਰਿਕਟ੍ਠੇਨ ਪੁਬ੍ਬਙ੍ਗਮਟ੍ਠੇਨ ਚ ਘਣ੍ਡਾਭਿਘਾਤੋ વਿਯ ਚੇਤਸੋ ਪਠਮਾਭਿਨਿਪਾਤੋ વਿਤਕ੍ਕੋ, ਸੁਖੁਮਟ੍ਠੇਨ ਅਨੁਮਜ੍ਜਨਸਭਾવੇਨ ਚ ਘਣ੍ਡਾਨੁਰવੋ વਿਯ ਅਨੁਪਬਨ੍ਧੋ વਿਚਾਰੋ। વਿਪ੍ਫਾਰવਾ ਚੇਤ੍ਥ વਿਤਕ੍ਕੋ ਪਠਮੁਪ੍ਪਤ੍ਤਿਕਾਲੇ ਪਰਿਪ੍ਫਨ੍ਦਨਭੂਤੋ ਚਿਤ੍ਤਸ੍ਸ, ਆਕਾਸੇ ਉਪ੍ਪਤਿਤੁਕਾਮਸ੍ਸ ਪਕ੍ਖਿਨੋ ਪਕ੍ਖવਿਕ੍ਖੇਪੋ વਿਯ, ਪਦੁਮਾਭਿਮੁਖਪਾਤੋ વਿਯ ਚ ਗਨ੍ਧਾਨੁਬਨ੍ਧਚੇਤਸੋ ਭਮਰਸ੍ਸ। ਸਨ੍ਤવੁਤ੍ਤਿ વਿਚਾਰੋ ਨਾਤਿਪਰਿਪ੍ਫਨ੍ਦਨਭਾવੋ ਚਿਤ੍ਤਸ੍ਸ, ਆਕਾਸੇ ਉਪ੍ਪਤਿਤਸ੍ਸ ਪਕ੍ਖਿਨੋ ਪਕ੍ਖਪ੍ਪਸਾਰਣਂ વਿਯ, ਪਰਿਬ੍ਭਮਨਂ વਿਯ ਚ ਪਦੁਮਾਭਿਮੁਖਪਤਿਤਸ੍ਸ ਭਮਰਸ੍ਸ ਪਦੁਮਸ੍ਸ ਉਪਰਿਭਾਗੇ।

    Ettāvatā ca paṭhamassa jhānassa pahānaṅgaṃ dassetvā idāni sampayogaṅgaṃ dassetuṃ ‘‘savitakkaṃ savicāra’’ntiādi vuttaṃ. Tattha ārammaṇe cittassa abhiniropanalakkhaṇo vitakko, ārammaṇānumajjanalakkhaṇo vicāro. Santepi ca nesaṃ katthaci aviyoge oḷārikaṭṭhena pubbaṅgamaṭṭhena ca ghaṇḍābhighāto viya cetaso paṭhamābhinipāto vitakko, sukhumaṭṭhena anumajjanasabhāvena ca ghaṇḍānuravo viya anupabandho vicāro. Vipphāravā cettha vitakko paṭhamuppattikāle paripphandanabhūto cittassa, ākāse uppatitukāmassa pakkhino pakkhavikkhepo viya, padumābhimukhapāto viya ca gandhānubandhacetaso bhamarassa. Santavutti vicāro nātiparipphandanabhāvo cittassa, ākāse uppatitassa pakkhino pakkhappasāraṇaṃ viya, paribbhamanaṃ viya ca padumābhimukhapatitassa bhamarassa padumassa uparibhāge.

    ਦੁਕਨਿਪਾਤਟ੍ਠਕਥਾਯਂ ਪਨ ‘‘ਆਕਾਸੇ ਗਚ੍ਛਤੋ ਮਹਾਸਕੁਣਸ੍ਸ ਉਭੋਹਿ ਪਕ੍ਖੇਹਿ વਾਤਂ ਗਹੇਤ੍વਾ ਪਕ੍ਖੇ ਸਨ੍ਨਿਸੀਦਾਪੇਤ੍વਾ ਗਮਨਂ વਿਯ ਆਰਮ੍ਮਣੇ ਚੇਤਸੋ ਅਭਿਨਿਰੋਪਨਭਾવੇਨ ਪવਤ੍ਤੋ વਿਤਕ੍ਕੋ, વਾਤਗ੍ਗਹਣਤ੍ਥਂ ਪਕ੍ਖੇ ਫਨ੍ਦਾਪਯਮਾਨਸ੍ਸ ਗਮਨਂ વਿਯ ਅਨੁਮਜ੍ਜਨਭਾવੇਨ ਪવਤ੍ਤੋ વਿਚਾਰੋ’’ਤਿ વੁਤ੍ਤਂ। ਤਂ ਅਨੁਪ੍ਪਬਨ੍ਧੇਨ ਪવਤ੍ਤਿਯਂ ਯੁਜ੍ਜਤਿ। ਸੋ ਪਨ ਨੇਸਂ વਿਸੇਸੋ ਪਠਮਦੁਤਿਯਜ੍ਝਾਨੇਸੁ ਪਾਕਟੋ ਹੋਤਿ। ਅਪਿ ਚ ਮਲਗ੍ਗਹਿਤਂ ਕਂਸਭਾਜਨਂ ਏਕੇਨ ਹਤ੍ਥੇਨ ਦਲ਼੍ਹਂ ਗਹੇਤ੍વਾ ਇਤਰੇਨ ਹਤ੍ਥੇਨ ਚੁਣ੍ਣਤੇਲવਾਲਣ੍ਡੁਪਕੇਨ ਪਰਿਮਜ੍ਜਨ੍ਤਸ੍ਸ ਦਲ਼੍ਹਗ੍ਗਹਣਹਤ੍ਥੋ વਿਯ વਿਤਕ੍ਕੋ। ਪਰਿਮਜ੍ਜਨਹਤ੍ਥੋ વਿਯ વਿਚਾਰੋ। ਤਥਾ ਕੁਮ੍ਭਕਾਰਸ੍ਸ ਦਣ੍ਡਪ੍ਪਹਾਰੇਨ ਚਕ੍ਕਂ ਭਮਯਿਤ੍વਾ ਭਾਜਨਂ ਕਰੋਨ੍ਤਸ੍ਸ ਉਪ੍ਪੀਲ਼ਨਹਤ੍ਥੋ વਿਯ વਿਤਕ੍ਕੋ। ਇਤੋ ਚਿਤੋ ਚ ਸਞ੍ਚਰਣਹਤ੍ਥੋ વਿਯ વਿਚਾਰੋ। ਤਥਾ ਮਣ੍ਡਲਂ ਕਰੋਨ੍ਤਸ੍ਸ ਮਜ੍ਝੇ ਸਨ੍ਨਿਰੁਮ੍ਭਿਤ੍વਾ ਠਿਤਕਣ੍ਟਕੋ વਿਯ ਅਭਿਨਿਰੋਪਨੋ વਿਤਕ੍ਕੋ। ਬਹਿ ਪਰਿਬ੍ਭਮਨਕਣ੍ਟਕੋ વਿਯ ਅਨੁਮਜ੍ਜਮਾਨੋ વਿਚਾਰੋ। ਇਤਿ ਇਮਿਨਾ ਚ વਿਤਕ੍ਕੇਨ ਇਮਿਨਾ ਚ વਿਚਾਰੇਨ ਸਹ વਤ੍ਤਤਿ ਰੁਕ੍ਖੋ વਿਯ ਪੁਪ੍ਫੇਨ ਚ ਫਲੇਨ ਚਾਤਿ ਇਦਂ ਝਾਨਂ ‘‘ਸવਿਤਕ੍ਕਂ ਸવਿਚਾਰ’’ਨ੍ਤਿ વੁਚ੍ਚਤਿ।

    Dukanipātaṭṭhakathāyaṃ pana ‘‘ākāse gacchato mahāsakuṇassa ubhohi pakkhehi vātaṃ gahetvā pakkhe sannisīdāpetvā gamanaṃ viya ārammaṇe cetaso abhiniropanabhāvena pavatto vitakko, vātaggahaṇatthaṃ pakkhe phandāpayamānassa gamanaṃ viya anumajjanabhāvena pavatto vicāro’’ti vuttaṃ. Taṃ anuppabandhena pavattiyaṃ yujjati. So pana nesaṃ viseso paṭhamadutiyajjhānesu pākaṭo hoti. Api ca malaggahitaṃ kaṃsabhājanaṃ ekena hatthena daḷhaṃ gahetvā itarena hatthena cuṇṇatelavālaṇḍupakena parimajjantassa daḷhaggahaṇahattho viya vitakko. Parimajjanahattho viya vicāro. Tathā kumbhakārassa daṇḍappahārena cakkaṃ bhamayitvā bhājanaṃ karontassa uppīḷanahattho viya vitakko. Ito cito ca sañcaraṇahattho viya vicāro. Tathā maṇḍalaṃ karontassa majjhe sannirumbhitvā ṭhitakaṇṭako viya abhiniropano vitakko. Bahi paribbhamanakaṇṭako viya anumajjamāno vicāro. Iti iminā ca vitakkena iminā ca vicārena saha vattati rukkho viya pupphena ca phalena cāti idaṃ jhānaṃ ‘‘savitakkaṃ savicāra’’nti vuccati.

    વਿવੇਕਜਨ੍ਤਿ ਏਤ੍ਥ વਿવਿਤ੍ਤਿ વਿવੇਕੋ, ਨੀવਰਣવਿਗਮੋਤਿ ਅਤ੍ਥੋ। વਿવਿਤ੍ਤੋਤਿ વਾ વਿવੇਕੋ, ਨੀવਰਣવਿવਿਤ੍ਤੋ ਝਾਨਸਮ੍ਪਯੁਤ੍ਤਧਮ੍ਮਰਾਸੀਤਿ ਅਤ੍ਥੋ। ਤਸ੍ਮਾ વਿવੇਕਾ, ਤਸ੍ਮਿਂ વਾ વਿવੇਕੇ ਜਾਤਨ੍ਤਿ વਿવੇਕਜਂ। ਪੀਤਿਸੁਖਨ੍ਤਿ ਏਤ੍ਥ ਪਿਣਯਤੀਤਿ ਪੀਤਿ, ਸਾ ਸਮ੍ਪਿਯਾਯਨਲਕ੍ਖਣਾ। ਸਾ ਪਨੇਸਾ ਖੁਦ੍ਦਿਕਾਪੀਤਿ , ਖਣਿਕਾਪੀਤਿ, ਓਕ੍ਕਨ੍ਤਿਕਾਪੀਤਿ, ਉਬ੍ਬੇਗਾਪੀਤਿ, ਫਰਣਾਪੀਤੀਤਿ ਪਞ੍ਚવਿਧਾ ਹੋਤਿ।

    Vivekajanti ettha vivitti viveko, nīvaraṇavigamoti attho. Vivittoti vā viveko, nīvaraṇavivitto jhānasampayuttadhammarāsīti attho. Tasmā vivekā, tasmiṃ vā viveke jātanti vivekajaṃ. Pītisukhanti ettha piṇayatīti pīti, sā sampiyāyanalakkhaṇā. Sā panesā khuddikāpīti , khaṇikāpīti, okkantikāpīti, ubbegāpīti, pharaṇāpītīti pañcavidhā hoti.

    ਤਤ੍ਥ ਖੁਦ੍ਦਿਕਾਪੀਤਿ ਸਰੀਰੇ ਲੋਮਹਂਸਮਤ੍ਤਮੇવ ਕਾਤੁਂ ਸਕ੍ਕੋਤਿ। ਖਣਿਕਾਪੀਤਿ ਖਣੇ ਖਣੇ વਿਜ੍ਜੁਪ੍ਪਾਦਸਦਿਸਾ ਹੋਤਿ। ਓਕ੍ਕਨ੍ਤਿਕਾਪੀਤਿ ਸਮੁਦ੍ਦਤੀਰਂ વੀਚਿ વਿਯ, ਕਾਯਂ ਓਕ੍ਕਮਿਤ੍વਾ ਓਕ੍ਕਮਿਤ੍વਾ ਭਿਜ੍ਜਤਿ। ਉਬ੍ਬੇਗਾਪੀਤਿ ਬਲવਤੀ ਹੋਤਿ, ਕਾਯਂ ਉਦ੍ਧਗ੍ਗਂ ਕਤ੍વਾ ਆਕਾਸੇ ਲਙ੍ਘਾਪਨਪ੍ਪਮਾਣਪਤ੍ਤਾ।

    Tattha khuddikāpīti sarīre lomahaṃsamattameva kātuṃ sakkoti. Khaṇikāpīti khaṇe khaṇe vijjuppādasadisā hoti. Okkantikāpīti samuddatīraṃ vīci viya, kāyaṃ okkamitvā okkamitvā bhijjati. Ubbegāpīti balavatī hoti, kāyaṃ uddhaggaṃ katvā ākāse laṅghāpanappamāṇapattā.

    ਫਰਣਾਪੀਤਿ ਅਤਿਬਲવਤੀ ਹੋਤਿ। ਤਾਯ ਹਿ ਉਪ੍ਪਨ੍ਨਾਯ ਸਕਲਸਰੀਰਂ ਧਮਿਤ੍વਾ ਪੂਰਿਤવਤ੍ਥਿ વਿਯ ਮਹਤਾ ਉਦਕੋਘੇਨ ਪਕ੍ਖਨ੍ਦਪਬ੍ਬਤਕੁਚ੍ਛਿ વਿਯ ਚ ਅਨੁਪਰਿਪ੍ਫੁਟਂ ਹੋਤਿ। ਸਾ ਪਨੇਸਾ ਪਞ੍ਚવਿਧਾ ਪੀਤਿ ਗਬ੍ਭਂ ਗਣ੍ਹਨ੍ਤੀ ਪਰਿਪਾਕਂ ਗਚ੍ਛਨ੍ਤੀ ਦੁવਿਧਂ ਪਸ੍ਸਦ੍ਧਿਂ ਪਰਿਪੂਰੇਤਿ ਕਾਯਪਸ੍ਸਦ੍ਧਿਞ੍ਚ ਚਿਤ੍ਤਪਸ੍ਸਦ੍ਧਿਞ੍ਚ, ਪਸ੍ਸਦ੍ਧਿ ਗਬ੍ਭਂ ਗਣ੍ਹਨ੍ਤੀ ਪਰਿਪਾਕਂ ਗਚ੍ਛਨ੍ਤੀ ਦੁવਿਧਮ੍ਪਿ ਸੁਖਂ ਪਰਿਪੂਰੇਤਿ ਕਾਯਿਕਂ ਚੇਤਸਿਕਞ੍ਚ, ਸੁਖਂ ਗਬ੍ਭਂ ਗਣ੍ਹਨ੍ਤਂ ਪਰਿਪਾਕਂ ਗਚ੍ਛਨ੍ਤਂ ਤਿવਿਧਂ ਸਮਾਧਿਂ ਪਰਿਪੂਰੇਤਿ ਖਣਿਕਸਮਾਧਿਂ ਉਪਚਾਰਸਮਾਧਿਂ ਅਪ੍ਪਨਾਸਮਾਧਿਞ੍ਚਾਤਿ। ਤਾਸੁ ਯਾ ਅਪ੍ਪਨਾਸਮਾਧਿਸ੍ਸ ਮੂਲਂ ਹੁਤ੍વਾ વਡ੍ਢਮਾਨਾ ਸਮਾਧਿਸਮ੍ਪਯੋਗਙ੍ਗਤਾ ਫਰਣਾਪੀਤਿ, ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਪੀਤੀਤਿ।

    Pharaṇāpīti atibalavatī hoti. Tāya hi uppannāya sakalasarīraṃ dhamitvā pūritavatthi viya mahatā udakoghena pakkhandapabbatakucchi viya ca anuparipphuṭaṃ hoti. Sā panesā pañcavidhā pīti gabbhaṃ gaṇhantī paripākaṃ gacchantī duvidhaṃ passaddhiṃ paripūreti kāyapassaddhiñca cittapassaddhiñca, passaddhi gabbhaṃ gaṇhantī paripākaṃ gacchantī duvidhampi sukhaṃ paripūreti kāyikaṃ cetasikañca, sukhaṃ gabbhaṃ gaṇhantaṃ paripākaṃ gacchantaṃ tividhaṃ samādhiṃ paripūreti khaṇikasamādhiṃ upacārasamādhiṃ appanāsamādhiñcāti. Tāsu yā appanāsamādhissa mūlaṃ hutvā vaḍḍhamānā samādhisampayogaṅgatā pharaṇāpīti, ayaṃ imasmiṃ atthe adhippetā pītīti.

    ਇਤਰਂ ਪਨ ਸੁਖਯਤੀਤਿ ਸੁਖਂ, ਯਸ੍ਸ ਉਪ੍ਪਜ੍ਜਤਿ, ਤਂ ਸੁਖਿਤਂ ਕਰੋਤੀਤਿ ਅਤ੍ਥੋ। ਸੁਖਨਂ વਾ ਸੁਖਂ, ਸੁਟ੍ਠੁ વਾ ਖਾਦਤਿ ਖਣਤਿ ਚ ਕਾਯਚਿਤ੍ਤਾਬਾਧਨ੍ਤਿ ਸੁਖਂ, ਸੋਮਨਸ੍ਸવੇਦਨਾਯੇਤਂ ਨਾਮਂ। ਤਂ ਸਾਤਲਕ੍ਖਣਂ। ਸਨ੍ਤੇਪਿ ਚ ਨੇਸਂ ਕਤ੍ਥਚਿ ਅવਿਪ੍ਪਯੋਗੇ ਇਟ੍ਠਾਰਮ੍ਮਣਪਟਿਲਾਭਤੁਟ੍ਠਿ ਪੀਤਿ, ਪਟਿਲਦ੍ਧਰਸਾਨੁਭવਨਂ ਸੁਖਂ। ਯਤ੍ਥ ਪੀਤਿ, ਤਤ੍ਥ ਸੁਖਂ, ਯਤ੍ਥ ਸੁਖਂ, ਤਤ੍ਥ ਨ ਨਿਯਮਤੋ ਪੀਤਿ। ਸਙ੍ਖਾਰਕ੍ਖਨ੍ਧਸਙ੍ਗਹਿਤਾ ਪੀਤਿ, વੇਦਨਾਕ੍ਖਨ੍ਧਸਙ੍ਗਹਿਤਂ ਸੁਖਂ। ਕਨ੍ਤਾਰਖਿਨ੍ਨਸ੍ਸ વਨਨ੍ਤੋਦਕਦਸ੍ਸਨਸવਨੇਸੁ વਿਯ ਪੀਤਿ, વਨਚ੍ਛਾਯਪ੍ਪવੇਸਨਉਦਕਪਰਿਭੋਗੇਸੁ વਿਯ ਸੁਖਂ। ਤਸ੍ਮਿਂ ਤਸ੍ਮਿਂ ਸਮਯੇ ਪਾਕਟਭਾવਤੋ ਚੇਤਂ વੁਤ੍ਤਨ੍ਤਿ વੇਦਿਤਬ੍ਬਂ। ਇਤਿ ਅਯਞ੍ਚ ਪੀਤਿ ਇਦਞ੍ਚ ਸੁਖਂ ਅਸ੍ਸ ਝਾਨਸ੍ਸ, ਅਸ੍ਮਿਂ વਾ ਝਾਨੇ ਅਤ੍ਥੀਤਿ ਇਦਂ ਝਾਨਂ ‘‘ਪੀਤਿਸੁਖ’’ਨ੍ਤਿ વੁਚ੍ਚਤਿ।

    Itaraṃ pana sukhayatīti sukhaṃ, yassa uppajjati, taṃ sukhitaṃ karotīti attho. Sukhanaṃ vā sukhaṃ, suṭṭhu vā khādati khaṇati ca kāyacittābādhanti sukhaṃ, somanassavedanāyetaṃ nāmaṃ. Taṃ sātalakkhaṇaṃ. Santepi ca nesaṃ katthaci avippayoge iṭṭhārammaṇapaṭilābhatuṭṭhi pīti, paṭiladdharasānubhavanaṃ sukhaṃ. Yattha pīti, tattha sukhaṃ, yattha sukhaṃ, tattha na niyamato pīti. Saṅkhārakkhandhasaṅgahitā pīti, vedanākkhandhasaṅgahitaṃ sukhaṃ. Kantārakhinnassa vanantodakadassanasavanesu viya pīti, vanacchāyappavesanaudakaparibhogesu viya sukhaṃ. Tasmiṃ tasmiṃ samaye pākaṭabhāvato cetaṃ vuttanti veditabbaṃ. Iti ayañca pīti idañca sukhaṃ assa jhānassa, asmiṃ vā jhāne atthīti idaṃ jhānaṃ ‘‘pītisukha’’nti vuccati.

    ਅਥ વਾ ਪੀਤਿ ਚ ਸੁਖਞ੍ਚ ਪੀਤਿਸੁਖਂ ਧਮ੍ਮવਿਨਯਾਦਯੋ વਿਯ। વਿવੇਕਜਂ ਪੀਤਿਸੁਖਂ ਅਸ੍ਸ ਝਾਨਸ੍ਸ, ਅਸ੍ਮਿਂ વਾ ਝਾਨੇ ਅਤ੍ਥੀਤਿ ਏવਮ੍ਪਿ વਿવੇਕਜਂਪੀਤਿਸੁਖਂ। ਯਥੇવ ਹਿ ਝਾਨਂ, ਏવਂ ਪੀਤਿਸੁਖਮ੍ਪੇਤ੍ਥ વਿવੇਕਜਮੇવ ਹੋਤਿ, ਤਞ੍ਚਸ੍ਸ ਅਤ੍ਥਿ, ਤਸ੍ਮਾ ਅਲੋਪਸਮਾਸਂ ਕਤ੍વਾ ਏਕਪਦੇਨੇવ ‘‘વਿવੇਕਜਂਪੀਤਿਸੁਖ’’ਨ੍ਤਿਪਿ વਤ੍ਤੁਂ ਯੁਜ੍ਜਤਿ।

    Atha vā pīti ca sukhañca pītisukhaṃ dhammavinayādayo viya. Vivekajaṃ pītisukhaṃ assa jhānassa, asmiṃ vā jhāne atthīti evampi vivekajaṃpītisukhaṃ. Yatheva hi jhānaṃ, evaṃ pītisukhampettha vivekajameva hoti, tañcassa atthi, tasmā alopasamāsaṃ katvā ekapadeneva ‘‘vivekajaṃpītisukha’’ntipi vattuṃ yujjati.

    ਪਠਮਨ੍ਤਿ ਗਣਨਾਨੁਪੁਬ੍ਬਤਾ ਪਠਮਂ, ਇਦਂ ਪਠਮਂ ਉਪ੍ਪਨ੍ਨਨ੍ਤਿਪਿ ਪਠਮਂ। ਝਾਨਨ੍ਤਿ ਦੁવਿਧਂ ਝਾਨਂ ਆਰਮ੍ਮਣੂਪਨਿਜ੍ਝਾਨਂ ਲਕ੍ਖਣੂਪਨਿਜ੍ਝਾਨਞ੍ਚਾਤਿ। ਤਤ੍ਥ ਅਟ੍ਠ ਸਮਾਪਤ੍ਤਿਯੋ ਪਥવੀਕਸਿਣਾਦਿਆਰਮ੍ਮਣਂ ਉਪਨਿਜ੍ਝਾਯਨ੍ਤੀਤਿ ਆਰਮ੍ਮਣੂਪਨਿਜ੍ਝਾਨਨ੍ਤਿ ਸਙ੍ਖ੍ਯਂ ਗਤਾ। વਿਪਸ੍ਸਨਾਮਗ੍ਗਫਲਾਨਿ ਪਨ ਲਕ੍ਖਣੂਪਨਿਜ੍ਝਾਨਂ ਨਾਮ। ਤਤ੍ਥ વਿਪਸ੍ਸਨਾ ਅਨਿਚ੍ਚਾਦਿਲਕ੍ਖਣਸ੍ਸ ਉਪਨਿਜ੍ਝਾਨਤੋ ਲਕ੍ਖਣੂਪਨਿਜ੍ਝਾਨਂ। વਿਪਸ੍ਸਨਾਯ ਕਤਕਿਚ੍ਚਸ੍ਸ ਮਗ੍ਗੇਨ ਇਜ੍ਝਨਤੋ ਮਗ੍ਗੋ ਲਕ੍ਖਣੂਪਨਿਜ੍ਝਾਨਂ, ਫਲਂ ਪਨ ਨਿਰੋਧਸਚ੍ਚਂ ਤਥਲਕ੍ਖਣਂ ਉਪਨਿਜ੍ਝਾਯਤੀਤਿ ਲਕ੍ਖਣੂਪਨਿਜ੍ਝਾਨਂ। ਤੇਸੁ ਇਧ ਪੁਬ੍ਬਭਾਗੇ ਆਰਮ੍ਮਣੂਪਨਿਜ੍ਝਾਨਂ, ਲੋਕੁਤ੍ਤਰਮਗ੍ਗਕ੍ਖਣੇ ਲਕ੍ਖਣੂਪਨਿਜ੍ਝਾਨਂ ਅਧਿਪ੍ਪੇਤਂ। ਤਸ੍ਮਾ ਆਰਮ੍ਮਣੂਪਨਿਜ੍ਝਾਨਤੋ ਚ ਲਕ੍ਖਣੂਪਨਿਜ੍ਝਾਨਤੋ ਚ ਪਚ੍ਚਨੀਕਝਾਪਨਤੋ ਚ ਝਾਨਨ੍ਤਿ વੇਦਿਤਬ੍ਬਂ।

    Paṭhamanti gaṇanānupubbatā paṭhamaṃ, idaṃ paṭhamaṃ uppannantipi paṭhamaṃ. Jhānanti duvidhaṃ jhānaṃ ārammaṇūpanijjhānaṃ lakkhaṇūpanijjhānañcāti. Tattha aṭṭha samāpattiyo pathavīkasiṇādiārammaṇaṃ upanijjhāyantīti ārammaṇūpanijjhānanti saṅkhyaṃ gatā. Vipassanāmaggaphalāni pana lakkhaṇūpanijjhānaṃ nāma. Tattha vipassanā aniccādilakkhaṇassa upanijjhānato lakkhaṇūpanijjhānaṃ. Vipassanāya katakiccassa maggena ijjhanato maggo lakkhaṇūpanijjhānaṃ, phalaṃ pana nirodhasaccaṃ tathalakkhaṇaṃ upanijjhāyatīti lakkhaṇūpanijjhānaṃ. Tesu idha pubbabhāge ārammaṇūpanijjhānaṃ, lokuttaramaggakkhaṇe lakkhaṇūpanijjhānaṃ adhippetaṃ. Tasmā ārammaṇūpanijjhānato ca lakkhaṇūpanijjhānato ca paccanīkajhāpanato ca jhānanti veditabbaṃ.

    ਉਪਸਮ੍ਪਜ੍ਜਾਤਿ ਉਪਗਨ੍ਤ੍વਾ, ਪਾਪੁਣਿਤ੍વਾਤਿ વੁਤ੍ਤਂ ਹੋਤਿ। ਉਪਸਮ੍ਪਾਦਯਿਤ੍વਾ વਾ, ਨਿਪ੍ਫਾਦੇਤ੍વਾਤਿ વੁਤ੍ਤਂ ਹੋਤਿ। વਿਹਰਤੀਤਿ ਤਦਨੁਰੂਪੇਨ ਇਰਿਯਾਪਥવਿਹਾਰੇਨ ਇਰਿਯਤਿ, વੁਤ੍ਤਪ੍ਪਕਾਰਝਾਨਸਮਙ੍ਗੀ ਹੁਤ੍વਾ ਅਤ੍ਤਭਾવਸ੍ਸ ਇਰਿਯਨਂ વੁਤ੍ਤਿਂ ਅਭਿਨਿਪ੍ਫਾਦੇਤਿ।

    Upasampajjāti upagantvā, pāpuṇitvāti vuttaṃ hoti. Upasampādayitvā vā, nipphādetvāti vuttaṃ hoti. Viharatīti tadanurūpena iriyāpathavihārena iriyati, vuttappakārajhānasamaṅgī hutvā attabhāvassa iriyanaṃ vuttiṃ abhinipphādeti.

    ਤਂ ਪਨੇਤਂ ਪਠਮਜ੍ਝਾਨਂ ਪਞ੍ਚਙ੍ਗવਿਪ੍ਪਹੀਨਂ ਪਞ੍ਚਙ੍ਗਸਮਨ੍ਨਾਗਤਂ ਤਿવਿਧਕਲ੍ਯਾਣਂ, ਦਸਲਕ੍ਖਣਸਮ੍ਪਨ੍ਨਂ। ਤਤ੍ਥ ਕਾਮਚ੍ਛਨ੍ਦੋ ਬ੍ਯਾਪਾਦੋ ਥਿਨਮਿਦ੍ਧਂ ਉਦ੍ਧਚ੍ਚਕੁਕ੍ਕੁਚ੍ਚਂ વਿਚਿਕਿਚ੍ਛਾਤਿ ਇਮੇਸਂ ਪਞ੍ਚਨ੍ਨਂ ਨੀવਰਣਾਨਂ ਪਹਾਨવਸੇਨ ਪਞ੍ਚਙ੍ਗવਿਪ੍ਪਹੀਨਤਾ વੇਦਿਤਬ੍ਬਾ। ਨ ਹਿ ਏਤੇਸੁ ਅਪ੍ਪਹੀਨੇਸੁ ਝਾਨਂ ਉਪ੍ਪਜ੍ਜਤਿ। ਤੇਨਸ੍ਸੇਤਾਨਿ ਪਹਾਨਙ੍ਗਾਨੀਤਿ વੁਚ੍ਚਨ੍ਤਿ। ਕਿਞ੍ਚਾਪਿ ਹਿ ਝਾਨਕ੍ਖਣੇ ਅਞ੍ਞੇਪਿ ਅਕੁਸਲਾ ਧਮ੍ਮਾ ਪਹੀਯਨ੍ਤਿ, ਤਥਾਪਿ ਏਤਾਨੇવ વਿਸੇਸੇਨ ਝਾਨਨ੍ਤਰਾਯਕਰਾਨਿ। ਕਾਮਚ੍ਛਨ੍ਦੇਨ ਹਿ ਨਾਨਾવਿਸਯਪ੍ਪਲੋਭਿਤਂ ਚਿਤ੍ਤਂ ਨ ਏਕਤ੍ਤਾਰਮ੍ਮਣੇ ਸਮਾਧਿਯਤਿ, ਕਾਮਚ੍ਛਨ੍ਦਾਭਿਭੂਤਂ વਾ, ਤਂ ਨ ਕਾਮਧਾਤੁਪ੍ਪਹਾਨਾਯ ਪਟਿਪਦਂ ਪਟਿਪਜ੍ਜਤਿ। ਬ੍ਯਾਪਾਦੇਨ વਾ ਆਰਮ੍ਮਣੇ ਪਟਿਹਞ੍ਞਮਾਨਂ ਨ ਨਿਰਨ੍ਤਰਂ ਪવਤ੍ਤਤਿ। ਥਿਨਮਿਦ੍ਧਾਭਿਭੂਤਂ ਅਕਮ੍ਮਞ੍ਞਂ ਹੋਤਿ। ਉਦ੍ਧਚ੍ਚਕੁਕ੍ਕੁਚ੍ਚਪਰੇਤਂ ਅવੂਪਸਨ੍ਤਮੇવ ਹੁਤ੍વਾ ਪਰਿਬ੍ਭਮਤਿ। વਿਚਿਕਿਚ੍ਛਾਯ ਉਪਹਤਂ ਝਾਨਾਧਿਗਮਸਾਧਿਕਂ ਪਟਿਪਦਂ ਨਾਰੋਹਤਿ। ਇਤਿ વਿਸੇਸੇਨ ਝਾਨਨ੍ਤਰਾਯਕਰਤ੍ਤਾ ਏਤਾਨੇવ ਪਹਾਨਙ੍ਗਾਨੀਤਿ વੁਤ੍ਤਾਨਿ।

    Taṃ panetaṃ paṭhamajjhānaṃ pañcaṅgavippahīnaṃ pañcaṅgasamannāgataṃ tividhakalyāṇaṃ, dasalakkhaṇasampannaṃ. Tattha kāmacchando byāpādo thinamiddhaṃ uddhaccakukkuccaṃ vicikicchāti imesaṃ pañcannaṃ nīvaraṇānaṃ pahānavasena pañcaṅgavippahīnatā veditabbā. Na hi etesu appahīnesu jhānaṃ uppajjati. Tenassetāni pahānaṅgānīti vuccanti. Kiñcāpi hi jhānakkhaṇe aññepi akusalā dhammā pahīyanti, tathāpi etāneva visesena jhānantarāyakarāni. Kāmacchandena hi nānāvisayappalobhitaṃ cittaṃ na ekattārammaṇe samādhiyati, kāmacchandābhibhūtaṃ vā, taṃ na kāmadhātuppahānāya paṭipadaṃ paṭipajjati. Byāpādena vā ārammaṇe paṭihaññamānaṃ na nirantaraṃ pavattati. Thinamiddhābhibhūtaṃ akammaññaṃ hoti. Uddhaccakukkuccaparetaṃ avūpasantameva hutvā paribbhamati. Vicikicchāya upahataṃ jhānādhigamasādhikaṃ paṭipadaṃ nārohati. Iti visesena jhānantarāyakarattā etāneva pahānaṅgānīti vuttāni.

    ਯਸ੍ਮਾ ਪਨ વਿਤਕ੍ਕੋ ਆਰਮ੍ਮਣੇ ਚਿਤ੍ਤਂ ਅਭਿਨਿਰੋਪੇਤਿ, વਿਚਾਰੋ ਅਨੁਪਬਨ੍ਧਤਿ, ਤੇਹਿ ਅવਿਕ੍ਖੇਪਾਯ ਸਮ੍ਪਾਦਿਤਪਯੋਗਸ੍ਸ ਚੇਤਸੋ ਪਯੋਗਸਮ੍ਪਤ੍ਤਿਸਮ੍ਭવਾ ਪੀਤਿ ਪੀਣਨਂ ਸੁਖਞ੍ਚ ਉਪਬ੍ਰੂਹਨਂ ਕਰੋਤਿ। ਅਥਸ੍ਸ ਸੇਸਸਮ੍ਪਯੁਤ੍ਤਧਮ੍ਮਾ ਏਤੇਹਿ ਅਭਿਨਿਰੋਪਨਾਨੁਬਨ੍ਧਨਪੀਣਨੁਪਬ੍ਰੂਹਨੇਹਿ ਅਨੁਗ੍ਗਹਿਤਾ ਏਕਗ੍ਗਤਾ ਏਕਤ੍ਤਾਰਮ੍ਮਣੇ ਸਮਂ ਸਮ੍ਮਾ ਚ ਆਧਿਯਤਿ। ਤਸ੍ਮਾ વਿਤਕ੍ਕੋ વਿਚਾਰੋ ਪੀਤਿ ਸੁਖਂ ਚਿਤ੍ਤੇਕਗ੍ਗਤਾਤਿ ਇਮੇਸਂ ਪਞ੍ਚਨ੍ਨਂ ਉਪ੍ਪਤ੍ਤਿવਸੇਨ ਪਞ੍ਚਙ੍ਗਸਮਨ੍ਨਾਗਤਤਾ વੇਦਿਤਬ੍ਬਾ। ਉਪ੍ਪਨ੍ਨੇਸੁ ਹਿ ਏਤੇਸੁ ਪਞ੍ਚਸੁ ਝਾਨਂ ਉਪ੍ਪਨ੍ਨਂ ਨਾਮ ਹੋਤਿ। ਤੇਨਸ੍ਸ ਏਤਾਨਿ ਪਞ੍ਚਙ੍ਗਸਮਨ੍ਨਾਗਤਾਨੀਤਿ વੁਚ੍ਚਨ੍ਤਿ। ਤਸ੍ਮਾ ਨ ਏਤੇਹਿ ਸਮਨ੍ਨਾਗਤਂ ਅਞ੍ਞਦੇવ ਝਾਨਂ ਨਾਮ ਅਤ੍ਥੀਤਿ ਗਹੇਤਬ੍ਬਂ। ਯਥਾ ਪਨ ਅਙ੍ਗਮਤ੍ਤવਸੇਨੇવ ਚਤੁਰਙ੍ਗਿਨੀ ਸੇਨਾ, ਪਞ੍ਚਙ੍ਗਿਕਂ ਤੂਰਿਯਂ, ਅਟ੍ਠਙ੍ਗਿਕੋ ਚ ਮਗ੍ਗੋਤਿ વੁਚ੍ਚਤਿ, ਏવਮਿਦਮ੍ਪਿ ਅਙ੍ਗਮਤ੍ਤવਸੇਨੇવ ਪਞ੍ਚਙ੍ਗਿਕਨ੍ਤਿ વਾ ਪਞ੍ਚਙ੍ਗਸਮਨ੍ਨਾਗਤਨ੍ਤਿ વਾ વੁਚ੍ਚਤੀਤਿ વੇਦਿਤਬ੍ਬਂ।

    Yasmā pana vitakko ārammaṇe cittaṃ abhiniropeti, vicāro anupabandhati, tehi avikkhepāya sampāditapayogassa cetaso payogasampattisambhavā pīti pīṇanaṃ sukhañca upabrūhanaṃ karoti. Athassa sesasampayuttadhammā etehi abhiniropanānubandhanapīṇanupabrūhanehi anuggahitā ekaggatā ekattārammaṇe samaṃ sammā ca ādhiyati. Tasmā vitakko vicāro pīti sukhaṃ cittekaggatāti imesaṃ pañcannaṃ uppattivasena pañcaṅgasamannāgatatā veditabbā. Uppannesu hi etesu pañcasu jhānaṃ uppannaṃ nāma hoti. Tenassa etāni pañcaṅgasamannāgatānīti vuccanti. Tasmā na etehi samannāgataṃ aññadeva jhānaṃ nāma atthīti gahetabbaṃ. Yathā pana aṅgamattavaseneva caturaṅginī senā, pañcaṅgikaṃ tūriyaṃ, aṭṭhaṅgiko ca maggoti vuccati, evamidampi aṅgamattavaseneva pañcaṅgikanti vā pañcaṅgasamannāgatanti vā vuccatīti veditabbaṃ.

    ਏਤਾਨਿ ਚ ਪਞ੍ਚਙ੍ਗਾਨਿ ਕਿਞ੍ਚਾਪਿ ਉਪਚਾਰਕ੍ਖਣੇਪਿ ਅਤ੍ਥਿ, ਅਥ ਖੋ ਉਪਚਾਰੇ ਪਕਤਿਚਿਤ੍ਤਤੋ ਬਲવਤਰਾਨਿ। ਇਧ ਪਨ ਉਪਚਾਰਤੋਪਿ ਬਲવਤਰਾਨਿ ਰੂਪਾવਚਰਲਕ੍ਖਣਪ੍ਪਤ੍ਤਾਨਿ ਨਿਪ੍ਫਨ੍ਨਾਨਿ। ਏਤ੍ਥ ਹਿ વਿਤਕ੍ਕੋ ਸੁવਿਸਦੇਨ ਆਕਾਰੇਨ ਆਰਮ੍ਮਣੇ ਚਿਤ੍ਤਂ ਅਭਿਨਿਰੋਪਯਮਾਨੋ ਉਪ੍ਪਜ੍ਜਤਿ। વਿਚਾਰੋ ਅਤਿવਿਯ ਆਰਮ੍ਮਣਂ ਅਨੁਮਜ੍ਜਮਾਨੋ। ਪੀਤਿਸੁਖਂ ਸਬ੍ਬਾવਨ੍ਤਮ੍ਪਿ ਕਾਯਂ ਫਰਮਾਨਂ । ਤੇਨੇવਾਹ – ‘‘ਨਾਸ੍ਸ ਕਿਞ੍ਚਿ ਸਬ੍ਬਾવਤੋ ਕਾਯਸ੍ਸ વਿવੇਕਜੇਨ ਪੀਤਿਸੁਖੇਨ ਅਪ੍ਫੁਟਂ ਹੋਤੀ’’ਤਿ (ਦੀ॰ ਨਿ॰ ੧.੨੨੬)। ਚਿਤ੍ਤੇਕਗ੍ਗਤਾਪਿ ਹੇਟ੍ਠਿਮਮ੍ਹਿ ਸਮੁਗ੍ਗਪਟਲੇ ਉਪਰਿਮਂ ਸਮੁਗ੍ਗਪਟਲਂ વਿਯ ਆਰਮ੍ਮਣੇਸੁ ਫੁਸਿਤਾ ਹੁਤ੍વਾ ਉਪ੍ਪਜ੍ਜਤਿ, ਅਯਮੇਤੇਸਂ ਇਤਰੇਹਿ વਿਸੇਸੋ। ਤਤ੍ਥ ਚਿਤ੍ਤੇਕਗ੍ਗਤਾ ਕਿਞ੍ਚਾਪਿ ‘‘ਸવਿਤਕ੍ਕਂ ਸવਿਚਾਰ’’ਨ੍ਤਿ ਇਮਸ੍ਮਿਂ ਪਾਠੇ ਨ ਨਿਦ੍ਦਿਟ੍ਠਾ, ਤਥਾਪਿ વਿਭਙ੍ਗੇ (વਿਭ॰ ੫੬੫) ‘‘ਝਾਨਨ੍ਤਿ વਿਤਕ੍ਕੋ વਿਚਾਰੋ ਪੀਤਿ ਸੁਖਂ ਚਿਤ੍ਤੇਕਗ੍ਗਤਾ’’ਤਿ ਏવਂ વੁਤ੍ਤਤ੍ਤਾ ਅਙ੍ਗਮੇવ। ਯੇਨ ਹਿ ਅਧਿਪ੍ਪਾਯੇਨ ਭਗવਤਾ ਉਦ੍ਦੇਸੋ ਕਤੋ, ਸੋਯੇવ ਤੇਨ વਿਭਙ੍ਗੇ ਪਕਾਸਿਤੋਤਿ।

    Etāni ca pañcaṅgāni kiñcāpi upacārakkhaṇepi atthi, atha kho upacāre pakaticittato balavatarāni. Idha pana upacāratopi balavatarāni rūpāvacaralakkhaṇappattāni nipphannāni. Ettha hi vitakko suvisadena ākārena ārammaṇe cittaṃ abhiniropayamāno uppajjati. Vicāro ativiya ārammaṇaṃ anumajjamāno. Pītisukhaṃ sabbāvantampi kāyaṃ pharamānaṃ . Tenevāha – ‘‘nāssa kiñci sabbāvato kāyassa vivekajena pītisukhena apphuṭaṃ hotī’’ti (dī. ni. 1.226). Cittekaggatāpi heṭṭhimamhi samuggapaṭale uparimaṃ samuggapaṭalaṃ viya ārammaṇesu phusitā hutvā uppajjati, ayametesaṃ itarehi viseso. Tattha cittekaggatā kiñcāpi ‘‘savitakkaṃ savicāra’’nti imasmiṃ pāṭhe na niddiṭṭhā, tathāpi vibhaṅge (vibha. 565) ‘‘jhānanti vitakko vicāro pīti sukhaṃ cittekaggatā’’ti evaṃ vuttattā aṅgameva. Yena hi adhippāyena bhagavatā uddeso kato, soyeva tena vibhaṅge pakāsitoti.

    ਤਿવਿਧਕਲ੍ਯਾਣਂ

    Tividhakalyāṇaṃ

    ਤਿવਿਧਕਲ੍ਯਾਣਂ ਦਸਲਕ੍ਖਣਸਮ੍ਪਨ੍ਨਨ੍ਤਿ ਏਤ੍ਥ ਪਨ ਆਦਿਮਜ੍ਝਪਰਿਯੋਸਾਨવਸੇਨਤਿવਿਧਕਲ੍ਯਾਣਤਾ। ਤੇਸਂਯੇવ ਚ ਆਦਿਮਜ੍ਝਪਰਿਯੋਸਾਨਾਨਂ ਲਕ੍ਖਣવਸੇਨ ਦਸਲਕ੍ਖਣਸਮ੍ਪਨ੍ਨਤਾ વੇਦਿਤਬ੍ਬਾ। ਤਤ੍ਰਾਯਂ ਪਾਲ਼ਿ –

    Tividhakalyāṇaṃ dasalakkhaṇasampannanti ettha pana ādimajjhapariyosānavasenatividhakalyāṇatā. Tesaṃyeva ca ādimajjhapariyosānānaṃ lakkhaṇavasena dasalakkhaṇasampannatā veditabbā. Tatrāyaṃ pāḷi –

    ‘‘ਪਠਮਸ੍ਸ ਝਾਨਸ੍ਸ ਪਟਿਪਦਾવਿਸੁਦ੍ਧਿ ਆਦਿ, ਉਪੇਕ੍ਖਾਨੁਬ੍ਰੂਹਨਾ ਮਜ੍ਝੇ, ਸਮ੍ਪਹਂਸਨਾ ਪਰਿਯੋਸਾਨਂ, ਪਠਮਸ੍ਸ ਝਾਨਸ੍ਸ ਪਟਿਪਦਾવਿਸੁਦ੍ਧਿ ਆਦਿ। ਆਦਿਸ੍ਸ ਕਤਿ ਲਕ੍ਖਣਾਨਿ? ਆਦਿਸ੍ਸ ਤੀਣਿ ਲਕ੍ਖਣਾਨਿ – ਯੋ ਤਸ੍ਸ ਪਰਿਪਨ੍ਥੋ, ਤਤੋ ਚਿਤ੍ਤਂ વਿਸੁਜ੍ਝਤਿ, વਿਸੁਦ੍ਧਤ੍ਤਾ ਚਿਤ੍ਤਂ ਮਜ੍ਝਿਮਂ ਸਮਥਨਿਮਿਤ੍ਤਂ ਪਟਿਪਜ੍ਜਤਿ, ਪਟਿਪਨ੍ਨਤ੍ਤਾ ਤਤ੍ਥ ਚਿਤ੍ਤਂ ਪਕ੍ਖਨ੍ਦਤਿ। ਯਞ੍ਚ ਪਰਿਪਨ੍ਥਤੋ ਚਿਤ੍ਤਂ વਿਸੁਜ੍ਝਤਿ, ਯਞ੍ਚ વਿਸੁਦ੍ਧਤ੍ਤਾ ਚਿਤ੍ਤਂ ਮਜ੍ਝਿਮਂ ਸਮਥਨਿਮਿਤ੍ਤਂ ਪਟਿਪਜ੍ਜਤਿ, ਯਞ੍ਚ ਪਟਿਪਨ੍ਨਤ੍ਤਾ ਤਤ੍ਥ ਚਿਤ੍ਤਂ ਪਕ੍ਖਨ੍ਦਤਿ। ਪਠਮਸ੍ਸ ਝਾਨਸ੍ਸ ਪਟਿਪਦਾવਿਸੁਦ੍ਧਿ ਆਦਿ, ਆਦਿਸ੍ਸ ਇਮਾਨਿ ਤੀਣਿ ਲਕ੍ਖਣਾਨਿ। ਤੇਨ વੁਚ੍ਚਤਿ – ‘ਪਠਮਂ ਝਾਨਂ ਆਦਿਕਲ੍ਯਾਣਞ੍ਚੇવ ਹੋਤਿ ਤਿਲਕ੍ਖਣਸਮ੍ਪਨ੍ਨਞ੍ਚਾ’ਤਿ।

    ‘‘Paṭhamassa jhānassa paṭipadāvisuddhi ādi, upekkhānubrūhanā majjhe, sampahaṃsanā pariyosānaṃ, paṭhamassa jhānassa paṭipadāvisuddhi ādi. Ādissa kati lakkhaṇāni? Ādissa tīṇi lakkhaṇāni – yo tassa paripantho, tato cittaṃ visujjhati, visuddhattā cittaṃ majjhimaṃ samathanimittaṃ paṭipajjati, paṭipannattā tattha cittaṃ pakkhandati. Yañca paripanthato cittaṃ visujjhati, yañca visuddhattā cittaṃ majjhimaṃ samathanimittaṃ paṭipajjati, yañca paṭipannattā tattha cittaṃ pakkhandati. Paṭhamassa jhānassa paṭipadāvisuddhi ādi, ādissa imāni tīṇi lakkhaṇāni. Tena vuccati – ‘paṭhamaṃ jhānaṃ ādikalyāṇañceva hoti tilakkhaṇasampannañcā’ti.

    ‘‘ਪਠਮਸ੍ਸ ਝਾਨਸ੍ਸ ਉਪੇਕ੍ਖਾਨੁਬ੍ਰੂਹਨਾ ਮਜ੍ਝੇ। ਮਜ੍ਝਸ੍ਸ ਕਤਿ ਲਕ੍ਖਣਾਨਿ? ਮਜ੍ਝਸ੍ਸ ਤੀਣਿ ਲਕ੍ਖਣਾਨਿ – વਿਸੁਦ੍ਧਂ ਚਿਤ੍ਤਂ ਅਜ੍ਝੁਪੇਕ੍ਖਤਿ, ਸਮਥਪਟਿਪਨ੍ਨਂ ਅਜ੍ਝੁਪੇਕ੍ਖਤਿ, ਏਕਤ੍ਤੁਪਟ੍ਠਾਨਂ ਅਜ੍ਝੁਪੇਕ੍ਖਤਿ। ਯਞ੍ਚ વਿਸੁਦ੍ਧਂ ਚਿਤ੍ਤਂ ਅਜ੍ਝੁਪੇਕ੍ਖਤਿ, ਯਞ੍ਚ ਸਮਥਪਟਿਪਨ੍ਨਂ ਅਜ੍ਝੁਪੇਕ੍ਖਤਿ, ਯਞ੍ਚ ਏਕਤ੍ਤੁਪਟ੍ਠਾਨਂ ਅਜ੍ਝੁਪੇਕ੍ਖਤਿ। ਪਠਮਸ੍ਸ ਝਾਨਸ੍ਸ ਉਪੇਕ੍ਖਾਨੁਬ੍ਰੂਹਨਾ ਮਜ੍ਝੇ, ਮਜ੍ਝਸ੍ਸ ਇਮਾਨਿ ਤੀਣਿ ਲਕ੍ਖਣਾਨਿ। ਤੇਨ વੁਚ੍ਚਤਿ – ‘ਪਠਮਂ ਝਾਨਂ ਮਜ੍ਝੇਕਲ੍ਯਾਣਞ੍ਚੇવ ਹੋਤਿ ਤਿਲਕ੍ਖਣਸਮ੍ਪਨ੍ਨਞ੍ਚਾ’ਤਿ।

    ‘‘Paṭhamassa jhānassa upekkhānubrūhanā majjhe. Majjhassa kati lakkhaṇāni? Majjhassa tīṇi lakkhaṇāni – visuddhaṃ cittaṃ ajjhupekkhati, samathapaṭipannaṃ ajjhupekkhati, ekattupaṭṭhānaṃ ajjhupekkhati. Yañca visuddhaṃ cittaṃ ajjhupekkhati, yañca samathapaṭipannaṃ ajjhupekkhati, yañca ekattupaṭṭhānaṃ ajjhupekkhati. Paṭhamassa jhānassa upekkhānubrūhanā majjhe, majjhassa imāni tīṇi lakkhaṇāni. Tena vuccati – ‘paṭhamaṃ jhānaṃ majjhekalyāṇañceva hoti tilakkhaṇasampannañcā’ti.

    ‘‘ਪਠਮਸ੍ਸ ਝਾਨਸ੍ਸ ਸਮ੍ਪਹਂਸਨਾ ਪਰਿਯੋਸਾਨਂ। ਪਰਿਯੋਸਾਨਸ੍ਸ ਕਤਿ ਲਕ੍ਖਣਾਨਿ? ਪਰਿਯੋਸਾਨਸ੍ਸ ਚਤ੍ਤਾਰਿ ਲਕ੍ਖਣਾਨਿ – ਤਤ੍ਥ ਜਾਤਾਨਂ ਧਮ੍ਮਾਨਂ ਅਨਤਿવਤ੍ਤਨਟ੍ਠੇਨ ਸਮ੍ਪਹਂਸਨਾ, ਇਨ੍ਦ੍ਰਿਯਾਨਂ ਏਕਰਾਸਟ੍ਠੇਨ ਸਮ੍ਪਹਂਸਨਾ, ਤਦੁਪਗવੀਰਿਯવਾਹਨਟ੍ਠੇਨ ਸਮ੍ਪਹਂਸਨਾ, ਆਸੇવਨਟ੍ਠੇਨ ਸਮ੍ਪਹਂਸਨਾ। ਪਠਮਸ੍ਸ ਝਾਨਸ੍ਸ ਸਮ੍ਪਹਂਸਨਾ ਪਰਿਯੋਸਾਨਂ, ਪਰਿਯੋਸਾਨਸ੍ਸ ਇਮਾਨਿ ਚਤ੍ਤਾਰਿ ਲਕ੍ਖਣਾਨਿ। ਤੇਨ વੁਚ੍ਚਤਿ ‘ਪਠਮਂ ਝਾਨਂ ਪਰਿਯੋਸਾਨਕਲ੍ਯਾਣਞ੍ਚੇવ ਹੋਤਿ ਚਤੁਲਕ੍ਖਣਸਮ੍ਪਨ੍ਨਞ੍ਚਾ’’’ਤਿ (ਪਟਿ॰ ਮ॰ ੧.੧੫੮)।

    ‘‘Paṭhamassa jhānassa sampahaṃsanā pariyosānaṃ. Pariyosānassa kati lakkhaṇāni? Pariyosānassa cattāri lakkhaṇāni – tattha jātānaṃ dhammānaṃ anativattanaṭṭhena sampahaṃsanā, indriyānaṃ ekarāsaṭṭhena sampahaṃsanā, tadupagavīriyavāhanaṭṭhena sampahaṃsanā, āsevanaṭṭhena sampahaṃsanā. Paṭhamassa jhānassa sampahaṃsanā pariyosānaṃ, pariyosānassa imāni cattāri lakkhaṇāni. Tena vuccati ‘paṭhamaṃ jhānaṃ pariyosānakalyāṇañceva hoti catulakkhaṇasampannañcā’’’ti (paṭi. ma. 1.158).

    ‘‘ਤਤ੍ਰ ਪਟਿਪਦਾવਿਸੁਦ੍ਧਿ ਨਾਮ ਸਸਮ੍ਭਾਰਿਕੋ ਉਪਚਾਰੋ। ਉਪੇਕ੍ਖਾਨੁਬ੍ਰੂਹਨਾ ਨਾਮ ਅਪ੍ਪਨਾ। ਸਮ੍ਪਹਂਸਨਾ ਨਾਮ ਪਚ੍ਚવੇਕ੍ਖਣਾ’’ਤਿ ਏવਮੇਕੇ વਣ੍ਣਯਨ੍ਤਿ। ਯਸ੍ਮਾ ਪਨ ‘‘ਏਕਤ੍ਤਗਤਂ ਚਿਤ੍ਤਂ ਪਟਿਪਦਾવਿਸੁਦ੍ਧਿਪਕ੍ਖਨ੍ਦਞ੍ਚੇવ ਹੋਤਿ ਉਪੇਕ੍ਖਾਨੁਬ੍ਰੂਹਿਤਞ੍ਚ ਞਾਣੇਨ ਚ ਸਮ੍ਪਹਂਸਿਤ’’ਨ੍ਤਿ ਪਾਲ਼ਿਯਂ વੁਤ੍ਤਂ, ਤਸ੍ਮਾ ਅਨ੍ਤੋਅਪ੍ਪਨਾਯਮੇવ ਆਗਮਨવਸੇਨ ਪਟਿਪਦਾવਿਸੁਦ੍ਧਿ, ਤਤ੍ਰਮਜ੍ਝਤ੍ਤੁਪੇਕ੍ਖਾਯ ਕਿਚ੍ਚવਸੇਨ ਉਪੇਕ੍ਖਾਨੁਬ੍ਰੂਹਨਾ, ਧਮ੍ਮਾਨਂ ਅਨਤਿવਤ੍ਤਨਾਦਿਭਾવਸਾਧਨੇਨ ਪਰਿਯੋਦਾਪਕਸ੍ਸ ਞਾਣਸ੍ਸ ਕਿਚ੍ਚਨਿਪ੍ਫਤ੍ਤਿવਸੇਨ ਸਮ੍ਪਹਂਸਨਾ ਚ વੇਦਿਤਬ੍ਬਾ।

    ‘‘Tatra paṭipadāvisuddhi nāma sasambhāriko upacāro. Upekkhānubrūhanā nāma appanā. Sampahaṃsanā nāma paccavekkhaṇā’’ti evameke vaṇṇayanti. Yasmā pana ‘‘ekattagataṃ cittaṃ paṭipadāvisuddhipakkhandañceva hoti upekkhānubrūhitañca ñāṇena ca sampahaṃsita’’nti pāḷiyaṃ vuttaṃ, tasmā antoappanāyameva āgamanavasena paṭipadāvisuddhi, tatramajjhattupekkhāya kiccavasena upekkhānubrūhanā, dhammānaṃ anativattanādibhāvasādhanena pariyodāpakassa ñāṇassa kiccanipphattivasena sampahaṃsanā ca veditabbā.

    ਕਥਂ ? ਯਸ੍ਮਿਞ੍ਹਿ વਾਰੇ ਅਪ੍ਪਨਾ ਉਪ੍ਪਜ੍ਜਤਿ, ਤਸ੍ਮਿਂ ਯੋ ਨੀવਰਣਸਙ੍ਖਾਤੋ ਕਿਲੇਸਗਣੋ ਤਸ੍ਸ ਝਾਨਸ੍ਸ ਪਰਿਪਨ੍ਥੋ, ਤਤੋ ਚਿਤ੍ਤਂ વਿਸੁਜ੍ਝਤਿ। વਿਸੁਦ੍ਧਤ੍ਤਾ ਆવਰਣવਿਰਹਿਤਂ ਹੁਤ੍વਾ ਮਜ੍ਝਿਮਂ ਸਮਥਨਿਮਿਤ੍ਤਂ ਪਟਿਪਜ੍ਜਤਿ। ਮਜ੍ਝਿਮਸਮਥਨਿਮਿਤ੍ਤਂ ਨਾਮ ਸਮਪ੍ਪવਤ੍ਤੋ ਅਪ੍ਪਨਾਸਮਾਧਿਯੇવ। ਤਦਨਨ੍ਤਰਂ ਪਨ ਪੁਰਿਮਚਿਤ੍ਤਂ ਏਕਸਨ੍ਤਤਿਪਰਿਣਾਮਨਯੇਨ ਤਥਤ੍ਤਂ ਉਪਗਚ੍ਛਮਾਨਂ ਮਜ੍ਝਿਮਂ ਸਮਥਨਿਮਿਤ੍ਤਂ ਪਟਿਪਜ੍ਜਤਿ ਨਾਮ, ਏવਂ ਪਟਿਪਨ੍ਨਤ੍ਤਾ ਤਥਤ੍ਤੁਪਗਮਨੇਨ ਤਤ੍ਥ ਪਕ੍ਖਨ੍ਦਤਿ ਨਾਮ। ਏવਂ ਤਾવ ਪੁਰਿਮਚਿਤ੍ਤੇ વਿਜ੍ਜਮਾਨਾਕਾਰਨਿਪ੍ਫਾਦਿਕਾ ਪਠਮਸ੍ਸ ਝਾਨਸ੍ਸ ਉਪ੍ਪਾਦਕ੍ਖਣੇਯੇવ ਆਗਮਨવਸੇਨ ਪਟਿਪਦਾવਿਸੁਦ੍ਧਿ વੇਦਿਤਬ੍ਬਾ।

    Kathaṃ ? Yasmiñhi vāre appanā uppajjati, tasmiṃ yo nīvaraṇasaṅkhāto kilesagaṇo tassa jhānassa paripantho, tato cittaṃ visujjhati. Visuddhattā āvaraṇavirahitaṃ hutvā majjhimaṃ samathanimittaṃ paṭipajjati. Majjhimasamathanimittaṃ nāma samappavatto appanāsamādhiyeva. Tadanantaraṃ pana purimacittaṃ ekasantatipariṇāmanayena tathattaṃ upagacchamānaṃ majjhimaṃ samathanimittaṃ paṭipajjati nāma, evaṃ paṭipannattā tathattupagamanena tattha pakkhandati nāma. Evaṃ tāva purimacitte vijjamānākāranipphādikā paṭhamassa jhānassa uppādakkhaṇeyeva āgamanavasena paṭipadāvisuddhi veditabbā.

    ਏવਂ વਿਸੁਦ੍ਧਸ੍ਸ ਪਨ ਤਸ੍ਸ ਪੁਨ વਿਸੋਧੇਤਬ੍ਬਾਭਾવਤੋ વਿਸੋਧਨੇ ਬ੍ਯਾਪਾਰਂ ਅਕਰੋਨ੍ਤੋ વਿਸੁਦ੍ਧਂ ਚਿਤ੍ਤਂ ਅਜ੍ਝੁਪੇਕ੍ਖਤਿ ਨਾਮ। ਸਮਥਭਾવੂਪਗਮਨੇਨ ਸਮਥਪਟਿਪਨ੍ਨਸ੍ਸ ਪੁਨ ਸਮਾਧਾਨੇ ਬ੍ਯਾਪਾਰਂ ਅਕਰੋਨ੍ਤੋ ਸਮਥਪਟਿਪਨ੍ਨਂ ਅਜ੍ਝੁਪੇਕ੍ਖਤਿ ਨਾਮ। ਸਮਥਪਟਿਪਨ੍ਨਭਾવਤੋ ਏવ ਚਸ੍ਸ ਕਿਲੇਸਸਂਸਗ੍ਗਂ ਪਹਾਯ ਏਕਤ੍ਤੇਨ ਉਪਟ੍ਠਿਤਸ੍ਸ ਪੁਨ ਏਕਤ੍ਤੁਪਟ੍ਠਾਨੇ ਬ੍ਯਾਪਾਰਂ ਅਕਰੋਨ੍ਤੋ ਏਕਤ੍ਤੁਪਟ੍ਠਾਨਂ ਅਜ੍ਝੁਪੇਕ੍ਖਤਿ ਨਾਮ। ਏવਂ ਤਤ੍ਰਮਜ੍ਝਤ੍ਤੁਪੇਕ੍ਖਾਯ ਕਿਚ੍ਚવਸੇਨ ਉਪੇਕ੍ਖਾਨੁਬ੍ਰੂਹਨਾ વੇਦਿਤਬ੍ਬਾ।

    Evaṃ visuddhassa pana tassa puna visodhetabbābhāvato visodhane byāpāraṃ akaronto visuddhaṃ cittaṃ ajjhupekkhati nāma. Samathabhāvūpagamanena samathapaṭipannassa puna samādhāne byāpāraṃ akaronto samathapaṭipannaṃ ajjhupekkhati nāma. Samathapaṭipannabhāvato eva cassa kilesasaṃsaggaṃ pahāya ekattena upaṭṭhitassa puna ekattupaṭṭhāne byāpāraṃ akaronto ekattupaṭṭhānaṃ ajjhupekkhati nāma. Evaṃ tatramajjhattupekkhāya kiccavasena upekkhānubrūhanā veditabbā.

    ਯੇ ਪਨੇਤੇ ਏવਂ ਉਪੇਕ੍ਖਾਨੁਬ੍ਰੂਹਿਤੇ ਤਤ੍ਥ ਜਾਤਾ ਸਮਾਧਿਪਞ੍ਞਾਸਙ੍ਖਾਤਾ ਯੁਗਨਦ੍ਧਧਮ੍ਮਾ ਅਞ੍ਞਮਞ੍ਞਂ ਅਨਤਿવਤ੍ਤਮਾਨਾ ਹੁਤ੍વਾ ਪવਤ੍ਤਾ, ਯਾਨਿ ਚ ਸਦ੍ਧਾਦੀਨਿ ਇਨ੍ਦ੍ਰਿਯਾਨਿ ਨਾਨਾਕਿਲੇਸੇਹਿ વਿਮੁਤ੍ਤਤ੍ਤਾ વਿਮੁਤ੍ਤਿਰਸੇਨ ਏਕਰਸਾਨਿ ਹੁਤ੍વਾ ਪવਤ੍ਤਾਨਿ, ਯਞ੍ਚੇਸ ਤਦੁਪਗਂ ਤੇਸਂ ਅਨਤਿવਤ੍ਤਨਏਕਰਸਭਾવਾਨਂ ਅਨੁਚ੍ਛવਿਕਂ વੀਰਿਯਂ વਾਹਯਤਿ, ਯਾ ਚਸ੍ਸ ਤਸ੍ਮਿਂ ਖਣੇ ਪવਤ੍ਤਾ ਆਸੇવਨਾ, ਸਬ੍ਬੇਪਿ ਤੇ ਆਕਾਰਾ ਯਸ੍ਮਾ ਞਾਣੇਨ ਸਂਕਿਲੇਸવੋਦਾਨੇਸੁ ਤਂ ਤਂ ਆਦੀਨવਞ੍ਚ ਆਨਿਸਂਸਞ੍ਚ ਦਿਸ੍વਾ ਤਥਾ ਤਥਾ ਸਮ੍ਪਹਂਸਿਤਤ੍ਤਾ વਿਸੋਧਿਤਤ੍ਤਾ ਪਰਿਯੋਦਾਪਿਤਤ੍ਤਾ ਨਿਪ੍ਫਨ੍ਨਾવ, ਤਸ੍ਮਾ ‘‘ਧਮ੍ਮਾਨਂ ਅਨਤਿવਤ੍ਤਨਾਦਿਭਾવਸਾਧਨੇਨ ਪਰਿਯੋਦਾਪਕਸ੍ਸ ਞਾਣਸ੍ਸ ਕਿਚ੍ਚਨਿਪ੍ਫਤ੍ਤਿવਸੇਨ ਸਮ੍ਪਹਂਸਨਾ વੇਦਿਤਬ੍ਬਾ’’ਤਿ વੁਤ੍ਤਂ।

    Ye panete evaṃ upekkhānubrūhite tattha jātā samādhipaññāsaṅkhātā yuganaddhadhammā aññamaññaṃ anativattamānā hutvā pavattā, yāni ca saddhādīni indriyāni nānākilesehi vimuttattā vimuttirasena ekarasāni hutvā pavattāni, yañcesa tadupagaṃ tesaṃ anativattanaekarasabhāvānaṃ anucchavikaṃ vīriyaṃ vāhayati, yā cassa tasmiṃ khaṇe pavattā āsevanā, sabbepi te ākārā yasmā ñāṇena saṃkilesavodānesu taṃ taṃ ādīnavañca ānisaṃsañca disvā tathā tathā sampahaṃsitattā visodhitattā pariyodāpitattā nipphannāva, tasmā ‘‘dhammānaṃ anativattanādibhāvasādhanena pariyodāpakassa ñāṇassa kiccanipphattivasena sampahaṃsanā veditabbā’’ti vuttaṃ.

    વਿਤਕ੍ਕવਿਚਾਰਾਨਂ વੂਪਸਮਾਤਿ વਿਤਕ੍ਕਸ੍ਸ ਚ વਿਚਾਰਸ੍ਸ ਚਾਤਿ ਇਮੇਸਂ ਦ੍વਿਨ੍ਨਂ વੂਪਸਮਾ ਸਮਤਿਕ੍ਕਮਾ, ਦੁਤਿਯਜ੍ਝਾਨਕ੍ਖਣੇ ਅਪਾਤੁਭਾવਾਤਿ વੁਤ੍ਤਂ ਹੋਤਿ। ਤਤ੍ਥ ਕਿਞ੍ਚਾਪਿ ਦੁਤਿਯਜ੍ਝਾਨੇ ਸਬ੍ਬੇਪਿ ਪਠਮਜ੍ਝਾਨਧਮ੍ਮਾ ਨ ਸਨ੍ਤਿ, ਅਞ੍ਞੇਯੇવ ਹਿ ਪਠਮਜ੍ਝਾਨੇ ਫਸ੍ਸਾਦਯੋ, ਅਞ੍ਞੇ ਇਧ। ਓਲ਼ਾਰਿਕਸ੍ਸ ਪਨ ਓਲ਼ਾਰਿਕਸ੍ਸ ਅਙ੍ਗਸ੍ਸ ਸਮਤਿਕ੍ਕਮਾ ਪਠਮਜ੍ਝਾਨਤੋ ਪਰੇਸਂ ਦੁਤਿਯਜ੍ਝਾਨਾਦੀਨਂ ਅਧਿਗਮੋ ਹੋਤੀਤਿ ਦਸ੍ਸਨਤ੍ਥਂ ‘‘વਿਤਕ੍ਕવਿਚਾਰਾਨਂ વੂਪਸਮਾ’’ਤਿ ਏવਂ વੁਤ੍ਤਨ੍ਤਿ વੇਦਿਤਬ੍ਬਂ। ਅਜ੍ਝਤ੍ਤਨ੍ਤਿ ਇਧ ਨਿਯਕਜ੍ਝਤ੍ਤਂ ਅਧਿਪ੍ਪੇਤਂ, વਿਭਙ੍ਗੇ ਪਨ ‘‘ਅਜ੍ਝਤ੍ਤਂ ਪਚ੍ਚਤ੍ਤ’’ਨ੍ਤਿ (વਿਭ॰ ੫੭੩) ਏਤ੍ਤਕਮੇવ વੁਤ੍ਤਂ। ਯਸ੍ਮਾ ਨਿਯਕਜ੍ਝਤ੍ਤਂ ਅਧਿਪ੍ਪੇਤਂ, ਤਸ੍ਮਾ ਅਤ੍ਤਨਿ ਜਾਤਂ, ਅਤ੍ਤਨੋ ਸਨ੍ਤਾਨੇ ਨਿਬ੍ਬਤ੍ਤਨ੍ਤਿ ਅਯਮੇਤ੍ਥ ਅਤ੍ਥੋ।

    Vitakkavicārānaṃ vūpasamāti vitakkassa ca vicārassa cāti imesaṃ dvinnaṃ vūpasamā samatikkamā, dutiyajjhānakkhaṇe apātubhāvāti vuttaṃ hoti. Tattha kiñcāpi dutiyajjhāne sabbepi paṭhamajjhānadhammā na santi, aññeyeva hi paṭhamajjhāne phassādayo, aññe idha. Oḷārikassa pana oḷārikassa aṅgassa samatikkamā paṭhamajjhānato paresaṃ dutiyajjhānādīnaṃ adhigamo hotīti dassanatthaṃ ‘‘vitakkavicārānaṃ vūpasamā’’ti evaṃ vuttanti veditabbaṃ. Ajjhattanti idha niyakajjhattaṃ adhippetaṃ, vibhaṅge pana ‘‘ajjhattaṃ paccatta’’nti (vibha. 573) ettakameva vuttaṃ. Yasmā niyakajjhattaṃ adhippetaṃ, tasmā attani jātaṃ, attano santāne nibbattanti ayamettha attho.

    ਸਮ੍ਪਸਾਦਨਨ੍ਤਿ ਸਮ੍ਪਸਾਦਨਂ વੁਚ੍ਚਤਿ ਸਦ੍ਧਾ। ਸਮ੍ਪਸਾਦਨਯੋਗਤੋ ਝਾਨਮ੍ਪਿ ਸਮ੍ਪਸਾਦਨਂ, ਨੀਲવਣ੍ਣਯੋਗਤੋ ਨੀਲવਤ੍ਥਂ વਿਯ। ਯਸ੍ਮਾ વਾ ਤਂ ਝਾਨਂ ਸਮ੍ਪਸਾਦਨਸਮਨ੍ਨਾਗਤਤ੍ਤਾ વਿਤਕ੍ਕવਿਚਾਰਕ੍ਖੋਭવੂਪਸਮਨੇਨ ਚ ਚੇਤੋ ਸਮ੍ਪਸਾਦਯਤਿ, ਤਸ੍ਮਾਪਿ ‘‘ਸਮ੍ਪਸਾਦਨ’’ਨ੍ਤਿ વੁਤ੍ਤਂ। ਇਮਸ੍ਮਿਞ੍ਚ ਅਤ੍ਥવਿਕਪ੍ਪੇ ਸਮ੍ਪਸਾਦਨਂ ਚੇਤਸੋਤਿ ਏવਂ ਪਦਸਮ੍ਬਨ੍ਧੋ વੇਦਿਤਬ੍ਬੋ। ਪੁਰਿਮਸ੍ਮਿਂ ਪਨ ਅਤ੍ਥવਿਕਪ੍ਪੇ ਚੇਤਸੋਤਿ ਏਤਂ ਏਕੋਦਿਭਾવੇਨ ਸਦ੍ਧਿਂ ਯੋਜੇਤਬ੍ਬਂ।

    Sampasādananti sampasādanaṃ vuccati saddhā. Sampasādanayogato jhānampi sampasādanaṃ, nīlavaṇṇayogato nīlavatthaṃ viya. Yasmā vā taṃ jhānaṃ sampasādanasamannāgatattā vitakkavicārakkhobhavūpasamanena ca ceto sampasādayati, tasmāpi ‘‘sampasādana’’nti vuttaṃ. Imasmiñca atthavikappe sampasādanaṃ cetasoti evaṃ padasambandho veditabbo. Purimasmiṃ pana atthavikappe cetasoti etaṃ ekodibhāvena saddhiṃ yojetabbaṃ.

    ਤਤ੍ਰਾਯਂ ਅਤ੍ਥਯੋਜਨਾ – ਏਕੋ ਉਦੇਤੀਤਿ ਏਕੋਦਿ, વਿਤਕ੍ਕવਿਚਾਰੇਹਿ ਅਨਜ੍ਝਾਰੂਲ਼੍ਹਤ੍ਤਾ ਅਗ੍ਗੋ ਸੇਟ੍ਠੋ ਹੁਤ੍વਾ ਉਦੇਤੀਤਿ ਅਤ੍ਥੋ। ਸੇਟ੍ਠੋਪਿ ਹਿ ਲੋਕੇ ਏਕੋਤਿ વੁਚ੍ਚਤਿ। વਿਤਕ੍ਕવਿਚਾਰવਿਰਹਿਤੋ વਾ ਏਕੋ ਅਸਹਾਯੋ ਹੁਤ੍વਾਤਿਪਿ વਤ੍ਤੁਂ વਟ੍ਟਤਿ। ਅਥ વਾ ਸਮ੍ਪਯੁਤ੍ਤਧਮ੍ਮੇ ਉਦਾਯਤੀਤਿ ਉਦਿ, ਉਟ੍ਠਾਪੇਤੀਤਿ ਅਤ੍ਥੋ। ਸੇਟ੍ਠਟ੍ਠੇਨ ਏਕੋ ਚ ਸੋ ਉਦਿ ਚਾਤਿ ਏਕੋਦਿ, ਸਮਾਧਿਸ੍ਸੇਤਂ ਅਧਿવਚਨਂ। ਇਤਿ ਇਮਂ ਏਕੋਦਿਂ ਭਾવੇਤਿ વਡ੍ਢੇਤੀਤਿ ਇਦਂ ਦੁਤਿਯਜ੍ਝਾਨਂ ਏਕੋਦਿਭਾવਂ। ਸੋ ਪਨਾਯਂ ਏਕੋਦਿ ਯਸ੍ਮਾ ਚੇਤਸੋ, ਨ ਸਤ੍ਤਸ੍ਸ, ਨ ਜੀવਸ੍ਸ। ਤਸ੍ਮਾ ਏਤਂ ‘‘ਚੇਤਸੋ ਏਕੋਦਿਭਾવ’’ਨ੍ਤਿ વੁਤ੍ਤਂ।

    Tatrāyaṃ atthayojanā – eko udetīti ekodi, vitakkavicārehi anajjhārūḷhattā aggo seṭṭho hutvā udetīti attho. Seṭṭhopi hi loke ekoti vuccati. Vitakkavicāravirahito vā eko asahāyo hutvātipi vattuṃ vaṭṭati. Atha vā sampayuttadhamme udāyatīti udi, uṭṭhāpetīti attho. Seṭṭhaṭṭhena eko ca so udi cāti ekodi, samādhissetaṃ adhivacanaṃ. Iti imaṃ ekodiṃ bhāveti vaḍḍhetīti idaṃ dutiyajjhānaṃ ekodibhāvaṃ. So panāyaṃ ekodi yasmā cetaso, na sattassa, na jīvassa. Tasmā etaṃ ‘‘cetaso ekodibhāva’’nti vuttaṃ.

    ਨਨੁ ਚਾਯਂ ਸਦ੍ਧਾ ਪਠਮਜ੍ਝਾਨੇਪਿ ਅਤ੍ਥਿ, ਅਯਞ੍ਚ ਏਕੋਦਿਨਾਮਕੋ ਸਮਾਧਿ, ਅਥ ਕਸ੍ਮਾ ਇਦਮੇવ ‘‘ਸਮ੍ਪਸਾਦਨਂ ਚੇਤਸੋ ਏਕੋਦਿਭਾવ’’ਨ੍ਤਿ વੁਤ੍ਤਨ੍ਤਿ? વੁਚ੍ਚਤੇ – ਅਦੁਞ੍ਹਿ ਪਠਮਜ੍ਝਾਨਂ વਿਤਕ੍ਕવਿਚਾਰਕ੍ਖੋਭੇਨ વੀਚਿਤਰਙ੍ਗਸਮਾਕੁਲਮਿવ ਜਲਂ ਨ ਸੁਪ੍ਪਸਨ੍ਨਂ ਹੋਤਿ, ਤਸ੍ਮਾ ਸਤਿਯਾਪਿ ਸਦ੍ਧਾਯ ਸਮ੍ਪਸਾਦਨਨ੍ਤਿ ਨ વੁਤ੍ਤਂ। ਨ ਸੁਪ੍ਪਸਨ੍ਨਤ੍ਤਾਯੇવ ਚੇਤ੍ਥ ਸਮਾਧਿਪਿ ਨ ਸੁਟ੍ਠੁ ਪਾਕਟੋ, ਤਸ੍ਮਾ ਏਕੋਦਿਭਾવਨ੍ਤਿਪਿ ਨ વੁਤ੍ਤਂ। ਇਮਸ੍ਮਿਂ ਪਨ ਝਾਨੇ વਿਤਕ੍ਕવਿਚਾਰਪਲਿਬੋਧਾਭਾવੇਨ ਲਦ੍ਧੋਕਾਸਾ ਬਲવਤੀ ਸਦ੍ਧਾ, ਬਲવਸਦ੍ਧਾਸਹਾਯਪਟਿਲਾਭੇਨੇવ ਚ ਸਮਾਧਿਪਿ ਪਾਕਟੋ। ਤਸ੍ਮਾ ਇਦਮੇવ ਏવਂ વੁਤ੍ਤਨ੍ਤਿ વੇਦਿਤਬ੍ਬਂ।

    Nanu cāyaṃ saddhā paṭhamajjhānepi atthi, ayañca ekodināmako samādhi, atha kasmā idameva ‘‘sampasādanaṃ cetaso ekodibhāva’’nti vuttanti? Vuccate – aduñhi paṭhamajjhānaṃ vitakkavicārakkhobhena vīcitaraṅgasamākulamiva jalaṃ na suppasannaṃ hoti, tasmā satiyāpi saddhāya sampasādananti na vuttaṃ. Na suppasannattāyeva cettha samādhipi na suṭṭhu pākaṭo, tasmā ekodibhāvantipi na vuttaṃ. Imasmiṃ pana jhāne vitakkavicārapalibodhābhāvena laddhokāsā balavatī saddhā, balavasaddhāsahāyapaṭilābheneva ca samādhipi pākaṭo. Tasmā idameva evaṃ vuttanti veditabbaṃ.

    ਅવਿਤਕ੍ਕਂ ਅવਿਚਾਰਨ੍ਤਿ ਭਾવਨਾਯ ਪਹੀਨਤ੍ਤਾ ਏਤਸ੍ਮਿਂ, ਏਤਸ੍ਸ વਾ વਿਤਕ੍ਕੋ ਨਤ੍ਥੀਤਿ ਅવਿਤਕ੍ਕਂ। ਇਮਿਨਾવ ਨਯੇਨ ਅવਿਚਾਰਂ। ਏਤ੍ਥਾਹ ‘‘ਨਨੁ ਚ ‘વਿਤਕ੍ਕવਿਚਾਰਾਨਂ વੂਪਸਮਾ’ਤਿ ਇਮਿਨਾਪਿ ਅਯਮਤ੍ਥੋ ਸਿਦ੍ਧੋ। ਅਥ ਕਸ੍ਮਾ ਪੁਨ વੁਤ੍ਤਂ ‘ਅવਿਤਕ੍ਕਂ ਅવਿਚਾਰ’’’ਨ੍ਤਿ? વੁਚ੍ਚਤੇ – ਏવਮੇਤਂ, ਸਿਦ੍ਧੋવਾਯਮਤ੍ਥੋ। ਨ ਪਨੇਤਂ ਤਦਤ੍ਥਦੀਪਕਂ, ਨਨੁ ਅવੋਚੁਮ੍ਹ ‘‘ਓਲ਼ਾਰਿਕਸ੍ਸ ਪਨ ਓਲ਼ਾਰਿਕਸ੍ਸ ਅਙ੍ਗਸ੍ਸ ਸਮਤਿਕ੍ਕਮਾ ਪਠਮਜ੍ਝਾਨਤੋ ਪਰੇਸਂ ਦੁਤਿਯਜ੍ਝਾਨਾਦੀਨਂ ਸਮਧਿਗਮੋ ਹੋਤੀਤਿ ਦਸ੍ਸਨਤ੍ਥਂ ‘વਿਤਕ੍ਕવਿਚਾਰਾਨਂ વੂਪਸਮਾ’ਤਿ ਏવਂ વੁਤ੍ਤ’’ਨ੍ਤਿ।

    Avitakkaṃ avicāranti bhāvanāya pahīnattā etasmiṃ, etassa vā vitakko natthīti avitakkaṃ. Imināva nayena avicāraṃ. Etthāha ‘‘nanu ca ‘vitakkavicārānaṃ vūpasamā’ti imināpi ayamattho siddho. Atha kasmā puna vuttaṃ ‘avitakkaṃ avicāra’’’nti? Vuccate – evametaṃ, siddhovāyamattho. Na panetaṃ tadatthadīpakaṃ, nanu avocumha ‘‘oḷārikassa pana oḷārikassa aṅgassa samatikkamā paṭhamajjhānato paresaṃ dutiyajjhānādīnaṃ samadhigamo hotīti dassanatthaṃ ‘vitakkavicārānaṃ vūpasamā’ti evaṃ vutta’’nti.

    ਅਪਿ ਚ વਿਤਕ੍ਕવਿਚਾਰਾਨਂ વੂਪਸਮਾ ਇਦਂ ਸਮ੍ਪਸਾਦਨਂ, ਨ ਕਿਲੇਸਕਾਲੁਸ੍ਸਿਯਸ੍ਸ। વਿਤਕ੍ਕવਿਚਾਰਾਨਞ੍ਚ વੂਪਸਮਾ ਏਕੋਦਿਭਾવਂ, ਨ ਉਪਚਾਰਜ੍ਝਾਨਮਿવ ਨੀવਰਣਪ੍ਪਹਾਨਾ, ਨ ਪਠਮਜ੍ਝਾਨਮਿવ ਚ ਅਙ੍ਗਪਾਤੁਭਾવਾਤਿ ਏવਂ ਸਮ੍ਪਸਾਦਨਏਕੋਦਿਭਾવਾਨਂ ਹੇਤੁਪਰਿਦੀਪਕਮਿਦਂ વਚਨਂ। ਤਥਾ વਿਤਕ੍ਕવਿਚਾਰਾਨਂ વੂਪਸਮਾ ਇਦਂ ਅવਿਤਕ੍ਕਂ ਅવਿਚਾਰਂ, ਨ ਤਤਿਯਚਤੁਤ੍ਥਜ੍ਝਾਨਾਨਿ વਿਯ ਚਕ੍ਖੁવਿਞ੍ਞਾਣਾਦੀਨਿ વਿਯ ਚ ਅਭਾવਾਤਿ, ਏવਂ ਅવਿਤਕ੍ਕਅવਿਚਾਰਭਾવਸ੍ਸ ਹੇਤੁਪਰਿਦੀਪਕਞ੍ਚ, ਨ વਿਤਕ੍ਕવਿਚਾਰਾਭਾવਮਤ੍ਤਪਰਿਦੀਪਕਂ। વਿਤਕ੍ਕવਿਚਾਰਾਭਾવਮਤ੍ਤਪਰਿਦੀਪਕਮੇવ ਪਨ ‘‘ਅવਿਤਕ੍ਕਂ ਅવਿਚਾਰ’’ਨ੍ਤਿ ਇਦਂ વਚਨਂ। ਤਸ੍ਮਾ ਪੁਰਿਮਂ વਤ੍વਾਪਿ ਪੁਨ વਤ੍ਤਬ੍ਬਮੇવਾਤਿ।

    Api ca vitakkavicārānaṃ vūpasamā idaṃ sampasādanaṃ, na kilesakālussiyassa. Vitakkavicārānañca vūpasamā ekodibhāvaṃ, na upacārajjhānamiva nīvaraṇappahānā, na paṭhamajjhānamiva ca aṅgapātubhāvāti evaṃ sampasādanaekodibhāvānaṃ hetuparidīpakamidaṃ vacanaṃ. Tathā vitakkavicārānaṃ vūpasamā idaṃ avitakkaṃ avicāraṃ, na tatiyacatutthajjhānāni viya cakkhuviññāṇādīni viya ca abhāvāti, evaṃ avitakkaavicārabhāvassa hetuparidīpakañca, na vitakkavicārābhāvamattaparidīpakaṃ. Vitakkavicārābhāvamattaparidīpakameva pana ‘‘avitakkaṃ avicāra’’nti idaṃ vacanaṃ. Tasmā purimaṃ vatvāpi puna vattabbamevāti.

    ਸਮਾਧਿਜਨ੍ਤਿ ਪਠਮਜ੍ਝਾਨਸਮਾਧਿਤੋ ਸਮ੍ਪਯੁਤ੍ਤਸਮਾਧਿਤੋ વਾ ਜਾਤਨ੍ਤਿ ਅਤ੍ਥੋ। ਤਤ੍ਥ ਕਿਞ੍ਚਾਪਿ ਪਠਮਮ੍ਪਿ ਸਮ੍ਪਯੁਤ੍ਤਸਮਾਧਿਤੋ ਜਾਤਂ, ਅਥ ਖੋ ਅਯਮੇવ ਸਮਾਧਿ ‘‘ਸਮਾਧੀ’’ਤਿ વਤ੍ਤਬ੍ਬਤਂ ਅਰਹਤਿ, વਿਤਕ੍ਕવਿਚਾਰਕ੍ਖੋਭવਿਰਹੇਨ ਅਤਿવਿਯ ਅਚਲਤ੍ਤਾ ਸੁਪ੍ਪਸਨ੍ਨਤ੍ਤਾ ਚ। ਤਸ੍ਮਾ ਇਮਸ੍ਸ વਣ੍ਣਭਣਨਤ੍ਥਂ ਇਦਮੇવ ‘‘ਸਮਾਧਿਜ’’ਨ੍ਤਿ વੁਤ੍ਤਂ। ਪੀਤਿਸੁਖਨ੍ਤਿ ਇਦਂ વੁਤ੍ਤਨਯਮੇવ।

    Samādhijanti paṭhamajjhānasamādhito sampayuttasamādhito vā jātanti attho. Tattha kiñcāpi paṭhamampi sampayuttasamādhito jātaṃ, atha kho ayameva samādhi ‘‘samādhī’’ti vattabbataṃ arahati, vitakkavicārakkhobhavirahena ativiya acalattā suppasannattā ca. Tasmā imassa vaṇṇabhaṇanatthaṃ idameva ‘‘samādhija’’nti vuttaṃ. Pītisukhanti idaṃ vuttanayameva.

    ਦੁਤਿਯਨ੍ਤਿ ਗਣਨਾਨੁਪੁਬ੍ਬਤਾ ਦੁਤਿਯਂ। ਇਦਂ ਦੁਤਿਯਂ ਉਪ੍ਪਨ੍ਨਨ੍ਤਿਪਿ ਦੁਤਿਯਂ।

    Dutiyanti gaṇanānupubbatā dutiyaṃ. Idaṃ dutiyaṃ uppannantipi dutiyaṃ.

    ਪੀਤਿਯਾ ਚ વਿਰਾਗਾਤਿ વਿਰਾਗੋ ਨਾਮ વੁਤ੍ਤਪ੍ਪਕਾਰਾਯ ਪੀਤਿਯਾ ਜਿਗੁਚ੍ਛਨਂ વਾ ਸਮਤਿਕ੍ਕਮੋ વਾ । ਉਭਿਨ੍ਨਂ ਪਨ ਅਨ੍ਤਰਾ ਚ-ਸਦ੍ਦੋ ਸਮ੍ਪਿਣ੍ਡਨਤ੍ਥੋ, ਸੋ વੂਪਸਮਂ વਾ ਸਮ੍ਪਿਣ੍ਡੇਤਿ વਿਤਕ੍ਕવਿਚਾਰવੂਪਸਮਂ વਾ। ਤਤ੍ਥ ਯਦਾ વੂਪਸਮਮੇવ ਸਮ੍ਪਿਣ੍ਡੇਤਿ, ਤਦਾ ਪੀਤਿਯਾ વਿਰਾਗਾ ਚ, ਕਿਞ੍ਚ ਭਿਯ੍ਯੋ વੂਪਸਮਾ ਚਾਤਿ ਏવਂ ਯੋਜਨਾ વੇਦਿਤਬ੍ਬਾ। ਇਮਿਸ੍ਸਾ ਚ ਯੋਜਨਾਯ વਿਰਾਗੋ ਜਿਗੁਚ੍ਛਨਤ੍ਥੋ ਹੋਤਿ, ਤਸ੍ਮਾ ਪੀਤਿਯਾ ਜਿਗੁਚ੍ਛਨਾ ਚ ਸਮਤਿਕ੍ਕਮਾ ਚਾਤਿ ਅਯਮਤ੍ਥੋ ਦਟ੍ਠਬ੍ਬੋ। ਯਦਾ ਪਨ વਿਤਕ੍ਕવਿਚਾਰવੂਪਸਮਂ ਸਮ੍ਪਿਣ੍ਡੇਤਿ, ਤਦਾ ਪੀਤਿਯਾ ਚ વਿਰਾਗਾ, ਕਿਞ੍ਚ ਭਿਯ੍ਯੋ વਿਤਕ੍ਕવਿਚਾਰਾਨਞ੍ਚ વੂਪਸਮਾਤਿ ਏવਂ ਯੋਜਨਾ વੇਦਿਤਬ੍ਬਾ। ਇਮਿਸ੍ਸਾ ਚ ਯੋਜਨਾਯ વਿਰਾਗੋ ਸਮਤਿਕ੍ਕਮਨਤ੍ਥੋ ਹੋਤਿ, ਤਸ੍ਮਾ ਪੀਤਿਯਾ ਚ ਸਮਤਿਕ੍ਕਮਾ વਿਤਕ੍ਕવਿਚਾਰਾਨਞ੍ਚ વੂਪਸਮਾਤਿ ਅਯਮਤ੍ਥੋ ਦਟ੍ਠਬ੍ਬੋ।

    Pītiyā ca virāgāti virāgo nāma vuttappakārāya pītiyā jigucchanaṃ vā samatikkamo vā . Ubhinnaṃ pana antarā ca-saddo sampiṇḍanattho, so vūpasamaṃ vā sampiṇḍeti vitakkavicāravūpasamaṃ vā. Tattha yadā vūpasamameva sampiṇḍeti, tadā pītiyā virāgā ca, kiñca bhiyyo vūpasamā cāti evaṃ yojanā veditabbā. Imissā ca yojanāya virāgo jigucchanattho hoti, tasmā pītiyā jigucchanā ca samatikkamā cāti ayamattho daṭṭhabbo. Yadā pana vitakkavicāravūpasamaṃ sampiṇḍeti, tadā pītiyā ca virāgā, kiñca bhiyyo vitakkavicārānañca vūpasamāti evaṃ yojanā veditabbā. Imissā ca yojanāya virāgo samatikkamanattho hoti, tasmā pītiyā ca samatikkamā vitakkavicārānañca vūpasamāti ayamattho daṭṭhabbo.

    ਕਾਮਞ੍ਚੇਤੇ વਿਤਕ੍ਕવਿਚਾਰਾ ਦੁਤਿਯਜ੍ਝਾਨੇਯੇવ વੂਪਸਨ੍ਤਾ, ਇਮਸ੍ਸ ਪਨ ਝਾਨਸ੍ਸ ਮਗ੍ਗਪਰਿਦੀਪਨਤ੍ਥਂ વਣ੍ਣਭਣਨਤ੍ਥਞ੍ਚੇਤਂ વੁਤ੍ਤਂ। ‘‘વਿਤਕ੍ਕવਿਚਾਰਾਨਂ વੂਪਸਮਾ’’ਤਿ ਹਿ વੁਤ੍ਤੇ ਇਦਂ ਪਞ੍ਞਾਯਤਿ ‘‘ਨੂਨ વਿਤਕ੍ਕવਿਚਾਰવੂਪਸਮੋ ਮਗ੍ਗੋ ਇਮਸ੍ਸ ਝਾਨਸ੍ਸਾ’’ਤਿ। ਯਥਾ ਚ ਤਤਿਯੇ ਅਰਿਯਮਗ੍ਗੇ ਅਪ੍ਪਹੀਨਾਨਮ੍ਪਿ ਸਕ੍ਕਾਯਦਿਟ੍ਠਾਦੀਨਂ ‘‘ਪਞ੍ਚਨ੍ਨਂ ਓਰਮ੍ਭਾਗਿਯਾਨਂ ਸਂਯੋਜਨਾਨਂ ਪਹਾਨਾ’’ਤਿ (ਮ॰ ਨਿ॰ ੨.੧੩੨-੧੩੩) ਏવਂ ਪਹਾਨਂ વੁਚ੍ਚਮਾਨਂ વਣ੍ਣਭਣਨਂ ਹੋਤਿ, ਤਦਧਿਗਮਾਯ ਉਸ੍ਸੁਕ੍ਕਾਨਂ ਉਸ੍ਸਾਹਜਨਕਂ, ਏવਮੇવ ਇਧ ਅવੂਪਸਨ੍ਤਾਨਮ੍ਪਿ વਿਤਕ੍ਕવਿਚਾਰਾਨਂ વੂਪਸਮੋ વੁਚ੍ਚਮਾਨੋ વਣ੍ਣਭਣਨਂ ਹੋਤਿ, ਤੇਨਾਯਮਤ੍ਥੋ વੁਤ੍ਤੋ ‘‘ਪੀਤਿਯਾ ਚ ਸਮਤਿਕ੍ਕਮਾ વਿਤਕ੍ਕવਿਚਾਰਾਨਞ੍ਚ વੂਪਸਮਾ’’ਤਿ।

    Kāmañcete vitakkavicārā dutiyajjhāneyeva vūpasantā, imassa pana jhānassa maggaparidīpanatthaṃ vaṇṇabhaṇanatthañcetaṃ vuttaṃ. ‘‘Vitakkavicārānaṃ vūpasamā’’ti hi vutte idaṃ paññāyati ‘‘nūna vitakkavicāravūpasamo maggo imassa jhānassā’’ti. Yathā ca tatiye ariyamagge appahīnānampi sakkāyadiṭṭhādīnaṃ ‘‘pañcannaṃ orambhāgiyānaṃ saṃyojanānaṃ pahānā’’ti (ma. ni. 2.132-133) evaṃ pahānaṃ vuccamānaṃ vaṇṇabhaṇanaṃ hoti, tadadhigamāya ussukkānaṃ ussāhajanakaṃ, evameva idha avūpasantānampi vitakkavicārānaṃ vūpasamo vuccamāno vaṇṇabhaṇanaṃ hoti, tenāyamattho vutto ‘‘pītiyā ca samatikkamā vitakkavicārānañca vūpasamā’’ti.

    ਉਪੇਕ੍ਖਕੋ ਚ વਿਹਰਤੀਤਿ ਏਤ੍ਥ ਉਪਪਤ੍ਤਿਤੋ ਇਕ੍ਖਤੀਤਿ ਉਪੇਕ੍ਖਾ, ਸਮਂ ਪਸ੍ਸਤਿ, ਅਪਕ੍ਖਪਤਿਤਾ ਹੁਤ੍વਾ ਪਸ੍ਸਤੀਤਿ ਅਤ੍ਥੋ। ਤਾਯ વਿਸਦਾਯ વਿਪੁਲਾਯ ਥਾਮਗਤਾਯ ਸਮਨ੍ਨਾਗਤਤ੍ਤਾ ਤਤਿਯਜ੍ਝਾਨਸਮਙ੍ਗੀ ‘‘ਉਪੇਕ੍ਖਕੋ’’ਤਿ વੁਚ੍ਚਤਿ।

    Upekkhako ca viharatīti ettha upapattito ikkhatīti upekkhā, samaṃ passati, apakkhapatitā hutvā passatīti attho. Tāya visadāya vipulāya thāmagatāya samannāgatattā tatiyajjhānasamaṅgī ‘‘upekkhako’’ti vuccati.

    ਉਪੇਕ੍ਖਾ ਪਨ ਦਸવਿਧਾ ਹੋਤਿ – ਛਲ਼ਙ੍ਗੁਪੇਕ੍ਖਾ ਬ੍ਰਹ੍ਮવਿਹਾਰੁਪੇਕ੍ਖਾ ਬੋਜ੍ਝਙ੍ਗੁਪੇਕ੍ਖਾ વੀਰਿਯੁਪੇਕ੍ਖਾ ਸਙ੍ਖਾਰੁਪੇਕ੍ਖਾ વੇਦਨੁਪੇਕ੍ਖਾ વਿਪਸ੍ਸਨੁਪੇਕ੍ਖਾ ਤਤ੍ਰਮਜ੍ਝਤ੍ਤੁਪੇਕ੍ਖਾ ਝਾਨੁਪੇਕ੍ਖਾ ਪਾਰਿਸੁਦ੍ਧੁਪੇਕ੍ਖਾਤਿ।

    Upekkhā pana dasavidhā hoti – chaḷaṅgupekkhā brahmavihārupekkhā bojjhaṅgupekkhā vīriyupekkhā saṅkhārupekkhā vedanupekkhā vipassanupekkhā tatramajjhattupekkhā jhānupekkhā pārisuddhupekkhāti.

    ਤਤ੍ਥ ਯਾ ‘‘ਇਧ, ਭਿਕ੍ਖવੇ, ਭਿਕ੍ਖੁ ਚਕ੍ਖੁਨਾ ਰੂਪਂ ਦਿਸ੍વਾ ਨੇવ ਸੁਮਨੋ ਹੋਤਿ ਨ ਦੁਮ੍ਮਨੋ, ਉਪੇਕ੍ਖਕੋ ਚ વਿਹਰਤਿ ਸਤੋ ਸਮ੍ਪਜਾਨੋ’’ਤਿ (ਮ॰ ਨਿ॰ ੬.੧) ਏવਮਾਗਤਾ ਖੀਣਾਸવਸ੍ਸ ਛਸੁ ਦ੍વਾਰੇਸੁ ਇਟ੍ਠਾਨਿਟ੍ਠਛਲ਼ਾਰਮ੍ਮਣਾਪਾਥੇ ਪਰਿਸੁਦ੍ਧਪਕਤਿਭਾવਾવਿਜਹਨਾਕਾਰਭੂਤਾ ਉਪੇਕ੍ਖਾ, ਅਯਂ ਛਲ਼ਙ੍ਗੁਪੇਕ੍ਖਾ ਨਾਮ।

    Tattha yā ‘‘idha, bhikkhave, bhikkhu cakkhunā rūpaṃ disvā neva sumano hoti na dummano, upekkhako ca viharati sato sampajāno’’ti (ma. ni. 6.1) evamāgatā khīṇāsavassa chasu dvāresu iṭṭhāniṭṭhachaḷārammaṇāpāthe parisuddhapakatibhāvāvijahanākārabhūtā upekkhā, ayaṃ chaḷaṅgupekkhā nāma.

    ਯਾ ਪਨ ‘‘ਉਪੇਕ੍ਖਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍વਾ વਿਹਰਤੀ’’ਤਿ (ਦੀ॰ ਨਿ॰ ੧.੫੫੬; ਮ॰ ਨਿ॰ ੧.੭੭) ਏવਮਾਗਤਾ ਸਤ੍ਤੇਸੁ ਮਜ੍ਝਤ੍ਤਾਕਾਰਭੂਤਾ ਉਪੇਕ੍ਖਾ, ਅਯਂ ਬ੍ਰਹ੍ਮવਿਹਾਰੁਪੇਕ੍ਖਾ ਨਾਮ।

    Yā pana ‘‘upekkhāsahagatena cetasā ekaṃ disaṃ pharitvā viharatī’’ti (dī. ni. 1.556; ma. ni. 1.77) evamāgatā sattesu majjhattākārabhūtā upekkhā, ayaṃ brahmavihārupekkhā nāma.

    ਯਾ ਪਨ ‘‘ਉਪੇਕ੍ਖਾਸਮ੍ਬੋਜ੍ਝਙ੍ਗਂ ਭਾવੇਤਿ વਿવੇਕਨਿਸ੍ਸਿਤ’’ਨ੍ਤਿ (ਮ॰ ਨਿ॰ ੨.੨੪੭) ਏવਮਾਗਤਾ ਸਹਜਾਤਾਨਂ ਧਮ੍ਮਾਨਂ ਮਜ੍ਝਤ੍ਤਾਕਾਰਭੂਤਾ ਉਪੇਕ੍ਖਾ, ਅਯਂ ਬੋਜ੍ਝਙ੍ਗੁਪੇਕ੍ਖਾ ਨਾਮ।

    Yā pana ‘‘upekkhāsambojjhaṅgaṃ bhāveti vivekanissita’’nti (ma. ni. 2.247) evamāgatā sahajātānaṃ dhammānaṃ majjhattākārabhūtā upekkhā, ayaṃ bojjhaṅgupekkhā nāma.

    ਯਾ ਪਨ ‘‘ਕਾਲੇਨ ਕਾਲਂ ਉਪੇਕ੍ਖਾਨਿਮਿਤ੍ਤਂ ਮਨਸਿ ਕਰੋਤੀ’’ਤਿ (ਅ॰ ਨਿ॰ ੩.੧੦੩) ਏવਮਾਗਤਾ ਅਨਚ੍ਚਾਰਦ੍ਧਨਾਤਿਸਿਥਿਲવੀਰਿਯਸਙ੍ਖਾਤਾ ਉਪੇਕ੍ਖਾ, ਅਯਂ વੀਰਿਯੁਪੇਕ੍ਖਾ ਨਾਮ।

    Yā pana ‘‘kālena kālaṃ upekkhānimittaṃ manasi karotī’’ti (a. ni. 3.103) evamāgatā anaccāraddhanātisithilavīriyasaṅkhātā upekkhā, ayaṃ vīriyupekkhā nāma.

    ਯਾ ਪਨ ‘‘ਕਤਿ ਸਙ੍ਖਾਰੁਪੇਕ੍ਖਾ ਸਮਥવਸੇਨ ਉਪ੍ਪਜ੍ਜਨ੍ਤਿ, ਕਤਿ ਸਙ੍ਖਾਰੁਪੇਕ੍ਖਾ વਿਪਸ੍ਸਨਾવਸੇਨ ਉਪ੍ਪਜ੍ਜਨ੍ਤਿ? ਅਟ੍ਠ ਸਙ੍ਖਾਰੁਪੇਕ੍ਖਾ ਸਮਥવਸੇਨ ਉਪ੍ਪਜ੍ਜਨ੍ਤਿ, ਦਸ ਸਙ੍ਖਾਰੁਪੇਕ੍ਖਾ વਿਪਸ੍ਸਨਾવਸੇਨ ਉਪ੍ਪਜ੍ਜਨ੍ਤੀ’’ਤਿ (ਪਟਿ॰ ਮ॰ ੧.੫੭) ਏવਮਾਗਤਾ ਨੀવਰਣਾਦਿਪਟਿਸਙ੍ਖਾਸਨ੍ਤਿਟ੍ਠਨਾਗਹਣੇ ਮਜ੍ਝਤ੍ਤਭੂਤਾ ਉਪੇਕ੍ਖਾ, ਅਯਂ ਸਙ੍ਖਾਰੁਪੇਕ੍ਖਾ ਨਾਮ।

    Yā pana ‘‘kati saṅkhārupekkhā samathavasena uppajjanti, kati saṅkhārupekkhā vipassanāvasena uppajjanti? Aṭṭha saṅkhārupekkhā samathavasena uppajjanti, dasa saṅkhārupekkhā vipassanāvasena uppajjantī’’ti (paṭi. ma. 1.57) evamāgatā nīvaraṇādipaṭisaṅkhāsantiṭṭhanāgahaṇe majjhattabhūtā upekkhā, ayaṃ saṅkhārupekkhā nāma.

    ਯਾ ਪਨ ‘‘ਯਸ੍ਮਿਂ ਸਮਯੇ ਕਾਮਾવਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤ’’ਨ੍ਤਿ (ਧ॰ ਸ॰ ੧੫੦) ਏવਮਾਗਤਾ ਅਦੁਕ੍ਖਮਸੁਖਸਙ੍ਖਾਤਾ ਉਪੇਕ੍ਖਾ, ਅਯਂ વੇਦਨੁਪੇਕ੍ਖਾ ਨਾਮ।

    Yā pana ‘‘yasmiṃ samaye kāmāvacaraṃ kusalaṃ cittaṃ uppannaṃ hoti upekkhāsahagata’’nti (dha. sa. 150) evamāgatā adukkhamasukhasaṅkhātā upekkhā, ayaṃ vedanupekkhā nāma.

    ਯਾ ਪਨ ‘‘ਯਦਤ੍ਥਿ ਯਂ ਭੂਤਂ, ਤਂ ਪਜਹਤਿ, ਉਪੇਕ੍ਖਂ ਪਟਿਲਭਤੀ’’ਤਿ (ਮ॰ ਨਿ॰ ੩.੭੧-੭੨; ਅ॰ ਨਿ॰ ੭.੫੫) ਏવਮਾਗਤਾ વਿਚਿਨਨੇ ਮਜ੍ਝਤ੍ਤਭੂਤਾ ਉਪੇਕ੍ਖਾ, ਅਯਂ વਿਪਸ੍ਸਨੁਪੇਕ੍ਖਾ ਨਾਮ।

    Yā pana ‘‘yadatthi yaṃ bhūtaṃ, taṃ pajahati, upekkhaṃ paṭilabhatī’’ti (ma. ni. 3.71-72; a. ni. 7.55) evamāgatā vicinane majjhattabhūtā upekkhā, ayaṃ vipassanupekkhā nāma.

    ਯਾ ਪਨ ਛਨ੍ਦਾਦੀਸੁ ਯੇવਾਪਨਕੇਸੁ ਆਗਤਾ ਸਹਜਾਤਾਨਂ ਸਮવਾਹਿਤਭੂਤਾ ਉਪੇਕ੍ਖਾ, ਅਯਂ ਤਤ੍ਰਮਜ੍ਝਤ੍ਤੁਪੇਕ੍ਖਾ ਨਾਮ।

    Yā pana chandādīsu yevāpanakesu āgatā sahajātānaṃ samavāhitabhūtā upekkhā, ayaṃ tatramajjhattupekkhā nāma.

    ਯਾ ਪਨ ‘‘ਉਪੇਕ੍ਖਕੋ ਚ વਿਹਰਤੀ’’ਤਿ ਏવਮਾਗਤਾ ਅਗ੍ਗਸੁਖੇਪਿ ਤਸ੍ਮਿਂ ਅਪਕ੍ਖਪਾਤਜਨਨੀ ਉਪੇਕ੍ਖਾ, ਅਯਂ ਝਾਨੁਪੇਕ੍ਖਾ ਨਾਮ।

    Yā pana ‘‘upekkhako ca viharatī’’ti evamāgatā aggasukhepi tasmiṃ apakkhapātajananī upekkhā, ayaṃ jhānupekkhā nāma.

    ਯਾ ਪਨ ‘‘ਉਪੇਕ੍ਖਾਸਤਿਪਾਰਿਸੁਦ੍ਧਿਂ ਚਤੁਤ੍ਥਂ ਝਾਨ’’ਨ੍ਤਿ (ਧ॰ ਸ॰ ੧੬੫; ਦੀ॰ ਨਿ॰ ੧.੨੩੨) ਏવਮਾਗਤਾ ਸਬ੍ਬਪਚ੍ਚਨੀਕਪਰਿਸੁਦ੍ਧਾ ਪਚ੍ਚਨੀਕવੂਪਸਮਨੇਪਿ ਅਬ੍ਯਾਪਾਰਭੂਤਾ ਉਪੇਕ੍ਖਾ, ਅਯਂ ਪਾਰਿਸੁਦ੍ਧੁਪੇਕ੍ਖਾ ਨਾਮ।

    Yā pana ‘‘upekkhāsatipārisuddhiṃ catutthaṃ jhāna’’nti (dha. sa. 165; dī. ni. 1.232) evamāgatā sabbapaccanīkaparisuddhā paccanīkavūpasamanepi abyāpārabhūtā upekkhā, ayaṃ pārisuddhupekkhā nāma.

    ਤਤ੍ਥ ਛਲ਼ਙ੍ਗੁਪੇਕ੍ਖਾ ਚ ਬ੍ਰਹ੍ਮવਿਹਾਰੁਪੇਕ੍ਖਾ ਚ ਬੋਜ੍ਝਙ੍ਗੁਪੇਕ੍ਖਾ ਚ ਤਤ੍ਰਮਜ੍ਝਤ੍ਤੁਪੇਕ੍ਖਾ ਚ ਝਾਨੁਪੇਕ੍ਖਾ ਚ ਪਾਰਿਸੁਦ੍ਧੁਪੇਕ੍ਖਾ ਚ ਅਤ੍ਥਤੋ ਏਕਾ, ਤਤ੍ਰਮਜ੍ਝਤ੍ਤੁਪੇਕ੍ਖਾવ ਹੋਤਿ। ਤੇਨ ਤੇਨ ਅવਤ੍ਥਾਭੇਦੇਨ ਪਨਸ੍ਸਾ ਅਯਂ ਭੇਦੋ । ਏਕਸ੍ਸਾਪਿ ਸਤੋ ਸਤ੍ਤਸ੍ਸ ਕੁਮਾਰਯੁવਥੇਰਸੇਨਾਪਤਿਰਾਜਾਦਿવਸੇਨ ਭੇਦੋ વਿਯ, ਤਸ੍ਮਾ ਤਾਸੁ ਯਤ੍ਥ ਛਲ਼ਙ੍ਗੁਪੇਕ੍ਖਾ, ਨ ਤਤ੍ਥ ਬੋਜ੍ਝਙ੍ਗੁਪੇਕ੍ਖਾਦਯੋ। ਯਤ੍ਥ વਾ ਪਨ ਬੋਜ੍ਝਙ੍ਗੁਪੇਕ੍ਖਾ, ਨ ਤਤ੍ਥ ਛਲ਼ਙ੍ਗੁਪੇਕ੍ਖਾਦਯੋ ਹੋਨ੍ਤੀਤਿ વੇਦਿਤਬ੍ਬਾ।

    Tattha chaḷaṅgupekkhā ca brahmavihārupekkhā ca bojjhaṅgupekkhā ca tatramajjhattupekkhā ca jhānupekkhā ca pārisuddhupekkhā ca atthato ekā, tatramajjhattupekkhāva hoti. Tena tena avatthābhedena panassā ayaṃ bhedo . Ekassāpi sato sattassa kumārayuvatherasenāpatirājādivasena bhedo viya, tasmā tāsu yattha chaḷaṅgupekkhā, na tattha bojjhaṅgupekkhādayo. Yattha vā pana bojjhaṅgupekkhā, na tattha chaḷaṅgupekkhādayo hontīti veditabbā.

    ਯਥਾ ਚੇਤਾਸਂ ਅਤ੍ਥਤੋ ਏਕੀਭਾવੋ, ਏવਂ ਸਙ੍ਖਾਰੁਪੇਕ੍ਖਾવਿਪਸ੍ਸਨੁਪੇਕ੍ਖਾਨਮ੍ਪਿ। ਪਞ੍ਞਾ ਏવ ਹਿ ਏਸਾ, ਕਿਚ੍ਚવਸੇਨ ਦ੍વਿਧਾ ਭਿਨ੍ਨਾ, ਯਥਾ ਹਿ ਪੁਰਿਸਸ੍ਸ ਸਾਯਂ ਗੇਹਂ ਪવਿਟ੍ਠਂ ਸਪ੍ਪਂ ਅਜਪਦਦਣ੍ਡਂ ਗਹੇਤ੍વਾ ਪਰਿਯੇਸਮਾਨਸ੍ਸ ਤਂ ਥੁਸਕੋਟ੍ਠਕੇ ਨਿਪਨ੍ਨਂ ਦਿਸ੍વਾ ‘‘ਸਪ੍ਪੋ ਨੁ ਖੋ ਨੋ’’ਤਿ ਅવਲੋਕੇਨ੍ਤਸ੍ਸ ਸੋવਤ੍ਥਿਕਤ੍ਤਯਂ ਦਿਸ੍વਾ ਨਿਬ੍ਬੇਮਤਿਕਸ੍ਸ ‘‘ਸਪ੍ਪੋ ਨ ਸਪ੍ਪੋ’’ਤਿ વਿਚਿਨਨੇ ਮਜ੍ਝਤ੍ਤਤਾ ਉਪ੍ਪਜ੍ਜਤਿ, ਏવਮੇવ ਯਾ ਆਰਦ੍ਧવਿਪਸ੍ਸਕਸ੍ਸ વਿਪਸ੍ਸਨਾਞਾਣੇਨ ਲਕ੍ਖਣਤ੍ਤਯੇ ਦਿਟ੍ਠੇ ਸਙ੍ਖਾਰਾਨਂ ਅਨਿਚ੍ਚਭਾવਾਦਿવਿਚਿਨਨੇ ਮਜ੍ਝਤ੍ਤਤਾ ਉਪ੍ਪਜ੍ਜਤਿ, ਅਯਂ વਿਪਸ੍ਸਨੁਪੇਕ੍ਖਾ। ਯਥਾ ਪਨ ਤਸ੍ਸ ਪੁਰਿਸਸ੍ਸ ਅਜਪਦਦਣ੍ਡਕੇਨ ਗਾਲ਼੍ਹਂ ਸਪ੍ਪਂ ਗਹੇਤ੍વਾ ‘‘ਕਿਨ੍ਤਾਹਂ ਇਮਂ ਸਪ੍ਪਂ ਅવਿਹੇਠੇਨ੍ਤੋ ਅਤ੍ਤਾਨਞ੍ਚ ਇਮਿਨਾ ਅਡਂਸਾਪੇਨ੍ਤੋ ਮੁਞ੍ਚੇਯ੍ਯ’’ਨ੍ਤਿ ਮੁਞ੍ਚਨਾਕਾਰਮੇવ ਪਰਿਯੇਸਤੋ ਗਹਣੇ ਮਜ੍ਝਤ੍ਤਤਾ ਹੋਤਿ, ਏવਮੇવ ਯਾ ਲਕ੍ਖਣਤ੍ਤਯਸ੍ਸ ਦਿਟ੍ਠਤ੍ਤਾ ਆਦਿਤ੍ਤੇ વਿਯ ਤਯੋ ਭવੇ ਪਸ੍ਸਤੋ ਸਙ੍ਖਾਰਗ੍ਗਹਣੇ ਮਜ੍ਝਤ੍ਤਤਾ, ਅਯਂ ਸਙ੍ਖਾਰੁਪੇਕ੍ਖਾ। ਇਤਿ વਿਪਸ੍ਸਨੁਪੇਕ੍ਖਾਯ ਸਿਦ੍ਧਾਯ ਸਙ੍ਖਾਰੁਪੇਕ੍ਖਾਪਿ ਸਿਦ੍ਧਾવ ਹੋਤਿ। ਇਮਿਨਾ ਪਨੇਸਾ વਿਚਿਨਨਗ੍ਗਹਣੇਸੁ ਮਜ੍ਝਤ੍ਤਤਾਸਙ੍ਖਾਤੇਨ ਕਿਚ੍ਚੇਨ ਦ੍વਿਧਾ ਭਿਨ੍ਨਾਤਿ। વੀਰਿਯੁਪੇਕ੍ਖਾ ਪਨ વੇਦਨੁਪੇਕ੍ਖਾ ਚ ਅਞ੍ਞਮਞ੍ਞਞ੍ਚ ਅવਸੇਸਾਹਿ ਚ ਅਤ੍ਥਤੋ ਭਿਨ੍ਨਾਯੇવਾਤਿ। ਆਹ ਚੇਤ੍ਥ –

    Yathā cetāsaṃ atthato ekībhāvo, evaṃ saṅkhārupekkhāvipassanupekkhānampi. Paññā eva hi esā, kiccavasena dvidhā bhinnā, yathā hi purisassa sāyaṃ gehaṃ paviṭṭhaṃ sappaṃ ajapadadaṇḍaṃ gahetvā pariyesamānassa taṃ thusakoṭṭhake nipannaṃ disvā ‘‘sappo nu kho no’’ti avalokentassa sovatthikattayaṃ disvā nibbematikassa ‘‘sappo na sappo’’ti vicinane majjhattatā uppajjati, evameva yā āraddhavipassakassa vipassanāñāṇena lakkhaṇattaye diṭṭhe saṅkhārānaṃ aniccabhāvādivicinane majjhattatā uppajjati, ayaṃ vipassanupekkhā. Yathā pana tassa purisassa ajapadadaṇḍakena gāḷhaṃ sappaṃ gahetvā ‘‘kintāhaṃ imaṃ sappaṃ aviheṭhento attānañca iminā aḍaṃsāpento muñceyya’’nti muñcanākārameva pariyesato gahaṇe majjhattatā hoti, evameva yā lakkhaṇattayassa diṭṭhattā āditte viya tayo bhave passato saṅkhāraggahaṇe majjhattatā, ayaṃ saṅkhārupekkhā. Iti vipassanupekkhāya siddhāya saṅkhārupekkhāpi siddhāva hoti. Iminā panesā vicinanaggahaṇesu majjhattatāsaṅkhātena kiccena dvidhā bhinnāti. Vīriyupekkhā pana vedanupekkhā ca aññamaññañca avasesāhi ca atthato bhinnāyevāti. Āha cettha –

    ‘‘ਮਜ੍ਝਤ੍ਤਬ੍ਰਹ੍ਮਬੋਜ੍ਝਙ੍ਗਛਲ਼ਙ੍ਗਝਾਨਸੁਦ੍ਧਿਯੋ।

    ‘‘Majjhattabrahmabojjhaṅgachaḷaṅgajhānasuddhiyo;

    વਿਪਸ੍ਸਨਾ ਚ ਸਙ੍ਖਾਰવੇਦਨਾવੀਰਿਯਂ ਇਤਿ॥

    Vipassanā ca saṅkhāravedanāvīriyaṃ iti.

    ‘‘વਿਤ੍ਥਾਰਤੋ ਦਸੋਪੇਕ੍ਖਾ-ਛਮਜ੍ਝਤ੍ਤਾਦਿਤੋ ਤਤੋ।

    ‘‘Vitthārato dasopekkhā-chamajjhattādito tato;

    ਦੁવੇ ਪਞ੍ਞਾ ਤਤੋ ਦ੍વੀਹਿ, ਚਤਸ੍ਸੋવ ਭવਨ੍ਤਿਮਾ’’ਤਿ॥

    Duve paññā tato dvīhi, catassova bhavantimā’’ti.

    ਇਤਿ ਇਮਾਸੁ ਉਪੇਕ੍ਖਾਸੁ ਝਾਨੁਪੇਕ੍ਖਾ ਇਧ ਅਧਿਪ੍ਪੇਤਾ। ਸਾ ਮਜ੍ਝਤ੍ਤਲਕ੍ਖਣਾ, ਅਨਾਭੋਗਰਸਾ , ਅਬ੍ਯਾਪਾਰਪਚ੍ਚੁਪਟ੍ਠਾਨਾ, ਪੀਤਿવਿਰਾਗਪਦਟ੍ਠਾਨਾਤਿ। ਏਤ੍ਥਾਹ – ‘‘ਨਨੁ ਚਾਯਂ ਅਤ੍ਥਤੋ ਤਤ੍ਰਮਜ੍ਝਤ੍ਤੁਪੇਕ੍ਖਾવ ਹੋਤਿ, ਸਾ ਚ ਪਠਮਦੁਤਿਯਜ੍ਝਾਨੇਸੁਪਿ ਅਤ੍ਥਿ। ਤਸ੍ਮਾ ਤਤ੍ਰਾਪਿ ‘ਉਪੇਕ੍ਖਕੋ ਚ વਿਹਰਤੀ’ਤਿ ਏવਮਯਂ વਤ੍ਤਬ੍ਬਾ ਸਿਯਾ, ਸਾ ਕਸ੍ਮਾ ਨ વੁਤ੍ਤਾ’’ਤਿ? ਅਪਰਿਬ੍ਯਤ੍ਤਕਿਚ੍ਚਤੋ। ਅਪਰਿਬ੍ਯਤ੍ਤਞ੍ਹਿ ਤਸ੍ਸਾ ਤਤ੍ਥ ਕਿਚ੍ਚਂ, વਿਤਕ੍ਕਾਦੀਹਿ ਅਭਿਭੂਤਤ੍ਤਾ। ਇਧ ਪਨਾਯਂ વਿਤਕ੍ਕવਿਚਾਰਪੀਤੀਹਿ ਅਨਭਿਭੂਤਤ੍ਤਾ ਉਕ੍ਖਿਤ੍ਤਸਿਰਾ વਿਯ ਹੁਤ੍વਾ ਪਰਿਬ੍ਯਤ੍ਤਕਿਚ੍ਚਾ ਜਾਤਾ, ਤਸ੍ਮਾ વੁਤ੍ਤਾਤਿ।

    Iti imāsu upekkhāsu jhānupekkhā idha adhippetā. Sā majjhattalakkhaṇā, anābhogarasā , abyāpārapaccupaṭṭhānā, pītivirāgapadaṭṭhānāti. Etthāha – ‘‘nanu cāyaṃ atthato tatramajjhattupekkhāva hoti, sā ca paṭhamadutiyajjhānesupi atthi. Tasmā tatrāpi ‘upekkhako ca viharatī’ti evamayaṃ vattabbā siyā, sā kasmā na vuttā’’ti? Aparibyattakiccato. Aparibyattañhi tassā tattha kiccaṃ, vitakkādīhi abhibhūtattā. Idha panāyaṃ vitakkavicārapītīhi anabhibhūtattā ukkhittasirā viya hutvā paribyattakiccā jātā, tasmā vuttāti.

    ਸਤੋ ਚ ਸਮ੍ਪਜਾਨੋਤਿ ਏਤ੍ਥ ਸਰਤੀਤਿ ਸਤੋ। ਸਮ੍ਪਜਾਨਾਤੀਤਿ ਸਮ੍ਪਜਾਨੋ। ਇਤਿ ਪੁਗ੍ਗਲੇਨ ਸਤਿ ਚ ਸਮ੍ਪਜਞ੍ਞਞ੍ਚ વੁਤ੍ਤਂ। ਤਤ੍ਥ ਸਰਣਲਕ੍ਖਣਾ ਸਤਿ, ਅਸਮ੍ਮੁਸ੍ਸਨਰਸਾ ਆਰਕ੍ਖਪਚ੍ਚੁਪਟ੍ਠਾਨਾ। ਅਸਮ੍ਮੋਹਲਕ੍ਖਣਂ ਸਮ੍ਪਜਞ੍ਞਂ, ਤੀਰਣਰਸਂ, ਪવਿਚਯਪਚ੍ਚੁਪਟ੍ਠਾਨਂ।

    Satoca sampajānoti ettha saratīti sato. Sampajānātīti sampajāno. Iti puggalena sati ca sampajaññañca vuttaṃ. Tattha saraṇalakkhaṇā sati, asammussanarasā ārakkhapaccupaṭṭhānā. Asammohalakkhaṇaṃ sampajaññaṃ, tīraṇarasaṃ, pavicayapaccupaṭṭhānaṃ.

    ਤਤ੍ਥ ਕਿਞ੍ਚਾਪਿ ਇਦਂ ਸਤਿਸਮ੍ਪਜਞ੍ਞਂ ਪੁਰਿਮਜ੍ਝਾਨੇਸੁਪਿ ਅਤ੍ਥਿ, ਮੁਟ੍ਠਸ੍ਸਤਿਸ੍ਸ ਹਿ ਅਸਮ੍ਪਜਾਨਸ੍ਸ ਉਪਚਾਰਮਤ੍ਤਮ੍ਪਿ ਨ ਸਮ੍ਪਜ੍ਜਤਿ, ਪਗੇવ ਅਪ੍ਪਨਾ। ਓਲ਼ਾਰਿਕਤ੍ਤਾ ਪਨ ਤੇਸਂ ਝਾਨਾਨਂ ਭੂਮਿਯਂ વਿਯ ਪੁਰਿਸਸ੍ਸ ਚਿਤ੍ਤਸ੍ਸ ਗਤਿ ਸੁਖਾ ਹੋਤਿ, ਅਬ੍ਯਤ੍ਤਂ ਤਤ੍ਥ ਸਤਿਸਮ੍ਪਜਞ੍ਞਕਿਚ੍ਚਂ। ਓਲ਼ਾਰਿਕਙ੍ਗਪ੍ਪਹਾਨੇਨ ਪਨ ਸੁਖੁਮਤ੍ਤਾ ਇਮਸ੍ਸ ਝਾਨਸ੍ਸ ਪੁਰਿਸਸ੍ਸ ਖੁਰਧਾਰਾਯਂ વਿਯ ਸਤਿਸਮ੍ਪਜਞ੍ਞਕਿਚ੍ਚਪਰਿਗ੍ਗਹਿਤਾ ਏવ ਚਿਤ੍ਤਸ੍ਸ ਗਤਿ ਇਚ੍ਛਿਤਬ੍ਬਾਤਿ ਇਧੇવ વੁਤ੍ਤਂ। ਕਿਞ੍ਚ ਭਿਯ੍ਯੋ – ਯਥਾ ਧੇਨੁਪਗੋ વਚ੍ਛੋ ਧੇਨੁਤੋ ਅਪਨੀਤੋ ਅਰਕ੍ਖਿਯਮਾਨੋ ਪੁਨਦੇવ ਧੇਨੁਂ ਉਪਗਚ੍ਛਤਿ, ਏવਮਿਦਂ ਤਤਿਯਜ੍ਝਾਨਸੁਖਂ ਪੀਤਿਤੋ ਅਪਨੀਤਮ੍ਪਿ ਸਤਿਸਮ੍ਪਜਞ੍ਞਾਰਕ੍ਖੇਨ ਅਰਕ੍ਖਿਯਮਾਨਂ ਪੁਨਦੇવ ਪੀਤਿਂ ਉਪਗਚ੍ਛੇਯ੍ਯ, ਪੀਤਿਸਮ੍ਪਯੁਤ੍ਤਮੇવ ਸਿਯਾ, ਸੁਖੇ વਾਪਿ ਸਤ੍ਤਾ ਸਾਰਜ੍ਜਨ੍ਤਿ। ਇਦਞ੍ਚ ਅਤਿਮਧੁਰਸੁਖਂ, ਤਤੋ ਪਰਂ ਸੁਖਾਭਾવਾ। ਸਤਿਸਮ੍ਪਜਞ੍ਞਾਨੁਭਾવੇਨ ਪਨੇਤ੍ਥ ਸੁਖੇ ਅਸਾਰਜ੍ਜਨਾ ਹੋਤਿ, ਨੋ ਅਞ੍ਞਥਾਤਿ ਇਮਮ੍ਪਿ ਅਤ੍ਥવਿਸੇਸਂ ਦਸ੍ਸੇਤੁਂ ਇਦਮਿਧੇવ વੁਤ੍ਤਨ੍ਤਿ વੇਦਿਤਬ੍ਬਂ।

    Tattha kiñcāpi idaṃ satisampajaññaṃ purimajjhānesupi atthi, muṭṭhassatissa hi asampajānassa upacāramattampi na sampajjati, pageva appanā. Oḷārikattā pana tesaṃ jhānānaṃ bhūmiyaṃ viya purisassa cittassa gati sukhā hoti, abyattaṃ tattha satisampajaññakiccaṃ. Oḷārikaṅgappahānena pana sukhumattā imassa jhānassa purisassa khuradhārāyaṃ viya satisampajaññakiccapariggahitā eva cittassa gati icchitabbāti idheva vuttaṃ. Kiñca bhiyyo – yathā dhenupago vaccho dhenuto apanīto arakkhiyamāno punadeva dhenuṃ upagacchati, evamidaṃ tatiyajjhānasukhaṃ pītito apanītampi satisampajaññārakkhena arakkhiyamānaṃ punadeva pītiṃ upagaccheyya, pītisampayuttameva siyā, sukhe vāpi sattā sārajjanti. Idañca atimadhurasukhaṃ, tato paraṃ sukhābhāvā. Satisampajaññānubhāvena panettha sukhe asārajjanā hoti, no aññathāti imampi atthavisesaṃ dassetuṃ idamidheva vuttanti veditabbaṃ.

    ਇਦਾਨਿ ਸੁਖਞ੍ਚ ਕਾਯੇਨ ਪਟਿਸਂવੇਦੇਤੀਤਿ ਏਤ੍ਥ ਕਿਞ੍ਚਾਪਿ ਤਤਿਯਜ੍ਝਾਨਸਮਙ੍ਗਿਨੋ ਸੁਖਪਟਿਸਂવੇਦਨਾਭੋਗੋ ਨਤ੍ਥਿ, ਏવਂ ਸਨ੍ਤੇਪਿ ਯਸ੍ਮਾ ਤਸ੍ਸ ਨਾਮਕਾਯੇਨ ਸਮ੍ਪਯੁਤ੍ਤਂ ਸੁਖਂ। ਯਂ વਾ ਤਂ ਨਾਮਕਾਯਸਮ੍ਪਯੁਤ੍ਤਂ ਸੁਖਂ, ਤਂਸਮੁਟ੍ਠਾਨੇਨਸ੍ਸ ਯਸ੍ਮਾ ਅਤਿਪਣੀਤੇਨ ਰੂਪੇਨ ਰੂਪਕਾਯੋ ਫੁਟੋ, ਯਸ੍ਸ ਫੁਟਤ੍ਤਾ ਝਾਨਾ વੁਟ੍ਠਿਤੋਪਿ ਸੁਖਂ ਪਟਿਸਂવੇਦੇਯ੍ਯ, ਤਸ੍ਮਾ ਏਤਮਤ੍ਥਂ ਦਸ੍ਸੇਨ੍ਤੋ ‘‘ਸੁਖਞ੍ਚ ਕਾਯੇਨ ਪਟਿਸਂવੇਦੇਤੀ’’ਤਿ ਆਹ।

    Idāni sukhañca kāyena paṭisaṃvedetīti ettha kiñcāpi tatiyajjhānasamaṅgino sukhapaṭisaṃvedanābhogo natthi, evaṃ santepi yasmā tassa nāmakāyena sampayuttaṃ sukhaṃ. Yaṃ vā taṃ nāmakāyasampayuttaṃ sukhaṃ, taṃsamuṭṭhānenassa yasmā atipaṇītena rūpena rūpakāyo phuṭo, yassa phuṭattā jhānā vuṭṭhitopi sukhaṃ paṭisaṃvedeyya, tasmā etamatthaṃ dassento ‘‘sukhañca kāyena paṭisaṃvedetī’’ti āha.

    ਇਦਾਨਿ ਯਂ ਤਂ ਅਰਿਯਾ ਆਚਿਕ੍ਖਨ੍ਤਿ ਉਪੇਕ੍ਖਕੋ ਸਤਿਮਾ ਸੁਖવਿਹਾਰੀਤਿ ਏਤ੍ਥ ਯਂਝਾਨਹੇਤੁ ਯਂਝਾਨਕਾਰਣਾ ਤਂ ਤਤਿਯਜ੍ਝਾਨਸਮਙ੍ਗੀਪੁਗ੍ਗਲਂ ਬੁਦ੍ਧਾਦਯੋ ਅਰਿਯਾ ਆਚਿਕ੍ਖਨ੍ਤਿ ਦੇਸੇਨ੍ਤਿ ਪਞ੍ਞਪੇਨ੍ਤਿ ਪਟ੍ਠਪੇਨ੍ਤਿ વਿવਰਨ੍ਤਿ વਿਭਜਨ੍ਤਿ ਉਤ੍ਤਾਨੀਕਰੋਨ੍ਤਿ ਪਕਾਸੇਨ੍ਤਿ, ਪਸਂਸਨ੍ਤੀਤਿ ਅਧਿਪ੍ਪਾਯੋ। ਕਿਨ੍ਤਿ? ਉਪੇਕ੍ਖਕੋ ਸਤਿਮਾ ਸੁਖવਿਹਾਰੀਤਿ। ਤਂ ਤਤਿਯਜ੍ਝਾਨਂ ਉਪਸਮ੍ਪਜ੍ਜ વਿਹਰਤੀਤਿ ਏવਮੇਤ੍ਥ ਯੋਜਨਾ વੇਦਿਤਬ੍ਬਾ।

    Idāni yaṃ taṃ ariyā ācikkhanti upekkhako satimā sukhavihārīti ettha yaṃjhānahetu yaṃjhānakāraṇā taṃ tatiyajjhānasamaṅgīpuggalaṃ buddhādayo ariyā ācikkhanti desenti paññapenti paṭṭhapenti vivaranti vibhajanti uttānīkaronti pakāsenti, pasaṃsantīti adhippāyo. Kinti? Upekkhako satimā sukhavihārīti. Taṃ tatiyajjhānaṃ upasampajja viharatīti evamettha yojanā veditabbā.

    ਕਸ੍ਮਾ ਪਨ ਤਂ ਤੇ ਏવਂ ਪਸਂਸਨ੍ਤੀਤਿ? ਪਸਂਸਾਰਹਤੋ। ਅਯਞ੍ਹਿ ਯਸ੍ਮਾ ਅਤਿਮਧੁਰਸੁਖੇ ਸੁਖਪਾਰਮਿਪ੍ਪਤ੍ਤੇਪਿ ਤਤਿਯਜ੍ਝਾਨੇ ਉਪੇਕ੍ਖਕੋ, ਨ ਤਤ੍ਥ ਸੁਖਾਭਿਸਙ੍ਗੇਨ ਆਕਡ੍ਢੀਯਤਿ। ਯਥਾ ਚ ਪੀਤਿ ਨ ਉਪ੍ਪਜ੍ਜਤਿ, ਏવਂ ਉਪਟ੍ਠਿਤਸਤਿਤਾਯ ਸਤਿਮਾ। ਯਸ੍ਮਾ ਚ ਅਰਿਯਕਨ੍ਤਂ ਅਰਿਯਜਨਸੇવਿਤਮੇવ ਚ ਅਸਂਕਿਲਿਟ੍ਠਂ ਸੁਖਂ ਨਾਮਕਾਯੇਨ ਪਟਿਸਂવੇਦੇਤਿ, ਤਸ੍ਮਾ ਪਸਂਸਾਰਹੋ। ਇਤਿ ਪਸਂਸਾਰਹਤੋ ਨਂ ਅਰਿਯਾ ਤੇ ਏવਂ ਪਸਂਸਾਹੇਤੁਭੂਤੇ ਗੁਣੇ ਪਕਾਸੇਨ੍ਤੋ ‘‘ਉਪੇਕ੍ਖਕੋ ਸਤਿਮਾ ਸੁਖવਿਹਾਰੀ’’ਤਿ ਏવਂ ਪਸਂਸਨ੍ਤੀਤਿ વੇਦਿਤਬ੍ਬਂ। ਤਤਿਯਨ੍ਤਿ ਗਣਨਾਨੁਪੁਬ੍ਬਤਾ ਤਤਿਯਂ, ਇਦਂ ਤਤਿਯਂ ਉਪ੍ਪਨ੍ਨਨ੍ਤਿਪਿ ਤਤਿਯਂ।

    Kasmā pana taṃ te evaṃ pasaṃsantīti? Pasaṃsārahato. Ayañhi yasmā atimadhurasukhe sukhapāramippattepi tatiyajjhāne upekkhako, na tattha sukhābhisaṅgena ākaḍḍhīyati. Yathā ca pīti na uppajjati, evaṃ upaṭṭhitasatitāya satimā. Yasmā ca ariyakantaṃ ariyajanasevitameva ca asaṃkiliṭṭhaṃ sukhaṃ nāmakāyena paṭisaṃvedeti, tasmā pasaṃsāraho. Iti pasaṃsārahato naṃ ariyā te evaṃ pasaṃsāhetubhūte guṇe pakāsento ‘‘upekkhako satimā sukhavihārī’’ti evaṃ pasaṃsantīti veditabbaṃ. Tatiyanti gaṇanānupubbatā tatiyaṃ, idaṃ tatiyaṃ uppannantipi tatiyaṃ.

    ਸੁਖਸ੍ਸ ਚ ਪਹਾਨਾ ਦੁਕ੍ਖਸ੍ਸ ਚ ਪਹਾਨਾਤਿ ਕਾਯਿਕਸੁਖਸ੍ਸ ਚ ਕਾਯਿਕਦੁਕ੍ਖਸ੍ਸ ਚ ਪਹਾਨਾ। ਪੁਬ੍ਬੇવਾਤਿ ਤਞ੍ਚ ਖੋ ਪੁਬ੍ਬੇવ, ਨ ਚਤੁਤ੍ਥਜ੍ਝਾਨਕ੍ਖਣੇ। ਸੋਮਨਸ੍ਸਦੋਮਨਸ੍ਸਾਨਂ ਅਤ੍ਥਙ੍ਗਮਾਤਿ ਚੇਤਸਿਕਸੁਖਸ੍ਸ ਚ ਚੇਤਸਿਕਦੁਕ੍ਖਸ੍ਸ ਚਾਤਿ ਇਮੇਸਮ੍ਪਿ ਦ੍વਿਨ੍ਨਂ ਪੁਬ੍ਬੇવ ਅਤ੍ਥਙ੍ਗਮਾ, ਪਹਾਨਾ ਇਚ੍ਚੇવ વੁਤ੍ਤਂ ਹੋਤਿ।

    Sukhassa ca pahānā dukkhassa ca pahānāti kāyikasukhassa ca kāyikadukkhassa ca pahānā. Pubbevāti tañca kho pubbeva, na catutthajjhānakkhaṇe. Somanassadomanassānaṃ atthaṅgamāti cetasikasukhassa ca cetasikadukkhassa cāti imesampi dvinnaṃ pubbeva atthaṅgamā, pahānā icceva vuttaṃ hoti.

    ਕਦਾ ਪਨ ਨੇਸਂ ਪਹਾਨਂ ਹੋਤਿ? ਚਤੁਨ੍ਨਂ ਝਾਨਾਨਂ ਉਪਚਾਰਕ੍ਖਣੇ। ਸੋਮਨਸ੍ਸਞ੍ਹਿ ਚਤੁਤ੍ਥਜ੍ਝਾਨਸ੍ਸ ਉਪਚਾਰਕ੍ਖਣੇਯੇવ ਪਹੀਯਤਿ, ਦੁਕ੍ਖਦੋਮਨਸ੍ਸਸੁਖਾਨਿ ਪਠਮਦੁਤਿਯਤਤਿਯਜ੍ਝਾਨਾਨਂ ਉਪਚਾਰਕ੍ਖਣੇਸੁ। ਏવਮੇਤੇਸਂ ਪਹਾਨਕ੍ਕਮੇਨ ਅવੁਤ੍ਤਾਨਂ, ਇਨ੍ਦ੍ਰਿਯવਿਭਙ੍ਗੇ ਪਨ ਇਨ੍ਦ੍ਰਿਯਾਨਂ ਉਦ੍ਦੇਸਕ੍ਕਮੇਨੇવ ਇਧਾਪਿ વੁਤ੍ਤਾਨਂ ਸੁਖਦੁਕ੍ਖਸੋਮਨਸ੍ਸਦੋਮਨਸ੍ਸਾਨਂ ਪਹਾਨਂ વੇਦਿਤਬ੍ਬਂ।

    Kadā pana nesaṃ pahānaṃ hoti? Catunnaṃ jhānānaṃ upacārakkhaṇe. Somanassañhi catutthajjhānassa upacārakkhaṇeyeva pahīyati, dukkhadomanassasukhāni paṭhamadutiyatatiyajjhānānaṃ upacārakkhaṇesu. Evametesaṃ pahānakkamena avuttānaṃ, indriyavibhaṅge pana indriyānaṃ uddesakkameneva idhāpi vuttānaṃ sukhadukkhasomanassadomanassānaṃ pahānaṃ veditabbaṃ.

    ਯਦਿ ਪਨੇਤਾਨਿ ਤਸ੍ਸ ਤਸ੍ਸ ਝਾਨਸ੍ਸ ਉਪਚਾਰਕ੍ਖਣੇਯੇવ ਪਹੀਯਨ੍ਤਿ, ਅਥ ਕਸ੍ਮਾ ‘‘ਕਤ੍ਥ ਚੁਪ੍ਪਨ੍ਨਂ ਦੁਕ੍ਖਿਨ੍ਦ੍ਰਿਯਂ ਅਪਰਿਸੇਸਂ ਨਿਰੁਜ੍ਝਤਿ? ਇਧ, ਭਿਕ੍ਖવੇ, ਭਿਕ੍ਖੁ વਿવਿਚ੍ਚੇવ ਕਾਮੇਹਿ…ਪੇ॰… ਪਠਮਂ ਝਾਨਂ ਉਪਸਮ੍ਪਜ੍ਜ વਿਹਰਤਿ, ਏਤ੍ਥ ਚੁਪ੍ਪਨ੍ਨਂ ਦੁਕ੍ਖਿਨ੍ਦ੍ਰਿਯਂ ਅਪਰਿਸੇਸਂ ਨਿਰੁਜ੍ਝਤਿ। ਕਤ੍ਥ ਚੁਪ੍ਪਨ੍ਨਂ ਦੋਮਨਸ੍ਸਿਨ੍ਦ੍ਰਿਯਂ… ਸੁਖਿਨ੍ਦ੍ਰਿਯਂ… ਸੋਮਨਸ੍ਸਿਨ੍ਦ੍ਰਿਯਂ ਅਪਰਿਸੇਸਂ ਨਿਰੁਜ੍ਝਤਿ? ਇਧ, ਭਿਕ੍ਖવੇ, ਭਿਕ੍ਖੁ, ਸੁਖਸ੍ਸ ਚ ਪਹਾਨਾ…ਪੇ॰… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਏਤ੍ਥ ਚੁਪ੍ਪਨ੍ਨਂ ਸੋਮਨਸ੍ਸਿਨ੍ਦ੍ਰਿਯਂ ਅਪਰਿਸੇਸਂ ਨਿਰੁਜ੍ਝਤੀ’’ਤਿ (ਸਂ॰ ਨਿ॰ ੫.੫੧੦) ਏવਂ ਝਾਨੇਸ੍વੇવ ਨਿਰੋਧੋ વੁਤ੍ਤੋਤਿ। ਅਤਿਸਯਨਿਰੋਧਤ੍ਤਾ। ਅਤਿਸਯਨਿਰੋਧੋ ਹਿ ਨੇਸਂ ਪਠਮਜ੍ਝਾਨਾਦੀਸੁ, ਨ ਨਿਰੋਧੋਯੇવ। ਨਿਰੋਧੋਯੇવ ਪਨ ਉਪਚਾਰਕ੍ਖਣੇ ਨਾਤਿਸਯਨਿਰੋਧੋ।

    Yadi panetāni tassa tassa jhānassa upacārakkhaṇeyeva pahīyanti, atha kasmā ‘‘kattha cuppannaṃ dukkhindriyaṃ aparisesaṃ nirujjhati? Idha, bhikkhave, bhikkhu vivicceva kāmehi…pe… paṭhamaṃ jhānaṃ upasampajja viharati, ettha cuppannaṃ dukkhindriyaṃ aparisesaṃ nirujjhati. Kattha cuppannaṃ domanassindriyaṃ… sukhindriyaṃ… somanassindriyaṃ aparisesaṃ nirujjhati? Idha, bhikkhave, bhikkhu, sukhassa ca pahānā…pe… catutthaṃ jhānaṃ upasampajja viharati. Ettha cuppannaṃ somanassindriyaṃ aparisesaṃ nirujjhatī’’ti (saṃ. ni. 5.510) evaṃ jhānesveva nirodho vuttoti. Atisayanirodhattā. Atisayanirodho hi nesaṃ paṭhamajjhānādīsu, na nirodhoyeva. Nirodhoyeva pana upacārakkhaṇe nātisayanirodho.

    ਤਥਾ ਹਿ ਨਾਨਾવਜ੍ਜਨੇ ਪਠਮਜ੍ਝਾਨੂਪਚਾਰੇ ਨਿਰੁਦ੍ਧਸ੍ਸਾਪਿ ਦੁਕ੍ਖਿਨ੍ਦ੍ਰਿਯਸ੍ਸ ਡਂਸਮਕਸਾਦਿਸਮ੍ਫਸ੍ਸੇਨ વਾ વਿਸਮਾਸਨੁਪਤਾਪੇਨ વਾ ਸਿਯਾ ਉਪ੍ਪਤ੍ਤਿ, ਨ ਤ੍વੇવ ਅਨ੍ਤੋਅਪ੍ਪਨਾਯਂ। ਉਪਚਾਰੇ વਾ ਨਿਰੁਦ੍ਧਮ੍ਪੇਤਂ ਨ ਸੁਟ੍ਠੁ ਨਿਰੁਦ੍ਧਂ ਹੋਤਿ, ਪਟਿਪਕ੍ਖੇਨ ਅવਿਹਤਤ੍ਤਾ। ਅਨ੍ਤੋਅਪ੍ਪਨਾਯਂ ਪਨ ਪੀਤਿਫਰਣੇਨ ਸਬ੍ਬੋ ਕਾਯੋ ਸੁਖੋਕ੍ਕਨ੍ਤੋ ਹੋਤਿ, ਸੁਖੋਕ੍ਕਨ੍ਤਕਾਯਸ੍ਸ ਚ ਸੁਟ੍ਠੁ ਨਿਰੁਦ੍ਧਂ ਹੋਤਿ ਦੁਕ੍ਖਿਨ੍ਦ੍ਰਿਯਂ, ਪਟਿਪਕ੍ਖੇਨ વਿਹਤਤ੍ਤਾ। ਨਾਨਾવਜ੍ਜਨੇਯੇવ ਚ ਦੁਤਿਯਜ੍ਝਾਨੂਪਚਾਰੇ ਪਹੀਨਸ੍ਸਾਪਿ ਦੋਮਨਸ੍ਸਿਨ੍ਦ੍ਰਿਯਸ੍ਸ ਯਸ੍ਮਾ ਏਤਂ વਿਤਕ੍ਕવਿਚਾਰਪਚ੍ਚਯੇਪਿ ਕਾਯਕਿਲਮਥੇ ਚਿਤ੍ਤੁਪਘਾਤੇ ਚ ਸਤਿ ਉਪ੍ਪਜ੍ਜਤਿ, વਿਤਕ੍ਕવਿਚਾਰਾਭਾવੇ ਨੇવ ਉਪ੍ਪਜ੍ਜਤਿ। ਯਤ੍ਥ ਪਨ ਉਪ੍ਪਜ੍ਜਤਿ, ਤਤ੍ਥ વਿਤਕ੍ਕવਿਚਾਰਭਾવੇ। ਅਪ੍ਪਹੀਨਾਯੇવ ਚ ਦੁਤਿਯਜ੍ਝਾਨੂਪਚਾਰੇ વਿਤਕ੍ਕવਿਚਾਰਾਤਿ ਤਤ੍ਥਸ੍ਸ ਸਿਯਾ ਉਪ੍ਪਤ੍ਤਿ, ਨ ਤ੍વੇવ ਦੁਤਿਯਜ੍ਝਾਨੇ, ਪਹੀਨਪ੍ਪਚ੍ਚਯਤ੍ਤਾ। ਤਥਾ ਤਤਿਯਜ੍ਝਾਨੂਪਚਾਰੇ ਪਹੀਨਸ੍ਸਾਪਿ ਸੁਖਿਨ੍ਦ੍ਰਿਯਸ੍ਸ ਪੀਤਿਸਮੁਟ੍ਠਾਨਪਣੀਤਰੂਪਫੁਟਕਾਯਸ੍ਸ ਸਿਯਾ ਉਪ੍ਪਤ੍ਤਿ, ਨ ਤ੍વੇવ ਤਤਿਯਜ੍ਝਾਨੇ। ਤਤਿਯਜ੍ਝਾਨੇ ਹਿ ਸੁਖਸ੍ਸ ਪਚ੍ਚਯਭੂਤਾ ਪੀਤਿ ਸਬ੍ਬਸੋ ਨਿਰੁਦ੍ਧਾਤਿ। ਤਥਾ ਚਤੁਤ੍ਥਜ੍ਝਾਨੂਪਚਾਰੇ ਪਹੀਨਸ੍ਸਾਪਿ ਸੋਮਨਸ੍ਸਿਨ੍ਦ੍ਰਿਯਸ੍ਸ ਆਸਨ੍ਨਤ੍ਤਾ, ਅਪ੍ਪਨਾਪਤ੍ਤਾਯ ਉਪੇਕ੍ਖਾਯ ਅਭਾવੇਨ ਸਮ੍ਮਾ ਅਨਤਿਕ੍ਕਨ੍ਤਤ੍ਤਾ ਚ ਸਿਯਾ ਉਪ੍ਪਤ੍ਤਿ, ਨ ਤ੍વੇવ ਚਤੁਤ੍ਥਜ੍ਝਾਨੇ। ਤਸ੍ਮਾ ਏવ ਚ ‘‘ਏਤ੍ਥੁਪ੍ਪਨ੍ਨਂ ਦੁਕ੍ਖਿਨ੍ਦ੍ਰਿਯਂ ਅਪਰਿਸੇਸਂ ਨਿਰੁਜ੍ਝਤੀ’’ਤਿ ਤਤ੍ਥ ਤਤ੍ਥ ਅਪਰਿਸੇਸਗ੍ਗਹਣਂ ਕਤਨ੍ਤਿ।

    Tathā hi nānāvajjane paṭhamajjhānūpacāre niruddhassāpi dukkhindriyassa ḍaṃsamakasādisamphassena vā visamāsanupatāpena vā siyā uppatti, na tveva antoappanāyaṃ. Upacāre vā niruddhampetaṃ na suṭṭhu niruddhaṃ hoti, paṭipakkhena avihatattā. Antoappanāyaṃ pana pītipharaṇena sabbo kāyo sukhokkanto hoti, sukhokkantakāyassa ca suṭṭhu niruddhaṃ hoti dukkhindriyaṃ, paṭipakkhena vihatattā. Nānāvajjaneyeva ca dutiyajjhānūpacāre pahīnassāpi domanassindriyassa yasmā etaṃ vitakkavicārapaccayepi kāyakilamathe cittupaghāte ca sati uppajjati, vitakkavicārābhāve neva uppajjati. Yattha pana uppajjati, tattha vitakkavicārabhāve. Appahīnāyeva ca dutiyajjhānūpacāre vitakkavicārāti tatthassa siyā uppatti, na tveva dutiyajjhāne, pahīnappaccayattā. Tathā tatiyajjhānūpacāre pahīnassāpi sukhindriyassa pītisamuṭṭhānapaṇītarūpaphuṭakāyassa siyā uppatti, na tveva tatiyajjhāne. Tatiyajjhāne hi sukhassa paccayabhūtā pīti sabbaso niruddhāti. Tathā catutthajjhānūpacāre pahīnassāpi somanassindriyassa āsannattā, appanāpattāya upekkhāya abhāvena sammā anatikkantattā ca siyā uppatti, na tveva catutthajjhāne. Tasmā eva ca ‘‘etthuppannaṃ dukkhindriyaṃ aparisesaṃ nirujjhatī’’ti tattha tattha aparisesaggahaṇaṃ katanti.

    ਏਤ੍ਥਾਹ – ‘‘ਅਥੇવਂ ਤਸ੍ਸ ਤਸ੍ਸ ਝਾਨਸ੍ਸੁਪਚਾਰੇ ਪਹੀਨਾਪਿ ਏਤਾ વੇਦਨਾ ਇਧ ਕਸ੍ਮਾ ਸਮਾਹਟਾ’’ਤਿ? ਸੁਖਗ੍ਗਹਣਤ੍ਥਂ। ਯਾ ਹਿ ਅਯਂ ਅਦੁਕ੍ਖਮਸੁਖਨ੍ਤਿ ਏਤ੍ਥ ਅਦੁਕ੍ਖਮਸੁਖਾ વੇਦਨਾ વੁਤ੍ਤਾ, ਸਾ ਸੁਖੁਮਾ ਦੁਬ੍ਬਿਞ੍ਞੇਯ੍ਯਾ, ਨ ਸਕ੍ਕਾ ਸੁਖੇਨ ਗਹੇਤੁਂ, ਤਸ੍ਮਾ ਯਥਾ ਨਾਮ ਦੁਟ੍ਠਸ੍ਸ ਯਥਾ વਾ ਤਥਾ વਾ ਉਪਸਙ੍ਕਮਿਤ੍વਾ ਗਹੇਤੁਂ ਅਸਕ੍ਕੁਣੇਯ੍ਯਸ੍ਸ ਗੋਣਸ੍ਸ ਸੁਖਗਹਣਤ੍ਥਂ ਗੋਪੋ ਏਕਸ੍ਮਿਂ વਜੇ ਸਬ੍ਬਾ ਗਾવੋ ਸਮਾਹਰਤਿ, ਅਥੇਕੇਕਂ ਨੀਹਰਨ੍ਤੋ ਪਟਿਪਾਟਿਯਾ ਆਗਤਂ ‘‘ਅਯਂ ਸੋ ਗਣ੍ਹਥ ਨ’’ਨ੍ਤਿ ਤਮ੍ਪਿ ਗਾਹਾਪੇਤਿ, ਏવਮੇવ ਭਗવਾ ਸੁਖਗ੍ਗਹਣਤ੍ਥਂ ਸਬ੍ਬਾ ਏਤਾ ਸਮਾਹਰੀਤਿ। ਏવਞ੍ਹਿ ਸਮਾਹਟਾ ਏਤਾ ਦਸ੍ਸੇਤ੍વਾ ‘‘ਯਂ ਨੇવ ਸੁਖਂ, ਨ ਦੁਕ੍ਖਂ, ਨ ਸੋਮਨਸ੍ਸਂ, ਨ ਦੋਮਨਸ੍ਸਂ, ਅਯਂ ਅਦੁਕ੍ਖਮਸੁਖਾ વੇਦਨਾ’’ਤਿ ਸਕ੍ਕਾ ਹੋਤਿ ਏਸਾ ਗਾਹਯਿਤੁਂ।

    Etthāha – ‘‘athevaṃ tassa tassa jhānassupacāre pahīnāpi etā vedanā idha kasmā samāhaṭā’’ti? Sukhaggahaṇatthaṃ. Yā hi ayaṃ adukkhamasukhanti ettha adukkhamasukhā vedanā vuttā, sā sukhumā dubbiññeyyā, na sakkā sukhena gahetuṃ, tasmā yathā nāma duṭṭhassa yathā vā tathā vā upasaṅkamitvā gahetuṃ asakkuṇeyyassa goṇassa sukhagahaṇatthaṃ gopo ekasmiṃ vaje sabbā gāvo samāharati, athekekaṃ nīharanto paṭipāṭiyā āgataṃ ‘‘ayaṃ so gaṇhatha na’’nti tampi gāhāpeti, evameva bhagavā sukhaggahaṇatthaṃ sabbā etā samāharīti. Evañhi samāhaṭā etā dassetvā ‘‘yaṃ neva sukhaṃ, na dukkhaṃ, na somanassaṃ, na domanassaṃ, ayaṃ adukkhamasukhā vedanā’’ti sakkā hoti esā gāhayituṃ.

    ਅਪਿ ਚ ਅਦੁਕ੍ਖਮਸੁਖਾਯ ਚੇਤੋવਿਮੁਤ੍ਤਿਯਾ ਪਚ੍ਚਯਦਸ੍ਸਨਤ੍ਥਞ੍ਚਾਪਿ ਏਤਾ વੁਤ੍ਤਾਤਿ વੇਦਿਤਬ੍ਬਾ। ਦੁਕ੍ਖਪ੍ਪਹਾਨਾਦਯੋ ਹਿ ਤਸ੍ਸਾ ਪਚ੍ਚਯਾ। ਯਥਾਹ – ‘‘ਚਤ੍ਤਾਰੋ ਖੋ, ਆવੁਸੋ, ਪਚ੍ਚਯਾ ਅਦੁਕ੍ਖਮਸੁਖਾਯ ਚੇਤੋવਿਮੁਤ੍ਤਿਯਾ ਸਮਾਪਤ੍ਤਿਯਾ। ਇਧਾવੁਸੋ, ਭਿਕ੍ਖੁ ਸੁਖਸ੍ਸ ਚ ਪਹਾਨਾ …ਪੇ॰… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਇਮੇ ਖੋ, ਆવੁਸੋ, ਚਤ੍ਤਾਰੋ ਪਚ੍ਚਯਾ ਅਦੁਕ੍ਖਮਸੁਖਾਯ ਚੇਤੋવਿਮੁਤ੍ਤਿਯਾ ਸਮਾਪਤ੍ਤਿਯਾ’’ਤਿ (ਮ॰ ਨਿ॰ ੧.੪੫੮)। ਯਥਾ વਾ ਅਞ੍ਞਤ੍ਥ ਪਹੀਨਾਪਿ ਸਕ੍ਕਾਯਦਿਟ੍ਠਿਆਦਯੋ ਤਤਿਯਮਗ੍ਗਸ੍ਸ વਣ੍ਣਭਣਨਤ੍ਥਂ ‘‘ਤਤ੍ਥ ਪਹੀਨਾ’’ਤਿ વੁਤ੍ਤਾ, ਏવਂ વਣ੍ਣਭਣਨਤ੍ਥਮ੍ਪੇਤਸ੍ਸ ਝਾਨਸ੍ਸੇਤਾ ਇਧ વੁਤ੍ਤਾਤਿਪਿ વੇਦਿਤਬ੍ਬਾ। ਪਚ੍ਚਯਘਾਤੇਨ વਾ ਏਤ੍ਥ ਰਾਗਦੋਸਾਨਂ ਅਤਿਦੂਰਭਾવਂ ਦਸ੍ਸੇਤੁਮ੍ਪੇਤਾ વੁਤ੍ਤਾਤਿ વੇਦਿਤਬ੍ਬਾ। ਏਤਾਸੁ ਹਿ ਸੁਖਂ ਸੋਮਨਸ੍ਸਸ੍ਸ ਪਚ੍ਚਯੋ, ਸੋਮਨਸ੍ਸਂ ਰਾਗਸ੍ਸ, ਦੁਕ੍ਖਂ ਦੋਮਨਸ੍ਸਸ੍ਸ, ਦੋਮਨਸ੍ਸਂ ਦੋਸਸ੍ਸ। ਸੁਖਾਦਿਘਾਤੇਨ ਚ ਤੇ ਸਪ੍ਪਚ੍ਚਯਾ ਰਾਗਦੋਸਾ ਹਤਾਤਿ ਅਤਿਦੂਰੇ ਹੋਨ੍ਤੀਤਿ।

    Api ca adukkhamasukhāya cetovimuttiyā paccayadassanatthañcāpi etā vuttāti veditabbā. Dukkhappahānādayo hi tassā paccayā. Yathāha – ‘‘cattāro kho, āvuso, paccayā adukkhamasukhāya cetovimuttiyā samāpattiyā. Idhāvuso, bhikkhu sukhassa ca pahānā …pe… catutthaṃ jhānaṃ upasampajja viharati. Ime kho, āvuso, cattāro paccayā adukkhamasukhāya cetovimuttiyā samāpattiyā’’ti (ma. ni. 1.458). Yathā vā aññattha pahīnāpi sakkāyadiṭṭhiādayo tatiyamaggassa vaṇṇabhaṇanatthaṃ ‘‘tattha pahīnā’’ti vuttā, evaṃ vaṇṇabhaṇanatthampetassa jhānassetā idha vuttātipi veditabbā. Paccayaghātena vā ettha rāgadosānaṃ atidūrabhāvaṃ dassetumpetā vuttāti veditabbā. Etāsu hi sukhaṃ somanassassa paccayo, somanassaṃ rāgassa, dukkhaṃ domanassassa, domanassaṃ dosassa. Sukhādighātena ca te sappaccayā rāgadosā hatāti atidūre hontīti.

    ਅਦੁਕ੍ਖਮਸੁਖਨ੍ਤਿ ਦੁਕ੍ਖਾਭਾવੇਨ ਅਦੁਕ੍ਖਂ, ਸੁਖਾਭਾવੇਨ ਅਸੁਖਂ। ਏਤੇਨੇਤ੍ਥ ਸੁਖਦੁਕ੍ਖਪਟਿਪਕ੍ਖਭੂਤਂ ਤਤਿਯવੇਦਨਂ ਦੀਪੇਤਿ, ਨ ਦੁਕ੍ਖਸੁਖਾਭਾવਮਤ੍ਤਂ। ਤਤਿਯવੇਦਨਾ ਨਾਮ ਅਦੁਕ੍ਖਮਸੁਖਾ, ਉਪੇਕ੍ਖਾਤਿਪਿ વੁਚ੍ਚਤਿ। ਸਾ ਇਟ੍ਠਾਨਿਟ੍ਠવਿਪਰੀਤਾਨੁਭવਨਲਕ੍ਖਣਾ, ਮਜ੍ਝਤ੍ਤਰਸਾ, ਅવਿਭੂਤਪਚ੍ਚੁਪਟ੍ਠਾਨਾ, ਸੁਖਨਿਰੋਧਪਦਟ੍ਠਾਨਾਤਿ વੇਦਿਤਬ੍ਬਾ।

    Adukkhamasukhanti dukkhābhāvena adukkhaṃ, sukhābhāvena asukhaṃ. Etenettha sukhadukkhapaṭipakkhabhūtaṃ tatiyavedanaṃ dīpeti, na dukkhasukhābhāvamattaṃ. Tatiyavedanā nāma adukkhamasukhā, upekkhātipi vuccati. Sā iṭṭhāniṭṭhaviparītānubhavanalakkhaṇā, majjhattarasā, avibhūtapaccupaṭṭhānā, sukhanirodhapadaṭṭhānāti veditabbā.

    ਉਪੇਕ੍ਖਾਸਤਿਪਾਰਿਸੁਦ੍ਧਿਨ੍ਤਿ ਉਪੇਕ੍ਖਾਯ ਜਨਿਤਸਤਿਪਾਰਿਸੁਦ੍ਧਿਂ। ਇਮਸ੍ਮਿਞ੍ਹਿ ਝਾਨੇ ਸੁਪਰਿਸੁਦ੍ਧਾ ਸਤਿ, ਯਾ ਚ ਤਸ੍ਸਾ ਸਤਿਯਾ ਪਾਰਿਸੁਦ੍ਧਿ, ਸਾ ਉਪੇਕ੍ਖਾਯ ਕਤਾ, ਨ ਅਞ੍ਞੇਨ। ਤਸ੍ਮਾ ਏਤਂ ‘‘ਉਪੇਕ੍ਖਾਸਤਿਪਾਰਿਸੁਦ੍ਧਿ’’ਨ੍ਤਿ વੁਚ੍ਚਤਿ। ਯਾਯ ਚ ਉਪੇਕ੍ਖਾਯ ਏਤ੍ਥ ਸਤਿ ਪਾਰਿਸੁਦ੍ਧਿ ਹੋਤਿ, ਸਾ ਅਤ੍ਥਤੋ ਤਤ੍ਰਮਜ੍ਝਤ੍ਤਤਾਤਿ વੇਦਿਤਬ੍ਬਾ। ਨ ਕੇવਲਞ੍ਚੇਤ੍ਥ ਤਾਯ ਸਤਿਯੇવ ਪਰਿਸੁਦ੍ਧਾ, ਅਪਿ ਚ ਖੋ ਸਬ੍ਬੇਪਿ ਸਮ੍ਪਯੁਤ੍ਤਧਮ੍ਮਾ, ਸਤਿਸੀਸੇਨ ਪਨ ਦੇਸਨਾ વੁਤ੍ਤਾ।

    Upekkhāsatipārisuddhinti upekkhāya janitasatipārisuddhiṃ. Imasmiñhi jhāne suparisuddhā sati, yā ca tassā satiyā pārisuddhi, sā upekkhāya katā, na aññena. Tasmā etaṃ ‘‘upekkhāsatipārisuddhi’’nti vuccati. Yāya ca upekkhāya ettha sati pārisuddhi hoti, sā atthato tatramajjhattatāti veditabbā. Na kevalañcettha tāya satiyeva parisuddhā, api ca kho sabbepi sampayuttadhammā, satisīsena pana desanā vuttā.

    ਤਤ੍ਥ ਕਿਞ੍ਚਾਪਿ ਅਯਂ ਉਪੇਕ੍ਖਾ ਹੇਟ੍ਠਾਪਿ ਤੀਸੁ ਝਾਨੇਸੁ વਿਜ੍ਜਤਿ, ਯਥਾ ਪਨ ਦਿવਾ ਸੂਰਿਯਪ੍ਪਭਾਭਿਭવਾ ਸੋਮ੍ਮਭਾવੇਨ ਚ ਅਤ੍ਤਨੋ ਉਪਕਾਰਕਤ੍ਤੇਨ વਾ ਸਭਾਗਾਯ ਰਤ੍ਤਿਯਾ ਅਲਾਭਾ ਦਿવਾ વਿਜ੍ਜਮਾਨਾਪਿ ਚਨ੍ਦਲੇਖਾ ਅਪਰਿਸੁਦ੍ਧਾ ਹੋਤਿ ਅਪਰਿਯੋਦਾਤਾ, ਏવਮਯਮ੍ਪਿ ਤਤ੍ਰਮਜ੍ਝਤ੍ਤੁਪੇਕ੍ਖਾਚਨ੍ਦਲੇਖਾ વਿਤਕ੍ਕਾਦਿਪਚ੍ਚਨੀਕਧਮ੍ਮਤੇਜਾਭਿਭવਾ ਸਭਾਗਾਯ ਚ ਉਪੇਕ੍ਖਾવੇਦਨਾਰਤ੍ਤਿਯਾ ਅਪਟਿਲਾਭਾ વਿਜ੍ਜਮਾਨਾਪਿ ਪਠਮਜ੍ਝਾਨਾਦਿਭੇਦੇਸੁ ਅਪਰਿਸੁਦ੍ਧਾ ਹੋਤਿ। ਤਸ੍ਸਾ ਚ ਅਪਰਿਸੁਦ੍ਧਾਯ ਦਿવਾ ਅਪਰਿਸੁਦ੍ਧਚਨ੍ਦਲੇਖਾਯ ਪਭਾ વਿਯ ਸਹਜਾਤਾਪਿ ਸਤਿਆਦਯੋ ਅਪਰਿਸੁਦ੍ਧਾવ ਹੋਨ੍ਤਿ। ਤਸ੍ਮਾ ਤੇਸੁ ਏਕਮ੍ਪਿ ‘‘ਉਪੇਕ੍ਖਾਸਤਿਪਾਰਿਸੁਦ੍ਧਿ’’ਨ੍ਤਿ ਨ વੁਤ੍ਤਂ। ਇਧ ਪਨ વਿਤਕ੍ਕਾਦਿਪਚ੍ਚਨੀਕਧਮ੍ਮਤੇਜਾਭਿਭવਾਭਾવਾ ਸਭਾਗਾਯ ਚ ਉਪੇਕ੍ਖਾવੇਦਨਾਰਤ੍ਤਿਯਾ ਪਟਿਲਾਭਾ ਅਯਂ ਤਤ੍ਰਮਜ੍ਝਤ੍ਤੁਪੇਕ੍ਖਾਚਨ੍ਦਲੇਖਾ ਅਤਿવਿਯ ਪਰਿਸੁਦ੍ਧਾ, ਤਸ੍ਸਾ ਪਰਿਸੁਦ੍ਧਤ੍ਤਾ ਪਰਿਸੁਦ੍ਧਚਨ੍ਦਲੇਖਾਯ ਪਭਾ વਿਯ ਸਹਜਾਤਾਪਿ ਸਤਿਆਦਯੋ ਪਰਿਸੁਦ੍ਧਾ ਹੋਨ੍ਤਿ ਪਰਿਯੋਦਾਤਾ। ਤਸ੍ਮਾ ਇਦਮੇવ ‘‘ਉਪੇਕ੍ਖਾਸਤਿਪਾਰਿਸੁਦ੍ਧਿ’’ਨ੍ਤਿ વੁਤ੍ਤਨ੍ਤਿ વੇਦਿਤਬ੍ਬਂ। ਚਤੁਤ੍ਥਨ੍ਤਿ ਗਣਨਾਨੁਪੁਬ੍ਬਤਾ ਚਤੁਤ੍ਥਂ। ਇਦਂ ਚਤੁਤ੍ਥਂ ਉਪ੍ਪਨ੍ਨਨ੍ਤਿਪਿ ਚਤੁਤ੍ਥਂ।

    Tattha kiñcāpi ayaṃ upekkhā heṭṭhāpi tīsu jhānesu vijjati, yathā pana divā sūriyappabhābhibhavā sommabhāvena ca attano upakārakattena vā sabhāgāya rattiyā alābhā divā vijjamānāpi candalekhā aparisuddhā hoti apariyodātā, evamayampi tatramajjhattupekkhācandalekhā vitakkādipaccanīkadhammatejābhibhavā sabhāgāya ca upekkhāvedanārattiyā apaṭilābhā vijjamānāpi paṭhamajjhānādibhedesu aparisuddhā hoti. Tassā ca aparisuddhāya divā aparisuddhacandalekhāya pabhā viya sahajātāpi satiādayo aparisuddhāva honti. Tasmā tesu ekampi ‘‘upekkhāsatipārisuddhi’’nti na vuttaṃ. Idha pana vitakkādipaccanīkadhammatejābhibhavābhāvā sabhāgāya ca upekkhāvedanārattiyā paṭilābhā ayaṃ tatramajjhattupekkhācandalekhā ativiya parisuddhā, tassā parisuddhattā parisuddhacandalekhāya pabhā viya sahajātāpi satiādayo parisuddhā honti pariyodātā. Tasmā idameva ‘‘upekkhāsatipārisuddhi’’nti vuttanti veditabbaṃ. Catutthanti gaṇanānupubbatā catutthaṃ. Idaṃ catutthaṃ uppannantipi catutthaṃ.

    ਪਞ੍ਞવਾ ਹੋਤੀਤਿ ਪਞ੍ਞਾ ਅਸ੍ਸ ਅਤ੍ਥੀਤਿ ਪਞ੍ਞવਾ। ਉਦਯਤ੍ਥਗਾਮਿਨਿਯਾਤਿ ਉਦਯਗਾਮਿਨਿਯਾ ਚੇવ ਅਤ੍ਥਗਾਮਿਨਿਯਾ ਚ। ਸਮਨ੍ਨਾਗਤੋਤਿ ਪਰਿਪੁਣ੍ਣੋ। ਅਰਿਯਾਯਾਤਿ ਨਿਦ੍ਦੋਸਾਯ। ਨਿਬ੍ਬੇਧਿਕਾਯਾਤਿ ਨਿਬ੍ਬੇਧਪਕ੍ਖਿਕਾਯ। ਦੁਕ੍ਖਕ੍ਖਯਗਾਮਿਨਿਯਾਤਿ ਨਿਬ੍ਬਾਨਗਾਮਿਨਿਯਾ। ਸੋ ਇਦਂ ਦੁਕ੍ਖਨ੍ਤਿ ਏવਮਾਦੀਸੁ ‘‘ਏਤ੍ਤਕਂ ਦੁਕ੍ਖਂ ਨ ਇਤੋ ਭਿਯ੍ਯੋ’’ਤਿ ਸਬ੍ਬਮ੍ਪਿ ਦੁਕ੍ਖਸਚ੍ਚਂ ਸਰਸਲਕ੍ਖਣਪਟਿવੇਧੇਨ ਯਥਾਭੂਤਂ ਪਜਾਨਾਤਿ ਪਟਿવਿਜ੍ਝਤਿ। ਤਸ੍ਸ ਚ ਦੁਕ੍ਖਸ੍ਸ ਨਿਬ੍ਬਤ੍ਤਿਕਂ ਤਣ੍ਹਂ ‘‘ਅਯਂ ਦੁਕ੍ਖਸਮੁਦਯੋ’’ਤਿ। ਤਦੁਭਯਮ੍ਪਿ ਯਂ ਠਾਨਂ ਪਤ੍વਾ ਨਿਰੁਜ੍ਝਤਿ, ਤਂ ਤੇਸਂ ਅਪ੍ਪવਤ੍ਤਿਂ ਨਿਬ੍ਬਾਨਂ ‘‘ਅਯਂ ਦੁਕ੍ਖਨਿਰੋਧੋ’’ਤਿ। ਤਸ੍ਸ ਚ ਸਮ੍ਪਾਪਕਂ ਅਰਿਯਮਗ੍ਗਂ ‘‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’’ਤਿ ਸਰਸਲਕ੍ਖਣਪਟਿવੇਧੇਨ ਯਥਾਭੂਤਂ ਪਜਾਨਾਤਿ ਪਟਿવਿਜ੍ਝਤੀਤਿ ਏવਮਤ੍ਥੋ વੇਦਿਤਬ੍ਬੋ।

    Paññavā hotīti paññā assa atthīti paññavā. Udayatthagāminiyāti udayagāminiyā ceva atthagāminiyā ca. Samannāgatoti paripuṇṇo. Ariyāyāti niddosāya. Nibbedhikāyāti nibbedhapakkhikāya. Dukkhakkhayagāminiyāti nibbānagāminiyā. So idaṃ dukkhanti evamādīsu ‘‘ettakaṃ dukkhaṃ na ito bhiyyo’’ti sabbampi dukkhasaccaṃ sarasalakkhaṇapaṭivedhena yathābhūtaṃ pajānāti paṭivijjhati. Tassa ca dukkhassa nibbattikaṃ taṇhaṃ ‘‘ayaṃ dukkhasamudayo’’ti. Tadubhayampi yaṃ ṭhānaṃ patvā nirujjhati, taṃ tesaṃ appavattiṃ nibbānaṃ ‘‘ayaṃ dukkhanirodho’’ti. Tassa ca sampāpakaṃ ariyamaggaṃ ‘‘ayaṃ dukkhanirodhagāminī paṭipadā’’ti sarasalakkhaṇapaṭivedhena yathābhūtaṃ pajānāti paṭivijjhatīti evamattho veditabbo.

    ਏવਂ ਸਰੂਪਤੋ ਸਚ੍ਚਾਨਿ ਦਸ੍ਸੇਤ੍વਾ ਇਦਾਨਿ ਕਿਲੇਸવਸੇਨ ਪਰਿਯਾਯਤੋ ਦਸ੍ਸੇਨ੍ਤੋ ‘‘ਇਮੇ ਆਸવਾ’’ਤਿਆਦਿਮਾਹ। ਤੇ વੁਤ੍ਤਨਯੇਨੇવ વੇਦਿਤਬ੍ਬਾ। ਏવਂ ਤਿਸ੍ਸੋ ਸਿਕ੍ਖਾਯੋ ਦਸ੍ਸੇਤ੍વਾ ਇਦਾਨਿ ਤਾਸਂ ਪਾਰਿਪੂਰਿਕ੍ਕਮਂ ਦਸ੍ਸੇਤੁਂ ‘‘ਇਮਾ ਤਿਸ੍ਸੋ ਸਿਕ੍ਖਾਯੋ ਆવਜ੍ਜਨ੍ਤੋ ਸਿਕ੍ਖੇਯ੍ਯਾ’’ਤਿਆਦਿਮਾਹ। ਤਸ੍ਸਤ੍ਥੋ – ਪਚ੍ਚੇਕਂ ਪਰਿਪੂਰੇਤੁਂ ਆવਜ੍ਜਨ੍ਤੋਪਿ ਸਿਕ੍ਖੇਯ੍ਯ, ਆવਜ੍ਜਿਤ੍વਾਪਿ ‘‘ਅਯਂ ਨਾਮ ਸਿਕ੍ਖਾ’’ਤਿ ਜਾਨਨ੍ਤੋਪਿ ਸਿਕ੍ਖੇਯ੍ਯ, ਜਾਨਿਤ੍વਾ ਪੁਨਪ੍ਪੁਨਂ ਪਸ੍ਸਨ੍ਤੋਪਿ ਸਿਕ੍ਖੇਯ੍ਯ, ਪਸ੍ਸਿਤ੍વਾ ਯਥਾਦਿਟ੍ਠਂ ਪਚ੍ਚવੇਕ੍ਖਨ੍ਤੋਪਿ ਸਿਕ੍ਖੇਯ੍ਯ, ਪਚ੍ਚવੇਕ੍ਖਿਤ੍વਾ ਤਤ੍ਥੇવ ਚਿਤ੍ਤਂ ਅਚਲਂ ਕਤ੍વਾ ਪਤਿਟ੍ਠਪੇਨ੍ਤੋਪਿ ਸਿਕ੍ਖੇਯ੍ਯ, ਤਂਤਂਸਿਕ੍ਖਾਸਮ੍ਪਯੁਤ੍ਤਸਦ੍ਧਾવੀਰਿਯਸਤਿਸਮਾਧਿਪਞ੍ਞਾਹਿ ਸਕਸਕਕਿਚ੍ਚਂ ਕਰੋਨ੍ਤੋਪਿ ਸਿਕ੍ਖੇਯ੍ਯ, ਅਭਿਞ੍ਞੇਯ੍ਯਾਭਿਜਾਨਨਕਾਲੇਪਿ ਤਂ ਤਂ ਕਿਚ੍ਚਂ ਕਰੋਨ੍ਤੋਪਿ ਤਿਸ੍ਸੋ ਸਿਕ੍ਖਾਯੋ ਸਿਕ੍ਖੇਯ੍ਯ, ਅਧਿਸੀਲਂ ਆਚਰੇਯ੍ਯ, ਅਧਿਚਿਤ੍ਤਂ ਸਮ੍ਮਾ ਚਰੇਯ੍ਯ, ਅਧਿਪਞ੍ਞਂ ਸਮਾਦਾਯ વਤ੍ਤੇਯ੍ਯ।

    Evaṃ sarūpato saccāni dassetvā idāni kilesavasena pariyāyato dassento ‘‘ime āsavā’’tiādimāha. Te vuttanayeneva veditabbā. Evaṃ tisso sikkhāyo dassetvā idāni tāsaṃ pāripūrikkamaṃ dassetuṃ ‘‘imā tisso sikkhāyo āvajjanto sikkheyyā’’tiādimāha. Tassattho – paccekaṃ paripūretuṃ āvajjantopi sikkheyya, āvajjitvāpi ‘‘ayaṃ nāma sikkhā’’ti jānantopi sikkheyya, jānitvā punappunaṃ passantopi sikkheyya, passitvā yathādiṭṭhaṃ paccavekkhantopi sikkheyya, paccavekkhitvā tattheva cittaṃ acalaṃ katvā patiṭṭhapentopi sikkheyya, taṃtaṃsikkhāsampayuttasaddhāvīriyasatisamādhipaññāhi sakasakakiccaṃ karontopi sikkheyya, abhiññeyyābhijānanakālepi taṃ taṃ kiccaṃ karontopi tisso sikkhāyo sikkheyya, adhisīlaṃ ācareyya, adhicittaṃ sammā careyya, adhipaññaṃ samādāya vatteyya.

    ਇਧਾਤਿ ਮੂਲਪਦਂ। ਇਮਿਸ੍ਸਾ ਦਿਟ੍ਠਿਯਾਤਿਆਦੀਹਿ ਦਸਹਿ ਪਦੇਹਿ ਸਿਕ੍ਖਤ੍ਤਯਸਙ੍ਖਾਤਂ ਸਬ੍ਬਞ੍ਞੁਬੁਦ੍ਧਸਾਸਨਮੇવ ਕਥਿਤਂ। ਤਞ੍ਹਿ ਬੁਦ੍ਧੇਨ ਭਗવਤਾ ਦਿਟ੍ਠਤ੍ਤਾ ਦਿਟ੍ਠੀਤਿ વੁਚ੍ਚਤਿ। ਤਸ੍ਸੇવ ਖਮਨવਸੇਨ ਖਨ੍ਤਿ, ਰੁਚ੍ਚਨવਸੇਨ ਰੁਚਿ, ਗਹਣવਸੇਨ ਆਦਾਯੋ, ਸਭਾવਟ੍ਠੇਨ ਧਮ੍ਮੋ, ਸਿਕ੍ਖਿਤਬ੍ਬਟ੍ਠੇਨ વਿਨਯੋ, ਤਦੁਭਯੇਨਪਿ ਧਮ੍ਮવਿਨਯੋ, ਪવੁਤ੍ਤવਸੇਨ ਪਾવਚਨਂ, ਸੇਟ੍ਠਚਰਿਯਟ੍ਠੇਨ ਬ੍ਰਹ੍ਮਚਰਿਯਂ, ਅਨੁਸਿਟ੍ਠਿਦਾਨવਸੇਨ ਸਤ੍ਥੁਸਾਸਨਨ੍ਤਿ વੁਚ੍ਚਤਿ। ਤਸ੍ਮਾ ‘‘ਇਮਿਸ੍ਸਾ ਦਿਟ੍ਠਿਯਾ’’ਤਿਆਦੀਸੁ ਇਮਿਸ੍ਸਾ ਬੁਦ੍ਧਦਿਟ੍ਠਿਯਾ ਇਮਿਸ੍ਸਾ ਬੁਦ੍ਧਖਨ੍ਤਿਯਾ ਇਮਿਸ੍ਸਾ ਬੁਦ੍ਧਰੁਚਿਯਾ ਇਮਸ੍ਮਿਂ ਬੁਦ੍ਧਆਦਾਯੇ ਇਮਸ੍ਮਿਂ ਬੁਦ੍ਧਧਮ੍ਮੇ ਇਮਸ੍ਮਿਂ ਬੁਦ੍ਧવਿਨਯੇ।

    Idhāti mūlapadaṃ. Imissā diṭṭhiyātiādīhi dasahi padehi sikkhattayasaṅkhātaṃ sabbaññubuddhasāsanameva kathitaṃ. Tañhi buddhena bhagavatā diṭṭhattā diṭṭhīti vuccati. Tasseva khamanavasena khanti, ruccanavasena ruci, gahaṇavasena ādāyo, sabhāvaṭṭhena dhammo, sikkhitabbaṭṭhena vinayo, tadubhayenapi dhammavinayo, pavuttavasena pāvacanaṃ, seṭṭhacariyaṭṭhena brahmacariyaṃ, anusiṭṭhidānavasena satthusāsananti vuccati. Tasmā ‘‘imissā diṭṭhiyā’’tiādīsu imissā buddhadiṭṭhiyā imissā buddhakhantiyā imissā buddharuciyā imasmiṃ buddhaādāye imasmiṃ buddhadhamme imasmiṃ buddhavinaye.

    ‘‘ਯੇ ਖੋ ਤ੍વਂ, ਗੋਤਮਿ, ਧਮ੍ਮੇ ਜਾਨੇਯ੍ਯਾਸਿ ‘ਇਮੇ ਧਮ੍ਮਾ ਸਰਾਗਾਯ ਸਂવਤ੍ਤਨ੍ਤਿ, ਨੋ વਿਰਾਗਾਯ, ਸਞ੍ਞੋਗਾਯ ਸਂવਤ੍ਤਨ੍ਤਿ, ਨੋ વਿਸਞ੍ਞੋਗਾਯ, ਆਚਯਾਯ ਸਂવਤ੍ਤਨ੍ਤਿ, ਨੋ ਅਪਚਯਾਯ, ਮਹਿਚ੍ਛਤਾਯ ਸਂવਤ੍ਤਨ੍ਤਿ, ਨੋ ਅਪ੍ਪਿਚ੍ਛਤਾਯ, ਅਸਨ੍ਤੁਟ੍ਠਿਯਾ ਸਂવਤ੍ਤਨ੍ਤਿ, ਨੋ ਸਨ੍ਤੁਟ੍ਠਿਯਾ, ਸਙ੍ਗਣਿਕਾਯ ਸਂવਤ੍ਤਨ੍ਤਿ , ਨੋ ਪવਿવੇਕਾਯ, ਕੋਸਜ੍ਜਾਯ ਸਂવਤ੍ਤਨ੍ਤਿ, ਨੋ વੀਰਿਯਾਰਮ੍ਭਾਯ, ਦੁਬ੍ਭਰਤਾਯ ਸਂવਤ੍ਤਨ੍ਤਿ, ਨੋ ਸੁਭਰਤਾਯਾ’ਤਿ। ਏਕਂਸੇਨ, ਗੋਤਮਿ, ਧਾਰੇਯ੍ਯਾਸਿ ‘ਨੇਸੋ ਧਮ੍ਮੋ, ਨੇਸੋ વਿਨਯੋ, ਨੇਤਂ ਸਤ੍ਥੁਸਾਸਨ’ਨ੍ਤਿ।

    ‘‘Ye kho tvaṃ, gotami, dhamme jāneyyāsi ‘ime dhammā sarāgāya saṃvattanti, no virāgāya, saññogāya saṃvattanti, no visaññogāya, ācayāya saṃvattanti, no apacayāya, mahicchatāya saṃvattanti, no appicchatāya, asantuṭṭhiyā saṃvattanti, no santuṭṭhiyā, saṅgaṇikāya saṃvattanti , no pavivekāya, kosajjāya saṃvattanti, no vīriyārambhāya, dubbharatāya saṃvattanti, no subharatāyā’ti. Ekaṃsena, gotami, dhāreyyāsi ‘neso dhammo, neso vinayo, netaṃ satthusāsana’nti.

    ‘‘ਯੇ ਚ ਖੋ ਤ੍વਂ, ਗੋਤਮਿ, ਧਮ੍ਮੇ ਜਾਨੇਯ੍ਯਾਸਿ ‘ਇਮੇ ਧਮ੍ਮਾ વਿਰਾਗਾਯ ਸਂવਤ੍ਤਨ੍ਤਿ, ਨੋ ਸਰਾਗਾਯ…ਪੇ॰… ਸੁਭਰਤਾਯ ਸਂવਤ੍ਤਨ੍ਤਿ, ਨੋ ਦੁਬ੍ਭਰਤਾਯਾ’ਤਿ। ਏਕਂਸੇਨ, ਗੋਤਮਿ, ਧਾਰੇਯ੍ਯਾਸਿ ‘ਏਸੋ ਧਮ੍ਮੋ, ਏਸੋ વਿਨਯੋ, ਏਤਂ ਸਤ੍ਥੁਸਾਸਨ’’’ਨ੍ਤਿ (ਅ॰ ਨਿ॰ ੮.੫੩; ਚੂਲ਼વ॰ ੪੦੬) –

    ‘‘Ye ca kho tvaṃ, gotami, dhamme jāneyyāsi ‘ime dhammā virāgāya saṃvattanti, no sarāgāya…pe… subharatāya saṃvattanti, no dubbharatāyā’ti. Ekaṃsena, gotami, dhāreyyāsi ‘eso dhammo, eso vinayo, etaṃ satthusāsana’’’nti (a. ni. 8.53; cūḷava. 406) –

    ਏવਂ વੁਤ੍ਤੇ ਇਮਸ੍ਮਿਂ ਬੁਦ੍ਧਧਮ੍ਮવਿਨਯੇ ਇਮਸ੍ਮਿਂ ਬੁਦ੍ਧਪਾવਚਨੇ ਇਮਸ੍ਮਿਂ ਬੁਦ੍ਧਬ੍ਰਹ੍ਮਚਰਿਯੇ ਇਮਸ੍ਮਿਂ ਬੁਦ੍ਧਸਾਸਨੇਤਿ ਏવਮਤ੍ਥੋ વੇਦਿਤਬ੍ਬੋ।

    Evaṃ vutte imasmiṃ buddhadhammavinaye imasmiṃ buddhapāvacane imasmiṃ buddhabrahmacariye imasmiṃ buddhasāsaneti evamattho veditabbo.

    ਅਪਿ ਚੇਤਂ ਸਿਕ੍ਖਤ੍ਤਯਸਙ੍ਖਾਤਂ ਸਕਲਂ ਸਾਸਨਂ ਭਗવਤਾ ਦਿਟ੍ਠਤ੍ਤਾ ਸਮ੍ਮਾਦਿਟ੍ਠਿਪਚ੍ਚਯਤ੍ਤਾ ਸਮ੍ਮਾਦਿਟ੍ਠਿਪੁਬ੍ਬਙ੍ਗਮਤ੍ਤਾ ਚ ਦਿਟ੍ਠਿ। ਭਗવਤੋ ਖਮਨવਸੇਨ ਖਨ੍ਤਿ। ਰੁਚ੍ਚਨવਸੇਨ ਰੁਚਿ। ਗਹਣવਸੇਨ ਆਦਾਯੋ। ਅਤ੍ਤਨੋ ਕਾਰਕਂ ਅਪਾਯੇਸੁ ਅਪਤਮਾਨਂ ਕਤ੍વਾ ਧਾਰੇਤੀਤਿ ਧਮ੍ਮੋ। ਸੋવ ਸਂਕਿਲੇਸਪਕ੍ਖਂ વਿਨੇਤੀਤਿ વਿਨਯੋ। ਧਮ੍ਮੋ ਚ ਸੋ વਿਨਯੋ ਚਾਤਿ ਧਮ੍ਮવਿਨਯੋ। ਕੁਸਲਧਮ੍ਮੇਹਿ વਾ ਅਕੁਸਲਧਮ੍ਮਾਨਂ ਏਸ વਿਨਯੋਤਿ ਧਮ੍ਮવਿਨਯੋ। ਤੇਨੇવ વੁਤ੍ਤਂ –

    Api cetaṃ sikkhattayasaṅkhātaṃ sakalaṃ sāsanaṃ bhagavatā diṭṭhattā sammādiṭṭhipaccayattā sammādiṭṭhipubbaṅgamattā ca diṭṭhi. Bhagavato khamanavasena khanti. Ruccanavasena ruci. Gahaṇavasena ādāyo. Attano kārakaṃ apāyesu apatamānaṃ katvā dhāretīti dhammo. Sova saṃkilesapakkhaṃ vinetīti vinayo. Dhammo ca so vinayo cāti dhammavinayo. Kusaladhammehi vā akusaladhammānaṃ esa vinayoti dhammavinayo. Teneva vuttaṃ –

    ‘‘ਯੇ ਚ ਖੋ ਤ੍વਂ, ਗੋਤਮਿ, ਧਮ੍ਮੇ ਜਾਨੇਯ੍ਯਾਸਿ ‘ਇਮੇ ਧਮ੍ਮਾ વਿਰਾਗਾਯ ਸਂવਤ੍ਤਨ੍ਤਿ, ਨੋ ਸਰਾਗਾਯ…ਪੇ॰… ਏਕਂਸੇਨ ਗੋਤਮਿ ਧਾਰੇਯ੍ਯਾਸਿ ‘ਏਸੋ ਧਮ੍ਮੋ, ਏਸੋ વਿਨਯੋ, ਏਤਂ ਸਤ੍ਥੁਸਾਸਨ’’’ਨ੍ਤਿ (ਅ॰ ਨਿ॰ ੮.੫੩; ਚੂਲ਼વ॰ ੪੦੬)।

    ‘‘Ye ca kho tvaṃ, gotami, dhamme jāneyyāsi ‘ime dhammā virāgāya saṃvattanti, no sarāgāya…pe… ekaṃsena gotami dhāreyyāsi ‘eso dhammo, eso vinayo, etaṃ satthusāsana’’’nti (a. ni. 8.53; cūḷava. 406).

    ਧਮ੍ਮੇਨ વਾ વਿਨਯੋ, ਨ ਦਣ੍ਡਾਦੀਹੀਤਿ ਧਮ੍ਮવਿਨਯੋ। વੁਤ੍ਤਮ੍ਪਿ ਚੇਤਂ –

    Dhammena vā vinayo, na daṇḍādīhīti dhammavinayo. Vuttampi cetaṃ –

    ‘‘ਦਣ੍ਡੇਨੇਕੇ ਦਮਯਨ੍ਤਿ, ਅਙ੍ਕੁਸੇਹਿ ਕਸਾਹਿ ਚ।

    ‘‘Daṇḍeneke damayanti, aṅkusehi kasāhi ca;

    ਅਦਣ੍ਡੇਨ ਅਸਤ੍ਥੇਨ, ਨਾਗੋ ਦਨ੍ਤੋ ਮਹੇਸਿਨਾ’’ਤਿ॥ (ਚੂਲ਼વ॰ ੩੪੨; ਮ॰ ਨਿ॰ ੨.੩੫੨)।

    Adaṇḍena asatthena, nāgo danto mahesinā’’ti. (cūḷava. 342; ma. ni. 2.352);

    ਤਥਾ –

    Tathā –

    ‘‘ਧਮ੍ਮੇਨ ਨੀਯਮਾਨਾਨਂ, ਕਾ ਉਸੂਯਾ વਿਜਾਨਤ’’ਨ੍ਤਿ॥ (ਮਹਾવ॰ ੬੩)।

    ‘‘Dhammena nīyamānānaṃ, kā usūyā vijānata’’nti. (mahāva. 63);

    ਧਮ੍ਮਾਯ વਾ વਿਨਯੋ ਧਮ੍ਮવਿਨਯੋ। ਅਨવਜ੍ਜਧਮ੍ਮਤ੍ਥਞ੍ਹੇਸ વਿਨਯੋ, ਨ ਭવਭੋਗਾਮਿਸਤ੍ਥਂ। ਤੇਨਾਹ ਭਗવਾ ‘‘ਨਯਿਦਂ, ਭਿਕ੍ਖવੇ, ਬ੍ਰਹ੍ਮਚਰਿਯਂ વੁਸ੍ਸਤਿ ਜਨਕੁਹਨਤ੍ਥ’’ਨ੍ਤਿ (ਅ॰ ਨਿ॰ ੪.੨੫) વਿਤ੍ਥਾਰੋ। ਪੁਣ੍ਣਤ੍ਥੇਰੋਪਿ ਆਹ ‘‘ਅਨੁਪਾਦਾਪਰਿਨਿਬ੍ਬਾਨਤ੍ਥਂ ਖੋ, ਆવੁਸੋ, ਭਗવਤਿ ਬ੍ਰਹ੍ਮਚਰਿਯਂ વੁਸ੍ਸਤੀ’’ਤਿ (ਮ॰ ਨਿ॰ ੧.੨੫੯)। વਿਸਿਟ੍ਠਂ વਾ ਨਯਤੀਤਿ વਿਨਯੋ। ਧਮ੍ਮਤੋ વਿਨਯੋ ਧਮ੍ਮવਿਨਯੋ। ਸਂਸਾਰਧਮ੍ਮਤੋ ਹਿ ਸੋਕਾਦਿਧਮ੍ਮਤੋ વਾ ਏਸ વਿਸਿਟ੍ਠਂ ਨਿਬ੍ਬਾਨਂ ਨਯਤਿ। ਧਮ੍ਮਸ੍ਸ વਾ વਿਨਯੋ, ਨ ਤਿਤ੍ਥਕਰਾਨਨ੍ਤਿ ਧਮ੍ਮવਿਨਯੋ। ਧਮ੍ਮਭੂਤੋ ਹਿ ਭਗવਾ, ਤਸ੍ਸੇવ વਿਨਯੋ।

    Dhammāya vā vinayo dhammavinayo. Anavajjadhammatthañhesa vinayo, na bhavabhogāmisatthaṃ. Tenāha bhagavā ‘‘nayidaṃ, bhikkhave, brahmacariyaṃ vussati janakuhanattha’’nti (a. ni. 4.25) vitthāro. Puṇṇattheropi āha ‘‘anupādāparinibbānatthaṃ kho, āvuso, bhagavati brahmacariyaṃ vussatī’’ti (ma. ni. 1.259). Visiṭṭhaṃ vā nayatīti vinayo. Dhammato vinayo dhammavinayo. Saṃsāradhammato hi sokādidhammato vā esa visiṭṭhaṃ nibbānaṃ nayati. Dhammassa vā vinayo, na titthakarānanti dhammavinayo. Dhammabhūto hi bhagavā, tasseva vinayo.

    ਯਸ੍ਮਾ વਾ ਧਮ੍ਮਾ ਏવ ਅਭਿਞ੍ਞੇਯ੍ਯਾ ਪਰਿਞ੍ਞੇਯ੍ਯਾ ਪਹਾਤਬ੍ਬਾ ਭਾવੇਤਬ੍ਬਾ ਸਚ੍ਛਿਕਾਤਬ੍ਬਾ ਚ, ਤਸ੍ਮਾ ਏਸ ਧਮ੍ਮੇਸੁ વਿਨਯੋ, ਨ ਸਤ੍ਤੇਸੁ ਨ ਜੀવੇਸੁ ਚਾਤਿ ਧਮ੍ਮવਿਨਯੋ। ਸਾਤ੍ਥਸਬ੍ਯਞ੍ਜਨਤਾਦੀਹਿ ਅਞ੍ਞੇਸਂ વਚਨਤੋ ਪਧਾਨਂ વਚਨਨ੍ਤਿ ਪવਚਨਂ, ਪવਚਨਮੇવ ਪਾવਚਨਂ। ਸਬ੍ਬਚਰਿਯਾਹਿ વਿਸਿਟ੍ਠਚਰਿਯਭਾવੇਨ ਬ੍ਰਹ੍ਮਚਰਿਯਂ। ਦੇવਮਨੁਸ੍ਸਾਨਂ ਸਤ੍ਥੁਭੂਤਸ੍ਸ ਭਗવਤੋ ਸਾਸਨਨ੍ਤਿ ਸਤ੍ਥੁਸਾਸਨਂ। ਸਤ੍ਥੁਭੂਤਂ વਾ ਸਾਸਨਨ੍ਤਿਪਿ ਸਤ੍ਥੁਸਾਸਨਂ। ‘‘ਸੋ વੋ ਮਮਚ੍ਚਯੇਨ ਸਤ੍ਥਾਤਿ (ਦੀ॰ ਨਿ॰ ੨.੨੧੬) ਹਿ ਧਮ੍ਮવਿਨਯੋવ ਸਤ੍ਥਾ’’ਤਿ વੁਤ੍ਤੋਤਿ ਏવਮੇਤੇਸਂ ਪਦਾਨਂ ਅਤ੍ਥੋ વੇਦਿਤਬ੍ਬੋ।

    Yasmā vā dhammā eva abhiññeyyā pariññeyyā pahātabbā bhāvetabbā sacchikātabbā ca, tasmā esa dhammesu vinayo, na sattesu na jīvesu cāti dhammavinayo. Sātthasabyañjanatādīhi aññesaṃ vacanato padhānaṃ vacananti pavacanaṃ, pavacanameva pāvacanaṃ. Sabbacariyāhi visiṭṭhacariyabhāvena brahmacariyaṃ. Devamanussānaṃ satthubhūtassa bhagavato sāsananti satthusāsanaṃ. Satthubhūtaṃ vā sāsanantipi satthusāsanaṃ. ‘‘So vo mamaccayena satthāti (dī. ni. 2.216) hi dhammavinayova satthā’’ti vuttoti evametesaṃ padānaṃ attho veditabbo.

    ਯਸ੍ਮਾ ਪਨ ਇਮਸ੍ਮਿਂਯੇવ ਸਾਸਨੇ ਸਬ੍ਬਪ੍ਪਕਾਰਜ੍ਝਾਨਨਿਬ੍ਬਤ੍ਤਕੋ ਭਿਕ੍ਖੁ ਦਿਸ੍ਸਤਿ, ਨ ਅਞ੍ਞਤ੍ਰ, ਤਸ੍ਮਾ ਤਤ੍ਥ ਤਤ੍ਥ ‘‘ਇਮਿਸ੍ਸਾ’’ਤਿ ਚ ‘‘ਇਮਸ੍ਮਿ’’ਨ੍ਤਿ ਚ ਅਯਂ ਨਿਯਮੋ ਕਤੋਤਿ વੇਦਿਤਬ੍ਬੋ।

    Yasmā pana imasmiṃyeva sāsane sabbappakārajjhānanibbattako bhikkhu dissati, na aññatra, tasmā tattha tattha ‘‘imissā’’ti ca ‘‘imasmi’’nti ca ayaṃ niyamo katoti veditabbo.

    ਜੀવਨ੍ਤਿ ਤੇਨ ਤਂਸਮ੍ਪਯੁਤ੍ਤਕਾ ਧਮ੍ਮਾਤਿ ਜੀવਿਤਂ। ਅਨੁਪਾਲਨਲਕ੍ਖਣੇ ਇਨ੍ਦਟ੍ਠਂ ਕਾਰੇਤੀਤਿ ਇਨ੍ਦ੍ਰਿਯਂ। ਜੀવਿਤਮੇવ ਇਨ੍ਦ੍ਰਿਯਂ ਜੀવਿਤਿਨ੍ਦ੍ਰਿਯਂ। ਤਂ ਪવਤ੍ਤਸਨ੍ਤਤਾਧਿਪਤੇਯ੍ਯਂ ਹੋਤਿ। ਲਕ੍ਖਣਾਦੀਹਿ ਪਨ ਅਤ੍ਤਨਾ ਅવਿਨਿਭੁਤ੍ਤਾਨਂ ਧਮ੍ਮਾਨਂ ਅਨੁਪਾਲਨਲਕ੍ਖਣਂ ਜੀવਿਤਿਨ੍ਦ੍ਰਿਯਂ, ਤੇਸਂ ਪવਤ੍ਤਨਰਸਂ, ਤੇਸਂਯੇવ ਠਪਨਪਚ੍ਚੁਪਟ੍ਠਾਨਂ, ਯਾਪਯਿਤਬ੍ਬਧਮ੍ਮਪਦਟ੍ਠਾਨਂ। ਸਨ੍ਤੇਪਿ ਚ ਅਨੁਪਾਲਨਲਕ੍ਖਣਾਦਿਮ੍ਹਿ વਿਧਾਨੇ ਅਤ੍ਥਿਕ੍ਖਣੇਯੇવ ਤਂ ਤੇ ਧਮ੍ਮੇ ਅਨੁਪਾਲੇਤਿ, ਉਦਕਂ વਿਯ ਉਪ੍ਪਲਾਦੀਨਿ। ਯਥਾਸਕਂ ਪਚ੍ਚਯੇਹਿ ਉਪ੍ਪਨ੍ਨੇਪਿ ਚ ਧਮ੍ਮੇ ਪਾਲੇਤਿ, ਧਾਤਿ વਿਯ ਕੁਮਾਰਂ, ਸਯਂਪવਤ੍ਤਿਤਧਮ੍ਮਸਮ੍ਬਨ੍ਧੇਨੇવ ਚ ਪવਤ੍ਤਤਿ, ਨਿਯਾਮਕੋ વਿਯ ਨਾવਂ। ਨ ਭਙ੍ਗਤੋ ਉਦ੍ਧਂ ਪવਤ੍ਤਯਤਿ, ਅਤ੍ਤਨੋ ਚ ਪવਤ੍ਤਯਿਤਬ੍ਬਾਨਞ੍ਚ ਅਭਾવਾ। ਨ ਭਙ੍ਗਕ੍ਖਣੇ ਠਪੇਤਿ, ਸਯਂ ਭਿਜ੍ਜਮਾਨਤ੍ਤਾ, ਖੀਯਮਾਨੋ વਿਯ વਟ੍ਟਿਸਿਨੇਹੋ ਪਦੀਪਸਿਖਂ, ਨ ਚ ਅਨੁਪਾਲਨਪવਤ੍ਤਨਟ੍ਠਪਨਾਨੁਭਾવવਿਰਹਿਤਂ , ਯਥਾવੁਤ੍ਤਕ੍ਖਣੇ ਤਸ੍ਸ ਤਸ੍ਸ ਸਾਧਨਤੋਤਿ ਦਟ੍ਠਬ੍ਬਂ। ਠਿਤਿਪਰਿਤ੍ਤਤਾਯ વਾਤਿ ਠਿਤਿਕ੍ਖਣਸ੍ਸ ਮਨ੍ਦਤਾਯ ਥੋਕਤਾਯ। ਅਪ੍ਪਕਨ੍ਤਿ ਮਨ੍ਦਂ ਲਾਮਕਂ। ਸਰਸਪਰਿਤ੍ਤਤਾਯ વਾਤਿ ਅਤ੍ਤਨੋ ਪਚ੍ਚਯਭੂਤਾਨਂ ਕਿਚ੍ਚਾਨਂ ਸਮ੍ਪਤ੍ਤੀਨਂ વਾ ਅਪ੍ਪਤਾਯ ਦੁਬ੍ਬਲਤਾਯ।

    Jīvanti tena taṃsampayuttakā dhammāti jīvitaṃ. Anupālanalakkhaṇe indaṭṭhaṃ kāretīti indriyaṃ. Jīvitameva indriyaṃ jīvitindriyaṃ. Taṃ pavattasantatādhipateyyaṃ hoti. Lakkhaṇādīhi pana attanā avinibhuttānaṃ dhammānaṃ anupālanalakkhaṇaṃ jīvitindriyaṃ, tesaṃ pavattanarasaṃ, tesaṃyeva ṭhapanapaccupaṭṭhānaṃ, yāpayitabbadhammapadaṭṭhānaṃ. Santepi ca anupālanalakkhaṇādimhi vidhāne atthikkhaṇeyeva taṃ te dhamme anupāleti, udakaṃ viya uppalādīni. Yathāsakaṃ paccayehi uppannepi ca dhamme pāleti, dhāti viya kumāraṃ, sayaṃpavattitadhammasambandheneva ca pavattati, niyāmako viya nāvaṃ. Na bhaṅgato uddhaṃ pavattayati, attano ca pavattayitabbānañca abhāvā. Na bhaṅgakkhaṇe ṭhapeti, sayaṃ bhijjamānattā, khīyamāno viya vaṭṭisineho padīpasikhaṃ, na ca anupālanapavattanaṭṭhapanānubhāvavirahitaṃ , yathāvuttakkhaṇe tassa tassa sādhanatoti daṭṭhabbaṃ. Ṭhitiparittatāya vāti ṭhitikkhaṇassa mandatāya thokatāya. Appakanti mandaṃ lāmakaṃ. Sarasaparittatāya vāti attano paccayabhūtānaṃ kiccānaṃ sampattīnaṃ vā appatāya dubbalatāya.

    ਤੇਸਂ ਦ੍વਿਨ੍ਨਂ ਕਾਰਣਂ વਿਭਾਗਤੋ ਦਸ੍ਸੇਤੁਂ ‘‘ਕਥਂ ਠਿਤਿਪਰਿਤ੍ਤਤਾਯਾ’’ਤਿਆਦਿਮਾਹ। ਤਤ੍ਥ ‘‘ਅਤੀਤੇ ਚਿਤ੍ਤਕ੍ਖਣੇ ਜੀવਿਤ੍ਥਾਤਿ ਏવਮਾਦਿ ਪਞ੍ਚવੋਕਾਰਭવੇ ਪવਤ੍ਤਿਯਂ ਚਿਤ੍ਤਸ੍ਸ ਨਿਰੁਜ੍ਝਨਕਾਲੇ ਸਬ੍ਬਸ੍ਮਿਂ ਰੂਪਾਰੂਪਧਮ੍ਮੇ ਅਨਿਰੁਜ੍ਝਨ੍ਤੇਪਿ ਰੂਪਤੋ ਅਰੂਪਸ੍ਸ ਪਟ੍ਠਾਨਭਾવੇਨ ਅਰੂਪਜੀવਿਤਂ ਸਨ੍ਧਾਯ, ਚੁਤਿਚਿਤ੍ਤੇਨ વਾ ਸਦ੍ਧਿਂ ਸਬ੍ਬੇਸਂ ਰੂਪਾਰੂਪਾਨਂ ਨਿਰੁਜ੍ਝਨਭਾવੇਨ ਪਞ੍ਚવੋਕਾਰਭવੇ ਚੁਤਿਚਿਤ੍ਤਂ ਸਨ੍ਧਾਯ, ਚਤੁવੋਕਾਰਭવੇ ਰੂਪਸ੍ਸ ਅਭਾવੇਨ ਚਤੁવੋਕਾਰਭવਂ ਸਨ੍ਧਾਯ ਕਥਿਤ’’ਨ੍ਤਿ વੇਦਿਤਬ੍ਬਂ। ਅਤੀਤੇ ਚਿਤ੍ਤਕ੍ਖਣੇਤਿ ਅਤੀਤਚਿਤ੍ਤਸ੍ਸ ਭਙ੍ਗਕ੍ਖਣਸਮਙ੍ਗੀਕਾਲੇ ਤਂਸਮਙ੍ਗੀਪੁਗ੍ਗਲੋ ‘‘ਜੀવਿਤ੍ਥ’’ ਇਤਿ વਤ੍ਤੁਂ ਲਬ੍ਭਤਿ। ਨ ਜੀવਤੀਤਿ ‘‘ਜੀવਤੀ’’ਤਿਪਿ વਤ੍ਤੁਂ ਨ ਲਬ੍ਭਤਿ। ਨ ਜੀવਿਸ੍ਸਤੀਤਿ ‘‘ਜੀવਿਸ੍ਸਤੀ’’ਤਿਪਿ વਤ੍ਤੁਂ ਨ ਲਬ੍ਭਤਿ। ਅਨਾਗਤੇ ਚਿਤ੍ਤਕ੍ਖਣੇ ਜੀવਿਸ੍ਸਤੀਤਿ ਅਨਾਗਤਚਿਤ੍ਤਸ੍ਸ ਅਨੁਪ੍ਪਜ੍ਜਨਕ੍ਖਣਸਮਙ੍ਗੀਕਾਲੇ ‘‘ਜੀવਿਸ੍ਸਤੀ’’ਤਿ વਤ੍ਤੁਂ ਲਬ੍ਭਤਿ। ਨ ਜੀવਤੀਤਿ ‘‘ਜੀવਤੀ’’ਤਿ વਤ੍ਤੁਂ ਨ ਲਬ੍ਭਤਿ। ਨ ਜੀવਿਤ੍ਥਾਤਿ ‘‘ਜੀવਿਤ੍ਥ’’ਇਤਿਪਿ વਤ੍ਤੁਂ ਨ ਲਬ੍ਭਤਿ। ਪਚ੍ਚੁਪ੍ਪਨ੍ਨੇ ਚਿਤ੍ਤਕ੍ਖਣੇਤਿ ਪਚ੍ਚੁਪ੍ਪਨ੍ਨਚਿਤ੍ਤਕ੍ਖਣਸਮਙ੍ਗੀਕਾਲੇ। ਜੀવਤੀਤਿ ‘‘ਇਦਾਨਿ ਜੀવਤੀ’’ਤਿ વਤ੍ਤੁਂ ਲਬ੍ਭਤਿ। ਨ ਜੀવਿਤ੍ਥਾਤਿ ‘‘ਜੀવਿਤ੍ਥ’’ਇਤਿ વਤ੍ਤੁਂ ਨ ਲਬ੍ਭਤਿ। ਨ ਜੀવਿਸ੍ਸਤੀਤਿ ‘‘ਜੀવਿਸ੍ਸਤੀ’’ਤਿਪਿ વਤ੍ਤੁਂ ਨ ਲਬ੍ਭਤਿ।

    Tesaṃ dvinnaṃ kāraṇaṃ vibhāgato dassetuṃ ‘‘kathaṃ ṭhitiparittatāyā’’tiādimāha. Tattha ‘‘atīte cittakkhaṇe jīvitthāti evamādi pañcavokārabhave pavattiyaṃ cittassa nirujjhanakāle sabbasmiṃ rūpārūpadhamme anirujjhantepi rūpato arūpassa paṭṭhānabhāvena arūpajīvitaṃ sandhāya, cuticittena vā saddhiṃ sabbesaṃ rūpārūpānaṃ nirujjhanabhāvena pañcavokārabhave cuticittaṃ sandhāya, catuvokārabhave rūpassa abhāvena catuvokārabhavaṃ sandhāya kathita’’nti veditabbaṃ. Atīte cittakkhaṇeti atītacittassa bhaṅgakkhaṇasamaṅgīkāle taṃsamaṅgīpuggalo ‘‘jīvittha’’ iti vattuṃ labbhati. Na jīvatīti ‘‘jīvatī’’tipi vattuṃ na labbhati. Na jīvissatīti ‘‘jīvissatī’’tipi vattuṃ na labbhati. Anāgate cittakkhaṇe jīvissatīti anāgatacittassa anuppajjanakkhaṇasamaṅgīkāle ‘‘jīvissatī’’ti vattuṃ labbhati. Na jīvatīti ‘‘jīvatī’’ti vattuṃ na labbhati. Na jīvitthāti ‘‘jīvittha’’itipi vattuṃ na labbhati. Paccuppanne cittakkhaṇeti paccuppannacittakkhaṇasamaṅgīkāle. Jīvatīti ‘‘idāni jīvatī’’ti vattuṃ labbhati. Na jīvitthāti ‘‘jīvittha’’iti vattuṃ na labbhati. Na jīvissatīti ‘‘jīvissatī’’tipi vattuṃ na labbhati.

    ਜੀવਿਤਂ ਅਤ੍ਤਭਾવੋ ਚ ਸੁਖਦੁਕ੍ਖਾ ਚਾਤਿ ਅਯਂ ਗਾਥਾ ਪਞ੍ਚવੋਕਾਰਭવਂ ਅਮੁਞ੍ਚਿਤ੍વਾ ਲਬ੍ਭਮਾਨਾਯ ਦੁਕ੍ਖਾਯ વੇਦਨਾਯ ਗਹਿਤਤ੍ਤਾ ਪਞ੍ਚવੋਕਾਰਭવਮੇવ ਸਨ੍ਧਾਯ વੁਤ੍ਤਾਤਿ વੇਦਿਤਬ੍ਬਾ। ਕਥਂ? ਜੀવਿਤਨ੍ਤਿ ਜੀવਿਤਸੀਸੇਨ ਸਙ੍ਖਾਰਕ੍ਖਨ੍ਧੋ। ਅਤ੍ਤਭਾવੋਤਿ ਰੂਪਕ੍ਖਨ੍ਧੋ। ‘‘ਉਪੇਕ੍ਖਾ ਪਨ ਸਨ੍ਤਤ੍ਤਾ, ਸੁਖਮਿਚ੍ਚੇવ ਭਾਸਿਤਾ’’ਤਿ (વਿਭ॰ ਅਟ੍ਠ॰ ੨੩੨) વੁਤ੍ਤਤ੍ਤਾ ਉਪੇਕ੍ਖਾવੇਦਨਾ ਅਨ੍ਤੋਕਰਿਤ੍વਾ ਸੁਖਦੁਕ੍ਖਾ ਚਾਤਿ વੇਦਨਾਕ੍ਖਨ੍ਧੋ, ਚਿਤ੍ਤਂ ਇਤਿ વਿਞ੍ਞਾਣਕ੍ਖਨ੍ਧੋ વੁਤ੍ਤੋ। ਇਮੇਸਂ ਚਤੁਨ੍ਨਂ ਖਨ੍ਧਾਨਂ ਕਥਿਤਤ੍ਤਾਯੇવ ਖਨ੍ਧਲਕ੍ਖਣੇਨ ਏਕਲਕ੍ਖਣਭਾવੇਨ ਲਕ੍ਖਣਾਕਾਰવਸੇਨ ਸਞ੍ਞਾਕ੍ਖਨ੍ਧੋਪਿ ਕਥਿਤੋਤਿ વੇਦਿਤਬ੍ਬੋ। ਏવਂ વੁਤ੍ਤੇਸੁ ਪਞ੍ਚਸੁ ਖਨ੍ਧੇਸੁ ਅਰੂਪਧਮ੍ਮਂ ਮੁਞ੍ਚਿਤ੍વਾ ਕਮ੍ਮਸਮੁਟ੍ਠਾਨਾਦਿਰੂਪਸ੍ਸ ਅਪ੍ਪવਤ੍ਤਨਭਾવੇਨ ਏਕਚਿਤ੍ਤਸਮਾਯੁਤ੍ਤਾਤਿ ਅਰੂਪਪਧਾਨਭਾવੋ ਕਥਿਤੋ ਹੋਤਿ। ਕਥਂ? ਅਸਞ੍ਞਸਤ੍ਤੇ ਰੂਪਮ੍ਪਿ ਇਧੁਪਚਿਤਕਮ੍ਮਬਲਂ ਅਮੁਞ੍ਚਿਤ੍વਾવ ਪવਤ੍ਤਤਿ, ਨਿਰੋਧਸਮਾਪਨ੍ਨਾਨਂ ਰੂਪਮ੍ਪਿ ਪਠਮਸਮਾਪਨ੍ਨਸਮਾਪਤ੍ਤਿਬਲਂ ਅਮੁਞ੍ਚਿਤ੍વਾવ ਪવਤ੍ਤਤਿ। ਏવਂ ਅਤ੍ਤਨੋ ਅਪ੍ਪવਤ੍ਤਿਟ੍ਠਾਨੇਪਿ ਰੂਪਪવਤ੍ਤਿਂ ਅਤ੍ਤਨੋ ਸਨ੍ਤਕਮੇવ ਕਤ੍વਾ ਪવਤ੍ਤਨਸਭਾવਸ੍ਸ ਅਰੂਪਧਮ੍ਮਸ੍ਸ ਅਤ੍ਤਨੋ ਪવਤ੍ਤਿਟ੍ਠਾਨੇ ਰੂਪਪવਤ੍ਤਿਯਾ ਪਧਾਨਕਾਰਣਭਾવੇਨ ਏਕਚਿਤ੍ਤਸਮਾਯੁਤ੍ਤਾਤਿ ਚਿਤ੍ਤਪਧਾਨਭਾવੋ ਕਥਿਤੋਤਿ વੇਦਿਤਬ੍ਬੋ।

    Jīvitaṃattabhāvo ca sukhadukkhā cāti ayaṃ gāthā pañcavokārabhavaṃ amuñcitvā labbhamānāya dukkhāya vedanāya gahitattā pañcavokārabhavameva sandhāya vuttāti veditabbā. Kathaṃ? Jīvitanti jīvitasīsena saṅkhārakkhandho. Attabhāvoti rūpakkhandho. ‘‘Upekkhā pana santattā, sukhamicceva bhāsitā’’ti (vibha. aṭṭha. 232) vuttattā upekkhāvedanā antokaritvā sukhadukkhā cāti vedanākkhandho, cittaṃ iti viññāṇakkhandho vutto. Imesaṃ catunnaṃ khandhānaṃ kathitattāyeva khandhalakkhaṇena ekalakkhaṇabhāvena lakkhaṇākāravasena saññākkhandhopi kathitoti veditabbo. Evaṃ vuttesu pañcasu khandhesu arūpadhammaṃ muñcitvā kammasamuṭṭhānādirūpassa appavattanabhāvena ekacittasamāyuttāti arūpapadhānabhāvo kathito hoti. Kathaṃ? Asaññasatte rūpampi idhupacitakammabalaṃ amuñcitvāva pavattati, nirodhasamāpannānaṃ rūpampi paṭhamasamāpannasamāpattibalaṃ amuñcitvāva pavattati. Evaṃ attano appavattiṭṭhānepi rūpapavattiṃ attano santakameva katvā pavattanasabhāvassa arūpadhammassa attano pavattiṭṭhāne rūpapavattiyā padhānakāraṇabhāvena ekacittasamāyuttāti cittapadhānabhāvo kathitoti veditabbo.

    ਏવਂ ਪਞ੍ਚવੋਕਾਰਭવੇ ਪવਤ੍ਤਿਯਂ ਰੂਪਪવਤ੍ਤਿਯਾ ਪਧਾਨਭੂਤਚਿਤ੍ਤਨਿਰੋਧੇਨ ਰੂਪੇ ਧਰਮਾਨੇਯੇવ ਪવਤ੍ਤਾਨਂ ਨਿਰੋਧੋ ਨਾਮ ਹੋਤੀਤਿ ਅਰੂਪਧਮ੍ਮવਸੇਨ ਏવ ‘‘ਲਹੁਸੋ વਤ੍ਤਤੇ ਖਣੋ’’ਤਿ વੁਤ੍ਤਂ। ਅਥ વਾ ਪਞ੍ਚવੋਕਾਰਭવੇ ਚੁਤਿਚਿਤ੍ਤਂ ਸਨ੍ਧਾਯ ਕਥਿਤਾਤਿ વੇਦਿਤਬ੍ਬਾ। ਏવਂ ਕਥਿਯਮਾਨੇ ਸੁਖਦੁਕ੍ਖਾ ਚਾਤਿ ਕਾਯਿਕਚੇਤਸਿਕਸੁਖવੇਦਨਾ ਚ ਕਾਯਿਕਚੇਤਸਿਕਦੁਕ੍ਖવੇਦਨਾ ਚ ਚੁਤਿਚਿਤ੍ਤਕ੍ਖਣੇ ਅਹੋਨ੍ਤੀਪਿ ਏਕਸਨ੍ਤਤਿવਸੇਨ ਚੁਤਿਚਿਤ੍ਤੇਨ ਸਦ੍ਧਿਂ ਨਿਰੁਜ੍ਝਤੀਤਿ ਕਥਿਤਾ। ਚਤੁવੋਕਾਰਭવਂ વਾ ਸਨ੍ਧਾਯ ਕਥਿਤਾਤਿਪਿ વੇਦਿਤਬ੍ਬਾ। ਕਥਂ ? ਅਞ੍ਞਸ੍ਮਿਂ ਠਾਨੇ ਅਤ੍ਤਭਾવੋਤਿ ਸਞ੍ਞਾਕ੍ਖਨ੍ਧਸ੍ਸ વੁਤ੍ਤਭਾવੇਨ ਅਤ੍ਤਭਾવੋਤਿ ਸਞ੍ਞਾਕ੍ਖਨ੍ਧੋવ ਗਹਿਤੋ। ਬ੍ਰਹ੍ਮਲੋਕੇ ਕਾਯਿਕਸੁਖਦੁਕ੍ਖਦੋਮਨਸ੍ਸਂ ਅਹੋਨ੍ਤਮ੍ਪਿ ਸੁਖਦੁਕ੍ਖਾ ਚਾਤਿ વੇਦਨਾਸਾਮਞ੍ਞਤੋ ਲਬ੍ਭਮਾਨੋ વੇਦਨਾਕ੍ਖਨ੍ਧੋ ਗਹਿਤੋਤਿ વੇਦਿਤਬ੍ਬਂ। ਸੇਸਂ વੁਤ੍ਤਸਦਿਸਮੇવ। ਇਮੇਸੁ ਚ ਤੀਸੁ વਿਕਪ੍ਪੇਸੁ ਕੇવਲਾਤਿ ਧੁવਸੁਖਸੁਭਅਤ੍ਤਾ ਨਤ੍ਥਿ, ਕੇવਲਂ ਤੇਹਿ ਅવੋਮਿਸ੍ਸਾ। ਲਹੁਸੋ વਤ੍ਤਤਿ ਖਣੋਤਿ વੁਤ੍ਤਨਯੇਨ ਏਕਚਿਤ੍ਤਕ੍ਖਣਿਕਤਾਯ ਲਹੁਕੋ ਅਤਿਪਰਿਤ੍ਤੋ ਜੀવਿਤਾਦੀਨਂ ਖਣੋ વਤ੍ਤਤਿ।

    Evaṃ pañcavokārabhave pavattiyaṃ rūpapavattiyā padhānabhūtacittanirodhena rūpe dharamāneyeva pavattānaṃ nirodho nāma hotīti arūpadhammavasena eva ‘‘lahuso vattate khaṇo’’ti vuttaṃ. Atha vā pañcavokārabhave cuticittaṃ sandhāya kathitāti veditabbā. Evaṃ kathiyamāne sukhadukkhā cāti kāyikacetasikasukhavedanā ca kāyikacetasikadukkhavedanā ca cuticittakkhaṇe ahontīpi ekasantativasena cuticittena saddhiṃ nirujjhatīti kathitā. Catuvokārabhavaṃ vā sandhāya kathitātipi veditabbā. Kathaṃ ? Aññasmiṃ ṭhāne attabhāvoti saññākkhandhassa vuttabhāvena attabhāvoti saññākkhandhova gahito. Brahmaloke kāyikasukhadukkhadomanassaṃ ahontampi sukhadukkhā cāti vedanāsāmaññato labbhamāno vedanākkhandho gahitoti veditabbaṃ. Sesaṃ vuttasadisameva. Imesu ca tīsu vikappesu kevalāti dhuvasukhasubhaattā natthi, kevalaṃ tehi avomissā. Lahuso vattati khaṇoti vuttanayena ekacittakkhaṇikatāya lahuko atiparitto jīvitādīnaṃ khaṇo vattati.

    ਏਕਤੋ ਦ੍વਿਨ੍ਨਂ ਚਿਤ੍ਤਾਨਂ ਅਪ੍ਪવਤ੍ਤਿਂ ਦਸ੍ਸੇਨ੍ਤੋ ‘‘ਚੁਲ੍ਲਾਸੀਤਿਸਹਸ੍ਸਾਨੀ’’ਤਿ ਗਾਥਮਾਹ। ਚੁਲ੍ਲਾਸੀਤਿਸਹਸ੍ਸਾਨਿ, ਕਪ੍ਪਾ ਤਿਟ੍ਠਨ੍ਤਿ ਯੇ ਮਰੂਤਿ ਯੇ ਦੇવਗਣਾ ਚਤੁਰਾਸੀਤਿ ਕਪ੍ਪਸਹਸ੍ਸਾਨਿ ਆਯੁਂ ਗਹੇਤ੍વਾ ਨੇવਸਞ੍ਞਾਨਾਸਞ੍ਞਾਯਤਨੇ ਤਿਟ੍ਠਨ੍ਤਿ। ‘‘ਯੇ ਨਰਾ’’ਤਿਪਿ ਪਾਲ਼ਿ। ਨ ਤ੍વੇવ ਤੇਪਿ ਜੀવਨ੍ਤਿ, ਦ੍વੀਹਿ ਚਿਤ੍ਤਸਮੋਹਿਤਾਤਿ ਤੇਪਿ ਦੇવਾ ਦ੍વੀਹਿ ਚਿਤ੍ਤੇਹਿ ਸਮੋਹਿਤਾ ਏਕਤੋ ਹੁਤ੍વਾ ਯੁਗਨਦ੍ਧੇਨ ਚਿਤ੍ਤੇਨ ਨ ਤੁ ਏવ ਜੀવਨ੍ਤਿ, ਏਕੇਨੇਕੇਨ ਚਿਤ੍ਤੇਨ ਜੀવਨ੍ਤੀਤਿ ਅਤ੍ਥੋ।

    Ekato dvinnaṃ cittānaṃ appavattiṃ dassento ‘‘cullāsītisahassānī’’ti gāthamāha. Cullāsītisahassāni, kappā tiṭṭhanti ye marūti ye devagaṇā caturāsīti kappasahassāni āyuṃ gahetvā nevasaññānāsaññāyatane tiṭṭhanti. ‘‘Ye narā’’tipi pāḷi. Na tveva tepi jīvanti, dvīhi cittasamohitāti tepi devā dvīhi cittehi samohitā ekato hutvā yuganaddhena cittena na tu eva jīvanti, ekenekena cittena jīvantīti attho.

    ਇਦਾਨਿ ਮਰਣਕਾਲਂ ਦਸ੍ਸੇਨ੍ਤੋ ‘‘ਯੇ ਨਿਰੁਦ੍ਧਾ’’ਤਿ ਗਾਥਮਾਹ। ਤਤ੍ਥ ਯੇ ਨਿਰੁਦ੍ਧਾਤਿ ਯੇ ਖਨ੍ਧਾ ਨਿਰੁਦ੍ਧਾ ਅਤ੍ਥਙ੍ਗਤਾ। ਮਰਨ੍ਤਸ੍ਸਾਤਿ ਮਤਸ੍ਸ। ਤਿਟ੍ਠਮਾਨਸ੍ਸ વਾਤਿ ਧਰਮਾਨਸ੍ਸ વਾ। ਸਬ੍ਬੇਪਿ ਸਦਿਸਾ ਖਨ੍ਧਾਤਿ ਚੁਤਿਤੋ ਉਦ੍ਧਂ ਨਿਰੁਦ੍ਧਕ੍ਖਨ੍ਧਾ વਾ ਪવਤ੍ਤੇ ਨਿਰੁਦ੍ਧਕ੍ਖਨ੍ਧਾ વਾ ਪੁਨ ਘਟੇਤੁਂ ਅਸਕ੍ਕੁਣੇਯ੍ਯਟ੍ਠੇਨ ਸਬ੍ਬੇਪਿ ਖਨ੍ਧਾ ਸਦਿਸਾ। ਗਤਾ ਅਪ੍ਪਟਿਸਨ੍ਧਿਕਾਤਿ ਨਿਰੁਦ੍ਧਕ੍ਖਨ੍ਧਾਨਂ ਪੁਨ ਆਗਨ੍ਤ੍વਾ ਪਟਿਸਨ੍ਧਾਨਾਭਾવੇਨ ਗਤਾ ਅਪ੍ਪਟਿਸਨ੍ਧਿਕਾਤਿ વੁਚ੍ਚਨ੍ਤਿ।

    Idāni maraṇakālaṃ dassento ‘‘ye niruddhā’’ti gāthamāha. Tattha ye niruddhāti ye khandhā niruddhā atthaṅgatā. Marantassāti matassa. Tiṭṭhamānassa vāti dharamānassa vā. Sabbepi sadisā khandhāti cutito uddhaṃ niruddhakkhandhā vā pavatte niruddhakkhandhā vā puna ghaṭetuṃ asakkuṇeyyaṭṭhena sabbepi khandhā sadisā. Gatā appaṭisandhikāti niruddhakkhandhānaṃ puna āgantvā paṭisandhānābhāvena gatā appaṭisandhikāti vuccanti.

    ਇਦਾਨਿ ਤੀਸੁ ਕਾਲੇਸੁ ਨਿਰੁਦ੍ਧਕ੍ਖਨ੍ਧਾਨਂ ਨਾਨਤ੍ਤਂ ਨਤ੍ਥੀਤਿ ਦਸ੍ਸੇਤੁਂ ‘‘ਅਨਨ੍ਤਰਾ’’ਤਿ ਗਾਥਮਾਹ। ਤਤ੍ਥ ਅਨਨ੍ਤਰਾ ਚ ਯੇ ਭਗ੍ਗਾ, ਯੇ ਚ ਭਗ੍ਗਾ ਅਨਾਗਤਾਤਿ ਯੇ ਖਨ੍ਧਾ ਅਨਨ੍ਤਰਾਤੀਤਾ ਹੁਤ੍વਾ ਭਿਨ੍ਨਾ ਨਿਰੁਦ੍ਧਾ, ਯੇ ਚ ਅਨਾਗਤਾ ਖਨ੍ਧਾ ਭਿਜ੍ਜਿਸ੍ਸਨ੍ਤਿ। ਤਦਨ੍ਤਰੇਤਿ ਤੇਸਂ ਅਨ੍ਤਰੇ ਨਿਰੁਦ੍ਧਾਨਂ ਪਚ੍ਚੁਪ੍ਪਨ੍ਨਖਨ੍ਧਾਨਂ। વੇਸਮਂ ਨਤ੍ਥਿ ਲਕ੍ਖਣੇਤਿ વਿਸਮਸ੍ਸ ਭਾવੋ વੇਸਮਂ, ਤਂ વੇਸਮਂ ਨਤ੍ਥਿ, ਤੇਹਿ ਨਾਨਤ੍ਤਂ ਨਤ੍ਥੀਤਿ ਅਤ੍ਥੋ। ਲਕ੍ਖੀਯਤੀਤਿ ਲਕ੍ਖਣਂ, ਤਸ੍ਮਿਂ ਲਕ੍ਖਣੇ।

    Idāni tīsu kālesu niruddhakkhandhānaṃ nānattaṃ natthīti dassetuṃ ‘‘anantarā’’ti gāthamāha. Tattha anantarā ca ye bhaggā, ye ca bhaggā anāgatāti ye khandhā anantarātītā hutvā bhinnā niruddhā, ye ca anāgatā khandhā bhijjissanti. Tadantareti tesaṃ antare niruddhānaṃ paccuppannakhandhānaṃ. Vesamaṃ natthi lakkhaṇeti visamassa bhāvo vesamaṃ, taṃ vesamaṃ natthi, tehi nānattaṃ natthīti attho. Lakkhīyatīti lakkhaṇaṃ, tasmiṃ lakkhaṇe.

    ਇਦਾਨਿ ਅਨਾਗਤਕ੍ਖਨ੍ਧਾਨਂ વਤ੍ਤਮਾਨਕ੍ਖਨ੍ਧੇਹਿ ਅਸਮ੍ਮਿਸ੍ਸਭਾવਂ ਕਥੇਨ੍ਤੋ ‘‘ਅਨਿਬ੍ਬਤ੍ਤੇਨ ਨ ਜਾਤੋ’’ਤਿ ਗਾਥਮਾਹ। ਅਨਿਬ੍ਬਤ੍ਤੇਨ ਨ ਜਾਤੋਤਿ ਅਜਾਤੇਨ ਅਪਾਤੁਭੂਤੇਨ ਅਨਾਗਤਕ੍ਖਨ੍ਧੇਨ ਨ ਜਾਤੋ ਨ ਨਿਬ੍ਬਤ੍ਤੋ। ਏਤੇਨ ਅਨਾਗਤਕ੍ਖਨ੍ਧਸ੍ਸ વਤ੍ਤਮਾਨਕ੍ਖਨ੍ਧੇਨ ਅਸਮ੍ਮਿਸ੍ਸਭਾવਂ ਕਥੇਸਿ। ਪਚ੍ਚੁਪ੍ਪਨ੍ਨੇਨ ਜੀવਤੀਤਿ ਖਣਪਚ੍ਚੁਪ੍ਪਨ੍ਨੇਨ વਤ੍ਤਮਾਨਕ੍ਖਨ੍ਧੇਨ ਜੀવਤਿ। ਏਤੇਨ ਏਕਕ੍ਖਣੇ ਦ੍વੀਹਿ ਚਿਤ੍ਤੇਹਿ ਨ ਜੀવਤੀਤਿ ਕਥਿਤਂ। ਚਿਤ੍ਤਭਗ੍ਗਾ ਮਤੋਤਿ ਦ੍વੀਹਿ ਚਿਤ੍ਤੇਹਿ ਏਕਕ੍ਖਣੇ ਅਜੀવਨਭਾવੇਨ ਚਿਤ੍ਤਭਙ੍ਗੇਨ ਮਤੋ। ‘‘ਉਪਰਿਤੋ ਚਿਤ੍ਤਭਙ੍ਗਾ’’ਤਿਪਿ ਪਾਲ਼ਿ, ਤਂ ਉਜੁਕਮੇવ। ਪਞ੍ਞਤ੍ਤਿ ਪਰਮਤ੍ਥਿਯਾਤਿ ‘‘ਰੂਪਂ ਜੀਰਤਿ ਮਚ੍ਚਾਨਂ, ਨਾਮਗੋਤ੍ਤਂ ਨ ਜੀਰਤੀ’’ਤਿ (ਸਂ॰ ਨਿ॰ ੧.੭੬) વਚਨਕ੍ਕਮੇਨ ਪਣ੍ਣਤ੍ਤਿਮਤ੍ਤਂ ਨ ਜੀਰਣਸਭਾવੇਨ ਪਰਮਾ ਠਿਤਿ ਏਤਿਸ੍ਸਾਤਿ ਪਰਮਤ੍ਥਿਯਾ, ਸਭਾવਟ੍ਠਿਤਿਕਾਤਿ ਅਤ੍ਥੋ। ‘‘ਦਤ੍ਤੋ ਮਤੋ, ਮਿਤ੍ਤੋ ਮਤੋ’’ਤਿ ਪਣ੍ਣਤ੍ਤਿਮਤ੍ਤਮੇવ ਹਿ ਤਿਟ੍ਠਤਿ। ਅਥ વਾ ਪਰਮਤ੍ਥਿਯਾਤਿ ਪਰਮਤ੍ਥਿਕਾ। ਪਰਮੋ ਅਤ੍ਥੋ ਏਤਿਸ੍ਸਾਤਿ ਪਰਮਤ੍ਥਿਕਾ। ਅਜਟਾਕਾਸੋਤਿ ਪਞ੍ਞਤ੍ਤਿਯਾ ਨਤ੍ਥਿਧਮ੍ਮਂ ਪਟਿਚ੍ਚ ਕਥਨਂ વਿਯ ਮਤੋਤਿ ਪਞ੍ਞਤ੍ਤਿ ਨਤ੍ਥਿਧਮ੍ਮਂ ਪਟਿਚ੍ਚ ਨ ਕਥਿਯਤਿ, ਜੀવਿਤਿਨ੍ਦ੍ਰਿਯਭਙ੍ਗਸਙ੍ਖਾਤਂ ਧਮ੍ਮਂ ਪਟਿਚ੍ਚ ਕਥਿਯਤਿ।

    Idāni anāgatakkhandhānaṃ vattamānakkhandhehi asammissabhāvaṃ kathento ‘‘anibbattena na jāto’’ti gāthamāha. Anibbattena na jātoti ajātena apātubhūtena anāgatakkhandhena na jāto na nibbatto. Etena anāgatakkhandhassa vattamānakkhandhena asammissabhāvaṃ kathesi. Paccuppannena jīvatīti khaṇapaccuppannena vattamānakkhandhena jīvati. Etena ekakkhaṇe dvīhi cittehi na jīvatīti kathitaṃ. Cittabhaggā matoti dvīhi cittehi ekakkhaṇe ajīvanabhāvena cittabhaṅgena mato. ‘‘Uparito cittabhaṅgā’’tipi pāḷi, taṃ ujukameva. Paññatti paramatthiyāti ‘‘rūpaṃ jīrati maccānaṃ, nāmagottaṃ na jīratī’’ti (saṃ. ni. 1.76) vacanakkamena paṇṇattimattaṃ na jīraṇasabhāvena paramā ṭhiti etissāti paramatthiyā, sabhāvaṭṭhitikāti attho. ‘‘Datto mato, mitto mato’’ti paṇṇattimattameva hi tiṭṭhati. Atha vā paramatthiyāti paramatthikā. Paramo attho etissāti paramatthikā. Ajaṭākāsoti paññattiyā natthidhammaṃ paṭicca kathanaṃ viya matoti paññatti natthidhammaṃ paṭicca na kathiyati, jīvitindriyabhaṅgasaṅkhātaṃ dhammaṃ paṭicca kathiyati.

    ਅਨਿਧਾਨਗਤਾ ਭਗ੍ਗਾਤਿ ਯੇ ਖਨ੍ਧਾ ਭਿਨ੍ਨਾ, ਤੇ ਨਿਧਾਨਂ ਨਿਹਿਤਂ ਨਿਚਯਂ ਨ ਗਚ੍ਛਨ੍ਤੀਤਿ ਅਨਿਧਾਨਗਤਾ। ਪੁਞ੍ਜੋ ਨਤ੍ਥਿ ਅਨਾਗਤੇਤਿ ਅਨਾਗਤੇਪਿ ਨੇਸਂ ਪੁਞ੍ਜਭਾવੋ ਰਾਸਿਭਾવੋ ਨਤ੍ਥਿ। ਨਿਬ੍ਬਤ੍ਤਾਯੇવ ਤਿਟ੍ਠਨ੍ਤੀਤਿ ਪਚ੍ਚੁਪ੍ਪਨ੍ਨવਸੇਨ ਉਪ੍ਪਨ੍ਨਾ ਠਿਤਿਕ੍ਖਣੇ વਯਧਮ੍ਮਾવ ਹੁਤ੍વਾ ਤਿਟ੍ਠਨ੍ਤਿ। ਕਿਮਿવ? ਆਰਗ੍ਗੇ ਸਾਸਪੂਪਮਾਤਿ ਸੂਚਿਮੁਖੇ ਸਾਸਪੋ વਿਯ।

    Anidhānagatābhaggāti ye khandhā bhinnā, te nidhānaṃ nihitaṃ nicayaṃ na gacchantīti anidhānagatā. Puñjo natthi anāgateti anāgatepi nesaṃ puñjabhāvo rāsibhāvo natthi. Nibbattāyeva tiṭṭhantīti paccuppannavasena uppannā ṭhitikkhaṇe vayadhammāva hutvā tiṭṭhanti. Kimiva? Āragge sāsapūpamāti sūcimukhe sāsapo viya.

    ਇਦਾਨਿ ਖਨ੍ਧਾਨਂ ਦਸ੍ਸਨਭਾવਂ ਦਸ੍ਸੇਨ੍ਤੋ ‘‘ਨਿਬ੍ਬਤ੍ਤਾਨ’’ਨ੍ਤਿ ਗਾਥਮਾਹ। ਤਤ੍ਥ ਨਿਬ੍ਬਤ੍ਤਾਨਂ ਧਮ੍ਮਾਨਨ੍ਤਿ ਪਚ੍ਚੁਪ੍ਪਨ੍ਨਾਨਂ ਖਨ੍ਧਾਨਂ। ਭਙ੍ਗੋ ਨੇਸਂ ਪੁਰਕ੍ਖਤੋਤਿ ਏਤੇਸਂ ਭੇਦੋ ਪੁਰਤੋ ਕਤ੍વਾ ਠਪਿਤੋ। ਪਲੋਕਧਮ੍ਮਾਤਿ ਨਸ੍ਸਨਸਭਾવਾ। ਪੁਰਾਣੇਹਿ ਅਧਿਸ੍ਸਿਤਾਤਿ ਪੁਰੇ ਉਪ੍ਪਨ੍ਨੇਹਿ ਖਨ੍ਧੇਹਿ ਨ ਮਿਸ੍ਸਿਤਾ ਨ ਸਂਸਗ੍ਗਾ।

    Idāni khandhānaṃ dassanabhāvaṃ dassento ‘‘nibbattāna’’nti gāthamāha. Tattha nibbattānaṃ dhammānanti paccuppannānaṃ khandhānaṃ. Bhaṅgo nesaṃ purakkhatoti etesaṃ bhedo purato katvā ṭhapito. Palokadhammāti nassanasabhāvā. Purāṇehi adhissitāti pure uppannehi khandhehi na missitā na saṃsaggā.

    ਇਦਾਨਿ ਖਨ੍ਧਾਨਂ ਅਦਸ੍ਸਨਭਾવਂ ਦਸ੍ਸੇਨ੍ਤੋ ‘‘ਅਦਸ੍ਸਨਤੋ ਆਯਨ੍ਤੀ’’ਤਿ ਗਾਥਮਾਹ। ਤਤ੍ਥ ਅਦਸ੍ਸਨਤੋ ਆਯਨ੍ਤੀਤਿ ਅਦਿਸ੍ਸਮਾਨਾਯੇવ ਆਗਚ੍ਛਨ੍ਤਿ ਉਪ੍ਪਜ੍ਜਨ੍ਤਿ। ਭਙ੍ਗਾ ਗਚ੍ਛਨ੍ਤਿਦਸ੍ਸਨਨ੍ਤਿ ਭੇਦਾ ਭਙ੍ਗਤੋ ਉਦ੍ਧਂ ਅਦਸ੍ਸਨਭਾવਂ ਗਚ੍ਛਨ੍ਤਿ। વਿਜ੍ਜੁਪ੍ਪਾਦੋવ ਆਕਾਸੇਤਿ વਿવਟਾਕਾਸੇ વਿਜ੍ਜੁਲਤਾਨਿਚ੍ਛਰਣਂ વਿਯ। ਉਪ੍ਪਜ੍ਜਨ੍ਤਿ વਯਨ੍ਤਿ ਚਾਤਿ ਪੁਬ੍ਬਨ੍ਤਤੋ ਉਦ੍ਧਂ ਉਪ੍ਪਜ੍ਜਨ੍ਤਿ ਚ ਭਿਜ੍ਜਨ੍ਤਿ ਚ, ਨਸ੍ਸਨ੍ਤੀਤਿ ਅਤ੍ਥੋ। ‘‘ਉਦੇਤਿ ਆਪੂਰਤਿ વੇਤਿ ਚਨ੍ਦੋ’’ਤਿ (ਜਾ॰ ੧.੫.੩) ਏવਮਾਦੀਸੁ વਿਯ।

    Idāni khandhānaṃ adassanabhāvaṃ dassento ‘‘adassanato āyantī’’ti gāthamāha. Tattha adassanato āyantīti adissamānāyeva āgacchanti uppajjanti. Bhaṅgā gacchantidassananti bhedā bhaṅgato uddhaṃ adassanabhāvaṃ gacchanti. Vijjuppādova ākāseti vivaṭākāse vijjulatāniccharaṇaṃ viya. Uppajjanti vayanti cāti pubbantato uddhaṃ uppajjanti ca bhijjanti ca, nassantīti attho. ‘‘Udeti āpūrati veti cando’’ti (jā. 1.5.3) evamādīsu viya.

    ਏવਂ ਠਿਤਿਪਰਿਤ੍ਤਤਂ ਦਸ੍ਸੇਤ੍વਾ ਇਦਾਨਿ ਸਰਸਪਰਿਤ੍ਤਤਂ ਦਸ੍ਸੇਨ੍ਤੋ ‘‘ਕਥਂ ਸਰਸਪਰਿਤ੍ਤਤਾਯਾ’’ਤਿਆਦਿਮਾਹ। ਤਤ੍ਥ ਅਸ੍ਸਾਸੂਪਨਿਬਨ੍ਧਂ ਜੀવਿਤਨ੍ਤਿ ਅਬ੍ਭਨ੍ਤਰਪવਿਸਨਨਾਸਿਕવਾਤਪਟਿਬਦ੍ਧਂ ਜੀવਿਤਿਨ੍ਦ੍ਰਿਯਂ। ਪਸ੍ਸਾਸੋਤਿ ਬਹਿਨਿਕ੍ਖਮਨਨਾਸਿਕવਾਤੋ। ਅਸ੍ਸਾਸਪਸ੍ਸਾਸੋਤਿ ਤਦੁਭਯਂ। ਮਹਾਭੂਤੂਪਨਿਬਨ੍ਧਨ੍ਤਿ ਚਤੁਸਮੁਟ੍ਠਾਨਿਕਾਨਂ ਪਥવੀਆਪਤੇਜવਾਯਾਨਂ ਮਹਾਭੂਤਾਨਂ ਪਟਿਬਦ੍ਧਂ ਜੀવਿਤਂ। ਕਬਲ਼ੀਕਾਰਾਹਾਰੂਪਨਿਬਨ੍ਧਨ੍ਤਿ ਅਸਿਤਪੀਤਾਦਿਕਬਲ਼ੀਕਾਰਆਹਾਰੇਨ ਉਪਨਿਬਨ੍ਧਂ। ਉਸ੍ਮੂਪਨਿਬਨ੍ਧਨ੍ਤਿ ਕਮ੍ਮਜਤੇਜੋਧਾਤੂਪਨਿਬਨ੍ਧਂ। વਿਞ੍ਞਾਣੂਪਨਿਬਨ੍ਧਨ੍ਤਿ ਭવਙ੍ਗવਿਞ੍ਞਾਣੂਪਨਿਬਨ੍ਧਂ। ਯਂ ਸਨ੍ਧਾਯ વੁਤ੍ਤਂ ‘‘ਆਯੁ ਉਸ੍ਮਾ ਚ વਿਞ੍ਞਾਣਂ, ਯਦਾ ਕਾਯਂ ਜਹਨ੍ਤਿਮ’’ਨ੍ਤਿ (ਸਂ॰ ਨਿ॰ ੩.੯੫)।

    Evaṃ ṭhitiparittataṃ dassetvā idāni sarasaparittataṃ dassento ‘‘kathaṃ sarasaparittatāyā’’tiādimāha. Tattha assāsūpanibandhaṃ jīvitanti abbhantarapavisananāsikavātapaṭibaddhaṃ jīvitindriyaṃ. Passāsoti bahinikkhamananāsikavāto. Assāsapassāsoti tadubhayaṃ. Mahābhūtūpanibandhanti catusamuṭṭhānikānaṃ pathavīāpatejavāyānaṃ mahābhūtānaṃ paṭibaddhaṃ jīvitaṃ. Kabaḷīkārāhārūpanibandhanti asitapītādikabaḷīkāraāhārena upanibandhaṃ. Usmūpanibandhanti kammajatejodhātūpanibandhaṃ. Viññāṇūpanibandhanti bhavaṅgaviññāṇūpanibandhaṃ. Yaṃ sandhāya vuttaṃ ‘‘āyu usmā ca viññāṇaṃ, yadā kāyaṃ jahantima’’nti (saṃ. ni. 3.95).

    ਇਦਾਨਿ ਨੇਸਂ ਦੁਬ੍ਬਲਕਾਰਣਂ ਦਸ੍ਸੇਨ੍ਤੋ ‘‘ਮੂਲਮ੍ਪਿ ਇਮੇਸਂ ਦੁਬ੍ਬਲ’’ਨ੍ਤਿਆਦਿਮਾਹ। ਤਤ੍ਥ ਮੂਲਮ੍ਪੀਤਿ ਪਤਿਟ੍ਠਟ੍ਠੇਨ ਮੂਲਭੂਤਮ੍ਪਿ। ਅਸ੍ਸਾਸਪਸ੍ਸਾਸਾਨਞ੍ਹਿ ਕਰਜਕਾਯੋ ਮੂਲਂ। ਮਹਾਭੂਤਾਦੀਨਂ ਅવਿਜ੍ਜਾਕਮ੍ਮਤਣ੍ਹਾਹਾਰਾ। ਇਮੇਸਨ੍ਤਿ વੁਤ੍ਤਪ੍ਪਕਾਰਾਨਂ ਅਸ੍ਸਾਸਾਦੀਨਂ ਜੀવਿਤਿਨ੍ਦ੍ਰਿਯਪવਤ੍ਤਿਕਾਰਣવਸੇਨ વੁਤ੍ਤਾਨਂ। ਏਤੇਸੁ ਹਿ ਏਕੇਕਸ੍ਮਿਂ ਅਸਤਿ ਜੀવਿਤਿਨ੍ਦ੍ਰਿਯਂ ਨ ਤਿਟ੍ਠਤਿ। ਦੁਬ੍ਬਲਨ੍ਤਿ ਅਪ੍ਪਥਾਮਂ। ਪੁਬ੍ਬਹੇਤੂਪੀਤਿ ਅਤੀਤਜਾਤਿਯਂ ਇਮਸ੍ਸ વਿਪਾਕવਟ੍ਟਸ੍ਸ ਹੇਤੁਭੂਤਾ ਕਾਰਣਸਙ੍ਖਾਤਾ ਅવਿਜ੍ਜਾਸਙ੍ਖਾਰਤਣ੍ਹੁਪਾਦਾਨਭવਾਪਿ। ਇਮੇਸਂ ਦੁਬ੍ਬਲਾ ਯੇ ਪਚ੍ਚਯਾ ਤੇਪਿ ਦੁਬ੍ਬਲਾਤਿ ਯੇ ਆਰਮ੍ਮਣਾਦਿਸਾਧਾਰਣਪਚ੍ਚਯਾ। ਪਭਾવਿਕਾਤਿ ਪਧਾਨਂ ਹੁਤ੍વਾ ਉਪ੍ਪਾਦਿਕਾ ਭવਤਣ੍ਹਾ। ਸਹਭੂਮੀਤਿ ਸਹਭવਿਕਾਪਿ ਰੂਪਾਰੂਪਧਮ੍ਮਾ। ਸਮ੍ਪਯੋਗਾਪੀਤਿ ਏਕਤੋ ਯੁਤ੍ਤਾਪਿ ਅਰੂਪਧਮ੍ਮਾ। ਸਹਜਾਪੀਤਿ ਸਦ੍ਧਿਂ ਏਕਚਿਤ੍ਤੇ ਉਪ੍ਪਨ੍ਨਾਪਿ। ਯਾਪਿ ਪਯੋਜਿਕਾਤਿ ਚੁਤਿਪਟਿਸਨ੍ਧਿવਸੇਨ ਯੋਜੇਤੁਂ ਨਿਯੁਤ੍ਤਾਤਿ ਪਯੋਜਿਕਾ, વਟ੍ਟਮੂਲਕਾ ਤਣ੍ਹਾ। વੁਤ੍ਤਞ੍ਹੇਤਂ ‘‘ਤਣ੍ਹਾਦੁਤਿਯੋ ਪੁਰਿਸੋ’’ਤਿ (ਇਤਿવੁ॰ ੧੫, ੧੦੫)। ਨਿਚ੍ਚਦੁਬ੍ਬਲਾਤਿ ਨਿਰਨ੍ਤਰੇਨ ਦੁਬ੍ਬਲਾ। ਅਨવਟ੍ਠਿਤਾਤਿ ਨ ਅવਟ੍ਠਿਤਾ, ਓਤਰਿਤ੍વਾ ਨ ਠਿਤਾ। ਪਰਿਪਾਤਯਨ੍ਤਿ ਇਮੇਤਿ ਇਮੇ ਅਞ੍ਞਮਞ੍ਞਂ ਪਾਤਯਨ੍ਤਿ ਖੇਪਯਨ੍ਤਿ। ਅਞ੍ਞਮਞ੍ਞਸ੍ਸਾਤਿ ਅਞ੍ਞੋ ਅਞ੍ਞਸ੍ਸ, ਏਕੋ ਏਕਸ੍ਸਾਤਿ ਅਤ੍ਥੋ। ਹਿ-ਇਤਿ ਕਾਰਣਤ੍ਥੇ ਨਿਪਾਤੋ। ਨਤ੍ਥਿ ਤਾਯਿਤਾਤਿ ਤਾਯਨੋ ਰਕ੍ਖਕੋ ਨਤ੍ਥਿ। ਨ ਚਾਪਿ ਠਪੇਨ੍ਤਿ ਅਞ੍ਞਮਞ੍ਞਨ੍ਤਿ ਅਞ੍ਞੇ ਅਞ੍ਞਂ ਠਪੇਤੁਂ ਨ ਸਕ੍ਕੋਨ੍ਤਿ। ਯੋਪਿ ਨਿਬ੍ਬਤ੍ਤਕੋ ਸੋ ਨ વਿਜ੍ਜਤੀਤਿ ਯੋਪਿ ਇਮੇਸਂ ਉਪ੍ਪਾਦਕੋ ਧਮ੍ਮੋ, ਸੋ ਇਦਾਨਿ ਨਤ੍ਥਿ।

    Idāni nesaṃ dubbalakāraṇaṃ dassento ‘‘mūlampi imesaṃ dubbala’’ntiādimāha. Tattha mūlampīti patiṭṭhaṭṭhena mūlabhūtampi. Assāsapassāsānañhi karajakāyo mūlaṃ. Mahābhūtādīnaṃ avijjākammataṇhāhārā. Imesanti vuttappakārānaṃ assāsādīnaṃ jīvitindriyapavattikāraṇavasena vuttānaṃ. Etesu hi ekekasmiṃ asati jīvitindriyaṃ na tiṭṭhati. Dubbalanti appathāmaṃ. Pubbahetūpīti atītajātiyaṃ imassa vipākavaṭṭassa hetubhūtā kāraṇasaṅkhātā avijjāsaṅkhārataṇhupādānabhavāpi. Imesaṃ dubbalā ye paccayā tepi dubbalāti ye ārammaṇādisādhāraṇapaccayā. Pabhāvikāti padhānaṃ hutvā uppādikā bhavataṇhā. Sahabhūmīti sahabhavikāpi rūpārūpadhammā. Sampayogāpīti ekato yuttāpi arūpadhammā. Sahajāpīti saddhiṃ ekacitte uppannāpi. Yāpi payojikāti cutipaṭisandhivasena yojetuṃ niyuttāti payojikā, vaṭṭamūlakā taṇhā. Vuttañhetaṃ ‘‘taṇhādutiyo puriso’’ti (itivu. 15, 105). Niccadubbalāti nirantarena dubbalā. Anavaṭṭhitāti na avaṭṭhitā, otaritvā na ṭhitā. Paripātayanti imeti ime aññamaññaṃ pātayanti khepayanti. Aññamaññassāti añño aññassa, eko ekassāti attho. Hi-iti kāraṇatthe nipāto. Natthi tāyitāti tāyano rakkhako natthi. Na cāpi ṭhapenti aññamaññanti aññe aññaṃ ṭhapetuṃ na sakkonti. Yopinibbattako so na vijjatīti yopi imesaṃ uppādako dhammo, so idāni natthi.

    ਨ ਚ ਕੇਨਚਿ ਕੋਚਿ ਹਾਯਤੀਤਿ ਕੋਚਿ ਏਕੋਪਿ ਕਸ੍ਸਚਿ વਸੇਨ ਨ ਪਰਿਹਾਯਤਿ। ਗਨ੍ਧਬ੍ਬਾ ਚ ਇਮੇ ਹਿ ਸਬ੍ਬਸੋਤਿ ਸਬ੍ਬੇ ਹਿ ਇਮੇ ਖਨ੍ਧਾ ਸਬ੍ਬਾਕਾਰੇਨ ਭਙ੍ਗਂ ਪਾਪੁਣਿਤੁਂ ਯੁਤ੍ਤਾ। ਪੁਰਿਮੇਹਿ ਪਭਾવਿਤਾ ਇਮੇਤਿ ਪੁਬ੍ਬਹੇਤੁਪਚ੍ਚਯੇਹਿ ਇਮੇ વਤ੍ਤਮਾਨਕਾ ਉਪ੍ਪਾਦਿਕਾ। ਯੇਪਿ ਪਭਾવਿਕਾਤਿ ਯੇਪਿ ਇਮੇ વਤ੍ਤਮਾਨਕਾ ਉਪ੍ਪਾਦਕਾ ਪੁਬ੍ਬਹੇਤੁਪਚ੍ਚਯਾ। ਤੇ ਪੁਰੇ ਮਤਾਤਿ ਤੇ વੁਤ੍ਤਪ੍ਪਕਾਰਪਚ੍ਚਯਾ વਤ੍ਤਮਾਨਂ ਅਪਾਪੁਣਿਤ੍વਾ ਪਠਮਮੇવ ਮਰਣਂ ਪਤ੍ਤਾ। ਪੁਰਿਮਾਪਿ ਚ ਪਚ੍ਛਿਮਾਪਿ ਚਾਤਿ ਪੁਰਿਮਾ ਪੁਬ੍ਬਹੇਤੁਪਚ੍ਚਯਾਪਿ ਚ ਪਚ੍ਛਿਮਾ વਤ੍ਤਮਾਨੇ ਪਚ੍ਚਯਸਮੁਪ੍ਪਨ੍ਨਾ ਚ। ਅਞ੍ਞਮਞ੍ਞਂ ਨ ਕਦਾਚਿ ਮਦ੍ਦਸਂਸੂਤਿ ਅਞ੍ਞਮਞ੍ਞਂ ਕਿਸ੍ਮਿਞ੍ਚਿ ਕਾਲੇ ਨ ਦਿਟ੍ਠਪੁਬ੍ਬਾ। ਮ-ਕਾਰੋ ਪਦਸਨ੍ਧਿવਸੇਨ વੁਤ੍ਤੋ।

    Na ca kenaci koci hāyatīti koci ekopi kassaci vasena na parihāyati. Gandhabbā ca ime hi sabbasoti sabbe hi ime khandhā sabbākārena bhaṅgaṃ pāpuṇituṃ yuttā. Purimehi pabhāvitā imeti pubbahetupaccayehi ime vattamānakā uppādikā. Yepi pabhāvikāti yepi ime vattamānakā uppādakā pubbahetupaccayā. Te pure matāti te vuttappakārapaccayā vattamānaṃ apāpuṇitvā paṭhamameva maraṇaṃ pattā. Purimāpi ca pacchimāpi cāti purimā pubbahetupaccayāpi ca pacchimā vattamāne paccayasamuppannā ca. Aññamaññaṃ na kadāci maddasaṃsūti aññamaññaṃ kismiñci kāle na diṭṭhapubbā. Ma-kāro padasandhivasena vutto.

    ਚਾਤੁਮਹਾਰਾਜਿਕਾਨਂ ਦੇવਾਨਨ੍ਤਿ ਧਤਰਟ੍ਠવਿਰੂਲ਼੍ਹਕવਿਰੂਪਕ੍ਖਕੁવੇਰਸਙ੍ਖਾਤਾ ਚਤੁਮਹਾਰਾਜਾ ਇਸ੍ਸਰਾ ਏਤੇਸਨ੍ਤਿ ਚਾਤੁਮਹਾਰਾਜਿਕਾ। ਰੂਪਾਦੀਹਿ ਦਿਬ੍ਬਨ੍ਤਿ ਕੀਲ਼ਨ੍ਤੀਤਿ ਦੇવਾ। ਤੇ ਸਿਨੇਰੁਪਬ੍ਬਤਸ੍ਸ વੇਮਜ੍ਝੇ ਹੋਨ੍ਤਿ। ਤੇਸੁ ਅਤ੍ਥਿ ਪਬ੍ਬਤਟ੍ਠਕਾਪਿ, ਅਤ੍ਥਿ ਆਕਾਸਟ੍ਠਕਾਪਿ। ਤੇਸਂ ਪਰਮ੍ਪਰਾ ਚਕ੍ਕવਾਲ਼ਪਬ੍ਬਤਂ ਪਤ੍ਤਾ। ਖਿਡ੍ਡਾਪਦੋਸਿਕਾ ਮਨੋਪਦੋਸਿਕਾ ਸੀਤવਲਾਹਕਾ ਉਣ੍ਹવਲਾਹਕਾ ਚਨ੍ਦਿਮਾ ਦੇવਪੁਤ੍ਤੋ ਸੂਰਿਯੋ ਦੇવਪੁਤ੍ਤੋਤਿ ਏਤੇ ਸਬ੍ਬੇਪਿ ਚਾਤੁਮਹਾਰਾਜਿਕਦੇવਲੋਕਟ੍ਠਾ ਏવ ਤੇਸਂ ਚਾਤੁਮਹਾਰਾਜਿਕਾਨਂ ਜੀવਿਤਂ। ਉਪਾਦਾਯਾਤਿ ਪਟਿਚ੍ਚ। ਪਰਿਤ੍ਤਕਨ੍ਤਿ વੁਦ੍ਧਿਪਟਿਸੇਧੋ। ਥੋਕਨ੍ਤਿ ਮਨ੍ਦਕਾਲਂ, ਦੀਘਦਿવਸਪਟਿਸੇਧੋ। ਖਣਿਕਨ੍ਤਿ ਮਨ੍ਦਕਾਲਂ, ਕਾਲਨ੍ਤਰਪਟਿਸੇਧੋ। ਲਹੁਕਨ੍ਤਿ ਸਲ੍ਲਹੁਕਂ, ਅਲਸਪਟਿਸੇਧੋ। ਇਤਰਨ੍ਤਿ ਸੀਘਬਲવਪਟਿਸੇਧੋ । ਅਨਦ੍ਧਨੀਯਨ੍ਤਿ ਕਾਲવਸੇਨ ਨ ਅਦ੍ਧਾਨਕ੍ਖਮਂ। ਨਚਿਰਟ੍ਠਿਤਿਕਨ੍ਤਿ ਦਿવਸੇਨ ਚਿਰਂ ਨ ਤਿਟ੍ਠਤੀਤਿ ਨਚਿਰਟ੍ਠਿਤਿਕਂ, ਦਿવਸਪਟਿਸੇਧੋ।

    Cātumahārājikānaṃ devānanti dhataraṭṭhavirūḷhakavirūpakkhakuverasaṅkhātā catumahārājā issarā etesanti cātumahārājikā. Rūpādīhi dibbanti kīḷantīti devā. Te sinerupabbatassa vemajjhe honti. Tesu atthi pabbataṭṭhakāpi, atthi ākāsaṭṭhakāpi. Tesaṃ paramparā cakkavāḷapabbataṃ pattā. Khiḍḍāpadosikā manopadosikā sītavalāhakā uṇhavalāhakā candimā devaputto sūriyo devaputtoti ete sabbepi cātumahārājikadevalokaṭṭhā eva tesaṃ cātumahārājikānaṃ jīvitaṃ. Upādāyāti paṭicca. Parittakanti vuddhipaṭisedho. Thokanti mandakālaṃ, dīghadivasapaṭisedho. Khaṇikanti mandakālaṃ, kālantarapaṭisedho. Lahukanti sallahukaṃ, alasapaṭisedho. Itaranti sīghabalavapaṭisedho . Anaddhanīyanti kālavasena na addhānakkhamaṃ. Naciraṭṭhitikanti divasena ciraṃ na tiṭṭhatīti naciraṭṭhitikaṃ, divasapaṭisedho.

    ਤਾવਤਿਂਸਾਨਨ੍ਤਿ ਤੇਤ੍ਤਿਂਸਜਨਾ ਤਤ੍ਥ ਉਪਪਨ੍ਨਾਤਿ ਤਾવਤਿਂਸਾ। ਅਪਿ ਚ ਤਾવਤਿਂਸਾਤਿ ਤੇਸਂ ਦੇવਾਨਂ ਨਾਮਮੇવਾਤਿਪਿ વੁਤ੍ਤਂ। ਤੇਪਿ ਅਤ੍ਥਿ ਪਬ੍ਬਤਟ੍ਠਕਾ, ਅਤ੍ਥਿ ਆਕਾਸਟ੍ਠਕਾ, ਤੇਸਂ ਪਰਮ੍ਪਰਾ ਚਕ੍ਕવਾਲ਼ਪਬ੍ਬਤਂ ਪਤ੍ਤਾ। ਤਥਾ ਯਾਮਾਦੀਨਂ। ਏਕਦੇવਲੋਕੇਪਿ ਹਿ ਦੇવਾਨਂ ਪਰਮ੍ਪਰਾ ਚਕ੍ਕવਾਲ਼ਪਬ੍ਬਤਂ ਅਪ੍ਪਤ੍ਤਾ ਨਾਮ ਨਤ੍ਥਿ। ਦਿਬ੍ਬਸੁਖਂ ਯਾਤਾ ਪਯਾਤਾ ਸਮ੍ਪਤ੍ਤਾਤਿ ਯਾਮਾ। ਤੁਟ੍ਠਾ ਪਹਟ੍ਠਾਤਿ ਤੁਸਿਤਾ। ਪਕਤਿਪਟਿਯਤ੍ਤਾਰਮ੍ਮਣਤੋ ਅਤਿਰੇਕੇਨ ਨਿਮ੍ਮਿਤੁਕਾਮਕਾਲੇ ਯਥਾਰੁਚਿਤੇ ਭੋਗੇ ਨਿਮ੍ਮਿਨਿਤ੍વਾ ਰਮਨ੍ਤੀਤਿ ਨਿਮ੍ਮਾਨਰਤੀ। ਚਿਤ੍ਤਾਚਾਰਂ ਞਤ੍વਾ ਪਰੇਹਿ ਨਿਮ੍ਮਿਤੇਸੁ ਭੋਗੇਸੁ વਸਂ વਤ੍ਤੇਨ੍ਤੀਤਿ ਪਰਨਿਮ੍ਮਿਤવਸવਤ੍ਤੀ। ਬ੍ਰਹ੍ਮਕਾਯੇ ਬ੍ਰਹ੍ਮਘਟਾਯ ਨਿਯੁਤ੍ਤਾਤਿ ਬ੍ਰਹ੍ਮਕਾਯਿਕਾ। ਸਬ੍ਬੇਪਿ ਪਞ੍ਚવੋਕਾਰਬ੍ਰਹ੍ਮਾਨੋ ਗਹਿਤਾ।

    Tāvatiṃsānanti tettiṃsajanā tattha upapannāti tāvatiṃsā. Api ca tāvatiṃsāti tesaṃ devānaṃ nāmamevātipi vuttaṃ. Tepi atthi pabbataṭṭhakā, atthi ākāsaṭṭhakā, tesaṃ paramparā cakkavāḷapabbataṃ pattā. Tathā yāmādīnaṃ. Ekadevalokepi hi devānaṃ paramparā cakkavāḷapabbataṃ appattā nāma natthi. Dibbasukhaṃ yātā payātā sampattāti yāmā. Tuṭṭhā pahaṭṭhāti tusitā. Pakatipaṭiyattārammaṇato atirekena nimmitukāmakāle yathārucite bhoge nimminitvā ramantīti nimmānaratī. Cittācāraṃ ñatvā parehi nimmitesu bhogesu vasaṃ vattentīti paranimmitavasavattī. Brahmakāye brahmaghaṭāya niyuttāti brahmakāyikā. Sabbepi pañcavokārabrahmāno gahitā.

    ਗਮਨਿਯੋਤਿ ਗਨ੍ਧਬ੍ਬੋ। ਸਮ੍ਪਰਾਯੋਤਿ ਪਰਲੋਕੋ। ਯੋ ਭਿਕ੍ਖવੇ ਚਿਰਂ ਜੀવਤਿ, ਸੋ વਸ੍ਸਸਤਨ੍ਤਿ ਯੋ ਚਿਰਂ ਤਿਟ੍ਠਮਾਨੋ, ਸੋ વਸ੍ਸਸਤਮਤ੍ਤਂ ਤਿਟ੍ਠਤਿ। ਅਪ੍ਪਂ વਾ ਭਿਯ੍ਯੋਤਿ વਸ੍ਸਸਤਤੋ ਉਪਰਿ ਤਿਟ੍ਠਮਾਨੋ ਦ੍વੇ વਸ੍ਸਸਤਾਨਿ ਤਿਟ੍ਠਮਾਨੋ ਨਾਮ ਨਤ੍ਥਿ। ਹੀਲ਼ੇਯ੍ਯ ਨਨ੍ਤਿ ਨਂ ਜੀવਿਤਂ ਅવਞ੍ਞਾਤਂ ਕਰੇਯ੍ਯ, ਲਾਮਕਤੋ ਚਿਨ੍ਤੇਯ੍ਯ। ‘‘ਹੀਲ਼ੇਯ੍ਯਾਨ’’ਨ੍ਤਿ ਚ ਪਠਨ੍ਤਿ। ਅਚ੍ਚਯਨ੍ਤੀਤਿ ਅਤਿਕ੍ਕਮਨ੍ਤਿ। ਅਹੋਰਤ੍ਤਾਤਿ ਰਤ੍ਤਿਨ੍ਦਿવਪਰਿਚ੍ਛੇਦਾ। ਉਪਰੁਜ੍ਝਤੀਤਿ ਜੀવਿਤਿਨ੍ਦ੍ਰਿਯਂ ਨਿਰੁਜ੍ਝਤਿ, ਅਭਾવਂ ਉਪਗਚ੍ਛਤਿ। ਆਯੁ ਖਿਯ੍ਯਤਿ ਮਚ੍ਚਾਨਨ੍ਤਿ ਸਤ੍ਤਾਨਂ ਆਯੁਸਙ੍ਖਾਰੋ ਖਯਂ ਯਾਤਿ। ਕੁਨ੍ਨਦੀਨਂવ ਓਦਕਨ੍ਤਿ ਯਥਾ ਉਦਕਚ੍ਛਿਨ੍ਨਾਯ ਕੁਨ੍ਨਦਿਯਾ ਉਦਕਂ, ਏવਂ ਮਚ੍ਚਾਨਂ ਆਯੁ ਖਿਯ੍ਯਤਿ। ਪਰਮਤ੍ਥਤੋ ਹਿ ਅਤਿਪਰਿਤ੍ਤੋ ਸਤ੍ਤਾਨਂ ਜੀવਿਤਕ੍ਖਣੋ ਏਕਚਿਤ੍ਤਕ੍ਖਣਿਕਮਤ੍ਤੋਯੇવ। ਯਥਾ ਨਾਮ ਰਥਚਕ੍ਕਂ ਪવਤ੍ਤਮਾਨਮ੍ਪਿ ਏਕੇਨੇવ ਨੇਮਿਪਦੇਸੇਨ ਪવਤ੍ਤਤਿ, ਤਿਟ੍ਠਮਾਨਮ੍ਪਿ ਏਕੇਨੇવ ਤਿਟ੍ਠਤਿ, ਏવਮੇવ ਏਕਚਿਤ੍ਤਕ੍ਖਣਿਕਂ ਸਤ੍ਤਾਨਂ ਜੀવਿਤਂ ਤਸ੍ਮਿਂ ਚਿਤ੍ਤੇ ਨਿਰੁਦ੍ਧਮਤ੍ਤੇ ਸਤ੍ਤੋ ਨਿਰੁਦ੍ਧੋਤਿ વੁਚ੍ਚਤਿ।

    Gamaniyoti gandhabbo. Samparāyoti paraloko. Yo bhikkhave ciraṃ jīvati, so vassasatanti yo ciraṃ tiṭṭhamāno, so vassasatamattaṃ tiṭṭhati. Appaṃ vā bhiyyoti vassasatato upari tiṭṭhamāno dve vassasatāni tiṭṭhamāno nāma natthi. Hīḷeyya nanti naṃ jīvitaṃ avaññātaṃ kareyya, lāmakato cinteyya. ‘‘Hīḷeyyāna’’nti ca paṭhanti. Accayantīti atikkamanti. Ahorattāti rattindivaparicchedā. Uparujjhatīti jīvitindriyaṃ nirujjhati, abhāvaṃ upagacchati. Āyu khiyyati maccānanti sattānaṃ āyusaṅkhāro khayaṃ yāti. Kunnadīnaṃva odakanti yathā udakacchinnāya kunnadiyā udakaṃ, evaṃ maccānaṃ āyu khiyyati. Paramatthato hi atiparitto sattānaṃ jīvitakkhaṇo ekacittakkhaṇikamattoyeva. Yathā nāma rathacakkaṃ pavattamānampi ekeneva nemipadesena pavattati, tiṭṭhamānampi ekeneva tiṭṭhati, evameva ekacittakkhaṇikaṃ sattānaṃ jīvitaṃ tasmiṃ citte niruddhamatte satto niruddhoti vuccati.

    ਧੀਰਾਤਿ ਧੀਰਾ ਇਤਿ। ਪੁਨ ਧੀਰਾਤਿ ਪਣ੍ਡਿਤਾ। ਧਿਤਿਮਾਤਿ ਧਿਤਿ ਅਸ੍ਸ ਅਤ੍ਥੀਤਿ ਧਿਤਿਮਾ। ਧਿਤਿਸਮ੍ਪਨ੍ਨਾਤਿ ਪਣ੍ਡਿਚ੍ਚੇਨ ਸਮਨ੍ਨਾਗਤਾ। ਧੀਕਤਪਾਪਾਤਿ ਗਰਹਿਤਪਾਪਾ। ਤਂਯੇવ ਪਰਿਯਾਯਂ ਦਸ੍ਸੇਤੁਂ ‘‘ਧੀ વੁਚ੍ਚਤਿ ਪਞ੍ਞਾ’’ਤਿਆਦਿਮਾਹ। ਤਤ੍ਥ ਪਜਾਨਾਤੀਤਿ ਪਞ੍ਞਾ। ਕਿਂ ਪਜਾਨਾਤਿ? ‘‘ਇਦਂ ਦੁਕ੍ਖ’’ਨ੍ਤਿਆਦਿਨਾ ਨਯੇਨ ਅਰਿਯਸਚ੍ਚਾਨਿ। ਅਟ੍ਠਕਥਾਯਂ ਪਨ ‘‘ਪਞ੍ਞਾਪਨવਸੇਨ ਪਞ੍ਞਾ’’ਤਿ વੁਤ੍ਤਾ। ਕਿਨ੍ਤਿ ਪਞ੍ਞਾਪੇਤਿ? ‘‘ਅਨਿਚ੍ਚਂ ਦੁਕ੍ਖਂ ਅਨਤ੍ਤਾ’’ਤਿ ਪਞ੍ਞਾਪੇਤਿ। ਸਾવ ਅવਿਜ੍ਜਾਯ ਅਭਿਭવਨਤੋ ਅਧਿਪਤਿਯਟ੍ਠੇਨ ਇਨ੍ਦ੍ਰਿਯਂ, ਦਸ੍ਸਨਲਕ੍ਖਣੇ વਾ ਇਨ੍ਦਟ੍ਠਂ ਕਾਰੇਤੀਤਿਪਿ ਇਨ੍ਦ੍ਰਿਯਂ, ਪਞ੍ਞਾવ ਇਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ। ਸਾ ਪਨੇਸਾ ਓਭਾਸਨਲਕ੍ਖਣਾ, ਪਜਾਨਨਲਕ੍ਖਣਾ ਚ; ਯਥਾ ਹਿ ਚਤੁਭਿਤ੍ਤਿਕੇ ਗੇਹੇ ਰਤ੍ਤਿਭਾਗੇ ਦੀਪੇ ਜਲਿਤੇ ਅਨ੍ਧਕਾਰਂ ਨਿਰੁਜ੍ਝਤਿ, ਆਲੋਕੋ ਪਾਤੁਭવਤਿ, ਏવਮੇવ ਓਭਾਸਨਲਕ੍ਖਣਾ ਪਞ੍ਞਾ। ਪਞ੍ਞੋਭਾਸਸਮੋ ਓਭਾਸੋ ਨਾਮ ਨਤ੍ਥਿ। ਪਞ੍ਞવਤੋ ਹਿ ਏਕਪਲ੍ਲਙ੍ਕੇਨ ਨਿਸਿਨ੍ਨਸ੍ਸ ਦਸਸਹਸ੍ਸਿਲੋਕਧਾਤੁ ਏਕਾਲੋਕਾ ਹੋਤਿ। ਤੇਨਾਹ ਥੇਰੋ –

    Dhīrāti dhīrā iti. Puna dhīrāti paṇḍitā. Dhitimāti dhiti assa atthīti dhitimā. Dhitisampannāti paṇḍiccena samannāgatā. Dhīkatapāpāti garahitapāpā. Taṃyeva pariyāyaṃ dassetuṃ ‘‘dhī vuccati paññā’’tiādimāha. Tattha pajānātīti paññā. Kiṃ pajānāti? ‘‘Idaṃ dukkha’’ntiādinā nayena ariyasaccāni. Aṭṭhakathāyaṃ pana ‘‘paññāpanavasena paññā’’ti vuttā. Kinti paññāpeti? ‘‘Aniccaṃ dukkhaṃ anattā’’ti paññāpeti. Sāva avijjāya abhibhavanato adhipatiyaṭṭhena indriyaṃ, dassanalakkhaṇe vā indaṭṭhaṃ kāretītipi indriyaṃ, paññāva indriyaṃ paññindriyaṃ. Sā panesā obhāsanalakkhaṇā, pajānanalakkhaṇā ca; yathā hi catubhittike gehe rattibhāge dīpe jalite andhakāraṃ nirujjhati, āloko pātubhavati, evameva obhāsanalakkhaṇā paññā. Paññobhāsasamo obhāso nāma natthi. Paññavato hi ekapallaṅkena nisinnassa dasasahassilokadhātu ekālokā hoti. Tenāha thero –

    ‘‘ਯਥਾ, ਮਹਾਰਾਜ, ਪੁਰਿਸੋ ਅਨ੍ਧਕਾਰੇ ਗੇਹੇ ਤੇਲਪ੍ਪਦੀਪਂ ਪવੇਸੇਯ੍ਯ, ਪવਿਟ੍ਠੋ ਪਦੀਪੋ ਅਨ੍ਧਕਾਰਂ વਿਦ੍ਧਂਸੇਤਿ, ਓਭਾਸਂ ਜਨੇਤਿ, ਆਲੋਕਂ વਿਦਂਸੇਤਿ, ਪਾਕਟਾਨਿ ਚ ਰੂਪਾਨਿ ਕਰੋਤਿ; ਏવਮੇવ ਖੋ, ਮਹਾਰਾਜ, ਪਞ੍ਞਾ ਉਪ੍ਪਜ੍ਜਮਾਨਾ ਅવਿਜ੍ਜਨ੍ਧਕਾਰਂ વਿਦ੍ਧਂਸੇਤਿ, વਿਜ੍ਜੋਭਾਸਂ ਜਨੇਤਿ, ਞਾਣਾਲੋਕਂ વਿਦਂਸੇਤਿ, ਪਾਕਟਾਨਿ ਅਰਿਯਸਚ੍ਚਾਨਿ ਕਰੋਤਿ। ਏવਂ ਖੋ, ਮਹਾਰਾਜ, ਓਭਾਸਨਲਕ੍ਖਣਾ ਪਞ੍ਞਾ’’ਤਿ (ਮਿ॰ ਪ॰ ੨.੧.੧੫)।

    ‘‘Yathā, mahārāja, puriso andhakāre gehe telappadīpaṃ paveseyya, paviṭṭho padīpo andhakāraṃ viddhaṃseti, obhāsaṃ janeti, ālokaṃ vidaṃseti, pākaṭāni ca rūpāni karoti; evameva kho, mahārāja, paññā uppajjamānā avijjandhakāraṃ viddhaṃseti, vijjobhāsaṃ janeti, ñāṇālokaṃ vidaṃseti, pākaṭāni ariyasaccāni karoti. Evaṃ kho, mahārāja, obhāsanalakkhaṇā paññā’’ti (mi. pa. 2.1.15).

    ਯਥਾ ਪਨ ਛੇਕੋ ਭਿਸਕ੍ਕੋ ਆਤੁਰਾਨਂ ਸਪ੍ਪਾਯਾਸਪ੍ਪਾਯਾਨਿ ਭੋਜਨਾਦੀਨਿ ਜਾਨਾਤਿ, ਏવਂ ਪਞ੍ਞਾ ਉਪ੍ਪਜ੍ਜਮਾਨਾ ਕੁਸਲਾਕੁਸਲੇ ਸੇવਿਤਬ੍ਬਾਸੇવਿਤਬ੍ਬੇ ਹੀਨਪ੍ਪਣੀਤਕਣ੍ਹਸੁਕ੍ਕਸਪ੍ਪਟਿਭਾਗਅਪ੍ਪਟਿਭਾਗੇ ਧਮ੍ਮੇ ਪਜਾਨਾਤਿ। વੁਤ੍ਤਮ੍ਪਿ ਚੇਤਂ ਧਮ੍ਮਸੇਨਾਪਤਿਨਾ ‘‘ਪਜਾਨਾਤਿ ਪਜਾਨਾਤੀਤਿ ਖੋ, ਆવੁਸੋ, ਤਸ੍ਮਾ ਪਞ੍ਞવਾਤਿ વੁਚ੍ਚਤਿ। ਕਿਞ੍ਚ ਪਜਾਨਾਤਿ? ਇਦਂ ਦੁਕ੍ਖਨ੍ਤਿ ਪਜਾਨਾਤੀ’’ਤਿ (ਮ॰ ਨਿ॰ ੧.੪੪੯) વਿਤ੍ਥਾਰੇਤਬ੍ਬਂ। ਏવਮਸ੍ਸਾ ਪਜਾਨਨਲਕ੍ਖਣਤਾ વੇਦਿਤਬ੍ਬਾ।

    Yathā pana cheko bhisakko āturānaṃ sappāyāsappāyāni bhojanādīni jānāti, evaṃ paññā uppajjamānā kusalākusale sevitabbāsevitabbe hīnappaṇītakaṇhasukkasappaṭibhāgaappaṭibhāge dhamme pajānāti. Vuttampi cetaṃ dhammasenāpatinā ‘‘pajānāti pajānātīti kho, āvuso, tasmā paññavāti vuccati. Kiñca pajānāti? Idaṃ dukkhanti pajānātī’’ti (ma. ni. 1.449) vitthāretabbaṃ. Evamassā pajānanalakkhaṇatā veditabbā.

    ਅਪਰੋ ਨਯੋ – ਯਥਾਸਭਾવਪਟਿવੇਧਲਕ੍ਖਣਾ ਪਞ੍ਞਾ, ਅਕ੍ਖਲਿਤਪਟਿવੇਧਲਕ੍ਖਣਾ વਾ, ਕੁਸਲਿਸ੍ਸਾਸਖਿਤ੍ਤਉਸੁਪਟਿવੇਧੋ વਿਯ। વਿਸਯੋਭਾਸਰਸਾ, ਪਦੀਪੋ વਿਯ। ਅਸਮ੍ਮੋਹਪਚ੍ਚੁਪਟ੍ਠਾਨਾ, ਅਰਞ੍ਞਗਤਸੁਦੇਸਕੋ વਿਯ।

    Aparo nayo – yathāsabhāvapaṭivedhalakkhaṇā paññā, akkhalitapaṭivedhalakkhaṇā vā, kusalissāsakhittausupaṭivedho viya. Visayobhāsarasā, padīpo viya. Asammohapaccupaṭṭhānā, araññagatasudesako viya.

    ਖਨ੍ਧਧੀਰਾਤਿ ਪਞ੍ਚਸੁ ਖਨ੍ਧੇਸੁਞਾਣਂ ਪવਤ੍ਤੇਨ੍ਤੀਤਿ ਖਨ੍ਧਧੀਰਾ। ਅਟ੍ਠਾਰਸਸੁ ਧਾਤੂਸੁ ਞਾਣਂ ਪવਤ੍ਤੇਨ੍ਤੀਤਿ ਧਾਤੁਧੀਰਾ। ਸੇਸੇਸੁਪਿ ਇਮਿਨਾ ਨਯੇਨ ਅਤ੍ਥੋ ਨੇਤਬ੍ਬੋ। ਤੇ ਧੀਰਾ ਏવਮਾਹਂਸੂਤਿ ਏਤੇ ਪਣ੍ਡਿਤਾ ਏવਂ ਕਥਯਿਂਸੁ। ਕਥੇਨ੍ਤੀਤਿ ‘‘ਅਪ੍ਪਕਂ ਪਰਿਤ੍ਤਕ’’ਨ੍ਤਿ ਕਥਯਨ੍ਤਿ। ਭਣਨ੍ਤੀਤਿ ‘‘ਥੋਕਂ ਖਣਿਕ’’ਨ੍ਤਿ ਭਾਸਨ੍ਤਿ। ਦੀਪਯਨ੍ਤੀਤਿ ‘‘ਲਹੁਕਂ ਇਤ੍ਤਰ’’ਨ੍ਤਿ ਪਤਿਟ੍ਠਪੇਨ੍ਤਿ। વੋਹਰਨ੍ਤੀਤਿ ‘‘ਅਨਦ੍ਧਨਿਕਂ ਨਚਿਰਟ੍ਠਿਤਿਕ’’ਨ੍ਤਿ ਨਾਨਾવਿਧੇਨ ਬ੍ਯવਹਰਨ੍ਤਿ।

    Khandhadhīrāti pañcasu khandhesuñāṇaṃ pavattentīti khandhadhīrā. Aṭṭhārasasu dhātūsu ñāṇaṃ pavattentīti dhātudhīrā. Sesesupi iminā nayena attho netabbo. Te dhīrā evamāhaṃsūti ete paṇḍitā evaṃ kathayiṃsu. Kathentīti ‘‘appakaṃ parittaka’’nti kathayanti. Bhaṇantīti ‘‘thokaṃ khaṇika’’nti bhāsanti. Dīpayantīti ‘‘lahukaṃ ittara’’nti patiṭṭhapenti. Voharantīti ‘‘anaddhanikaṃ naciraṭṭhitika’’nti nānāvidhena byavaharanti.

    ੧੧. ਇਦਾਨਿ ਯੇ ਤਥਾ ਨ ਕਰੋਨ੍ਤਿ, ਤੇਸਂ ਬ੍ਯਸਨੁਪ੍ਪਤ੍ਤਿਂ ਦਸ੍ਸੇਨ੍ਤੋ ‘‘ਪਸ੍ਸਾਮੀ’’ਤਿ ਗਾਥਮਾਹ। ਤਤ੍ਥ ਪਸ੍ਸਾਮੀਤਿ ਮਂਸਚਕ੍ਖੁਆਦੀਹਿ ਪੇਕ੍ਖਾਮਿ। ਲੋਕੇਤਿ ਅਪਾਯਾਦਿਮ੍ਹਿ। ਪਰਿਫਨ੍ਦਮਾਨਨ੍ਤਿ ਇਤੋ ਚਿਤੋ ਚ ਫਨ੍ਦਮਾਨਂ। ਪਜਂ ਇਮਨ੍ਤਿ ਇਮਂ ਸਤ੍ਤਕਾਯਂ। ਤਣ੍ਹਾਗਤਨ੍ਤਿ ਤਣ੍ਹਾਯ ਗਤਂ ਅਭਿਭੂਤਂ ਨਿਪਾਤਿਤਨ੍ਤਿ ਅਧਿਪ੍ਪਾਯੋ। ਭવੇਸੂਤਿ ਕਾਮਭવਾਦੀਸੁ। ਹੀਨਾ ਨਰਾਤਿ ਹੀਨਕਮ੍ਮਨ੍ਤਾ ਨਰਾ। ਮਚ੍ਚੁਮੁਖੇ ਲਪਨ੍ਤੀਤਿ ਅਨ੍ਤਕਾਲੇ ਸਮ੍ਪਤ੍ਤੇ ਮਰਣਮੁਖੇ ਪਰਿਦੇવਨ੍ਤਿ। ਅવੀਤਤਣ੍ਹਾਸੇਤਿ ਅવਿਗਤਤਣ੍ਹਾ। ਭવਾਤਿ ਕਾਮਭવਾਦਿਕਾ। ਭવੇਸੂਤਿ ਕਾਮਭવਾਦਿਕੇਸੁ। ਅਥ વਾ ਭવਾਭવੇਸੂਤਿ ਭવਭવੇਸੁ, ਪੁਨਪ੍ਪੁਨਭવੇਸੂਤਿ વੁਤ੍ਤਂ ਹੋਤਿ।

    11. Idāni ye tathā na karonti, tesaṃ byasanuppattiṃ dassento ‘‘passāmī’’ti gāthamāha. Tattha passāmīti maṃsacakkhuādīhi pekkhāmi. Loketi apāyādimhi. Pariphandamānanti ito cito ca phandamānaṃ. Pajaṃ imanti imaṃ sattakāyaṃ. Taṇhāgatanti taṇhāya gataṃ abhibhūtaṃ nipātitanti adhippāyo. Bhavesūti kāmabhavādīsu. Hīnā narāti hīnakammantā narā. Maccumukhe lapantīti antakāle sampatte maraṇamukhe paridevanti. Avītataṇhāseti avigatataṇhā. Bhavāti kāmabhavādikā. Bhavesūti kāmabhavādikesu. Atha vā bhavābhavesūti bhavabhavesu, punappunabhavesūti vuttaṃ hoti.

    ਪਸ੍ਸਾਮੀਤਿ ਮਂਸਚਕ੍ਖੁਨਾਪਿ ਪਸ੍ਸਾਮੀਤਿ ਦੁવਿਧਂ ਮਂਸਚਕ੍ਖੁ – ਸਸਮ੍ਭਾਰਚਕ੍ਖੁ ਪਸਾਦਚਕ੍ਖੂਤਿ। ਤਤ੍ਥ ਯੋਯਂ ਅਕ੍ਖਿਕੂਪਕੇ ਪਤਿਟ੍ਠਿਤੋ ਹੇਟ੍ਠਾ ਅਕ੍ਖਿਕੂਪਕਟ੍ਠਿਕੇਨ ਉਪਰਿ ਭਮੁਕਟ੍ਠਿਕੇਨ ਉਭਤੋ ਅਕ੍ਖਿਕੂਟੇਹਿ ਬਹਿਦ੍ਧਾ ਅਕ੍ਖਿਲੋਮੇਹਿ ਪਰਿਚ੍ਛਿਨ੍ਨੋ ਅਕ੍ਖਿਕੂਪਕਮਜ੍ਝਾ ਨਿਕ੍ਖਨ੍ਤੇਨ ਨ੍ਹਾਰੁਸੁਤ੍ਤਕੇਨ ਮਤ੍ਥਲੁਙ੍ਗੇ ਆਬਦ੍ਧੋ ਸੇਤਕਣ੍ਹਮਣ੍ਡਲવਿਚਿਤ੍ਤੋ ਮਂਸਪਿਣ੍ਡੋ, ਇਦਂ ਸਸਮ੍ਭਾਰਚਕ੍ਖੁ ਨਾਮ। ਯੋ ਪਨ ਏਤ੍ਥ ਸਿਤੋ ਏਤ੍ਥ ਪਟਿਬਦ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ, ਇਦਂ ਪਸਾਦਚਕ੍ਖੁ ਨਾਮ। ਇਦਮਧਿਪ੍ਪੇਤਂ। ਤਦੇਤਂ ਤਸ੍ਸ ਸਸਮ੍ਭਾਰਚਕ੍ਖੁਨੋ ਸੇਤਮਣ੍ਡਲਪਰਿਕ੍ਖਿਤ੍ਤਸ੍ਸ ਕਣ੍ਹਮਣ੍ਡਲਸ੍ਸ ਮਜ੍ਝੇ ਅਭਿਮੁਖੇ ਠਿਤਾਨਂ ਸਰੀਰਸਣ੍ਠਾਨੁਪ੍ਪਤ੍ਤਿਪਦੇਸੇ ਦਿਟ੍ਠਮਣ੍ਡਲੇ ਸਤ੍ਤਸੁ ਪਿਚੁਪਟਲੇਸੁ ਆਸਿਤ੍ਤਤੇਲਂ ਪਿਚੁਪਟਲਾਨਿ વਿਯ ਸਤ੍ਤਕ੍ਖਿਪਟਲਾਨਿ ਬ੍ਯਾਪੇਤ੍વਾ ਪਮਾਣਤੋ ਊਕਾਸਿਰਮਤ੍ਤਂ ਚਕ੍ਖੁવਿਞ੍ਞਾਣਾਦੀਨਂ ਯਥਾਰਹਂ વਤ੍ਥੁਦ੍વਾਰਭਾવਂ ਸਾਧਯਮਾਨਂ ਤਿਟ੍ਠਤਿ।

    Passāmīti maṃsacakkhunāpi passāmīti duvidhaṃ maṃsacakkhu – sasambhāracakkhu pasādacakkhūti. Tattha yoyaṃ akkhikūpake patiṭṭhito heṭṭhā akkhikūpakaṭṭhikena upari bhamukaṭṭhikena ubhato akkhikūṭehi bahiddhā akkhilomehi paricchinno akkhikūpakamajjhā nikkhantena nhārusuttakena matthaluṅge ābaddho setakaṇhamaṇḍalavicitto maṃsapiṇḍo, idaṃ sasambhāracakkhu nāma. Yo pana ettha sito ettha paṭibaddho catunnaṃ mahābhūtānaṃ upādāya pasādo, idaṃ pasādacakkhu nāma. Idamadhippetaṃ. Tadetaṃ tassa sasambhāracakkhuno setamaṇḍalaparikkhittassa kaṇhamaṇḍalassa majjhe abhimukhe ṭhitānaṃ sarīrasaṇṭhānuppattipadese diṭṭhamaṇḍale sattasu picupaṭalesu āsittatelaṃ picupaṭalāni viya sattakkhipaṭalāni byāpetvā pamāṇato ūkāsiramattaṃ cakkhuviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati.

    ਤਂ ਚਕ੍ਖਤੀਤਿ ਚਕ੍ਖੁ, ਤੇਨ ਮਂਸਚਕ੍ਖੁਨਾ ਪਸ੍ਸਾਮਿ। ਦਿਬ੍ਬਚਕ੍ਖੁਨਾਤਿ ‘‘ਅਦ੍ਦਸਂ ਖੋ ਅਹਂ, ਭਿਕ੍ਖવੇ, ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨਾ’’ਤਿ (ਮ॰ ਨਿ॰ ੧.੨੮੪) ਏવਂવਿਧੇਨ ਦਿਬ੍ਬਚਕ੍ਖੁਨਾ। ਪਞ੍ਞਾਚਕ੍ਖੁਨਾਤਿ ‘‘વਿਰਜਂ વੀਤਮਲਂ ਧਮ੍ਮਚਕ੍ਖੁਂ ਉਦਪਾਦੀ’’ਤਿ (ਮ॰ ਨਿ॰ ੨.੩੯੫; ਮਹਾવ॰ ੧੬) ਏવਂ ਆਗਤੇਨ ਪਞ੍ਞਾਚਕ੍ਖੁਨਾ। ਬੁਦ੍ਧਚਕ੍ਖੁਨਾਤਿ ‘‘ਅਦ੍ਦਸਂ ਖੋ ਅਹਂ, ਭਿਕ੍ਖવੇ, ਬੁਦ੍ਧਚਕ੍ਖੁਨਾ ਲੋਕਂ વੋਲੋਕੇਨ੍ਤੋ’’ਤਿ (ਮ॰ ਨਿ॰ ੧.੨੮੩) ਏવਮਾਗਤੇਨ ਬੁਦ੍ਧਚਕ੍ਖੁਨਾ। ਸਮਨ੍ਤਚਕ੍ਖੁਨਾਤਿ ‘‘ਸਮਨ੍ਤਚਕ੍ਖੁ વੁਚ੍ਚਤਿ ਸਬ੍ਬਞ੍ਞੁਤਞ੍ਞਾਣ’’ਨ੍ਤਿ (ਚੂਲ਼ਨਿ॰ ਧੋਤਕਮਾਣવਪੁਚ੍ਛਾਇਦ੍ਦੇਸ ੩੨; ਮੋਘਰਾਜਮਾਣવਪੁਚ੍ਛਾਨਿਦ੍ਦੇਸ ੮੫) ਏવਮਾਗਤੇਨ ਸਮਨ੍ਤਚਕ੍ਖੁਨਾ। ਪਸ੍ਸਾਮੀਤਿ ਮਂਸਚਕ੍ਖੁਨਾ ਹਤ੍ਥਤਲੇ ਠਪਿਤਾਮਲਕਂ વਿਯ ਰੂਪਗਤਂ ਮਂਸਚਕ੍ਖੁਨਾ। ਦਕ੍ਖਾਮੀਤਿ ਸਞ੍ਜਾਨਾਮਿ ਦਿਬ੍ਬੇਨ ਚਕ੍ਖੁਨਾ ਚੁਤੂਪਪਾਤਂ। ਓਲੋਕੇਮੀਤਿ ਅવਲੋਕੇਮਿ ਪਞ੍ਞਾਚਕ੍ਖੁਨਾ ਚਤੁਸਚ੍ਚਂ। ਨਿਜ੍ਝਾਯਾਮੀਤਿ ਚਿਨ੍ਤੇਮਿ ਬੁਦ੍ਧਚਕ੍ਖੁਨਾ ਸਦ੍ਧਾਪਞ੍ਚਮਕਾਨਿ ਇਨ੍ਦ੍ਰਿਯਾਨਿ। ਉਪਪਰਿਕ੍ਖਾਮੀਤਿ ਸਮਨ੍ਤਤੋ ਇਕ੍ਖਾਮਿ ਪਰਿਯੇਸਾਮਿ ਸਮਨ੍ਤਚਕ੍ਖੁਨਾ ਪਞ੍ਚ ਨੇਯ੍ਯਪਥੇ।

    Taṃ cakkhatīti cakkhu, tena maṃsacakkhunā passāmi. Dibbacakkhunāti ‘‘addasaṃ kho ahaṃ, bhikkhave, dibbena cakkhunā visuddhenā’’ti (ma. ni. 1.284) evaṃvidhena dibbacakkhunā. Paññācakkhunāti ‘‘virajaṃ vītamalaṃ dhammacakkhuṃ udapādī’’ti (ma. ni. 2.395; mahāva. 16) evaṃ āgatena paññācakkhunā. Buddhacakkhunāti ‘‘addasaṃ kho ahaṃ, bhikkhave, buddhacakkhunā lokaṃ volokento’’ti (ma. ni. 1.283) evamāgatena buddhacakkhunā. Samantacakkhunāti ‘‘samantacakkhu vuccati sabbaññutaññāṇa’’nti (cūḷani. dhotakamāṇavapucchāiddesa 32; mogharājamāṇavapucchāniddesa 85) evamāgatena samantacakkhunā. Passāmīti maṃsacakkhunā hatthatale ṭhapitāmalakaṃ viya rūpagataṃ maṃsacakkhunā. Dakkhāmīti sañjānāmi dibbena cakkhunā cutūpapātaṃ. Olokemīti avalokemi paññācakkhunā catusaccaṃ. Nijjhāyāmīti cintemi buddhacakkhunā saddhāpañcamakāni indriyāni. Upaparikkhāmīti samantato ikkhāmi pariyesāmi samantacakkhunā pañca neyyapathe.

    ਤਣ੍ਹਾਫਨ੍ਦਨਾਯ ਫਨ੍ਦਮਾਨਨ੍ਤਿ ਤਣ੍ਹਾਚਲਨਾਯ ਚਲਮਾਨਂ। ਇਤੋ ਪਰਂ ਦਿਟ੍ਠਿਫਨ੍ਦਨਾਦਿਦਿਟ੍ਠਿਬ੍ਯਸਨੇਨ ਦੁਕ੍ਖੇਨ ਫਨ੍ਦਮਾਨਪਰਿਯੋਸਾਨਂ વੁਤ੍ਤਨਯਤ੍ਤਾ ਉਤ੍ਤਾਨਮੇવ। ਸਮ੍ਫਨ੍ਦਮਾਨਨ੍ਤਿ ਪੁਨਪ੍ਪੁਨਂ ਫਨ੍ਦਮਾਨਂ। વਿਪ੍ਫਨ੍ਦਮਾਨਨ੍ਤਿ ਨਾਨਾવਿਧੇਨ ਚਲਮਾਨਂ। વੇਧਮਾਨਨ੍ਤਿ ਕਮ੍ਪਮਾਨਂ। ਪવੇਧਮਾਨਨ੍ਤਿ ਪਧਾਨੇਨ ਕਮ੍ਪਮਾਨਂ। ਸਮ੍ਪવੇਧਮਾਨਨ੍ਤਿ ਪੁਨਪ੍ਪੁਨਂ ਕਮ੍ਪਮਾਨਂ। ਉਪਸਗ੍ਗੇਨ વਾ ਪਦਂ વਡ੍ਢਿਤਂ।

    Taṇhāphandanāya phandamānanti taṇhācalanāya calamānaṃ. Ito paraṃ diṭṭhiphandanādidiṭṭhibyasanena dukkhena phandamānapariyosānaṃ vuttanayattā uttānameva. Samphandamānanti punappunaṃ phandamānaṃ. Vipphandamānanti nānāvidhena calamānaṃ. Vedhamānanti kampamānaṃ. Pavedhamānanti padhānena kampamānaṃ. Sampavedhamānanti punappunaṃ kampamānaṃ. Upasaggena vā padaṃ vaḍḍhitaṃ.

    ਤਣ੍ਹਾਨੁਗਤਨ੍ਤਿ ਤਣ੍ਹਾਯ ਅਨੁਪવਿਟ੍ਠਂ। ਤਣ੍ਹਾਯਾਨੁਸਟਨ੍ਤਿ ਤਣ੍ਹਾਯ ਅਨੁਪਤ੍ਥਟਂ। ਤਣ੍ਹਾਯਾਸਨ੍ਨਨ੍ਤਿ ਤਣ੍ਹਾਯ ਨਿਮੁਗ੍ਗਂ। ਤਣ੍ਹਾਯ ਪਾਤਿਤਨ੍ਤਿ ਤਣ੍ਹਾਯ ਖਿਤ੍ਤਂ। ‘‘ਪਰਿਪਾਤਿਤ’’ਨ੍ਤਿ વਾ ਪਾਠੋ। ਅਭਿਭੂਤਨ੍ਤਿ ਤਣ੍ਹਾਯ ਮਦ੍ਦਿਤਂ ਅਜ੍ਝੋਤ੍ਥਟਂ। ਪਰਿਯਾਦਿਨ੍ਨਚਿਤ੍ਤਨ੍ਤਿ ਖੇਪੇਤ੍વਾ ਗਹਿਤਚਿਤ੍ਤਂ। ਅਥ વਾ ਓਘੇਨ ਗਤਂ વਿਯ ਤਣ੍ਹਾਗਤਂ। ਉਪਾਦਿਣ੍ਣਕਰੂਪਪਚ੍ਚਯੇਹਿ ਪਤਿਤ੍વਾ ਗਤਂ વਿਯ ਤਣ੍ਹਾਨੁਗਤਂ। ਉਦਕਪਿਟ੍ਠਿਂ ਛਾਦੇਤ੍વਾ ਪਤ੍ਥਟਨੀਲਿਕਾ ਉਦਕਪਿਟ੍ਠਿ વਿਯ ਤਣ੍ਹਾਨੁਸਟਂ। વਚ੍ਚਕੂਪੇ ਨਿਮੁਗ੍ਗਂ વਿਯ ਤਣ੍ਹਾਯਾਸਨ੍ਨਂ। ਰੁਕ੍ਖਗ੍ਗਤੋ ਪਤਿਤ੍વਾ ਨਰਕੇ ਪਤਿਤਂ વਿਯ ਤਣ੍ਹਾਪਾਤਿਤਂ। ਉਪਾਦਿਣ੍ਣਕਰੂਪਂ ਸਂਯੋਗਂ વਿਯ ਤਣ੍ਹਾਯ ਅਭਿਭੂਤਂ। ਉਪਾਦਿਣ੍ਣਕਰੂਪਪਰਿਗ੍ਗਾਹਕਸ੍ਸ ਉਪ੍ਪਨ੍ਨવਿਪਸ੍ਸਨਂ વਿਯ ਤਣ੍ਹਾਯ ਪਰਿਯਾਦਿਨ੍ਨਚਿਤ੍ਤਂ। ਅਥ વਾ ਕਾਮਚ੍ਛਨ੍ਦੇਨ ਤਣ੍ਹਾਗਤਂ। ਕਾਮਪਿਪਾਸਾਯ ਤਣ੍ਹਾਨੁਗਤਂ। ਕਾਮਾਸવੇਨ ਤਣ੍ਹਾਨੁਸਟਂ। ਕਾਮਪਰਿਲ਼ਾਹੇਨ ਤਣ੍ਹਾਯਾਸਨ੍ਨਂ। ਕਾਮਜ੍ਝੋਸਾਨੇਨ ਤਣ੍ਹਾਯ ਪਾਤਿਤਂ। ਕਾਮੋਘੇਨ ਤਣ੍ਹਾਯ ਅਭਿਭੂਤਂ। ਕਾਮੁਪਾਦਾਨੇਨ ਤਣ੍ਹਾਯ ਪਰਿਯਾਦਿਨ੍ਨਚਿਤ੍ਤਨ੍ਤਿ ਏવਮੇਕੇ વਣ੍ਣਯਨ੍ਤਿ। ਕਾਮਭવੇਤਿ ਕਾਮਾવਚਰੇ। ਰੂਪਭવੇਤਿ ਰੂਪਾવਚਰੇ। ਅਰੂਪਭવੇਤਿ ਅਰੂਪਾવਚਰੇ। ਤੇਸਂ ਨਾਨਤ੍ਤਂ ਹੇਟ੍ਠਾ ਪਕਾਸਿਤਂਯੇવ।

    Taṇhānugatanti taṇhāya anupaviṭṭhaṃ. Taṇhāyānusaṭanti taṇhāya anupatthaṭaṃ. Taṇhāyāsannanti taṇhāya nimuggaṃ. Taṇhāya pātitanti taṇhāya khittaṃ. ‘‘Paripātita’’nti vā pāṭho. Abhibhūtanti taṇhāya madditaṃ ajjhotthaṭaṃ. Pariyādinnacittanti khepetvā gahitacittaṃ. Atha vā oghena gataṃ viya taṇhāgataṃ. Upādiṇṇakarūpapaccayehi patitvā gataṃ viya taṇhānugataṃ. Udakapiṭṭhiṃ chādetvā patthaṭanīlikā udakapiṭṭhi viya taṇhānusaṭaṃ. Vaccakūpe nimuggaṃ viya taṇhāyāsannaṃ. Rukkhaggato patitvā narake patitaṃ viya taṇhāpātitaṃ. Upādiṇṇakarūpaṃ saṃyogaṃ viya taṇhāya abhibhūtaṃ. Upādiṇṇakarūpapariggāhakassa uppannavipassanaṃ viya taṇhāya pariyādinnacittaṃ. Atha vā kāmacchandena taṇhāgataṃ. Kāmapipāsāya taṇhānugataṃ. Kāmāsavena taṇhānusaṭaṃ. Kāmapariḷāhena taṇhāyāsannaṃ. Kāmajjhosānena taṇhāya pātitaṃ. Kāmoghena taṇhāya abhibhūtaṃ. Kāmupādānena taṇhāya pariyādinnacittanti evameke vaṇṇayanti. Kāmabhaveti kāmāvacare. Rūpabhaveti rūpāvacare. Arūpabhaveti arūpāvacare. Tesaṃ nānattaṃ heṭṭhā pakāsitaṃyeva.

    ਭવਾਭવੇਸੂਤਿ ਭવਾਭવੇਤਿ ਭવੋਤਿ ਕਾਮਧਾਤੁ। ਅਭવੋਤਿ ਰੂਪਾਰੂਪਧਾਤੁ। ਅਥ વਾ ਭવੋਤਿ ਕਾਮਧਾਤੁ ਰੂਪਧਾਤੁ। ਅਭવੋਤਿ ਅਰੂਪਧਾਤੁ। ਤੇਸੁ ਭવਾਭવੇਸੁ। ਕਮ੍ਮਭવੇਤਿ ਕਮ੍ਮવਟ੍ਟੇ। ਪੁਨਬ੍ਭવੇਤਿ ਪੋਨੋਭવਿਕੇ વਿਪਾਕવਟ੍ਟੇ। ਕਾਮਭવੇਤਿ ਕਾਮਧਾਤੁਯਾ। ਕਮ੍ਮਭવੇਤਿ ਕਮ੍ਮવਟ੍ਟੇ। ਤਤ੍ਥ ਕਮ੍ਮਭવੋ ਭਾવਯਤੀਤਿ ਭવੋ। ਕਾਮਭવੇ ਪੁਨਬ੍ਭવੇਤਿ ਕਾਮਧਾਤੁਯਾ ਉਪਪਤ੍ਤਿਭવੇ વਿਪਾਕવਟ੍ਟੇ। વਿਪਾਕਭવੋ ਭવਤੀਤਿ ਭવੋ। ਰੂਪਭવਾਦੀਸੁਪਿ ਏਸੇવ ਨਯੋ। ਏਤ੍ਥ ਚ ‘‘ਕਾਮਭવੇ ਰੂਪਭવੇ ਅਰੂਪਭવੇ’’ਤਿ ਓਕਾਸਭવਂ ਸਨ੍ਧਾਯ વੁਤ੍ਤਂ। ਤੀਸੁਪਿ ‘‘ਕਮ੍ਮਭવੇ’’ਤਿ ਕਮ੍ਮਭવਂ , ਤਥਾ ‘‘ਪੁਨਬ੍ਭવੇ’’ਤਿ ਉਪਪਤ੍ਤਿਭવਂ ਸਨ੍ਧਾਯ વੁਤ੍ਤਂ। ਪੁਨਪ੍ਪੁਨਬ੍ਭવੇਤਿ ਅਪਰਾਪਰਂ ਉਪ੍ਪਤ੍ਤਿਯਂ। ਗਤਿਯਾਤਿ ਪਞ੍ਚਗਤਿਯਾ ਅਞ੍ਞਤਰਾਯ। ਅਤ੍ਤਭਾવਾਭਿਨਿਬ੍ਬਤ੍ਤਿਯਾਤਿ ਅਤ੍ਤਭਾવਾਨਂ ਅਭਿਨਿਬ੍ਬਤ੍ਤਿਯਾ। ਅવੀਤਤਣ੍ਹਾਤਿ ਮੂਲਪਦਂ। ਅવਿਗਤਤਣ੍ਹਾਤਿ ਖਣਿਕਸਮਾਧਿ વਿਯ ਖਣਿਕਪ੍ਪਹਾਨਾਭਾવੇਨ ਨ વਿਗਤਾ ਤਣ੍ਹਾ ਏਤੇਸਨ੍ਤਿ ਅવਿਗਤਤਣ੍ਹਾ। ਅਚਤ੍ਤਤਣ੍ਹਾਤਿ ਤਦਙ੍ਗਪ੍ਪਹਾਨਾਭਾવੇਨ ਅਪਰਿਚ੍ਚਤ੍ਤਤਣ੍ਹਾ। ਅવਨ੍ਤਤਣ੍ਹਾਤਿ વਿਕ੍ਖਮ੍ਭਨਪ੍ਪਹਾਨਾਭਾવੇਨ ਨ વਨ੍ਤਤਣ੍ਹਾਤਿ ਅવਨ੍ਤਤਣ੍ਹਾ। ਅਮੁਤ੍ਤਤਣ੍ਹਾਤਿ ਅਚ੍ਚਨ੍ਤਸਮੁਚ੍ਛੇਦਪ੍ਪਹਾਨਾਭਾવੇਨ ਨ ਮੁਤ੍ਤਤਣ੍ਹਾ। ਅਪ੍ਪਹੀਨਤਣ੍ਹਾਤਿ ਪਟਿਪ੍ਪਸ੍ਸਦ੍ਧਿਪ੍ਪਹਾਨਾਭਾવੇਨ ਨ ਪਹੀਨਤਣ੍ਹਾ। ਅਪ੍ਪਟਿਨਿਸ੍ਸਟ੍ਠਤਣ੍ਹਾਤਿ ਨਿਸ੍ਸਰਣਪ੍ਪਹਾਨਾਭਾવੇਨ ਭવੇ ਪਤਿਟ੍ਠਿਤਂ ਅਨੁਸਯਕਿਲੇਸਂ ਅਪ੍ਪਟਿਨਿਸ੍ਸਜ੍ਜਿਤ੍વਾ ਠਿਤਤ੍ਤਾ ਅਪ੍ਪਟਿਨਿਸ੍ਸਟ੍ਠਤਣ੍ਹਾ।

    Bhavābhavesūti bhavābhaveti bhavoti kāmadhātu. Abhavoti rūpārūpadhātu. Atha vā bhavoti kāmadhātu rūpadhātu. Abhavoti arūpadhātu. Tesu bhavābhavesu. Kammabhaveti kammavaṭṭe. Punabbhaveti ponobhavike vipākavaṭṭe. Kāmabhaveti kāmadhātuyā. Kammabhaveti kammavaṭṭe. Tattha kammabhavo bhāvayatīti bhavo. Kāmabhave punabbhaveti kāmadhātuyā upapattibhave vipākavaṭṭe. Vipākabhavo bhavatīti bhavo. Rūpabhavādīsupi eseva nayo. Ettha ca ‘‘kāmabhave rūpabhave arūpabhave’’ti okāsabhavaṃ sandhāya vuttaṃ. Tīsupi ‘‘kammabhave’’ti kammabhavaṃ , tathā ‘‘punabbhave’’ti upapattibhavaṃ sandhāya vuttaṃ. Punappunabbhaveti aparāparaṃ uppattiyaṃ. Gatiyāti pañcagatiyā aññatarāya. Attabhāvābhinibbattiyāti attabhāvānaṃ abhinibbattiyā. Avītataṇhāti mūlapadaṃ. Avigatataṇhāti khaṇikasamādhi viya khaṇikappahānābhāvena na vigatā taṇhā etesanti avigatataṇhā. Acattataṇhāti tadaṅgappahānābhāvena apariccattataṇhā. Avantataṇhāti vikkhambhanappahānābhāvena na vantataṇhāti avantataṇhā. Amuttataṇhāti accantasamucchedappahānābhāvena na muttataṇhā. Appahīnataṇhāti paṭippassaddhippahānābhāvena na pahīnataṇhā. Appaṭinissaṭṭhataṇhāti nissaraṇappahānābhāvena bhave patiṭṭhitaṃ anusayakilesaṃ appaṭinissajjitvā ṭhitattā appaṭinissaṭṭhataṇhā.

    ੧੨. ਇਦਾਨਿ ਯਸ੍ਮਾ ਅવਿਗਤਤਣ੍ਹਾ ਏવਂ ਫਨ੍ਦਨ੍ਤਿ ਚ ਲਪਨ੍ਤਿ ਚ, ਤਸ੍ਮਾ ਤਣ੍ਹਾવਿਨਯੇ ਸਮਾਦਪੇਨ੍ਤੋ ‘‘ਮਮਾਯਿਤੇ’’ਤਿ ਗਾਥਮਾਹ। ਤਤ੍ਥ ਮਮਾਯਿਤੇਤਿ ਤਣ੍ਹਾਦਿਟ੍ਠਿਮਮਤ੍ਤੇਹਿ ‘‘ਮਮ’’ਨ੍ਤਿ ਪਰਿਗ੍ਗਹਿਤੇ વਤ੍ਥੁਸ੍ਮਿਂ। ਪਸ੍ਸਥਾਤਿ ਸੋਤਾਰੇ ਆਲਪਨ੍ਤੋ ਆਹ। ਏਤਮ੍ਪੀਤਿ ਏਤਮ੍ਪਿ ਆਦੀਨવਂ। ਸੇਸਂ ਪਾਕਟਮੇવ।

    12. Idāni yasmā avigatataṇhā evaṃ phandanti ca lapanti ca, tasmā taṇhāvinaye samādapento ‘‘mamāyite’’ti gāthamāha. Tattha mamāyiteti taṇhādiṭṭhimamattehi ‘‘mama’’nti pariggahite vatthusmiṃ. Passathāti sotāre ālapanto āha. Etampīti etampi ādīnavaṃ. Sesaṃ pākaṭameva.

    ਦ੍વੇ ਮਮਤ੍ਤਾਤਿ ਦ੍વੇ ਆਲਯਾ। ਯਾવਤਾਤਿ ਪਰਿਚ੍ਛੇਦਨਿਯਮਤ੍ਥੇ ਨਿਪਾਤੋ। ਤਣ੍ਹਾਸਙ੍ਖਾਤੇਨਾਤਿ ਤਣ੍ਹਾਕੋਟ੍ਠਾਸੇਨ, ਸਙ੍ਖਾ ਸਙ੍ਖਾਤਨ੍ਤਿ ਅਤ੍ਥਤੋ ਏਕਂ ‘‘ਸਞ੍ਞਾਨਿਦਾਨਾ ਹਿ ਪਪਞ੍ਚਸਙ੍ਖਾ’’ਤਿਆਦੀਸੁ (ਸੁ॰ ਨਿ॰ ੮੮੦) વਿਯ। ਸੀਮਕਤਨ੍ਤਿ ਅਪਰਿਚ੍ਛੇਦਦੋਸવਿਰਹਿਤਂ ਮਰਿਯਾਦਕਤਂ ‘‘ਤਿਯੋਜਨਪਰਮਂ ਸੀਮਂ ਸਮ੍ਮਨ੍ਨਿਤੁ’’ਨ੍ਤਿ ਆਦੀਸੁ (ਮਹਾવ॰ ੧੪੦) વਿਯ। ਓਧਿਕਤਨ੍ਤਿ વਚਨਪਰਿਚ੍ਛੇਦਦੋਸવਿਰਹਿਤਂ ਪਰਿਚ੍ਛੇਦਕਤਂ ਸੀਮਨ੍ਤਰਿਕਰੁਕ੍ਖੋ વਿਯ। ਪਰਿਯਨ੍ਤਕਤਨ੍ਤਿ ਪਰਿਚ੍ਛੇਦਕਤਂ। ਸੀਮਨ੍ਤਰਿਕਰੁਕ੍ਖੋ ਪਨ ਦ੍વਿਨ੍ਨਂ ਸਾਧਾਰਣਂ, ਅਯਂ ਪਨ ਏਕਾਬਦ੍ਧਤਾਲਪਨ੍ਤਿ વਿਯ ਕਤਨ੍ਤਿ ਪਰਿਯਨ੍ਤਕਤਂ। ਪਰਿਗ੍ਗਹਿਤਨ੍ਤਿ ਕਾਲਨ੍ਤਰੇਪਿ ਪਰਾਯਤ੍ਤਂ ਮੁਞ੍ਚਿਤ੍વਾ ਸਬ੍ਬਾਕਾਰੇਨ ਗਹਿਤਂ। ਮਮਾਯਿਤਨ੍ਤਿ ਆਲਯਕਤਂ વਸ੍ਸੂਪਗਤਂ ਸੇਨਾਸਨਂ વਿਯ। ਇਦਂ ਮਮਨ੍ਤਿ ਸਮੀਪੇ ਠਿਤਂ। ਏਤਂ ਮਮਨ੍ਤਿ ਦੂਰੇ ਠਿਤਂ। ਏਤ੍ਤਕਨ੍ਤਿ ਪਰਿਕ੍ਖਾਰਨਿਯਮਨਂ ‘‘ਏਤ੍ਤਕਮ੍ਪਿ ਨਪ੍ਪਟਿਭਾਸੇਯ੍ਯਾ’’ਤਿ વਿਯ। ਏਤ੍ਤਾવਤਾਤਿ ਪਰਿਚ੍ਛੇਦਤ੍ਥੇਪਿ ਨਿਪਾਤਨਿਯਮਨਂ ‘‘ਏਤ੍ਤਾવਤਾ ਖੋ ਮਹਾਨਾਮਾ’’ਤਿ વਿਯ। ਕੇવਲਮ੍ਪਿ ਮਹਾਪਥવਿਨ੍ਤਿ ਸਕਲਮ੍ਪਿ ਮਹਾਪਥવਿਂ।

    Dve mamattāti dve ālayā. Yāvatāti paricchedaniyamatthe nipāto. Taṇhāsaṅkhātenāti taṇhākoṭṭhāsena, saṅkhā saṅkhātanti atthato ekaṃ ‘‘saññānidānā hi papañcasaṅkhā’’tiādīsu (su. ni. 880) viya. Sīmakatanti aparicchedadosavirahitaṃ mariyādakataṃ ‘‘tiyojanaparamaṃ sīmaṃ sammannitu’’nti ādīsu (mahāva. 140) viya. Odhikatanti vacanaparicchedadosavirahitaṃ paricchedakataṃ sīmantarikarukkho viya. Pariyantakatanti paricchedakataṃ. Sīmantarikarukkho pana dvinnaṃ sādhāraṇaṃ, ayaṃ pana ekābaddhatālapanti viya katanti pariyantakataṃ. Pariggahitanti kālantarepi parāyattaṃ muñcitvā sabbākārena gahitaṃ. Mamāyitanti ālayakataṃ vassūpagataṃ senāsanaṃ viya. Idaṃ mamanti samīpe ṭhitaṃ. Etaṃ mamanti dūre ṭhitaṃ. Ettakanti parikkhāraniyamanaṃ ‘‘ettakampi nappaṭibhāseyyā’’ti viya. Ettāvatāti paricchedatthepi nipātaniyamanaṃ ‘‘ettāvatā kho mahānāmā’’ti viya. Kevalampi mahāpathavinti sakalampi mahāpathaviṃ.

    ਅਟ੍ਠਸਤਂ ਤਣ੍ਹਾવਿਚਰਿਤਨ੍ਤਿ ਅਟ੍ਠੁਤ੍ਤਰਸਤਂ ਤਣ੍ਹਾਗਮਨવਿਤ੍ਥਾਰਂ। ਅਟ੍ਠੁਤ੍ਤਰਸਤਂ ਕਥਂ ਹੋਤੀਤਿ ਚੇ? ਰੂਪਤਣ੍ਹਾ…ਪੇ॰… ਧਮ੍ਮਤਣ੍ਹਾਤਿ ਏવਂ ਚਕ੍ਖੁਦ੍વਾਰਾਦੀਸੁ ਜવਨવੀਥਿਯਾ ਪવਤ੍ਤਾ ਤਣ੍ਹਾ ‘‘ਸੇਟ੍ਠਿਪੁਤ੍ਤੋ, ਬ੍ਰਾਹ੍ਮਣਪੁਤ੍ਤੋ’’ਤਿ ਏવਮਾਦੀਸੁ ਪਿਤਿਤੋ ਲਦ੍ਧਨਾਮਾ વਿਯ ਪਿਤੁਸਦਿਸਾਰਮ੍ਮਣੇ ਭੂਤਾ। ਏਤ੍ਥ ਚ ਰੂਪਾਰਮ੍ਮਣਾ ਰੂਪੇ ਤਣ੍ਹਾਤਿ ਰੂਪਤਣ੍ਹਾ। ਸਾ ਕਾਮਰਾਗਭਾવੇਨ ਰੂਪਂ ਅਸ੍ਸਾਦੇਨ੍ਤੀ ਪવਤ੍ਤਮਾਨਾ ਕਾਮਤਣ੍ਹਾ। ਸਸ੍ਸਤਦਿਟ੍ਠਿਸਹਗਤਰਾਗਭਾવੇਨ ‘‘ਰੂਪਂ ਨਿਚ੍ਚਂ ਧੁવਂ ਸਸ੍ਸਤ’’ਨ੍ਤਿ ਏવਂ ਅਸ੍ਸਾਦੇਨ੍ਤੀ ਪવਤ੍ਤਮਾਨਾ ਭવਤਣ੍ਹਾ। ਉਚ੍ਛੇਦਦਿਟ੍ਠਿਸਹਗਤਰਾਗਭਾવੇਨ ‘‘ਰੂਪਂ ਉਚ੍ਛਿਜ੍ਜਤਿ વਿਨਸ੍ਸਤਿ ਪਚ੍ਛੇਦਂ ਭવਿਸ੍ਸਤੀ’’ਤਿ ਏવਂ ਅਸ੍ਸਾਦੇਨ੍ਤੀ ਪવਤ੍ਤਮਾਨਾ વਿਭવਤਣ੍ਹਾਤਿ ਏવਂ ਤਿવਿਧਾ ਹੋਤਿ। ਯਥਾ ਚ ਰੂਪਤਣ੍ਹਾ, ਤਥਾ ਸਦ੍ਦਤਣ੍ਹਾਦਯੋਪੀਤਿ ਏਤਾਨਿ ਅਟ੍ਠਾਰਸ ਤਣ੍ਹਾવਿਚਰਿਤਾਨਿ ਹੋਨ੍ਤਿ। ਤਾਨਿ ਅਜ੍ਝਤ੍ਤਰੂਪਾਦੀਸੁ ਅਟ੍ਠਾਰਸ, ਬਹਿਦ੍ਧਾਰੂਪਾਦੀਸੁ ਅਟ੍ਠਾਰਸਾਤਿ ਛਤ੍ਤਿਂਸ, ਇਤਿ ਅਤੀਤਾਨਿ ਛਤ੍ਤਿਂਸ, ਅਨਾਗਤਾਨਿ ਛਤ੍ਤਿਂਸ, ਪਚ੍ਚੁਪ੍ਪਨ੍ਨਾਨਿ ਛਤ੍ਤਿਂਸਾਤਿ ਅਟ੍ਠਸਤਂ। ਅਜ੍ਝਤ੍ਤਿਕਸ੍ਸ ਉਪਾਦਾਯ ‘‘ਅਸ੍ਮੀ’’ਤਿ ਹੋਤਿ, ‘‘ਇਤ੍ਥਸ੍ਮੀ’’ਤਿ ਹੋਤੀਤਿ વਾ ਏવਮਾਦੀਨਿ ਅਜ੍ਝਤ੍ਤਿਕਰੂਪਾਦਿਨਿਸ੍ਸਿਤਾਨਿ ਅਟ੍ਠਾਰਸ, ਬਾਹਿਰਸ੍ਸੁਪਾਦਾਯ ਇਮਿਨਾ ‘‘ਅਸ੍ਮੀ’’ਤਿ ਹੋਤਿ, ਇਮਿਨਾ ‘‘ਇਤ੍ਥਸ੍ਮੀ’’ਤਿ ਹੋਤੀਤਿ ਬਾਹਿਰਰੂਪਾਦਿਨਿਸ੍ਸਿਤਾਨਿ ਅਟ੍ਠਾਰਸਾਤਿ ਛਤ੍ਤਿਂਸ। ਇਤਿ ਅਤੀਤਾਨਿ ਛਤ੍ਤਿਂਸ, ਅਨਾਗਤਾਨਿ ਛਤ੍ਤਿਂਸ, ਪਚ੍ਚੁਪ੍ਪਨ੍ਨਾਨਿ ਛਤ੍ਤਿਂਸਾਤਿ ਏવਮ੍ਪਿ ਅਟ੍ਠਸਤਤਣ੍ਹਾવਿਚਰਿਤਾਨਿ ਹੋਨ੍ਤਿ।

    Aṭṭhasataṃ taṇhāvicaritanti aṭṭhuttarasataṃ taṇhāgamanavitthāraṃ. Aṭṭhuttarasataṃ kathaṃ hotīti ce? Rūpataṇhā…pe… dhammataṇhāti evaṃ cakkhudvārādīsu javanavīthiyā pavattā taṇhā ‘‘seṭṭhiputto, brāhmaṇaputto’’ti evamādīsu pitito laddhanāmā viya pitusadisārammaṇe bhūtā. Ettha ca rūpārammaṇā rūpe taṇhāti rūpataṇhā. Sā kāmarāgabhāvena rūpaṃ assādentī pavattamānā kāmataṇhā. Sassatadiṭṭhisahagatarāgabhāvena ‘‘rūpaṃ niccaṃ dhuvaṃ sassata’’nti evaṃ assādentī pavattamānā bhavataṇhā. Ucchedadiṭṭhisahagatarāgabhāvena ‘‘rūpaṃ ucchijjati vinassati pacchedaṃ bhavissatī’’ti evaṃ assādentī pavattamānā vibhavataṇhāti evaṃ tividhā hoti. Yathā ca rūpataṇhā, tathā saddataṇhādayopīti etāni aṭṭhārasa taṇhāvicaritāni honti. Tāni ajjhattarūpādīsu aṭṭhārasa, bahiddhārūpādīsu aṭṭhārasāti chattiṃsa, iti atītāni chattiṃsa, anāgatāni chattiṃsa, paccuppannāni chattiṃsāti aṭṭhasataṃ. Ajjhattikassa upādāya ‘‘asmī’’ti hoti, ‘‘itthasmī’’ti hotīti vā evamādīni ajjhattikarūpādinissitāni aṭṭhārasa, bāhirassupādāya iminā ‘‘asmī’’ti hoti, iminā ‘‘itthasmī’’ti hotīti bāhirarūpādinissitāni aṭṭhārasāti chattiṃsa. Iti atītāni chattiṃsa, anāgatāni chattiṃsa, paccuppannāni chattiṃsāti evampi aṭṭhasatataṇhāvicaritāni honti.

    વੀਸਤਿવਤ੍ਥੁਕਾ ਸਕ੍ਕਾਯਦਿਟ੍ਠੀਤਿ ਰੂਪਾਦੀਨਂ ਪਞ੍ਚਨ੍ਨਂ ਖਨ੍ਧਾਨਂ ਏਕੇਕਮ੍ਪਿ ‘‘ਰੂਪਂ ਅਤ੍ਤਤੋ ਸਮਨੁਪਸ੍ਸਤੀ’’ਤਿਆਦਿਨਾ (ਪਟਿ॰ ਮ॰ ੧.੧੩੦-੧੩੧) ਨਯੇਨ ਚਤੁਧਾ ਗਾਹવਸੇਨ ਪવਤ੍ਤਾਨਿ વਤ੍ਥੂਨਿ ਕਤ੍વਾ ਉਪ੍ਪਨ੍ਨਾ વਿਜ੍ਜਮਾਨਟ੍ਠੇਨ ਸਤਿ ਖਨ੍ਧਪਞ੍ਚਕਸਙ੍ਖਾਤੇ ਕਾਯੇ ਦਿਟ੍ਠੀਤਿ ਸਕ੍ਕਾਯਦਿਟ੍ਠਿ। ਦਸવਤ੍ਥੁਕਾ ਮਿਚ੍ਛਾਦਿਟ੍ਠੀਤਿ ‘‘ਨਤ੍ਥਿ ਦਿਨ੍ਨਂ, ਨਤ੍ਥਿ ਯਿਟ੍ਠ’’ਨ੍ਤਿਆਦਿਨਯਪ੍ਪવਤ੍ਤਾ ਮਿਚ੍ਛਾਦਿਟ੍ਠਿ, ਅਯਾਥਾવਦਿਟ੍ਠਿ વਿਰਜ੍ਝਿਤ੍વਾ ਗਹਣਤੋ વਾ વਿਤਥਾ ਦਿਟ੍ਠਿ ਮਿਚ੍ਛਾਦਿਟ੍ਠਿ, ਅਨਤ੍ਥਾવਹਤ੍ਤਾ ਪਣ੍ਡਿਤੇਹਿ ਕੁਚ੍ਛਿਤਾ ਦਿਟ੍ਠੀਤਿਪਿ ਮਿਚ੍ਛਾਦਿਟ੍ਠਿ। ਸਾ ਅਯੋਨਿਸੋ ਅਭਿਨਿવੇਸਲਕ੍ਖਣਾ, ਪਰਾਮਾਸਰਸਾ, ਮਿਚ੍ਛਾਭਿਨਿવੇਸਪਚ੍ਚੁਪਟ੍ਠਾਨਾ, ਅਰਿਯਾਨਮਦਸ੍ਸਨਕਾਮਤਾਦਿਪਦਟ੍ਠਾਨਾ, ਪਰਮવਜ੍ਜਾਤਿ ਦਟ੍ਠਬ੍ਬਾ। ਦਸવਤ੍ਥੁਕਾ ਅਨ੍ਤਗ੍ਗਾਹਿਕਾ ਦਿਟ੍ਠੀਤਿ ਸਸ੍ਸਤੋ ਲੋਕੋ, ਅਸਸ੍ਸਤੋ ਲੋਕੋ, ਅਨ੍ਤવਾ ਲੋਕੋ’’ਤਿ ਆਦਿਨਯਪ੍ਪવਤ੍ਤਾ ਏਕੇਕਂ ਕੋਟ੍ਠਾਸਂ ਪਤਿਟ੍ਠਂ ਕਤ੍વਾ ਗਹਣવਸੇਨ ਏવਂ ਪવਤ੍ਤਾ ਦਿਟ੍ਠਿ ਦਸવਤ੍ਥੁਕਾ ਅਨ੍ਤਗ੍ਗਾਹਿਕਾ ਦਿਟ੍ਠਿ। ਯਾ ਏવਰੂਪਾ ਦਿਟ੍ਠੀਤਿ ਯਾ ਏવਂਜਾਤਿਕਾ ਦਿਟ੍ਠਿ। ਦਿਟ੍ਠਿਗਤਨ੍ਤਿ ਦਿਟ੍ਠੀਸੁ ਗਤਂ। ਇਦਂ ਦਸ੍ਸਨਂ ਦ੍વਾਸਟ੍ਠਿਦਿਟ੍ਠਿਅਨ੍ਤੋਗਧਤ੍ਤਾਤਿ ਦਿਟ੍ਠਿਗਤਂ, ਦਿਟ੍ਠਿਯੇવ ਦੁਰਤਿਕ੍ਕਮਨਟ੍ਠੇਨ ਗਹਨਂ ਦਿਟ੍ਠਿਗਹਨਂ ਤਿਣਗਹਨવਨਗਹਨਪਬ੍ਬਤਗਹਨਾਨਿ વਿਯ। ਸਾਸਙ੍ਕਸਪ੍ਪਟਿਭਯਟ੍ਠੇਨ ਦਿਟ੍ਠਿਕਨ੍ਤਾਰਂ ਚੋਰਕਨ੍ਤਾਰવਾਲ਼ਕਨ੍ਤਾਰਨਿਰੁਦਕਕਨ੍ਤਾਰਦੁਬ੍ਭਿਕ੍ਖਕਨ੍ਤਾਰਾ વਿਯ। ਸਮ੍ਮਾਦਿਟ੍ਠਿਯਾ વਿਨਿવਿਜ੍ਝਨਟ੍ਠੇਨ વਿਲੋਮਨਟ੍ਠੇਨ ਚ ਦਿਟ੍ਠਿવਿਸੂਕਾਯਿਕਂ। ਮਿਚ੍ਛਾਦਸ੍ਸਨਞ੍ਹਿ ਉਪ੍ਪਜ੍ਜਮਾਨਂ ਸਮ੍ਮਾਦਸ੍ਸਨਂ વਿਨਿવਿਜ੍ਝਤਿ ਚੇવ વਿਲੋਮੇਤਿ ਚ। ਕਦਾਚਿ ਸਸ੍ਸਤਸ੍ਸ, ਕਦਾਚਿ ਉਚ੍ਛੇਦਸ੍ਸ ਗਹਣਤੋ ਦਿਟ੍ਠਿਯਾ વਿਰੂਪਂ ਫਨ੍ਦਿਤਨ੍ਤਿ ਦਿਟ੍ਠਿવਿਪ੍ਫਨ੍ਦਿਤਂ। ਦਿਟ੍ਠਿਗਤਿਕੋ ਹਿ ਏਕਸ੍ਮਿਂ ਪਤਿਟ੍ਠਾਤੁਂ ਨ ਸਕ੍ਕੋਤਿ। ਕਦਾਚਿ ਸਸ੍ਸਤਂ ਅਨੁਸ੍ਸਰਤਿ, ਕਦਾਚਿ ਉਚ੍ਛੇਦਂ। ਦਿਟ੍ਠਿਯੇવ ਬਨ੍ਧਨਟ੍ਠੇਨ ਸਂਯੋਜਨਨ੍ਤਿ ਦਿਟ੍ਠਿਸਂਯੋਜਨਂ। ਸੁਸੁਮਾਰਾਦਯੋ વਿਯ ਪੁਰਿਸਂ ਆਰਮ੍ਮਣਂ ਦਲ਼੍ਹਂ ਗਣ੍ਹਾਤੀਤਿ ਗਾਹੋ। ਪਤਿਟ੍ਠਹਨਤੋ ਪਤਿਟ੍ਠਾਹੋ। ਅਯਞ੍ਹਿ ਬਲવਪવਤ੍ਤਿਭਾવੇਨ ਪਤਿਟ੍ਠਹਿਤ੍વਾ ਗਣ੍ਹਾਤਿ। ਨਿਚ੍ਚਾਦਿવਸੇਨ ਅਭਿਨਿવਿਸਤੀਤਿ ਅਭਿਨਿવੇਸੋ। ਧਮ੍ਮਸਭਾવਂ ਅਤਿਕ੍ਕਮਿਤ੍વਾ ਨਿਚ੍ਚਾਦਿવਸੇਨ ਪਰਤੋ ਆਮਸਤੀਤਿ ਪਰਾਮਾਸੋ। ਅਨਤ੍ਥਾવਹਤ੍ਤਾ ਕੁਚ੍ਛਿਤੋ ਮਗ੍ਗੋ, ਕੁਚ੍ਛਿਤਾਨਂ વਾ ਅਪਾਯਾਨਂ ਮਗ੍ਗੋਤਿ ਕੁਮ੍ਮਗ੍ਗੋ। ਅਯਾਥਾવਪਥਤੋ ਮਿਚ੍ਛਾਪਥੋ। ਯਥਾ ਹਿ ਦਿਸਾਮੂਲ਼੍ਹੇਨ ‘‘ਅਯਂ ਅਸੁਕਗਾਮਸ੍ਸ ਨਾਮ ਪਥੋ’’ਤਿ ਗਹਿਤੋਪਿ ਤਂ ਗਾਮਂ ਨ ਸਮ੍ਪਾਪੇਤਿ, ਏવਂ ਦਿਟ੍ਠਿਗਤਿਕੇਨ ‘‘ਸੁਗਤਿਪਥੋ’’ਤਿ ਗਹਿਤਾਪਿ ਦਿਟ੍ਠਿ ਸੁਗਤਿਂ ਨ ਪਾਪੇਤੀਤਿ ਅਯਾਥਾવਪਥਤੋ ਮਿਚ੍ਛਾਪਥੋ। ਮਿਚ੍ਛਾਸਭਾવਤੋ ਮਿਚ੍ਛਤ੍ਤਂ। ਤਤ੍ਥੇવ ਪਰਿਬ੍ਭਮਨਤੋ ਤਰਨ੍ਤਿ ਏਤ੍ਥ ਬਾਲਾਤਿ ਤਿਤ੍ਥਂ, ਤਿਤ੍ਥਞ੍ਚ ਤਂ ਅਨਤ੍ਥਾਨਞ੍ਚ ਆਯਤਨਨ੍ਤਿ ਤਿਤ੍ਥਾਯਤਨਂ, ਤਿਤ੍ਥਿਯਾਨਂ વਾ ਸਞ੍ਜਾਤਿਦੇਸਟ੍ਠੇਨ ਨਿવਾਸਟ੍ਠਾਨਟ੍ਠੇਨ ਚ ਆਯਤਨਨ੍ਤਿਪਿ ਤਿਤ੍ਥਾਯਤਨਂ। વਿਪਰਿਯੇਸਭੂਤੋ ਗਾਹੋ, વਿਪਰਿਯੇਸਤੋ વਾ ਗਾਹੋਤਿ વਿਪਰਿਯੇਸਗ੍ਗਾਹੋ। ਅਸਭਾવਗਾਹੋਤਿ વਿਪਰੀਤਗ੍ਗਾਹੋ। ‘‘ਅਨਿਚ੍ਚੇ ਨਿਚ੍ਚ’’ਨ੍ਤਿ ਆਦਿਨਯਪ੍ਪવਤ੍ਤવਸੇਨ ਪਰਿવਤ੍ਤੇਤ੍વਾ ਗਾਹੋ વਿਪਲ੍ਲਾਸਗ੍ਗਾਹੋ। ਅਨੁਪਾਯਗਾਹੋ ਮਿਚ੍ਛਾਗਾਹੋ। ਅਯਾਥਾવਕਸ੍ਮਿਂ વਤ੍ਥੁਸ੍ਮਿਂ ਨ ਸਭਾવਸ੍ਮਿਂ વਤ੍ਥੁਸ੍ਮਿਂ ਤਥਂ ਯਾਥਾવਕਂ ਸਭਾવਨ੍ਤਿ ਗਾਹੋ ‘‘ਅਯਾਥਾવਕਸ੍ਮਿਂ ਯਾਥਾવਕ’’ਨ੍ਤਿ ਗਾਹੋ। ਯਾવਤਾਤਿ ਯਤ੍ਤਕਾ। ਦ੍વਾਸਟ੍ਠਿਦਿਟ੍ਠਿਗਤਾਨੀਤਿ ਬ੍ਰਹ੍ਮਜਾਲੇ (ਦੀ॰ ਨਿ॰ ੧.੨੯ ਆਦਯੋ) ਆਗਤਾਨਿ ਦ੍વਾਸਟ੍ਠਿਦਿਟ੍ਠਿਗਤਾਨਿ।

    Vīsativatthukāsakkāyadiṭṭhīti rūpādīnaṃ pañcannaṃ khandhānaṃ ekekampi ‘‘rūpaṃ attato samanupassatī’’tiādinā (paṭi. ma. 1.130-131) nayena catudhā gāhavasena pavattāni vatthūni katvā uppannā vijjamānaṭṭhena sati khandhapañcakasaṅkhāte kāye diṭṭhīti sakkāyadiṭṭhi. Dasavatthukā micchādiṭṭhīti ‘‘natthi dinnaṃ, natthi yiṭṭha’’ntiādinayappavattā micchādiṭṭhi, ayāthāvadiṭṭhi virajjhitvā gahaṇato vā vitathā diṭṭhi micchādiṭṭhi, anatthāvahattā paṇḍitehi kucchitā diṭṭhītipi micchādiṭṭhi. Sā ayoniso abhinivesalakkhaṇā, parāmāsarasā, micchābhinivesapaccupaṭṭhānā, ariyānamadassanakāmatādipadaṭṭhānā, paramavajjāti daṭṭhabbā. Dasavatthukā antaggāhikā diṭṭhīti sassato loko, asassato loko, antavā loko’’ti ādinayappavattā ekekaṃ koṭṭhāsaṃ patiṭṭhaṃ katvā gahaṇavasena evaṃ pavattā diṭṭhi dasavatthukā antaggāhikā diṭṭhi. Yā evarūpā diṭṭhīti yā evaṃjātikā diṭṭhi. Diṭṭhigatanti diṭṭhīsu gataṃ. Idaṃ dassanaṃ dvāsaṭṭhidiṭṭhiantogadhattāti diṭṭhigataṃ, diṭṭhiyeva duratikkamanaṭṭhena gahanaṃ diṭṭhigahanaṃ tiṇagahanavanagahanapabbatagahanāni viya. Sāsaṅkasappaṭibhayaṭṭhena diṭṭhikantāraṃ corakantāravāḷakantāranirudakakantāradubbhikkhakantārā viya. Sammādiṭṭhiyā vinivijjhanaṭṭhena vilomanaṭṭhena ca diṭṭhivisūkāyikaṃ. Micchādassanañhi uppajjamānaṃ sammādassanaṃ vinivijjhati ceva vilometi ca. Kadāci sassatassa, kadāci ucchedassa gahaṇato diṭṭhiyā virūpaṃ phanditanti diṭṭhivipphanditaṃ. Diṭṭhigatiko hi ekasmiṃ patiṭṭhātuṃ na sakkoti. Kadāci sassataṃ anussarati, kadāci ucchedaṃ. Diṭṭhiyeva bandhanaṭṭhena saṃyojananti diṭṭhisaṃyojanaṃ. Susumārādayo viya purisaṃ ārammaṇaṃ daḷhaṃ gaṇhātīti gāho. Patiṭṭhahanato patiṭṭhāho. Ayañhi balavapavattibhāvena patiṭṭhahitvā gaṇhāti. Niccādivasena abhinivisatīti abhiniveso. Dhammasabhāvaṃ atikkamitvā niccādivasena parato āmasatīti parāmāso. Anatthāvahattā kucchito maggo, kucchitānaṃ vā apāyānaṃ maggoti kummaggo. Ayāthāvapathato micchāpatho. Yathā hi disāmūḷhena ‘‘ayaṃ asukagāmassa nāma patho’’ti gahitopi taṃ gāmaṃ na sampāpeti, evaṃ diṭṭhigatikena ‘‘sugatipatho’’ti gahitāpi diṭṭhi sugatiṃ na pāpetīti ayāthāvapathato micchāpatho. Micchāsabhāvato micchattaṃ. Tattheva paribbhamanato taranti ettha bālāti titthaṃ, titthañca taṃ anatthānañca āyatananti titthāyatanaṃ, titthiyānaṃ vā sañjātidesaṭṭhena nivāsaṭṭhānaṭṭhena ca āyatanantipi titthāyatanaṃ. Vipariyesabhūto gāho, vipariyesato vā gāhoti vipariyesaggāho. Asabhāvagāhoti viparītaggāho. ‘‘Anicce nicca’’nti ādinayappavattavasena parivattetvā gāho vipallāsaggāho. Anupāyagāho micchāgāho. Ayāthāvakasmiṃ vatthusmiṃ na sabhāvasmiṃ vatthusmiṃ tathaṃ yāthāvakaṃ sabhāvanti gāho ‘‘ayāthāvakasmiṃ yāthāvaka’’nti gāho. Yāvatāti yattakā. Dvāsaṭṭhidiṭṭhigatānīti brahmajāle (dī. ni. 1.29 ādayo) āgatāni dvāsaṭṭhidiṭṭhigatāni.

    ਅਚ੍ਛੇਦਸਂਕਿਨੋਪਿ ਫਨ੍ਦਨ੍ਤੀਤਿ ਅਚ੍ਛਿਨ੍ਦਿਤ੍વਾ ਪਸਯ੍ਹ ਬਲਕ੍ਕਾਰੇਨ ਗਣ੍ਹਿਸ੍ਸਨ੍ਤੀਤਿ ਉਪ੍ਪਨ੍ਨਸਂਕਿਨੋਪਿ ਚਲਨ੍ਤਿ। ਅਚ੍ਛਿਨ੍ਦਨ੍ਤੇਪੀਤਿ વੁਤ੍ਤਨਯੇਨ ਅਚ੍ਛਿਜ੍ਜਨ੍ਤੇਪਿ। ਅਚ੍ਛਿਨ੍ਨੇਪੀਤਿ વੁਤ੍ਤਨਯੇਨ ਅਚ੍ਛਿਨ੍ਦਿਤ੍વਾ ਗਹਿਤੇਪਿ। વਿਪਰਿਣਾਮਸਂਕਿਨੋਪੀਤਿ ਪਰਿવਤ੍ਤੇਤ੍વਾ ਅਞ੍ਞਥਾਭਾવੇਨ ਆਸਂਕਿਨੋਪਿ । વਿਪਰਿਣਾਮਨ੍ਤੇਪੀਤਿ વਿਪਰਿવਤ੍ਤਨਕਾਲੇਪਿ। વਿਪਰਿਣਤੇਪੀਤਿ વਿਪਰਿવਤ੍ਤਿਤੇਪਿ। ਫਨ੍ਦਨ੍ਤੀਤਿ ਚਲਨ੍ਤਿ। ਸਮ੍ਫਨ੍ਦਨ੍ਤੀਤਿ ਸਬ੍ਬਾਕਾਰੇਨ ਚਲਨ੍ਤਿ। વਿਪ੍ਫਨ੍ਦਨ੍ਤੀਤਿ વਿવਿਧਾਕਾਰੇਨ ਫਨ੍ਦਨ੍ਤਿ। વੇਧਨ੍ਤੀਤਿ ਭਯਂ ਦਿਸ੍વਾ ਕਮ੍ਪਨ੍ਤਿ। ਪવੇਧਨ੍ਤੀਤਿ ਛਮ੍ਭਿਤਤ੍ਤਾ ਭਯੇਨ વਿਸੇਸੇਨ ਕਮ੍ਪਨ੍ਤਿ। ਸਮ੍ਪવੇਧਨ੍ਤੀਤਿ ਲੋਮਹਂਸਨਭਯੇਨ ਸਬ੍ਬਾਕਾਰੇਨ ਕਮ੍ਪਨ੍ਤਿ। ਫਨ੍ਦਮਾਨੇਤਿ ਉਪਯੋਗਬਹੁવਚਨਂ। ਅਪ੍ਪੋਦਕੇਤਿ ਮਨ੍ਦੋਦਕੇ। ਪਰਿਤ੍ਤੋਦਕੇਤਿ ਲੁਲ਼ਿਤੋਦਕੇ। ਉਦਕਪਰਿਯਾਦਾਨੇਤਿ ਖੀਣੋਦਕੇ। ਬਲਾਕਾਹਿ વਾਤਿ વੁਤ੍ਤਾવਸੇਸਾਹਿ ਪਕ੍ਖਿਜਾਤੀਹਿ। ਪਰਿਪਾਤਿਯਮਾਨਾਤਿ વਿਹਿਂਸਿਯਮਾਨਾ ਘਟ੍ਟਿਯਮਾਨਾ। ਉਕ੍ਖਿਪਿਯਮਾਨਾਤਿ ਕਦ੍ਦਮਨ੍ਤਰਤੋ ਨੀਹਰਿਯਮਾਨਾ ਗਿਲਿਯਮਾਨਾ વਾ। ਖਜ੍ਜਮਾਨਾਤਿ ਖਾਦਿਯਮਾਨਾ। ਫਨ੍ਦਨ੍ਤਿ ਕਾਕੇਹਿ। ਸਮ੍ਫਨ੍ਦਨ੍ਤਿ ਕੁਲਲੇਹਿ। વਿਪ੍ਫਨ੍ਦਨ੍ਤਿ ਬਲਾਕਾਹਿ। વੇਧਨ੍ਤਿ ਤੁਣ੍ਡੇਨ ਗਹਿਤਕਾਲੇ ਮਰਣવਸੇਨ। ਪવੇਧਨ੍ਤਿ વਿਜ੍ਝਨਕਾਲੇ। ਸਮ੍ਪવੇਧਨ੍ਤਿ ਮਰਣਸਮੀਪੇ।

    Acchedasaṃkinopi phandantīti acchinditvā pasayha balakkārena gaṇhissantīti uppannasaṃkinopi calanti. Acchindantepīti vuttanayena acchijjantepi. Acchinnepīti vuttanayena acchinditvā gahitepi. Vipariṇāmasaṃkinopīti parivattetvā aññathābhāvena āsaṃkinopi . Vipariṇāmantepīti viparivattanakālepi. Vipariṇatepīti viparivattitepi. Phandantīti calanti. Samphandantīti sabbākārena calanti. Vipphandantīti vividhākārena phandanti. Vedhantīti bhayaṃ disvā kampanti. Pavedhantīti chambhitattā bhayena visesena kampanti. Sampavedhantīti lomahaṃsanabhayena sabbākārena kampanti. Phandamāneti upayogabahuvacanaṃ. Appodaketi mandodake. Parittodaketi luḷitodake. Udakapariyādāneti khīṇodake. Balākāhi vāti vuttāvasesāhi pakkhijātīhi. Paripātiyamānāti vihiṃsiyamānā ghaṭṭiyamānā. Ukkhipiyamānāti kaddamantarato nīhariyamānā giliyamānā vā. Khajjamānāti khādiyamānā. Phandanti kākehi. Samphandanti kulalehi. Vipphandanti balākāhi. Vedhanti tuṇḍena gahitakāle maraṇavasena. Pavedhanti vijjhanakāle. Sampavedhanti maraṇasamīpe.

    ਪਸ੍ਸਿਤ੍વਾਤਿ ਅਗੁਣਂ ਪਸ੍ਸਿਤ੍વਾ। ਤੁਲਯਿਤ੍વਾਤਿ ਗੁਣਾਗੁਣਂ ਤੁਲਯਿਤ੍વਾ। ਤੀਰਯਿਤ੍વਾਤਿ ਗੁਣਾਗੁਣਂ વਿਤ੍ਥਾਰੇਤ੍વਾ। વਿਭਾવਯਿਤ੍વਾਤਿ વਤ੍ਥੁਹਾਨਭਾਗਿਂ ਮੁਞ੍ਚਿਤ੍વਾ વਜ੍ਜੇਤ੍વਾ। વਿਭੂਤਂ ਕਤ੍વਾਤਿ ਨਿਪ੍ਫਤ੍ਤਿਂ ਪਾਪੇਤ੍વਾ ਆવੇਣਿਕਂ ਕਤ੍વਾ। ਅਥ વਾ ਸਂਕਿਣ੍ਣਦੋਸਂ ਮੋਚੇਤ੍વਾ વਤ੍ਥੁવਿਭਾਗਕਰਣੇਨ ਪਸ੍ਸਿਤ੍વਾ। ਅਪਰਿਚ੍ਛੇਦਦੋਸਂ ਮੋਚੇਤ੍વਾ ਪਮਾਣਕਰਣવਸੇਨ ਤੁਲਯਿਤ੍વਾ। વਤ੍ਥੁਦੋਸਂ ਮੋਚੇਤ੍વਾ વਿਭਾਗਕਰਣવਸੇਨ ਤੀਰਯਿਤ੍વਾ। ਸਮ੍ਮੋਹਦੋਸਂ ਮੋਚਯਿਤ੍વਾ ਅਗ੍ਗવਿਭਾਗਕਰਣવਸੇਨ વਿਭਾવਯਿਤ੍વਾ। ਘਨਦੋਸਂ ਮੋਚੇਤ੍વਾ ਪਕਤਿવਿਭਾਗਕਰਣੇਨ વਿਭੂਤਂ ਕਤ੍વਾ। ਪਹਾਯਾਤਿ ਪਜਹਿਤ੍વਾ। ਪਟਿਨਿਸ੍ਸਜ੍ਜਿਤ੍વਾਤਿ ਨਿਸ੍ਸਜ੍ਜਿਤ੍વਾ। ਅਮਮਾਯਨ੍ਤੋਤਿ ਤਣ੍ਹਾਦਿਟ੍ਠੀਹਿ ਆਲਯਂ ਅਕਰੋਨ੍ਤੋ। ਅਗਣ੍ਹਨ੍ਤੋਤਿ ਦਿਟ੍ਠਿਯਾ ਪੁਬ੍ਬਭਾਗੇ ਪਞ੍ਞਾਯ ਤਂ ਨ ਗਣ੍ਹਨ੍ਤੋ। ਅਪਰਾਮਸਨ੍ਤੋਤਿ વਿਤਕ੍ਕੇਨ ਊਹਨਂ ਅਕਰੋਨ੍ਤੋ। ਅਨਭਿਨਿવੇਸਨ੍ਤੋਤਿ ਨਿਯਾਮੋਕ੍ਕਨ੍ਤਿਦਿਟ੍ਠਿવਸੇਨ ਨਪ੍ਪવਿਸਨ੍ਤੋ।

    Passitvāti aguṇaṃ passitvā. Tulayitvāti guṇāguṇaṃ tulayitvā. Tīrayitvāti guṇāguṇaṃ vitthāretvā. Vibhāvayitvāti vatthuhānabhāgiṃ muñcitvā vajjetvā. Vibhūtaṃ katvāti nipphattiṃ pāpetvā āveṇikaṃ katvā. Atha vā saṃkiṇṇadosaṃ mocetvā vatthuvibhāgakaraṇena passitvā. Aparicchedadosaṃ mocetvā pamāṇakaraṇavasena tulayitvā. Vatthudosaṃ mocetvā vibhāgakaraṇavasena tīrayitvā. Sammohadosaṃ mocayitvā aggavibhāgakaraṇavasena vibhāvayitvā. Ghanadosaṃ mocetvā pakativibhāgakaraṇena vibhūtaṃ katvā. Pahāyāti pajahitvā. Paṭinissajjitvāti nissajjitvā. Amamāyantoti taṇhādiṭṭhīhi ālayaṃ akaronto. Agaṇhantoti diṭṭhiyā pubbabhāge paññāya taṃ na gaṇhanto. Aparāmasantoti vitakkena ūhanaṃ akaronto. Anabhinivesantoti niyāmokkantidiṭṭhivasena nappavisanto.

    ਅਕੁਬ੍ਬਮਾਨੋਤਿ ਪਰਿਗ੍ਗਾਹਤਣ੍ਹਾવਸੇਨ ਅਕਰੋਨ੍ਤੋ। ਅਜਨਯਮਾਨੋਤਿ ਪੋਨੋਭવਿਕਤਣ੍ਹਾવਸੇਨ ਅਜਨਯਮਾਨੋ। ਅਸਞ੍ਜਨਯਮਾਨੋਤਿ વਿਸੇਸੇਨ ਅਸਞ੍ਜਨਯਮਾਨੋ। ਅਨਿਬ੍ਬਤ੍ਤਯਮਾਨੋਤਿ ਪਤ੍ਥਨਾਤਣ੍ਹਾવਸੇਨ ਨ ਨਿਬ੍ਬਤ੍ਤਯਮਾਨੋ। ਅਨਭਿਨਿਬ੍ਬਤ੍ਤਯਮਾਨੋਤਿ ਸਬ੍ਬਾਕਾਰੇਨ ਨ ਅਭਿਨਿਬ੍ਬਤ੍ਤਯਮਾਨੋ। ਉਪਸਗ੍ਗવਸੇਨ વਾ ਏਤਾਨਿ ਪਦਾਨਿ વਡ੍ਢਿਤਾਨਿ। ਏવਮੇਤ੍ਥ ਪਠਮਗਾਥਾਯ ਅਸ੍ਸਾਦਂ।

    Akubbamānoti pariggāhataṇhāvasena akaronto. Ajanayamānoti ponobhavikataṇhāvasena ajanayamāno. Asañjanayamānoti visesena asañjanayamāno. Anibbattayamānoti patthanātaṇhāvasena na nibbattayamāno. Anabhinibbattayamānoti sabbākārena na abhinibbattayamāno. Upasaggavasena vā etāni padāni vaḍḍhitāni. Evamettha paṭhamagāthāya assādaṃ.

    ੧੩. ਤਤੋ ਪਰਾਹਿ ਚਤੂਹਿ ਗਾਥਾਹਿ ਆਦੀਨવਞ੍ਚ ਦਸ੍ਸੇਤ੍વਾ ਇਦਾਨਿ ਸਉਪਾਯਂ ਨਿਸ੍ਸਰਣਂ ਨਿਸ੍ਸਰਣਾਨਿਸਂਸਞ੍ਚ ਦਸ੍ਸੇਤੁਂ, ਸਬ੍ਬਾਹਿ વਾ ਏਤਾਹਿ ਕਾਮਾਨਂ ਆਦੀਨવਂ ਓਕਾਰਂ ਸਂਕਿਲੇਸਞ੍ਚ ਦਸ੍ਸੇਤ੍વਾ ਇਦਾਨਿ ਨੇਕ੍ਖਮ੍ਮੇ ਆਨਿਸਂਸਂ ਦਸ੍ਸੇਤੁਂ ‘‘ਉਭੋਸੁ ਅਨ੍ਤੇਸੂ’’ਤਿ ਗਾਥਾਦ੍વਯਮਾਹ। ਤਤ੍ਥ ਉਭੋਸੁ ਅਨ੍ਤੇਸੂਤਿ ਫਸ੍ਸਫਸ੍ਸਸਮੁਦਯਾਦੀਸੁ ਦ੍વੀਸੁ, ਦ੍વੀਸੁ ਪਰਿਚ੍ਛੇਦੇਸੁ। વਿਨੇਯ੍ਯ ਛਨ੍ਦਨ੍ਤਿ ਛਨ੍ਦਰਾਗਂ વਿਨੇਤ੍વਾ। ਫਸ੍ਸਂ ਪਰਿਞ੍ਞਾਯਾਤਿ ਚਕ੍ਖੁਸਮ੍ਫਸ੍ਸਾਦਿਫਸ੍ਸਂ, ਫਸ੍ਸਾਨੁਸਾਰੇਨ વਾ ਤਂਸਮ੍ਪਯੁਤ੍ਤੇ ਸਬ੍ਬੇਪਿ ਅਰੂਪਧਮ੍ਮੇ, ਤੇਸਂ વਤ੍ਥੁਦ੍વਾਰਾਰਮ੍ਮਣવਸੇਨ ਰੂਪਧਮ੍ਮੇ ਚਾਤਿ ਸਕਲਮ੍ਪਿ ਨਾਮਰੂਪਂ ਤੀਹਿ ਪਰਿਞ੍ਞਾਹਿ ਪਰਿਜਾਨਿਤ੍વਾ। ਅਨਾਨੁਗਿਦ੍ਧੋਤਿ ਰੂਪਾਦੀਸੁ ਸਬ੍ਬਧਮ੍ਮੇਸੁ ਅਗਿਦ੍ਧੋ। ਯਦਤ੍ਤਗਰਹੀ ਤਦਕੁਬ੍ਬਮਾਨੋਤਿ ਯਂ ਅਤ੍ਤਨਾ ਗਰਹਤਿ, ਤਂ ਅਕੁਰੁਮਾਨੋ। ਨ ਲਿਮ੍ਪਤੀ ਦਿਟ੍ਠਸੁਤੇਸੁ ਧੀਰੋਤਿ ਸੋ ਏવਰੂਪੋ ਧਿਤਿਸਮ੍ਪਨ੍ਨੋ ਧੀਰੋ ਦਿਟ੍ਠੇਸੁ ਚ ਸੁਤੇਸੁ ਚ ਧਮ੍ਮੇਸੁ ਦ੍વਿਨ੍ਨਂ ਲੇਪਾਨਂ ਏਕੇਨਾਪਿ ਲੇਪੇਨ ਨ ਲਿਮ੍ਪਤਿ, ਆਕਾਸਮਿવ ਨਿਰੁਪਲਿਤ੍ਤੋ ਅਚ੍ਚਨ੍ਤવੋਦਾਨਪ੍ਪਤ੍ਤੋ ਹੋਤਿ।

    13. Tato parāhi catūhi gāthāhi ādīnavañca dassetvā idāni saupāyaṃ nissaraṇaṃ nissaraṇānisaṃsañca dassetuṃ, sabbāhi vā etāhi kāmānaṃ ādīnavaṃ okāraṃ saṃkilesañca dassetvā idāni nekkhamme ānisaṃsaṃ dassetuṃ ‘‘ubhosu antesū’’ti gāthādvayamāha. Tattha ubhosu antesūti phassaphassasamudayādīsu dvīsu, dvīsu paricchedesu. Vineyya chandanti chandarāgaṃ vinetvā. Phassaṃ pariññāyāti cakkhusamphassādiphassaṃ, phassānusārena vā taṃsampayutte sabbepi arūpadhamme, tesaṃ vatthudvārārammaṇavasena rūpadhamme cāti sakalampi nāmarūpaṃ tīhi pariññāhi parijānitvā. Anānugiddhoti rūpādīsu sabbadhammesu agiddho. Yadattagarahī tadakubbamānoti yaṃ attanā garahati, taṃ akurumāno. Na limpatī diṭṭhasutesu dhīroti so evarūpo dhitisampanno dhīro diṭṭhesu ca sutesu ca dhammesu dvinnaṃ lepānaṃ ekenāpi lepena na limpati, ākāsamiva nirupalitto accantavodānappatto hoti.

    ਫਸ੍ਸੋ ਏਕੋ ਅਨ੍ਤੋਤਿ ਫਸ੍ਸੋ ਏਕਪਰਿਚ੍ਛੇਦੋ। ਫੁਸਤੀਤਿ ਫਸ੍ਸੋ। ਸ੍વਾਯਂ ਫੁਸਨਲਕ੍ਖਣੋ, ਸਙ੍ਘਟ੍ਟਨਰਸੋ, ਸਨ੍ਨਿਪਾਤਪਚ੍ਚੁਪਟ੍ਠਾਨੋ, ਆਪਾਥਗਤવਿਸਯਪਦਟ੍ਠਾਨੋ। ਅਯਞ੍ਹਿ ਅਰੂਪਧਮ੍ਮੋਪਿ ਸਮਾਨੋ ਆਰਮ੍ਮਣੇ ਫੁਸਨਾਕਾਰੇਨੇવ ਪવਤ੍ਤਤੀਤਿ ਫੁਸਨਲਕ੍ਖਣੋ। ਏਕਦੇਸੇਨੇવ ਅਨਲ੍ਲੀਯਮਾਨੋਪਿ ਰੂਪਂ વਿਯ ਚਕ੍ਖੁਂ, ਸਦ੍ਦੋ વਿਯ ਚ ਸੋਤਂ ਚਿਤ੍ਤਂ ਆਰਮ੍ਮਣਞ੍ਚ ਸਙ੍ਘਟ੍ਟੇਤੀਤਿ ਸਙ੍ਘਟ੍ਟਨਰਸੋ, વਤ੍ਥਾਰਮ੍ਮਣਸਙ੍ਘਟ੍ਟਨਤੋ વਾ ਉਪ੍ਪਨ੍ਨਤ੍ਤਾ ਸਮ੍ਪਤ੍ਤਿਅਤ੍ਥੇਨਪਿ ਰਸੇਨ ‘‘ਸਙ੍ਘਟ੍ਟਨਰਸੋ’’ਤਿ વੇਦਿਤਬ੍ਬੋ। વੁਤ੍ਤਞ੍ਹੇਤਂ ਅਟ੍ਠਕਥਾਯਂ –

    Phasso eko antoti phasso ekaparicchedo. Phusatīti phasso. Svāyaṃ phusanalakkhaṇo, saṅghaṭṭanaraso, sannipātapaccupaṭṭhāno, āpāthagatavisayapadaṭṭhāno. Ayañhi arūpadhammopi samāno ārammaṇe phusanākāreneva pavattatīti phusanalakkhaṇo. Ekadeseneva anallīyamānopi rūpaṃ viya cakkhuṃ, saddo viya ca sotaṃ cittaṃ ārammaṇañca saṅghaṭṭetīti saṅghaṭṭanaraso, vatthārammaṇasaṅghaṭṭanato vā uppannattā sampattiatthenapi rasena ‘‘saṅghaṭṭanaraso’’ti veditabbo. Vuttañhetaṃ aṭṭhakathāyaṃ –

    ‘‘ਚਤੁਭੂਮਕਫਸ੍ਸੋ ਨੋ ਫੁਸਨਲਕ੍ਖਣੋ ਨਾਮ ਨਤ੍ਥਿ, ਸਙ੍ਘਟ੍ਟਨਰਸੋ ਪਨ ਪਞ੍ਚਦ੍વਾਰਿਕੋવ ਹੋਤਿ। ਪਞ੍ਚਦ੍વਾਰਿਕਸ੍ਸ ਹਿ ਫੁਸਨਲਕ੍ਖਣੋਤਿਪਿ ਸਙ੍ਘਟ੍ਟਨਰਸੋਤਿਪਿ ਨਾਮਂ। ਮਨੋਦ੍વਾਰਿਕਸ੍ਸ ਫੁਸਨਲਕ੍ਖਣੋਤ੍વੇવ ਨਾਮਂ, ਨ ਸਙ੍ਘਟ੍ਟਨਰਸੋ’’ਤਿ (ਧ॰ ਸ॰ ਅਟ੍ਠ॰ ੧, ਕਾਮਾવਚਰਕੁਸਲ, ਧਮ੍ਮੁਦ੍ਦੇਸਕਥਾ)।

    ‘‘Catubhūmakaphasso no phusanalakkhaṇo nāma natthi, saṅghaṭṭanaraso pana pañcadvārikova hoti. Pañcadvārikassa hi phusanalakkhaṇotipi saṅghaṭṭanarasotipi nāmaṃ. Manodvārikassa phusanalakkhaṇotveva nāmaṃ, na saṅghaṭṭanaraso’’ti (dha. sa. aṭṭha. 1, kāmāvacarakusala, dhammuddesakathā).

    ਇਦਞ੍ਚ વਤ੍વਾ ਇਦਂ ਸੁਤ੍ਤਂ (ਮਿ॰ ਪ॰ ੨.੩.੮) ਆਭਤਂ –

    Idañca vatvā idaṃ suttaṃ (mi. pa. 2.3.8) ābhataṃ –

    ‘‘ਯਥਾ, ਮਹਾਰਾਜ, ਦ੍વੇ ਮੇਣ੍ਡਾ ਯੁਜ੍ਝੇਯ੍ਯੁਂ, ਯਥਾ ਏਕੋ ਮੇਣ੍ਡੋ, ਏવਂ ਚਕ੍ਖੁ ਦਟ੍ਠਬ੍ਬਂ। ਯਥਾ ਦੁਤਿਯੋ ਮੇਣ੍ਡੋ, ਏવਂ ਰੂਪਂ ਦਟ੍ਠਬ੍ਬਂ। ਯਥਾ ਤੇਸਂ ਸਨ੍ਨਿਪਾਤੋ, ਏવਂ ਫਸ੍ਸੋ ਦਟ੍ਠਬ੍ਬੋ। ਏવਂ ਫੁਸਨਲਕ੍ਖਣੋ ਚ ਫਸ੍ਸੋ ਸਙ੍ਘਟ੍ਟਨਰਸੋ ਚ। ਯਥਾ, ਮਹਾਰਾਜ, ਦ੍વੇ ਸਮ੍ਮਾ વਜ੍ਜੇਯ੍ਯੁਂ, ਦ੍વੇ ਪਾਣੀ વਜ੍ਜੇਯ੍ਯੁਂ। ਯਥਾ ਏਕੋ ਪਾਣਿ, ਏવਂ ਚਕ੍ਖੁ ਦਟ੍ਠਬ੍ਬਂ। ਯਥਾ ਦੁਤਿਯੋ ਪਾਣਿ, ਏવਂ ਰੂਪਂ ਦਟ੍ਠਬ੍ਬਂ। ਯਥਾ ਤੇਸਂ ਸਨ੍ਨਿਪਾਤੋ, ਏવਂ ਫਸ੍ਸੋ ਦਟ੍ਠਬ੍ਬੋ। ਏવਂ ਫੁਸਨਲਕ੍ਖਣੋ ਚ ਫਸ੍ਸੋ ਸਙ੍ਘਟ੍ਟਨਰਸੋ ਚਾ’’ਤਿ વਿਤ੍ਥਾਰੋ।

    ‘‘Yathā, mahārāja, dve meṇḍā yujjheyyuṃ, yathā eko meṇḍo, evaṃ cakkhu daṭṭhabbaṃ. Yathā dutiyo meṇḍo, evaṃ rūpaṃ daṭṭhabbaṃ. Yathā tesaṃ sannipāto, evaṃ phasso daṭṭhabbo. Evaṃ phusanalakkhaṇo ca phasso saṅghaṭṭanaraso ca. Yathā, mahārāja, dve sammā vajjeyyuṃ, dve pāṇī vajjeyyuṃ. Yathā eko pāṇi, evaṃ cakkhu daṭṭhabbaṃ. Yathā dutiyo pāṇi, evaṃ rūpaṃ daṭṭhabbaṃ. Yathā tesaṃ sannipāto, evaṃ phasso daṭṭhabbo. Evaṃ phusanalakkhaṇo ca phasso saṅghaṭṭanaraso cā’’ti vitthāro.

    ਯਥਾ વਾ ‘‘ਚਕ੍ਖੁਨਾ ਰੂਪਂ ਦਿਸ੍વਾ’’ਤਿਆਦੀਸੁ (ਧ॰ ਸ॰ ੧੩੫੨, ੧੩੫੪) ਚਕ੍ਖੁવਿਞ੍ਞਾਣਾਦੀਨਿ ਚਕ੍ਖੁਆਦਿਨਾਮੇਨ વੁਤ੍ਤਾਨਿ, ਏવਮਿਧਾਪਿ ਤਾਨਿ ਚਕ੍ਖੁਆਦਿਨਾਮੇਨੇવ વੁਤ੍ਤਾਨੀਤਿ વੇਦਿਤਬ੍ਬਾਨਿ। ਤਸ੍ਮਾ ‘‘ਏવਂ ਚਕ੍ਖੁ ਦਟ੍ਠਬ੍ਬ’’ਨ੍ਤਿਆਦੀਸੁ ਏવਂ ਚਕ੍ਖੁવਿਞ੍ਞਾਣਂ ਦਟ੍ਠਬ੍ਬਨ੍ਤਿ ਇਮਿਨਾ ਨਯੇਨ ਅਤ੍ਥੋ વੇਦਿਤਬ੍ਬੋ। ਏવਂ ਸਨ੍ਤੇ ਚਿਤ੍ਤਾਰਮ੍ਮਣਸਙ੍ਘਟ੍ਟਨਤੋ ਇਮਸ੍ਮਿਮ੍ਪਿ ਸੁਤ੍ਤੇ ਕਿਚ੍ਚਟ੍ਠੇਨੇવ ਰਸੇਨ ‘‘ਸਙ੍ਘਟ੍ਟਨਰਸੋ’’ਤਿ ਸਿਦ੍ਧੋ ਹੋਤਿ। ਤਿਣ੍ਣਂ ਸਨ੍ਨਿਪਾਤਸਙ੍ਖਾਤਸ੍ਸ ਪਨ ਅਤ੍ਤਨੋ ਕਾਰਣਸ੍ਸ વਸੇਨ ਪવੇਦਿਤਤ੍ਤਾ ਸਨ੍ਨਿਪਾਤਪਚ੍ਚੁਪਟ੍ਠਾਨੋ। ਅਯਞ੍ਹਿ ਤਤ੍ਥ ਤਤ੍ਥ ‘‘ਤਿਣ੍ਣਂ ਸਙ੍ਗਤਿ ਫਸ੍ਸੋ’’ਤਿ ਏવਂ ਕਾਰਣਸ੍ਸੇવ વਸੇਨ ਪવੇਦਿਤੋਤਿ। ਇਮਸ੍ਸ ਚ ਸੁਤ੍ਤਪਦਸ੍ਸ ਤਿਣ੍ਣਂ ਸਙ੍ਗਤਿਯਾ ਫਸ੍ਸੋਤਿ ਅਯਮਤ੍ਥੋ, ਨ ਸਙ੍ਗਤਿਮਤ੍ਤਮੇવ ਫਸ੍ਸੋ।

    Yathā vā ‘‘cakkhunā rūpaṃ disvā’’tiādīsu (dha. sa. 1352, 1354) cakkhuviññāṇādīni cakkhuādināmena vuttāni, evamidhāpi tāni cakkhuādināmeneva vuttānīti veditabbāni. Tasmā ‘‘evaṃ cakkhu daṭṭhabba’’ntiādīsu evaṃ cakkhuviññāṇaṃ daṭṭhabbanti iminā nayena attho veditabbo. Evaṃ sante cittārammaṇasaṅghaṭṭanato imasmimpi sutte kiccaṭṭheneva rasena ‘‘saṅghaṭṭanaraso’’ti siddho hoti. Tiṇṇaṃ sannipātasaṅkhātassa pana attano kāraṇassa vasena paveditattā sannipātapaccupaṭṭhāno. Ayañhi tattha tattha ‘‘tiṇṇaṃ saṅgati phasso’’ti evaṃ kāraṇasseva vasena paveditoti. Imassa ca suttapadassa tiṇṇaṃ saṅgatiyā phassoti ayamattho, na saṅgatimattameva phasso.

    ਏવਂ ਪવੇਦਿਤਤ੍ਤਾ ਪਨ ਤੇਨੇવਾਕਾਰੇਨ ਪਚ੍ਚੁਪਟ੍ਠਾਤੀਤਿ ‘‘ਸਨ੍ਨਿਪਾਤਪਚ੍ਚੁਪਟ੍ਠਾਨੋ’’ਤਿ વੁਤ੍ਤੋ। ਫਲਟ੍ਠੇਨ ਪਨ ਪਚ੍ਚੁਪਟ੍ਠਾਨੇਨੇਸ વੇਦਨਾਪਚ੍ਚੁਪਟ੍ਠਾਨੋ ਨਾਮ ਹੋਤਿ। વੇਦਨਂ ਹੇਸ ਪਚ੍ਚੁਪਟ੍ਠਾਪੇਤਿ, ਉਪ੍ਪਾਦੇਤੀਤਿ ਅਤ੍ਥੋ। ਉਪ੍ਪਾਦਯਮਾਨੋ ਚ ਯਥਾ ਬਹਿਦ੍ਧਾ ਉਣ੍ਹਪਚ੍ਚਯਾਪਿ ਸਮਾਨਾ ਲਾਖਾਸਙ੍ਖਾਤਧਾਤੁਨਿਸ੍ਸਿਤਾ ਉਸ੍ਮਾ ਅਤ੍ਤਨੋ ਨਿਸ੍ਸਯੇ ਮੁਦੁਭਾવਕਾਰੀ ਹੋਤਿ, ਨ ਅਤ੍ਤਨੋ ਪਚ੍ਚਯਭੂਤੇਪਿ ਬਹਿਦ੍ਧਾ વੀਤਚ੍ਚਿਤਙ੍ਗਾਰਸਙ੍ਖਾਤੇ ਉਣ੍ਹਭਾવੇ। ਏવਂ વਤ੍ਥਾਰਮ੍ਮਣਸਙ੍ਖਾਤਅਞ੍ਞਪਚ੍ਚਯੋਪਿ ਸਮਾਨੋ ਚਿਤ੍ਤਨਿਸ੍ਸਿਤਤ੍ਤਾ ਅਤ੍ਤਨੋ ਨਿਸ੍ਸਯਭੂਤੇ ਚਿਤ੍ਤੇ ਏવ ਏਸ વੇਦਨੁਪ੍ਪਾਦਕੋ ਹੋਤਿ, ਨ ਅਤ੍ਤਨੋ ਪਚ੍ਚਯਭੂਤੇਪਿ વਤ੍ਥੁਮ੍ਹਿ ਆਰਮ੍ਮਣੇવਾਤਿ વੇਦਿਤਬ੍ਬੋ। ਤਜ੍ਜੇਨ ਸਮਨ੍ਨਾਹਾਰੇਨ ਪਨ ਇਨ੍ਦ੍ਰਿਯੇਨ ਚ ਪਰਿਕ੍ਖਤੇ વਿਸਯੇ ਅਨਨ੍ਤਰਾਯੇਨ ਉਪ੍ਪਜ੍ਜਨਤੋ ਏਸ ‘‘ਆਪਾਥਗਤવਿਸਯਪਦਟ੍ਠਾਨੋ’’ਤਿ વੁਚ੍ਚਤਿ।

    Evaṃ paveditattā pana tenevākārena paccupaṭṭhātīti ‘‘sannipātapaccupaṭṭhāno’’ti vutto. Phalaṭṭhena pana paccupaṭṭhānenesa vedanāpaccupaṭṭhāno nāma hoti. Vedanaṃ hesa paccupaṭṭhāpeti, uppādetīti attho. Uppādayamāno ca yathā bahiddhā uṇhapaccayāpi samānā lākhāsaṅkhātadhātunissitā usmā attano nissaye mudubhāvakārī hoti, na attano paccayabhūtepi bahiddhā vītaccitaṅgārasaṅkhāte uṇhabhāve. Evaṃ vatthārammaṇasaṅkhātaaññapaccayopi samāno cittanissitattā attano nissayabhūte citte eva esa vedanuppādako hoti, na attano paccayabhūtepi vatthumhi ārammaṇevāti veditabbo. Tajjena samannāhārena pana indriyena ca parikkhate visaye anantarāyena uppajjanato esa ‘‘āpāthagatavisayapadaṭṭhāno’’ti vuccati.

    ਫਸ੍ਸੋ ਯਤੋ ਸਮੁਦੇਤਿ ਉਪ੍ਪਜ੍ਜਤਿ, ਸੋ ‘‘ਫਸ੍ਸਸਮੁਦਯੋ’’ਤਿ વੁਚ੍ਚਤਿ। વੁਤ੍ਤਞ੍ਹੇਤਂ – ‘‘ਸਲ਼ਾਯਤਨਪਚ੍ਚਯਾ ਫਸ੍ਸੋ’’ਤਿ (ਮਹਾવ॰ ੧; વਿਭ॰ ੨੨੫)। ਅਤੀਤਦੁਕੋ ਕਾਲવਸੇਨ વੁਤ੍ਤੋ। વੇਦਨਾਦੁਕੋ ‘‘ਉਪੇਕ੍ਖਾ ਪਨ ਸਨ੍ਤਤ੍ਤਾ, ਸੁਖਮਿਚ੍ਚੇવ ਭਾਸਿਤਾ’’ਤਿ (વਿਭ॰ ਅਟ੍ਠ॰ ੨੩੨) વੁਤ੍ਤਤ੍ਤਾ ਉਪੇਕ੍ਖਾવੇਦਨਂ ਸੁਖਮੇવ ਕਤ੍વਾ ਸੁਖਦੁਕ੍ਖવਸੇਨ, ਨਾਮਰੂਪਦੁਕੋ ਰੂਪਾਰੂਪવਸੇਨ, ਆਯਤਨਦੁਕੋ ਸਂਸਾਰਪવਤ੍ਤਿવਸੇਨ, ਸਕ੍ਕਾਯਦੁਕੋ ਪਞ੍ਚਕ੍ਖਨ੍ਧવਸੇਨ વੁਤ੍ਤੋਤਿ વੇਦਿਤਬ੍ਬੋ। ਤਤ੍ਥ ਸੁਖਯਤੀਤਿ ਸੁਖਾ। વੇਦਯਤੀਤਿ વੇਦਨਾ। ਦੁਕ੍ਖਯਤੀਤਿ ਦੁਕ੍ਖਾ। ਨਮਨਲਕ੍ਖਣਂ ਨਾਮਂ। ਰੁਪ੍ਪਨਲਕ੍ਖਣਂ ਰੂਪਂ। ਚਕ੍ਖਾਯਤਨਾਦੀਨਿ ਛ ਅਜ੍ਝਤ੍ਤਿਕਾਨਿ। ਰੂਪਾਯਤਨਾਦੀਨਿ ਛ ਬਾਹਿਰਾਨਿ। ਰੂਪਕ੍ਖਨ੍ਧਾਦਯੋ ਪਞ੍ਚਕ੍ਖਨ੍ਧਾ વਿਜ੍ਜਮਾਨਟ੍ਠੇਨ ਸਕ੍ਕਾਯੋ। ਅવਿਜ੍ਜਾਕਮ੍ਮਤਣ੍ਹਾਆਹਾਰਫਸ੍ਸਨਾਮਰੂਪਾ ਸਕ੍ਕਾਯਸਮੁਦਯੋ।

    Phasso yato samudeti uppajjati, so ‘‘phassasamudayo’’ti vuccati. Vuttañhetaṃ – ‘‘saḷāyatanapaccayā phasso’’ti (mahāva. 1; vibha. 225). Atītaduko kālavasena vutto. Vedanāduko ‘‘upekkhā pana santattā, sukhamicceva bhāsitā’’ti (vibha. aṭṭha. 232) vuttattā upekkhāvedanaṃ sukhameva katvā sukhadukkhavasena, nāmarūpaduko rūpārūpavasena, āyatanaduko saṃsārapavattivasena, sakkāyaduko pañcakkhandhavasena vuttoti veditabbo. Tattha sukhayatīti sukhā. Vedayatīti vedanā. Dukkhayatīti dukkhā. Namanalakkhaṇaṃ nāmaṃ. Ruppanalakkhaṇaṃ rūpaṃ. Cakkhāyatanādīni cha ajjhattikāni. Rūpāyatanādīni cha bāhirāni. Rūpakkhandhādayo pañcakkhandhā vijjamānaṭṭhena sakkāyo. Avijjākammataṇhāāhāraphassanāmarūpā sakkāyasamudayo.

    ਚਕ੍ਖੁਸਮ੍ਫਸ੍ਸੋਤਿ ਚਕ੍ਖਤੀਤਿ ਚਕ੍ਖੁ, ਰੂਪਂ ਅਸ੍ਸਾਦੇਤਿ વਿਭਾવੇਤਿ ਚਾਤਿ ਅਤ੍ਥੋ। ਚਕ੍ਖੁਤੋ ਪવਤ੍ਤੋ ਸਮ੍ਫਸ੍ਸੋ ਚਕ੍ਖੁਸਮ੍ਫਸ੍ਸੋ। ਸੋ ਪਨ ਅਤ੍ਤਨਾ ਸਮ੍ਪਯੁਤ੍ਤਾਯ વੇਦਨਾਯ ਸਹਜਾਤਅਞ੍ਞਮਞ੍ਞਨਿਸ੍ਸਯવਿਪਾਕਆਹਾਰਸਮ੍ਪਯੁਤ੍ਤਅਤ੍ਥਿਅવਿਗਤવਸੇਨ ਅਟ੍ਠਧਾ ਪਚ੍ਚਯੋ ਹੋਤਿ। ਸੁਣਾਤੀਤਿ ਸੋਤਂ। ਤਂ ਸਸਮ੍ਭਾਰਸੋਤਬਿਲਸ੍ਸ ਅਨ੍ਤੋ ਤਨੁਤਮ੍ਬਲੋਮਾਚਿਤੇ ਅਙ੍ਗੁਲਿવੇਠਕਸਣ੍ਠਾਨੇ ਪਦੇਸੇ ਸੋਤવਿਞ੍ਞਾਣਾਦੀਨਂ ਯਥਾਰਹਂ વਤ੍ਥੁਦ੍વਾਰਭਾવਂ ਸਾਧਯਮਾਨਂ ਤਿਟ੍ਠਤਿ। ਸੋਤਤੋ ਪવਤ੍ਤੋ ਸਮ੍ਫਸ੍ਸੋ ਸੋਤਸਮ੍ਫਸ੍ਸੋ। ਘਾਨਸਮ੍ਫਸ੍ਸਾਦੀਸੁਪਿ ਏਸੇવ ਨਯੋ। ਘਾਯਤੀਤਿ ਘਾਨਂ । ਤਂ ਸਸਮ੍ਭਾਰਬਿਲਸ੍ਸ ਅਨ੍ਤੋ ਅਜਪਦਸਣ੍ਠਾਨੇ ਪਦੇਸੇ ਘਾਨવਿਞ੍ਞਾਣਾਦੀਨਂ ਯਥਾਰਹਂ વਤ੍ਥੁਦ੍વਾਰਭਾવਂ ਸਾਧਯਮਾਨਂ ਤਿਟ੍ਠਤਿ। ਜੀવਿਤਮવ੍ਹਾਯਤੀਤਿ ਜਿવ੍ਹਾ, ਸਾਯਨਟ੍ਠੇਨ વਾ ਜਿવ੍ਹਾ। ਸਾ ਸਸਮ੍ਭਾਰਜਿવ੍ਹਾਯ ਅਤਿਅਗ੍ਗਮੂਲਪਸ੍ਸਾਨਿ વਜ੍ਜੇਤ੍વਾ ਉਪਰਿਮਤਲਮਜ੍ਝੇ ਭਿਨ੍ਨਉਪ੍ਪਲਦਲਗ੍ਗਸਣ੍ਠਾਨੇ ਪਦੇਸੇ ਜਿવ੍ਹਾવਿਞ੍ਞਾਣਾਦੀਨਂ ਯਥਾਰਹਂ વਤ੍ਥੁਦ੍વਾਰਭਾવਂ ਸਾਧਯਮਾਨਾ ਤਿਟ੍ਠਤਿ। ਕੁਚ੍ਛਿਤਾਨਂ ਸਾਸવਧਮ੍ਮਾਨਂ ਆਯੋਤਿ ਕਾਯੋ। ਆਯੋਤਿ ਉਪ੍ਪਤ੍ਤਿਦੇਸੋ। ਯਾવਤਾ ਇਮਸ੍ਮਿਂ ਕਾਯੇ ਉਪਾਦਿਣ੍ਣਪવਤ੍ਤਿ ਨਾਮ ਅਤ੍ਥਿ, ਤਤ੍ਥ ਯੇਭੁਯ੍ਯੇਨ ਕਾਯਪ੍ਪਸਾਦੋ ਕਾਯવਿਞ੍ਞਾਣਾਦੀਨਂ ਯਥਾਰਹਂ વਤ੍ਥੁਦ੍વਾਰਭਾવਂ ਸਾਧਯਮਾਨੋ ਤਿਟ੍ਠਤਿ। ਮੁਨਾਤੀਤਿ ਮਨੋ, વਿਜਾਨਾਤੀਤਿ ਅਤ੍ਥੋ। ਮਨੋਤਿ ਸਹਾવਜ੍ਜਨਭવਙ੍ਗਂ; ਮਨਤੋ ਪવਤ੍ਤੋ ਸਮ੍ਫਸ੍ਸੋ ਮਨੋਸਮ੍ਫਸ੍ਸੋ।

    Cakkhusamphassoti cakkhatīti cakkhu, rūpaṃ assādeti vibhāveti cāti attho. Cakkhuto pavatto samphasso cakkhusamphasso. So pana attanā sampayuttāya vedanāya sahajātaaññamaññanissayavipākaāhārasampayuttaatthiavigatavasena aṭṭhadhā paccayo hoti. Suṇātīti sotaṃ. Taṃ sasambhārasotabilassa anto tanutambalomācite aṅguliveṭhakasaṇṭhāne padese sotaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Sotato pavatto samphasso sotasamphasso. Ghānasamphassādīsupi eseva nayo. Ghāyatīti ghānaṃ . Taṃ sasambhārabilassa anto ajapadasaṇṭhāne padese ghānaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Jīvitamavhāyatīti jivhā, sāyanaṭṭhena vā jivhā. Sā sasambhārajivhāya atiaggamūlapassāni vajjetvā uparimatalamajjhe bhinnauppaladalaggasaṇṭhāne padese jivhāviññāṇādīnaṃ yathārahaṃ vatthudvārabhāvaṃ sādhayamānā tiṭṭhati. Kucchitānaṃ sāsavadhammānaṃ āyoti kāyo. Āyoti uppattideso. Yāvatā imasmiṃ kāye upādiṇṇapavatti nāma atthi, tattha yebhuyyena kāyappasādo kāyaviññāṇādīnaṃ yathārahaṃ vatthudvārabhāvaṃ sādhayamāno tiṭṭhati. Munātīti mano, vijānātīti attho. Manoti sahāvajjanabhavaṅgaṃ; manato pavatto samphasso manosamphasso.

    ਛਬ੍ਬਿਧਮ੍ਪਿ ਫਸ੍ਸਂ ਦੁવਿਧਮੇવ ਹੋਤੀਤਿ ਦਸ੍ਸੇਤੁਂ ‘‘ਅਧਿવਚਨਸਮ੍ਫਸ੍ਸੋ ਪਟਿਘਸਮ੍ਫਸ੍ਸੋ’’ਤਿ ਆਹ । ਮਨੋਦ੍વਾਰਿਕੋ ਅਧਿવਚਨਸਮ੍ਫਸ੍ਸੋ। ਪਞ੍ਚਦ੍વਾਰਿਕੋ વਤ੍ਥਾਰਮ੍ਮਣਾਦਿਪਟਿਘੇਨ ਉਪ੍ਪਜ੍ਜਨਤੋ ਪਟਿਘਸਮ੍ਫਸ੍ਸੋ।

    Chabbidhampi phassaṃ duvidhameva hotīti dassetuṃ ‘‘adhivacanasamphasso paṭighasamphasso’’ti āha . Manodvāriko adhivacanasamphasso. Pañcadvāriko vatthārammaṇādipaṭighena uppajjanato paṭighasamphasso.

    ਸੁਖવੇਦਨਾਯ ਆਰਮ੍ਮਣੇ ਸੁਖવੇਦਨੀਯੋ। ਦੁਕ੍ਖવੇਦਨਾਯ ਆਰਮ੍ਮਣੇ ਦੁਕ੍ਖવੇਦਨੀਯੋ। ਅਦੁਕ੍ਖਮਸੁਖવੇਦਨਾਯ ਆਰਮ੍ਮਣੇ ਅਦੁਕ੍ਖਮਸੁਖવੇਦਨੀਯੋ। ਤਤ੍ਥ ਸੁਖਯਤੀਤਿ ਸੁਖਂ, ਯਸ੍ਸੁਪ੍ਪਜ੍ਜਤਿ, ਤਂ ਸੁਖਿਤਂ ਕਰੋਤੀਤਿ ਅਤ੍ਥੋ। ਸੁਟ੍ਠੁ વਾ ਖਨਤਿ, ਖਾਦਤਿ ਚ ਕਾਯਚਿਤ੍ਤਾਬਾਧਨ੍ਤਿ ਸੁਖਂ। ਦੁਕ੍ਖਯਤੀਤਿ ਦੁਕ੍ਖਂ, ਯਸ੍ਸੁਪ੍ਪਜ੍ਜਤਿ, ਤਂ ਦੁਕ੍ਖਿਤਂ ਕਰੋਤੀਤਿ ਅਤ੍ਥੋ। ਨ ਦੁਕ੍ਖਂ ਨ ਸੁਖਨ੍ਤਿ ਅਦੁਕ੍ਖਮਸੁਖਂ, ਮ-ਕਾਰੋ ਪਦਸਨ੍ਧਿવਸੇਨ વੁਤ੍ਤੋ।

    Sukhavedanāya ārammaṇe sukhavedanīyo. Dukkhavedanāya ārammaṇe dukkhavedanīyo. Adukkhamasukhavedanāya ārammaṇe adukkhamasukhavedanīyo. Tattha sukhayatīti sukhaṃ, yassuppajjati, taṃ sukhitaṃ karotīti attho. Suṭṭhu vā khanati, khādati ca kāyacittābādhanti sukhaṃ. Dukkhayatīti dukkhaṃ, yassuppajjati, taṃ dukkhitaṃ karotīti attho. Na dukkhaṃ na sukhanti adukkhamasukhaṃ, ma-kāro padasandhivasena vutto.

    ਕੁਸਲੋਤਿਆਦਯੋ ਜਾਤਿવਸੇਨ વੁਤ੍ਤਾ। ਤਤ੍ਥ ਕੁਸਲੋਤਿ ਏਕવੀਸਤਿਕੁਸਲਚਿਤ੍ਤਸਮ੍ਪਯੁਤ੍ਤੋ। ਅਕੁਸਲੋਤਿ ਦ੍વਾਦਸਾਕੁਸਲਚਿਤ੍ਤਸਮ੍ਪਯੁਤ੍ਤੋ। ਅਬ੍ਯਾਕਤੋਤਿ ਅવਸੇਸવਿਪਾਕਕਿਰਿਯਾਬ੍ਯਾਕਤਚਿਤ੍ਤਸਮ੍ਪਯੁਤ੍ਤੋ।

    Kusalotiādayo jātivasena vuttā. Tattha kusaloti ekavīsatikusalacittasampayutto. Akusaloti dvādasākusalacittasampayutto. Abyākatoti avasesavipākakiriyābyākatacittasampayutto.

    ਪੁਨ ਭવਪ੍ਪਭੇਦવਸੇਨ ਨਿਦ੍ਦਿਸਨ੍ਤੋ ‘‘ਕਾਮਾવਚਰੋ’’ਤਿਆਦਿਮਾਹ। ਚਤੁਪਞ੍ਞਾਸਕਾਮਾવਚਰਚਿਤ੍ਤਸਮ੍ਪਯੁਤ੍ਤੋ ਕਾਮਾવਚਰੋ। ਕਾਮਂ ਪਹਾਯ ਰੂਪੇ ਅવਚਰਤੀਤਿ ਰੂਪਾવਚਰੋ, ਕੁਸਲਾਬ੍ਯਾਕਤવਸੇਨ ਪਞ੍ਚਦਸਰੂਪਾવਚਰਚਿਤ੍ਤਸਮ੍ਪਯੁਤ੍ਤੋ। ਕਾਮਞ੍ਚ ਰੂਪਞ੍ਚ ਪਹਾਯ ਅਰੂਪੇ ਅવਚਰਤੀਤਿ ਅਰੂਪਾવਚਰੋ, ਕੁਸਲਾਬ੍ਯਾਕਤવਸੇਨ ਦ੍વਾਦਸਾਰੂਪਾવਚਰਚਿਤ੍ਤਸਮ੍ਪਯੁਤ੍ਤੋ।

    Puna bhavappabhedavasena niddisanto ‘‘kāmāvacaro’’tiādimāha. Catupaññāsakāmāvacaracittasampayutto kāmāvacaro. Kāmaṃ pahāya rūpe avacaratīti rūpāvacaro, kusalābyākatavasena pañcadasarūpāvacaracittasampayutto. Kāmañca rūpañca pahāya arūpe avacaratīti arūpāvacaro, kusalābyākatavasena dvādasārūpāvacaracittasampayutto.

    ਇਦਾਨਿ ਅਭਿਨਿવੇਸવਸੇਨ ਦਸ੍ਸੇਨ੍ਤੋ ‘‘ਸੁਞ੍ਞਤੋ’’ਤਿਆਦਿਮਾਹ। ਤਤ੍ਥ ਸੁਞ੍ਞਤੋਤਿ ਰਾਗਦੋਸਮੋਹੇਹਿ ਸੁਞ੍ਞਤ੍ਤਾ ਸੁਞ੍ਞਤੋ। ਰਾਗਦੋਸਮੋਹਨਿਮਿਤ੍ਤੇਹਿ ਅਨਿਮਿਤ੍ਤਤ੍ਤਾ ਅਨਿਮਿਤ੍ਤੋ। ਰਾਗਦੋਸਮੋਹਪਣਿਧੀਨਂ ਅਭਾવਤੋ ਅਪ੍ਪਣਿਹਿਤੋਤਿ વੁਚ੍ਚਤਿ।

    Idāni abhinivesavasena dassento ‘‘suññato’’tiādimāha. Tattha suññatoti rāgadosamohehi suññattā suññato. Rāgadosamohanimittehi animittattā animitto. Rāgadosamohapaṇidhīnaṃ abhāvato appaṇihitoti vuccati.

    ਇਦਾਨਿ વਟ੍ਟਪਰਿਯਾਪਨ੍ਨਅਪਰਿਯਾਪਨ੍ਨવਸੇਨ ਦਸ੍ਸੇਨ੍ਤੋ ‘‘ਲੋਕਿਯੋ’’ਤਿਆਦਿਮਾਹ। ਲੋਕੋ વੁਚ੍ਚਤਿ ਲੁਜ੍ਜਨਪਲੁਜ੍ਜਨਟ੍ਠੇਨ વਟ੍ਟਂ , ਤਸ੍ਮਿਂ ਪਰਿਯਾਪਨ੍ਨਭਾવੇਨ ਲੋਕੇ ਨਿਯੁਤ੍ਤੋਤਿ ਲੋਕਿਯੋ। ਉਤ੍ਤਿਣ੍ਣੋਤਿ ਉਤ੍ਤਰੋ, ਲੋਕੇ ਅਪਰਿਯਾਪਨ੍ਨਭਾવੇਨ ਲੋਕਤੋ ਉਤ੍ਤਰੋਤਿ ਲੋਕੁਤ੍ਤਰੋ। ਫੁਸਨਾਤਿ ਫੁਸਨਾਕਾਰੋ। ਸਮ੍ਫੁਸਨਾ ਸਮ੍ਫੁਸਿਤਤ੍ਤਨ੍ਤਿ ਉਪਸਗ੍ਗੇਨ ਪਦਂ વਡ੍ਢਿਤਂ।

    Idāni vaṭṭapariyāpannaapariyāpannavasena dassento ‘‘lokiyo’’tiādimāha. Loko vuccati lujjanapalujjanaṭṭhena vaṭṭaṃ , tasmiṃ pariyāpannabhāvena loke niyuttoti lokiyo. Uttiṇṇoti uttaro, loke apariyāpannabhāvena lokato uttaroti lokuttaro. Phusanāti phusanākāro. Samphusanā samphusitattanti upasaggena padaṃ vaḍḍhitaṃ.

    ਏવਂ ਞਾਤਂ ਕਤ੍વਾਤਿ ਏવਂ ਪਾਕਟਂ ਕਤ੍વਾ ਜਾਨਨ੍ਤੋ ਤੀਰੇਤਿ ਤੀਰਯਤਿ, ਉਪਰਿ વਤ੍ਤਬ੍ਬਾਕਾਰੇਨ ਚਿਨ੍ਤੇਤਿ। ਅਨਿਚ੍ਚਨ੍ਤਿਕਤਾਯ ਆਦਿਅਨ੍ਤવਨ੍ਤਤਾਯ ਚ ਅਨਿਚ੍ਚਤੋ ਤੀਰੇਤਿ। ਉਪ੍ਪਾਦવਯਪਟਿਪੀਲ਼ਨਤਾਯ ਦੁਕ੍ਖવਤ੍ਥੁਤਾਯ ਚ ਦੁਕ੍ਖਤੋ। ਪਚ੍ਚਯਯਾਪਨੀਯਤਾਯ ਰੋਗਮੂਲਤਾਯ ਚ ਰੋਗਤੋ। ਦੁਕ੍ਖਤਾਸੂਲਯੋਗਿਤਾਯ ਕਿਲੇਸਾਸੁਚਿਪਗ੍ਘਰਤਾਯ ਉਪ੍ਪਾਦਜਰਾਭਙ੍ਗੇਹਿ ਉਦ੍ਧੁਮਾਤਪਰਿਪਕ੍ਕਪਭਿਨ੍ਨਤਾਯ ਚ ਗਣ੍ਡਤੋ। ਪੀਲ਼ਾਜਨਕਤਾਯ ਅਨ੍ਤੋਤੁਦਨਤਾਯ ਦੁਨ੍ਨੀਹਰਣੀਯਤਾਯ ਚ ਸਲ੍ਲਤੋ। વਿਗਰਹਣੀਯਤਾਯ ਅવਡ੍ਢਿਆવਹਨਤਾਯ ਅਘવਤ੍ਥੁਤਾਯ ਚ ਅਘਤੋ। ਅਸੇਰਿਭਾવਜਨਕਤਾਯ ਆਬਾਧਪਦਟ੍ਠਾਨਤਾਯ ਚ ਆਬਾਧਤੋ। ਅવਸਤਾਯ ਅવਿਧੇਯ੍ਯਤਾਯ ਚ ਪਰਤੋ। ਬ੍ਯਾਧਿਜਰਾਮਰਣੇਹਿ ਲੁਜ੍ਜਨਪਲੁਜ੍ਜਨਤਾਯ ਪਲੋਕਤੋ। ਅਨੇਕਬ੍ਯਸਨਾવਹਨਤਾਯ ਈਤਿਤੋ। ਅવਿਦਿਤਾਨਂਯੇવ વਿਪੁਲਾਨਂ ਅਨਤ੍ਥਾਨਂ ਆવਹਨਤੋ ਸਬ੍ਬੂਪਦ੍ਦવવਤ੍ਥੁਤਾਯ ਚ ਉਪਦ੍ਦવਤੋ। ਸਬ੍ਬਭਯਾਨਂ ਆਕਰਤਾਯ ਚ ਦੁਕ੍ਖવੂਪਸਮਸਙ੍ਖਾਤਸ੍ਸ ਪਰਮਸ੍ਸਾਸਸ੍ਸ ਪਟਿਪਕ੍ਖਭੂਤਤਾਯ ਚ ਭਯਤੋ। ਅਨੇਕੇਹਿ ਅਨਤ੍ਥੇਹਿ ਅਨੁਬਦ੍ਧਤਾਯ ਦੋਸੂਪਸਟ੍ਠਤਾਯ, ਉਪਸਗ੍ਗੋ વਿਯ ਅਨਧਿવਾਸਨਾਰਹਤਾਯ ਚ ਉਪਸਗ੍ਗਤੋ। ਬ੍ਯਾਧਿਜਰਾਮਰਣੇਹਿ ਚੇવ ਲਾਭਾਦੀਹਿ ਚ ਲੋਕਧਮ੍ਮੇਹਿ ਪਚਲਿਤਤਾਯ ਚਲਤੋ। ਉਪਕ੍ਕਮੇਨ ਚੇવ ਸਰਸੇਨ ਚ ਪਭਙ੍ਗੁਪਗਮਨਸੀਲਤਾਯ ਪਭਙ੍ਗੁਤੋ। ਸਬ੍ਬਾવਤ੍ਥਾવਿਨਿਪਾਤਿਤਾਯ, ਥਿਰਭਾવਸ੍ਸ ਚ ਅਭਾવਤਾਯ ਅਧੁવਤੋ। ਅਤਾਯਨਤਾਯ ਚੇવ ਅਲਬ੍ਭਨੇਯ੍ਯਖੇਮਤਾਯ ਚ ਅਤਾਣਤੋ। ਅਲ੍ਲੀਯਿਤੁਂ ਅਨਰਹਤਾਯ, ਅਲ੍ਲੀਨਾਨਮ੍ਪਿ ਚ ਲੇਣਕਿਚ੍ਚਾਕਾਰਿਤਾਯ ਅਲੇਣਤੋ। ਨਿਸ੍ਸਿਤਾਨਂ ਭਯਸਾਰਕਤ੍ਤਾਭਾવੇਨ ਅਸਰਣਤੋ। ਯਥਾਪਰਿਕਪ੍ਪਿਤੇਹਿ ਧੁવਸੁਭਸੁਖਤ੍ਤਭਾવੇਹਿ ਰਿਤ੍ਤਤਾਯ ਰਿਤ੍ਤਤੋ। ਰਿਤ੍ਤਤਾਯੇવ ਤੁਚ੍ਛਤੋ, ਅਪ੍ਪਕਤ੍ਤਾ વਾ। ਅਪ੍ਪਕਮ੍ਪਿ ਹਿ ਲੋਕੇ ‘‘ਤੁਚ੍ਛ’’ਨ੍ਤਿ વੁਚ੍ਚਤਿ। ਸਾਮਿਨਿવਾਸਿવੇਦਕ ਕਾਰਕਾਧਿਟ੍ਠਾਯਕવਿਰਹਿਤਤਾਯ ਸੁਞ੍ਞਤੋ।

    Evaṃ ñātaṃ katvāti evaṃ pākaṭaṃ katvā jānanto tīreti tīrayati, upari vattabbākārena cinteti. Aniccantikatāya ādiantavantatāya ca aniccato tīreti. Uppādavayapaṭipīḷanatāya dukkhavatthutāya ca dukkhato. Paccayayāpanīyatāya rogamūlatāya ca rogato. Dukkhatāsūlayogitāya kilesāsucipaggharatāya uppādajarābhaṅgehi uddhumātaparipakkapabhinnatāya ca gaṇḍato. Pīḷājanakatāya antotudanatāya dunnīharaṇīyatāya ca sallato. Vigarahaṇīyatāya avaḍḍhiāvahanatāya aghavatthutāya ca aghato. Aseribhāvajanakatāya ābādhapadaṭṭhānatāya ca ābādhato. Avasatāya avidheyyatāya ca parato. Byādhijarāmaraṇehi lujjanapalujjanatāya palokato. Anekabyasanāvahanatāya ītito. Aviditānaṃyeva vipulānaṃ anatthānaṃ āvahanato sabbūpaddavavatthutāya ca upaddavato. Sabbabhayānaṃ ākaratāya ca dukkhavūpasamasaṅkhātassa paramassāsassa paṭipakkhabhūtatāya ca bhayato. Anekehi anatthehi anubaddhatāya dosūpasaṭṭhatāya, upasaggo viya anadhivāsanārahatāya ca upasaggato. Byādhijarāmaraṇehi ceva lābhādīhi ca lokadhammehi pacalitatāya calato. Upakkamena ceva sarasena ca pabhaṅgupagamanasīlatāya pabhaṅguto. Sabbāvatthāvinipātitāya, thirabhāvassa ca abhāvatāya adhuvato. Atāyanatāya ceva alabbhaneyyakhematāya ca atāṇato. Allīyituṃ anarahatāya, allīnānampi ca leṇakiccākāritāya aleṇato. Nissitānaṃ bhayasārakattābhāvena asaraṇato. Yathāparikappitehi dhuvasubhasukhattabhāvehi rittatāya rittato. Rittatāyeva tucchato, appakattā vā. Appakampi hi loke ‘‘tuccha’’nti vuccati. Sāminivāsivedaka kārakādhiṭṭhāyakavirahitatāya suññato.

    ਸਯਞ੍ਚ ਅਸਾਮਿਕਭਾવਾਦਿਤਾਯ ਅਨਤ੍ਤਤੋ। ਪવਤ੍ਤਿਦੁਕ੍ਖਤਾਯ, ਦੁਕ੍ਖਸ੍ਸ ਚ ਆਦੀਨવਤਾਯ ਆਦੀਨવਤੋ। ਅਥ વਾ ਆਦੀਨਂ વਾਤਿ ਗਚ੍ਛਤਿ ਪવਤ੍ਤਤੀਤਿ ਆਦੀਨવੋ, ਕਪਣਮਨੁਸ੍ਸਸ੍ਸੇਤਂ ਅਧਿવਚਨਂ। ਖਨ੍ਧਾਪਿ ਚ ਕਪਣਾਯੇવਾਤਿ ਆਦੀਨવਸਦਿਸਤਾਯ ਆਦੀਨવਤੋ। ਜਰਾਯ ਚੇવ ਮਰਣੇਨ ਚਾਤਿ ਦ੍વੇਧਾ ਪਰਿਣਾਮਪਕਤਿਤਾਯ વਿਪਰਿਣਾਮਧਮ੍ਮਤੋ। ਦੁਬ੍ਬਲਤਾਯ, ਫੇਗ੍ਗੁ વਿਯ ਸੁਖਭਞ੍ਜਨੀਯਤਾਯ ਚ ਅਸਾਰਕਤੋ। ਅਘਹੇਤੁਤਾਯ ਅਘਮੂਲਤੋ। ਮਿਤ੍ਤਮੁਖਸਪਤ੍ਤੋ વਿਯ વਿਸ੍ਸਾਸਘਾਤਿਤਾਯ વਧਕਤੋ। વਿਗਤਭવਤਾਯ વਿਭવਸਮ੍ਭੂਤਤਾਯ ਚ વਿਭવਤੋ। ਆਸવਪਦਟ੍ਠਾਨਤਾਯ ਸਾਸવਤੋ। ਹੇਤੁਪਚ੍ਚਯੇਹਿ ਅਭਿਸਙ੍ਖਤਤਾਯ ਸਙ੍ਖਤਤੋ। ਮਚ੍ਚੁਮਾਰਕਿਲੇਸਮਾਰਾਨਂ ਆਮਿਸਭੂਤਤਾਯ ਮਾਰਾਮਿਸਤੋ। ਜਾਤਿਜਰਾਬ੍ਯਾਧਿਮਰਣਪਕਤਿਤਾਯ ਜਾਤਿਜਰਾਬ੍ਯਾਧਿਮਰਣਧਮ੍ਮਤੋ। ਸੋਕਪਰਿਦੇવਉਪਾਯਾਸਹੇਤੁਤਾਯ ਸੋਕਪਰਿਦੇવਉਪਾਯਾਸਧਮ੍ਮਤੋ। ਤਣ੍ਹਾਦਿਟ੍ਠਿਦੁਚ੍ਚਰਿਤਸਂਕਿਲੇਸਾਨਂ વਿਸਯਧਮ੍ਮਤਾਯ ਸਂਕਿਲੇਸਧਮ੍ਮਤੋ। ਅવਿਜ੍ਜਾਕਮ੍ਮਤਣ੍ਹਾਸਲ਼ਾਯਤਨવਸੇਨ ਉਪ੍ਪਤ੍ਤਿਤੋ ਸਮੁਦਯਤੋ। ਤੇਸਂ ਅਭਾવੇਨ ਅਤ੍ਥਙ੍ਗਮਤੋ। ਫਸ੍ਸੇ ਛਨ੍ਦਰਾਗવਸੇਨ ਮਧੁਰਸ੍ਸਾਦੇਨ ਅਸ੍ਸਾਦਤੋ। ਫਸ੍ਸਸ੍ਸ વਿਪਰਿਣਾਮੇਨ ਆਦੀਨવਤੋ। ਉਭਿਨ੍ਨਂ ਨਿਸ੍ਸਰਣੇਨ ਨਿਸ੍ਸਰਣਤੋ ਤੀਰੇਤੀਤਿ ਸਬ੍ਬੇਸੁ ਚ ਇਮੇਸੁ ‘‘ਤੀਰੇਤੀ’’ਤਿ ਪਾਠਸੇਸੋ ਦਟ੍ਠਬ੍ਬੋ।

    Sayañca asāmikabhāvāditāya anattato. Pavattidukkhatāya, dukkhassa ca ādīnavatāya ādīnavato. Atha vā ādīnaṃ vāti gacchati pavattatīti ādīnavo, kapaṇamanussassetaṃ adhivacanaṃ. Khandhāpi ca kapaṇāyevāti ādīnavasadisatāya ādīnavato. Jarāya ceva maraṇena cāti dvedhā pariṇāmapakatitāya vipariṇāmadhammato. Dubbalatāya, pheggu viya sukhabhañjanīyatāya ca asārakato. Aghahetutāya aghamūlato. Mittamukhasapatto viya vissāsaghātitāya vadhakato. Vigatabhavatāya vibhavasambhūtatāya ca vibhavato. Āsavapadaṭṭhānatāya sāsavato. Hetupaccayehi abhisaṅkhatatāya saṅkhatato. Maccumārakilesamārānaṃ āmisabhūtatāya mārāmisato. Jātijarābyādhimaraṇapakatitāya jātijarābyādhimaraṇadhammato. Sokaparidevaupāyāsahetutāya sokaparidevaupāyāsadhammato. Taṇhādiṭṭhiduccaritasaṃkilesānaṃ visayadhammatāya saṃkilesadhammato. Avijjākammataṇhāsaḷāyatanavasena uppattito samudayato. Tesaṃ abhāvena atthaṅgamato. Phasse chandarāgavasena madhurassādena assādato. Phassassa vipariṇāmena ādīnavato. Ubhinnaṃ nissaraṇena nissaraṇato tīretīti sabbesu ca imesu ‘‘tīretī’’ti pāṭhaseso daṭṭhabbo.

    ਪਜਹਤੀਤਿ ਸਕਸਨ੍ਤਾਨਤੋ ਨੀਹਰਤਿ। વਿਨੋਦੇਤੀਤਿ ਤੁਦਤਿ। ਬ੍ਯਨ੍ਤਿਂ ਕਰੋਤੀਤਿ વਿਗਤਨ੍ਤਂ ਕਰੋਤਿ। ਅਨਭਾવਂ ਗਮੇਤੀਤਿ ਅਨੁ ਅਨੁ ਅਭਾવਂ ਗਮੇਤਿ। ਅਰਿਯਮਗ੍ਗਸਤ੍ਥੇਨ ਉਚ੍ਛਿਨ੍ਨਂ ਤਣ੍ਹਾਅવਿਜ੍ਜਾਮਯਂ ਮੂਲਮੇਤੇਸਨ੍ਤਿ ਉਚ੍ਛਿਨ੍ਨਮੂਲਾ। ਤਾਲવਤ੍ਥੁ વਿਯ ਨੇਸਂ વਤ੍ਥੁ ਕਤਨ੍ਤਿ ਤਾਲਾવਤ੍ਥੁਕਤਾ। ਯਥਾ ਹਿ ਤਾਲਰੁਕ੍ਖਂ ਸਮੂਲਂ ਉਦ੍ਧਰਿਤ੍વਾ ਤਸ੍ਸ વਤ੍ਥੁਮਤ੍ਤੇ ਤਸ੍ਮਿਂ ਪਦੇਸੇ ਕਤੇ ਨ ਪੁਨ ਤਸ੍ਸ ਤਾਲਸ੍ਸ ਉਪ੍ਪਤ੍ਤਿ ਪਞ੍ਞਾਯਤਿ, ਏવਂ ਅਰਿਯਮਗ੍ਗਸਤ੍ਥੇਨ ਸਮੂਲੇ ਰੂਪਾਦਿਰਸੇ ਉਦ੍ਧਰਿਤ੍વਾ ਤੇਸਂ ਪੁਬ੍ਬੇ ਉਪ੍ਪਨ੍ਨਪੁਬ੍ਬਭਾવੇਨ વਤ੍ਥੁਮਤ੍ਤੇ ਚਿਤ੍ਤਸਨ੍ਤਾਨੇ ਕਤੇ ਸਬ੍ਬੇਪਿ ਤੇ ‘‘ਤਾਲਾવਤ੍ਥੁਕਤਾ’’ਤਿ વੁਚ੍ਚਨ੍ਤਿ। ਯਸ੍ਸੇਸੋਤਿ ਯਸ੍ਸ ਪੁਗ੍ਗਲਸ੍ਸ ਏਸੋ ਗੇਧੋ। ਸਮੁਚ੍ਛਿਨ੍ਨੋਤਿ ਉਚ੍ਛਿਨ੍ਨੋ। વੂਪਸਨ੍ਤੋਤਿ ਫਲੇਨ વੂਪਸਨ੍ਤੋ। ਪਟਿਪਸ੍ਸਦ੍ਧੋਤਿ ਪਟਿਪਸ੍ਸਦ੍ਧਿਪ੍ਪਹਾਨੇਨ ਪਟਿਪਸ੍ਸਮ੍ਭਿਤੋ। ਉਪਸਗ੍ਗੇਨ વਾ ਪਦਂ વਡ੍ਢਿਤਂ। ਅਭਬ੍ਬੁਪ੍ਪਤ੍ਤਿਕੋਤਿ ਪੁਨ ਉਪ੍ਪਜ੍ਜਿਤੁਂ ਅਭਬ੍ਬੋ। ਞਾਣਗ੍ਗਿਨਾ ਦਡ੍ਢੋਤਿ ਮਗ੍ਗਞਾਣਗ੍ਗਿਨਾ ਝਾਪਿਤੋ। ਅਥ વਾ વਿਸਨਿਕ੍ਖਿਤ੍ਤਂ ਭਾਜਨੇਨ ਸਹ ਛਡ੍ਡਿਤਂ વਿਯ વਤ੍ਥੁਨਾ ਸਹ ਪਹੀਨੋ। ਮੂਲਚ੍ਛਿਨ੍ਨવਿਸવਲ੍ਲਿ વਿਯ ਸਮੂਲਚ੍ਛਿਨ੍ਨੋਤਿ ਸਮੁਚ੍ਛਿਨ੍ਨੋ। ਉਦ੍ਧਨੇ ਉਦਕਂ ਸਿਞ੍ਚਿਤ੍વਾ ਨਿਬ੍ਬਾਪਿਤਅਙ੍ਗਾਰਂ વਿਯ વੂਪਸਨ੍ਤੋ। ਨਿਬ੍ਬਾਪਿਤਅਙ੍ਗਾਰੇ ਪਤਿਤਉਦਕਫੁਸਿਤਂ વਿਯ ਪਟਿਪਸ੍ਸਦ੍ਧੋ। ਅਙ੍ਕੁਰੁਪ੍ਪਤ੍ਤਿਯਾ ਹੇਤੁਚ੍ਛਿਨ੍ਨਬੀਜਂ વਿਯ ਅਭਬ੍ਬੁਪ੍ਪਤ੍ਤਿਕੋ। ਅਸਨਿਪਾਤવਿਸਰੁਕ੍ਖੋ વਿਯ ਞਾਣਗ੍ਗਿਨਾ ਦਡ੍ਢੋਤਿ ਏવਮੇਕੇ વਣ੍ਣਯਨ੍ਤਿ।

    Pajahatīti sakasantānato nīharati. Vinodetīti tudati. Byantiṃ karotīti vigatantaṃ karoti. Anabhāvaṃ gametīti anu anu abhāvaṃ gameti. Ariyamaggasatthena ucchinnaṃ taṇhāavijjāmayaṃ mūlametesanti ucchinnamūlā. Tālavatthu viya nesaṃ vatthu katanti tālāvatthukatā. Yathā hi tālarukkhaṃ samūlaṃ uddharitvā tassa vatthumatte tasmiṃ padese kate na puna tassa tālassa uppatti paññāyati, evaṃ ariyamaggasatthena samūle rūpādirase uddharitvā tesaṃ pubbe uppannapubbabhāvena vatthumatte cittasantāne kate sabbepi te ‘‘tālāvatthukatā’’ti vuccanti. Yassesoti yassa puggalassa eso gedho. Samucchinnoti ucchinno. Vūpasantoti phalena vūpasanto. Paṭipassaddhoti paṭipassaddhippahānena paṭipassambhito. Upasaggena vā padaṃ vaḍḍhitaṃ. Abhabbuppattikoti puna uppajjituṃ abhabbo. Ñāṇagginā daḍḍhoti maggañāṇagginā jhāpito. Atha vā visanikkhittaṃ bhājanena saha chaḍḍitaṃ viya vatthunā saha pahīno. Mūlacchinnavisavalli viya samūlacchinnoti samucchinno. Uddhane udakaṃ siñcitvā nibbāpitaaṅgāraṃ viya vūpasanto. Nibbāpitaaṅgāre patitaudakaphusitaṃ viya paṭipassaddho. Aṅkuruppattiyā hetucchinnabījaṃ viya abhabbuppattiko. Asanipātavisarukkho viya ñāṇagginā daḍḍhoti evameke vaṇṇayanti.

    વੀਤਗੇਧੋਤਿ ਇਦਂ ਸਕਭਾવਪਰਿਚ੍ਚਜਨવਸੇਨ વੁਤ੍ਤਂ। વਿਗਤਗੇਧੋਤਿ ਇਦਂ ਆਰਮ੍ਮਣੇ ਸਾਲਯਭਾવਪਰਿਚ੍ਚਜਨવਸੇਨ। ਚਤ੍ਤਗੇਧੋਤਿ ਇਦਂ ਪੁਨ ਅਨਾਦਿਯਨਭਾવਦਸ੍ਸਨવਸੇਨ। ਮੁਤ੍ਤਗੇਧੋਤਿ ਇਦਂ ਸਨ੍ਤਤਿਤੋ વਿਨਿਮੋਚਨવਸੇਨ। ਪਹੀਨਗੇਧੋਤਿ ਇਦਂ ਮੁਤ੍ਤਸ੍ਸਾਪਿ ਕ੍વਚਿ ਅਨવਟ੍ਠਾਨਦਸ੍ਸਨવਸੇਨ। ਪਟਿਨਿਸ੍ਸਟ੍ਠਗੇਧੋਤਿ ਇਦਂ ਆਦਿਨ੍ਨਪੁਬ੍ਬਸ੍ਸ ਨਿਸ੍ਸਗ੍ਗਦਸ੍ਸਨવਸੇਨ વੁਤ੍ਤਂ। વੀਤਰਾਗੋ વਿਗਤਰਾਗੋ ਚਤ੍ਤਰਾਗੋਤਿ વੁਤ੍ਤਨਯੇਨ ਯੋਜੇਤਬ੍ਬਂ। ਤਤ੍ਥ ਗਿਜ੍ਝਨવਸੇਨ ਗੇਧੋ। ਰਞ੍ਜਨવਸੇਨ ਰਾਗੋ। ਨਿਚ੍ਛਾਤੋਤਿ ਨਿਤ੍ਤਣ੍ਹੋ। ‘‘ਨਿਚ੍ਛਦੋ’’ਤਿਪਿ ਪਾਠੋ, ਤਣ੍ਹਾਛਦਨવਿਰਹਿਤੋਤਿ ਅਤ੍ਥੋ। ਨਿਬ੍ਬੁਤੋਤਿ ਨਿਬ੍ਬੁਤਸਭਾવੋ। ਸੀਤਿਭੂਤੋਤਿ ਸੀਤਸਭਾવੋ। ਸੁਖਪਟਿਸਂવੇਦੀਤਿ ਕਾਯਿਕਚੇਤਸਿਕਸੁਖਂ ਅਨੁਭવਨਸਭਾવੋ। ਬ੍ਰਹ੍ਮਭੂਤੇਨਾਤਿ ਉਤ੍ਤਮਸਭਾવੇਨ। ਅਤ੍ਤਨਾਤਿ ਚਿਤ੍ਤੇਨ।

    Vītagedhoti idaṃ sakabhāvapariccajanavasena vuttaṃ. Vigatagedhoti idaṃ ārammaṇe sālayabhāvapariccajanavasena. Cattagedhoti idaṃ puna anādiyanabhāvadassanavasena. Muttagedhoti idaṃ santatito vinimocanavasena. Pahīnagedhoti idaṃ muttassāpi kvaci anavaṭṭhānadassanavasena. Paṭinissaṭṭhagedhoti idaṃ ādinnapubbassa nissaggadassanavasena vuttaṃ. Vītarāgo vigatarāgo cattarāgoti vuttanayena yojetabbaṃ. Tattha gijjhanavasena gedho. Rañjanavasena rāgo. Nicchātoti nittaṇho. ‘‘Nicchado’’tipi pāṭho, taṇhāchadanavirahitoti attho. Nibbutoti nibbutasabhāvo. Sītibhūtoti sītasabhāvo. Sukhapaṭisaṃvedīti kāyikacetasikasukhaṃ anubhavanasabhāvo. Brahmabhūtenāti uttamasabhāvena. Attanāti cittena.

    ਕਤਤ੍ਤਾ ਚਾਤਿ ਪਾਪਕਮ੍ਮਾਨਂ ਕਤਭਾવੇਨ ਚ। ਅਕਤਤ੍ਤਾ ਚਾਤਿ ਕੁਸਲਾਨਂ ਅਕਤਭਾવੇਨ ਚ। ਕਤਂ ਮੇ ਕਾਯਦੁਚ੍ਚਰਿਤਂ, ਅਕਤਂ ਮੇ ਕਾਯਸੁਚਰਿਤਨ੍ਤਿਆਦਯੋ ਦ੍વਾਰવਸੇਨ ਅવਿਰਤਿવਿਰਤਿવਸੇਨ ਕਮ੍ਮਪਥવਸੇਨ ਚ વੁਤ੍ਤਾ। ਸੀਲੇਸੁਮ੍ਹਿ ਨ ਪਰਿਪੂਰਕਾਰੀਤਿਆਦਯੋ ਚਤੁਪਾਰਿਸੁਦ੍ਧਿਸੀਲવਸੇਨ। ਜਾਗਰਿਯਮਨਨੁਯੁਤ੍ਤੋਤਿ ਪਞ੍ਚਜਾਗਰਣવਸੇਨ। ਸਤਿਸਮ੍ਪਜਞ੍ਞੇਨਾਤਿ ਸਾਤ੍ਥਕਾਦਿਸਮ੍ਪਜਞ੍ਞવਸੇਨ । ਚਤ੍ਤਾਰੋ ਸਤਿਪਟ੍ਠਾਨਾਤਿਆਦਯੋ ਬੋਧਿਪਕ੍ਖਿਯਧਮ੍ਮਾ ਲੋਕਿਯਲੋਕੁਤ੍ਤਰવਸੇਨ। ਦੁਕ੍ਖਂ ਮੇ ਅਪਰਿਞ੍ਞਾਤਨ੍ਤਿਆਦਯੋ ਚਤ੍ਤਾਰੋ ਅਰਿਯਸਚ੍ਚવਸੇਨ વੁਤ੍ਤਾਤਿ વੇਦਿਤਬ੍ਬਂ। ਤੇ ਅਤ੍ਥਤੋ ਤਤ੍ਥ ਤਤ੍ਥ વੁਤ੍ਤਨਯਤ੍ਤਾ ਪਾਕਟਾਯੇવ।

    Katattā cāti pāpakammānaṃ katabhāvena ca. Akatattā cāti kusalānaṃ akatabhāvena ca. Kataṃ me kāyaduccaritaṃ, akataṃ me kāyasucaritantiādayo dvāravasena avirativirativasena kammapathavasena ca vuttā. Sīlesumhi na paripūrakārītiādayo catupārisuddhisīlavasena. Jāgariyamananuyuttoti pañcajāgaraṇavasena. Satisampajaññenāti sātthakādisampajaññavasena . Cattāro satipaṭṭhānātiādayo bodhipakkhiyadhammā lokiyalokuttaravasena. Dukkhaṃ me apariññātantiādayo cattāro ariyasaccavasena vuttāti veditabbaṃ. Te atthato tattha tattha vuttanayattā pākaṭāyeva.

    ਧੀਰੋ ਪਣ੍ਡਿਤੋਤਿ ਸਤ੍ਤ ਪਦਾ વੁਤ੍ਤਤ੍ਥਾਯੇવ। ਅਪਿ ਚ ਦੁਕ੍ਖੇ ਅਕਮ੍ਪਿਯਟ੍ਠੇਨ ਧੀਰੋ। ਸੁਖੇ ਅਨੁਪ੍ਪਿਲવਟ੍ਠੇਨ ਪਣ੍ਡਿਤੋ। ਦਿਟ੍ਠਧਮ੍ਮਿਕਸਮ੍ਪਰਾਯਿਕਤ੍ਥੇ ਕਤਪਰਿਚਯਟ੍ਠੇਨ ਪਞ੍ਞવਾ। ਅਤ੍ਤਤ੍ਥਪਰਤ੍ਥੇ ਨਿਚ੍ਚਲਟ੍ਠੇਨ ਬੁਦ੍ਧਿਮਾ। ਗਮ੍ਭੀਰਉਤ੍ਤਾਨਤ੍ਥੇ ਅਪਚ੍ਚੋਸਕ੍ਕਨਟ੍ਠੇਨ ਞਾਣੀ। ਗੁਲ਼੍ਹਪਟਿਚ੍ਛਨ੍ਨਤ੍ਥੇ ਓਭਾਸਨਟ੍ਠੇਨ વਿਭਾવੀ। ਨਿਕ੍ਕਿਲੇਸਬ੍ਯવਦਾਨਟ੍ਠੇਨ ਤੁਲਾਸਦਿਸੋਤਿ ਮੇਧਾવੀ। ਨ ਲਿਮ੍ਪਤੀਤਿ ਸਜਾਤਿਯਾ ਨ ਲਿਮ੍ਪਤਿ ਆਕਾਸੇ ਲੇਖਾ વਿਯ। ਨ ਪਲਿਮ੍ਪਤੀਤਿ વਿਸੇਸੇਨ ਨ ਲਿਮ੍ਪਤਿ। ਨ ਉਪਲਿਮ੍ਪਤੀਤਿ ਸਞ੍ਞੋਗੋ ਹੁਤ੍વਾਪਿ ਨ ਲਿਮ੍ਪਤਿ ਹਤ੍ਥਤਲੇ ਲੇਖਾ વਿਯ। ਅਲਿਤ੍ਤੋਤਿ ਸਞ੍ਞੋਗੋ ਹੁਤ੍વਾਪਿ ਨ ਕਿਲਿਸ੍ਸਤਿ ਕਾਸਿਕવਤ੍ਥੇ ਠਪਿਤਮਣਿਰਤਨਂ વਿਯ। ਅਪਲਿਤ੍ਤੋਤਿ વਿਸੇਸੇਨ ਨ ਕਿਲਿਸ੍ਸਤਿ ਮਣਿਰਤਨੇ ਪਲਿવੇਠਿਤਕਾਸਿਕવਤ੍ਥਂ વਿਯ। ਅਨੁਪਲਿਤ੍ਤੋਤਿ ਉਪਗਨ੍ਤ੍વਾਪਿ ਨ ਅਲ੍ਲੀਯਤਿ ਪੋਕ੍ਖਰਪਤ੍ਤੇ ਉਦਕਬਿਨ੍ਦੁ વਿਯ। ਨਿਕ੍ਖਨ੍ਤੋਤਿ ਬਹਿ ਨਿਕ੍ਖਨ੍ਤੋ ਬਨ੍ਧਨਾਗਾਰਤੋ ਪਲਾਤੋ વਿਯ। ਨਿਸ੍ਸਟੋਤਿ ਪਾਪਪਹੀਨੋ ਅਮਿਤ੍ਤਸ੍ਸ ਪਟਿਚ੍ਛਾਪਿਤਕਿਲਿਟ੍ਠવਤ੍ਥੁ વਿਯ। વਿਪ੍ਪਮੁਤ੍ਤੋਤਿ ਸੁਟ੍ਠੁ ਮੁਤ੍ਤੋ ਗਯ੍ਹੂਪਗੇ વਤ੍ਥੁਮ੍ਹਿ ਰਤਿਂ ਨਾਸੇਤ੍વਾ ਪੁਨ ਨਾਗਮਨਂ વਿਯ। વਿਸਞ੍ਞੁਤ੍ਤੋਤਿ ਕਿਲੇਸੇਹਿ ਏਕਤੋ ਨ ਯੁਤ੍ਤੋ ਬ੍ਯਾਧਿਨਾ ਮੁਤ੍ਤਗਿਲਾਨੋ વਿਯ। વਿਮਰਿਯਾਦਿਕਤੇਨ ਚੇਤਸਾਤਿ વਿਗਤਮਰਿਯਾਦਕਤੇਨ ਚਿਤ੍ਤੇਨ, ਸਬ੍ਬਭવੇਨ ਸਬ੍ਬਾਰਮ੍ਮਣੇਨ ਸਬ੍ਬਕਿਲੇਸੇਹਿ ਮੁਤ੍ਤਚਿਤ੍ਤੇਨਾਤਿ ਅਤ੍ਥੋ।

    Dhīropaṇḍitoti satta padā vuttatthāyeva. Api ca dukkhe akampiyaṭṭhena dhīro. Sukhe anuppilavaṭṭhena paṇḍito. Diṭṭhadhammikasamparāyikatthe kataparicayaṭṭhena paññavā. Attatthaparatthe niccalaṭṭhena buddhimā. Gambhīrauttānatthe apaccosakkanaṭṭhena ñāṇī. Guḷhapaṭicchannatthe obhāsanaṭṭhena vibhāvī. Nikkilesabyavadānaṭṭhena tulāsadisoti medhāvī. Na limpatīti sajātiyā na limpati ākāse lekhā viya. Na palimpatīti visesena na limpati. Na upalimpatīti saññogo hutvāpi na limpati hatthatale lekhā viya. Alittoti saññogo hutvāpi na kilissati kāsikavatthe ṭhapitamaṇiratanaṃ viya. Apalittoti visesena na kilissati maṇiratane paliveṭhitakāsikavatthaṃ viya. Anupalittoti upagantvāpi na allīyati pokkharapatte udakabindu viya. Nikkhantoti bahi nikkhanto bandhanāgārato palāto viya. Nissaṭoti pāpapahīno amittassa paṭicchāpitakiliṭṭhavatthu viya. Vippamuttoti suṭṭhu mutto gayhūpage vatthumhi ratiṃ nāsetvā puna nāgamanaṃ viya. Visaññuttoti kilesehi ekato na yutto byādhinā muttagilāno viya. Vimariyādikatena cetasāti vigatamariyādakatena cittena, sabbabhavena sabbārammaṇena sabbakilesehi muttacittenāti attho.

    ੧੪. ਸਞ੍ਞਂ ਪਰਿਞ੍ਞਾਤਿ ਗਾਥਾਯ ਪਨ ਅਯਂ ਸਙ੍ਖੇਪਤ੍ਥੋ – ਨ ਕੇવਲਞ੍ਚ ਫਸ੍ਸਮੇવ, ਅਪਿ ਚ ਖੋ ਪਨ ਕਾਮਸਞ੍ਞਾਦਿਭੇਦਂ ਸਞ੍ਞਂ, ਸਞ੍ਞਾਨੁਸਾਰੇਨ વਾ ਪੁਬ੍ਬੇ વੁਤ੍ਤਨਯੇਨੇવ ਨਾਮਰੂਪਂ ਤੀਹਿ ਪਰਿਞ੍ਞਾਹਿ ਪਰਿਜਾਨਿਤ੍વਾ ਇਮਾਯ ਪਟਿਪਦਾਯ ਚਤੁਬ੍ਬਿਧਮ੍ਪਿ વਿਤਰੇਯ੍ਯ ਓਘਂ, ਤਤੋ ਸੋ ਤਿਣ੍ਣੋਘੋ ਤਣ੍ਹਾਦਿਟ੍ਠਿਪਰਿਗ੍ਗਹੇਸੁ ਤਣ੍ਹਾਦਿਟ੍ਠਿਕਿਲੇਸਪ੍ਪਹਾਨੇਨ ਅਨੁਪਲਿਤ੍ਤੋ ਖੀਣਾਸવਮੁਨਿ ਰਾਗਾਦਿਸਲ੍ਲਾਨਂ ਅਬ੍ਬੂਲ਼੍ਹਤ੍ਤਾ ਅਬ੍ਬੂਲ਼੍ਹਸਲ੍ਲੋ, ਸਤਿવੇਪੁਲ੍ਲਪ੍ਪਤ੍ਤਿਯਾ ਅਪ੍ਪਮਤ੍ਤੋ ਚਰਂ, ਪੁਬ੍ਬਭਾਗੇ વਾ ਅਪ੍ਪਮਤ੍ਤੋ ਚਰਨ੍ਤੋ ਤੇਨ ਅਪ੍ਪਮਾਦਚਾਰੇਨ ਅਬ੍ਬੂਲ਼੍ਹਸਲ੍ਲੋ ਹੁਤ੍વਾ ਸਕਪਰਤ੍ਤਭਾવਾਦਿਭੇਦਂ ਨਾਸੀਸਤਿ ਲੋਕਮਿਮਂ ਪਰਞ੍ਚ, ਅਞ੍ਞਦਤ੍ਥੁ ਚਰਿਮਚਿਤ੍ਤਨਿਰੋਧਾ ਨਿਰੁਪਾਦਾਨੋવ ਜਾਤવੇਦੋ ਪਰਿਨਿਬ੍ਬਾਤੀਤਿ ਅਰਹਤ੍ਤਨਿਕੂਟੇਨ ਦੇਸਨਂ ਨਿਟ੍ਠਾਪੇਸਿ, ਧਮ੍ਮਨੇਤ੍ਤਿਠਪਨਮੇવ ਕਰੋਨ੍ਤੋ; ਨ ਤੁ ਇਮਾਯ ਦੇਸਨਾਯ ਮਗ੍ਗਂ વਾ ਫਲਂ વਾ ਉਪ੍ਪਾਦੇਸਿ, ਖੀਣਾਸવਸ੍ਸ ਦੇਸਿਤਤ੍ਤਾਤਿ।

    14.Saññaṃ pariññāti gāthāya pana ayaṃ saṅkhepattho – na kevalañca phassameva, api ca kho pana kāmasaññādibhedaṃ saññaṃ, saññānusārena vā pubbe vuttanayeneva nāmarūpaṃ tīhi pariññāhi parijānitvā imāya paṭipadāya catubbidhampi vitareyya oghaṃ, tato so tiṇṇogho taṇhādiṭṭhipariggahesu taṇhādiṭṭhikilesappahānena anupalitto khīṇāsavamuni rāgādisallānaṃ abbūḷhattā abbūḷhasallo, sativepullappattiyā appamatto caraṃ, pubbabhāge vā appamatto caranto tena appamādacārena abbūḷhasallo hutvā sakaparattabhāvādibhedaṃ nāsīsati lokamimaṃ parañca, aññadatthu carimacittanirodhā nirupādānova jātavedo parinibbātīti arahattanikūṭena desanaṃ niṭṭhāpesi, dhammanettiṭhapanameva karonto; na tu imāya desanāya maggaṃ vā phalaṃ vā uppādesi, khīṇāsavassa desitattāti.

    ਨੀਲਾਦਿਭੇਦਂ ਆਰਮ੍ਮਣਂ ਸਞ੍ਜਾਨਾਤੀਤਿ ਸਞ੍ਞਾ। ਸਾ ਸਞ੍ਜਾਨਨਲਕ੍ਖਣਾ ਪਚ੍ਚਾਭਿਞ੍ਞਾਣਰਸਾ। ਚਤੁਭੂਮਿਕਸਞ੍ਞਾ ਹਿ ਨੋਸਞ੍ਜਾਨਨਲਕ੍ਖਣਾ ਨਾਮ ਨਤ੍ਥਿ, ਸਬ੍ਬਾ ਸਞ੍ਜਾਨਨਲਕ੍ਖਣਾવ। ਯਾ ਪਨੇਤ੍ਥ ਅਭਿਞ੍ਞਾਣੇਨ ਸਞ੍ਜਾਨਾਤਿ, ਸਾ ਪਚ੍ਚਾਭਿਞ੍ਞਾਣਰਸਾ ਨਾਮ ਹੋਤਿ। ਤਸ੍ਸਾ વਡ੍ਢਕਿਸ੍ਸ ਦਾਰੁਮ੍ਹਿ ਅਭਿਞ੍ਞਾਣਂ ਕਤ੍વਾ ਪੁਨ ਤੇਨ ਅਭਿਞ੍ਞਾਣੇਨ ਤਂ ਪਚ੍ਚਾਭਿਜਾਨਨਕਾਲੇ, ਪੁਰਿਸਸ੍ਸ ਕਾਲ਼ਤਿਲਕਾਦਿਅਭਿਞ੍ਞਾਣਂ ਸਲ੍ਲਕ੍ਖੇਤ੍વਾ ਪੁਨ ਤੇਨ ਅਭਿਞ੍ਞਾਣੇਨ ‘‘ਅਸੁਕੋ ਨਾਮ ਏਸੋ’’ਤਿ ਤਸ੍ਸ ਪਚ੍ਚਾਭਿਜਾਨਨਕਾਲੇ, ਰਞ੍ਞੋ ਪਿਲ਼ਨ੍ਧਨਗੋਪਕਭਣ੍ਡਾਗਾਰਿਕਸ੍ਸ ਤਸ੍ਮਿਂ ਤਸ੍ਮਿਂ ਪਿਲ਼ਨ੍ਧਨੇ ਨਾਮਪਣ੍ਣਕਂ ਬਨ੍ਧਿਤ੍વਾ ‘‘ਅਸੁਕਂ ਪਿਲ਼ਨ੍ਧਨਂ ਨਾਮ ਆਹਰਾ’’ਤਿ વੁਤ੍ਤੇ ਦੀਪਂ ਜਾਲੇਤ੍વਾ ਸਾਰਗਬ੍ਭਂ ਪવਿਸਿਤ੍વਾ ਪਣ੍ਣਂ વਾਚੇਤ੍વਾ ਤਸ੍ਸ ਤਸ੍ਸੇવ ਪਿਲ਼ਨ੍ਧਨਸ੍ਸ ਆਹਰਣਕਾਲੇ ਚ ਪવਤ੍ਤਿ વੇਦਿਤਬ੍ਬਾ।

    Nīlādibhedaṃ ārammaṇaṃ sañjānātīti saññā. Sā sañjānanalakkhaṇā paccābhiññāṇarasā. Catubhūmikasaññā hi nosañjānanalakkhaṇā nāma natthi, sabbā sañjānanalakkhaṇāva. Yā panettha abhiññāṇena sañjānāti, sā paccābhiññāṇarasā nāma hoti. Tassā vaḍḍhakissa dārumhi abhiññāṇaṃ katvā puna tena abhiññāṇena taṃ paccābhijānanakāle, purisassa kāḷatilakādiabhiññāṇaṃ sallakkhetvā puna tena abhiññāṇena ‘‘asuko nāma eso’’ti tassa paccābhijānanakāle, rañño piḷandhanagopakabhaṇḍāgārikassa tasmiṃ tasmiṃ piḷandhane nāmapaṇṇakaṃ bandhitvā ‘‘asukaṃ piḷandhanaṃ nāma āharā’’ti vutte dīpaṃ jāletvā sāragabbhaṃ pavisitvā paṇṇaṃ vācetvā tassa tasseva piḷandhanassa āharaṇakāle ca pavatti veditabbā.

    ਅਪਰੋ ਨਯੋ – ਸਬ੍ਬਸਙ੍ਗਾਹਿਕવਸੇਨ ਹਿ ਸਞ੍ਜਾਨਨਲਕ੍ਖਣਾ ਸਞ੍ਞਾ, ਪੁਨਸਞ੍ਜਾਨਨਪਚ੍ਚਯਨਿਮਿਤ੍ਤਕਰਣਰਸਾ ਦਾਰੁਆਦੀਸੁ ਤਚ੍ਛਕਾਦਯੋ વਿਯ, ਯਥਾਗਹਿਤਨਿਮਿਤ੍ਤવਸੇਨ ਅਭਿਨਿવੇਸਕਰਣਪਚ੍ਚੁਪਟ੍ਠਾਨਾ ਹਤ੍ਥਿਦਸ੍ਸਕਅਨ੍ਧੋ વਿਯ, ਆਰਮ੍ਮਣੇ ਅਨੋਗਾਲ਼੍ਹવੁਤ੍ਤਿਤਾਯ ਅਚਿਰਟ੍ਠਾਨਪਚ੍ਚੁਪਟ੍ਠਾਨਾ વਾ વਿਜ੍ਜੁ વਿਯ, ਯਥਾਉਪਟ੍ਠਿਤવਿਸਯਪਦਟ੍ਠਾਨਾ ਤਿਣਪੁਰਿਸਕੇਸੁ ਮਿਗਪੋਤਕਾਨਂ ਪੁਰਿਸਾਤਿ ਉਪ੍ਪਨ੍ਨਸਞ੍ਞਾ વਿਯ। ਯਾ ਪਨੇਤ੍ਥ ਞਾਣਸਮ੍ਪਯੁਤ੍ਤਾ ਹੋਤਿ, ਸਾ ਞਾਣਮੇવ ਅਨੁવਤ੍ਤਤਿ, ਸਸਮ੍ਭਾਰਪਥવੀਆਦੀਸੁ ਸੇਸਧਮ੍ਮਾ ਪਥવੀਆਦੀਨਿ વਿਯਾਤਿ વੇਦਿਤਬ੍ਬਾ।

    Aparo nayo – sabbasaṅgāhikavasena hi sañjānanalakkhaṇā saññā, punasañjānanapaccayanimittakaraṇarasā dāruādīsu tacchakādayo viya, yathāgahitanimittavasena abhinivesakaraṇapaccupaṭṭhānā hatthidassakaandho viya, ārammaṇe anogāḷhavuttitāya aciraṭṭhānapaccupaṭṭhānā vā vijju viya, yathāupaṭṭhitavisayapadaṭṭhānā tiṇapurisakesu migapotakānaṃ purisāti uppannasaññā viya. Yā panettha ñāṇasampayuttā hoti, sā ñāṇameva anuvattati, sasambhārapathavīādīsu sesadhammā pathavīādīni viyāti veditabbā.

    ਕਾਮਪਟਿਸਞ੍ਞੁਤ੍ਤਾ ਸਞ੍ਞਾ ਕਾਮਸਞ੍ਞਾ। ਬ੍ਯਾਪਾਦਪਟਿਸਞ੍ਞੁਤ੍ਤਾ ਸਞ੍ਞਾ ਬ੍ਯਾਪਾਦਸਞ੍ਞਾ। વਿਹਿਂਸਾਪਟਿਸਞ੍ਞੁਤ੍ਤਾ ਸਞ੍ਞਾ વਿਹਿਂਸਾਸਞ੍ਞਾ । ਤੇਸੁ ਦ੍વੇ ਸਤ੍ਤੇਸੁਪਿ ਸਙ੍ਖਾਰੇਸੁਪਿ ਉਪ੍ਪਜ੍ਜਨ੍ਤਿ। ਕਾਮਸਞ੍ਞਾ ਹਿ ਪਿਯੇ ਮਨਾਪੇ ਸਤ੍ਤੇ વਾ ਸਙ੍ਖਾਰੇ વਾ વਿਤਕ੍ਕੇਨ੍ਤਸ੍ਸ ਉਪ੍ਪਜ੍ਜਤਿ। ਬ੍ਯਾਪਾਦਸਞ੍ਞਾ ਅਪ੍ਪਿਯੇ ਅਮਨਾਪੇ ਸਤ੍ਤੇ વਾ ਸਙ੍ਖਾਰੇ વਾ ਕੁਜ੍ਝਿਤ੍વਾ ਓਲੋਕਨਕਾਲਤੋ ਪਟ੍ਠਾਯ ਯਾવ વਿਨਾਸਨਾ ਉਪ੍ਪਜ੍ਜਤਿ। વਿਹਿਂਸਾਸਞ੍ਞਾ ਸਙ੍ਖਾਰੇਸੁ ਨ ਉਪ੍ਪਜ੍ਜਤਿ। ਸਙ੍ਖਾਰੋ ਹਿ ਦੁਕ੍ਖਾਪੇਤਬ੍ਬੋ ਨਾਮ ਨਤ੍ਥਿ। ‘‘ਇਮੇ ਸਤ੍ਤਾ ਹਞ੍ਞਨ੍ਤੁ વਾ, ਉਚ੍ਛਿਜ੍ਜਨ੍ਤੁ વਾ, વਿਨਸ੍ਸਨ੍ਤੁ વਾ, ਮਾ વਾ ਅਹੇਸੁ’’ਨ੍ਤਿ ਚਿਨ੍ਤਨਕਾਲੇ ਪਨ ਸਤ੍ਤੇਸੁ ਉਪ੍ਪਜ੍ਜਤਿ। ਨੇਕ੍ਖਮ੍ਮਪਟਿਸਞ੍ਞੁਤ੍ਤਾ ਸਞ੍ਞਾ ਨੇਕ੍ਖਮ੍ਮਸਞ੍ਞਾ, ਸਾ ਅਸੁਭਪੁਬ੍ਬਭਾਗੇ ਕਾਮਾવਚਰਾ ਹੋਤਿ, ਅਸੁਭਝਾਨੇ ਰੂਪਾવਚਰਾ, ਤਂ ਝਾਨਂ ਪਾਦਕਂ ਕਤ੍વਾ ਉਪ੍ਪਨ੍ਨਮਗ੍ਗਫਲਕਾਲੇ ਲੋਕੁਤ੍ਤਰਾ। ਅਬ੍ਯਾਪਾਦਪਟਿਸਞ੍ਞੁਤ੍ਤਾ ਸਞ੍ਞਾ ਅਬ੍ਯਾਪਾਦਸਞ੍ਞਾ, ਸਾ ਮੇਤ੍ਤਾਪੁਬ੍ਬਭਾਗੇ ਕਾਮਾવਚਰਾ ਹੋਤਿ, ਮੇਤ੍ਤਾਝਾਨੇ ਰੂਪਾવਚਰਾ, ਤਂ ਝਾਨਂ ਪਾਦਕਂ ਕਤ੍વਾ ਉਪ੍ਪਨ੍ਨਮਗ੍ਗਫਲਕਾਲੇ ਲੋਕੁਤ੍ਤਰਾ। ਅવਿਹਿਂਸਾਪਟਿਸਞ੍ਞੁਤ੍ਤਾ ਸਞ੍ਞਾ ਅવਿਹਿਂਸਾਸਞ੍ਞਾ, ਸਾ ਕਰੁਣਾਪੁਬ੍ਬਭਾਗੇ ਕਾਮਾવਚਰਾ, ਕਰੁਣਾਝਾਨੇ ਰੂਪਾવਚਰਾ, ਤਂ ਝਾਨਂ ਪਾਦਕਂ ਕਤ੍વਾ ਉਪ੍ਪਨ੍ਨਮਗ੍ਗਫਲਕਾਲੇ ਲੋਕੁਤ੍ਤਰਾ। ਯਦਾ ਅਲੋਭੋ ਸੀਸਂ ਹੋਤਿ, ਤਦਾ ਇਤਰੇ ਦ੍વੇ ਤਦਨ੍વਾਯਿਕਾ ਭવਨ੍ਤਿ। ਯਦਾ ਮੇਤ੍ਤਾ ਸੀਸਂ ਹੋਤਿ, ਤਦਾ ਇਤਰੇ ਦ੍વੇ ਤਦਨ੍વਾਯਿਕਾ ਭવਨ੍ਤਿ। ਯਦਾ ਕਰੁਣਾ ਸੀਸਂ ਹੋਤਿ, ਤਦਾ ਇਤਰੇ ਦ੍વੇ ਤਦਨ੍વਾਯਿਕਾ ਭવਨ੍ਤਿ। ਰੂਪਾਰਮ੍ਮਣਂ ਆਰਬ੍ਭ ਉਪ੍ਪਨ੍ਨਾ ਸਞ੍ਞਾ ਰੂਪਸਞ੍ਞਾ। ਸਦ੍ਦਸਞ੍ਞਾਦੀਸੁਪਿ ਏਸੇવ ਨਯੋ। ਇਦਂ ਤਸ੍ਸਾਯੇવ ਆਰਮ੍ਮਣਤੋ ਨਾਮਂ। ਆਰਮ੍ਮਣਾਨਂ વੁਤ੍ਤਤ੍ਤਾ ਚਕ੍ਖੁਸਮ੍ਫਸ੍ਸਜਾਦਿવਤ੍ਥੂਨਿਪਿ વੁਤ੍ਤਾਨੇવ ਹੋਨ੍ਤਿ।

    Kāmapaṭisaññuttā saññā kāmasaññā. Byāpādapaṭisaññuttā saññā byāpādasaññā. Vihiṃsāpaṭisaññuttā saññā vihiṃsāsaññā. Tesu dve sattesupi saṅkhāresupi uppajjanti. Kāmasaññā hi piye manāpe satte vā saṅkhāre vā vitakkentassa uppajjati. Byāpādasaññā appiye amanāpe satte vā saṅkhāre vā kujjhitvā olokanakālato paṭṭhāya yāva vināsanā uppajjati. Vihiṃsāsaññā saṅkhāresu na uppajjati. Saṅkhāro hi dukkhāpetabbo nāma natthi. ‘‘Ime sattā haññantu vā, ucchijjantu vā, vinassantu vā, mā vā ahesu’’nti cintanakāle pana sattesu uppajjati. Nekkhammapaṭisaññuttā saññā nekkhammasaññā, sā asubhapubbabhāge kāmāvacarā hoti, asubhajhāne rūpāvacarā, taṃ jhānaṃ pādakaṃ katvā uppannamaggaphalakāle lokuttarā. Abyāpādapaṭisaññuttā saññā abyāpādasaññā, sā mettāpubbabhāge kāmāvacarā hoti, mettājhāne rūpāvacarā, taṃ jhānaṃ pādakaṃ katvā uppannamaggaphalakāle lokuttarā. Avihiṃsāpaṭisaññuttā saññā avihiṃsāsaññā, sā karuṇāpubbabhāge kāmāvacarā, karuṇājhāne rūpāvacarā, taṃ jhānaṃ pādakaṃ katvā uppannamaggaphalakāle lokuttarā. Yadā alobho sīsaṃ hoti, tadā itare dve tadanvāyikā bhavanti. Yadā mettā sīsaṃ hoti, tadā itare dve tadanvāyikā bhavanti. Yadā karuṇā sīsaṃ hoti, tadā itare dve tadanvāyikā bhavanti. Rūpārammaṇaṃ ārabbha uppannā saññā rūpasaññā. Saddasaññādīsupi eseva nayo. Idaṃ tassāyeva ārammaṇato nāmaṃ. Ārammaṇānaṃ vuttattā cakkhusamphassajādivatthūnipi vuttāneva honti.

    ਯਾ ਏવਰੂਪਾ ਸਞ੍ਞਾਤਿ ਅਞ੍ਞਾਪਿ ‘‘ਪਟਿਘਸਮ੍ਫਸ੍ਸਜਾ ਸਞ੍ਞਾ ਅਧਿવਚਨਸਮ੍ਫਸ੍ਸਜਾ ਸਞ੍ਞਾ’’ਤਿ ਏવਮਾਦਿਕਾ વੇਦਿਤਬ੍ਬਾ। ਤਤ੍ਥ ਅਧਿવਚਨਸਮ੍ਫਸ੍ਸਜਾ ਸਞ੍ਞਾਤਿਪਿ ਪਰਿਯਾਯੇਨ ਛਦ੍વਾਰਿਕਾਯੇવ । ਤਯੋ ਹਿ ਅਰੂਪਿਨੋ ਖਨ੍ਧਾ ਸਯਂ ਪਿਟ੍ਠਿવਟ੍ਟਕਾ ਹੁਤ੍વਾ ਅਤ੍ਤਨਾ ਸਹਜਾਤਸਞ੍ਞਾਯ ‘‘ਅਧਿવਚਨਸਮ੍ਫਸ੍ਸਜਾ ਸਞ੍ਞਾ’’ਤਿ ਨਾਮਂ ਕਰੋਨ੍ਤਿ, ਨਿਪ੍ਪਰਿਯਾਯੇਨ ਪਨ ਪਟਿਘਸਮ੍ਫਸ੍ਸਜਾ ਸਞ੍ਞਾ ਨਾਮ ਪਞ੍ਚਦ੍વਾਰਿਕਾ ਸਞ੍ਞਾ, ਅਧਿવਚਨਸਮ੍ਫਸ੍ਸਜਾ ਸਞ੍ਞਾ ਨਾਮ ਮਨੋਦ੍વਾਰਿਕਾ ਸਞ੍ਞਾ। ਏਤਾ ਅਤਿਰੇਕਸਞ੍ਞਾ ਪਰਿਗ੍ਗਹਿਤਾਤਿ વੇਦਿਤਬ੍ਬਾ।

    Yā evarūpā saññāti aññāpi ‘‘paṭighasamphassajā saññā adhivacanasamphassajā saññā’’ti evamādikā veditabbā. Tattha adhivacanasamphassajā saññātipi pariyāyena chadvārikāyeva . Tayo hi arūpino khandhā sayaṃ piṭṭhivaṭṭakā hutvā attanā sahajātasaññāya ‘‘adhivacanasamphassajā saññā’’ti nāmaṃ karonti, nippariyāyena pana paṭighasamphassajā saññā nāma pañcadvārikā saññā, adhivacanasamphassajā saññā nāma manodvārikā saññā. Etā atirekasaññā pariggahitāti veditabbā.

    ਸਞ੍ਞਾਤਿ ਸਭਾવਨਾਮਂ। ਸਞ੍ਜਾਨਨਾਤਿ ਸਞ੍ਜਾਨਨਾਕਾਰੋ। ਸਞ੍ਜਾਨਿਤਤ੍ਤਨ੍ਤਿ ਸਞ੍ਜਾਨਿਤਭਾવੋ।

    Saññāti sabhāvanāmaṃ. Sañjānanāti sañjānanākāro. Sañjānitattanti sañjānitabhāvo.

    ਅવਿਜ੍ਜੋਘਨ੍ਤਿ ਪੂਰੇਤੁਂ ਅਯੁਤ੍ਤਟ੍ਠੇਨ ਕਾਯਦੁਚ੍ਚਰਿਤਾਦਿ ਅવਿਨ੍ਦਿਯਂ ਨਾਮ, ਅਲਦ੍ਧਬ੍ਬਨ੍ਤਿ ਅਤ੍ਥੋ। ਤਂ ਅવਿਨ੍ਦਿਯਂ વਿਨ੍ਦਤੀਤਿ ਅવਿਜ੍ਜਾ। ਤਬ੍ਬਿਪਰੀਤਤੋ ਕਾਯਸੁਚਰਿਤਾਦਿ વਿਨ੍ਦਿਯਂ ਨਾਮ, ਤਂ વਿਨ੍ਦਿਯਂ ਨ વਿਨ੍ਦਤੀਤਿ ਅવਿਜ੍ਜਾ। ਖਨ੍ਧਾਨਂ ਰਾਸਟ੍ਠਂ, ਆਯਤਨਾਨਂ ਆਯਤਨਟ੍ਠਂ, ਧਾਤੂਨਂ ਸੁਞ੍ਞਟ੍ਠਂ, ਇਨ੍ਦ੍ਰਿਯਾਨਂ ਅਧਿਪਤਿਯਟ੍ਠਂ, ਸਚ੍ਚਾਨਂ ਤਥਟ੍ਠਂ ਅવਿਦਿਤਂ ਕਰੋਤੀਤਿਪਿ ਅવਿਜ੍ਜਾ। ਦੁਕ੍ਖਾਦੀਨਂ ਪੀਲ਼ਨਾਦਿવਸੇਨ વੁਤ੍ਤਂ ਚਤੁਬ੍ਬਿਧਂ ਅਤ੍ਥਂ ਅવਿਦਿਤਂ ਕਰੋਤੀਤਿਪਿ ਅવਿਜ੍ਜਾ। ਅਨ੍ਤવਿਰਹਿਤੇ ਸਂਸਾਰੇ ਯੋਨਿਗਤਿਭવવਿਞ੍ਞਾਣਟ੍ਠਿਤਿਸਤ੍ਤਾવਾਸੇਸੁ ਸਤ੍ਤੇ ਜવਾਪੇਤੀਤਿ ਅવਿਜ੍ਜਾ। ਪਰਮਤ੍ਥਤੋ ਅવਿਜ੍ਜਮਾਨੇਸੁ ਇਤ੍ਥਿਪੁਰਿਸਾਦੀਸੁ ਜવਤਿ, વਿਜ੍ਜਮਾਨੇਸੁ ਖਨ੍ਧਾਦੀਸੁ ਨ ਜવਤੀਤਿ ਅવਿਜ੍ਜਾ। ਅਪਿ ਚ ਚਕ੍ਖੁવਿਞ੍ਞਾਣਾਦੀਨਂ વਤ੍ਥਾਰਮ੍ਮਣਾਨਂ ਪਟਿਚ੍ਚਸਮੁਪ੍ਪਾਦਪਟਿਚ੍ਚਸਮੁਪ੍ਪਨ੍ਨਾਨਞ੍ਚ ਧਮ੍ਮਾਨਂ ਛਾਦਨਤੋਪਿ ਅવਿਜ੍ਜਾ, ਤਂ ਅવਿਜ੍ਜੋਘਂ। ਕਾਮੋਘવਸੇਨ ਉਤ੍ਤਰੇਯ੍ਯ। ਭવੋਘવਸੇਨ ਪਤਰੇਯ੍ਯ। ਦਿਟ੍ਠੋਘવਸੇਨ ਸਮਤਿਕ੍ਕਮੇਯ੍ਯ। ਅવਿਜ੍ਜੋਘવਸੇਨ વੀਤਿવਤ੍ਤੇਯ੍ਯ। ਅਥ વਾ ਸੋਤਾਪਤ੍ਤਿਮਗ੍ਗੇਨ ਪਹਾਨવਸੇਨ ਉਤ੍ਤਰੇਯ੍ਯ। ਸਕਦਾਗਾਮਿਮਗ੍ਗੇਨ ਪਹਾਨવਸੇਨ ਪਤਰੇਯ੍ਯ। ਅਨਾਗਾਮਿਮਗ੍ਗੇਨ ਪਹਾਨવਸੇਨ ਸਮਤਿਕ੍ਕਮੇਯ੍ਯ। ਅਰਹਤ੍ਤਮਗ੍ਗੇਨ ਪਹਾਨવਸੇਨ વੀਤਿવਤ੍ਤੇਯ੍ਯ। ਅਥ વਾ ‘‘ਤਰੇਯ੍ਯਾਦਿਪਞ੍ਚਪਦਂ ਤਦਙ੍ਗਾਦਿਪਞ੍ਚਪਹਾਨੇਨ ਯੋਜੇਤਬ੍ਬ’’ਨ੍ਤਿ ਕੇਚਿ વਦਨ੍ਤਿ।

    Avijjoghanti pūretuṃ ayuttaṭṭhena kāyaduccaritādi avindiyaṃ nāma, aladdhabbanti attho. Taṃ avindiyaṃ vindatīti avijjā. Tabbiparītato kāyasucaritādi vindiyaṃ nāma, taṃ vindiyaṃ na vindatīti avijjā. Khandhānaṃ rāsaṭṭhaṃ, āyatanānaṃ āyatanaṭṭhaṃ, dhātūnaṃ suññaṭṭhaṃ, indriyānaṃ adhipatiyaṭṭhaṃ, saccānaṃ tathaṭṭhaṃ aviditaṃ karotītipi avijjā. Dukkhādīnaṃ pīḷanādivasena vuttaṃ catubbidhaṃ atthaṃ aviditaṃ karotītipi avijjā. Antavirahite saṃsāre yonigatibhavaviññāṇaṭṭhitisattāvāsesu satte javāpetīti avijjā. Paramatthato avijjamānesu itthipurisādīsu javati, vijjamānesu khandhādīsu na javatīti avijjā. Api ca cakkhuviññāṇādīnaṃ vatthārammaṇānaṃ paṭiccasamuppādapaṭiccasamuppannānañca dhammānaṃ chādanatopi avijjā, taṃ avijjoghaṃ. Kāmoghavasena uttareyya. Bhavoghavasena patareyya. Diṭṭhoghavasena samatikkameyya. Avijjoghavasena vītivatteyya. Atha vā sotāpattimaggena pahānavasena uttareyya. Sakadāgāmimaggena pahānavasena patareyya. Anāgāmimaggena pahānavasena samatikkameyya. Arahattamaggena pahānavasena vītivatteyya. Atha vā ‘‘tareyyādipañcapadaṃ tadaṅgādipañcapahānena yojetabba’’nti keci vadanti.

    ‘‘ਮੋਨਂ વੁਚ੍ਚਤਿ ਞਾਣ’’ਨ੍ਤਿ વਤ੍વਾ ਤਂ ਪਭੇਦਤੋ ਦਸ੍ਸੇਤੁਂ ‘‘ਯਾ ਪਞ੍ਞਾ ਪਜਾਨਨਾ’’ਤਿਆਦਿਮਾਹ। ਤਂ વੁਤ੍ਤਨਯਮੇવ ਠਪੇਤ੍વਾ ‘‘ਅਮੋਹੋ ਧਮ੍ਮવਿਚਯੋ’’ਤਿ ਪਦਂ। ਅਮੋਹੋ ਕੁਸਲੇਸੁ ਧਮ੍ਮੇਸੁ ਅਭਾવਨਾਯ ਪਟਿਪਕ੍ਖੋ ਭਾવਨਾਹੇਤੁ। ਅਮੋਹੇਨ ਅવਿਪਰੀਤਂ ਗਣ੍ਹਾਤਿ ਮੂਲ਼੍ਹਸ੍ਸ વਿਪਰੀਤਗ੍ਗਹਣਤੋ। ਅਮੋਹੇਨ ਯਾਥਾવਂ ਯਾਥਾવਤੋ ਧਾਰੇਨ੍ਤੋ ਯਥਾਸਭਾવੇ ਪવਤ੍ਤਤਿ। ਮੂਲ਼੍ਹੋ ਹਿ ‘‘ਤਚ੍ਛਂ ਅਤਚ੍ਛਂ, ਅਤਚ੍ਛਞ੍ਚ ਤਚ੍ਛ’’ਨ੍ਤਿ ਗਣ੍ਹਾਤਿ; ਤਥਾ ਇਚ੍ਛਿਤਾਲਾਭਦੁਕ੍ਖਂ ਨ ਹੋਤਿ। ਅਮੂਲ਼੍ਹਸ੍ਸ ‘‘ਤਂ ਕੁਤੇਤ੍ਥ ਲਬ੍ਭਾ’’ਤਿ ਏવਮਾਦਿਪਚ੍ਚવੇਕ੍ਖਣਸਮ੍ਭવਤੋ ਮਰਣਦੁਕ੍ਖਂ ਨ ਹੋਤਿ। ਸਮ੍ਮੋਹਮਰਣਞ੍ਹਿ ਦੁਕ੍ਖਂ, ਨ ਚ ਤਂ ਅਮੂਲ਼੍ਹਸ੍ਸ ਹੋਤਿ। ਪਬ੍ਬਜਿਤਾਨਂ ਸੁਖਸਂવਾਸੋ ਹੋਤਿ, ਤਿਰਚ੍ਛਾਨਯੋਨਿਯਂ ਨਿਬ੍ਬਤ੍ਤਿ ਨ ਹੋਤਿ। ਮੋਹੇਨ ਹਿ ਨਿਚ੍ਚਸਮ੍ਮੂਲ਼੍ਹਾ ਤਿਰਚ੍ਛਾਨਯੋਨਿਂ ਉਪਪਜ੍ਜਨ੍ਤਿ । ਮੋਹਪਟਿਪਕ੍ਖੋ ਚ ਅਮੋਹੋ ਮੋਹવਸੇਨ ਅਮਜ੍ਝਤ੍ਤਭਾવਸ੍ਸ ਅਭਾવਕਰੋ। ਅਮੋਹੇਨ ਅવਿਹਿਂਸਾਸਞ੍ਞਾ ਧਾਤੁਸਞ੍ਞਾ ਮਜ੍ਝਿਮਾਯ ਪਟਿਪਤ੍ਤਿਯਾ ਪਟਿਪਜ੍ਜਨਂ, ਪਚ੍ਛਿਮਗਨ੍ਥਦ੍વਯਸ੍ਸ ਪਭੇਦਨਞ੍ਚ ਹੋਤਿ। ਪਚ੍ਛਿਮਾਨਿ ਦ੍વੇ ਸਤਿਪਟ੍ਠਾਨਾਨਿ ਤਸ੍ਸੇવ ਆਨੁਭਾવੇਨ ਇਜ੍ਝਨ੍ਤਿ। ਅਮੋਹੋ ਦੀਘਾਯੁਕਤਾਯ ਪਚ੍ਚਯੋ ਹੋਤਿ। ਅਮੂਲ਼੍ਹੋ ਹਿ ਹਿਤਾਹਿਤਂ ਞਤ੍વਾ ਅਹਿਤਂ ਪਰਿવਜ੍ਜੇਨ੍ਤੋ ਹਿਤਞ੍ਚ ਪਟਿਸੇવਮਾਨੋ ਦੀਘਾਯੁਕੋ ਹੋਤਿ, ਅਤ੍ਤਸਮ੍ਪਤ੍ਤਿਯਾ ਅਪਰਿਹੀਨੋ ਹੋਤਿ। ਅਮੂਲ਼੍ਹੋ ਹਿ ਅਤ੍ਤਨੋ ਹਿਤਮੇવ ਕਰੋਨ੍ਤੋ ਅਤ੍ਤਾਨਂ ਸਮ੍ਪਾਦੇਤਿ। ਅਰਿਯવਿਹਾਰਸ੍ਸ ਪਚ੍ਚਯੋ ਹੋਤਿ, ਉਦਾਸਿਨਪਕ੍ਖੇਸੁ ਨਿਬ੍ਬੁਤੋ ਹੋਤਿ ਅਮੂਲ਼੍ਹਸ੍ਸ ਸਬ੍ਬਾਭਿਸਙ੍ਗਤਾਯ ਅਭਾવਤੋ। ਅਮੋਹੇਨ ਅਨਤ੍ਤਦਸ੍ਸਨਂ ਹੋਤਿ। ਅਸਮ੍ਮੂਲ਼੍ਹੋ ਹਿ ਯਾਥਾવਗਹਣਕੁਸਲੋ ਅਪਰਿਣਾਯਕਂ ਖਨ੍ਧਪਞ੍ਚਕਂ ਅਪਰਿਣਾਯਕਤੋ ਬੁਜ੍ਝਤਿ। ਯਥਾ ਚ ਏਤੇਨ ਅਨਤ੍ਤਦਸ੍ਸਨਂ, ਏવਂ ਅਤ੍ਤਦਸ੍ਸਨਂ ਮੋਹੇਨ। ਕੋ ਹਿ ਨਾਮ ਅਤ੍ਤਸੁਞ੍ਞਤਂ ਬੁਜ੍ਝਿਤ੍વਾ ਪੁਨ ਸਮ੍ਮੋਹਂ ਆਪਜ੍ਜੇਯ੍ਯਾਤਿ।

    ‘‘Monaṃ vuccati ñāṇa’’nti vatvā taṃ pabhedato dassetuṃ ‘‘yā paññā pajānanā’’tiādimāha. Taṃ vuttanayameva ṭhapetvā ‘‘amoho dhammavicayo’’ti padaṃ. Amoho kusalesu dhammesu abhāvanāya paṭipakkho bhāvanāhetu. Amohena aviparītaṃ gaṇhāti mūḷhassa viparītaggahaṇato. Amohena yāthāvaṃ yāthāvato dhārento yathāsabhāve pavattati. Mūḷho hi ‘‘tacchaṃ atacchaṃ, atacchañca taccha’’nti gaṇhāti; tathā icchitālābhadukkhaṃ na hoti. Amūḷhassa ‘‘taṃ kutettha labbhā’’ti evamādipaccavekkhaṇasambhavato maraṇadukkhaṃ na hoti. Sammohamaraṇañhi dukkhaṃ, na ca taṃ amūḷhassa hoti. Pabbajitānaṃ sukhasaṃvāso hoti, tiracchānayoniyaṃ nibbatti na hoti. Mohena hi niccasammūḷhā tiracchānayoniṃ upapajjanti . Mohapaṭipakkho ca amoho mohavasena amajjhattabhāvassa abhāvakaro. Amohena avihiṃsāsaññā dhātusaññā majjhimāya paṭipattiyā paṭipajjanaṃ, pacchimaganthadvayassa pabhedanañca hoti. Pacchimāni dve satipaṭṭhānāni tasseva ānubhāvena ijjhanti. Amoho dīghāyukatāya paccayo hoti. Amūḷho hi hitāhitaṃ ñatvā ahitaṃ parivajjento hitañca paṭisevamāno dīghāyuko hoti, attasampattiyā aparihīno hoti. Amūḷho hi attano hitameva karonto attānaṃ sampādeti. Ariyavihārassa paccayo hoti, udāsinapakkhesu nibbuto hoti amūḷhassa sabbābhisaṅgatāya abhāvato. Amohena anattadassanaṃ hoti. Asammūḷho hi yāthāvagahaṇakusalo apariṇāyakaṃ khandhapañcakaṃ apariṇāyakato bujjhati. Yathā ca etena anattadassanaṃ, evaṃ attadassanaṃ mohena. Ko hi nāma attasuññataṃ bujjhitvā puna sammohaṃ āpajjeyyāti.

    ਤੇਨ ਞਾਣੇਨ ਸਮਨ੍ਨਾਗਤੋਤਿ ਏਤੇਨ વੁਤ੍ਤਪ੍ਪਕਾਰੇਨ ਞਾਣੇਨ ਸਮਙ੍ਗੀਭੂਤੋ ਸੇਕ੍ਖਾਦਯੋ ਮੁਨਿ। ਮੋਨਪ੍ਪਤ੍ਤੋਤਿ ਪਟਿਲਦ੍ਧਞਾਣੋ ਮੁਨਿਭਾવਂ ਪਤ੍ਤੋ। ਤੀਣੀਤਿ ਗਣਨਪਰਿਚ੍ਛੇਦੋ। ਮੋਨੇਯ੍ਯਾਨੀਤਿ ਮੁਨਿਭਾવਕਰਾ ਮੋਨੇਯ੍ਯਕਰਾ ਪਟਿਪਦਾ ਧਮ੍ਮਾ। ਕਾਯਮੋਨੇਯ੍ਯਨ੍ਤਿਆਦੀਸੁ વਿਞ੍ਞਤ੍ਤਿਕਾਯਰੂਪਕਾਯવਸੇਨ ਪਞ੍ਞਾਪੇਤਬ੍ਬਂ ਕਾਯਮੋਨੇਯ੍ਯਂ। વਿਞ੍ਞਤ੍ਤਿવਾਚਾਸਦ੍ਦવਾਚਾવਸੇਨ ਪਞ੍ਞਾਪੇਤਬ੍ਬਂ વਚੀਮੋਨੇਯ੍ਯਂ। ਮਨੋਦ੍વਾਰਿਕਚਿਤ੍ਤਾਦਿવਸੇਨ ਪਞ੍ਞਾਪੇਤਬ੍ਬਂ ਮਨੋਮੋਨੇਯ੍ਯਂ। ਤਿવਿਧਕਾਯਦੁਚ੍ਚਰਿਤਾਨਂ ਪਹਾਨਨ੍ਤਿ ਪਾਣਾਤਿਪਾਤਾਦਿવਿਧਾਨਂ ਕਾਯਤੋ ਪવਤ੍ਤਾਨਂ ਦੁਟ੍ਠੁ ਚਰਿਤਾਨਂ ਪਜਹਨਂ। ਕਾਯਸੁਚਰਿਤਨ੍ਤਿ ਕਾਯਤੋ ਪવਤ੍ਤਂ ਸੁਟ੍ਠੁ ਚਰਿਤਂ। ਕਾਯਾਰਮ੍ਮਣੇ ਞਾਣਨ੍ਤਿ ਕਾਯਂ ਆਰਮ੍ਮਣਂ ਕਤ੍વਾ ਅਨਿਚ੍ਚਾਦਿવਸੇਨ ਪવਤ੍ਤਂ ਕਾਯਾਰਮ੍ਮਣੇ ਞਾਣਂ। ਕਾਯਪਰਿਞ੍ਞਾਤਿ ਕਾਯਂ ਞਾਤਤੀਰਣਪ੍ਪਹਾਨਪਰਿਞ੍ਞਾਹਿ ਜਾਨਨવਸੇਨ ਪવਤ੍ਤਂ ਞਾਣਂ। ਪਰਿਞ੍ਞਾਸਹਗਤੋ ਮਗ੍ਗੋਤਿ ਅਜ੍ਝਤ੍ਤਿਕਂ ਕਾਯਂ ਸਮ੍ਮਸਿਤ੍વਾ ਉਪ੍ਪਾਦਿਤਮਗ੍ਗੋ ਪਰਿਞ੍ਞਾਸਹਗਤੋ। ਕਾਯੇ ਛਨ੍ਦਰਾਗਸ੍ਸ ਪਹਾਨਨ੍ਤਿ ਕਾਯੇ ਤਣ੍ਹਾਛਨ੍ਦਰਾਗਸ੍ਸ ਪਜਹਨਂ। ਕਾਯਸਙ੍ਖਾਰਨਿਰੋਧੋਤਿ ਅਸ੍ਸਾਸਪਸ੍ਸਾਸਾਨਂ ਨਿਰੋਧੋ ਆવਰਣੋ, ਚਤੁਤ੍ਥਜ੍ਝਾਨਸਮਾਪਤ੍ਤਿਸਮਾਪਜ੍ਜਨਂ। વਚੀਸਙ੍ਖਾਰਨਿਰੋਧੋਤਿ વਿਤਕ੍ਕવਿਚਾਰਾਨਂ ਨਿਰੋਧੋ ਆવਰਣੋ, ਦੁਤਿਯਜ੍ਝਾਨਸਮਾਪਤ੍ਤਿਸਮਾਪਜ੍ਜਨਂ। ਚਿਤ੍ਤਸਙ੍ਖਾਰਨਿਰੋਧੋਤਿ ਸਞ੍ਞਾવੇਦਨਾਨਂ ਨਿਰੋਧੋ ਆવਰਣੋ, ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿਸਮਾਪਜ੍ਜਨਂ।

    Tena ñāṇena samannāgatoti etena vuttappakārena ñāṇena samaṅgībhūto sekkhādayo muni. Monappattoti paṭiladdhañāṇo munibhāvaṃ patto. Tīṇīti gaṇanaparicchedo. Moneyyānīti munibhāvakarā moneyyakarā paṭipadā dhammā. Kāyamoneyyantiādīsu viññattikāyarūpakāyavasena paññāpetabbaṃ kāyamoneyyaṃ. Viññattivācāsaddavācāvasena paññāpetabbaṃ vacīmoneyyaṃ. Manodvārikacittādivasena paññāpetabbaṃ manomoneyyaṃ. Tividhakāyaduccaritānaṃ pahānanti pāṇātipātādividhānaṃ kāyato pavattānaṃ duṭṭhu caritānaṃ pajahanaṃ. Kāyasucaritanti kāyato pavattaṃ suṭṭhu caritaṃ. Kāyārammaṇe ñāṇanti kāyaṃ ārammaṇaṃ katvā aniccādivasena pavattaṃ kāyārammaṇe ñāṇaṃ. Kāyapariññāti kāyaṃ ñātatīraṇappahānapariññāhi jānanavasena pavattaṃ ñāṇaṃ. Pariññāsahagato maggoti ajjhattikaṃ kāyaṃ sammasitvā uppāditamaggo pariññāsahagato. Kāye chandarāgassa pahānanti kāye taṇhāchandarāgassa pajahanaṃ. Kāyasaṅkhāranirodhoti assāsapassāsānaṃ nirodho āvaraṇo, catutthajjhānasamāpattisamāpajjanaṃ. Vacīsaṅkhāranirodhoti vitakkavicārānaṃ nirodho āvaraṇo, dutiyajjhānasamāpattisamāpajjanaṃ. Cittasaṅkhāranirodhoti saññāvedanānaṃ nirodho āvaraṇo, saññāvedayitanirodhasamāpattisamāpajjanaṃ.

    ਪਠਮਗਾਥਾਯ ਕਾਯਮੁਨਿਨ੍ਤਿਆਦੀਸੁ ਕਾਯਦੁਚ੍ਚਰਿਤਪ੍ਪਹਾਨવਸੇਨ ਕਾਯਮੁਨਿ। વਚੀਦੁਚ੍ਚਰਿਤਪ੍ਪਹਾਨવਸੇਨ વਾਚਾਮੁਨਿ। ਮਨੋਦੁਚ੍ਚਰਿਤਪ੍ਪਹਾਨવਸੇਨ ਮਨੋਮੁਨਿ। ਸਬ੍ਬਾਕੁਸਲਪ੍ਪਹਾਨવਸੇਨ ਅਨਾਸવਮੁਨਿ। ਮੋਨੇਯ੍ਯਸਮ੍ਪਨ੍ਨਨ੍ਤਿ ਜਾਨਿਤਬ੍ਬਂ ਜਾਨਿਤ੍વਾ ਫਲੇ ਠਿਤਤ੍ਤਾ ਮੋਨੇਯ੍ਯਸਮ੍ਪਨ੍ਨਂ। ਆਹੁ ਸਬ੍ਬਪ੍ਪਹਾਯਿਨਨ੍ਤਿ ਸਬ੍ਬਕਿਲੇਸੇ ਪਜਹਿਤ੍વਾ ਠਿਤਤ੍ਤਾ ਸਬ੍ਬਪ੍ਪਹਾਯਿਨਂ ਕਥਯਨ੍ਤਿ।

    Paṭhamagāthāya kāyamunintiādīsu kāyaduccaritappahānavasena kāyamuni. Vacīduccaritappahānavasena vācāmuni. Manoduccaritappahānavasena manomuni. Sabbākusalappahānavasena anāsavamuni. Moneyyasampannanti jānitabbaṃ jānitvā phale ṭhitattā moneyyasampannaṃ. Āhu sabbappahāyinanti sabbakilese pajahitvā ṭhitattā sabbappahāyinaṃ kathayanti.

    ਦੁਤਿਯਗਾਥਾਯ ਨਿਨ੍ਹਾਤਪਾਪਕਨ੍ਤਿ ਯੋ ਅਜ੍ਝਤ੍ਤਬਹਿਦ੍ਧਸਙ੍ਖਾਤੇ ਸਬ੍ਬਸ੍ਮਿਮ੍ਪਿ ਆਯਤਨੇ ਅਜ੍ਝਤ੍ਤਬਹਿਦ੍ਧਾਰਮ੍ਮਣવਸੇਨ ਉਪ੍ਪਤ੍ਤਿਰਹਾਨਿ ਸਬ੍ਬਪਾਪਕਾਨਿ ਮਗ੍ਗਞਾਣੇਨ ਨਿਨ੍ਹਾਯ ਧੋવਿਤ੍વਾ ਠਿਤਤ੍ਤਾ ਨਿਨ੍ਹਾਤਪਾਪਕਂ ਆਹੂਤਿ ਏવਮਤ੍ਥੋ ਦਟ੍ਠਬ੍ਬੋ। ਅਗਾਰਮਜ੍ਝੇ વਸਨ੍ਤਾ ਅਗਾਰਮੁਨਿਨੋ। ਪਬ੍ਬਜ੍ਜੁਪਗਤਾ ਅਨਗਾਰਮੁਨਿਨੋ। ਤਤ੍ਥ ਸੇਕ੍ਖਾ ਸੇਕ੍ਖਮੁਨਿਨੋ। ਅਰਹਨ੍ਤੋ ਅਸੇਕ੍ਖਮੁਨਿਨੋ। ਪਚ੍ਚੇਕਬੁਦ੍ਧਾ ਪਚ੍ਚੇਕਮੁਨਿਨੋ। ਸਮ੍ਮਾਸਮ੍ਬੁਦ੍ਧਾ ਮੁਨਿਮੁਨਿਨੋ।

    Dutiyagāthāya ninhātapāpakanti yo ajjhattabahiddhasaṅkhāte sabbasmimpi āyatane ajjhattabahiddhārammaṇavasena uppattirahāni sabbapāpakāni maggañāṇena ninhāya dhovitvā ṭhitattā ninhātapāpakaṃ āhūti evamattho daṭṭhabbo. Agāramajjhe vasantā agāramunino. Pabbajjupagatā anagāramunino. Tattha sekkhā sekkhamunino. Arahanto asekkhamunino. Paccekabuddhā paccekamunino. Sammāsambuddhā munimunino.

    ਪੁਨ ਕਥੇਤੁਕਮ੍ਯਤਾਪੁਚ੍ਛਾવਸੇਨ ‘‘ਕਤਮੇ ਅਗਾਰਮੁਨਿਨੋ’’ਤਿ ਆਹ। ਅਗਾਰਿਕਾਤਿ ਕਸਿਗੋਰਕ੍ਖਾਦਿਅਗਾਰਿਕਕਮ੍ਮੇ ਨਿਯੁਤ੍ਤਾ। ਦਿਟ੍ਠਪਦਾਤਿ ਦਿਟ੍ਠਨਿਬ੍ਬਾਨਾ । વਿਞ੍ਞਾਤਸਾਸਨਾਤਿ વਿਞ੍ਞਾਤਂ ਸਿਕ੍ਖਤ੍ਤਯਸਾਸਨਂ ਏਤੇਸਨ੍ਤਿ વਿਞ੍ਞਾਤਸਾਸਨਾ। ਅਨਗਾਰਾਤਿ ਕਸਿਗੋਰਕ੍ਖਾਦਿਅਗਾਰਿਯਕਮ੍ਮਂ ਏਤੇਸਂ ਨਤ੍ਥੀਤਿ ਪਬ੍ਬਜਿਤਾ ‘‘ਅਨਗਾਰਾ’’ਤਿ વੁਚ੍ਚਨ੍ਤਿ। ਸਤ੍ਤ ਸੇਕ੍ਖਾਤਿ ਸੋਤਾਪਨ੍ਨਾਦਯੋ ਸਤ੍ਤ। ਤੀਸੁ ਸਿਕ੍ਖਾਸੁ ਸਿਕ੍ਖਨ੍ਤੀਤਿ ਸੇਕ੍ਖਾ। ਅਰਹਨ੍ਤੋ ਨ ਸਿਕ੍ਖਨ੍ਤੀਤਿ ਅਸੇਕ੍ਖਾ। ਤਂ ਤਂ ਕਾਰਣਂ ਪਟਿਚ੍ਚ ਏਕਕਾવ ਅਨਾਚਰਿਯਕਾવ ਚਤੁਸਚ੍ਚਂ ਬੁਜ੍ਝਿਤવਨ੍ਤੋਤਿ ਪਚ੍ਚੇਕਬੁਦ੍ਧਾ ਪਚ੍ਚੇਕਮੁਨਿਨੋ।

    Puna kathetukamyatāpucchāvasena ‘‘katame agāramunino’’ti āha. Agārikāti kasigorakkhādiagārikakamme niyuttā. Diṭṭhapadāti diṭṭhanibbānā . Viññātasāsanāti viññātaṃ sikkhattayasāsanaṃ etesanti viññātasāsanā. Anagārāti kasigorakkhādiagāriyakammaṃ etesaṃ natthīti pabbajitā ‘‘anagārā’’ti vuccanti. Satta sekkhāti sotāpannādayo satta. Tīsu sikkhāsu sikkhantīti sekkhā. Arahanto na sikkhantīti asekkhā. Taṃ taṃ kāraṇaṃ paṭicca ekakāva anācariyakāva catusaccaṃ bujjhitavantoti paccekabuddhā paccekamunino.

    ਮੁਨਿਮੁਨਿਨੋ વੁਚ੍ਚਨ੍ਤਿ ਤਥਾਗਤਾਤਿ ਏਤ੍ਥ ਅਟ੍ਠਹਿ ਕਾਰਣੇਹਿ ਭਗવਾ ਤਥਾਗਤੋ – ਤਥਾ ਆਗਤੋਤਿ ਤਥਾਗਤੋ, ਤਥਾ ਗਤੋਤਿ ਤਥਾਗਤੋ, ਤਥਲਕ੍ਖਣਂ ਆਗਤੋਤਿ ਤਥਾਗਤੋ, ਤਥਧਮ੍ਮੇ ਯਾਥਾવਤੋ ਅਭਿਸਮ੍ਬੁਦ੍ਧੋਤਿ ਤਥਾਗਤੋ, ਤਥਦਸ੍ਸਿਤਾਯ ਤਥਾਗਤੋ, ਤਥવਾਦਿਤਾਯ ਤਥਾਗਤੋ, ਤਥਾਕਾਰਿਤਾਯ ਤਥਾਗਤੋ, ਅਭਿਭવਨਟ੍ਠੇਨ ਤਥਾਗਤੋਤਿ।

    Munimunino vuccanti tathāgatāti ettha aṭṭhahi kāraṇehi bhagavā tathāgato – tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathavāditāya tathāgato, tathākāritāya tathāgato, abhibhavanaṭṭhena tathāgatoti.

    ਕਥਂ ਭਗવਾ ਤਥਾ ਆਗਤੋਤਿ ਤਥਾਗਤੋ? ਯਥਾ ਸਬ੍ਬਲੋਕਹਿਤਾਯ ਉਸ੍ਸੁਕ੍ਕਮਾਪਨ੍ਨਾ ਪੁਰਿਮਕਾ ਸਮ੍ਮਾਸਮ੍ਬੁਦ੍ਧਾ ਆਗਤਾ। ਕਿਂ વੁਤ੍ਤਂ ਹੋਤਿ? ਯੇਨਾਭਿਨੀਹਾਰੇਨ ਪੁਰਿਮਕਾ ਭਗવਨ੍ਤੋ ਆਗਤਾ, ਤੇਨੇવ ਅਮ੍ਹਾਕਮ੍ਪਿ ਭਗવਾ ਆਗਤੋ। ਅਥ વਾ ਯਥਾ ਪੁਰਿਮਕਾ ਭਗવਨ੍ਤੋ ਦਾਨਸੀਲਨੇਕ੍ਖਮ੍ਮਪਞ੍ਞਾવੀਰਿਯਖਨ੍ਤਿਸਚ੍ਚਾਧਿਟ੍ਠਾਨਮੇਤ੍ਤੁਪੇਕ੍ਖਾਸਙ੍ਖਾਤਾ ਦਸ ਪਾਰਮਿਯੋ ਦਸ ਉਪਪਾਰਮਿਯੋ ਦਸ ਪਰਮਤ੍ਥਪਾਰਮਿਯੋਤਿ ਸਮਤਿਂਸਪਾਰਮਿਯੋ ਪੂਰੇਤ੍વਾ ਅਙ੍ਗਪਰਿਚ੍ਚਾਗਂ ਨਯਨਧਨਰਜ੍ਜਪੁਤ੍ਤਦਾਰਪਰਿਚ੍ਚਾਗਨ੍ਤਿ ਇਮੇ ਪਞ੍ਚ ਮਹਾਪਰਿਚ੍ਚਾਗੇ ਪਰਿਚ੍ਚਜਿਤ੍વਾ ਪੁਬ੍ਬਯੋਗਪੁਬ੍ਬਚਰਿਯਧਮ੍ਮਕ੍ਖਾਨਞਾਤਤ੍ਥਚਰਿਯਾਦਯੋ ਪੂਰੇਤ੍વਾ ਬੁਦ੍ਧਿਚਰਿਯਾਯ ਕੋਟਿਂ ਪਤ੍વਾ ਆਗਤਾ, ਤਥਾ ਅਮ੍ਹਾਕਮ੍ਪਿ ਭਗવਾ ਆਗਤੋ। ਯਥਾ ਚ ਪੁਰਿਮਕਾ ਭਗવਨ੍ਤੋ ਚਤ੍ਤਾਰੋ ਸਤਿਪਟ੍ਠਾਨੇ, ਚਤ੍ਤਾਰੋ ਸਮ੍ਮਪ੍ਪਧਾਨੇ, ਚਤ੍ਤਾਰੋ ਇਦ੍ਧਿਪਾਦੇ, ਪਞ੍ਚਿਨ੍ਦ੍ਰਿਯਾਨਿ, ਪਞ੍ਚ ਬਲਾਨਿ, ਸਤ੍ਤ ਬੋਜ੍ਝਙ੍ਗੇ, ਅਰਿਯਂ ਅਟ੍ਠਙ੍ਗਿਕਂ ਮਗ੍ਗਂ ਭਾવੇਤ੍વਾ ਪੂਰੇਤ੍વਾ ਆਗਤਾ, ਤਥਾ ਅਮ੍ਹਾਕਮ੍ਪਿ ਭਗવਾ ਆਗਤੋ। ਏવਂ ਤਥਾ ਆਗਤੋਤਿ ਤਥਾਗਤੋ।

    Kathaṃ bhagavā tathā āgatoti tathāgato? Yathā sabbalokahitāya ussukkamāpannā purimakā sammāsambuddhā āgatā. Kiṃ vuttaṃ hoti? Yenābhinīhārena purimakā bhagavanto āgatā, teneva amhākampi bhagavā āgato. Atha vā yathā purimakā bhagavanto dānasīlanekkhammapaññāvīriyakhantisaccādhiṭṭhānamettupekkhāsaṅkhātā dasa pāramiyo dasa upapāramiyo dasa paramatthapāramiyoti samatiṃsapāramiyo pūretvā aṅgapariccāgaṃ nayanadhanarajjaputtadārapariccāganti ime pañca mahāpariccāge pariccajitvā pubbayogapubbacariyadhammakkhānañātatthacariyādayo pūretvā buddhicariyāya koṭiṃ patvā āgatā, tathā amhākampi bhagavā āgato. Yathā ca purimakā bhagavanto cattāro satipaṭṭhāne, cattāro sammappadhāne, cattāro iddhipāde, pañcindriyāni, pañca balāni, satta bojjhaṅge, ariyaṃ aṭṭhaṅgikaṃ maggaṃ bhāvetvā pūretvā āgatā, tathā amhākampi bhagavā āgato. Evaṃ tathā āgatoti tathāgato.

    ‘‘ਯਥਾ ਚ ਦੀਪਙ੍ਕਰਬੁਦ੍ਧਆਦਯੋ, ਸਬ੍ਬਞ੍ਞੁਭਾવਂ ਮੁਨਯੋ ਇਧਾਗਤਾ।

    ‘‘Yathā ca dīpaṅkarabuddhaādayo, sabbaññubhāvaṃ munayo idhāgatā;

    ਤਥਾ ਅਯਂ ਸਕ੍ਯਮੁਨੀਪਿ ਆਗਤੋ, ਤਥਾਗਤੋ વੁਚ੍ਚਤਿ ਤੇਨ ਚਕ੍ਖੁਮਾ’’ਤਿ॥

    Tathā ayaṃ sakyamunīpi āgato, tathāgato vuccati tena cakkhumā’’ti.

    ਕਥਂ ਤਥਾ ਗਤੋਤਿ ਤਥਾਗਤੋ? ਯਥਾ ਸਮ੍ਪਤਿਜਾਤਾ ਪੁਰਿਮਕਾ ਭਗવਨ੍ਤੋ ਗਤਾ। ਕਥਞ੍ਚ ਤੇ ਗਤਾ? ਤੇ ਹਿ ਸਮ੍ਪਤਿਜਾਤਾ ਸਮੇਹਿ ਪਾਦੇਹਿ ਪਥવਿਯਂ ਪਤਿਟ੍ਠਾਯ ਉਤ੍ਤਰਾਭਿਮੁਖਾ ਸਤ੍ਤਪਦવੀਤਿਹਾਰੇਨ ਗਤਾ। ਯਥਾਹ –

    Kathaṃ tathā gatoti tathāgato? Yathā sampatijātā purimakā bhagavanto gatā. Kathañca te gatā? Te hi sampatijātā samehi pādehi pathaviyaṃ patiṭṭhāya uttarābhimukhā sattapadavītihārena gatā. Yathāha –

    ‘‘ਸਮ੍ਪਤਿਜਾਤੋ, ਆਨਨ੍ਦ, ਬੋਧਿਸਤ੍ਤੋ ਸਮੇਹਿ ਪਾਦੇਹਿ ਪਥવਿਯਂ ਪਤਿਟ੍ਠਹਿਤ੍વਾ ਉਤ੍ਤਰਾਭਿਮੁਖੋ ਸਤ੍ਤਪਦવੀਤਿਹਾਰੇਨ ਗਚ੍ਛਤਿ, ਸੇਤਮ੍ਹਿ ਛਤ੍ਤੇ ਅਨੁਧਾਰਿਯਮਾਨੇ ਸਬ੍ਬਾ ਚ ਦਿਸਾ ਅਨੁવਿਲੋਕੇਤਿ, ਆਸਭਿਞ੍ਚ વਾਚਂ ਭਾਸਤਿ – ‘ਅਗ੍ਗੋਹਮਸ੍ਮਿ ਲੋਕਸ੍ਸ, ਜੇਟ੍ਠੋਹਮਸ੍ਮਿ ਲੋਕਸ੍ਸ, ਸੇਟ੍ਠੋਹਮਸ੍ਮਿ ਲੋਕਸ੍ਸ, ਅਯਮਨ੍ਤਿਮਾ ਜਾਤਿ, ਨਤ੍ਥਿ ਦਾਨਿ ਪੁਨਬ੍ਭવੋ’’’ਤਿ (ਦੀ॰ ਨਿ॰ ੨.੩੧; ਮ॰ ਨਿ॰ ੩.੨੦੭)।

    ‘‘Sampatijāto, ānanda, bodhisatto samehi pādehi pathaviyaṃ patiṭṭhahitvā uttarābhimukho sattapadavītihārena gacchati, setamhi chatte anudhāriyamāne sabbā ca disā anuviloketi, āsabhiñca vācaṃ bhāsati – ‘aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo’’’ti (dī. ni. 2.31; ma. ni. 3.207).

    ਤਞ੍ਚਸ੍ਸ ਗਮਨਂ ਤਥਂ ਅਹੋਸਿ ਅવਿਤਥਂ ਅਨੇਕੇਸਂ વਿਸੇਸਾਧਿਗਮਾਨਂ ਪੁਬ੍ਬਨਿਮਿਤ੍ਤਭਾવੇਨ। ਯਞ੍ਹਿ ਸੋ ਸਮ੍ਪਤਿਜਾਤੋ ਸਮੇਹਿ ਪਾਦੇਹਿ ਪਤਿਟ੍ਠਾਤਿ, ਇਦਮਸ੍ਸ ਚਤੁਰਿਦ੍ਧਿਪਾਦਪਟਿਲਾਭਸ੍ਸ ਪੁਬ੍ਬਨਿਮਿਤ੍ਤਂ। ਉਤ੍ਤਰਮੁਖਭਾવੋ ਪਨਸ੍ਸ ਸਬ੍ਬਲੋਕੁਤ੍ਤਰਭਾવਸ੍ਸ ਪੁਬ੍ਬਨਿਮਿਤ੍ਤਂ। ਸਤ੍ਤਪਦવੀਤਿਹਾਰੋ ਸਤ੍ਤਬੋਜ੍ਝਙ੍ਗਰਤਨਪਟਿਲਾਭਸ੍ਸ। ‘‘ਸੁવਣ੍ਣਦਣ੍ਡਾ વੀਤਿਪਤਨ੍ਤਿ ਚਾਮਰਾ’’ਤਿ (ਸੁ॰ ਨਿ॰ ੬੯੩) ਏਤ੍ਥ વੁਤ੍ਤਚਾਮਰੁਕ੍ਖੇਪੋ ਪਨ ਸਬ੍ਬਤਿਤ੍ਥਿਯਨਿਮ੍ਮਦਨਸ੍ਸ। ਸੇਤਚ੍ਛਤ੍ਤਧਾਰਣਂ ਅਰਹਤ੍ਤવਿਮੁਤ੍ਤਿવਰવਿਮਲਸੇਤਚ੍ਛਤ੍ਤਪਟਿਲਾਭਸ੍ਸ। ਸਬ੍ਬਦਿਸਾਨੁવਿਲੋਕਨਂ ਸਬ੍ਬਞ੍ਞੁਤਾਨਾવਰਣਞਾਣਪਟਿਲਾਭਸ੍ਸ। ਆਸਭਿવਾਚਾਭਾਸਨਂ ਪਨ ਅਪ੍ਪਟਿવਤ੍ਤਿਯવਰਧਮ੍ਮਚਕ੍ਕਪવਤ੍ਤਨਸ੍ਸ ਪੁਬ੍ਬਨਿਮਿਤ੍ਤਂ। ਤਥਾ ਅਯਂ ਭਗવਾਪਿ ਗਤੋ। ਤਞ੍ਚਸ੍ਸ ਗਮਨਂ ਤਥਂ ਅਹੋਸਿ ਅવਿਤਥਂ ਤੇਸਂਯੇવ વਿਸੇਸਾਧਿਗਮਾਨਂ ਪੁਬ੍ਬਨਿਮਿਤ੍ਤਭਾવੇਨ। ਤੇਨਾਹੁ ਪੋਰਾਣਾ –

    Tañcassa gamanaṃ tathaṃ ahosi avitathaṃ anekesaṃ visesādhigamānaṃ pubbanimittabhāvena. Yañhi so sampatijāto samehi pādehi patiṭṭhāti, idamassa caturiddhipādapaṭilābhassa pubbanimittaṃ. Uttaramukhabhāvo panassa sabbalokuttarabhāvassa pubbanimittaṃ. Sattapadavītihāro sattabojjhaṅgaratanapaṭilābhassa. ‘‘Suvaṇṇadaṇḍā vītipatanti cāmarā’’ti (su. ni. 693) ettha vuttacāmarukkhepo pana sabbatitthiyanimmadanassa. Setacchattadhāraṇaṃ arahattavimuttivaravimalasetacchattapaṭilābhassa. Sabbadisānuvilokanaṃ sabbaññutānāvaraṇañāṇapaṭilābhassa. Āsabhivācābhāsanaṃ pana appaṭivattiyavaradhammacakkapavattanassa pubbanimittaṃ. Tathā ayaṃ bhagavāpi gato. Tañcassa gamanaṃ tathaṃ ahosi avitathaṃ tesaṃyeva visesādhigamānaṃ pubbanimittabhāvena. Tenāhu porāṇā –

    ‘‘ਮੁਹੁਤ੍ਤਜਾਤੋવ ਗવਮ੍ਪਤੀ ਯਥਾ, ਸਮੇਹਿ ਪਾਦੇਹਿ ਫੁਸੀ વਸੁਨ੍ਧਰਂ।

    ‘‘Muhuttajātova gavampatī yathā, samehi pādehi phusī vasundharaṃ;

    ਸੋ વਿਕ੍ਕਮੀ ਸਤ੍ਤ ਪਦਾਨਿ ਗੋਤਮੋ, ਸੇਤਞ੍ਚ ਛਤ੍ਤਂ ਅਨੁਧਾਰਯੁਂ ਮਰੂ॥

    So vikkamī satta padāni gotamo, setañca chattaṃ anudhārayuṃ marū.

    ‘‘ਗਨ੍ਤ੍વਾਨ ਸੋ ਸਤ੍ਤ ਪਦਾਨਿ ਗੋਤਮੋ, ਦਿਸਾ વਿਲੋਕੇਸਿ ਸਮਾ ਸਮਨ੍ਤਤੋ।

    ‘‘Gantvāna so satta padāni gotamo, disā vilokesi samā samantato;

    ਅਟ੍ਠਙ੍ਗੁਪੇਤਂ ਗਿਰਮਬ੍ਭੁਦੀਰਯਿ, ਸੀਹੋ ਯਥਾ ਪਬ੍ਬਤਮੁਦ੍ਧਨਿਟ੍ਠਿਤੋ’’ਤਿ॥ (ਪਟਿ॰ ਮ॰ ਅਟ੍ਠ॰ ੧.੧.੩੭; ਇਤਿવੁ॰ ਅਟ੍ਠ॰ ੩੮)।

    Aṭṭhaṅgupetaṃ giramabbhudīrayi, sīho yathā pabbatamuddhaniṭṭhito’’ti. (paṭi. ma. aṭṭha. 1.1.37; itivu. aṭṭha. 38);

    ਏવਂ ਤਥਾ ਗਤੋਤਿ ਤਥਾਗਤੋ।

    Evaṃ tathā gatoti tathāgato.

    ਅਥ વਾ ਯਥਾ ਪੁਰਿਮਕਾ ਭਗવਨ੍ਤੋ, ਅਯਮ੍ਪਿ ਭਗવਾ ਤਥੇવ ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਂ…ਪੇ॰… ਪਠਮਜ੍ਝਾਨੇਨ ਨੀવਰਣੇ…ਪੇ॰… ਅਨਿਚ੍ਚਾਨੁਪਸ੍ਸਨਾਯ ਨਿਚ੍ਚਸਞ੍ਞਂ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸੇ ਪਹਾਯ ਗਤੋ, ਏવਮ੍ਪਿ ਤਥਾ ਗਤੋਤਿ ਤਥਾਗਤੋ।

    Atha vā yathā purimakā bhagavanto, ayampi bhagavā tatheva nekkhammena kāmacchandaṃ…pe… paṭhamajjhānena nīvaraṇe…pe… aniccānupassanāya niccasaññaṃ…pe… arahattamaggena sabbakilese pahāya gato, evampi tathā gatoti tathāgato.

    ਕਥਂ ਤਥਲਕ੍ਖਣਂ ਆਗਤੋਤਿ ਤਥਾਗਤੋ? ਪਥવੀਧਾਤੁਯਾ ਕਕ੍ਖਲ਼ਤ੍ਤਲਕ੍ਖਣਂ ਤਥਂ ਅવਿਤਥਂ, ਆਪੋਧਾਤੁਯਾ ਪਗ੍ਘਰਣਲਕ੍ਖਣਂ, ਤੇਜੋਧਾਤੁਯਾ ਉਣ੍ਹਤ੍ਤਲਕ੍ਖਣਂ, વਾਯੋਧਾਤੁਯਾ વਿਤ੍ਥਮ੍ਭਨਲਕ੍ਖਣਂ, ਆਕਾਸਧਾਤੁਯਾ ਅਸਮ੍ਫੁਟ੍ਠਲਕ੍ਖਣਂ, વਿਞ੍ਞਾਣਧਾਤੁਯਾ વਿਜਾਨਨਲਕ੍ਖਣਂ।

    Kathaṃ tathalakkhaṇaṃ āgatoti tathāgato? Pathavīdhātuyā kakkhaḷattalakkhaṇaṃ tathaṃ avitathaṃ, āpodhātuyā paggharaṇalakkhaṇaṃ, tejodhātuyā uṇhattalakkhaṇaṃ, vāyodhātuyā vitthambhanalakkhaṇaṃ, ākāsadhātuyā asamphuṭṭhalakkhaṇaṃ, viññāṇadhātuyā vijānanalakkhaṇaṃ.

    ਰੂਪਸ੍ਸ ਰੁਪ੍ਪਨਲਕ੍ਖਣਂ, વੇਦਨਾਯ વੇਦਯਿਤਲਕ੍ਖਣਂ, ਸਞ੍ਞਾਯ ਸਞ੍ਜਾਨਨਲਕ੍ਖਣਂ, ਸਙ੍ਖਾਰਾਨਂ ਅਭਿਸਙ੍ਖਰਣਲਕ੍ਖਣਂ, વਿਞ੍ਞਾਣਸ੍ਸ વਿਜਾਨਨਲਕ੍ਖਣਂ।

    Rūpassa ruppanalakkhaṇaṃ, vedanāya vedayitalakkhaṇaṃ, saññāya sañjānanalakkhaṇaṃ, saṅkhārānaṃ abhisaṅkharaṇalakkhaṇaṃ, viññāṇassa vijānanalakkhaṇaṃ.

    વਿਤਕ੍ਕਸ੍ਸ ਅਭਿਨਿਰੋਪਨਲਕ੍ਖਣਂ, વਿਚਾਰਸ੍ਸ ਅਨੁਮਜ੍ਜਨਲਕ੍ਖਣਂ, ਪੀਤਿਯਾ ਫਰਣਲਕ੍ਖਣਂ, ਸੁਖਸ੍ਸ ਸਾਤਲਕ੍ਖਣਂ, ਚਿਤ੍ਤੇਕਗ੍ਗਤਾਯ ਅવਿਕ੍ਖੇਪਲਕ੍ਖਣਂ, ਫਸ੍ਸਸ੍ਸ ਫੁਸਨਲਕ੍ਖਣਂ।

    Vitakkassa abhiniropanalakkhaṇaṃ, vicārassa anumajjanalakkhaṇaṃ, pītiyā pharaṇalakkhaṇaṃ, sukhassa sātalakkhaṇaṃ, cittekaggatāya avikkhepalakkhaṇaṃ, phassassa phusanalakkhaṇaṃ.

    ਸਦ੍ਧਿਨ੍ਦ੍ਰਿਯਸ੍ਸ ਅਧਿਮੋਕ੍ਖਲਕ੍ਖਣਂ, વੀਰਿਯਿਨ੍ਦ੍ਰਿਯਸ੍ਸ ਪਗ੍ਗਹਲਕ੍ਖਣਂ, ਸਤਿਨ੍ਦ੍ਰਿਯਸ੍ਸ ਉਪਟ੍ਠਾਨਲਕ੍ਖਣਂ, ਸਮਾਧਿਨ੍ਦ੍ਰਿਯਸ੍ਸ ਅવਿਕ੍ਖੇਪਲਕ੍ਖਣਂ, ਪਞ੍ਞਿਨ੍ਦ੍ਰਿਯਸ੍ਸ ਪਜਾਨਨਲਕ੍ਖਣਂ।

    Saddhindriyassa adhimokkhalakkhaṇaṃ, vīriyindriyassa paggahalakkhaṇaṃ, satindriyassa upaṭṭhānalakkhaṇaṃ, samādhindriyassa avikkhepalakkhaṇaṃ, paññindriyassa pajānanalakkhaṇaṃ.

    ਸਦ੍ਧਾਬਲਸ੍ਸ ਅਸ੍ਸਦ੍ਧਿਯੇ ਅਕਮ੍ਪਿਯਲਕ੍ਖਣਂ, વੀਰਿਯਬਲਸ੍ਸ ਕੋਸਜ੍ਜੇ, ਸਤਿਬਲਸ੍ਸ ਮੁਟ੍ਠਸ੍ਸਚ੍ਚੇ, ਸਮਾਧਿਬਲਸ੍ਸ ਉਦ੍ਧਚ੍ਚੇ, ਪਞ੍ਞਾਬਲਸ੍ਸ ਅવਿਜ੍ਜਾਯ ਅਕਮ੍ਪਿਯਲਕ੍ਖਣਂ।

    Saddhābalassa assaddhiye akampiyalakkhaṇaṃ, vīriyabalassa kosajje, satibalassa muṭṭhassacce, samādhibalassa uddhacce, paññābalassa avijjāya akampiyalakkhaṇaṃ.

    ਸਤਿਸਮ੍ਬੋਜ੍ਝਙ੍ਗਸ੍ਸ ਉਪਟ੍ਠਾਨਲਕ੍ਖਣਂ, ਧਮ੍ਮવਿਚਯਸਮ੍ਬੋਜ੍ਝਙ੍ਗਸ੍ਸ ਪવਿਚਯਲਕ੍ਖਣਂ, વੀਰਿਯਸਮ੍ਬੋਜ੍ਝਙ੍ਗਸ੍ਸ ਪਗ੍ਗਹਲਕ੍ਖਣਂ, ਪੀਤਿਸਮ੍ਬੋਜ੍ਝਙ੍ਗਸ੍ਸ ਫਰਣਲਕ੍ਖਣਂ, ਪਸ੍ਸਦ੍ਧਿਸਮ੍ਬੋਜ੍ਝਙ੍ਗਸ੍ਸ ਉਪਸਮਲਕ੍ਖਣਂ, ਸਮਾਧਿਸਮ੍ਬੋਜ੍ਝਙ੍ਗਸ੍ਸ ਅવਿਕ੍ਖੇਪਲਕ੍ਖਣਂ, ਉਪੇਕ੍ਖਾਸਮ੍ਬੋਜ੍ਝਙ੍ਗਸ੍ਸ ਪਟਿਸਙ੍ਖਾਨਲਕ੍ਖਣਂ।

    Satisambojjhaṅgassa upaṭṭhānalakkhaṇaṃ, dhammavicayasambojjhaṅgassa pavicayalakkhaṇaṃ, vīriyasambojjhaṅgassa paggahalakkhaṇaṃ, pītisambojjhaṅgassa pharaṇalakkhaṇaṃ, passaddhisambojjhaṅgassa upasamalakkhaṇaṃ, samādhisambojjhaṅgassa avikkhepalakkhaṇaṃ, upekkhāsambojjhaṅgassa paṭisaṅkhānalakkhaṇaṃ.

    ਸਮ੍ਮਾਦਿਟ੍ਠਿਯਾ ਦਸ੍ਸਨਲਕ੍ਖਣਂ, ਸਮ੍ਮਾਸਙ੍ਕਪ੍ਪਸ੍ਸ ਅਭਿਨਿਰੋਪਨਲਕ੍ਖਣਂ, ਸਮ੍ਮਾવਾਚਾਯ ਪਰਿਗ੍ਗਹਲਕ੍ਖਣਂ, ਸਮ੍ਮਾਕਮ੍ਮਨ੍ਤਸ੍ਸ ਸਮੁਟ੍ਠਾਨਲਕ੍ਖਣਂ, ਸਮ੍ਮਾਆਜੀવਸ੍ਸ વੋਦਾਨਲਕ੍ਖਣਂ, ਸਮ੍ਮਾવਾਯਾਮਸ੍ਸ ਪਗ੍ਗਹਲਕ੍ਖਣਂ, ਸਮ੍ਮਾਸਤਿਯਾ ਉਪਟ੍ਠਾਨਲਕ੍ਖਣਂ, ਸਮ੍ਮਾਸਮਾਧਿਸ੍ਸ ਅવਿਕ੍ਖੇਪਲਕ੍ਖਣਂ।

    Sammādiṭṭhiyā dassanalakkhaṇaṃ, sammāsaṅkappassa abhiniropanalakkhaṇaṃ, sammāvācāya pariggahalakkhaṇaṃ, sammākammantassa samuṭṭhānalakkhaṇaṃ, sammāājīvassa vodānalakkhaṇaṃ, sammāvāyāmassa paggahalakkhaṇaṃ, sammāsatiyā upaṭṭhānalakkhaṇaṃ, sammāsamādhissa avikkhepalakkhaṇaṃ.

    ਅવਿਜ੍ਜਾਯ ਅਞ੍ਞਾਣਲਕ੍ਖਣਂ, ਸਙ੍ਖਾਰਾਨਂ ਚੇਤਨਾਲਕ੍ਖਣਂ, વਿਞ੍ਞਾਣਸ੍ਸ વਿਜਾਨਨਲਕ੍ਖਣਂ, ਨਾਮਸ੍ਸ ਨਮਨਲਕ੍ਖਣਂ, ਰੂਪਸ੍ਸ ਰੁਪ੍ਪਨਲਕ੍ਖਣਂ, ਸਲ਼ਾਯਤਨਸ੍ਸ ਆਯਤਨਲਕ੍ਖਣਂ, ਫਸ੍ਸਸ੍ਸ ਫੁਸਨਲਕ੍ਖਣਂ, વੇਦਨਾਯ વੇਦਯਿਤਲਕ੍ਖਣਂ, ਤਣ੍ਹਾਯ ਹੇਤੁਲਕ੍ਖਣਂ, ਉਪਾਦਾਨਸ੍ਸ ਗਹਣਲਕ੍ਖਣਂ, ਭવਸ੍ਸ ਆਯੂਹਨਲਕ੍ਖਣਂ, ਜਾਤਿਯਾ ਨਿਬ੍ਬਤ੍ਤਿਲਕ੍ਖਣਂ, ਜਰਾਯ ਜੀਰਣਲਕ੍ਖਣਂ, ਮਰਣਸ੍ਸ ਚੁਤਿਲਕ੍ਖਣਂ।

    Avijjāya aññāṇalakkhaṇaṃ, saṅkhārānaṃ cetanālakkhaṇaṃ, viññāṇassa vijānanalakkhaṇaṃ, nāmassa namanalakkhaṇaṃ, rūpassa ruppanalakkhaṇaṃ, saḷāyatanassa āyatanalakkhaṇaṃ, phassassa phusanalakkhaṇaṃ, vedanāya vedayitalakkhaṇaṃ, taṇhāya hetulakkhaṇaṃ, upādānassa gahaṇalakkhaṇaṃ, bhavassa āyūhanalakkhaṇaṃ, jātiyā nibbattilakkhaṇaṃ, jarāya jīraṇalakkhaṇaṃ, maraṇassa cutilakkhaṇaṃ.

    ਧਾਤੂਨਂ ਸੁਞ੍ਞਤਲਕ੍ਖਣਂ, ਆਯਤਨਾਨਂ ਆਯਤਨਲਕ੍ਖਣਂ, ਸਤਿਪਟ੍ਠਾਨਾਨਂ ਉਪਟ੍ਠਾਨਲਕ੍ਖਣਂ, ਸਮ੍ਮਪ੍ਪਧਾਨਾਨਂ ਪਦਹਨਲਕ੍ਖਣਂ, ਇਦ੍ਧਿਪਾਦਾਨਂ ਇਜ੍ਝਨਲਕ੍ਖਣਂ, ਇਨ੍ਦ੍ਰਿਯਾਨਂ ਅਧਿਪਤਿਲਕ੍ਖਣਂ, ਬਲਾਨਂ ਅਕਮ੍ਪਿਯਲਕ੍ਖਣਂ, ਬੋਜ੍ਝਙ੍ਗਾਨਂ ਨਿਯ੍ਯਾਨਲਕ੍ਖਣਂ, ਮਗ੍ਗਸ੍ਸ ਹੇਤੁਲਕ੍ਖਣਂ।

    Dhātūnaṃ suññatalakkhaṇaṃ, āyatanānaṃ āyatanalakkhaṇaṃ, satipaṭṭhānānaṃ upaṭṭhānalakkhaṇaṃ, sammappadhānānaṃ padahanalakkhaṇaṃ, iddhipādānaṃ ijjhanalakkhaṇaṃ, indriyānaṃ adhipatilakkhaṇaṃ, balānaṃ akampiyalakkhaṇaṃ, bojjhaṅgānaṃ niyyānalakkhaṇaṃ, maggassa hetulakkhaṇaṃ.

    ਸਚ੍ਚਾਨਂ ਤਥਲਕ੍ਖਣਂ, ਸਮਥਸ੍ਸ ਅવਿਕ੍ਖੇਪਲਕ੍ਖਣਂ, વਿਪਸ੍ਸਨਾਯ ਅਨੁਪਸ੍ਸਨਾਲਕ੍ਖਣਂ, ਸਮਥવਿਪਸ੍ਸਨਾਨਂ ਏਕਰਸਲਕ੍ਖਣਂ, ਯੁਗਨਦ੍ਧਾਨਂ ਅਨਤਿવਤ੍ਤਨਲਕ੍ਖਣਂ।

    Saccānaṃ tathalakkhaṇaṃ, samathassa avikkhepalakkhaṇaṃ, vipassanāya anupassanālakkhaṇaṃ, samathavipassanānaṃ ekarasalakkhaṇaṃ, yuganaddhānaṃ anativattanalakkhaṇaṃ.

    ਸੀਲવਿਸੁਦ੍ਧਿਯਾ ਸਂવਰਣਲਕ੍ਖਣਂ, ਚਿਤ੍ਤવਿਸੁਦ੍ਧਿਯਾ ਅવਿਕ੍ਖੇਪਲਕ੍ਖਣਂ, ਦਿਟ੍ਠਿવਿਸੁਦ੍ਧਿਯਾ ਦਸ੍ਸਨਲਕ੍ਖਣਂ, ਖਯੇ ਞਾਣਸ੍ਸ ਸਮੁਚ੍ਛੇਦਲਕ੍ਖਣਂ, ਅਨੁਪ੍ਪਾਦੇ ਞਾਣਸ੍ਸ ਪਸ੍ਸਦ੍ਧਿਲਕ੍ਖਣਂ, ਛਨ੍ਦਸ੍ਸ ਮੂਲਲਕ੍ਖਣਂ।

    Sīlavisuddhiyā saṃvaraṇalakkhaṇaṃ, cittavisuddhiyā avikkhepalakkhaṇaṃ, diṭṭhivisuddhiyā dassanalakkhaṇaṃ, khaye ñāṇassa samucchedalakkhaṇaṃ, anuppāde ñāṇassa passaddhilakkhaṇaṃ, chandassa mūlalakkhaṇaṃ.

    ਮਨਸਿਕਾਰਸ੍ਸ ਸਮੁਟ੍ਠਾਨਲਕ੍ਖਣਂ, ਫਸ੍ਸਸ੍ਸ ਸਮੋਧਾਨਲਕ੍ਖਣਂ, વੇਦਨਾਯ ਸਮੋਸਰਣਲਕ੍ਖਣਂ, ਸਮਾਧਿਸ੍ਸ ਪਮੁਖਲਕ੍ਖਣਂ, ਸਤਿਯਾ ਆਧਿਪਤੇਯ੍ਯਲਕ੍ਖਣਂ, ਪਞ੍ਞਾਯ ਤਤੁਤ੍ਤਰਿਯਲਕ੍ਖਣਂ, વਿਮੁਤ੍ਤਿਯਾ ਸਾਰਲਕ੍ਖਣਂ, ਅਮਤੋਗਧਸ੍ਸ ਨਿਬ੍ਬਾਨਸ੍ਸ ਪਰਿਯੋਸਾਨਲਕ੍ਖਣਂ ਤਥਂ ਅવਿਤਥਂ, ਏਤਂ ਤਥਲਕ੍ਖਣਂ ਞਾਣਗਤਿਯਾ ਆਗਤੋ ਅવਿਰਜ੍ਝਿਤ੍વਾ ਪਤ੍ਤੋ ਅਨੁਪ੍ਪਤ੍ਤੋਤਿ ਤਥਾਗਤੋ। ਏવਂ ਤਥਲਕ੍ਖਣਂ ਆਗਤੋਤਿ ਤਥਾਗਤੋ।

    Manasikārassa samuṭṭhānalakkhaṇaṃ, phassassa samodhānalakkhaṇaṃ, vedanāya samosaraṇalakkhaṇaṃ, samādhissa pamukhalakkhaṇaṃ, satiyā ādhipateyyalakkhaṇaṃ, paññāya tatuttariyalakkhaṇaṃ, vimuttiyā sāralakkhaṇaṃ, amatogadhassa nibbānassa pariyosānalakkhaṇaṃ tathaṃ avitathaṃ, etaṃ tathalakkhaṇaṃ ñāṇagatiyā āgato avirajjhitvā patto anuppattoti tathāgato. Evaṃ tathalakkhaṇaṃ āgatoti tathāgato.

    ਕਥਂ ਤਥਧਮ੍ਮੇ ਯਾਥਾવਤੋ ਅਭਿਸਮ੍ਬੁਦ੍ਧੋਤਿ ਤਥਾਗਤੋ? ਤਥਧਮ੍ਮਾ ਨਾਮ ਚਤ੍ਤਾਰਿ ਅਰਿਯਸਚ੍ਚਾਨਿ। ਯਥਾਹ –

    Kathaṃ tathadhamme yāthāvato abhisambuddhoti tathāgato? Tathadhammā nāma cattāri ariyasaccāni. Yathāha –

    ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਤਥਾਨਿ ਅવਿਤਥਾਨਿ ਅਨਞ੍ਞਥਾਨਿ। ਕਤਮਾਨਿ ਚਤ੍ਤਾਰਿ? ‘ਇਦਂ ਦੁਕ੍ਖ’ਨ੍ਤਿ, ਭਿਕ੍ਖવੇ, ਤਥਮੇਤਂ ਅવਿਤਥਮੇਤਂ ਅਨਞ੍ਞਥਮੇਤ’’ਨ੍ਤਿ વਿਤ੍ਥਾਰੋ (ਸਂ॰ ਨਿ॰ ੫.੧੦੯੦)।

    ‘‘Cattārimāni, bhikkhave, tathāni avitathāni anaññathāni. Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathameta’’nti vitthāro (saṃ. ni. 5.1090).

    ਤਾਨਿ ਚ ਭਗવਾ ਅਭਿਸਮ੍ਬੁਦ੍ਧੋਤਿ ਤਥਾਨਂ ਅਭਿਸਮ੍ਬੁਦ੍ਧਤ੍ਤਾ ਤਥਾਗਤੋਤਿ વੁਚ੍ਚਤਿ। ਅਭਿਸਮ੍ਬੁਦ੍ਧਤ੍ਥੋ ਹਿ ਏਤ੍ਥ ਗਤਸਦ੍ਦੋ।

    Tāni ca bhagavā abhisambuddhoti tathānaṃ abhisambuddhattā tathāgatoti vuccati. Abhisambuddhattho hi ettha gatasaddo.

    ਅਪਿ ਚ ਜਰਾਮਰਣਸ੍ਸ ਜਾਤਿਪਚ੍ਚਯਸਮ੍ਭੂਤਸਮੁਦਾਗਤਟ੍ਠੋ ਤਥੋ ਅવਿਤਥੋ ਅਨਞ੍ਞਥੋ…ਪੇ॰… ਸਙ੍ਖਾਰਾਨਂ ਅવਿਜ੍ਜਾਪਚ੍ਚਯਸਮ੍ਭੂਤਸਮੁਦਾਗਤਟ੍ਠੋ ਤਥੋ ਅવਿਤਥੋ ਅਨਞ੍ਞਥੋ। ਤਥਾ ਅવਿਜ੍ਜਾਯ ਸਙ੍ਖਾਰਾਨਂ ਪਚ੍ਚਯਟ੍ਠੋ…ਪੇ॰… ਜਾਤਿਯਾ ਜਰਾਮਰਣਸ੍ਸ ਪਚ੍ਚਯਟ੍ਠੋ ਤਥੋ ਅવਿਤਥੋ ਅਨਞ੍ਞਥੋ। ਤਂ ਸਬ੍ਬਂ ਭਗવਾ ਅਭਿਸਮ੍ਬੁਦ੍ਧੋ, ਤਸ੍ਸਾਪਿ ਤਥਾਨਂ ਅਭਿਸਮ੍ਬੁਦ੍ਧਤ੍ਤਾ ਤਥਾਗਤੋ। ਏવਂ ਤਥਧਮ੍ਮੇ ਯਾਥਾવਤੋ ਅਭਿਸਮ੍ਬੁਦ੍ਧੋਤਿ ਤਥਾਗਤੋ।

    Api ca jarāmaraṇassa jātipaccayasambhūtasamudāgataṭṭho tatho avitatho anaññatho…pe… saṅkhārānaṃ avijjāpaccayasambhūtasamudāgataṭṭho tatho avitatho anaññatho. Tathā avijjāya saṅkhārānaṃ paccayaṭṭho…pe… jātiyā jarāmaraṇassa paccayaṭṭho tatho avitatho anaññatho. Taṃ sabbaṃ bhagavā abhisambuddho, tassāpi tathānaṃ abhisambuddhattā tathāgato. Evaṃ tathadhamme yāthāvato abhisambuddhoti tathāgato.

    ਕਥਂ ਤਥਦਸ੍ਸਿਤਾਯ ਤਥਾਗਤੋ? ਭਗવਾ ਯਂ ਸਦੇવਕੇ ਲੋਕੇ…ਪੇ॰… ਸਦੇવਮਨੁਸ੍ਸਾਯ ਪਜਾਯ ਅਪਰਿਮਾਣਾਸੁ ਲੋਕਧਾਤੂਸੁ ਅਪਰਿਮਾਣਾਨਂ ਸਤ੍ਤਾਨਂ ਚਕ੍ਖੁਦ੍વਾਰੇ ਆਪਾਥਂ ਆਗਚ੍ਛਨ੍ਤਂ ਰੂਪਾਰਮ੍ਮਣਂ ਨਾਮ ਅਤ੍ਥਿ, ਤਂ ਸਬ੍ਬਾਕਾਰੇਨ ਜਾਨਾਤਿ ਪਸ੍ਸਤਿ। ਏવਂ ਜਾਨਤਾ ਪਸ੍ਸਤਾ ਚ ਤੇਨ ਤਂ ਇਟ੍ਠਾਨਿਟ੍ਠਾਦਿવਸੇਨ વਾ ਦਿਟ੍ਠਸੁਤਮੁਤવਿਞ੍ਞਾਤੇਸੁ ਲਬ੍ਭਮਾਨਕਪਦવਸੇਨ વਾ ‘‘ਕਤਮਂ ਤਂ ਰੂਪਂ ਰੂਪਾਯਤਨਂ? ਯਂ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ વਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ ਨੀਲਂ ਪੀਤਕ’’ਨ੍ਤਿਆਦਿਨਾ (ਧ॰ ਸ॰ ੬੧੬) ਨਯੇਨ ਅਨੇਕੇਹਿ ਨਾਮੇਹਿ ਤੇਰਸਹਿ વਾਰੇਹਿ ਦ੍વਿਪਞ੍ਞਾਸਾਯ ਨਯੇਹਿ વਿਭਜ੍ਜਮਾਨਂ ਤਥਮੇવ ਹੋਤਿ, વਿਤਥਂ ਨਤ੍ਥਿ। ਏਸ ਨਯੋ ਸੋਤਦ੍વਾਰਾਦੀਸੁਪਿ ਆਪਾਥਮਾਗਚ੍ਛਨ੍ਤੇਸੁ ਸਦ੍ਦਾਦੀਸੁ। વੁਤ੍ਤਮ੍ਪਿ ਚੇਤਂ ਭਗવਤਾ –

    Kathaṃ tathadassitāya tathāgato? Bhagavā yaṃ sadevake loke…pe… sadevamanussāya pajāya aparimāṇāsu lokadhātūsu aparimāṇānaṃ sattānaṃ cakkhudvāre āpāthaṃ āgacchantaṃ rūpārammaṇaṃ nāma atthi, taṃ sabbākārena jānāti passati. Evaṃ jānatā passatā ca tena taṃ iṭṭhāniṭṭhādivasena vā diṭṭhasutamutaviññātesu labbhamānakapadavasena vā ‘‘katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītaka’’ntiādinā (dha. sa. 616) nayena anekehi nāmehi terasahi vārehi dvipaññāsāya nayehi vibhajjamānaṃ tathameva hoti, vitathaṃ natthi. Esa nayo sotadvārādīsupi āpāthamāgacchantesu saddādīsu. Vuttampi cetaṃ bhagavatā –

    ‘‘ਯਂ, ਭਿਕ੍ਖવੇ, ਸਦੇવਕਸ੍ਸ ਲੋਕਸ੍ਸ…ਪੇ॰… ਸਦੇવਮਨੁਸ੍ਸਾਯ ਪਜਾਯ ਦਿਟ੍ਠਂ ਸੁਤਂ ਮੁਤਂ વਿਞ੍ਞਾਤਂ ਪਤ੍ਤਂ ਪਰਿਯੇਸਿਤਂ ਅਨੁવਿਚਰਿਤਂ ਮਨਸਾ, ਤਮਹਂ ਜਾਨਾਮਿ…ਪੇ॰… ਤਮਹਂ ਅਬ੍ਭਞ੍ਞਾਸਿਂ। ਤਂ ਤਥਾਗਤਸ੍ਸ વਿਦਿਤਂ, ਤਂ ਤਥਾਗਤੋ ਨ ਉਪਟ੍ਠਾਸੀ’’ਤਿ (ਅ॰ ਨਿ॰ ੪.੨੪)।

    ‘‘Yaṃ, bhikkhave, sadevakassa lokassa…pe… sadevamanussāya pajāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi…pe… tamahaṃ abbhaññāsiṃ. Taṃ tathāgatassa viditaṃ, taṃ tathāgato na upaṭṭhāsī’’ti (a. ni. 4.24).

    ਏવਂ ਤਥਦਸ੍ਸਿਤਾਯ ਤਥਾਗਤੋ। ਤਤ੍ਥ ਤਥਦਸ੍ਸੀਅਤ੍ਥੇ ਤਥਾਗਤੋਤਿ ਪਦਸਮ੍ਭવੋ વੇਦਿਤਬ੍ਬੋ।

    Evaṃ tathadassitāya tathāgato. Tattha tathadassīatthe tathāgatoti padasambhavo veditabbo.

    ਕਥਂ ਤਥવਾਦਿਤਾਯ ਤਥਾਗਤੋ? ਯਂ ਰਤ੍ਤਿਂ ਭਗવਾ ਬੋਧਿਮਣ੍ਡੇ ਅਪਰਾਜਿਤਪਲ੍ਲਙ੍ਕੇ ਨਿਸਿਨ੍ਨੋ ਚਤੁਨ੍ਨਂ ਮਾਰਾਨਂ ਮਤ੍ਥਕਂ ਮਦ੍ਦਿਤ੍વਾ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਦ੍ਧੋ, ਯਞ੍ਚ ਰਤ੍ਤਿਂ ਯਮਕਸਾਲਾਨਮਨ੍ਤਰੇ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬਾਯਿ, ਏਤ੍ਥਨ੍ਤਰੇ ਪਞ੍ਚਚਤ੍ਤਾਲੀਸવਸ੍ਸਪਰਿਮਾਣੇ ਕਾਲੇ ਪਠਮਬੋਧਿਯਮ੍ਪਿ ਮਜ੍ਝਿਮਬੋਧਿਯਮ੍ਪਿ ਪਚ੍ਛਿਮਬੋਧਿਯਮ੍ਪਿ ਯਂ ਭਗવਤਾ ਭਾਸਿਤਂ ਸੁਤ੍ਤਂ ਗੇਯ੍ਯਂ…ਪੇ॰… વੇਦਲ੍ਲਂ। ਸਬ੍ਬਂ ਤਂ ਅਤ੍ਥਤੋ ਬ੍ਯਞ੍ਜਨਤੋ ਚ ਅਨੁਪવਜ੍ਜਂ ਅਨੂਨਮਨਧਿਕਂ ਸਬ੍ਬਾਕਾਰਪਰਿਪੁਣ੍ਣਂ ਰਾਗਮਦਨਿਮ੍ਮਦਨਂ ਦੋਸਮੋਹਮਦਨਿਮ੍ਮਦਨਂ, ਨਤ੍ਥਿ ਤਤ੍ਥ વਾਲਗ੍ਗਮਤ੍ਤਮ੍ਪਿ ਪਕ੍ਖਲਿਤਂ, ਸਬ੍ਬਂ ਤਂ ਏਕਮੁਦ੍ਦਿਕਾਯ ਲਞ੍ਛਿਤਂ વਿਯ, ਏਕਨਾਲ਼ਿਯਾ ਮਿਤਂ વਿਯ, ਏਕਤੁਲਾਯ ਤੁਲਿਤਂ વਿਯ ਚ ਤਥਮੇવ ਹੋਤਿ ਅવਿਤਥਂ ਅਨਞ੍ਞਥਂ। ਯਥਾਹ –

    Kathaṃ tathavāditāya tathāgato? Yaṃ rattiṃ bhagavā bodhimaṇḍe aparājitapallaṅke nisinno catunnaṃ mārānaṃ matthakaṃ madditvā anuttaraṃ sammāsambodhiṃ abhisambuddho, yañca rattiṃ yamakasālānamantare anupādisesāya nibbānadhātuyā parinibbāyi, etthantare pañcacattālīsavassaparimāṇe kāle paṭhamabodhiyampi majjhimabodhiyampi pacchimabodhiyampi yaṃ bhagavatā bhāsitaṃ suttaṃ geyyaṃ…pe… vedallaṃ. Sabbaṃ taṃ atthato byañjanato ca anupavajjaṃ anūnamanadhikaṃ sabbākāraparipuṇṇaṃ rāgamadanimmadanaṃ dosamohamadanimmadanaṃ, natthi tattha vālaggamattampi pakkhalitaṃ, sabbaṃ taṃ ekamuddikāya lañchitaṃ viya, ekanāḷiyā mitaṃ viya, ekatulāya tulitaṃ viya ca tathameva hoti avitathaṃ anaññathaṃ. Yathāha –

    ‘‘ਯਞ੍ਚ, ਚੁਨ੍ਦ, ਰਤ੍ਤਿਂ ਤਥਾਗਤੋ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਜ੍ਝਤਿ, ਯਞ੍ਚ ਰਤ੍ਤਿਂ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬਾਯਤਿ, ਯਂ ਏਤਸ੍ਮਿਂ ਅਨ੍ਤਰੇ ਭਾਸਤਿ ਲਪਤਿ ਨਿਦ੍ਦਿਸਤਿ, ਸਬ੍ਬਂ ਤਂ ਤਥੇવ ਹੋਤਿ ਨੋ ਅਞ੍ਞਥਾ, ਤਸ੍ਮਾ ‘ਤਥਾਗਤੋ’ਤਿ વੁਚ੍ਚਤੀ’’ਤਿ (ਦੀ॰ ਨਿ॰ ੩.੧੮੮)।

    ‘‘Yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati, sabbaṃ taṃ tatheva hoti no aññathā, tasmā ‘tathāgato’ti vuccatī’’ti (dī. ni. 3.188).

    ਗਦਅਤ੍ਥੋ ਹਿ ਏਤ੍ਥ ਗਤਸਦ੍ਦੋ। ਏવਂ ਤਥવਾਦਿਤਾਯ ਤਥਾਗਤੋ।

    Gadaattho hi ettha gatasaddo. Evaṃ tathavāditāya tathāgato.

    ਅਪਿ ਚ ਆਗਦਨਂ ਆਗਦੋ, વਚਨਨ੍ਤਿ ਅਤ੍ਥੋ। ਤਥੋ ਅવਿਪਰੀਤੋ ਆਗਦੋ ਅਸ੍ਸਾਤਿ ਦਕਾਰਸ੍ਸ ਤਕਾਰਂ ਕਤ੍વਾ ਤਥਾਗਤੋਤਿ ਏવਮੇਤਸ੍ਮਿਂ ਅਤ੍ਥੇ ਪਦਸਿਦ੍ਧਿ વੇਦਿਤਬ੍ਬਾ।

    Api ca āgadanaṃ āgado, vacananti attho. Tatho aviparīto āgado assāti dakārassa takāraṃ katvā tathāgatoti evametasmiṃ atthe padasiddhi veditabbā.

    ਕਥਂ ਤਥਾਕਾਰਿਤਾਯ ਤਥਾਗਤੋ? ਭਗવਤੋ ਹਿ વਾਚਾਯ ਕਾਯੋ ਅਨੁਲੋਮੇਤਿ, ਕਾਯਸ੍ਸਾਪਿ વਾਚਾ। ਤਸ੍ਮਾ ਯਥਾવਾਦੀ ਤਥਾਕਾਰੀ, ਯਥਾਕਾਰੀ ਤਥਾવਾਦੀ ਚ ਹੋਤਿ। ਏવਂਭੂਤਸ੍ਸ ਚਸ੍ਸ ਯਥਾ વਾਚਾ , ਕਾਯੋਪਿ ਤਥਾ ਗਤੋ ਪવਤ੍ਤੋਤਿ ਅਤ੍ਥੋ। ਯਥਾ ਚ ਕਾਯੋ, વਾਚਾਪਿ ਤਥਾ ਗਤਾ ਪવਤ੍ਤਾਤਿ ਤਥਾਗਤੋ। ਤੇਨੇવਾਹ – ‘‘ਯਥਾવਾਦੀ, ਭਿਕ੍ਖવੇ, ਤਥਾਗਤੋ ਤਥਾਕਾਰੀ, ਯਥਾਕਾਰੀ ਤਥਾવਾਦੀ। ਇਤਿ ਯਥਾવਾਦੀ ਤਥਾਕਾਰੀ, ਯਥਾਕਾਰੀ ਤਥਾવਾਦੀ। ‘ਤਸ੍ਮਾ ਤਥਾਗਤੋ’ਤਿ વੁਚ੍ਚਤੀ’’ਤਿ (ਅ॰ ਨਿ॰ ੪.੨੩)। ਏવਂ ਤਥਾਕਾਰਿਤਾਯ ਤਥਾਗਤੋ।

    Kathaṃ tathākāritāya tathāgato? Bhagavato hi vācāya kāyo anulometi, kāyassāpi vācā. Tasmā yathāvādī tathākārī, yathākārī tathāvādī ca hoti. Evaṃbhūtassa cassa yathā vācā , kāyopi tathā gato pavattoti attho. Yathā ca kāyo, vācāpi tathā gatā pavattāti tathāgato. Tenevāha – ‘‘yathāvādī, bhikkhave, tathāgato tathākārī, yathākārī tathāvādī. Iti yathāvādī tathākārī, yathākārī tathāvādī. ‘Tasmā tathāgato’ti vuccatī’’ti (a. ni. 4.23). Evaṃ tathākāritāya tathāgato.

    ਕਥਂ ਅਭਿਭવਨਟ੍ਠੇਨ ਤਥਾਗਤੋ? ਉਪਰਿ ਭવਗ੍ਗਂ ਹੇਟ੍ਠਾ ਅવੀਚਿਂ ਪਰਿਯਨ੍ਤਂ ਕਤ੍વਾ ਤਿਰਿਯਂ ਅਪਰਿਮਾਣਾਸੁ ਲੋਕਧਾਤੂਸੁ ਸਬ੍ਬਸਤ੍ਤੇ ਅਭਿਭવਤਿ ਸੀਲੇਨ ਸਮਾਧਿਨਾ ਪਞ੍ਞਾਯ વਿਮੁਤ੍ਤਿਯਾ વਿਮੁਤ੍ਤਿਞਾਣਦਸ੍ਸਨੇਨ, ਨ ਤਸ੍ਸ ਤੁਲਾ વਾ ਪਮਾਣਂ વਾ ਅਤ੍ਥਿ, ਅਥ ਖੋ ਅਤੁਲੋ ਅਪ੍ਪਮੇਯ੍ਯੋ ਅਨੁਤ੍ਤਰੋ ਰਾਜਾਤਿਰਾਜਾ ਦੇવਾਨਂ ਅਤਿਦੇવੋ ਸਕ੍ਕਾਨਂ ਅਤਿਸਕ੍ਕੋ ਬ੍ਰਹ੍ਮਾਨਂ ਅਤਿਬ੍ਰਹ੍ਮਾ। ਤੇਨਾਹ –

    Kathaṃ abhibhavanaṭṭhena tathāgato? Upari bhavaggaṃ heṭṭhā avīciṃ pariyantaṃ katvā tiriyaṃ aparimāṇāsu lokadhātūsu sabbasatte abhibhavati sīlena samādhinā paññāya vimuttiyā vimuttiñāṇadassanena, na tassa tulā vā pamāṇaṃ vā atthi, atha kho atulo appameyyo anuttaro rājātirājā devānaṃ atidevo sakkānaṃ atisakko brahmānaṃ atibrahmā. Tenāha –

    ‘‘ਸਦੇવਕੇ , ਭਿਕ੍ਖવੇ, ਲੋਕੇ…ਪੇ॰… ਸਦੇવਮਨੁਸ੍ਸਾਯ ਪਜਾਯ ਤਥਾਗਤੋ ਅਭਿਭੂ ਅਨਭਿਭੂਤੋ ਅਞ੍ਞਦਤ੍ਥੁਦਸੋ વਸવਤ੍ਤੀ, ਤਸ੍ਮਾ ‘ਤਥਾਗਤੋ’ਤਿ વੁਚ੍ਚਤੀ’’ਤਿ (ਅ॰ ਨਿ॰ ੪.੨੩)।

    ‘‘Sadevake , bhikkhave, loke…pe… sadevamanussāya pajāya tathāgato abhibhū anabhibhūto aññadatthudaso vasavattī, tasmā ‘tathāgato’ti vuccatī’’ti (a. ni. 4.23).

    ਤਤ੍ਥੇવਂ ਪਦਸਿਦ੍ਧਿ વੇਦਿਤਬ੍ਬਾ – ਅਗਦੋ વਿਯ ਅਗਦੋ। ਕੋ ਪਨੇਸ? ਦੇਸਨਾવਿਲਾਸੋ ਚੇવ ਪੁਞ੍ਞੁਸ੍ਸਯੋ ਚ। ਤੇਨ ਹੇਸ ਮਹਾਨੁਭਾવੋ ਭਿਸਕ੍ਕੋ ਦਿਬ੍ਬਾਗਦੇਨ ਸਪ੍ਪੇ વਿਯ ਸਬ੍ਬਪਰਪ੍ਪવਾਦਿਨੋ ਸਦੇવਕਞ੍ਚ ਲੋਕਂ ਅਭਿਭવਤਿ। ਇਤਿ ਸਬ੍ਬਲੋਕਾਭਿਭવਨੇ ਤਥੋ ਅવਿਪਰੀਤੋ ਦੇਸਨਾવਿਲਾਸਮਯੋ ਚੇવ ਪੁਞ੍ਞਮਯੋ ਚ ਅਗਦੋ ਅਸ੍ਸਾਤਿ ਦਕਾਰਸ੍ਸ ਤਕਾਰਂ ਕਤ੍વਾ ਤਥਾਗਤੋਤਿ વੇਦਿਤਬ੍ਬੋ। ਏવਂ ਅਭਿਭવਨਟ੍ਠੇਨ ਤਥਾਗਤੋ।

    Tatthevaṃ padasiddhi veditabbā – agado viya agado. Ko panesa? Desanāvilāso ceva puññussayo ca. Tena hesa mahānubhāvo bhisakko dibbāgadena sappe viya sabbaparappavādino sadevakañca lokaṃ abhibhavati. Iti sabbalokābhibhavane tatho aviparīto desanāvilāsamayo ceva puññamayo ca agado assāti dakārassa takāraṃ katvā tathāgatoti veditabbo. Evaṃ abhibhavanaṭṭhena tathāgato.

    ਅਪਿ ਚ ਤਥਾਯ ਗਤੋਤਿਪਿ ਤਥਾਗਤੋ, ਤਥਂ ਗਤੋਤਿਪਿ ਤਥਾਗਤੋ। ਗਤੋਤਿ ਅવਗਤੋ, ਅਤੀਤੋ ਪਤ੍ਤੋ ਪਟਿਪਨ੍ਨੋਤਿ ਅਤ੍ਥੋ। ਤਤ੍ਥ ਸਕਲਂ ਲੋਕਂ ਤੀਰਣਪਰਿਞ੍ਞਾਯ ਤਥਾਯ ਗਤੋ ਅવਗਤੋਤਿ ਤਥਾਗਤੋ, ਲੋਕਸਮੁਦਯਂ ਪਹਾਨਪਰਿਞ੍ਞਾਯ ਤਥਾਯ ਗਤੋ ਅਤੀਤੋਤਿ ਤਥਾਗਤੋ, ਲੋਕਨਿਰੋਧਂ ਸਚ੍ਛਿਕਿਰਿਯਾਯ ਤਥਾਯ ਗਤੋ ਪਤ੍ਤੋਤਿ ਤਥਾਗਤੋ, ਲੋਕਨਿਰੋਧਗਾਮਿਨਿਂ ਪਟਿਪਦਂ ਤਥਂ ਗਤੋ ਪਟਿਪਨ੍ਨੋਤਿ ਤਥਾਗਤੋ। ਤੇਨ ਯਂ વੁਤ੍ਤਂ ਭਗવਤਾ –

    Api ca tathāya gatotipi tathāgato, tathaṃ gatotipi tathāgato. Gatoti avagato, atīto patto paṭipannoti attho. Tattha sakalaṃ lokaṃ tīraṇapariññāya tathāya gato avagatoti tathāgato, lokasamudayaṃ pahānapariññāya tathāya gato atītoti tathāgato, lokanirodhaṃ sacchikiriyāya tathāya gato pattoti tathāgato, lokanirodhagāminiṃ paṭipadaṃ tathaṃ gato paṭipannoti tathāgato. Tena yaṃ vuttaṃ bhagavatā –

    ‘‘ਲੋਕੋ, ਭਿਕ੍ਖવੇ, ਤਥਾਗਤੇਨ ਅਭਿਸਮ੍ਬੁਦ੍ਧੋ, ਲੋਕਸ੍ਮਾ ਤਥਾਗਤੋ વਿਸਂਯੁਤ੍ਤੋ। ਲੋਕਸਮੁਦਯੋ, ਭਿਕ੍ਖવੇ, ਤਥਾਗਤੇਨ ਅਭਿਸਮ੍ਬੁਦ੍ਧੋ, ਲੋਕਸਮੁਦਯੋ ਤਥਾਗਤਸ੍ਸ ਪਹੀਨੋ। ਲੋਕਨਿਰੋਧੋ, ਭਿਕ੍ਖવੇ, ਤਥਾਗਤੇਨ ਅਭਿਸਮ੍ਬੁਦ੍ਧੋ, ਲੋਕਨਿਰੋਧੋ ਤਥਾਗਤਸ੍ਸ ਸਚ੍ਛਿਕਤੋ। ਲੋਕਨਿਰੋਧਗਾਮਿਨੀ ਪਟਿਪਦਾ, ਭਿਕ੍ਖવੇ, ਤਥਾਗਤੇਨ ਅਭਿਸਮ੍ਬੁਦ੍ਧਾ, ਲੋਕਨਿਰੋਧਗਾਮਿਨੀ ਪਟਿਪਦਾ ਤਥਾਗਤਸ੍ਸ ਭਾવਿਤਾ। ਯਂ, ਭਿਕ੍ਖવੇ, ਸਦੇવਕਸ੍ਸ ਲੋਕਸ੍ਸ…ਪੇ॰… ਅਨੁવਿਚਰਿਤਂ ਮਨਸਾ, ਸਬ੍ਬਂ ਤਂ ਤਥਾਗਤੇਨ ਅਭਿਸਮ੍ਬੁਦ੍ਧਂ। ਤਸ੍ਮਾ ‘ਤਥਾਗਤੋ’ਤਿ વੁਚ੍ਚਤੀ’’ਤਿ (ਅ॰ ਨਿ॰ ੪.੨੩)।

    ‘‘Loko, bhikkhave, tathāgatena abhisambuddho, lokasmā tathāgato visaṃyutto. Lokasamudayo, bhikkhave, tathāgatena abhisambuddho, lokasamudayo tathāgatassa pahīno. Lokanirodho, bhikkhave, tathāgatena abhisambuddho, lokanirodho tathāgatassa sacchikato. Lokanirodhagāminī paṭipadā, bhikkhave, tathāgatena abhisambuddhā, lokanirodhagāminī paṭipadā tathāgatassa bhāvitā. Yaṃ, bhikkhave, sadevakassa lokassa…pe… anuvicaritaṃ manasā, sabbaṃ taṃ tathāgatena abhisambuddhaṃ. Tasmā ‘tathāgato’ti vuccatī’’ti (a. ni. 4.23).

    ਤਸ੍ਸ ਏવਮ੍ਪਿ ਅਤ੍ਥੋ વੇਦਿਤਬ੍ਬੋ। ਇਦਮ੍ਪਿ ਚ ਤਥਾਗਤਸ੍ਸ ਤਥਾਗਤਭਾવਦੀਪੇਨ ਮੁਖਮਤ੍ਤਮੇવ। ਸਬ੍ਬਾਕਾਰੇਨ ਪਨ ਤਥਾਗਤੋવ ਤਥਾਗਤਸ੍ਸ ਤਥਾਗਤਭਾવਂ વਣ੍ਣੇਯ੍ਯ। ਯਸ੍ਮਾ ਪਨ ਸਬ੍ਬਬੁਦ੍ਧਾ ਤਥਾਗਤਗੁਣੇਨਾਪਿ ਸਮਸਮਾ, ਤਸ੍ਮਾ ਸਬ੍ਬੇਸਂ વਸੇਨ ‘‘ਤਥਾਗਤਾ’’ਤਿ ਆਹ।

    Tassa evampi attho veditabbo. Idampi ca tathāgatassa tathāgatabhāvadīpena mukhamattameva. Sabbākārena pana tathāgatova tathāgatassa tathāgatabhāvaṃ vaṇṇeyya. Yasmā pana sabbabuddhā tathāgataguṇenāpi samasamā, tasmā sabbesaṃ vasena ‘‘tathāgatā’’ti āha.

    ਅਰਹਨ੍ਤੋਤਿ ਕਿਲੇਸੇਹਿ ਆਰਕਤ੍ਤਾ, ਅਰੀਨਂ ਅਰਾਨਞ੍ਚ ਹਤਤ੍ਤਾ, ਪਚ੍ਚਯਾਦੀਨਂ ਅਰਹਤ੍ਤਾ, ਪਾਪਕਰਣੇ ਰਹਾਭਾવਾ ਤਥਾਗਤੋ ਅਰਹਂ। ਆਰਕਾ ਹਿ ਸੋ ਸਬ੍ਬਕਿਲੇਸੇਹਿ ਸੁવਿਦੂਰવਿਦੂਰੇ ਠਿਤੋ ਮਗ੍ਗੇਨ ਸવਾਸਨਾਨਂ ਕਿਲੇਸਾਨਂ વਿਦ੍ਧਂਸਿਤਤ੍ਤਾਤਿ ਆਰਕਤ੍ਤਾ ਅਰਹਂ।

    Arahantoti kilesehi ārakattā, arīnaṃ arānañca hatattā, paccayādīnaṃ arahattā, pāpakaraṇe rahābhāvā tathāgato arahaṃ. Ārakā hi so sabbakilesehi suvidūravidūre ṭhito maggena savāsanānaṃ kilesānaṃ viddhaṃsitattāti ārakattā arahaṃ.

    ‘‘ਸੋ ਤਤੋ ਆਰਕਾ ਨਾਮ, ਯਸ੍ਸ ਯੇਨਾਸਮਙ੍ਗਿਤਾ।

    ‘‘So tato ārakā nāma, yassa yenāsamaṅgitā;

    ਅਸਮਙ੍ਗੀ ਚ ਦੋਸੇਹਿ, ਨਾਥੋ ਤੇਨਾਰਹਂ ਮਤੋ’’॥

    Asamaṅgī ca dosehi, nātho tenārahaṃ mato’’.

    ਤੇ ਚਾਨੇਨ ਕਿਲੇਸਾਰਯੋ ਮਗ੍ਗੇਨ ਹਤਾਤਿ ਅਰੀਨਂ ਹਤਤ੍ਤਾਪਿ ਅਰਹਂ।

    Te cānena kilesārayo maggena hatāti arīnaṃ hatattāpi arahaṃ.

    ‘‘ਯਸ੍ਮਾ ਰਾਗਾਦਿਸਙ੍ਖਾਤਾ, ਸਬ੍ਬੇਪਿ ਅਰਯੋ ਹਤਾ।

    ‘‘Yasmā rāgādisaṅkhātā, sabbepi arayo hatā;

    ਪਞ੍ਞਾਸਤ੍ਥੇਨ ਨਾਥੇਨ, ਤਸ੍ਮਾਪਿ ਅਰਹਂ ਮਤੋ’’॥

    Paññāsatthena nāthena, tasmāpi arahaṃ mato’’.

    ਯਞ੍ਚੇਤਂ ਅવਿਜ੍ਜਾਭવਤਣ੍ਹਾਮਯਨਾਭਿਂ ਪੁਞ੍ਞਾਦਿਅਭਿਸਙ੍ਖਾਰਾਨਂ ਜਰਾਮਰਣਨੇਮਿਂ ਆਸવਸਮੁਦਯਮਯੇਨ ਅਕ੍ਖੇਨ વਿਜ੍ਝਿਤ੍વਾ ਤਿਭવਰਥੇ ਸਮਾਯੋਜਿਤਂ ਅਨਾਦਿਕਾਲਪ੍ਪવਤ੍ਤਂ ਸਂਸਾਰਚਕ੍ਕਂ, ਤਸ੍ਸਾਨੇਨ ਬੋਧਿਮਣ੍ਡੇ વੀਰਿਯਪਾਦੇਹਿ ਸੀਲਪਥવਿਯਂ ਪਤਿਟ੍ਠਾਯ ਸਦ੍ਧਾਹਤ੍ਥੇਨ ਕਮ੍ਮਕ੍ਖਯਕਰਂ ਞਾਣਫਰਸੁਂ ਗਹੇਤ੍વਾ ਸਬ੍ਬੇ ਅਰਾ ਹਤਾਤਿ ਅਰਹਂ।

    Yañcetaṃ avijjābhavataṇhāmayanābhiṃ puññādiabhisaṅkhārānaṃ jarāmaraṇanemiṃ āsavasamudayamayena akkhena vijjhitvā tibhavarathe samāyojitaṃ anādikālappavattaṃ saṃsāracakkaṃ, tassānena bodhimaṇḍe vīriyapādehi sīlapathaviyaṃ patiṭṭhāya saddhāhatthena kammakkhayakaraṃ ñāṇapharasuṃ gahetvā sabbe arā hatāti arahaṃ.

    ‘‘ਅਰਾ ਸਂਸਾਰਚਕ੍ਕਸ੍ਸ, ਹਤਾ ਞਾਣਾਸਿਨਾ ਯਤੋ।

    ‘‘Arā saṃsāracakkassa, hatā ñāṇāsinā yato;

    ਲੋਕਨਾਥੇਨ ਤੇਨੇਸ, ‘ਅਰਹ’ਨ੍ਤਿ ਪવੁਚ੍ਚਤਿ’’॥

    Lokanāthena tenesa, ‘araha’nti pavuccati’’.

    ਅਗ੍ਗਦਕ੍ਖਿਣੇਯ੍ਯਤ੍ਤਾ ਚ ਚੀવਰਾਦਿਪਚ੍ਚਯੇ ਅਰਹਤਿ ਪੂਜਾવਿਸੇਸਞ੍ਚ, ਤੇਨੇવ ਚ ਉਪ੍ਪਨ੍ਨੇ ਤਥਾਗਤੇ ਯੇ ਕੇਚਿ ਮਹੇਸਕ੍ਖਾ ਦੇવਮਨੁਸ੍ਸਾ, ਨ ਤੇ ਅਞ੍ਞਤ੍ਥ ਪੂਜਂ ਕਰੋਨ੍ਤਿ। ਤਥਾ ਹਿ ਬ੍ਰਹ੍ਮਾ ਸਹਮ੍ਪਤਿ ਸਿਨੇਰੁਮਤ੍ਤੇਨ ਰਤਨਦਾਮੇਨ ਤਥਾਗਤਂ ਪੂਜੇਸਿ, ਯਥਾਬਲਞ੍ਚ ਅਞ੍ਞੇ ਦੇવਾ ਚ ਮਨੁਸ੍ਸਾ ਚ ਬਿਮ੍ਬਿਸਾਰਕੋਸਲਰਾਜਾਦਯੋ। ਪਰਿਨਿਬ੍ਬੁਤਮ੍ਪਿ ਚ ਭਗવਨ੍ਤਂ ਉਦ੍ਦਿਸ੍ਸ ਛਨ੍ਨવੁਤਿਕੋਟਿਧਨਂ વਿਸ੍ਸਜ੍ਜੇਤ੍વਾ ਅਸੋਕਮਹਾਰਾਜਾ ਸਕਲਜਮ੍ਬੁਦੀਪੇ ਚਤੁਰਾਸੀਤਿવਿਹਾਰਸਹਸ੍ਸਾਨਿ ਪਤਿਟ੍ਠਾਪੇਸਿ। ਕੋ ਪਨ વਾਦੋ ਅਞ੍ਞੇਸਂ ਪੂਜਾવਿਸੇਸਾਨਨ੍ਤਿ ਪਚ੍ਚਯਾਦੀਨਂ ਅਰਹਤ੍ਤਾਪਿ ਅਰਹਂ।

    Aggadakkhiṇeyyattā ca cīvarādipaccaye arahati pūjāvisesañca, teneva ca uppanne tathāgate ye keci mahesakkhā devamanussā, na te aññattha pūjaṃ karonti. Tathā hi brahmā sahampati sinerumattena ratanadāmena tathāgataṃ pūjesi, yathābalañca aññe devā ca manussā ca bimbisārakosalarājādayo. Parinibbutampi ca bhagavantaṃ uddissa channavutikoṭidhanaṃ vissajjetvā asokamahārājā sakalajambudīpe caturāsītivihārasahassāni patiṭṭhāpesi. Ko pana vādo aññesaṃ pūjāvisesānanti paccayādīnaṃ arahattāpi arahaṃ.

    ‘‘ਪੂਜਾવਿਸੇਸਂ ਸਹ ਪਚ੍ਚਯੇਹਿ, ਯਸ੍ਮਾ ਅਯਂ ਅਰਹਤਿ ਲੋਕਨਾਥੋ।

    ‘‘Pūjāvisesaṃ saha paccayehi, yasmā ayaṃ arahati lokanātho;

    ਅਤ੍ਥਾਨੁਰੂਪਂ ਅਰਹਨ੍ਤਿ ਲੋਕੇ, ਤਸ੍ਮਾ ਜਿਨੋ ਅਰਹਤਿ ਨਾਮਮੇਤਂ’’॥

    Atthānurūpaṃ arahanti loke, tasmā jino arahati nāmametaṃ’’.

    ਯਥਾ ਚ ਲੋਕੇ ਯੇ ਕੇਚਿ ਪਣ੍ਡਿਤਮਾਨਿਨੋ ਬਾਲਾ ਅਸਿਲੋਕਭਯੇਨ ਰਹੋ ਪਾਪਂ ਕਰੋਨ੍ਤਿ, ਏવਮੇਸ ਨ ਕਦਾਚਿ ਪਾਪਂ ਕਰੋਤੀਤਿ ਪਾਪਕਰਣੇ ਰਹਾਭਾવਤੋਪਿ ਅਰਹਂ।

    Yathā ca loke ye keci paṇḍitamānino bālā asilokabhayena raho pāpaṃ karonti, evamesa na kadāci pāpaṃ karotīti pāpakaraṇe rahābhāvatopi arahaṃ.

    ‘‘ਯਸ੍ਮਾ ਨਤ੍ਥਿ ਰਹੋ ਨਾਮ, ਪਾਪਕਮ੍ਮੇਸੁ ਤਾਦਿਨੋ।

    ‘‘Yasmā natthi raho nāma, pāpakammesu tādino;

    ਰਹਾਭਾવੇਨ ਤੇਨੇਸ, ਅਰਹਂ ਇਤਿ વਿਸ੍ਸੁਤੋ’’॥

    Rahābhāvena tenesa, arahaṃ iti vissuto’’.

    ਏવਂ ਸਬ੍ਬਥਾਪਿ –

    Evaṃ sabbathāpi –

    ‘‘ਆਰਕਤ੍ਤਾ ਹਤਤ੍ਤਾ ਚ, ਕਿਲੇਸਾਰੀਨ ਸੋ ਮੁਨਿ।

    ‘‘Ārakattā hatattā ca, kilesārīna so muni;

    ਹਤਸਂਸਾਰਚਕ੍ਕਾਰੋ, ਪਚ੍ਚਯਾਦੀਨ ਚਾਰਹੋ।

    Hatasaṃsāracakkāro, paccayādīna cāraho;

    ਨ ਰਹੋ ਕਰੋਤਿ ਪਾਪਾਨਿ, ਅਰਹਂ ਤੇਨ વੁਚ੍ਚਤੀ’’ਤਿ॥

    Na raho karoti pāpāni, arahaṃ tena vuccatī’’ti.

    ਯਸ੍ਮਾ ਪਨ ਸਬ੍ਬੇ ਬੁਦ੍ਧਾ ਅਰਹਤ੍ਤਗੁਣੇਨਾਪਿ ਸਮਸਮਾ, ਤਸ੍ਮਾ ਸਬ੍ਬੇਸਮ੍ਪਿ વਸੇਨ ‘‘ਅਰਹਨ੍ਤੋ’’ਤਿ ਆਹ। ਸਮ੍ਮਾਸਮ੍ਬੁਦ੍ਧਾਤਿ ਸਮ੍ਮਾ ਸਾਮਞ੍ਚ ਸਬ੍ਬਧਮ੍ਮਾਨਂ ਬੁਦ੍ਧਤ੍ਤਾ ਸਮ੍ਮਾਸਮ੍ਬੁਦ੍ਧੋ। ਤਥਾ ਹੇਸ ਸਬ੍ਬਧਮ੍ਮੇ ਸਮ੍ਮਾਸਮ੍ਬੁਦ੍ਧੋ, ਅਭਿਞ੍ਞੇਯ੍ਯੇ ਧਮ੍ਮੇ ਅਭਿਞ੍ਞੇਯ੍ਯਤੋ, ਪਰਿਞ੍ਞੇਯ੍ਯੇ ਧਮ੍ਮੇ ਪਰਿਞ੍ਞੇਯ੍ਯਤੋ, ਪਹਾਤਬ੍ਬੇ ਧਮ੍ਮੇ ਪਹਾਤਬ੍ਬਤੋ, ਸਚ੍ਛਿਕਾਤਬ੍ਬੇ ਧਮ੍ਮੇ ਸਚ੍ਛਿਕਾਤਬ੍ਬਤੋ, ਭਾવੇਤਬ੍ਬੇ ਧਮ੍ਮੇ ਭਾવੇਤਬ੍ਬਤੋ। ਤੇਨੇવਾਹ –

    Yasmā pana sabbe buddhā arahattaguṇenāpi samasamā, tasmā sabbesampi vasena ‘‘arahanto’’ti āha. Sammāsambuddhāti sammā sāmañca sabbadhammānaṃ buddhattā sammāsambuddho. Tathā hesa sabbadhamme sammāsambuddho, abhiññeyye dhamme abhiññeyyato, pariññeyye dhamme pariññeyyato, pahātabbe dhamme pahātabbato, sacchikātabbe dhamme sacchikātabbato, bhāvetabbe dhamme bhāvetabbato. Tenevāha –

    ‘‘ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਭਾવੇਤਬ੍ਬਞ੍ਚ ਭਾવਿਤਂ।

    ‘‘Abhiññeyyaṃ abhiññātaṃ, bhāvetabbañca bhāvitaṃ;

    ਪਹਾਤਬ੍ਬਂ ਪਹੀਨਂ ਮੇ, ਤਸ੍ਮਾ ਬੁਦ੍ਧੋਸ੍ਮਿ ਬ੍ਰਾਹ੍ਮਣਾ’’ਤਿ॥ (ਸੁ॰ ਨਿ॰ ੫੬੩; ਮ॰ ਨਿ॰ ੨.੩੯੯)।

    Pahātabbaṃ pahīnaṃ me, tasmā buddhosmi brāhmaṇā’’ti. (su. ni. 563; ma. ni. 2.399);

    ਅਥ વਾ ਚਕ੍ਖੁ ਦੁਕ੍ਖਸਚ੍ਚਂ, ਤਸ੍ਸ ਮੂਲਕਾਰਣਭਾવੇਨ ਸਮੁਟ੍ਠਾਪਿਕਾ ਪੁਰਿਮਤਣ੍ਹਾ ਸਮੁਦਯਸਚ੍ਚਂ, ਉਭਿਨ੍ਨਂ ਅਪ੍ਪવਤ੍ਤਿ ਨਿਰੋਧਸਚ੍ਚਂ, ਨਿਰੋਧਪਜਾਨਨਾ ਪਟਿਪਦਾ ਮਗ੍ਗਸਚ੍ਚਨ੍ਤਿ ਏવਂ ਏਕੇਕਪਦੁਦ੍ਧਾਰੇਨਾਪਿ ਸਬ੍ਬਧਮ੍ਮੇ ਸਮ੍ਮਾ ਸਾਮਞ੍ਚ ਬੁਦ੍ਧੋ। ਏਸ ਨਯੋ ਸੋਤਘਾਨਜਿવ੍ਹਾਕਾਯਮਨੇਸੁ। ਏਤੇਨੇવ ਚ ਨਯੇਨ ਰੂਪਾਦੀਨਿ ਛ ਆਯਤਨਾਨਿ, ਚਕ੍ਖੁવਿਞ੍ਞਾਣਾਦਯੋ ਛ વਿਞ੍ਞਾਣਕਾਯਾ, ਚਕ੍ਖੁਸਮ੍ਫਸ੍ਸਾਦਯੋ ਛ ਫਸ੍ਸਾ, ਚਕ੍ਖੁਸਮ੍ਫਸ੍ਸਜਾ વੇਦਨਾਦਯੋ ਛ વੇਦਨਾ, ਰੂਪਸਞ੍ਞਾਦਯੋ ਛ ਸਞ੍ਞਾ, ਰੂਪਸਞ੍ਚੇਤਨਾਦਯੋ ਛ ਚੇਤਨਾ, ਰੂਪਤਣ੍ਹਾਦਯੋ ਛ ਤਣ੍ਹਾਕਾਯਾ, ਰੂਪવਿਤਕ੍ਕਾਦਯੋ ਛ વਿਤਕ੍ਕਾ, ਰੂਪવਿਚਾਰਾਦਯੋ ਛ વਿਚਾਰਾ, ਰੂਪਕ੍ਖਨ੍ਧਾਦਯੋ ਪਞ੍ਚਕ੍ਖਨ੍ਧਾ, ਦਸ ਕਸਿਣਾਨਿ, ਦਸ ਅਨੁਸ੍ਸਤਿਯੋ, ਉਦ੍ਧੁਮਾਤਕਸਞ੍ਞਾਦਿવਸੇਨ ਦਸ ਸਞ੍ਞਾ, ਕੇਸਾਦਯੋ ਦ੍વਤ੍ਤਿਂਸਾਕਾਰਾ, ਦ੍વਾਦਸਾਯਤਨਾਨਿ, ਅਟ੍ਠਾਰਸ ਧਾਤੁਯੋ, ਕਾਮਭવਾਦਯੋ ਨવ ਭવਾ, ਪਠਮਾਦੀਨਿ ਚਤ੍ਤਾਰਿ ਝਾਨਾਨਿ, ਮੇਤ੍ਤਾਭਾવਨਾਦਯੋ ਚਤਸ੍ਸੋ ਅਪ੍ਪਮਞ੍ਞਾਯੋ, ਚਤਸ੍ਸੋ ਅਰੂਪਸਮਾਪਤ੍ਤਿਯੋ, ਪਟਿਲੋਮਤੋ ਜਰਾਮਰਣਾਦੀਨਿ, ਅਨੁਲੋਮਤੋ ਅવਿਜ੍ਜਾਦੀਨਿ ਪਟਿਚ੍ਚਸਮੁਪ੍ਪਾਦਙ੍ਗਾਨਿ ਚ ਯੋਜੇਤਬ੍ਬਾਨਿ।

    Atha vā cakkhu dukkhasaccaṃ, tassa mūlakāraṇabhāvena samuṭṭhāpikā purimataṇhā samudayasaccaṃ, ubhinnaṃ appavatti nirodhasaccaṃ, nirodhapajānanā paṭipadā maggasaccanti evaṃ ekekapaduddhārenāpi sabbadhamme sammā sāmañca buddho. Esa nayo sotaghānajivhākāyamanesu. Eteneva ca nayena rūpādīni cha āyatanāni, cakkhuviññāṇādayo cha viññāṇakāyā, cakkhusamphassādayo cha phassā, cakkhusamphassajā vedanādayo cha vedanā, rūpasaññādayo cha saññā, rūpasañcetanādayo cha cetanā, rūpataṇhādayo cha taṇhākāyā, rūpavitakkādayo cha vitakkā, rūpavicārādayo cha vicārā, rūpakkhandhādayo pañcakkhandhā, dasa kasiṇāni, dasa anussatiyo, uddhumātakasaññādivasena dasa saññā, kesādayo dvattiṃsākārā, dvādasāyatanāni, aṭṭhārasa dhātuyo, kāmabhavādayo nava bhavā, paṭhamādīni cattāri jhānāni, mettābhāvanādayo catasso appamaññāyo, catasso arūpasamāpattiyo, paṭilomato jarāmaraṇādīni, anulomato avijjādīni paṭiccasamuppādaṅgāni ca yojetabbāni.

    ਤਤ੍ਰਾਯਂ ਏਕਪਦਯੋਜਨਾ – ਜਰਾਮਰਣਂ ਦੁਕ੍ਖਸਚ੍ਚਂ, ਜਾਤਿ ਸਮੁਦਯਸਚ੍ਚਂ, ਉਭਿਨ੍ਨਂ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪਜਾਨਨਾ ਪਟਿਪਦਾ ਮਗ੍ਗਸਚ੍ਚਨ੍ਤਿ ਏવਂ ਏਕੇਕਪਦੁਦ੍ਧਾਰੇਨ ਸਬ੍ਬਧਮ੍ਮੇ ਸਮ੍ਮਾ ਸਾਮਞ੍ਚ ਬੁਦ੍ਧੋ ਅਨੁਬੁਦ੍ਧੋ ਪਟਿવਿਦ੍ਧੋ। ਯਂ વਾ ਪਨ ਕਿਞ੍ਚਿ ਅਤ੍ਥਿ ਨੇਯ੍ਯਂ ਨਾਮ, ਸਬ੍ਬਸ੍ਸ ਸਮ੍ਮਾ ਸਮ੍ਬੁਦ੍ਧਤ੍ਤਾ વਿਮੋਕ੍ਖਨ੍ਤਿਕਞਾਣવਸੇਨ ਸਮ੍ਮਾਸਮ੍ਬੁਦ੍ਧੋ। ਤੇਸਂ ਪਨ વਿਭਾਗੋ ਉਪਰਿ ਆવਿ ਭવਿਸ੍ਸਤਿ। ਯਸ੍ਮਾ ਪਨ ਸਬ੍ਬਬੁਦ੍ਧਾ ਸਮ੍ਮਾਸਮ੍ਬੁਦ੍ਧਗੁਣੇਨਾਪਿ ਸਮਸਮਾ, ਤਸ੍ਮਾ ਸਬ੍ਬੇਸਮ੍ਪਿ વਸੇਨ ‘‘ਸਮ੍ਮਾਸਮ੍ਬੁਦ੍ਧਾ’’ਤਿ ਆਹ।

    Tatrāyaṃ ekapadayojanā – jarāmaraṇaṃ dukkhasaccaṃ, jāti samudayasaccaṃ, ubhinnaṃ nissaraṇaṃ nirodhasaccaṃ, nirodhapajānanā paṭipadā maggasaccanti evaṃ ekekapaduddhārena sabbadhamme sammā sāmañca buddho anubuddho paṭividdho. Yaṃ vā pana kiñci atthi neyyaṃ nāma, sabbassa sammā sambuddhattā vimokkhantikañāṇavasena sammāsambuddho. Tesaṃ pana vibhāgo upari āvi bhavissati. Yasmā pana sabbabuddhā sammāsambuddhaguṇenāpi samasamā, tasmā sabbesampi vasena ‘‘sammāsambuddhā’’ti āha.

    ਮੋਨੇਨਾਤਿ ਕਾਮਞ੍ਹਿ ਮੋਨੇਯ੍ਯਪਟਿਪਦਾਸਙ੍ਖਾਤੇਨ ਮਗ੍ਗਞਾਣਮੋਨੇਨ ਮੁਨਿ ਨਾਮ ਹੋਤਿ, ਇਧ ਪਨ ਤੁਣ੍ਹੀਭਾવਂ ਸਨ੍ਧਾਯ ‘‘ਨ ਮੋਨੇਨਾ’’ਤਿ વੁਤ੍ਤਂ। ਮੂਲ਼੍ਹਰੂਪੋਤਿ ਤੁਚ੍ਛਰੂਪੋ। ਅવਿਦ੍ਦਸੂਤਿ ਅવਿਞ੍ਞੂ। ਏવਰੂਪੋ ਹਿ ਤੁਣ੍ਹੀਭੂਤੋਪਿ ਮੁਨਿ ਨਾਮ ਨ ਹੋਤਿ। ਅਥ વਾ ਮੋਨੇਯ੍ਯਮੁਨਿ ਨਾਮ ਨ ਹੋਤਿ, ਤੁਚ੍ਛਭਾવੋ ਚ ਪਨ ਅਞ੍ਞਾਣੀ ਚ ਹੋਤੀਤਿ ਅਤ੍ਥੋ। ਯੋ ਚ ਤੁਲਂવ ਪਗ੍ਗਯ੍ਹਾਤਿ ਯਥਾ ਹਿ ਤੁਲਂ ਗਹੇਤ੍વਾ ਠਿਤੋ ਅਤਿਰੇਕਂ ਚੇ ਹੋਤਿ, ਹਰਤਿ, ਊਨਂ ਚੇ ਹੋਤਿ, ਪਕ੍ਖਿਪਤਿ; ਏવਮੇવ ਸੋ ਅਤਿਰੇਕਂ ਹਰਨ੍ਤੋ વਿਯ ਪਾਪਂ ਹਰਤਿ ਪਰਿવਜ੍ਜੇਤਿ, ਊਨਕੇ ਪਕ੍ਖਿਪਨ੍ਤੋ વਿਯ ਕੁਸਲਂ ਪਰਿਪੂਰੇਤਿ। ਏવਞ੍ਚ ਪਨ ਕਰੋਨ੍ਤੋ ਸੀਲਸਮਾਧਿਪਞ੍ਞਾવਿਮੁਤ੍ਤਿવਿਮੁਤ੍ਤਿਞਾਣਦਸ੍ਸਨਸਙ੍ਖਾਤਂ વਰਂ ਉਤ੍ਤਮਮੇવ ਆਦਾਯ ਪਾਪਾਨਿ ਅਕੁਸਲਕਮ੍ਮਾਨਿ ਪਰਿવਜ੍ਜੇਤਿ ਸ ਮੁਨਿ ਨਾਮਾਤਿ ਅਤ੍ਥੋ। ਤੇਨ ਸੋ ਮੁਨੀਤਿ ਕਸ੍ਮਾ ਪਨ ਸੋ ਮੁਨੀਤਿ ਚੇ? ਯਂ ਹੇਟ੍ਠਾ વੁਤ੍ਤਕਾਰਣਂ, ਤੇਨ ਸੋ ਮੁਨੀਤਿ ਅਤ੍ਥੋ। ਯੋ ਮੁਨਾਤਿ ਉਭੋ ਲੋਕੇਤਿ ਯੋ ਪੁਗ੍ਗਲੋ ਇਮਸ੍ਮਿਂ ਖਨ੍ਧਾਦਿਲੋਕੇ ਤੁਲਂ ਆਰੋਪੇਤ੍વਾ ਮਿਨਨ੍ਤੋ વਿਯ ‘‘ਇਮੇ ਅਜ੍ਝਤ੍ਤਿਕਾ ਖਨ੍ਧਾ, ਇਮੇ ਬਾਹਿਰਾ’’ਤਿਆਦਿਨਾ ਨਯੇਨ ਇਮੇ ਉਭੋ ਅਤ੍ਥੇ ਮੁਨਾਤਿ। ਮੁਨਿ ਤੇਨ ਪવੁਚ੍ਚਤੀਤਿ ਤੇਨ ਪਨ ਕਾਰਣੇਨ ‘‘ਮੁਨੀ’’ਤਿ વੁਚ੍ਚਤਿਯੇવਾਤਿ ਅਤ੍ਥੋ।

    Monenāti kāmañhi moneyyapaṭipadāsaṅkhātena maggañāṇamonena muni nāma hoti, idha pana tuṇhībhāvaṃ sandhāya ‘‘na monenā’’ti vuttaṃ. Mūḷharūpoti tuccharūpo. Aviddasūti aviññū. Evarūpo hi tuṇhībhūtopi muni nāma na hoti. Atha vā moneyyamuni nāma na hoti, tucchabhāvo ca pana aññāṇī ca hotīti attho. Yo ca tulaṃva paggayhāti yathā hi tulaṃ gahetvā ṭhito atirekaṃ ce hoti, harati, ūnaṃ ce hoti, pakkhipati; evameva so atirekaṃ haranto viya pāpaṃ harati parivajjeti, ūnake pakkhipanto viya kusalaṃ paripūreti. Evañca pana karonto sīlasamādhipaññāvimuttivimuttiñāṇadassanasaṅkhātaṃ varaṃ uttamameva ādāya pāpāni akusalakammāni parivajjeti sa muni nāmāti attho. Tena so munīti kasmā pana so munīti ce? Yaṃ heṭṭhā vuttakāraṇaṃ, tena so munīti attho. Yo munāti ubho loketi yo puggalo imasmiṃ khandhādiloke tulaṃ āropetvā minanto viya ‘‘ime ajjhattikā khandhā, ime bāhirā’’tiādinā nayena ime ubho atthe munāti. Muni tena pavuccatīti tena pana kāraṇena ‘‘munī’’ti vuccatiyevāti attho.

    ਅਸਤਞ੍ਚਾਤਿ ਗਾਥਾਯ ਅਯਂ ਸਙ੍ਖੇਪਤ੍ਥੋ – ਯ੍વਾਯਂ ਅਕੁਸਲਕੁਸਲਪ੍ਪਭੇਦੋ, ਅਸਤਞ੍ਚ ਸਤਞ੍ਚ ਧਮ੍ਮੋ, ਤਂ ‘‘ਅਜ੍ਝਤ੍ਤਂ ਬਹਿਦ੍ਧਾ’’ਤਿ ਇਮਸ੍ਮਿਂ ਸਬ੍ਬਲੋਕੇ ਪવਿਚਯਞਾਣੇਨ ਅਸਤਞ੍ਚ ਸਤਞ੍ਚ ਞਤ੍વਾ ਧਮ੍ਮਂ। ਤਸ੍ਸ ਞਾਤਤ੍ਤਾ ਏવ, ਰਾਗਾਦਿਭੇਦਤੋ ਸਤ੍ਤવਿਧਂ ਸਙ੍ਗਂ ਤਣ੍ਹਾਦਿਟ੍ਠਿਭੇਦਤੋ ਦੁવਿਧਂ ਜਾਲਞ੍ਚ ਅਤਿਚ੍ਚ ਅਤਿਕ੍ਕਮਿਤ੍વਾ ਠਿਤੋ, ਸੋ ਤੇਨ ਮੋਨਸਙ੍ਖਾਤੇਨ ਪવਿਚਯਞਾਣੇਨ ਸਮਨ੍ਨਾਗਤਤ੍ਤਾ ਮੁਨਿ। ਦੇવਮਨੁਸ੍ਸੇਹਿ ਪੂਜਿਤੋਤਿ ਇਦਂ ਪਨਸ੍ਸ ਥੁਤਿવਚਨਂ। ਸੋ ਹਿ ਖੀਣਾਸવਮੁਨਿਤ੍ਤਾ ਦੇવਮਨੁਸ੍ਸਾਨਂ ਪੂਜਾਰਹੋ ਹੋਤਿ, ਤਸ੍ਮਾ ਏવਂ વੁਤ੍ਤੋਤਿ।

    Asatañcāti gāthāya ayaṃ saṅkhepattho – yvāyaṃ akusalakusalappabhedo, asatañca satañca dhammo, taṃ ‘‘ajjhattaṃ bahiddhā’’ti imasmiṃ sabbaloke pavicayañāṇena asatañca satañca ñatvā dhammaṃ. Tassa ñātattā eva, rāgādibhedato sattavidhaṃ saṅgaṃ taṇhādiṭṭhibhedato duvidhaṃ jālañca aticca atikkamitvā ṭhito, so tena monasaṅkhātena pavicayañāṇena samannāgatattā muni. Devamanussehi pūjitoti idaṃ panassa thutivacanaṃ. So hi khīṇāsavamunittā devamanussānaṃ pūjāraho hoti, tasmā evaṃ vuttoti.

    ਸਲ੍ਲਨ੍ਤਿ ਮੂਲਪਦਂ। ਸਤ੍ਤ ਸਲ੍ਲਾਨੀਤਿ ਗਣਨਪਰਿਚ੍ਛੇਦੋ। ਰਾਗਸਲ੍ਲਨ੍ਤਿ ਰਞ੍ਜਨਟ੍ਠੇਨ ਰਾਗੋ ਚ ਪੀਲ਼ਾਜਨਕਤਾਯ ਅਨ੍ਤੋਤੁਦਨਤਾਯ ਦੁਨ੍ਨੀਹਰਣਤਾਯ ਸਲ੍ਲਞ੍ਚਾਤਿ ਰਾਗਸਲ੍ਲਂ। ਦੋਸਸਲ੍ਲਾਦੀਸੁਪਿ ਏਸੇવ ਨਯੋ। ਅਬ੍ਬੂਲ਼੍ਹਸਲ੍ਲੋਤਿ ਮੂਲਪਦਂ। ਅਬ੍ਬਹਿਤਸਲ੍ਲੋਤਿ ਨੀਹਟਸਲ੍ਲੋ। ਉਦ੍ਧਤਸਲ੍ਲੋਤਿ ਉਦ੍ਧਂ ਹਟਸਲ੍ਲੋ ਉਦ੍ਧਰਿਤਸਲ੍ਲੋ। ਸਮੁਦ੍ਧਤਸਲ੍ਲੋਤਿ ਉਪਸਗ੍ਗવਸੇਨ વੁਤ੍ਤੋ। ਉਪ੍ਪਾਟਿਤਸਲ੍ਲੋਤਿ ਲੁਞ੍ਚਿਤਸਲ੍ਲੋ। ਸਮੁਪ੍ਪਾਟਿਤਸਲ੍ਲੋਤਿ ਉਪਸਗ੍ਗવਸੇਨੇવ।

    Sallanti mūlapadaṃ. Satta sallānīti gaṇanaparicchedo. Rāgasallanti rañjanaṭṭhena rāgo ca pīḷājanakatāya antotudanatāya dunnīharaṇatāya sallañcāti rāgasallaṃ. Dosasallādīsupi eseva nayo. Abbūḷhasalloti mūlapadaṃ. Abbahitasalloti nīhaṭasallo. Uddhatasalloti uddhaṃ haṭasallo uddharitasallo. Samuddhatasalloti upasaggavasena vutto. Uppāṭitasalloti luñcitasallo. Samuppāṭitasalloti upasaggavaseneva.

    ਸਕ੍ਕਚ੍ਚਕਾਰੀਤਿ ਦਾਨਾਦੀਨਂ ਕੁਸਲਧਮ੍ਮਾਨਂ ਭਾવਨਾਯ ਪੁਗ੍ਗਲਸ੍ਸ વਾ ਦੇਯ੍ਯਧਮ੍ਮਸ੍ਸ વਾ ਸਕ੍ਕਚ੍ਚਕਰਣવਸੇਨ ਸਕ੍ਕਚ੍ਚਕਾਰੀ। ਸਤਤਭਾવਕਰਣੇਨ ਸਾਤਚ੍ਚਕਾਰੀ। ਅਟ੍ਠਿਤਕਰਣੇਨ ਅਟ੍ਠਿਤਕਾਰੀ। ਯਥਾ ਨਾਮ ਕਕਣ੍ਟਕੋ ਥੋਕਂ ਗਨ੍ਤ੍વਾ ਥੋਕਂ ਤਿਟ੍ਠਤਿ, ਨ ਨਿਰਨ੍ਤਰਂ ਗਚ੍ਛਤਿ; ਏવਮੇવ ਯੋ ਪੁਗ੍ਗਲੋ ਏਕਦਿવਸਂ ਦਾਨਂ ਦਤ੍વਾ ਪੂਜਂ વਾ ਕਤ੍વਾ ਧਮ੍ਮਂ વਾ ਸੁਤ੍વਾ ਸਮਣਧਮ੍ਮਂ વਾ ਕਤ੍વਾ ਪੁਨ ਚਿਰਸ੍ਸਂ ਕਰੋਤਿ, ਤਂ ਨ ਨਿਰਨ੍ਤਰਂ ਪવਤ੍ਤੇਤਿ। ਸੋ ‘‘ਅਸਾਤਚ੍ਚਕਾਰੀ, ਅਨਟ੍ਠਿਤਕਾਰੀ’’ਤਿ વੁਚ੍ਚਤਿ। ਅਯਂ ਏવਂ ਨ ਕਰੋਤੀਤਿ ਅਟ੍ਠਿਤਕਾਰੀ। ਅਨੋਲੀਨવੁਤ੍ਤਿਕੋਤਿ ਨਿਰਨ੍ਤਰਕਰਣਸਙ੍ਖਾਤਸ੍ਸ વਿਪ੍ਫਾਰਸ੍ਸ ਭਾવੇਨ ਨ ਲੀਨવੁਤ੍ਤਿਕੋਤਿ ਅਨੋਲੀਨવੁਤ੍ਤਿਕੋ। ਅਨਿਕ੍ਖਿਤ੍ਤਚ੍ਛਨ੍ਦੋਤਿ ਕੁਸਲਕਰਣੇ વੀਰਿਯਚ੍ਛਨ੍ਦਸ੍ਸ ਅਨਿਕ੍ਖਿਤ੍ਤਭਾવੇਨ ਅਨਿਕ੍ਖਿਤ੍ਤਚ੍ਛਨ੍ਦੋ। ਅਨਿਕ੍ਖਿਤ੍ਤਧੁਰੋਤਿ વੀਰਿਯਧੁਰਸ੍ਸ ਅਨੋਰੋਪਨੇਨ ਅਨਿਕ੍ਖਿਤ੍ਤਧੁਰੋ, ਅਨੋਸਕ੍ਕਿਤਮਾਨਸੋਤਿ ਅਤ੍ਥੋ। ਯੋ ਤਤ੍ਥ ਛਨ੍ਦੋ ਚ વਾਯਾਮੋ ਚਾਤਿ ਯੋ ਤੇਸੁ ਕੁਸਲਧਮ੍ਮੇਸੁ ਕਤ੍ਤੁਕਮ੍ਯਤਾਧਮ੍ਮਚ੍ਛਨ੍ਦੋ ਚ ਪਯਤ੍ਤਸਙ੍ਖਾਤੋ વਾਯਾਮੋ ਚ। ਉਸ੍ਸਹਨવਸੇਨ ਉਸ੍ਸਾਹੋ ਚ। ਅਧਿਮਤ੍ਤੁਸ੍ਸਹਨવਸੇਨ ਉਸ੍ਸੋਲ਼੍ਹੀ ਚ। વਾਯਾਮੋ ਚੇਸੋ ਪਾਰਂ ਗਮਨਟ੍ਠੇਨ। ਉਸ੍ਸਾਹੋ ਚੇਸੋ ਪੁਬ੍ਬਙ੍ਗਮਨਟ੍ਠੇਨ। ਉਸ੍ਸੋਲ਼੍ਹੀ ਚੇਸੋ ਅਧਿਮਤ੍ਤਟ੍ਠੇਨ। ਅਪ੍ਪਟਿવਾਨਿ ਚਾਤਿ ਅਨਿવਤ੍ਤਨਾ ਚ। ਸਤਿ ਚ ਸਮ੍ਪਜਞ੍ਞਨ੍ਤਿ ਸਰਤੀਤਿ ਸਤਿ। ਸਮ੍ਪਜਾਨਾਤੀਤਿ ਸਮ੍ਪਜਞ੍ਞਂ, ਸਮਨ੍ਤਤੋ ਪਕਾਰੇਹਿ ਜਾਨਾਤੀਤਿ ਅਤ੍ਥੋ। ਸਾਤ੍ਥਕਸਮ੍ਪਜਞ੍ਞਂ ਸਪ੍ਪਾਯਸਮ੍ਪਜਞ੍ਞਂ ਗੋਚਰਸਮ੍ਪਜਞ੍ਞਂ ਅਸਮ੍ਮੋਹਸਮ੍ਪਜਞ੍ਞਨ੍ਤਿ ਇਮਸ੍ਸ ਸਮ੍ਪਜਾਨਸ੍ਸ વਸੇਨ ਭੇਦੋ વੇਦਿਤਬ੍ਬੋ। ਆਤਪ੍ਪਨ੍ਤਿ ਕਿਲੇਸਤਾਪਨવੀਰਿਯਂ। ਪਧਾਨਨ੍ਤਿ ਉਤ੍ਤਮવੀਰਿਯਂ। ਅਧਿਟ੍ਠਾਨਨ੍ਤਿ ਕੁਸਲਕਰਣੇ ਪਤਿਟ੍ਠਾਭਾવੋ। ਅਨੁਯੋਗੋਤਿ ਅਨੁਯੁਞ੍ਜਨਂ। ਅਪ੍ਪਮਾਦੋਤਿ ਨਪ੍ਪਮਜ੍ਜਨਂ, ਸਤਿਯਾ ਅવਿਪ੍ਪવਾਸੋ।

    Sakkaccakārīti dānādīnaṃ kusaladhammānaṃ bhāvanāya puggalassa vā deyyadhammassa vā sakkaccakaraṇavasena sakkaccakārī. Satatabhāvakaraṇena sātaccakārī. Aṭṭhitakaraṇena aṭṭhitakārī. Yathā nāma kakaṇṭako thokaṃ gantvā thokaṃ tiṭṭhati, na nirantaraṃ gacchati; evameva yo puggalo ekadivasaṃ dānaṃ datvā pūjaṃ vā katvā dhammaṃ vā sutvā samaṇadhammaṃ vā katvā puna cirassaṃ karoti, taṃ na nirantaraṃ pavatteti. So ‘‘asātaccakārī, anaṭṭhitakārī’’ti vuccati. Ayaṃ evaṃ na karotīti aṭṭhitakārī. Anolīnavuttikoti nirantarakaraṇasaṅkhātassa vipphārassa bhāvena na līnavuttikoti anolīnavuttiko. Anikkhittacchandoti kusalakaraṇe vīriyacchandassa anikkhittabhāvena anikkhittacchando. Anikkhittadhuroti vīriyadhurassa anoropanena anikkhittadhuro, anosakkitamānasoti attho. Yo tattha chando ca vāyāmo cāti yo tesu kusaladhammesu kattukamyatādhammacchando ca payattasaṅkhāto vāyāmo ca. Ussahanavasena ussāho ca. Adhimattussahanavasena ussoḷhī ca. Vāyāmo ceso pāraṃ gamanaṭṭhena. Ussāho ceso pubbaṅgamanaṭṭhena. Ussoḷhī ceso adhimattaṭṭhena. Appaṭivāni cāti anivattanā ca. Sati ca sampajaññanti saratīti sati. Sampajānātīti sampajaññaṃ, samantato pakārehi jānātīti attho. Sātthakasampajaññaṃ sappāyasampajaññaṃ gocarasampajaññaṃ asammohasampajaññanti imassa sampajānassa vasena bhedo veditabbo. Ātappanti kilesatāpanavīriyaṃ. Padhānanti uttamavīriyaṃ. Adhiṭṭhānanti kusalakaraṇe patiṭṭhābhāvo. Anuyogoti anuyuñjanaṃ. Appamādoti nappamajjanaṃ, satiyā avippavāso.

    ਇਮਂ ਲੋਕਂ ਨਾਸੀਸਤੀਤਿ ਮੂਲਪਦਂ। ਸਕਤ੍ਤਭਾવਨ੍ਤਿ ਅਤ੍ਤਨੋ ਅਤ੍ਤਭਾવਂ। ਪਰਤ੍ਤਭਾવਨ੍ਤਿ ਪਰਲੋਕੇ ਅਤ੍ਤਭਾવਂ। ਸਕਰੂਪવੇਦਨਾਦਯੋ ਅਤ੍ਤਨੋ ਪਞ੍ਚਕ੍ਖਨ੍ਧੇ, ਪਰਰੂਪવੇਦਨਾਦਯੋ ਚ ਪਰਲੋਕੇ ਪਞ੍ਚਕ੍ਖਨ੍ਧੇ। ਕਾਮਧਾਤੁਨ੍ਤਿ ਕਾਮਭવਂ। ਰੂਪਧਾਤੁਨ੍ਤਿ ਰੂਪਭવਂ। ਅਰੂਪਧਾਤੁਨ੍ਤਿ ਅਰੂਪਭવਂ। ਪੁਨ ਰੂਪਾਰੂਪવਸੇਨ ਦੁਕਂ ਦਸ੍ਸੇਤੁਂ ਕਾਮਧਾਤੁਂ ਰੂਪਧਾਤੁਂ ਏਕਂ ਕਤ੍વਾ, ਅਰੂਪਧਾਤੁਂ ਏਕਂ ਕਤ੍વਾ વੁਤ੍ਤਂ। ਗਤਿਂ વਾਤਿ ਪਤਿਟ੍ਠਾਨવਸੇਨ ਪਞ੍ਚਗਤਿ વੁਤ੍ਤਾ। ਉਪਪਤ੍ਤਿਂ વਾਤਿ ਨਿਬ੍ਬਤ੍ਤਿવਸੇਨ ਚਤੁਯੋਨਿ વੁਤ੍ਤਾ। ਪਟਿਸਨ੍ਧਿਂ વਾਤਿ ਤਿਣ੍ਣਂ ਭવਾਨਂ ਘਟਨવਸੇਨ ਪਟਿਸਨ੍ਧਿ વੁਤ੍ਤਾ। ਭવਂ વਾਤਿ ਕਮ੍ਮਭવવਸੇਨ। ਸਂਸਾਰਂ વਾਤਿ ਖਨ੍ਧਾਦੀਨਂ ਅਬ੍ਬੋਚ੍ਛਿਨ੍ਨવਸੇਨ। વਟ੍ਟਂ વਾਤਿ ਤੇਭੂਮਕવਟ੍ਟਂ ਨਾਸੀਸਤੀਤਿ।

    Imaṃ lokaṃ nāsīsatīti mūlapadaṃ. Sakattabhāvanti attano attabhāvaṃ. Parattabhāvanti paraloke attabhāvaṃ. Sakarūpavedanādayo attano pañcakkhandhe, pararūpavedanādayo ca paraloke pañcakkhandhe. Kāmadhātunti kāmabhavaṃ. Rūpadhātunti rūpabhavaṃ. Arūpadhātunti arūpabhavaṃ. Puna rūpārūpavasena dukaṃ dassetuṃ kāmadhātuṃ rūpadhātuṃ ekaṃ katvā, arūpadhātuṃ ekaṃ katvā vuttaṃ. Gatiṃ vāti patiṭṭhānavasena pañcagati vuttā. Upapattiṃ vāti nibbattivasena catuyoni vuttā. Paṭisandhiṃ vāti tiṇṇaṃ bhavānaṃ ghaṭanavasena paṭisandhi vuttā. Bhavaṃ vāti kammabhavavasena. Saṃsāraṃ vāti khandhādīnaṃ abbocchinnavasena. Vaṭṭaṃ vāti tebhūmakavaṭṭaṃ nāsīsatīti.

    ਸਦ੍ਧਮ੍ਮਪ੍ਪਜ੍ਜੋਤਿਕਾਯ ਮਹਾਨਿਦ੍ਦੇਸਟ੍ਠਕਥਾਯ

    Saddhammappajjotikāya mahāniddesaṭṭhakathāya

    ਗੁਹਟ੍ਠਕਸੁਤ੍ਤਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।

    Guhaṭṭhakasuttaniddesavaṇṇanā niṭṭhitā.




    Next: ੩. ਦੁਟ੍ਠਟ੍ਠਕਸੁਤ੍ਤਨਿਦ੍ਦੇਸવਣ੍ਣਨਾ • 3. Duṭṭhaṭṭhakasuttaniddesavaṇṇanā




    Related texts:



    ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਮਹਾਨਿਦ੍ਦੇਸਪਾਲ਼ਿ • Mahāniddesapāḷi / ੨. ਗੁਹਟ੍ਠਕਸੁਤ੍ਤਨਿਦ੍ਦੇਸੋ • 2. Guhaṭṭhakasuttaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact