Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi

    2. г̇ухадтагасуд̇д̇анид̣̇д̣̇зсо

    2. Guhaṭṭhakasuttaniddeso

    ат̇а г̇ухадтагасуд̇д̇анид̣̇д̣̇зсам̣ вагкад̇и –

    Atha guhaṭṭhakasuttaniddesaṃ vakkhati –

    7.

    7.

    сад̇д̇о г̇ухааяам̣ б̣ахунаабхичанно, д̇идтам̣ наро моханасмим̣ баг̇аал̣хо;

    Sattoguhāyaṃ bahunābhichanno, tiṭṭhaṃ naro mohanasmiṃ pagāḷho;

    д̣̇уурз вивзгаа хи д̇ат̇аавид̇хо со, гаамаа хи логз на хи суббахааяаа.

    Dūre vivekā hi tathāvidho so, kāmā hi loke na hi suppahāyā.

    сад̇д̇о г̇ухааяам̣ б̣ахунаабхичаннод̇и. сад̇д̇од̇и хи ко вуд̇д̇ам̣, аби жа г̇ухаа д̇аава вад̇д̇аб̣б̣аа. г̇ухаа вужжад̇и гааяо. гааяод̇и ваа г̇ухаад̇и ваа д̣̇зход̇и ваа санд̣̇зход̇и ваа нааваад̇и ваа рат̇од̇и ваа д̇хаж̇од̇и ваа ваммигод̇и ваа наг̇аранд̇и ваа нид̣д̣анд̇и ваа гудийд̇и ваа г̇ан̣д̣од̇и ваа гумбход̇и ваа нааг̇од̇и ваа гааяассзд̇ам̣ ад̇хиважанам̣. сад̇д̇о г̇ухааяанд̇и г̇ухааяам̣ сад̇д̇о висад̇д̇о аасад̇д̇о лаг̇г̇о лаг̇г̇ид̇о балиб̣уд̣̇д̇хо. яат̇аа бхид̇д̇икилз ваа нааг̇ад̣̇анд̇з ваа г̇ан̣д̣ам̣ сад̇д̇ам̣ висад̇д̇ам̣ аасад̇д̇ам̣ лаг̇г̇ам̣ лаг̇г̇ид̇ам̣ балиб̣уд̣̇д̇хам̣; звамзва г̇ухааяам̣ сад̇д̇о висад̇д̇о аасад̇д̇о лаг̇г̇о лаг̇г̇ид̇о балиб̣уд̣̇д̇хо. вуд̇д̇ан̃хзд̇ам̣ бхаг̇авад̇аа –

    Satto guhāyaṃ bahunābhichannoti. Sattoti hi kho vuttaṃ, api ca guhā tāva vattabbā. Guhā vuccati kāyo. Kāyoti vā guhāti vā dehoti vā sandehoti vā nāvāti vā rathoti vā dhajoti vā vammikoti vā nagaranti vā niḍḍanti vā kuṭīti vā gaṇḍoti vā kumbhoti vā nāgoti vā kāyassetaṃ adhivacanaṃ. Satto guhāyanti guhāyaṃ satto visatto āsatto laggo laggito palibuddho. Yathā bhittikhile vā nāgadante vā gaṇḍaṃ sattaṃ visattaṃ āsattaṃ laggaṃ laggitaṃ palibuddhaṃ; evameva guhāyaṃ satto visatto āsatto laggo laggito palibuddho. Vuttañhetaṃ bhagavatā –

    ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа яз убаяуубаад̣̇аанаа жзд̇асо ад̇хидтаанаабхинивзсаанусаяаа, д̇ад̇ра сад̇д̇о д̇ад̇ра висад̇д̇о; д̇асмаа сад̇д̇од̇и вужжад̇и. взд̣̇анааяа ко, раад̇ха…бз… сан̃н̃ааяа ко, раад̇ха… сан̇каарзсу ко, раад̇ха… вин̃н̃аан̣з ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа яз убаяуубаад̣̇аанаа жзд̇асо ад̇хидтаанаабхинивзсаанусаяаа, д̇ад̇ра сад̇д̇о д̇ад̇ра висад̇д̇о; д̇асмаа сад̇д̇од̇и вужжад̇и. сад̇д̇од̇и лаг̇г̇анаад̇хиважана’’нд̇и – сад̇д̇о г̇ухааяам̣. б̣ахунаабхичаннод̇и б̣ахугзхи гилзсзхи чанно, рааг̇зна чанно д̣̇осзна чанно мохзна чанно год̇хзна чанно убанаахзна чанно магкзна чанно бал̣аасзна чанно иссааяа чанно мажчариязна чанно мааяааяа чанно саатзяязна чанно т̇амбхзна чанно саарамбхзна чанно маанзна чанно ад̇имаанзна чанно мад̣̇зна чанно бамаад̣̇зна чанно. саб̣б̣агилзсзхи саб̣б̣ад̣̇ужжарид̇зхи саб̣б̣ад̣̇арат̇зхи саб̣б̣абарил̣аахзхи саб̣б̣асанд̇аабзхи саб̣б̣аагусалаабхисан̇каарзхи чанно вичанно ужчанно аавуд̇о нивуд̇о овуд̇о 1 бихид̇о бадижчанно бадигуж̇ж̇ид̇од̇и – сад̇д̇о г̇ухааяам̣ б̣ахунаабхичанно.

    ‘‘Rūpe kho, rādha, yo chando yo rāgo yā nandī yā taṇhā ye upayūpādānā cetaso adhiṭṭhānābhinivesānusayā, tatra satto tatra visatto; tasmā sattoti vuccati. Vedanāya kho, rādha…pe… saññāya kho, rādha… saṅkhāresu kho, rādha… viññāṇe kho, rādha, yo chando yo rāgo yā nandī yā taṇhā ye upayūpādānā cetaso adhiṭṭhānābhinivesānusayā, tatra satto tatra visatto; tasmā sattoti vuccati. Sattoti lagganādhivacana’’nti – satto guhāyaṃ. Bahunābhichannoti bahukehi kilesehi channo, rāgena channo dosena channo mohena channo kodhena channo upanāhena channo makkhena channo paḷāsena channo issāya channo macchariyena channo māyāya channo sāṭheyyena channo thambhena channo sārambhena channo mānena channo atimānena channo madena channo pamādena channo. Sabbakilesehi sabbaduccaritehi sabbadarathehi sabbapariḷāhehi sabbasantāpehi sabbākusalābhisaṅkhārehi channo vichanno ucchanno āvuto nivuto ovuto 2 pihito paṭicchanno paṭikujjitoti – satto guhāyaṃ bahunābhichanno.

    д̇идтам̣ наро моханасмим̣ баг̇аал̣ход̇и д̇идтанд̇о наро рад̇д̇о рааг̇авасзна д̇идтад̇и, д̣̇удто д̣̇осавасзна д̇идтад̇и, муул̣хо мохавасзна д̇идтад̇и, виниб̣ад̣̇д̇хо маанавасзна д̇идтад̇и, бараамадто д̣̇идтивасзна д̇идтад̇и, вигкзбаг̇ад̇о уд̣̇д̇хажжавасзна д̇идтад̇и, анидтан̇г̇ад̇о вижигижчаавасзна д̇идтад̇и, т̇аамаг̇ад̇о анусаяавасзна д̇идтад̇и. звамби д̇идтам̣ наро.

    Tiṭṭhaṃnaro mohanasmiṃ pagāḷhoti tiṭṭhanto naro ratto rāgavasena tiṭṭhati, duṭṭho dosavasena tiṭṭhati, mūḷho mohavasena tiṭṭhati, vinibaddho mānavasena tiṭṭhati, parāmaṭṭho diṭṭhivasena tiṭṭhati, vikkhepagato uddhaccavasena tiṭṭhati, aniṭṭhaṅgato vicikicchāvasena tiṭṭhati, thāmagato anusayavasena tiṭṭhati. Evampi tiṭṭhaṃ naro.

    вуд̇д̇ан̃хзд̇ам̣ бхаг̇авад̇аа – ‘‘санд̇и, бхигкавз, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. санд̇и, бхигкавз, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇ий’’д̇и. звамби д̇идтам̣ наро.

    Vuttañhetaṃ bhagavatā – ‘‘santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, tañce bhikkhu abhinandati abhivadati ajjhosāya tiṭṭhati. Santi, bhikkhave, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā, tañce bhikkhu abhinandati abhivadati ajjhosāya tiṭṭhatī’’ti. Evampi tiṭṭhaṃ naro.

    вуд̇д̇ан̃хзд̇ам̣ бхаг̇авад̇аа – ‘‘руубуубаяам̣ ваа, бхигкавз, вин̃н̃аан̣ам̣ д̇идтамаанам̣ д̇идтад̇и, руубаарамман̣ам̣ руубабад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇ад̇и. взд̣̇ануубаяам̣ ваа, бхигкавз…бз… сан̃н̃уубаяам̣… сан̇кааруубаяам̣ ваа, бхигкавз, вин̃н̃аан̣ам̣ д̇идтамаанам̣ д̇идтад̇и, сан̇каараарамман̣ам̣ сан̇каарабад̇идтам̣ нанд̣̇уубасзжанам̣ вуд̣̇д̇хим̣ вируул̣хим̣ взбуллам̣ аабаж̇ж̇ад̇ий’’д̇и. звамби д̇идтам̣ наро.

    Vuttañhetaṃ bhagavatā – ‘‘rūpūpayaṃ vā, bhikkhave, viññāṇaṃ tiṭṭhamānaṃ tiṭṭhati, rūpārammaṇaṃ rūpapatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjati. Vedanūpayaṃ vā, bhikkhave…pe… saññūpayaṃ… saṅkhārūpayaṃ vā, bhikkhave, viññāṇaṃ tiṭṭhamānaṃ tiṭṭhati, saṅkhārārammaṇaṃ saṅkhārapatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjatī’’ti. Evampi tiṭṭhaṃ naro.

    вуд̇д̇амби хзд̇ам̣ бхаг̇авад̇аа – ‘‘габ̣ал̣ийгаарз жз, бхигкавз, аахаарз ад̇т̇и рааг̇о ад̇т̇и нанд̣̇ий ад̇т̇и д̇ан̣хаа, бад̇идтид̇ам̣ д̇ад̇т̇а вин̃н̃аан̣ам̣ вируул̣хам̣. яад̇т̇а бад̇идтид̇ам̣ вин̃н̃аан̣ам̣ вируул̣хам̣, ад̇т̇и д̇ад̇т̇а наамаруубассаавагганд̇и. яад̇т̇а ад̇т̇и наамаруубассаавагганд̇и, ад̇т̇и д̇ад̇т̇а сан̇каараанам̣ вуд̣̇д̇хи. яад̇т̇а ад̇т̇и сан̇каараанам̣ вуд̣̇д̇хи, ад̇т̇и д̇ад̇т̇а ааяад̇им̣ бунаб̣бхаваабхиниб̣б̣ад̇д̇и. яад̇т̇а ад̇т̇и ааяад̇им̣ бунаб̣бхаваабхиниб̣б̣ад̇д̇и, ад̇т̇и д̇ад̇т̇а ааяад̇им̣ ж̇аад̇иж̇араамаран̣ам̣. яад̇т̇а ад̇т̇и ааяад̇им̣ ж̇аад̇иж̇араамаран̣ам̣, сасогам̣ д̇ам̣, бхигкавз, сараж̇ам̣ саубааяаасанд̇и вад̣̇аамий’’д̇и. звамби д̇идтам̣ наро.

    Vuttampi hetaṃ bhagavatā – ‘‘kabaḷīkāre ce, bhikkhave, āhāre atthi rāgo atthi nandī atthi taṇhā, patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassāvakkanti. Yattha atthi nāmarūpassāvakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti, atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ saupāyāsanti vadāmī’’ti. Evampi tiṭṭhaṃ naro.

    ‘‘пассз жз, бхигкавз, аахаарз…бз… маносан̃жзд̇анааяа жз, бхигкавз, аахаарз… вин̃н̃аан̣з жз, бхигкавз, аахаарз ад̇т̇и рааг̇о ад̇т̇и нанд̣̇ий ад̇т̇и д̇ан̣хаа , бад̇идтид̇ам̣ д̇ад̇т̇а вин̃н̃аан̣ам̣ вируул̣хам̣. яад̇т̇а бад̇идтид̇ам̣ вин̃н̃аан̣ам̣ вируул̣хам̣, ад̇т̇и д̇ад̇т̇а наамаруубассаавагганд̇и. яад̇т̇а ад̇т̇и наамаруубассаавагганд̇и, ад̇т̇и д̇ад̇т̇а сан̇каараанам̣ вуд̣̇д̇хи. яад̇т̇а ад̇т̇и сан̇каараанам̣ вуд̣̇д̇хи, ад̇т̇и д̇ад̇т̇а ааяад̇им̣ бунаб̣бхаваабхиниб̣б̣ад̇д̇и. яад̇т̇а ад̇т̇и ааяад̇им̣ бунаб̣бхаваабхиниб̣б̣ад̇д̇и , ад̇т̇и д̇ад̇т̇а ааяад̇им̣ ж̇аад̇иж̇араамаран̣ам̣. яад̇т̇а ад̇т̇и ааяад̇им̣ ж̇аад̇иж̇араамаран̣ам̣, сасогам̣ д̇ам̣, бхигкавз, сараж̇ам̣ саубааяаасанд̇и вад̣̇аамий’’д̇и. звамби д̇идтам̣ наро.

    ‘‘Phasse ce, bhikkhave, āhāre…pe… manosañcetanāya ce, bhikkhave, āhāre… viññāṇe ce, bhikkhave, āhāre atthi rāgo atthi nandī atthi taṇhā , patiṭṭhitaṃ tattha viññāṇaṃ virūḷhaṃ. Yattha patiṭṭhitaṃ viññāṇaṃ virūḷhaṃ, atthi tattha nāmarūpassāvakkanti. Yattha atthi nāmarūpassāvakkanti, atthi tattha saṅkhārānaṃ vuddhi. Yattha atthi saṅkhārānaṃ vuddhi, atthi tattha āyatiṃ punabbhavābhinibbatti. Yattha atthi āyatiṃ punabbhavābhinibbatti , atthi tattha āyatiṃ jātijarāmaraṇaṃ. Yattha atthi āyatiṃ jātijarāmaraṇaṃ, sasokaṃ taṃ, bhikkhave, sarajaṃ saupāyāsanti vadāmī’’ti. Evampi tiṭṭhaṃ naro.

    моханасмим̣ баг̇аал̣ход̇и. моханаа вужжанд̇и бан̃жа гаамаг̇ун̣аа. жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа; сод̇авин̃н̃зяяаа сад̣̇д̣̇аа… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. гим̣ гааран̣аа моханаа вужжанд̇и бан̃жа гаамаг̇ун̣аа? язбхуяязна д̣̇звамануссаа бан̃жасу гаамаг̇ун̣зсу муяханд̇и саммуяханд̇и самбамуяханд̇и, муул̣хаа саммуул̣хаа самбамуул̣хаа авиж̇ж̇ааяа анд̇хийгад̇аа аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аа, д̇ам̣ гааран̣аа моханаа вужжанд̇и бан̃жа гаамаг̇ун̣аа. моханасмим̣ баг̇аал̣ход̇и моханасмим̣ баг̇аал̣хо ог̇аал̣хо аж̇жхог̇аал̣хо нимуг̇г̇од̇и – д̇идтам̣ наро моханасмим̣ баг̇аал̣хо.

    Mohanasmiṃ pagāḷhoti. Mohanā vuccanti pañca kāmaguṇā. Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā; sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Kiṃ kāraṇā mohanā vuccanti pañca kāmaguṇā? Yebhuyyena devamanussā pañcasu kāmaguṇesu muyhanti sammuyhanti sampamuyhanti, mūḷhā sammūḷhā sampamūḷhā avijjāya andhīkatā āvutā nivutā ovutā pihitā paṭicchannā paṭikujjitā, taṃ kāraṇā mohanā vuccanti pañca kāmaguṇā. Mohanasmiṃ pagāḷhoti mohanasmiṃ pagāḷho ogāḷho ajjhogāḷho nimuggoti – tiṭṭhaṃ naro mohanasmiṃ pagāḷho.

    д̣̇уурз вивзгаа хи д̇ат̇аавид̇хо сод̇и. вивзгаад̇и д̇аяо вивзгаа – гааяавивзго, жид̇д̇авивзго, убад̇хививзго. гад̇амо гааяавивзго? ид̇ха бхигку вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. гааязна вивид̇д̇о вихарад̇и. со зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго рахо нисийд̣̇ад̇и, зго жан̇гамам̣ ад̇хидтаад̇и, зго жарад̇и вихарад̇и ирияад̇и вад̇д̇ад̇и баалзд̇и яабзд̇и яаабзд̇и. аяам̣ гааяавивзго.

    Dūre vivekā hi tathāvidho soti. Vivekāti tayo vivekā – kāyaviveko, cittaviveko, upadhiviveko. Katamo kāyaviveko? Idha bhikkhu vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. Kāyena vivitto viharati. So eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati viharati iriyati vattati pāleti yapeti yāpeti. Ayaṃ kāyaviveko.

    гад̇амо жид̇д̇авивзго? батамам̣ жхаанам̣ самаабаннасса нийваран̣зхи жид̇д̇ам̣ вивид̇д̇ам̣ ход̇и. д̣̇уд̇ияам̣ жхаанам̣ самаабаннасса вид̇аггавижаарзхи жид̇д̇ам̣ вивид̇д̇ам̣ ход̇и. д̇ад̇ияам̣ жхаанам̣ самаабаннасса бийд̇ияаа жид̇д̇ам̣ вивид̇д̇ам̣ ход̇и. жад̇уд̇т̇ам̣ жхаанам̣ самаабаннасса сукад̣̇угкзхи жид̇д̇ам̣ вивид̇д̇ам̣ ход̇и. аагаасаанан̃жааяад̇анам̣ самаабаннасса руубасан̃н̃ааяа бадигхасан̃н̃ааяа наанад̇д̇асан̃н̃ааяа жид̇д̇ам̣ вивид̇д̇ам̣ ход̇и. вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃ааяа жид̇д̇ам̣ вивид̇д̇ам̣ ход̇и. аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃ааяа жид̇д̇ам̣ вивид̇д̇ам̣ ход̇и. нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃ааяа жид̇д̇ам̣ вивид̇д̇ам̣ ход̇и. сод̇аабаннасса саггааяад̣̇идтияаа вижигижчааяа сийлаб̣б̣ад̇абараамаасаа д̣̇идтаанусаяаа вижигижчаанусаяаа, д̇ад̣̇згадтзхи жа гилзсзхи жид̇д̇ам̣ вивид̇д̇ам̣ ход̇и. сагад̣̇ааг̇аамисса ол̣ааригаа гаамарааг̇асан̃н̃ож̇анаа бадигхасан̃н̃ож̇анаа ол̣ааригаа гаамарааг̇аанусаяаа бадигхаанусаяаа, д̇ад̣̇згадтзхи жа гилзсзхи жид̇д̇ам̣ вивид̇д̇ам̣ ход̇и. анааг̇аамисса анусахаг̇ад̇аа гаамарааг̇асан̃н̃ож̇анаа бадигхасан̃н̃ож̇анаа анусахаг̇ад̇аа гаамарааг̇аанусаяаа бадигхаанусаяаа, д̇ад̣̇згадтзхи жа гилзсзхи жид̇д̇ам̣ вивид̇д̇ам̣ ход̇и. арахад̇о руубааруубарааг̇аа маанаа уд̣̇д̇хажжаа авиж̇ж̇ааяа маанаанусаяаа бхаварааг̇аанусаяаа авиж̇ж̇аанусаяаа , д̇ад̣̇згадтзхи жа гилзсзхи б̣ахид̣̇д̇хаа жа саб̣б̣анимид̇д̇зхи жид̇д̇ам̣ вивид̇д̇ам̣ ход̇и. аяам̣ жид̇д̇авивзго.

    Katamo cittaviveko? Paṭhamaṃ jhānaṃ samāpannassa nīvaraṇehi cittaṃ vivittaṃ hoti. Dutiyaṃ jhānaṃ samāpannassa vitakkavicārehi cittaṃ vivittaṃ hoti. Tatiyaṃ jhānaṃ samāpannassa pītiyā cittaṃ vivittaṃ hoti. Catutthaṃ jhānaṃ samāpannassa sukhadukkhehi cittaṃ vivittaṃ hoti. Ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ vivittaṃ hoti. Viññāṇañcāyatanaṃ samāpannassa ākāsānañcāyatanasaññāya cittaṃ vivittaṃ hoti. Ākiñcaññāyatanaṃ samāpannassa viññāṇañcāyatanasaññāya cittaṃ vivittaṃ hoti. Nevasaññānāsaññāyatanaṃ samāpannassa ākiñcaññāyatanasaññāya cittaṃ vivittaṃ hoti. Sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā, tadekaṭṭhehi ca kilesehi cittaṃ vivittaṃ hoti. Sakadāgāmissa oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā, tadekaṭṭhehi ca kilesehi cittaṃ vivittaṃ hoti. Anāgāmissa anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā, tadekaṭṭhehi ca kilesehi cittaṃ vivittaṃ hoti. Arahato rūpārūparāgā mānā uddhaccā avijjāya mānānusayā bhavarāgānusayā avijjānusayā , tadekaṭṭhehi ca kilesehi bahiddhā ca sabbanimittehi cittaṃ vivittaṃ hoti. Ayaṃ cittaviveko.

    гад̇амо убад̇хививзго? убад̇хи вужжанд̇и гилзсаа жа канд̇хаа жа абхисан̇каараа жа. убад̇хививзго вужжад̇и амад̇ам̣ ниб̣б̣аанам̣. яо саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. аяам̣ убад̇хививзго. гааяавивзго жа вивзгадтагааяаанам̣ 3 нзгкаммаабхирад̇аанам̣, жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣, убад̇хививзго жа нируубад̇хийнам̣ буг̇г̇алаанам̣ висан̇каараг̇ад̇аанам̣.

    Katamo upadhiviveko? Upadhi vuccanti kilesā ca khandhā ca abhisaṅkhārā ca. Upadhiviveko vuccati amataṃ nibbānaṃ. Yo sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Ayaṃ upadhiviveko. Kāyaviveko ca vivekaṭṭhakāyānaṃ 4 nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirūpadhīnaṃ puggalānaṃ visaṅkhāragatānaṃ.

    д̣̇уурз вивзгаа хийд̇и. яо со звам̣ г̇ухааяам̣ сад̇д̇о, звам̣ б̣ахугзхи гилзсзхи чанно, звам̣ моханасмим̣ баг̇аал̣хо, со гааяавивзгааби д̣̇уурз, жид̇д̇авивзгааби д̣̇уурз, убад̇хививзгааби д̣̇уурз вид̣̇уурз сувид̣̇уурз на санд̇игз на сааманд̇аа анаасаннз вивзгадтз 5. д̇ат̇аавид̇ход̇и д̇аад̣̇исо д̇ассан̣тид̇о д̇аббагааро д̇аббадибхааг̇о яо со моханасмим̣ баг̇аал̣ход̇и – д̣̇уурз вивзгаа хи д̇ат̇аавид̇хо со.

    Dūrevivekā hīti. Yo so evaṃ guhāyaṃ satto, evaṃ bahukehi kilesehi channo, evaṃ mohanasmiṃ pagāḷho, so kāyavivekāpi dūre, cittavivekāpi dūre, upadhivivekāpi dūre vidūre suvidūre na santike na sāmantā anāsanne vivekaṭṭhe 6. Tathāvidhoti tādiso tassaṇṭhito tappakāro tappaṭibhāgo yo so mohanasmiṃ pagāḷhoti – dūre vivekā hi tathāvidho so.

    гаамаа хи логз на хи суббахааяаад̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа. гад̇амз вад̇т̇угаамаа? манаабигаа руубаа манаабигаа сад̣̇д̣̇аа манаабигаа г̇анд̇хаа манаабигаа расаа манаабигаа подтаб̣б̣аа, ад̇т̇аран̣аа баавуран̣аа д̣̇аасид̣̇аасаа аж̇зл̣агаа гуггудасуугараа хад̇т̇иг̇аваассавал̣аваа, кзд̇д̇ам̣ вад̇т̇у хиран̃н̃ам̣ суван̣н̣ам̣, г̇ааманиг̇амарааж̇ад̇хаанияо радтан̃жа ж̇анабад̣̇о жа госо жа годтааг̇ааран̃жа, яам̣ гин̃жи раж̇анийяам̣ вад̇т̇у – вад̇т̇угаамаа. аби жа ад̇ийд̇аа гаамаа анааг̇ад̇аа гаамаа бажжуббаннаа гаамаа, аж̇жхад̇д̇аа гаамаа б̣ахид̣̇д̇хаа гаамаа аж̇жхад̇д̇аб̣ахид̣̇д̇хаа гаамаа, хийнаа гаамаа маж̇жхимаа гаамаа бан̣ийд̇аа гаамаа, аабааяигаа гаамаа маанусигаа гаамаа д̣̇иб̣б̣аа гаамаа бажжубадтид̇аа гаамаа, ниммид̇аа гаамаа аниммид̇аа гаамаа бараниммид̇аа гаамаа, бариг̇г̇ахид̇аа гаамаа абариг̇г̇ахид̇аа гаамаа, мамааяид̇аа гаамаа амамааяид̇аа гаамаа, саб̣б̣зби гаамааважараа д̇хаммаа, саб̣б̣зби руубааважараа д̇хаммаа, саб̣б̣зби аруубааважараа д̇хаммаа, д̇ан̣хаавад̇т̇угаа д̇ан̣хаарамман̣аа гааманийяадтзна раж̇анийяадтзна мад̣̇анийяадтзна гаамаа. имз вужжанд̇и вад̇т̇угаамаа.

    Kāmā hi loke na hi suppahāyāti. Kāmāti uddānato dve kāmā – vatthukāmā ca kilesakāmā ca. Katame vatthukāmā? Manāpikā rūpā manāpikā saddā manāpikā gandhā manāpikā rasā manāpikā phoṭṭhabbā, attharaṇā pāvuraṇā dāsidāsā ajeḷakā kukkuṭasūkarā hatthigavāssavaḷavā, khettaṃ vatthu hiraññaṃ suvaṇṇaṃ, gāmanigamarājadhāniyo raṭṭhañca janapado ca koso ca koṭṭhāgārañca, yaṃ kiñci rajanīyaṃ vatthu – vatthukāmā. Api ca atītā kāmā anāgatā kāmā paccuppannā kāmā, ajjhattā kāmā bahiddhā kāmā ajjhattabahiddhā kāmā, hīnā kāmā majjhimā kāmā paṇītā kāmā, āpāyikā kāmā mānusikā kāmā dibbā kāmā paccupaṭṭhitā kāmā, nimmitā kāmā animmitā kāmā paranimmitā kāmā, pariggahitā kāmā apariggahitā kāmā, mamāyitā kāmā amamāyitā kāmā, sabbepi kāmāvacarā dhammā, sabbepi rūpāvacarā dhammā, sabbepi arūpāvacarā dhammā, taṇhāvatthukā taṇhārammaṇā kāmanīyaṭṭhena rajanīyaṭṭhena madanīyaṭṭhena kāmā. Ime vuccanti vatthukāmā.

    гад̇амз гилзсагаамаа? чанд̣̇о гаамо рааг̇о гаамо чанд̣̇арааг̇о гаамо, сан̇габбо гаамо рааг̇о гаамо сан̇габбарааг̇о гаамо, яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа гаамаснзхо гаамабарил̣аахо гаамамужчаа гаамаж̇жхосаанам̣ гаамогхо гаамаяог̇о гаамубаад̣̇аанам̣ гаамажчанд̣̇анийваран̣ам̣.

    Katame kilesakāmā? Chando kāmo rāgo kāmo chandarāgo kāmo, saṅkappo kāmo rāgo kāmo saṅkapparāgo kāmo, yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmacchandanīvaraṇaṃ.

    ‘‘ад̣̇д̣̇асам̣ гаама д̇з муулам̣, сан̇габбаа гаама ж̇ааяаси;

    ‘‘Addasaṃ kāma te mūlaṃ, saṅkappā kāma jāyasi;

    на д̇ам̣ сан̇габбаяиссаами, звам̣ гаама на хохисий’’д̇и. –

    Na taṃ saṅkappayissāmi, evaṃ kāma na hohisī’’ti. –

    имз вужжанд̇и гилзсагаамаа. логзд̇и абааяалогз мануссалогз д̣̇звалогз, канд̇халогз д̇хаад̇улогз ааяад̇аналогз. гаамаа хи логз на хи суббахааяаад̇и. гаамаа хи логз д̣̇уббахааяаа д̣̇ужжаж̇ж̇аа д̣̇уббарижжаж̇ж̇аа д̣̇унниммад̣̇аяаа д̣̇уннивзтаяаа д̣̇уб̣б̣инивзтаяаа д̣̇уд̇д̇араа д̣̇уббад̇араа д̣̇уссамад̇иггамаа д̣̇уб̣б̣инивад̇д̇аад̇и – гаамаа хи логз на хи суббахааяаа.

    Ime vuccanti kilesakāmā. Loketi apāyaloke manussaloke devaloke, khandhaloke dhātuloke āyatanaloke. Kāmā hi loke nahi suppahāyāti. Kāmā hi loke duppahāyā duccajjā duppariccajjā dunnimmadayā dunniveṭhayā dubbiniveṭhayā duttarā duppatarā dussamatikkamā dubbinivattāti – kāmā hi loke na hi suppahāyā.

    д̇знааха бхаг̇аваа –

    Tenāha bhagavā –

    ‘‘сад̇д̇о г̇ухааяам̣ б̣ахунаабхичанно, д̇идтам̣ наро моханасмим̣ баг̇аал̣хо;

    ‘‘Satto guhāyaṃ bahunābhichanno, tiṭṭhaṃ naro mohanasmiṃ pagāḷho;

    д̣̇уурз вивзгаа хи д̇ат̇аавид̇хо со, гаамаа хи логз на хи суббахааяаа’’д̇и.

    Dūre vivekā hi tathāvidho so, kāmā hi loke na hi suppahāyā’’ti.

    8.

    8.

    ижчаанид̣̇аанаа бхавасаад̇аб̣ад̣̇д̇хаа, д̇з д̣̇уббамун̃жаа на хи ан̃н̃амогкаа;

    Icchānidānā bhavasātabaddhā, te duppamuñcā na hi aññamokkhā;

    бажчаа бурз вааби абзгкамаанаа, имз ва гаамз буримз ва ж̇аббам̣.

    Pacchā pure vāpi apekkhamānā, ime va kāme purime va jappaṃ.

    ижчаанид̣̇аанаа бхавасаад̇аб̣ад̣̇д̇хаад̇и. ижчаа вужжад̇и д̇ан̣хаа. яо рааг̇о саарааг̇о анунаяо анурод̇хо нанд̣̇ий нанд̣̇ирааг̇о, жид̇д̇асса саарааг̇о ижчаа мужчаа аж̇жхосаанам̣ г̇зд̇хо балиг̇зд̇хо сан̇г̇о бан̇го, зж̇аа мааяаа ж̇анигаа сан̃ж̇ананий сиб̣б̣иний ж̇аалиний сарид̇аа висад̇д̇игаа, суд̇д̇ам̣ висадаа ааяуухиний д̣̇уд̇ияаа бан̣ид̇хи бхаванзд̇д̇и, ванам̣ ванат̇о санд̇хаво снзхо абзгкаа бадиб̣анд̇ху, аасаа аасийсанаа аасийсид̇ад̇д̇ам̣, руубаасаа сад̣̇д̣̇аасаа г̇анд̇хаасаа расаасаа подтаб̣б̣аасаа, лаабхаасаа д̇ханаасаа буд̇д̇аасаа ж̇ийвид̇аасаа , ж̇аббаа баж̇аббаа абхиж̇аббаа ж̇аббанаа ж̇аббид̇ад̇д̇ам̣ лолуббам̣ лолуббааяанаа лолуббааяид̇ад̇д̇ам̣ бужчан̃чигад̇аа саад̇хугамяад̇аа, ад̇хаммарааг̇о висамалобхо ниганд̇и нигааманаа бад̇т̇анаа биханаа самбад̇т̇анаа, гаамад̇ан̣хаа бхавад̇ан̣хаа вибхавад̇ан̣хаа, руубад̇ан̣хаа аруубад̇ан̣хаа нирод̇хад̇ан̣хаа, руубад̇ан̣хаа сад̣̇д̣̇ад̇ан̣хаа г̇анд̇хад̇ан̣хаа расад̇ан̣хаа подтаб̣б̣ад̇ан̣хаа д̇хаммад̇ан̣хаа, огхо яог̇о г̇ант̇о убаад̣̇аанам̣ ааваран̣ам̣ нийваран̣ам̣ чад̣̇анам̣ б̣анд̇ханам̣, убаггилзсо анусаяо барияудтаанам̣ лад̇аа взвижчам̣ , д̣̇угкамуулам̣ д̣̇угканид̣̇аанам̣ д̣̇угкаббабхаво маарабаасо маараб̣ал̣исам̣ маарависаяо, д̇ан̣хаанад̣̇ий д̇ан̣хааж̇аалам̣ д̇ан̣хааг̇ад̣̇д̣̇улам̣ д̇ан̣хаасамуд̣̇д̣̇о абхиж̇жхаа лобхо агусаламуулам̣. ижчаанид̣̇аанаад̇и ижчаанид̣̇аанагаа ижчаахзд̇угаа ижчаабажжаяаа ижчаагааран̣аа ижчаабабхаваад̇и – ижчаанид̣̇аанаа.

    Icchānidānā bhavasātabaddhāti. Icchā vuccati taṇhā. Yo rāgo sārāgo anunayo anurodho nandī nandirāgo, cittassa sārāgo icchā mucchā ajjhosānaṃ gedho paligedho saṅgo paṅko, ejā māyā janikā sañjananī sibbinī jālinī saritā visattikā, suttaṃ visaṭā āyūhinī dutiyā paṇidhi bhavanetti, vanaṃ vanatho sandhavo sneho apekkhā paṭibandhu, āsā āsīsanā āsīsitattaṃ, rūpāsā saddāsā gandhāsā rasāsā phoṭṭhabbāsā, lābhāsā dhanāsā puttāsā jīvitāsā , jappā pajappā abhijappā jappanā jappitattaṃ loluppaṃ loluppāyanā loluppāyitattaṃ pucchañchikatā sādhukamyatā, adhammarāgo visamalobho nikanti nikāmanā patthanā pihanā sampatthanā, kāmataṇhā bhavataṇhā vibhavataṇhā, rūpataṇhā arūpataṇhā nirodhataṇhā, rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā, ogho yogo gantho upādānaṃ āvaraṇaṃ nīvaraṇaṃ chadanaṃ bandhanaṃ, upakkileso anusayo pariyuṭṭhānaṃ latā vevicchaṃ , dukkhamūlaṃ dukkhanidānaṃ dukkhappabhavo mārapāso mārabaḷisaṃ māravisayo, taṇhānadī taṇhājālaṃ taṇhāgaddulaṃ taṇhāsamuddo abhijjhā lobho akusalamūlaṃ. Icchānidānāti icchānidānakā icchāhetukā icchāpaccayā icchākāraṇā icchāpabhavāti – icchānidānā.

    бхавасаад̇аб̣ад̣̇д̇хаад̇и. згам̣ бхавасаад̇ам̣ – сукаа взд̣̇анаа. д̣̇вз бхавасаад̇аани – сукаа жа взд̣̇анаа идтан̃жа вад̇т̇у. д̇ийн̣и бхавасаад̇аани – яоб̣б̣ан̃н̃ам̣, аарог̇яам̣, ж̇ийвид̇ам̣. жад̇д̇аари бхавасаад̇аани – лаабхо, яасо, басам̣саа, сукам̣. бан̃жа бхавасаад̇аани – манаабигаа руубаа, манаабигаа сад̣̇д̣̇аа, манаабигаа г̇анд̇хаа, манаабигаа расаа, манаабигаа подтаб̣б̣аа. ча бхавасаад̇аани – жагкусамбад̣̇аа, сод̇асамбад̣̇аа, гхаанасамбад̣̇аа, ж̇ивхаасамбад̣̇аа, гааяасамбад̣̇аа, маносамбад̣̇аа. бхавасаад̇аб̣ад̣̇д̇хаа, сукааяа взд̣̇анааяа саад̇аб̣ад̣̇д̇хаа, идтасмим̣ вад̇т̇усмим̣ б̣ад̣̇д̇хаа, яоб̣б̣ан̃н̃з б̣ад̣̇д̇хаа, аарог̇яз б̣ад̣̇д̇хаа, ж̇ийвид̇з б̣ад̣̇д̇хаа, лаабхз б̣ад̣̇д̇хаа, яасз б̣ад̣̇д̇хаа, басам̣сааяам̣ б̣ад̣̇д̇хаа, сукз б̣ад̣̇д̇хаа , манаабигзсу руубзсу б̣ад̣̇д̇хаа, сад̣̇д̣̇зсу… г̇анд̇хзсу… расзсу… манаабигзсу подтаб̣б̣зсу б̣ад̣̇д̇хаа, жагкусамбад̣̇ааяа б̣ад̣̇д̇хаа, сод̇агхаанаж̇ивхаагааяаманосамбад̣̇ааяа б̣ад̣̇д̇хаа, виб̣ад̣̇д̇хаа ааб̣ад̣̇д̇хаа лаг̇г̇аа лаг̇г̇ид̇аа балиб̣ад̣̇д̇хаад̇и – ижчаанид̣̇аанаа бхавасаад̇аб̣ад̣̇д̇хаа.

    Bhavasātabaddhāti. Ekaṃ bhavasātaṃ – sukhā vedanā. Dve bhavasātāni – sukhā ca vedanā iṭṭhañca vatthu. Tīṇi bhavasātāni – yobbaññaṃ, ārogyaṃ, jīvitaṃ. Cattāri bhavasātāni – lābho, yaso, pasaṃsā, sukhaṃ. Pañca bhavasātāni – manāpikā rūpā, manāpikā saddā, manāpikā gandhā, manāpikā rasā, manāpikā phoṭṭhabbā. Cha bhavasātāni – cakkhusampadā, sotasampadā, ghānasampadā, jivhāsampadā, kāyasampadā, manosampadā. Bhavasātabaddhā, sukhāya vedanāya sātabaddhā, iṭṭhasmiṃ vatthusmiṃ baddhā, yobbaññe baddhā, ārogye baddhā, jīvite baddhā, lābhe baddhā, yase baddhā, pasaṃsāyaṃ baddhā, sukhe baddhā , manāpikesu rūpesu baddhā, saddesu… gandhesu… rasesu… manāpikesu phoṭṭhabbesu baddhā, cakkhusampadāya baddhā, sotaghānajivhākāyamanosampadāya baddhā, vibaddhā ābaddhā laggā laggitā palibaddhāti – icchānidānā bhavasātabaddhā.

    д̇з д̣̇уббамун̃жаа на хи ан̃н̃амогкаад̇и д̇з ваа бхавасаад̇авад̇т̇уу д̣̇уббамун̃жаа, сад̇д̇аа ваа зд̇д̇о д̣̇умможаяаа. гат̇ам̣ д̇з бхавасаад̇авад̇т̇уу д̣̇уббамун̃жаа? сукаа взд̣̇анаа д̣̇уббамун̃жаа, идтам̣ вад̇т̇у д̣̇уббамун̃жам̣, яоб̣б̣ан̃н̃ам̣ д̣̇уббамун̃жам̣, аарог̇яам̣ д̣̇уббамун̃жам̣, ж̇ийвид̇ам̣ д̣̇уббамун̃жам̣, лаабхо д̣̇уббамун̃жо, яасо д̣̇уббамун̃жо, басам̣саа д̣̇уббамун̃жаа, сукам̣ д̣̇уббамун̃жам̣, манаабигаа руубаа д̣̇уббамун̃жаа, манаабигаа сад̣̇д̣̇аа… г̇анд̇хаа… расаа… подтаб̣б̣аа д̣̇уббамун̃жаа, жагкусамбад̣̇аа д̣̇уббамун̃жаа, сод̇агхаанаж̇ивхаагааяаманосамбад̣̇аа д̣̇уббамун̃жаа д̣̇умможаяаа д̣̇уббаможаяаа д̣̇уннивзтаяаа д̣̇уб̣б̣инивзтаяаа , д̣̇уд̇д̇араа д̣̇уббад̇араа д̣̇уссамад̇иггамаа д̣̇уб̣б̣инивад̇д̇аа. звам̣ д̇з бхавасаад̇авад̇т̇уу д̣̇уббамун̃жаа.

    Teduppamuñcā na hi aññamokkhāti te vā bhavasātavatthū duppamuñcā, sattā vā etto dummocayā. Kathaṃ te bhavasātavatthū duppamuñcā? Sukhā vedanā duppamuñcā, iṭṭhaṃ vatthu duppamuñcaṃ, yobbaññaṃ duppamuñcaṃ, ārogyaṃ duppamuñcaṃ, jīvitaṃ duppamuñcaṃ, lābho duppamuñco, yaso duppamuñco, pasaṃsā duppamuñcā, sukhaṃ duppamuñcaṃ, manāpikā rūpā duppamuñcā, manāpikā saddā… gandhā… rasā… phoṭṭhabbā duppamuñcā, cakkhusampadā duppamuñcā, sotaghānajivhākāyamanosampadā duppamuñcā dummocayā duppamocayā dunniveṭhayā dubbiniveṭhayā , duttarā duppatarā dussamatikkamā dubbinivattā. Evaṃ te bhavasātavatthū duppamuñcā.

    гат̇ам̣ сад̇д̇аа зд̇д̇о д̣̇умможаяаа? сукааяа взд̣̇анааяа сад̇д̇аа д̣̇умможаяаа, идтасмаа вад̇т̇усмаа д̣̇умможаяаа, яоб̣б̣ан̃н̃аа д̣̇умможаяаа, аарог̇яаа д̣̇умможаяаа, ж̇ийвид̇аа д̣̇умможаяаа, лаабхаа д̣̇умможаяаа, яасаа д̣̇умможаяаа, басам̣сааяа д̣̇умможаяаа, сукаа д̣̇умможаяаа , манаабигзхи руубзхи д̣̇умможаяаа, манаабигзхи сад̣̇д̣̇зхи… г̇анд̇хзхи… расзхи… подтаб̣б̣зхи д̣̇умможаяаа, жагкусамбад̣̇ааяа д̣̇умможаяаа, сод̇агхаанаж̇ивхаагааяаманосамбад̣̇ааяа д̣̇умможаяаа д̣̇уруд̣̇д̇хараа 7, д̣̇уссамуд̣̇д̇хараа д̣̇уб̣б̣удтаабаяаа д̣̇уссамудтаабаяаа д̣̇уннивзтаяаа д̣̇уб̣б̣инивзтаяаа д̣̇уд̇д̇араа д̣̇уббад̇араа д̣̇уссамад̇иггамаа д̣̇уб̣б̣инивад̇д̇аа. звам̣ сад̇д̇аа зд̇д̇о д̣̇умможаяаад̇и – д̇з д̣̇уббамун̃жаа.

    Kathaṃ sattā etto dummocayā? Sukhāya vedanāya sattā dummocayā, iṭṭhasmā vatthusmā dummocayā, yobbaññā dummocayā, ārogyā dummocayā, jīvitā dummocayā, lābhā dummocayā, yasā dummocayā, pasaṃsāya dummocayā, sukhā dummocayā , manāpikehi rūpehi dummocayā, manāpikehi saddehi… gandhehi… rasehi… phoṭṭhabbehi dummocayā, cakkhusampadāya dummocayā, sotaghānajivhākāyamanosampadāya dummocayā duruddharā 8, dussamuddharā dubbuṭṭhāpayā dussamuṭṭhāpayā dunniveṭhayā dubbiniveṭhayā duttarā duppatarā dussamatikkamā dubbinivattā. Evaṃ sattā etto dummocayāti – te duppamuñcā.

    на хи ан̃н̃амогкаад̇и д̇з ад̇д̇анаа балибабалибаннаа на саггонд̇и барам̣ балибабалибаннам̣ уд̣̇д̇харид̇ум̣. вуд̇д̇ан̃хзд̇ам̣ бхаг̇авад̇аа – ‘‘со вад̇а, жунд̣̇а, ад̇д̇анаа балибабалибанно барам̣ балибабалибаннам̣ уд̣̇д̇хариссад̇ийд̇и нзд̇ам̣ таанам̣ виж̇ж̇ад̇и. со вад̇а, жунд̣̇а, ад̇д̇анаа ад̣̇анд̇о авинийд̇о абариниб̣б̣уд̇о барам̣ д̣̇амзссад̇и винзссад̇и бариниб̣б̣аабзссад̇ийд̇и нзд̇ам̣ таанам̣ виж̇ж̇ад̇ий’’д̇и. звамби на хи ан̃н̃амогкаа.

    Nahi aññamokkhāti te attanā palipapalipannā na sakkonti paraṃ palipapalipannaṃ uddharituṃ. Vuttañhetaṃ bhagavatā – ‘‘so vata, cunda, attanā palipapalipanno paraṃ palipapalipannaṃ uddharissatīti netaṃ ṭhānaṃ vijjati. So vata, cunda, attanā adanto avinīto aparinibbuto paraṃ damessati vinessati parinibbāpessatīti netaṃ ṭhānaṃ vijjatī’’ti. Evampi na hi aññamokkhā.

    ат̇а ваа над̇т̇ан̃н̃о гожи можзд̇аа. д̇з яад̣̇и мун̃жзяяум̣, сагзна т̇аамзна сагзна б̣алзна сагзна вийриязна сагзна бараггамзна сагзна бурисат̇аамзна сагзна бурисаб̣алзна сагзна бурисавийриязна сагзна бурисабараггамзна ад̇д̇анаа саммаабадибад̣̇ам̣ ануломабадибад̣̇ам̣ абажжанийгабадибад̣̇ам̣ анвад̇т̇абадибад̣̇ам̣ д̇хаммаануд̇хаммабадибад̣̇ам̣ бадибаж̇ж̇амаанаа мун̃жзяяунд̇и. звамби на хи ан̃н̃амогкаа.

    Atha vā natthañño koci mocetā. Te yadi muñceyyuṃ, sakena thāmena sakena balena sakena vīriyena sakena parakkamena sakena purisathāmena sakena purisabalena sakena purisavīriyena sakena purisaparakkamena attanā sammāpaṭipadaṃ anulomapaṭipadaṃ apaccanīkapaṭipadaṃ anvatthapaṭipadaṃ dhammānudhammapaṭipadaṃ paṭipajjamānā muñceyyunti. Evampi na hi aññamokkhā.

    вуд̇д̇амби хзд̇ам̣ бхаг̇авад̇аа –

    Vuttampi hetaṃ bhagavatā –

    ‘‘наахам̣ сахиссаами баможанааяа, гат̇ам̣гат̇им̣ д̇ход̇ага гин̃жи логз;

    ‘‘Nāhaṃ sahissāmi pamocanāya, kathaṃkathiṃ dhotaka kiñci loke;

    д̇хамман̃жа сздтам̣ абхиж̇аанамаано, звам̣ д̇увам̣ огхамимам̣ д̇арзсий’’д̇и.

    Dhammañca seṭṭhaṃ abhijānamāno, evaṃ tuvaṃ oghamimaṃ taresī’’ti.

    звамби на хи ан̃н̃амогкаа.

    Evampi na hi aññamokkhā.

    вуд̇д̇амби хзд̇ам̣ бхаг̇авад̇аа –

    Vuttampi hetaṃ bhagavatā –

    ‘‘ад̇д̇анаава гад̇ам̣ баабам̣, ад̇д̇анаа сам̣гилиссад̇и;

    ‘‘Attanāva kataṃ pāpaṃ, attanā saṃkilissati;

    ад̇д̇анаа агад̇ам̣ баабам̣, ад̇д̇анаава висуж̇жхад̇и;

    Attanā akataṃ pāpaṃ, attanāva visujjhati;

    суд̣̇д̇хий асуд̣̇д̇хи бажжад̇д̇ам̣, наан̃н̃о ан̃н̃ам̣ висод̇хаяз’’д̇и.

    Suddhī asuddhi paccattaṃ, nāñño aññaṃ visodhaye’’ti.

    звамби на хи ан̃н̃амогкаа.

    Evampi na hi aññamokkhā.

    вуд̇д̇амби хзд̇ам̣ бхаг̇авад̇аа – ‘‘звамзва ко, б̣раахман̣а, д̇идтад̇зва ниб̣б̣аанам̣, д̇идтад̇и ниб̣б̣аанаг̇аамимаг̇г̇о, д̇идтаамахам̣ самаад̣̇абзд̇аа. ат̇а жа бана мама саавагаа маяаа звам̣ овад̣̇ияамаанаа звам̣ анусаасияамаанаа аббзгажжз ажжанд̇анидтам̣ ниб̣б̣аанам̣ аараад̇хзнд̇и, згажжз наараад̇хзнд̇и. зд̇т̇а гяаахам̣, б̣раахман̣а, гароми? маг̇г̇агкааяий, б̣раахман̣а, д̇ат̇ааг̇ад̇о. маг̇г̇ам̣ б̣уд̣̇д̇хо аажигкад̇и . ад̇д̇анаа бадибаж̇ж̇амаанаа мун̃жзяяу’’нд̇и. звамби на хи ан̃н̃амогкаад̇и – д̇з д̣̇уббамун̃жаа на хи ан̃н̃амогкаа.

    Vuttampi hetaṃ bhagavatā – ‘‘evameva kho, brāhmaṇa, tiṭṭhateva nibbānaṃ, tiṭṭhati nibbānagāmimaggo, tiṭṭhāmahaṃ samādapetā. Atha ca pana mama sāvakā mayā evaṃ ovadiyamānā evaṃ anusāsiyamānā appekacce accantaniṭṭhaṃ nibbānaṃ ārādhenti, ekacce nārādhenti. Ettha kyāhaṃ, brāhmaṇa, karomi? Maggakkhāyī, brāhmaṇa, tathāgato. Maggaṃ buddho ācikkhati . Attanā paṭipajjamānā muñceyyu’’nti. Evampi na hi aññamokkhāti – te duppamuñcā na hi aññamokkhā.

    бажчаа бурз вааби абзгкамаанаад̇и. бажчаа вужжад̇и анааг̇ад̇ам̣, бурз вужжад̇и ад̇ийд̇ам̣. аби жа ад̇ийд̇ам̣ убаад̣̇ааяа анааг̇ад̇ан̃жа бажжуббаннан̃жа бажчаа, анааг̇ад̇ам̣ убаад̣̇ааяа ад̇ийд̇ан̃жа бажжуббаннан̃жа бурз. гат̇ам̣ бурз абзгкам̣ гарод̇и? ‘‘звам̣руубо ахосим̣ ад̇ийд̇амад̣̇д̇хаана’’нд̇и д̇ад̇т̇а нанд̣̇им̣ саманнаанзд̇и. ‘‘звам̣взд̣̇ано ахосим̣… звам̣сан̃н̃о ахосим̣… звам̣сан̇кааро ахосим̣… звам̣вин̃н̃аан̣о ахосим̣ ад̇ийд̇амад̣̇д̇хаана’’нд̇и д̇ад̇т̇а нанд̣̇им̣ саманнаанзд̇и. звамби бурз абзгкам̣ гарод̇и.

    Pacchā pure vāpi apekkhamānāti. Pacchā vuccati anāgataṃ, pure vuccati atītaṃ. Api ca atītaṃ upādāya anāgatañca paccuppannañca pacchā, anāgataṃ upādāya atītañca paccuppannañca pure. Kathaṃ pure apekkhaṃ karoti? ‘‘Evaṃrūpo ahosiṃ atītamaddhāna’’nti tattha nandiṃ samannāneti. ‘‘Evaṃvedano ahosiṃ… evaṃsañño ahosiṃ… evaṃsaṅkhāro ahosiṃ… evaṃviññāṇo ahosiṃ atītamaddhāna’’nti tattha nandiṃ samannāneti. Evampi pure apekkhaṃ karoti.

    ат̇а ваа ‘‘ид̇и мз жагку ахоси ад̇ийд̇амад̣̇д̇хаанам̣, ид̇и руубаа’’д̇и – д̇ад̇т̇а чанд̣̇арааг̇абадиб̣ад̣̇д̇хам̣ ход̇и вин̃н̃аан̣ам̣. чанд̣̇арааг̇абадиб̣ад̣̇д̇хад̇д̇аа вин̃н̃аан̣асса д̇ад̣̇абхинанд̣̇ад̇и. д̇ад̣̇абхинанд̣̇анд̇о звамби бурз абзгкам̣ гарод̇и. ‘‘ид̇и мз сод̇ам̣ ахоси ад̇ийд̇амад̣̇д̇хаанам̣, ид̇и сад̣̇д̣̇аа’’д̇и…бз… ‘‘ид̇и мз гхаанам̣ ахоси ад̇ийд̇амад̣̇д̇хаанам̣, ид̇и г̇анд̇хаа’’д̇и… ‘‘ид̇и мз ж̇ивхаа ахоси ад̇ийд̇амад̣̇д̇хаанам̣, ид̇и расаа’’д̇и… ‘‘ид̇и мз гааяо ахоси ад̇ийд̇амад̣̇д̇хаанам̣, ид̇и подтаб̣б̣аа’’д̇и… ‘‘ид̇и мз мано ахоси ад̇ийд̇амад̣̇д̇хаанам̣, ид̇и д̇хаммаа’’д̇и – д̇ад̇т̇а чанд̣̇арааг̇абадиб̣ад̣̇д̇хам̣ ход̇и вин̃н̃аан̣ам̣. чанд̣̇арааг̇абадиб̣ад̣̇д̇хад̇д̇аа вин̃н̃аан̣асса д̇ад̣̇абхинанд̣̇ад̇и. д̇ад̣̇абхинанд̣̇анд̇о звамби бурз абзгкам̣ гарод̇и.

    Atha vā ‘‘iti me cakkhu ahosi atītamaddhānaṃ, iti rūpā’’ti – tattha chandarāgapaṭibaddhaṃ hoti viññāṇaṃ. Chandarāgapaṭibaddhattā viññāṇassa tadabhinandati. Tadabhinandanto evampi pure apekkhaṃ karoti. ‘‘Iti me sotaṃ ahosi atītamaddhānaṃ, iti saddā’’ti…pe… ‘‘iti me ghānaṃ ahosi atītamaddhānaṃ, iti gandhā’’ti… ‘‘iti me jivhā ahosi atītamaddhānaṃ, iti rasā’’ti… ‘‘iti me kāyo ahosi atītamaddhānaṃ, iti phoṭṭhabbā’’ti… ‘‘iti me mano ahosi atītamaddhānaṃ, iti dhammā’’ti – tattha chandarāgapaṭibaddhaṃ hoti viññāṇaṃ. Chandarāgapaṭibaddhattā viññāṇassa tadabhinandati. Tadabhinandanto evampi pure apekkhaṃ karoti.

    ат̇а ваа яаанисса д̇аани буб̣б̣з маад̇уг̇аамзна сад̣̇д̇хим̣ хасид̇алабид̇агийл̣ид̇аани д̇ад̣̇ассаад̣̇зд̇и д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. звамби бурз абзгкам̣ гарод̇и.

    Atha vā yānissa tāni pubbe mātugāmena saddhiṃ hasitalapitakīḷitāni tadassādeti taṃ nikāmeti, tena ca vittiṃ āpajjati. Evampi pure apekkhaṃ karoti.

    гат̇ам̣ бажчаа абзгкам̣ гарод̇и? ‘‘звам̣руубо сияам̣ анааг̇ад̇амад̣̇д̇хаана’’нд̇и д̇ад̇т̇а нанд̣̇им̣ саманнаанзд̇и. ‘‘звам̣взд̣̇ано сияам̣… звам̣сан̃н̃о сияам̣… звам̣сан̇кааро сияам̣… звам̣вин̃н̃аан̣о сияам̣ анааг̇ад̇амад̣̇д̇хаана’’нд̇и д̇ад̇т̇а нанд̣̇им̣ саманнаанзд̇и. звамби бажчаа абзгкам̣ гарод̇и.

    Kathaṃ pacchā apekkhaṃ karoti? ‘‘Evaṃrūpo siyaṃ anāgatamaddhāna’’nti tattha nandiṃ samannāneti. ‘‘Evaṃvedano siyaṃ… evaṃsañño siyaṃ… evaṃsaṅkhāro siyaṃ… evaṃviññāṇo siyaṃ anāgatamaddhāna’’nti tattha nandiṃ samannāneti. Evampi pacchā apekkhaṃ karoti.

    ат̇а ваа ‘‘ид̇и мз жагку сияаа анааг̇ад̇амад̣̇д̇хаанам̣, ид̇и руубаа’’д̇и – аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и. жзд̇асо бан̣ид̇хаанабажжаяаа д̇ад̣̇абхинанд̣̇ад̇и. д̇ад̣̇абхинанд̣̇анд̇о звамби бажчаа абзгкам̣ гарод̇и. ‘‘ид̇и мз сод̇ам̣ сияаа анааг̇ад̇амад̣̇д̇хаанам̣, ид̇и сад̣̇д̣̇аа’’д̇и… ‘‘ид̇и мз гхаанам̣ сияаа анааг̇ад̇амад̣̇д̇хаанам̣, ид̇и г̇анд̇хаа’’д̇и… ‘‘ид̇и мз ж̇ивхаа сияаа анааг̇ад̇амад̣̇д̇хаанам̣, ид̇и расаа’’д̇и… ‘‘ид̇и мз гааяо сияаа анааг̇ад̇амад̣̇д̇хаанам̣, ид̇и подтаб̣б̣аа’’д̇и… ‘‘ид̇и мз мано сияаа анааг̇ад̇амад̣̇д̇хаанам̣, ид̇и д̇хаммаа’’д̇и – аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и. жзд̇асо бан̣ид̇хаанабажжаяаа д̇ад̣̇абхинанд̣̇ад̇и. д̇ад̣̇абхинанд̣̇анд̇о звамби бажчаа абзгкам̣ гарод̇и.

    Atha vā ‘‘iti me cakkhu siyā anāgatamaddhānaṃ, iti rūpā’’ti – appaṭiladdhassa paṭilābhāya cittaṃ paṇidahati. Cetaso paṇidhānapaccayā tadabhinandati. Tadabhinandanto evampi pacchā apekkhaṃ karoti. ‘‘Iti me sotaṃ siyā anāgatamaddhānaṃ, iti saddā’’ti… ‘‘iti me ghānaṃ siyā anāgatamaddhānaṃ, iti gandhā’’ti… ‘‘iti me jivhā siyā anāgatamaddhānaṃ, iti rasā’’ti… ‘‘iti me kāyo siyā anāgatamaddhānaṃ, iti phoṭṭhabbā’’ti… ‘‘iti me mano siyā anāgatamaddhānaṃ, iti dhammā’’ti – appaṭiladdhassa paṭilābhāya cittaṃ paṇidahati. Cetaso paṇidhānapaccayā tadabhinandati. Tadabhinandanto evampi pacchā apekkhaṃ karoti.

    ат̇а ваа ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваа’’д̇и – аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и. жзд̇асо бан̣ид̇хаанабажжаяаа д̇ад̣̇абхинанд̣̇ад̇и. д̇ад̣̇абхинанд̣̇анд̇о звамби бажчаа абзгкам̣ гарод̇ийд̇и – бажчаа бурз вааби абзгкамаанаа.

    Atha vā ‘‘imināhaṃ sīlena vā vatena vā tapena vā brahmacariyena vā devo vā bhavissāmi devaññataro vā’’ti – appaṭiladdhassa paṭilābhāya cittaṃ paṇidahati. Cetaso paṇidhānapaccayā tadabhinandati. Tadabhinandanto evampi pacchā apekkhaṃ karotīti – pacchā pure vāpi apekkhamānā.

    имз ва гаамз буримз ва ж̇аббанд̇и. имз ва гаамзд̇и бажжуббаннз бан̃жа гаамаг̇ун̣з ижчанд̇аа саад̣̇ияанд̇аа бад̇т̇аяанд̇аа бихаяанд̇аа абхиж̇аббанд̇аа. буримз ва ж̇аббанд̇и ад̇ийд̇з бан̃жа гаамаг̇ун̣з ж̇аббанд̇аа баж̇аббанд̇аа абхиж̇аббанд̇аад̇и – имз ва гаамз буримз ва ж̇аббам̣.

    Ime va kāme purime va jappanti. Ime va kāmeti paccuppanne pañca kāmaguṇe icchantā sādiyantā patthayantā pihayantā abhijappantā. Purime va jappanti atīte pañca kāmaguṇe jappantā pajappantā abhijappantāti – ime va kāme purime va jappaṃ.

    д̇знааха бхаг̇аваа –

    Tenāha bhagavā –

    ‘‘ижчаанид̣̇аанаа бхавасаад̇аб̣ад̣̇д̇хаа, д̇з д̣̇уббамун̃жаа на хи ан̃н̃амогкаа;

    ‘‘Icchānidānā bhavasātabaddhā, te duppamuñcā na hi aññamokkhā;

    бажчаа бурз вааби абзгкамаанаа, имз ва гаамз буримз ва ж̇абба’’нд̇и.

    Pacchā pure vāpi apekkhamānā, ime va kāme purime va jappa’’nti.

    9.

    9.

    гаамзсу г̇ид̣̇д̇хаа басуд̇аа бамуул̣хаа, авад̣̇аанияаа д̇з висамз нивидтаа;

    Kāmesugiddhā pasutā pamūḷhā, avadāniyā te visame niviṭṭhā;

    д̣̇угкуубанийд̇аа барид̣̇зваяанд̇и, гим̣суу бхависсаама ид̇о жуд̇аасз.

    Dukkhūpanītā paridevayanti, kiṃsū bhavissāma ito cutāse.

    гаамзсу г̇ид̣̇д̇хаа басуд̇аа бамуул̣хаад̇и. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. г̇зд̇хо вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. гилзсагаамзна вад̇т̇угаамзсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа 9 лаг̇г̇аа лаг̇г̇ид̇аа балиб̣уд̣̇д̇хаад̇и – гаамзсу г̇ид̣̇д̇хаа.

    Kāmesu giddhā pasutā pamūḷhāti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Kilesakāmena vatthukāmesu rattā giddhā gadhitā mucchitā ajjhosannā 10 laggā laggitā palibuddhāti – kāmesu giddhā.

    басуд̇аад̇и язби гаамз зсанд̇и г̇авзсанд̇и бариязсанд̇и, д̇ажжарид̇аа д̇аб̣б̣ахулаа д̇аг̇г̇аругаа, д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа. язби д̇ан̣хаавасзна руубз зсанд̇и г̇авзсанд̇и бариязсанд̇и… сад̣̇д̣̇з… г̇анд̇хз… расз… подтаб̣б̣з…бз… бариязсанд̇и д̇ажжарид̇аа д̇аб̣б̣ахулаа д̇аг̇г̇аругаа, д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа . язби д̇ан̣хаавасзна руубз бадилабханд̇и… сад̣̇д̣̇з… г̇анд̇хз … расз… подтаб̣б̣з бадилабханд̇и д̇ажжарид̇аа д̇аб̣б̣ахулаа д̇аг̇г̇аругаа, д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа. язби д̇ан̣хаавасзна руубз барибхун̃ж̇анд̇и … сад̣̇д̣̇з… г̇анд̇хз… расз… подтаб̣б̣з барибхун̃ж̇анд̇и д̇ажжарид̇аа д̇аб̣б̣ахулаа д̇аг̇г̇аругаа, д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа. яат̇аа галахагаараго галахабасуд̇о, гаммагаараго гаммабасуд̇о, г̇ожарз жаранд̇о г̇ожарабасуд̇о, жхааяий жхаанабасуд̇о; звамзва язби гаамз зсанд̇и г̇авзсад̇и бариязсанд̇и, д̇ажжарид̇аа д̇аб̣б̣ахулаа д̇аг̇г̇аругаа д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа. язби д̇ан̣хаавасзна руубз зсанд̇и г̇авзсанд̇и бариязсанд̇и… сад̣̇д̣̇з… г̇анд̇хз… расз… подтаб̣б̣з…бз… бариязсанд̇и д̇ажжарид̇аа д̇аб̣б̣ахулаа д̇аг̇г̇аругаа д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа. язби д̇ан̣хаавасзна руубз бадилабханд̇и… сад̣̇д̣̇з… г̇анд̇хз… расз… подтаб̣б̣з бадилабханд̇и д̇ажжарид̇аа д̇аб̣б̣ахулаа д̇аг̇г̇аругаа, д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа. язби д̇ан̣хаавасзна руубз барибхун̃ж̇анд̇и… сад̣̇д̣̇з… г̇анд̇хз… расз… подтаб̣б̣з барибхун̃ж̇анд̇и д̇ажжарид̇аа д̇аб̣б̣ахулаа д̇аг̇г̇аругаа, д̇анниннаа д̇аббон̣аа д̇аббаб̣бхаараа д̇ад̣̇ад̇химуд̇д̇аа д̇ад̣̇ад̇хибад̇зяяаа, д̇зби гаамабасуд̇аа.

    Pasutāti yepi kāme esanti gavesanti pariyesanti, taccaritā tabbahulā taggarukā, tanninnā tappoṇā tappabbhārā tadadhimuttā tadadhipateyyā, tepi kāmapasutā. Yepi taṇhāvasena rūpe esanti gavesanti pariyesanti… sadde… gandhe… rase… phoṭṭhabbe…pe… pariyesanti taccaritā tabbahulā taggarukā, tanninnā tappoṇā tappabbhārā tadadhimuttā tadadhipateyyā, tepi kāmapasutā . Yepi taṇhāvasena rūpe paṭilabhanti… sadde… gandhe … rase… phoṭṭhabbe paṭilabhanti taccaritā tabbahulā taggarukā, tanninnā tappoṇā tappabbhārā tadadhimuttā tadadhipateyyā, tepi kāmapasutā. Yepi taṇhāvasena rūpe paribhuñjanti … sadde… gandhe… rase… phoṭṭhabbe paribhuñjanti taccaritā tabbahulā taggarukā, tanninnā tappoṇā tappabbhārā tadadhimuttā tadadhipateyyā, tepi kāmapasutā. Yathā kalahakārako kalahapasuto, kammakārako kammapasuto, gocare caranto gocarapasuto, jhāyī jhānapasuto; evameva yepi kāme esanti gavesati pariyesanti, taccaritā tabbahulā taggarukā tanninnā tappoṇā tappabbhārā tadadhimuttā tadadhipateyyā, tepi kāmapasutā. Yepi taṇhāvasena rūpe esanti gavesanti pariyesanti… sadde… gandhe… rase… phoṭṭhabbe…pe… pariyesanti taccaritā tabbahulā taggarukā tanninnā tappoṇā tappabbhārā tadadhimuttā tadadhipateyyā, tepi kāmapasutā. Yepi taṇhāvasena rūpe paṭilabhanti… sadde… gandhe… rase… phoṭṭhabbe paṭilabhanti taccaritā tabbahulā taggarukā, tanninnā tappoṇā tappabbhārā tadadhimuttā tadadhipateyyā, tepi kāmapasutā. Yepi taṇhāvasena rūpe paribhuñjanti… sadde… gandhe… rase… phoṭṭhabbe paribhuñjanti taccaritā tabbahulā taggarukā, tanninnā tappoṇā tappabbhārā tadadhimuttā tadadhipateyyā, tepi kāmapasutā.

    бамуул̣хаад̇и язбхуяязна д̣̇звамануссаа бан̃жасу гаамаг̇ун̣зсу муяханд̇и саммуяханд̇и самбамуяханд̇и муул̣хаа саммуул̣хаа самбамуул̣хаа авиж̇ж̇ааяа анд̇хийгад̇аа аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и – гаамзсу г̇ид̣̇д̇хаа басуд̇аа бамуул̣хаа.

    Pamūḷhāti yebhuyyena devamanussā pañcasu kāmaguṇesu muyhanti sammuyhanti sampamuyhanti mūḷhā sammūḷhā sampamūḷhā avijjāya andhīkatā āvutā nivutā ovutā pihitā paṭicchannā paṭikujjitāti – kāmesu giddhā pasutā pamūḷhā.

    авад̣̇аанияаа д̇з висамз нивидтаад̇и. авад̣̇аанияаад̇и аваг̇ажчанд̇ийд̇иби авад̣̇аанияаа, мажчариноби вужжанд̇и авад̣̇аанияаа, б̣уд̣̇д̇хаанам̣ саавагаанам̣ важанам̣ б̣яаббат̇ам̣ д̣̇зсанам̣ анусидтим̣ наад̣̇ияанд̇ийд̇и – авад̣̇аанияаа. гат̇ам̣ аваг̇ажчанд̇ийд̇и авад̣̇аанияаа? нираяам̣ г̇ажчанд̇и, д̇иражчаанаяоним̣ г̇ажчанд̇и, бзд̇д̇ивисаяам̣ г̇ажчанд̇ийд̇и, звам̣ ааг̇ажчанд̇ийд̇и – авад̣̇аанияаа. гат̇ам̣ мажчарино вужжанд̇и авад̣̇аанияаа? бан̃жа мажчарияаани – ааваасамажчарияам̣, гуламажчарияам̣, лаабхамажчарияам̣, ван̣н̣амажчарияам̣, д̇хаммамажчарияам̣. яам̣ зваруубам̣ мажчарияам̣ мажчарааяанаа мажчарааяид̇ад̇д̇ам̣ взвижчам̣ гад̣̇арияам̣ гадуган̃жугад̇аа аг̇г̇ахид̇ад̇д̇ам̣ жид̇д̇асса, ид̣̇ам̣ вужжад̇и мажчарияам̣. аби жа, канд̇хамажчарияамби мажчарияам̣, д̇хаад̇умажчарияамби мажчарияам̣, ааяад̇анамажчарияамби мажчарияам̣ г̇аахо. ид̣̇ам̣ вужжад̇и мажчарияам̣. иминаа мажчариязна авад̣̇ан̃н̃уд̇ааяа саманнааг̇ад̇аа ж̇анаа бамад̇д̇аа. звам̣ мажчарино вужжанд̇и авад̣̇аанияаа. гат̇ам̣ б̣уд̣̇д̇хаанам̣ саавагаанам̣ важанам̣ б̣яаббат̇ам̣ д̣̇зсанам̣ анусидтим̣ наад̣̇ияанд̇ийд̇и – авад̣̇аанияаа? б̣уд̣̇д̇хаанам̣ саавагаанам̣ важанам̣ б̣яаббат̇ам̣ д̣̇зсанам̣ анусидтим̣ на аад̣̇ияанд̇и на суссусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и, анассаваа аважанагараа бадиломавуд̇д̇ино, ан̃н̃знзва мукам̣ гаронд̇и. звам̣ б̣уд̣̇д̇хаанам̣ саавагаанам̣ 11 важанам̣ б̣яаббат̇ам̣ д̣̇зсанам̣ анусидтим̣ наад̣̇ияанд̇ийд̇и авад̣̇аанияаад̇и – авад̣̇аанияаа.

    Avadāniyā te visame niviṭṭhāti. Avadāniyāti avagacchantītipi avadāniyā, maccharinopi vuccanti avadāniyā, buddhānaṃ sāvakānaṃ vacanaṃ byappathaṃ desanaṃ anusiṭṭhiṃ nādiyantīti – avadāniyā. Kathaṃ avagacchantīti avadāniyā? Nirayaṃ gacchanti, tiracchānayoniṃ gacchanti, pettivisayaṃ gacchantīti, evaṃ āgacchantīti – avadāniyā. Kathaṃ maccharino vuccanti avadāniyā? Pañca macchariyāni – āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ. Yaṃ evarūpaṃ macchariyaṃ maccharāyanā maccharāyitattaṃ vevicchaṃ kadariyaṃ kaṭukañcukatā aggahitattaṃ cittassa, idaṃ vuccati macchariyaṃ. Api ca, khandhamacchariyampi macchariyaṃ, dhātumacchariyampi macchariyaṃ, āyatanamacchariyampi macchariyaṃ gāho. Idaṃ vuccati macchariyaṃ. Iminā macchariyena avadaññutāya samannāgatā janā pamattā. Evaṃ maccharino vuccanti avadāniyā. Kathaṃ buddhānaṃ sāvakānaṃ vacanaṃ byappathaṃ desanaṃ anusiṭṭhiṃ nādiyantīti – avadāniyā? Buddhānaṃ sāvakānaṃ vacanaṃ byappathaṃ desanaṃ anusiṭṭhiṃ na ādiyanti na sussusanti, na sotaṃ odahanti, na aññā cittaṃ upaṭṭhapenti, anassavā avacanakarā paṭilomavuttino, aññeneva mukhaṃ karonti. Evaṃ buddhānaṃ sāvakānaṃ 12 vacanaṃ byappathaṃ desanaṃ anusiṭṭhiṃ nādiyantīti avadāniyāti – avadāniyā.

    д̇з висамз нивидтаад̇и висамз гааяагаммз нивидтаа, висамз важийгаммз нивидтаа, висамз маногаммз нивидтаа, висамз баан̣аад̇ибаад̇з нивидтаа, висамз ад̣̇иннаад̣̇аанз нивидтаа, висамз гаамзсумижчаажаарз нивидтаа, висамз мусааваад̣̇з нивидтаа, висамааяа бисун̣ааяа ваажааяа нивидтаа , висамааяа парусааяа ваажааяа… висамз сампаббалаабз… висамааяа абхиж̇жхааяа нивидтаа, висамз б̣яаабаад̣̇з… висамааяа мижчаад̣̇идтияаа нивидтаа, висамзсу сан̇каарзсу нивидтаа, висамзсу бан̃жасу гаамаг̇ун̣зсу нивидтаа, висамзсу бан̃жасу нийваран̣зсу нивидтаа винивидтаа бад̇идтид̇аа аллийнаа убаг̇ад̇аа аж̇жхосид̇аа ад̇химуд̇д̇аа лаг̇г̇аа лаг̇г̇ид̇аа балиб̣уд̣̇д̇хаад̇и – авад̣̇аанияаа д̇з висамз нивидтаа.

    Te visame niviṭṭhāti visame kāyakamme niviṭṭhā, visame vacīkamme niviṭṭhā, visame manokamme niviṭṭhā, visame pāṇātipāte niviṭṭhā, visame adinnādāne niviṭṭhā, visame kāmesumicchācāre niviṭṭhā, visame musāvāde niviṭṭhā, visamāya pisuṇāya vācāya niviṭṭhā , visamāya pharusāya vācāya… visame samphappalāpe… visamāya abhijjhāya niviṭṭhā, visame byāpāde… visamāya micchādiṭṭhiyā niviṭṭhā, visamesu saṅkhāresu niviṭṭhā, visamesu pañcasu kāmaguṇesu niviṭṭhā, visamesu pañcasu nīvaraṇesu niviṭṭhā viniviṭṭhā patiṭṭhitā allīnā upagatā ajjhositā adhimuttā laggā laggitā palibuddhāti – avadāniyā te visame niviṭṭhā.

    д̣̇угкуубанийд̇аа барид̣̇зваяанд̇ийд̇и. д̣̇угкуубанийд̇аад̇и д̣̇угкаббад̇д̇аа д̣̇угкасамбад̇д̇аа д̣̇угкуубаг̇ад̇аа, маараббад̇д̇аа маарасамбад̇д̇аа мааруубаг̇ад̇аа, маран̣аббад̇д̇аа маран̣асамбад̇д̇аа маран̣уубаг̇ад̇аа. барид̣̇зваяанд̇ийд̇и лабанд̇и лаалабанд̇и 13, сожанд̇и гиламанд̇и барид̣̇званд̇и урад̇д̇аал̣им̣ ганд̣̇анд̇и саммохам̣ аабаж̇ж̇анд̇ийд̇и – д̣̇угкуубанийд̇аа барид̣̇зваяанд̇и.

    Dukkhūpanītā paridevayantīti. Dukkhūpanītāti dukkhappattā dukkhasampattā dukkhūpagatā, mārappattā mārasampattā mārūpagatā, maraṇappattā maraṇasampattā maraṇūpagatā. Paridevayantīti lapanti lālapanti 14, socanti kilamanti paridevanti urattāḷiṃ kandanti sammohaṃ āpajjantīti – dukkhūpanītā paridevayanti.

    гим̣суу бхависсаама ид̇о жуд̇аасзд̇и ид̇о жуд̇аа гим̣ бхависсаама? нзраяигаа бхависсаама, д̇иражчаанаяонигаа бхависсаама, бзд̇д̇ивисаяигаа бхависсаама, мануссаа бхависсаама, д̣̇зваа бхависсаама, руубий бхависсаама, аруубий бхависсаама, сан̃н̃ий бхависсаама, асан̃н̃ий бхависсаама, нзвасан̃н̃ийнаасан̃н̃ий бхависсаама, ‘‘бхависсаама ну ко маяам̣ анааг̇ад̇амад̣̇д̇хаанам̣, нану ко бхависсаама анааг̇ад̇амад̣̇д̇хаанам̣, гим̣ ну ко бхависсаама анааг̇ад̇амад̣̇д̇хаанам̣, гат̇ам̣ ну ко бхависсаама анааг̇ад̇амад̣̇д̇хаанам̣, гим̣ худ̇ваа гим̣ бхависсаама ну ко маяам̣ анааг̇ад̇амад̣̇д̇хаана’’нд̇и сам̣саяабагканд̣̇аа вимад̇ибагканд̣̇аа д̣̇взл̣хагаж̇аад̇аа лабанд̇и лаалабанд̇и, сожанд̇и гиламанд̇и барид̣̇званд̇и урад̇д̇аал̣им̣ ганд̣̇анд̇и саммохам̣ аабаж̇ж̇анд̇ийд̇и – гим̣суу бхависсаама ид̇о жуд̇аасз.

    Kiṃsūbhavissāma ito cutāseti ito cutā kiṃ bhavissāma? Nerayikā bhavissāma, tiracchānayonikā bhavissāma, pettivisayikā bhavissāma, manussā bhavissāma, devā bhavissāma, rūpī bhavissāma, arūpī bhavissāma, saññī bhavissāma, asaññī bhavissāma, nevasaññīnāsaññī bhavissāma, ‘‘bhavissāma nu kho mayaṃ anāgatamaddhānaṃ, nanu kho bhavissāma anāgatamaddhānaṃ, kiṃ nu kho bhavissāma anāgatamaddhānaṃ, kathaṃ nu kho bhavissāma anāgatamaddhānaṃ, kiṃ hutvā kiṃ bhavissāma nu kho mayaṃ anāgatamaddhāna’’nti saṃsayapakkhandā vimatipakkhandā dveḷhakajātā lapanti lālapanti, socanti kilamanti paridevanti urattāḷiṃ kandanti sammohaṃ āpajjantīti – kiṃsū bhavissāma ito cutāse.

    д̇знааха бхаг̇аваа –

    Tenāha bhagavā –

    ‘‘гаамзсу г̇ид̣̇д̇хаа басуд̇аа бамуул̣хаа, авад̣̇аанияаа д̇з висамз нивидтаа;

    ‘‘Kāmesu giddhā pasutā pamūḷhā, avadāniyā te visame niviṭṭhā;

    д̣̇угкуубанийд̇аа барид̣̇зваяанд̇и, гим̣суу бхависсаама ид̇о жуд̇аасз’’д̇и.

    Dukkhūpanītā paridevayanti, kiṃsū bhavissāma ito cutāse’’ti.

    10.

    10.

    д̇асмаа хи сигкзт̇а ид̇хзва ж̇анд̇у, яам̣ гин̃жи ж̇ан̃н̃аа висаманд̇и логз;

    Tasmāhi sikkhetha idheva jantu,yaṃ kiñci jaññā visamanti loke;

    на д̇асса хзд̇уу висамам̣ жарзяяа, аббан̃хид̣̇ам̣ ж̇ийвид̇амааху д̇хийраа.

    Na tassa hetū visamaṃ careyya, appañhidaṃ jīvitamāhu dhīrā.

    д̇асмаа хи сигкзт̇а ид̇хзва ж̇анд̇ууд̇и. д̇асмаад̇и д̇ам̣гааран̣аа д̇ам̣хзд̇у д̇аббажжаяаа д̇аннид̣̇аанаа, зд̇амаад̣̇ийнавам̣ самбассамаано гаамзсууд̇и – д̇асмаа. сигкзт̇аад̇и д̇иссо сигкаа – ад̇хисийласигкаа, ад̇хижид̇д̇асигкаа, ад̇хибан̃н̃аасигкаа.

    Tasmā hi sikkhetha idheva jantūti. Tasmāti taṃkāraṇā taṃhetu tappaccayā tannidānā, etamādīnavaṃ sampassamāno kāmesūti – tasmā. Sikkhethāti tisso sikkhā – adhisīlasikkhā, adhicittasikkhā, adhipaññāsikkhā.

    гад̇амаа ад̇хисийласигкаа? ид̇ха бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. куд̣̇д̣̇аго сийлагканд̇хо, маханд̇о сийлагканд̇хо, сийлам̣ бад̇идтаа аад̣̇и жаран̣ам̣ сам̣яамо сам̣варо могкам̣ баамогкам̣ гусалаанам̣ д̇хаммаанам̣ самаабад̇д̇ияаа – аяам̣ ад̇хисийласигкаа.

    Katamā adhisīlasikkhā? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu. Khuddako sīlakkhandho, mahanto sīlakkhandho, sīlaṃ patiṭṭhā ādi caraṇaṃ saṃyamo saṃvaro mokkhaṃ pāmokkhaṃ kusalānaṃ dhammānaṃ samāpattiyā – ayaṃ adhisīlasikkhā.

    гад̇амаа ад̇хижид̇д̇асигкаа? ид̇ха бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и – аяам̣ ад̇хижид̇д̇асигкаа.

    Katamā adhicittasikkhā? Idha bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati – ayaṃ adhicittasikkhā.

    гад̇амаа ад̇хибан̃н̃аасигкаа? ид̇ха бхигку бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о, арияааяа ниб̣б̣зд̇хигааяа саммаад̣̇угкагкаяаг̇ааминияаа . со ‘‘ид̣̇ам̣ д̣̇угка’’нд̇и яат̇аабхууд̇ам̣ баж̇аанаад̇и, ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и. ‘‘имз аасаваа’’д̇и яат̇аабхууд̇ам̣ баж̇аанаад̇и, ‘‘аяам̣ аасавасамуд̣̇аяо’’д̇и яат̇аабхууд̇ам̣ баж̇аанаад̇и, ‘‘аяам̣ аасаванирод̇хо’’д̇и яат̇аабхууд̇ам̣ баж̇аанаад̇и, ‘‘аяам̣ аасаванирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и – аяам̣ ад̇хибан̃н̃аасигкаа.

    Katamā adhipaññāsikkhā? Idha bhikkhu paññavā hoti udayatthagāminiyā paññāya samannāgato, ariyāya nibbedhikāya sammādukkhakkhayagāminiyā . So ‘‘idaṃ dukkha’’nti yathābhūtaṃ pajānāti, ‘‘ayaṃ dukkhasamudayo’’ti yathābhūtaṃ pajānāti, ‘‘ayaṃ dukkhanirodho’’ti yathābhūtaṃ pajānāti, ‘‘ayaṃ dukkhanirodhagāminī paṭipadā’’ti yathābhūtaṃ pajānāti. ‘‘Ime āsavā’’ti yathābhūtaṃ pajānāti, ‘‘ayaṃ āsavasamudayo’’ti yathābhūtaṃ pajānāti, ‘‘ayaṃ āsavanirodho’’ti yathābhūtaṃ pajānāti, ‘‘ayaṃ āsavanirodhagāminī paṭipadā’’ti yathābhūtaṃ pajānāti – ayaṃ adhipaññāsikkhā.

    имаа д̇иссо сигкааяо ааваж̇ж̇анд̇о сигкзяяа, ж̇аананд̇о сигкзяяа, бассанд̇о сигкзяяа , бажжавзгканд̇о сигкзяяа, жид̇д̇ам̣ ад̇хидтаханд̇о сигкзяяа, сад̣̇д̇хааяа ад̇химужжанд̇о сигкзяяа, вийрияам̣ баг̇г̇ан̣ханд̇о сигкзяяа, сад̇им̣ убадтабзнд̇о сигкзяяа, жид̇д̇ам̣ самаад̣̇аханд̇о сигкзяяа, бан̃н̃ааяа баж̇аананд̇о сигкзяяа, абхин̃н̃зяяам̣ абхиж̇аананд̇о сигкзяяа, барин̃н̃зяяам̣ бариж̇аананд̇о сигкзяяа, бахаад̇аб̣б̣ам̣ баж̇аханд̇о сигкзяяа, бхаавзд̇аб̣б̣ам̣ бхаавзнд̇о сигкзяяа , сажчигаад̇аб̣б̣ам̣ сажчигаронд̇о сигкзяяа аажарзяяа самаажарзяяа самаад̣̇ааяа вад̇д̇зяяа.

    Imā tisso sikkhāyo āvajjanto sikkheyya, jānanto sikkheyya, passanto sikkheyya , paccavekkhanto sikkheyya, cittaṃ adhiṭṭhahanto sikkheyya, saddhāya adhimuccanto sikkheyya, vīriyaṃ paggaṇhanto sikkheyya, satiṃ upaṭṭhapento sikkheyya, cittaṃ samādahanto sikkheyya, paññāya pajānanto sikkheyya, abhiññeyyaṃ abhijānanto sikkheyya, pariññeyyaṃ parijānanto sikkheyya, pahātabbaṃ pajahanto sikkheyya, bhāvetabbaṃ bhāvento sikkheyya , sacchikātabbaṃ sacchikaronto sikkheyya ācareyya samācareyya samādāya vatteyya.

    ид̇хаад̇и имиссаа д̣̇идтияаа имиссаа канд̇ияаа имиссаа ружияаа имасмим̣ аад̣̇ааяз имасмим̣ д̇хаммз имасмим̣ винаяз имасмим̣ д̇хаммавинаяз имасмим̣ бааважанз имасмим̣ б̣рахмажарияз имасмим̣ сад̇т̇усаасанз имасмим̣ ад̇д̇абхаавз имасмим̣ мануссалогз – д̇зна вужжад̇и ид̇хаад̇и. ж̇анд̇ууд̇и сад̇д̇о наро…бз… мануж̇од̇и – д̇асмаа хи сигкзт̇а ид̇хзва ж̇анд̇у.

    Idhāti imissā diṭṭhiyā imissā khantiyā imissā ruciyā imasmiṃ ādāye imasmiṃ dhamme imasmiṃ vinaye imasmiṃ dhammavinaye imasmiṃ pāvacane imasmiṃ brahmacariye imasmiṃ satthusāsane imasmiṃ attabhāve imasmiṃ manussaloke – tena vuccati idhāti. Jantūti satto naro…pe… manujoti – tasmā hi sikkhetha idheva jantu.

    яам̣ гин̃жи ж̇ан̃н̃аа висаманд̇и логзд̇и. яам̣ гин̃жийд̇и саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ барияаад̣̇ияанаважанамзд̇ам̣ 15 – яам̣ гин̃жийд̇и. висаманд̇и ж̇ан̃н̃аад̇и висамам̣ гааяагаммам̣ висаманд̇и ж̇аанзяяа, висамам̣ важийгаммам̣ висаманд̇и ж̇аанзяяа, висамам̣ маногаммам̣ висаманд̇и ж̇аанзяяа, висамам̣ баан̣аад̇ибаад̇ам̣ висамод̇и ж̇аанзяяа, висамам̣ ад̣̇иннаад̣̇аанам̣ висаманд̇и ж̇аанзяяа, висамам̣ гаамзсумижчаажаарам̣ висамод̇и ж̇аанзяяа, висамам̣ мусааваад̣̇ам̣ висамод̇и ж̇аанзяяа, висамам̣ бисун̣ам̣ ваажам̣ висамаад̇и ж̇аанзяяа, висамам̣ парусам̣ ваажам̣ висамаад̇и ж̇аанзяяа, висамам̣ сампаббалаабам̣ висамод̇и ж̇аанзяяа, висамам̣ абхиж̇жхам̣ висамаад̇и ж̇аанзяяа, висамам̣ б̣яаабаад̣̇ам̣ висамод̇и ж̇аанзяяа, висамам̣ мижчаад̣̇идтим̣ висамаад̇и ж̇аанзяяа, висамз сан̇каарз висамаад̇и ж̇аанзяяа, висамз бан̃жа гаамаг̇ун̣з висамаад̇и ж̇аанзяяа, висамз бан̃жа нийваран̣з висамаад̇и ж̇аанзяяа ааж̇аанзяяа виж̇аанзяяа бадивиж̇аанзяяа бадивиж̇жхзяяа. логзд̇и абааяалогз…бз… ааяад̇аналогзд̇и – яам̣ гин̃жи ж̇ан̃н̃аа висаманд̇и логз.

    Yaṃ kiñci jaññā visamanti loketi. Yaṃ kiñcīti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ 16 – yaṃ kiñcīti. Visamanti jaññāti visamaṃ kāyakammaṃ visamanti jāneyya, visamaṃ vacīkammaṃ visamanti jāneyya, visamaṃ manokammaṃ visamanti jāneyya, visamaṃ pāṇātipātaṃ visamoti jāneyya, visamaṃ adinnādānaṃ visamanti jāneyya, visamaṃ kāmesumicchācāraṃ visamoti jāneyya, visamaṃ musāvādaṃ visamoti jāneyya, visamaṃ pisuṇaṃ vācaṃ visamāti jāneyya, visamaṃ pharusaṃ vācaṃ visamāti jāneyya, visamaṃ samphappalāpaṃ visamoti jāneyya, visamaṃ abhijjhaṃ visamāti jāneyya, visamaṃ byāpādaṃ visamoti jāneyya, visamaṃ micchādiṭṭhiṃ visamāti jāneyya, visame saṅkhāre visamāti jāneyya, visame pañca kāmaguṇe visamāti jāneyya, visame pañca nīvaraṇe visamāti jāneyya ājāneyya vijāneyya paṭivijāneyya paṭivijjheyya. Loketi apāyaloke…pe… āyatanaloketi – yaṃ kiñci jaññā visamanti loke.

    на д̇асса хзд̇уу висамам̣ жарзяяаад̇и. висамасса гааяагаммасса хзд̇у висамам̣ на жарзяяа, висамасса важийгаммасса хзд̇у висамам̣ на жарзяяа, висамасса маногаммасса хзд̇у висамам̣ на жарзяяа, висамасса баан̣аад̇ибаад̇асса хзд̇у висамам̣ на жарзяяа, висамасса ад̣̇иннаад̣̇аанасса хзд̇у висамам̣ на жарзяяа, висамасса гаамзсумижчаажаарасса хзд̇у висамам̣ на жарзяяа, висамасса мусааваад̣̇асса хзд̇у висамам̣ на жарзяяа, висамааяа бисун̣ааяа ваажааяа хзд̇у висамам̣ на жарзяяа, висамааяа парусааяа ваажааяа хзд̇у висамам̣ на жарзяяа, висамасса сампаббалаабасса хзд̇у висамам̣ на жарзяяа, висамааяа абхиж̇жхааяа хзд̇у висамам̣ на жарзяяа, висамасса б̣яаабаад̣̇асса хзд̇у висамам̣ на жарзяяа, висамааяа мижчаад̣̇идтияаа хзд̇у висамам̣ на жарзяяа, висамаанам̣ сан̇каараанам̣ хзд̇у висамам̣ на жарзяяа, висамаанам̣ бан̃жаннам̣ гаамаг̇ун̣аанам̣ хзд̇у висамам̣ на жарзяяа, висамаанам̣ бан̃жаннам̣ нийваран̣аанам̣ хзд̇у висамам̣ на жарзяяа, висамааяа жзд̇анааяа хзд̇у висамам̣ на жарзяяа, висамааяа бад̇т̇анааяа хзд̇у висамам̣ на жарзяяа, висамааяа бан̣ид̇хияаа хзд̇у висамам̣ на жарзяяа на аажарзяяа на самаажарзяяа на самаад̣̇ааяа вад̇д̇зяяаад̇и – на д̇асса хзд̇уу висамам̣ жарзяяа.

    Na tassa hetū visamaṃ careyyāti. Visamassa kāyakammassa hetu visamaṃ na careyya, visamassa vacīkammassa hetu visamaṃ na careyya, visamassa manokammassa hetu visamaṃ na careyya, visamassa pāṇātipātassa hetu visamaṃ na careyya, visamassa adinnādānassa hetu visamaṃ na careyya, visamassa kāmesumicchācārassa hetu visamaṃ na careyya, visamassa musāvādassa hetu visamaṃ na careyya, visamāya pisuṇāya vācāya hetu visamaṃ na careyya, visamāya pharusāya vācāya hetu visamaṃ na careyya, visamassa samphappalāpassa hetu visamaṃ na careyya, visamāya abhijjhāya hetu visamaṃ na careyya, visamassa byāpādassa hetu visamaṃ na careyya, visamāya micchādiṭṭhiyā hetu visamaṃ na careyya, visamānaṃ saṅkhārānaṃ hetu visamaṃ na careyya, visamānaṃ pañcannaṃ kāmaguṇānaṃ hetu visamaṃ na careyya, visamānaṃ pañcannaṃ nīvaraṇānaṃ hetu visamaṃ na careyya, visamāya cetanāya hetu visamaṃ na careyya, visamāya patthanāya hetu visamaṃ na careyya, visamāya paṇidhiyā hetu visamaṃ na careyya na ācareyya na samācareyya na samādāya vatteyyāti – na tassa hetū visamaṃ careyya.

    аббан̃хид̣̇ам̣ ж̇ийвид̇амааху д̇хийраад̇и. ж̇ийвид̇анд̇и ааяу тид̇и яабанаа яаабанаа ирияанаа вад̇д̇анаа бааланаа ж̇ийвид̇ам̣ ж̇ийвид̇инд̣̇рияам̣. аби жа, д̣̇вийхи гааран̣зхи аббагам̣ ж̇ийвид̇ам̣ – тид̇ибарид̇д̇ад̇ааяа ваа аббагам̣ ж̇ийвид̇ам̣, сарасабарид̇д̇ад̇ааяа ваа аббагам̣ ж̇ийвид̇ам̣. гат̇ам̣ тид̇ибарид̇д̇ад̇ааяа аббагам̣ ж̇ийвид̇ам̣? ад̇ийд̇з жид̇д̇агкан̣з ж̇ийвид̇т̇а, на ж̇ийвад̇и на ж̇ийвиссад̇и; анааг̇ад̇з жид̇д̇агкан̣з ж̇ийвиссад̇и, на ж̇ийвад̇и на ж̇ийвид̇т̇а; бажжуббаннз жид̇д̇агкан̣з ж̇ийвад̇и, на ж̇ийвид̇т̇а на ж̇ийвиссад̇и.

    Appañhidaṃ jīvitamāhu dhīrāti. Jīvitanti āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ. Api ca, dvīhi kāraṇehi appakaṃ jīvitaṃ – ṭhitiparittatāya vā appakaṃ jīvitaṃ, sarasaparittatāya vā appakaṃ jīvitaṃ. Kathaṃ ṭhitiparittatāya appakaṃ jīvitaṃ? Atīte cittakkhaṇe jīvittha, na jīvati na jīvissati; anāgate cittakkhaṇe jīvissati, na jīvati na jīvittha; paccuppanne cittakkhaṇe jīvati, na jīvittha na jīvissati.

    ‘‘ж̇ийвид̇ам̣ ад̇д̇абхааво жа, сукад̣̇угкаа жа гзвалаа;

    ‘‘Jīvitaṃ attabhāvo ca, sukhadukkhā ca kevalā;

    згажид̇д̇асамааяуд̇д̇аа, лахусо вад̇д̇ад̇з кан̣о.

    Ekacittasamāyuttā, lahuso vattate khaṇo.

    ‘‘жуллаасийд̇исахассаани , габбаа д̇идтанд̇и яз маруу;

    ‘‘Cullāsītisahassāni , kappā tiṭṭhanti ye marū;

    над̇взва д̇зби ж̇ийванд̇и, д̣̇вийхи жид̇д̇зхи сам̣яуд̇аа.

    Natveva tepi jīvanti, dvīhi cittehi saṃyutā.

    ‘‘яз нируд̣̇д̇хаа маранд̇асса, д̇идтамаанасса ваа ид̇ха;

    ‘‘Ye niruddhā marantassa, tiṭṭhamānassa vā idha;

    саб̣б̣зби сад̣̇исаа канд̇хаа, г̇ад̇аа аббадисанд̇хигаа.

    Sabbepi sadisā khandhā, gatā appaṭisandhikā.

    ‘‘ананд̇араа жа яз бхаг̇г̇аа 17, яз жа бхаг̇г̇аа анааг̇ад̇аа;

    ‘‘Anantarā ca ye bhaggā 18, ye ca bhaggā anāgatā;

    д̇ад̣̇анд̇арз нируд̣̇д̇хаанам̣, взсамам̣ над̇т̇и лагкан̣з.

    Tadantare niruddhānaṃ, vesamaṃ natthi lakkhaṇe.

    ‘‘аниб̣б̣ад̇д̇зна на ж̇аад̇о, бажжуббаннзна ж̇ийвад̇и;

    ‘‘Anibbattena na jāto, paccuppannena jīvati;

    жид̇д̇абхаг̇г̇аа мад̇о лого, бан̃н̃ад̇д̇и барамад̇т̇ияаа.

    Cittabhaggā mato loko, paññatti paramatthiyā.

    ‘‘яат̇аа ниннаа бавад̇д̇анд̇и, чанд̣̇зна барин̣аамид̇аа;

    ‘‘Yathā ninnā pavattanti, chandena pariṇāmitā;

    ажчиннад̇хаараа вад̇д̇анд̇и, сал̣ааяад̇анабажжаяаа.

    Acchinnadhārā vattanti, saḷāyatanapaccayā.

    ‘‘анид̇хаанаг̇ад̇аа бхаг̇г̇аа, бун̃ж̇о над̇т̇и анааг̇ад̇з;

    ‘‘Anidhānagatā bhaggā, puñjo natthi anāgate;

    ниб̣б̣ад̇д̇аа яз жа 19 д̇идтанд̇и, аараг̇г̇з саасабуубамаа.

    Nibbattā ye ca 20 tiṭṭhanti, āragge sāsapūpamā.

    ‘‘ниб̣б̣ад̇д̇аанан̃жа д̇хаммаанам̣, бхан̇г̇о нзсам̣ бурагкад̇о;

    ‘‘Nibbattānañca dhammānaṃ, bhaṅgo nesaṃ purakkhato;

    балогад̇хаммаа д̇идтанд̇и, бураан̣зхи амиссид̇аа.

    Palokadhammā tiṭṭhanti, purāṇehi amissitā.

    ‘‘ад̣̇ассанад̇о ааяанд̇и, бхан̇г̇аа г̇ажчанд̇и д̣̇ассанам̣;

    ‘‘Adassanato āyanti, bhaṅgā gacchanti dassanaṃ;

    виж̇ж̇уббаад̣̇ова аагаасз, уббаж̇ж̇анд̇и ваяанд̇и жаа’’д̇и.

    Vijjuppādova ākāse, uppajjanti vayanti cā’’ti.

    звам̣ тид̇ибарид̇д̇ад̇ааяа аббагам̣ ж̇ийвид̇ам̣.

    Evaṃ ṭhitiparittatāya appakaṃ jīvitaṃ.

    гат̇ам̣ сарасабарид̇д̇ад̇ааяа аббагам̣ ж̇ийвид̇ам̣? ассаасуубаниб̣анд̇хам̣ ж̇ийвид̇ам̣, бассаасуубаниб̣анд̇хам̣ ж̇ийвид̇ам̣, ассаасабассаасуубаниб̣анд̇хам̣ ж̇ийвид̇ам̣, махаабхууд̇уубаниб̣анд̇хам̣ ж̇ийвид̇ам̣, габ̣ал̣ийгаараахааруубаниб̣анд̇хам̣ ж̇ийвид̇ам̣, усмуубаниб̣анд̇хам̣ ж̇ийвид̇ам̣, вин̃н̃аан̣уубаниб̣анд̇хам̣ ж̇ийвид̇ам̣. мууламби имзсам̣ д̣̇уб̣б̣алам̣, буб̣б̣ахзд̇ууби имзсам̣ д̣̇уб̣б̣алаа. яз бажжаяаа д̇зби д̣̇уб̣б̣алаа, язби бабхаавигаа д̇зби д̣̇уб̣б̣алаа. сахабхууми имзсам̣ д̣̇уб̣б̣алаа, самбаяог̇ааби имзсам̣ д̣̇уб̣б̣алаа, сахаж̇ааби имзсам̣ д̣̇уб̣б̣алаа, яааби баяож̇игаа сааби д̣̇уб̣б̣алаа, ан̃н̃аман̃н̃ам̣ имз нижжад̣̇уб̣б̣алаа, ан̃н̃аман̃н̃ам̣ анавадтид̇аа имз. ан̃н̃аман̃н̃ам̣ барибаад̇аяанд̇и имз, ан̃н̃аман̃н̃асса хи над̇т̇и д̇ааяид̇аа, на жааби табзнд̇и ан̃н̃аман̃н̃ам̣ имз. яоби ниб̣б̣ад̇д̇аго со на виж̇ж̇ад̇и.

    Kathaṃ sarasaparittatāya appakaṃ jīvitaṃ? Assāsūpanibandhaṃ jīvitaṃ, passāsūpanibandhaṃ jīvitaṃ, assāsapassāsūpanibandhaṃ jīvitaṃ, mahābhūtūpanibandhaṃ jīvitaṃ, kabaḷīkārāhārūpanibandhaṃ jīvitaṃ, usmūpanibandhaṃ jīvitaṃ, viññāṇūpanibandhaṃ jīvitaṃ. Mūlampi imesaṃ dubbalaṃ, pubbahetūpi imesaṃ dubbalā. Ye paccayā tepi dubbalā, yepi pabhāvikā tepi dubbalā. Sahabhūmi imesaṃ dubbalā, sampayogāpi imesaṃ dubbalā, sahajāpi imesaṃ dubbalā, yāpi payojikā sāpi dubbalā, aññamaññaṃ ime niccadubbalā, aññamaññaṃ anavaṭṭhitā ime. Aññamaññaṃ paripātayanti ime, aññamaññassa hi natthi tāyitā, na cāpi ṭhapenti aññamaññaṃ ime. Yopi nibbattako so na vijjati.

    ‘‘на жа гзнажи гожи хааяад̇и, г̇анд̇хаб̣б̣аа жа имз хи саб̣б̣асо;

    ‘‘Na ca kenaci koci hāyati, gandhabbā ca ime hi sabbaso;

    буримзхи бабхаавигаа имз, язби бабхаавигаа д̇з бурз мад̇аа;

    Purimehi pabhāvikā ime, yepi pabhāvikā te pure matā;

    буримааби жа бажчимааби жа, ан̃н̃аман̃н̃ам̣ на гад̣̇аажи мад̣̇д̣̇асам̣суу’’д̇и.

    Purimāpi ca pacchimāpi ca, aññamaññaṃ na kadāci maddasaṃsū’’ti.

    звам̣ сарасабарид̇д̇ад̇ааяа аббагам̣ ж̇ийвид̇ам̣.

    Evaṃ sarasaparittatāya appakaṃ jīvitaṃ.

    аби жа жаад̇умахаарааж̇игаанам̣ д̣̇зваанам̣ ж̇ийвид̇ам̣ убаад̣̇ааяа мануссаанам̣ аббагам̣ ж̇ийвид̇ам̣ барид̇д̇агам̣ ж̇ийвид̇ам̣ т̇огам̣ 21 ж̇ийвид̇ам̣ кан̣игам̣ ж̇ийвид̇ам̣ лахугам̣ ж̇ийвид̇ам̣ ид̇д̇арам̣ ж̇ийвид̇ам̣ анад̣̇д̇ханийяам̣ ж̇ийвид̇ам̣ нажирадтид̇игам̣ ж̇ийвид̇ам̣. д̇аавад̇им̣саанам̣ д̣̇зваанам̣…бз… яаамаанам̣ д̣̇зваанам̣… д̇усид̇аанам̣ д̣̇зваанам̣… ниммаанарад̇ийнам̣ д̣̇зваанам̣… бараниммид̇авасавад̇д̇ийнам̣ д̣̇зваанам̣… б̣рахмагааяигаанам̣ д̣̇зваанам̣ ж̇ийвид̇ам̣ убаад̣̇ааяа мануссаанам̣ аббагам̣ ж̇ийвид̇ам̣ барид̇д̇агам̣ ж̇ийвид̇ам̣ т̇огам̣ ж̇ийвид̇ам̣ кан̣игам̣ ж̇ийвид̇ам̣ лахугам̣ ж̇ийвид̇ам̣ ид̇д̇арам̣ ж̇ийвид̇ам̣ анад̣̇д̇ханийяам̣ ж̇ийвид̇ам̣ нажирадтид̇игам̣ ж̇ийвид̇ам̣.

    Api ca cātumahārājikānaṃ devānaṃ jīvitaṃ upādāya manussānaṃ appakaṃ jīvitaṃ parittakaṃ jīvitaṃ thokaṃ 22 jīvitaṃ khaṇikaṃ jīvitaṃ lahukaṃ jīvitaṃ ittaraṃ jīvitaṃ anaddhanīyaṃ jīvitaṃ naciraṭṭhitikaṃ jīvitaṃ. Tāvatiṃsānaṃ devānaṃ…pe… yāmānaṃ devānaṃ… tusitānaṃ devānaṃ… nimmānaratīnaṃ devānaṃ… paranimmitavasavattīnaṃ devānaṃ… brahmakāyikānaṃ devānaṃ jīvitaṃ upādāya manussānaṃ appakaṃ jīvitaṃ parittakaṃ jīvitaṃ thokaṃ jīvitaṃ khaṇikaṃ jīvitaṃ lahukaṃ jīvitaṃ ittaraṃ jīvitaṃ anaddhanīyaṃ jīvitaṃ naciraṭṭhitikaṃ jīvitaṃ.

    вуд̇д̇ан̃хзд̇ам̣ бхаг̇авад̇аа –

    Vuttañhetaṃ bhagavatā –

    ‘‘аббамид̣̇ам̣ , бхигкавз, мануссаанам̣ ааяу. г̇аманияо самбарааяо манд̇ааяа б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣. яо, бхигкавз, жирам̣ ж̇ийвад̇и со вассасад̇ам̣ аббам̣ ваа бхияяо’’.

    ‘‘Appamidaṃ , bhikkhave, manussānaṃ āyu. Gamaniyo samparāyo mantāya boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ. Yo, bhikkhave, ciraṃ jīvati so vassasataṃ appaṃ vā bhiyyo’’.

    ‘‘аббамааяу мануссаанам̣, хийл̣зяяа нам̣ суборисо;

    ‘‘Appamāyu manussānaṃ, hīḷeyya naṃ suporiso;

    жарзяяаад̣̇ид̇д̇асийсова над̇т̇и мажжуссанааг̇амо.

    Careyyādittasīsova natthi maccussanāgamo.

    ‘‘ажжаяанд̇и ахорад̇д̇аа, ж̇ийвид̇ам̣ убаруж̇жхад̇и;

    ‘‘Accayanti ahorattā, jīvitaṃ uparujjhati;

    ааяу кияяад̇и мажжаанам̣, гуннад̣̇ийнам̣ва од̣̇ага’’нд̇и.

    Āyu khiyyati maccānaṃ, kunnadīnaṃva odaka’’nti.

    аббан̃хид̣̇ам̣ ж̇ийвид̇амааху д̇хийраад̇и. д̇хийраад̇и д̇хийраа, д̇хид̇имаад̇и д̇хийраа, д̇хид̇исамбаннаад̇и д̇хийраа, д̇хийгад̇абаабаад̇и д̇хийраа. д̇хий вужжад̇и бан̃н̃аа. яаа бан̃н̃аа баж̇аананаа вижаяо бавижаяо д̇хаммавижаяо саллагкан̣аа убалагкан̣аа бажжубалагкан̣аа бан̣д̣ижжам̣ госаллам̣ нзбун̃н̃ам̣ взбхаб̣яаа жинд̇аа убабаригкаа бхуури мзд̇хаа барин̣ааяигаа вибассанаа самбаж̇ан̃н̃ам̣ бад̇од̣̇о бан̃н̃аа бан̃н̃инд̣̇рияам̣ бан̃н̃ааб̣алам̣ бан̃н̃аасад̇т̇ам̣ бан̃н̃аабаасаад̣̇о бан̃н̃аааалого бан̃н̃ааобхаасо бан̃н̃аабаж̇ж̇од̇о бан̃н̃аарад̇анам̣ амохо д̇хаммавижаяо саммаад̣̇идти, д̇ааяа бан̃н̃ааяа саманнааг̇ад̇ад̇д̇аа д̇хийраа. аби жа канд̇хад̇хийраа д̇хаад̇уд̇хийраа ааяад̇анад̇хийраа, бадижжасамуббаад̣̇ад̇хийраа сад̇ибадтаанад̇хийраа саммаббад̇хаанад̇хийраа ид̣̇д̇хибаад̣̇ад̇хийраа, инд̣̇рияад̇хийраа б̣алад̇хийраа б̣ож̇жхан̇г̇ад̇хийраа маг̇г̇ад̇хийраа палад̇хийраа ниб̣б̣аанад̇хийраа. д̇з д̇хийраа звамаахам̣су – ‘‘мануссаанам̣ аббагам̣ ж̇ийвид̇ам̣, барид̇д̇агам̣ ж̇ийвид̇ам̣ , т̇огам̣ ж̇ийвид̇ам̣, кан̣игам̣ ж̇ийвид̇ам̣, лахугам̣ ж̇ийвид̇ам̣, ид̇д̇арам̣ ж̇ийвид̇ам̣, анад̣̇д̇ханийяам̣ ж̇ийвид̇ам̣, нажирадтид̇игам̣ ж̇ийвид̇а’’нд̇и. звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – аббан̃хид̣̇ам̣ ж̇ийвид̇амааху д̇хийраа.

    Appañhidaṃ jīvitamāhu dhīrāti. Dhīrāti dhīrā, dhitimāti dhīrā, dhitisampannāti dhīrā, dhīkatapāpāti dhīrā. Dhī vuccati paññā. Yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūri medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi, tāya paññāya samannāgatattā dhīrā. Api ca khandhadhīrā dhātudhīrā āyatanadhīrā, paṭiccasamuppādadhīrā satipaṭṭhānadhīrā sammappadhānadhīrā iddhipādadhīrā, indriyadhīrā baladhīrā bojjhaṅgadhīrā maggadhīrā phaladhīrā nibbānadhīrā. Te dhīrā evamāhaṃsu – ‘‘manussānaṃ appakaṃ jīvitaṃ, parittakaṃ jīvitaṃ , thokaṃ jīvitaṃ, khaṇikaṃ jīvitaṃ, lahukaṃ jīvitaṃ, ittaraṃ jīvitaṃ, anaddhanīyaṃ jīvitaṃ, naciraṭṭhitikaṃ jīvita’’nti. Evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – appañhidaṃ jīvitamāhu dhīrā.

    д̇знааха бхаг̇аваа –

    Tenāha bhagavā –

    ‘‘д̇асмаа хи сигкзт̇а ид̇хзва ж̇анд̇у, яам̣ гин̃жи ж̇ан̃н̃аа висаманд̇и логз;

    ‘‘Tasmā hi sikkhetha idheva jantu, yaṃ kiñci jaññā visamanti loke;

    на д̇асса хзд̇уу висамам̣ жарзяяа, аббан̃хид̣̇ам̣ ж̇ийвид̇амааху д̇хийраа’’д̇и.

    Na tassa hetū visamaṃ careyya, appañhidaṃ jīvitamāhu dhīrā’’ti.

    11.

    11.

    бассаами логз барипанд̣̇амаанам̣, баж̇ам̣ имам̣ д̇ан̣хаг̇ад̇ам̣ бхавзсу;

    Passāmiloke pariphandamānaṃ, pajaṃ imaṃ taṇhagataṃ bhavesu;

    хийнаа нараа мажжумукз лабанд̇и, авийд̇ад̇ан̣хаасз бхаваабхавзсу.

    Hīnā narā maccumukhe lapanti, avītataṇhāse bhavābhavesu.

    бассаами логз барипанд̣̇амаананд̇и. бассаамийд̇и мам̣сажагкунааби бассаами, д̣̇иб̣б̣ажагкунааби бассаами, бан̃н̃аажагкунааби бассаами, б̣уд̣̇д̇хажагкунааби бассаами, саманд̇ажагкунааби бассаами д̣̇агкаами ологзми ниж̇жхааяаами убабаригкаами. логзд̇и абааяалогз мануссалогз д̣̇звалогз канд̇халогз д̇хаад̇улогз ааяад̇аналогз.

    Passāmiloke pariphandamānanti. Passāmīti maṃsacakkhunāpi passāmi, dibbacakkhunāpi passāmi, paññācakkhunāpi passāmi, buddhacakkhunāpi passāmi, samantacakkhunāpi passāmi dakkhāmi olokemi nijjhāyāmi upaparikkhāmi. Loketi apāyaloke manussaloke devaloke khandhaloke dhātuloke āyatanaloke.

    барипанд̣̇амаананд̇и д̇ан̣хаапанд̣̇анааяа панд̣̇амаанам̣, д̣̇идтипанд̣̇анааяа панд̣̇амаанам̣, гилзсапанд̣̇анааяа панд̣̇амаанам̣, баяог̇апанд̣̇анааяа панд̣̇амаанам̣, вибаагапанд̣̇анааяа панд̣̇амаанам̣, д̣̇ужжарид̇апанд̣̇анааяа панд̣̇амаанам̣, рад̇д̇ам̣ рааг̇зна панд̣̇амаанам̣, д̣̇удтам̣ д̣̇осзна панд̣̇амаанам̣, муул̣хам̣ мохзна панд̣̇амаанам̣, виниб̣ад̣̇д̇хам̣ маанзна панд̣̇амаанам̣, бараамадтам̣ д̣̇идтияаа панд̣̇амаанам̣, вигкзбаг̇ад̇ам̣ уд̣̇д̇хажжзна панд̣̇амаанам̣, анидтан̇г̇ад̇ам̣ вижигижчааяа панд̣̇амаанам̣, т̇аамаг̇ад̇ам̣ анусаязхи панд̣̇амаанам̣, лаабхзна панд̣̇амаанам̣, алаабхзна панд̣̇амаанам̣, яасзна панд̣̇амаанам̣, аяасзна панд̣̇амаанам̣, басам̣сааяа панд̣̇амаанам̣, нинд̣̇ааяа панд̣̇амаанам̣, сукзна панд̣̇амаанам̣, д̣̇угкзна панд̣̇амаанам̣, ж̇аад̇ияаа панд̣̇амаанам̣, ж̇арааяа панд̣̇амаанам̣, б̣яаад̇хинаа панд̣̇амаанам̣, маран̣зна панд̣̇амаанам̣, согабарид̣̇звад̣̇угкад̣̇оманассубааяаасзхи панд̣̇амаанам̣, нзраяигзна д̣̇угкзна панд̣̇амаанам̣, д̇иражчаанаяонигзна д̣̇угкзна панд̣̇амаанам̣, бзд̇д̇ивисаяигзна д̣̇угкзна панд̣̇амаанам̣, маанусигзна д̣̇угкзна панд̣̇амаанам̣, г̇аб̣бхогганд̇имуулагзна д̣̇угкзна панд̣̇амаанам̣, г̇аб̣бхз тид̇имуулагзна д̣̇угкзна панд̣̇амаанам̣, г̇аб̣бхаа вудтаанамуулагзна д̣̇угкзна панд̣̇амаанам̣, ж̇аад̇ассуубаниб̣анд̇хагзна д̣̇угкзна панд̣̇амаанам̣, ж̇аад̇асса бараад̇хзяяагзна д̣̇угкзна панд̣̇амаанам̣, ад̇д̇уубаггамзна д̣̇угкзна панд̣̇амаанам̣, баруубаггамзна д̣̇угкзна панд̣̇амаанам̣, д̣̇угкад̣̇угкзна панд̣̇амаанам̣, сан̇каарад̣̇угкзна панд̣̇амаанам̣, вибарин̣аамад̣̇угкзна панд̣̇амаанам̣, жагкурог̇зна д̣̇угкзна панд̣̇амаанам̣, сод̇арог̇зна д̣̇угкзна панд̣̇амаанам̣, гхаанарог̇зна д̣̇угкзна…бз… ж̇ивхаарог̇зна… гааяарог̇зна… сийсарог̇зна… ган̣н̣арог̇зна… мукарог̇зна… д̣̇анд̇арог̇зна… гаасзна… саасзна… бинаасзна… д̣̇аахзна… ж̇арзна… гужчирог̇зна… мужчааяа… багканд̣̇игааяа… суулааяа … висужигааяа… гудтзна… г̇ан̣д̣зна… гилаасзна… сосзна… абамаарзна… д̣̇ад̣̇д̣̇уяаа… ган̣д̣уяаа… гажчуяаа… ракасааяа… вид̇ажчигааяа… лохид̇зна… бид̇д̇зна… мад̇хумзхзна… ам̣сааяа… бил̣агааяа… бхаг̇анд̣̇алзна 23 … бид̇д̇асамудтаанзна ааб̣аад̇хзна… сзмхасамудтаанзна ааб̣аад̇хзна… ваад̇асамудтаанзна ааб̣аад̇хзна… саннибаад̇игзна ааб̣аад̇хзна… уд̇убарин̣аамаж̇зна ааб̣аад̇хзна… висамабарихаараж̇зна ааб̣аад̇хзна… обаггамигзна ааб̣аад̇хзна … гаммавибаагаж̇зна ааб̣аад̇хзна… сийд̇зна… ун̣хзна… ж̇игхажчааяа… бибаасааяа … ужжаарзна… бассаавзна… д̣ам̣самагасаваад̇аад̇абасарийсабасампассзна д̣̇угкзна… маад̇умаран̣зна д̣̇угкзна… бид̇умаран̣зна д̣̇угкзна… бхаад̇умаран̣зна д̣̇угкзна… бхаг̇инимаран̣зна д̣̇угкзна… буд̇д̇амаран̣зна д̣̇угкзна… д̇хийд̇умаран̣зна д̣̇угкзна… н̃аад̇иб̣яасанзна… бхог̇аб̣яасанзна… рог̇аб̣яасанзна… сийлаб̣яасанзна… д̣̇идтиб̣яасанзна д̣̇угкзна панд̣̇амаанам̣ сампанд̣̇амаанам̣ вибпанд̣̇амаанам̣ взд̇хамаанам̣ бавзд̇хамаанам̣ самбавзд̇хамаанам̣ бассаами д̣̇агкаами ологзми ниж̇жхааяаами убабаригкаамийд̇и – бассаами логз барипанд̣̇амаанам̣.

    Pariphandamānanti taṇhāphandanāya phandamānaṃ, diṭṭhiphandanāya phandamānaṃ, kilesaphandanāya phandamānaṃ, payogaphandanāya phandamānaṃ, vipākaphandanāya phandamānaṃ, duccaritaphandanāya phandamānaṃ, rattaṃ rāgena phandamānaṃ, duṭṭhaṃ dosena phandamānaṃ, mūḷhaṃ mohena phandamānaṃ, vinibaddhaṃ mānena phandamānaṃ, parāmaṭṭhaṃ diṭṭhiyā phandamānaṃ, vikkhepagataṃ uddhaccena phandamānaṃ, aniṭṭhaṅgataṃ vicikicchāya phandamānaṃ, thāmagataṃ anusayehi phandamānaṃ, lābhena phandamānaṃ, alābhena phandamānaṃ, yasena phandamānaṃ, ayasena phandamānaṃ, pasaṃsāya phandamānaṃ, nindāya phandamānaṃ, sukhena phandamānaṃ, dukkhena phandamānaṃ, jātiyā phandamānaṃ, jarāya phandamānaṃ, byādhinā phandamānaṃ, maraṇena phandamānaṃ, sokaparidevadukkhadomanassupāyāsehi phandamānaṃ, nerayikena dukkhena phandamānaṃ, tiracchānayonikena dukkhena phandamānaṃ, pettivisayikena dukkhena phandamānaṃ, mānusikena dukkhena phandamānaṃ, gabbhokkantimūlakena dukkhena phandamānaṃ, gabbhe ṭhitimūlakena dukkhena phandamānaṃ, gabbhā vuṭṭhānamūlakena dukkhena phandamānaṃ, jātassūpanibandhakena dukkhena phandamānaṃ, jātassa parādheyyakena dukkhena phandamānaṃ, attūpakkamena dukkhena phandamānaṃ, parūpakkamena dukkhena phandamānaṃ, dukkhadukkhena phandamānaṃ, saṅkhāradukkhena phandamānaṃ, vipariṇāmadukkhena phandamānaṃ, cakkhurogena dukkhena phandamānaṃ, sotarogena dukkhena phandamānaṃ, ghānarogena dukkhena…pe… jivhārogena… kāyarogena… sīsarogena… kaṇṇarogena… mukharogena… dantarogena… kāsena… sāsena… pināsena… dāhena… jarena… kucchirogena… mucchāya… pakkhandikāya… sūlāya … visucikāya… kuṭṭhena… gaṇḍena… kilāsena… sosena… apamārena… dadduyā… kaṇḍuyā… kacchuyā… rakhasāya… vitacchikāya… lohitena… pittena… madhumehena… aṃsāya… piḷakāya… bhagandalena 24 … pittasamuṭṭhānena ābādhena… semhasamuṭṭhānena ābādhena… vātasamuṭṭhānena ābādhena… sannipātikena ābādhena… utupariṇāmajena ābādhena… visamaparihārajena ābādhena… opakkamikena ābādhena … kammavipākajena ābādhena… sītena… uṇhena… jighacchāya… pipāsāya … uccārena… passāvena… ḍaṃsamakasavātātapasarīsapasamphassena dukkhena… mātumaraṇena dukkhena… pitumaraṇena dukkhena… bhātumaraṇena dukkhena… bhaginimaraṇena dukkhena… puttamaraṇena dukkhena… dhītumaraṇena dukkhena… ñātibyasanena… bhogabyasanena… rogabyasanena… sīlabyasanena… diṭṭhibyasanena dukkhena phandamānaṃ samphandamānaṃ vipphandamānaṃ vedhamānaṃ pavedhamānaṃ sampavedhamānaṃ passāmi dakkhāmi olokemi nijjhāyāmi upaparikkhāmīti – passāmi loke pariphandamānaṃ.

    баж̇ам̣ имам̣ д̇ан̣хаг̇ад̇ам̣ бхавзсууд̇и. баж̇аад̇и сад̇д̇аад̇хиважанам̣. д̇ан̣хаад̇и руубад̇ан̣хаа, сад̣̇д̣̇ад̇ан̣хаа, г̇анд̇хад̇ан̣хаа, расад̇ан̣хаа, подтаб̣б̣ад̇ан̣хаа, д̇хаммад̇ан̣хаа. д̇ан̣хаг̇ад̇анд̇и д̇ан̣хааг̇ад̇ам̣ д̇ан̣хаануг̇ад̇ам̣ д̇ан̣хааяаанусадам̣ д̇ан̣хааяаасаннам̣ д̇ан̣хааяа баад̇ид̇ам̣ абхибхууд̇ам̣ барияаад̣̇иннажид̇д̇ам̣ . бхавзсууд̇и гаамабхавз руубабхавз аруубабхавзд̇и – баж̇ам̣ имам̣ д̇ан̣хаг̇ад̇ам̣ бхавзсу.

    Pajaṃ imaṃ taṇhagataṃ bhavesūti. Pajāti sattādhivacanaṃ. Taṇhāti rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā. Taṇhagatanti taṇhāgataṃ taṇhānugataṃ taṇhāyānusaṭaṃ taṇhāyāsannaṃ taṇhāya pātitaṃ abhibhūtaṃ pariyādinnacittaṃ . Bhavesūti kāmabhave rūpabhave arūpabhaveti – pajaṃ imaṃ taṇhagataṃ bhavesu.

    хийнаа нараа мажжумукз лабанд̇ийд̇и. хийнаа нараад̇и хийнаа нараа хийнзна гааяагаммзна саманнааг̇ад̇аад̇и хийнаа нараа, хийнзна важийгаммзна саманнааг̇ад̇аад̇и хийнаа нараа, хийнзна маногаммзна саманнааг̇ад̇аад̇и хийнаа нараа, хийнзна баан̣аад̇ибаад̇зна саманнааг̇ад̇аад̇и хийнаа нараа, хийнзна ад̣̇иннаад̣̇аанзна…бз… хийнзна гаамзсумижчаажаарзна… хийнзна мусааваад̣̇зна… хийнааяа бисун̣ааяа ваажааяа… хийнааяа парусааяа ваажааяа… хийнзна сампаббалаабзна… хийнааяа абхиж̇жхааяа… хийнзна б̣яаабаад̣̇зна… хийнааяа мижчаад̣̇идтияаа… хийнзхи сан̇каарзхи… хийнзхи бан̃жахи гаамаг̇ун̣зхи нийваран̣зхи… хийнааяа жзд̇анааяа… хийнааяа бад̇т̇анааяа… хийнааяа бан̣ид̇хияаа саманнааг̇ад̇аад̇и хийнаа нараа хийнаа нихийнаа охийнаа омагаа лаамагаа чад̇уггаа барид̇д̇аад̇и – хийнаа нараа. мажжумукз лабанд̇ийд̇и. мажжумукзд̇и маарамукз маран̣амукз, мажжуббад̇д̇аа мажжусамбад̇д̇аа мажжуубааг̇ад̇аа, маараббад̇д̇аа маарасамбад̇д̇аа мааруубааг̇ад̇аа, маран̣аббад̇д̇аа маран̣асамбад̇д̇аа маран̣уубааг̇ад̇аа лабанд̇и лаалабанд̇и сожанд̇и гиламанд̇и барид̣̇званд̇и урад̇д̇аал̣им̣ ганд̣̇анд̇и саммохам̣ аабаж̇ж̇анд̇ийд̇и – хийнаа нараа мажжумукз лабанд̇и.

    Hīnā narā maccumukhe lapantīti. Hīnā narāti hīnā narā hīnena kāyakammena samannāgatāti hīnā narā, hīnena vacīkammena samannāgatāti hīnā narā, hīnena manokammena samannāgatāti hīnā narā, hīnena pāṇātipātena samannāgatāti hīnā narā, hīnena adinnādānena…pe… hīnena kāmesumicchācārena… hīnena musāvādena… hīnāya pisuṇāya vācāya… hīnāya pharusāya vācāya… hīnena samphappalāpena… hīnāya abhijjhāya… hīnena byāpādena… hīnāya micchādiṭṭhiyā… hīnehi saṅkhārehi… hīnehi pañcahi kāmaguṇehi nīvaraṇehi… hīnāya cetanāya… hīnāya patthanāya… hīnāya paṇidhiyā samannāgatāti hīnā narā hīnā nihīnā ohīnā omakā lāmakā chatukkā parittāti – hīnā narā. Maccumukhe lapantīti. Maccumukheti māramukhe maraṇamukhe, maccuppattā maccusampattā maccūpāgatā, mārappattā mārasampattā mārūpāgatā, maraṇappattā maraṇasampattā maraṇūpāgatā lapanti lālapanti socanti kilamanti paridevanti urattāḷiṃ kandanti sammohaṃ āpajjantīti – hīnā narā maccumukhe lapanti.

    авийд̇ад̇ан̣хаасз бхаваабхавзсууд̇и. д̇ан̣хаад̇и руубад̇ан̣хаа…бз… д̇хаммад̇ан̣хаа. бхаваабхавзсууд̇и бхаваабхавз гаммабхавз бунаб̣бхавз гаамабхавз , гаммабхавз гаамабхавз бунаб̣бхавз руубабхавз, гаммабхавз руубабхавз бунаб̣бхавз аруубабхавз, гаммабхавз аруубабхавз бунаб̣бхавз бунаббунаб̣бхавз, бунаббунаг̇ад̇ияаа бунаббунаубабад̇д̇ияаа бунаббунабадисанд̇хияаа бунаббунаад̇д̇абхааваабхиниб̣б̣ад̇д̇ияаа, авийд̇ад̇ан̣хаа авиг̇ад̇ад̇ан̣хаа ажад̇д̇ад̇ан̣хаа аванд̇ад̇ан̣хаа. амуд̇д̇ад̇ан̣хаа аббахийнад̇ан̣хаа аббадиниссадтад̇ан̣хаад̇и – авийд̇ад̇ан̣хаасз бхаваабхавзсу.

    Avītataṇhāse bhavābhavesūti. Taṇhāti rūpataṇhā…pe… dhammataṇhā. Bhavābhavesūti bhavābhave kammabhave punabbhave kāmabhave , kammabhave kāmabhave punabbhave rūpabhave, kammabhave rūpabhave punabbhave arūpabhave, kammabhave arūpabhave punabbhave punappunabbhave, punappunagatiyā punappunaupapattiyā punappunapaṭisandhiyā punappunaattabhāvābhinibbattiyā, avītataṇhā avigatataṇhā acattataṇhā avantataṇhā. Amuttataṇhā appahīnataṇhā appaṭinissaṭṭhataṇhāti – avītataṇhāse bhavābhavesu.

    д̇знааха бхаг̇аваа –

    Tenāha bhagavā –

    ‘‘бассаами логз барипанд̣̇амаанам̣, баж̇ам̣ имам̣ д̇ан̣хаг̇ад̇ам̣ бхавзсу;

    ‘‘Passāmi loke pariphandamānaṃ, pajaṃ imaṃ taṇhagataṃ bhavesu;

    хийнаа нараа мажжумукз лабанд̇и, авийд̇ад̇ан̣хаасз бхаваабхавзсуу’’д̇и.

    Hīnā narā maccumukhe lapanti, avītataṇhāse bhavābhavesū’’ti.

    12.

    12.

    мамааяид̇з бассат̇а панд̣̇амаанз, мажчзва 25 аббод̣̇агз кийн̣асод̇з;

    Mamāyite passatha phandamāne,maccheva26appodake khīṇasote;

    зд̇амби д̣̇исваа амамо жарзяяа, бхавзсу аасад̇д̇имагуб̣б̣амаано.

    Etampi disvā amamo careyya, bhavesu āsattimakubbamāno.

    мамааяид̇з бассат̇а панд̣̇амаанзд̇и. мамад̇д̇аад̇и д̣̇вз мамад̇д̇аа – д̇ан̣хаамамад̇д̇ан̃жа д̣̇идтимамад̇д̇ан̃жа. гад̇амам̣ д̇ан̣хаамамад̇д̇ам̣? яаавад̇аа д̇ан̣хаасан̇каад̇зна сиймагад̇ам̣ марияаад̣̇игад̇ам̣ од̇хигад̇ам̣ барияанд̇агад̇ам̣ бариг̇г̇ахид̇ам̣ мамааяид̇ам̣. ид̣̇ам̣ мамам̣, зд̇ам̣ мамам̣, зд̇д̇агам̣ мамам̣, зд̇д̇аавад̇аа мамам̣, мама руубаа сад̣̇д̣̇аа г̇анд̇хаа расаа подтаб̣б̣аа, ад̇т̇аран̣аа баавуран̣аа д̣̇аасид̣̇аасаа аж̇зл̣агаа гуггудасуугараа хад̇т̇иг̇аваассавал̣аваа кзд̇д̇ам̣ вад̇т̇у хиран̃н̃ам̣ суван̣н̣ам̣ г̇ааманиг̇амарааж̇ад̇хаанияо радтан̃жа ж̇анабад̣̇о жа госо жа годтааг̇ааран̃жа, гзваламби махаабат̇авим̣ д̇ан̣хаавасзна мамааяад̇и. яаавад̇аа адтасад̇ам̣ д̇ан̣хаавижарид̇ам̣, ид̣̇ам̣ д̇ан̣хаамамад̇д̇ам̣.

    Mamāyite passatha phandamāneti. Mamattāti dve mamattā – taṇhāmamattañca diṭṭhimamattañca. Katamaṃ taṇhāmamattaṃ? Yāvatā taṇhāsaṅkhātena sīmakataṃ mariyādikataṃ odhikataṃ pariyantakataṃ pariggahitaṃ mamāyitaṃ. Idaṃ mamaṃ, etaṃ mamaṃ, ettakaṃ mamaṃ, ettāvatā mamaṃ, mama rūpā saddā gandhā rasā phoṭṭhabbā, attharaṇā pāvuraṇā dāsidāsā ajeḷakā kukkuṭasūkarā hatthigavāssavaḷavā khettaṃ vatthu hiraññaṃ suvaṇṇaṃ gāmanigamarājadhāniyo raṭṭhañca janapado ca koso ca koṭṭhāgārañca, kevalampi mahāpathaviṃ taṇhāvasena mamāyati. Yāvatā aṭṭhasataṃ taṇhāvicaritaṃ, idaṃ taṇhāmamattaṃ.

    гад̇амам̣ д̣̇идтимамад̇д̇ам̣? вийсад̇ивад̇т̇угаа саггааяад̣̇идти, д̣̇асавад̇т̇угаа мижчаад̣̇идти, д̣̇асавад̇т̇угаа анд̇аг̇г̇аахигаа д̣̇идти; яаа зваруубаа д̣̇идти д̣̇идтиг̇ад̇ам̣ д̣̇идтиг̇аханам̣ д̣̇идтиганд̇ааро д̣̇идтивисуугааяигам̣ д̣̇идтивибпанд̣̇игам̣ д̣̇идтисан̃н̃ож̇анам̣ г̇аахо бадиг̇г̇аахо абхинивзсо бараамаасо гуммаг̇г̇о мижчаабат̇о мижчад̇д̇ам̣ д̇ид̇т̇ааяад̇анам̣ вибариязсаг̇г̇аахо вибарийд̇аг̇г̇аахо вибаллаасаг̇г̇аахо мижчааг̇аахо ‘‘аяаат̇аавагасмим̣ яаат̇аавага’’нд̇и г̇аахо. яаавад̇аа д̣̇ваасадтид̣̇идтиг̇ад̇аани, ид̣̇ам̣ д̣̇идтимамад̇д̇ам̣. мамааяид̇з бассат̇а панд̣̇амаанзд̇и мамааяид̇ам̣ вад̇т̇ум̣ ажчзд̣̇асам̣гиноби панд̣̇анд̇и, ажчинд̣̇анд̇зби панд̣̇анд̇и, ажчиннзби панд̣̇анд̇и, мамааяид̇ам̣ вад̇т̇ум̣ вибарин̣аамасам̣гиноби панд̣̇анд̇и, вибарин̣ааманд̇зби панд̣̇анд̇и, вибарин̣ад̇зби панд̣̇анд̇и бапанд̣̇анд̇и сампанд̣̇анд̇и вибпанд̣̇анд̇и взд̇ханд̇и 27 бавзд̇ханд̇и самбавзд̇ханд̇и. звам̣ панд̣̇амаанз бапанд̣̇амаанз сампанд̣̇амаанз вибпанд̣̇амаанз взд̇хамаанз бавзд̇хамаанз самбавзд̇хамаанз бассат̇а д̣̇агкат̇а ологзт̇а ниж̇жхааяат̇а убабаригкат̇аад̇и – мамааяид̇з бассат̇а панд̣̇амаанз.

    Katamaṃ diṭṭhimamattaṃ? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi; yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphandikaṃ diṭṭhisaññojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyesaggāho viparītaggāho vipallāsaggāho micchāgāho ‘‘ayāthāvakasmiṃ yāthāvaka’’nti gāho. Yāvatā dvāsaṭṭhidiṭṭhigatāni, idaṃ diṭṭhimamattaṃ. Mamāyite passatha phandamāneti mamāyitaṃ vatthuṃ acchedasaṃkinopi phandanti, acchindantepi phandanti, acchinnepi phandanti, mamāyitaṃ vatthuṃ vipariṇāmasaṃkinopi phandanti, vipariṇāmantepi phandanti, vipariṇatepi phandanti paphandanti samphandanti vipphandanti vedhanti 28 pavedhanti sampavedhanti. Evaṃ phandamāne paphandamāne samphandamāne vipphandamāne vedhamāne pavedhamāne sampavedhamāne passatha dakkhatha oloketha nijjhāyatha upaparikkhathāti – mamāyite passatha phandamāne.

    мажчзва аббод̣̇агз кийн̣асод̇зд̇и. яат̇аа мажчаа аббод̣̇агз барид̇д̇од̣̇агз уд̣̇агабарияаад̣̇аанз гаагзхи ваа гулалзхи ваа б̣алаагаахи ваа барибаад̇ияамаанаа угкибияамаанаа каж̇ж̇амаанаа панд̣̇анд̇и бапанд̣̇анд̇и сампанд̣̇анд̇и вибпанд̣̇анд̇и взд̇ханд̇и бавзд̇ханд̇и самбавзд̇ханд̇и; звамзва баж̇аа мамааяид̇ам̣ вад̇т̇ум̣ ажчзд̣̇асам̣гиноби панд̣̇анд̇и, ажчинд̣̇анд̇зби панд̣̇анд̇и, ажчиннзби панд̣̇анд̇и, мамааяид̇ам̣ вад̇т̇ум̣ вибарин̣аамасам̣гиноби панд̣̇анд̇и, вибарин̣ааманд̇зби панд̣̇анд̇и, вибарин̣ад̇зби панд̣̇анд̇и бапанд̣̇анд̇и сампанд̣̇анд̇и вибпанд̣̇анд̇и взд̇ханд̇и бавзд̇ханд̇и самбавзд̇ханд̇ийд̇и – мажчзва аббод̣̇агз кийн̣асод̇з.

    Macchevaappodake khīṇasoteti. Yathā macchā appodake parittodake udakapariyādāne kākehi vā kulalehi vā balākāhi vā paripātiyamānā ukkhipiyamānā khajjamānā phandanti paphandanti samphandanti vipphandanti vedhanti pavedhanti sampavedhanti; evameva pajā mamāyitaṃ vatthuṃ acchedasaṃkinopi phandanti, acchindantepi phandanti, acchinnepi phandanti, mamāyitaṃ vatthuṃ vipariṇāmasaṃkinopi phandanti, vipariṇāmantepi phandanti, vipariṇatepi phandanti paphandanti samphandanti vipphandanti vedhanti pavedhanti sampavedhantīti – maccheva appodake khīṇasote.

    зд̇амби д̣̇исваа амамо жарзяяаад̇и. зд̇ам̣ аад̣̇ийнавам̣ д̣̇исваа бассид̇ваа д̇улаяид̇ваа д̇ийраяид̇ваа 29 вибхааваяид̇ваа вибхууд̇ам̣ гад̇ваа мамад̇д̇зсууд̇и – зд̇амби д̣̇исваа. амамо жарзяяаад̇и мамад̇д̇аад̇и д̣̇вз мамад̇д̇аа – д̇ан̣хаамамад̇д̇ан̃жа д̣̇идтимамад̇д̇ан̃жа…бз… ид̣̇ам̣ д̇ан̣хаамамад̇д̇ам̣…бз… ид̣̇ам̣ д̣̇идтимамад̇д̇ам̣. д̇ан̣хаамамад̇д̇ам̣ бахааяа д̣̇идтимамад̇д̇ам̣ бадиниссаж̇ж̇ид̇ваа жагкум̣ амамааяанд̇о сод̇ам̣ амамааяанд̇о гхаанам̣ амамааяанд̇о ж̇ивхам̣ амамааяанд̇о гааяам̣ амамааяанд̇о манам̣ амамааяанд̇о руубз… сад̣̇д̣̇з… г̇анд̇хз… расз… подтаб̣б̣з… д̇хаммз… гулам̣… г̇ан̣ам̣… ааваасам̣… лаабхам̣… яасам̣… басам̣сам̣… сукам̣… жийварам̣… бин̣д̣абаад̇ам̣… сзнаасанам̣… г̇илаанабажжаяабхзсаж̇ж̇абаригкаарам̣… гаамад̇хаад̇ум̣… руубад̇хаад̇ум̣… аруубад̇хаад̇ум̣… гаамабхавам̣… руубабхавам̣… аруубабхавам̣… сан̃н̃аабхавам̣… асан̃н̃аабхавам̣… нзвасан̃н̃аанаасан̃н̃аабхавам̣… згавогаарабхавам̣… жад̇увогаарабхавам̣… бан̃жавогаарабхавам̣… ад̇ийд̇ам̣… анааг̇ад̇ам̣… бажжуббаннам̣… д̣̇идтасуд̇амуд̇авин̃н̃аад̇аб̣б̣з д̇хаммз амамааяанд̇о аг̇ан̣ханд̇о абараамасанд̇о анабхинивисанд̇о жарзяяа вихарзяяа ириязяяа вад̇д̇зяяа баалзяяа яабзяяа яаабзяяаад̇и – зд̇амби д̣̇исваа амамо жарзяяа.

    Etampi disvā amamo careyyāti. Etaṃ ādīnavaṃ disvā passitvā tulayitvā tīrayitvā 30 vibhāvayitvā vibhūtaṃ katvā mamattesūti – etampi disvā. Amamo careyyāti mamattāti dve mamattā – taṇhāmamattañca diṭṭhimamattañca…pe… idaṃ taṇhāmamattaṃ…pe… idaṃ diṭṭhimamattaṃ. Taṇhāmamattaṃ pahāya diṭṭhimamattaṃ paṭinissajjitvā cakkhuṃ amamāyanto sotaṃ amamāyanto ghānaṃ amamāyanto jivhaṃ amamāyanto kāyaṃ amamāyanto manaṃ amamāyanto rūpe… sadde… gandhe… rase… phoṭṭhabbe… dhamme… kulaṃ… gaṇaṃ… āvāsaṃ… lābhaṃ… yasaṃ… pasaṃsaṃ… sukhaṃ… cīvaraṃ… piṇḍapātaṃ… senāsanaṃ… gilānapaccayabhesajjaparikkhāraṃ… kāmadhātuṃ… rūpadhātuṃ… arūpadhātuṃ… kāmabhavaṃ… rūpabhavaṃ… arūpabhavaṃ… saññābhavaṃ… asaññābhavaṃ… nevasaññānāsaññābhavaṃ… ekavokārabhavaṃ… catuvokārabhavaṃ… pañcavokārabhavaṃ… atītaṃ… anāgataṃ… paccuppannaṃ… diṭṭhasutamutaviññātabbe dhamme amamāyanto agaṇhanto aparāmasanto anabhinivisanto careyya vihareyya iriyeyya vatteyya pāleyya yapeyya yāpeyyāti – etampi disvā amamo careyya.

    бхавзсу аасад̇д̇имагуб̣б̣амаанод̇и. бхавзсууд̇и гаамабхавз руубабхавз аруубабхавз. аасад̇д̇и вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. бхавзсу аасад̇д̇имагуб̣б̣амаанод̇и. бхавзсу аасад̇д̇им̣ агуб̣б̣амаано, чанд̣̇ам̣ бзмам̣ рааг̇ам̣ канд̇им̣ агуб̣б̣амаано аж̇анаяамаано асан̃ж̇анаяамаано аниб̣б̣ад̇д̇аяамаано анабхиниб̣б̣ад̇д̇аяамаанод̇и – бхавзсу аасад̇д̇имагуб̣б̣амаано.

    Bhavesu āsattimakubbamānoti. Bhavesūti kāmabhave rūpabhave arūpabhave. Āsatti vuccati taṇhā. Yo rāgo sārāgo…pe… abhijjhā lobho akusalamūlaṃ. Bhavesu āsattimakubbamānoti. Bhavesu āsattiṃ akubbamāno, chandaṃ pemaṃ rāgaṃ khantiṃ akubbamāno ajanayamāno asañjanayamāno anibbattayamāno anabhinibbattayamānoti – bhavesu āsattimakubbamāno.

    д̇знааха бхаг̇аваа –

    Tenāha bhagavā –

    ‘‘мамааяид̇з бассат̇а панд̣̇амаанз, мажчзва аббод̣̇агз кийн̣асод̇з;

    ‘‘Mamāyite passatha phandamāne, maccheva appodake khīṇasote;

    зд̇амби д̣̇исваа амамо жарзяяа, бхавзсу аасад̇д̇имагуб̣б̣амаано’’д̇и.

    Etampi disvā amamo careyya, bhavesu āsattimakubbamāno’’ti.

    13.

    13.

    убхосу анд̇зсу винзяяа чанд̣̇ам̣, пассам̣ барин̃н̃ааяа анаануг̇ид̣̇д̇хо;

    Ubhosuantesu vineyya chandaṃ, phassaṃ pariññāya anānugiddho;

    яад̣̇ад̇д̇аг̇арахий д̇ад̣̇агуб̣б̣амаано, на лимбад̇ий 31 д̣̇идтасуд̇зсу д̇хийро.

    Yadattagarahī tadakubbamāno, na limpatī 32 diṭṭhasutesu dhīro.

    убхосу анд̇зсу винзяяа чанд̣̇анд̇и. анд̇аад̇и пассо зго анд̇о пассасамуд̣̇аяо д̣̇уд̇ияо анд̇о, ад̇ийд̇о зго анд̇о анааг̇ад̇о д̣̇уд̇ияо анд̇о, сукаа взд̣̇анаа зго анд̇о д̣̇угкаа взд̣̇анаа д̣̇уд̇ияо анд̇о, наамам̣ зго анд̇о руубам̣ д̣̇уд̇ияо анд̇о, ча аж̇жхад̇д̇игаани ааяад̇анаани зго анд̇о ча б̣аахираани ааяад̇анаани д̣̇уд̇ияо анд̇о, саггааяо зго анд̇о саггааяасамуд̣̇аяо д̣̇уд̇ияо анд̇о. чанд̣̇од̇и яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа гаамаснзхо гаамабарил̣аахо гаамамужчаа гаамаж̇жхосаанам̣ гаамогхо гаамаяог̇о гаамубаад̣̇аанам̣ гаамажчанд̣̇анийваран̣ам̣. убхосу анд̇зсу винзяяа чанд̣̇анд̇и убхосу анд̇зсу чанд̣̇ам̣ винзяяа бадивинзяяа баж̇ахзяяа винод̣̇зяяа б̣яанд̇им̣ гарзяяа анабхаавам̣ г̇амзяяаад̇и – убхосу анд̇зсу винзяяа чанд̣̇ам̣.

    Ubhosuantesu vineyya chandanti. Antāti phasso eko anto phassasamudayo dutiyo anto, atīto eko anto anāgato dutiyo anto, sukhā vedanā eko anto dukkhā vedanā dutiyo anto, nāmaṃ eko anto rūpaṃ dutiyo anto, cha ajjhattikāni āyatanāni eko anto cha bāhirāni āyatanāni dutiyo anto, sakkāyo eko anto sakkāyasamudayo dutiyo anto. Chandoti yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ kāmacchandanīvaraṇaṃ. Ubhosu antesu vineyya chandanti ubhosu antesu chandaṃ vineyya paṭivineyya pajaheyya vinodeyya byantiṃ kareyya anabhāvaṃ gameyyāti – ubhosu antesu vineyya chandaṃ.

    пассам̣ барин̃н̃ааяа анаануг̇ид̣̇д̇ход̇и. пассод̇и жагкусампассо сод̇асампассо гхаанасампассо ж̇ивхаасампассо гааяасампассо маносампассо, ад̇хиважанасампассо, бадигхасампассо, сукавзд̣̇анийяо сампассо д̣̇угкавзд̣̇анийяо сампассо ад̣̇угкамасукавзд̣̇анийяо сампассо, гусало пассо агусало пассо аб̣яаагад̇о пассо, гаамааважаро пассо руубааважаро пассо аруубааважаро пассо, сун̃н̃ад̇о пассо анимид̇д̇о пассо аббан̣ихид̇о пассо, логияо пассо логуд̇д̇аро пассо, ад̇ийд̇о пассо анааг̇ад̇о пассо бажжуббанно пассо, яо зваруубо пассо пусанаа сампусанаа сампусид̇ад̇д̇ам̣ – аяам̣ вужжад̇и пассо.

    Phassaṃ pariññāya anānugiddhoti. Phassoti cakkhusamphasso sotasamphasso ghānasamphasso jivhāsamphasso kāyasamphasso manosamphasso, adhivacanasamphasso, paṭighasamphasso, sukhavedanīyo samphasso dukkhavedanīyo samphasso adukkhamasukhavedanīyo samphasso, kusalo phasso akusalo phasso abyākato phasso, kāmāvacaro phasso rūpāvacaro phasso arūpāvacaro phasso, suññato phasso animitto phasso appaṇihito phasso, lokiyo phasso lokuttaro phasso, atīto phasso anāgato phasso paccuppanno phasso, yo evarūpo phasso phusanā samphusanā samphusitattaṃ – ayaṃ vuccati phasso.

    пассам̣ барин̃н̃ааяаад̇и пассам̣ д̇ийхи барин̃н̃аахи бариж̇аанид̇ваа – н̃аад̇абарин̃н̃ааяа, д̇ийран̣абарин̃н̃ааяа 33, бахаанабарин̃н̃ааяа. гад̇амаа н̃аад̇абарин̃н̃аа? пассам̣ ж̇аанаад̇и – аяам̣ жагкусампассо, аяам̣ сод̇асампассо, аяам̣ гхаанасампассо, аяам̣ ж̇ивхаасампассо, аяам̣ гааяасампассо, аяам̣ маносампассо, аяам̣ ад̇хиважанасампассо, аяам̣ бадигхасампассо, аяам̣ сукавзд̣̇анийяо пассо, аяам̣ д̣̇угкавзд̣̇анийяо пассо, аяам̣ ад̣̇угкамасукавзд̣̇анийяо пассо, аяам̣ гусало пассо, аяам̣ агусало пассо, аяам̣ аб̣яаагад̇о пассо, аяам̣ гаамааважаро пассо, аяам̣ руубааважаро пассо, аяам̣ аруубааважаро пассо, аяам̣ сун̃н̃ад̇о пассо, аяам̣ анимид̇д̇о пассо, аяам̣ аббан̣ихид̇о пассо, аяам̣ логияо пассо, аяам̣ логуд̇д̇аро пассо , аяам̣ ад̇ийд̇о пассо, аяам̣ анааг̇ад̇о пассо, аяам̣ бажжуббанно пассод̇и ж̇аанаад̇и бассад̇и – аяам̣ н̃аад̇абарин̃н̃аа.

    Phassaṃ pariññāyāti phassaṃ tīhi pariññāhi parijānitvā – ñātapariññāya, tīraṇapariññāya 34, pahānapariññāya. Katamā ñātapariññā? Phassaṃ jānāti – ayaṃ cakkhusamphasso, ayaṃ sotasamphasso, ayaṃ ghānasamphasso, ayaṃ jivhāsamphasso, ayaṃ kāyasamphasso, ayaṃ manosamphasso, ayaṃ adhivacanasamphasso, ayaṃ paṭighasamphasso, ayaṃ sukhavedanīyo phasso, ayaṃ dukkhavedanīyo phasso, ayaṃ adukkhamasukhavedanīyo phasso, ayaṃ kusalo phasso, ayaṃ akusalo phasso, ayaṃ abyākato phasso, ayaṃ kāmāvacaro phasso, ayaṃ rūpāvacaro phasso, ayaṃ arūpāvacaro phasso, ayaṃ suññato phasso, ayaṃ animitto phasso, ayaṃ appaṇihito phasso, ayaṃ lokiyo phasso, ayaṃ lokuttaro phasso , ayaṃ atīto phasso, ayaṃ anāgato phasso, ayaṃ paccuppanno phassoti jānāti passati – ayaṃ ñātapariññā.

    гад̇амаа д̇ийран̣абарин̃н̃аа? звам̣ н̃аад̇ам̣ гад̇ваа пассам̣ д̇ийрзд̇и. анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о ийд̇ид̇о убад̣̇д̣̇авад̇о бхаяад̇о убасаг̇г̇ад̇о жалад̇о бабхан̇г̇уд̇о ад̇хувад̇о ад̇аан̣ад̇о алзн̣ад̇о асаран̣ад̇о рид̇д̇ад̇о д̇ужчад̇о сун̃н̃ад̇о анад̇д̇ад̇о аад̣̇ийнавад̇о вибарин̣аамад̇хаммад̇о асаарагад̇о агхамуулад̇о вад̇хагад̇о вибхавад̇о саасавад̇о сан̇кад̇ад̇о маараамисад̇о ж̇аад̇иж̇арааб̣яаад̇химаран̣ад̇хаммад̇о согабарид̣̇звад̣̇угкад̣̇оманассубааяаасад̇хаммад̇о сам̣гилзсад̇хаммад̇о самуд̣̇аяад̇о ад̇т̇ан̇г̇амад̇о ассаад̣̇ад̇о аад̣̇ийнавад̇о ниссаран̣ад̇о д̇ийрзд̇и – аяам̣ д̇ийран̣абарин̃н̃аа.

    Katamā tīraṇapariññā? Evaṃ ñātaṃ katvā phassaṃ tīreti. Aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto adhuvato atāṇato aleṇato asaraṇato rittato tucchato suññato anattato ādīnavato vipariṇāmadhammato asārakato aghamūlato vadhakato vibhavato sāsavato saṅkhatato mārāmisato jātijarābyādhimaraṇadhammato sokaparidevadukkhadomanassupāyāsadhammato saṃkilesadhammato samudayato atthaṅgamato assādato ādīnavato nissaraṇato tīreti – ayaṃ tīraṇapariññā.

    гад̇амаа бахаанабарин̃н̃аа? звам̣ д̇ийраяид̇ваа пассз чанд̣̇арааг̇ам̣ баж̇ахад̇и винод̣̇зд̇и б̣яанд̇им̣ гарод̇и анабхаавам̣ г̇амзд̇и. вуд̇д̇ан̃хзд̇ам̣ бхаг̇авад̇аа – ‘‘яо, бхигкавз, пассзсу чанд̣̇арааг̇о д̇ам̣ баж̇ахат̇а. звам̣ со пассо бахийно бхависсад̇и ужчиннамууло д̇аалаавад̇т̇угад̇о анабхаавам̣ гад̇о ааяад̇им̣ ануббаад̣̇ад̇хаммо’’д̇и – аяам̣ бахаанабарин̃н̃аа. пассам̣ барин̃н̃ааяаад̇и. пассам̣ имаахи д̇ийхи барин̃н̃аахи бариж̇аанид̇ваа. анаануг̇ид̣̇д̇ход̇и. г̇зд̇хааз вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. яассзсо г̇зд̇хо бахийно самужчинно вуубасанд̇о бадибассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо, со вужжад̇и аг̇ид̣̇д̇хо. со руубз аг̇ид̣̇д̇хо сад̣̇д̣̇з аг̇ид̣̇д̇хо г̇анд̇хз аг̇ид̣̇д̇хо расз аг̇ид̣̇д̇хо подтаб̣б̣з аг̇ид̣̇д̇хо гулз… г̇ан̣з… ааваасз… лаабхз… яасз… басам̣сааяа… сукз… жийварз… бин̣д̣абаад̇з… сзнаасанз… г̇илаанабажжаяабхзсаж̇ж̇абаригкаарз аг̇ид̣̇д̇хо гаамад̇хаад̇уяаа… руубад̇хаад̇уяаа… аруубад̇хаад̇уяаа… гаамабхавз… руубабхавз… аруубабхавз… сан̃н̃аабхавз… асан̃н̃аабхавз… нзвасан̃н̃аанаасан̃н̃аабхавз… згавогаарабхавз… жад̇увогаарабхавз… бан̃жавогаарабхавз… ад̇ийд̇з… анааг̇ад̇з… бажжуббаннз… д̣̇идтасуд̇амуд̇авин̃н̃аад̇аб̣б̣зсу д̇хаммзсу аг̇ид̣̇д̇хо аг̇ад̇хид̇о амужчид̇о анаж̇жхаабанно вийд̇аг̇зд̇хо виг̇ад̇аг̇зд̇хо жад̇д̇аг̇зд̇хо ванд̇аг̇зд̇хо муд̇д̇аг̇зд̇хо бахийнаг̇зд̇хо бадиниссадтаг̇зд̇хо вийд̇арааг̇о виг̇ад̇арааг̇о жад̇д̇арааг̇о ванд̇арааг̇о муд̇д̇арааг̇о бахийнарааг̇о бадиниссадтарааг̇о нижчаад̇о ниб̣б̣уд̇о сийд̇ибхууд̇о сукабадисам̣взд̣̇ий б̣рахмабхууд̇зна ад̇д̇анаа вихарад̇ийд̇и – пассам̣ барин̃н̃ааяа анаануг̇ид̣̇д̇хо.

    Katamā pahānapariññā? Evaṃ tīrayitvā phasse chandarāgaṃ pajahati vinodeti byantiṃ karoti anabhāvaṃ gameti. Vuttañhetaṃ bhagavatā – ‘‘yo, bhikkhave, phassesu chandarāgo taṃ pajahatha. Evaṃ so phasso pahīno bhavissati ucchinnamūlo tālāvatthukato anabhāvaṃ kato āyatiṃ anuppādadhammo’’ti – ayaṃ pahānapariññā. Phassaṃ pariññāyāti. Phassaṃ imāhi tīhi pariññāhi parijānitvā. Anānugiddhoti. Gedhāe vuccati taṇhā. Yo rāgo sārāgo…pe… abhijjhā lobho akusalamūlaṃ. Yasseso gedho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati agiddho. So rūpe agiddho sadde agiddho gandhe agiddho rase agiddho phoṭṭhabbe agiddho kule… gaṇe… āvāse… lābhe… yase… pasaṃsāya… sukhe… cīvare… piṇḍapāte… senāsane… gilānapaccayabhesajjaparikkhāre agiddho kāmadhātuyā… rūpadhātuyā… arūpadhātuyā… kāmabhave… rūpabhave… arūpabhave… saññābhave… asaññābhave… nevasaññānāsaññābhave… ekavokārabhave… catuvokārabhave… pañcavokārabhave… atīte… anāgate… paccuppanne… diṭṭhasutamutaviññātabbesu dhammesu agiddho agadhito amucchito anajjhāpanno vītagedho vigatagedho cattagedho vantagedho muttagedho pahīnagedho paṭinissaṭṭhagedho vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo nicchāto nibbuto sītibhūto sukhapaṭisaṃvedī brahmabhūtena attanā viharatīti – phassaṃ pariññāya anānugiddho.

    яад̣̇ад̇д̇аг̇арахий д̇ад̣̇агуб̣б̣амаанод̇и. яад̣̇анд̇и яам̣. ад̇д̇аг̇арахийд̇и д̣̇вийхи гааран̣зхи ад̇д̇аанам̣ г̇арахад̇и – гад̇ад̇д̇аа жа агад̇ад̇д̇аа жа. гат̇ам̣ гад̇ад̇д̇аа жа агад̇ад̇д̇аа жа ад̇д̇аанам̣ г̇арахад̇и? гад̇ам̣ мз гааяад̣̇ужжарид̇ам̣, агад̇ам̣ мз гааяасужарид̇анд̇и – ад̇д̇аанам̣ г̇арахад̇и. гад̇ам̣ мз важийд̣̇ужжарид̇ам̣, агад̇ам̣ мз важийсужарид̇анд̇и – ад̇д̇аанам̣ г̇арахад̇и. гад̇ам̣ мз манод̣̇ужжарид̇ам̣, агад̇ам̣ мз маносужарид̇анд̇и – ад̇д̇аанам̣ г̇арахад̇и. гад̇о мз баан̣аад̇ибаад̇о, агад̇аа мз баан̣аад̇ибаад̇аа взраман̣ийд̇и – ад̇д̇аанам̣ г̇арахад̇и. гад̇ам̣ мз ад̣̇иннаад̣̇аанам̣, агад̇аа мз ад̣̇иннаад̣̇аанаа взраман̣ийд̇и – ад̇д̇аанам̣ г̇арахад̇и. гад̇о мз гаамзсумижчаажааро, агад̇аа мз гаамзсумижчаажаараа взраман̣ийд̇и – ад̇д̇аанам̣ г̇арахад̇и. гад̇о мз мусааваад̣̇о, агад̇аа мз мусааваад̣̇аа взраман̣ийд̇и – ад̇д̇аанам̣ г̇арахад̇и. гад̇аа мз бисун̣аа ваажаа, агад̇аа мз бисун̣ааяа ваажааяа взраман̣ийд̇и – ад̇д̇аанам̣ г̇арахад̇и. гад̇аа мз парусаа ваажаа, агад̇аа мз парусааяа ваажааяа взраман̣ийд̇и – ад̇д̇аанам̣ г̇арахад̇и. гад̇о мз сампаббалаабо, агад̇аа мз сампаббалаабаа взраман̣ийд̇и – ад̇д̇аанам̣ г̇арахад̇и. гад̇аа мз абхиж̇жхаа, агад̇аа мз анабхиж̇жхаад̇и – ад̇д̇аанам̣ г̇арахад̇и. гад̇о мз б̣яаабаад̣̇о, агад̇о мз аб̣яаабаад̣̇од̇и – ад̇д̇аанам̣ г̇арахад̇и. гад̇аа мз мижчаад̣̇идти, агад̇аа мз саммаад̣̇идтийд̇и – ад̇д̇аанам̣ г̇арахад̇и. звам̣ гад̇ад̇д̇аа жа агад̇ад̇д̇аа жа ад̇д̇аанам̣ г̇арахад̇и. ат̇а ваа, сийлзсумхи на барибуурагаарийд̇и – ад̇д̇аанам̣ г̇арахад̇и. инд̣̇риязсумхи аг̇уд̇д̇ад̣̇ваарод̇и – ад̇д̇аанам̣ г̇арахад̇и. бхож̇анзмхи 35 амад̇д̇ан̃н̃ууд̇и – ад̇д̇аанам̣ г̇арахад̇и. ж̇ааг̇арияам̣ анануяуд̇д̇од̇и – ад̇д̇аанам̣ г̇арахад̇и. сад̇исамбаж̇ан̃н̃зна асаманнааг̇ад̇од̇и – ад̇д̇аанам̣ г̇арахад̇и. абхаавид̇аа мз жад̇д̇ааро сад̇ибадтаанаад̇и – ад̇д̇аанам̣ г̇арахад̇и. абхаавид̇аа мз жад̇д̇ааро саммаббад̇хаанаад̇и – ад̇д̇аанам̣ г̇арахад̇и. абхаавид̇аа мз жад̇д̇ааро ид̣̇д̇хибаад̣̇аад̇и – ад̇д̇аанам̣ г̇арахад̇и. абхаавид̇аани мз бан̃жинд̣̇рияаанийд̇и – ад̇д̇аанам̣ г̇арахад̇и. абхаавид̇аани мз бан̃жа б̣алаанийд̇и – ад̇д̇аанам̣ г̇арахад̇и. абхаавид̇аа мз сад̇д̇а б̣ож̇жхан̇г̇аад̇и – ад̇д̇аанам̣ г̇арахад̇и. абхаавид̇о мз арияо адтан̇г̇иго маг̇г̇од̇и – ад̇д̇аанам̣ г̇арахад̇и. д̣̇угкам̣ мз абарин̃н̃аад̇анд̇и – ад̇д̇аанам̣ г̇арахад̇и. самуд̣̇аяо мз аббахийнод̇и – ад̇д̇аанам̣ г̇арахад̇и. маг̇г̇о мз абхаавид̇од̇и – ад̇д̇аанам̣ г̇арахад̇и. нирод̇хо мз асажчигад̇од̇и – ад̇д̇аанам̣ г̇арахад̇и. звам̣ гад̇ад̇д̇аа жа агад̇ад̇д̇аа жа ад̇д̇аанам̣ г̇арахад̇и. звам̣ ад̇д̇аг̇арахид̇ам̣ гаммам̣ агуб̣б̣амаано аж̇анаяамаано асан̃ж̇анаяамаано аниб̣б̣ад̇д̇аяамаано анабхиниб̣б̣ад̇д̇аяамаанод̇и – яад̣̇ад̇д̇аг̇арахий д̇ад̣̇агуб̣б̣амаано. на лимбад̇ий д̣̇идтасуд̇зсу д̇хийрод̇и. лзбод̇и д̣̇вз лзбаа – д̇ан̣хаалзбо жа д̣̇идтилзбо жа…бз… аяам̣ д̇ан̣хаалзбо…бз… аяам̣ д̣̇идтилзбо. д̇хийрод̇и бан̣д̣ид̇о бан̃н̃аваа б̣уд̣̇д̇химаа н̃аан̣ий вибхаавий мзд̇хаавий. д̇хийро д̇ан̣хаалзбам̣ бахааяа д̣̇идтилзбам̣ бадиниссаж̇ж̇ид̇ваа д̣̇идтз на лимбад̇и, суд̇з на лимбад̇и, муд̇з на лимбад̇и, вин̃н̃аад̇з на лимбад̇и, на балимбад̇и 36, на убалимбад̇и. алид̇д̇о абалид̇д̇о 37 анубалид̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – на лимбад̇ий д̣̇идтасуд̇зсу д̇хийрод̇и.

    Yadattagarahī tadakubbamānoti. Yadanti yaṃ. Attagarahīti dvīhi kāraṇehi attānaṃ garahati – katattā ca akatattā ca. Kathaṃ katattā ca akatattā ca attānaṃ garahati? Kataṃ me kāyaduccaritaṃ, akataṃ me kāyasucaritanti – attānaṃ garahati. Kataṃ me vacīduccaritaṃ, akataṃ me vacīsucaritanti – attānaṃ garahati. Kataṃ me manoduccaritaṃ, akataṃ me manosucaritanti – attānaṃ garahati. Kato me pāṇātipāto, akatā me pāṇātipātā veramaṇīti – attānaṃ garahati. Kataṃ me adinnādānaṃ, akatā me adinnādānā veramaṇīti – attānaṃ garahati. Kato me kāmesumicchācāro, akatā me kāmesumicchācārā veramaṇīti – attānaṃ garahati. Kato me musāvādo, akatā me musāvādā veramaṇīti – attānaṃ garahati. Katā me pisuṇā vācā, akatā me pisuṇāya vācāya veramaṇīti – attānaṃ garahati. Katā me pharusā vācā, akatā me pharusāya vācāya veramaṇīti – attānaṃ garahati. Kato me samphappalāpo, akatā me samphappalāpā veramaṇīti – attānaṃ garahati. Katā me abhijjhā, akatā me anabhijjhāti – attānaṃ garahati. Kato me byāpādo, akato me abyāpādoti – attānaṃ garahati. Katā me micchādiṭṭhi, akatā me sammādiṭṭhīti – attānaṃ garahati. Evaṃ katattā ca akatattā ca attānaṃ garahati. Atha vā, sīlesumhi na paripūrakārīti – attānaṃ garahati. Indriyesumhi aguttadvāroti – attānaṃ garahati. Bhojanemhi 38 amattaññūti – attānaṃ garahati. Jāgariyaṃ ananuyuttoti – attānaṃ garahati. Satisampajaññena asamannāgatoti – attānaṃ garahati. Abhāvitā me cattāro satipaṭṭhānāti – attānaṃ garahati. Abhāvitā me cattāro sammappadhānāti – attānaṃ garahati. Abhāvitā me cattāro iddhipādāti – attānaṃ garahati. Abhāvitāni me pañcindriyānīti – attānaṃ garahati. Abhāvitāni me pañca balānīti – attānaṃ garahati. Abhāvitā me satta bojjhaṅgāti – attānaṃ garahati. Abhāvito me ariyo aṭṭhaṅgiko maggoti – attānaṃ garahati. Dukkhaṃ me apariññātanti – attānaṃ garahati. Samudayo me appahīnoti – attānaṃ garahati. Maggo me abhāvitoti – attānaṃ garahati. Nirodho me asacchikatoti – attānaṃ garahati. Evaṃ katattā ca akatattā ca attānaṃ garahati. Evaṃ attagarahitaṃ kammaṃ akubbamāno ajanayamāno asañjanayamāno anibbattayamāno anabhinibbattayamānoti – yadattagarahī tadakubbamāno. Na limpatī diṭṭhasutesu dhīroti. Lepoti dve lepā – taṇhālepo ca diṭṭhilepo ca…pe… ayaṃ taṇhālepo…pe… ayaṃ diṭṭhilepo. Dhīroti paṇḍito paññavā buddhimā ñāṇī vibhāvī medhāvī. Dhīro taṇhālepaṃ pahāya diṭṭhilepaṃ paṭinissajjitvā diṭṭhe na limpati, sute na limpati, mute na limpati, viññāte na limpati, na palimpati 39, na upalimpati. Alitto apalitto 40 anupalitto nikkhanto nissaṭo vippamutto visaññutto vimariyādikatena cetasā viharatīti – na limpatī diṭṭhasutesu dhīroti.

    д̇знааха бхаг̇аваа –

    Tenāha bhagavā –

    ‘‘убхосу анд̇зсу винзяяа чанд̣̇ам̣, пассам̣ барин̃н̃ааяа анаануг̇ид̣̇д̇хо;

    ‘‘Ubhosu antesu vineyya chandaṃ, phassaṃ pariññāya anānugiddho;

    яад̣̇ад̇д̇аг̇арахий д̇ад̣̇агуб̣б̣амаано, на лимбад̇ий д̣̇идтасуд̇зсу д̇хийро’’д̇и.

    Yadattagarahī tadakubbamāno, na limpatī diṭṭhasutesu dhīro’’ti.

    14.

    14.

    сан̃н̃ам̣ барин̃н̃аа вид̇арзяяа огхам̣, бариг̇г̇ахзсу муни нобалид̇д̇о;

    Saññaṃpariññā vitareyya oghaṃ, pariggahesu muni nopalitto;

    аб̣б̣уул̣хасалло жарамаббамад̇д̇о, наасийсад̇ий логамимам̣ баран̃жа.

    Abbūḷhasallo caramappamatto, nāsīsatī lokamimaṃ parañca.

    сан̃н̃ам̣ барин̃н̃аа вид̇арзяяа огханд̇и. сан̃н̃аад̇и гаамасан̃н̃аа б̣яаабаад̣̇асан̃н̃аа вихим̣саасан̃н̃аа нзгкаммасан̃н̃аа аб̣яаабаад̣̇асан̃н̃аа авихим̣саасан̃н̃аа руубасан̃н̃аа сад̣̇д̣̇асан̃н̃аа г̇анд̇хасан̃н̃аа расасан̃н̃аа подтаб̣б̣асан̃н̃аа д̇хаммасан̃н̃аа – яаа зваруубаа сан̃н̃аа сан̃ж̇аананаа сан̃ж̇аанид̇ад̇д̇ам̣ – аяам̣ вужжад̇и сан̃н̃аа. сан̃н̃ам̣ барин̃н̃аад̇и сан̃н̃ам̣ д̇ийхи барин̃н̃аахи бариж̇аанид̇ваа – н̃аад̇абарин̃н̃ааяа, д̇ийран̣абарин̃н̃ааяа, бахаанабарин̃н̃ааяа.

    Saññaṃ pariññā vitareyya oghanti. Saññāti kāmasaññā byāpādasaññā vihiṃsāsaññā nekkhammasaññā abyāpādasaññā avihiṃsāsaññā rūpasaññā saddasaññā gandhasaññā rasasaññā phoṭṭhabbasaññā dhammasaññā – yā evarūpā saññā sañjānanā sañjānitattaṃ – ayaṃ vuccati saññā. Saññaṃ pariññāti saññaṃ tīhi pariññāhi parijānitvā – ñātapariññāya, tīraṇapariññāya, pahānapariññāya.

    гад̇амаа н̃аад̇абарин̃н̃аа? сан̃н̃ам̣ ж̇аанаад̇и – аяам̣ гаамасан̃н̃аа, аяам̣ б̣яаабаад̣̇асан̃н̃аа, аяам̣ вихим̣саасан̃н̃аа, аяам̣ нзгкаммасан̃н̃аа, аяам̣ аб̣яаабаад̣̇асан̃н̃аа, аяам̣ авихим̣саасан̃н̃аа, аяам̣ руубасан̃н̃аа, аяам̣ сад̣̇д̣̇асан̃н̃аа, аяам̣ г̇анд̇хасан̃н̃аа, аяам̣ расасан̃н̃аа, аяам̣ подтаб̣б̣асан̃н̃аа, аяам̣ д̇хаммасан̃н̃аад̇и ж̇аанаад̇и бассад̇и – аяам̣ н̃аад̇абарин̃н̃аа.

    Katamā ñātapariññā? Saññaṃ jānāti – ayaṃ kāmasaññā, ayaṃ byāpādasaññā, ayaṃ vihiṃsāsaññā, ayaṃ nekkhammasaññā, ayaṃ abyāpādasaññā, ayaṃ avihiṃsāsaññā, ayaṃ rūpasaññā, ayaṃ saddasaññā, ayaṃ gandhasaññā, ayaṃ rasasaññā, ayaṃ phoṭṭhabbasaññā, ayaṃ dhammasaññāti jānāti passati – ayaṃ ñātapariññā.

    гад̇амаа д̇ийран̣абарин̃н̃аа? звам̣ н̃аад̇ам̣ гад̇ваа сан̃н̃ам̣ д̇ийрзд̇и. анижжад̇о д̣̇угкад̇о рог̇ад̇о г̇ан̣д̣ад̇о саллад̇о агхад̇о ааб̣аад̇хад̇о барад̇о балогад̇о ийд̇ид̇о убад̣̇д̣̇авад̇о бхаяад̇о убасаг̇г̇ад̇о жалад̇о бабхан̇г̇уд̇о…бз… самуд̣̇аяад̇о ад̇т̇ан̇г̇амад̇о ассаад̣̇ад̇о аад̣̇ийнавад̇о ниссаран̣ад̇о д̇ийрзд̇и – аяам̣ д̇ийран̣абарин̃н̃аа.

    Katamā tīraṇapariññā? Evaṃ ñātaṃ katvā saññaṃ tīreti. Aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto…pe… samudayato atthaṅgamato assādato ādīnavato nissaraṇato tīreti – ayaṃ tīraṇapariññā.

    гад̇амаа бахаанабарин̃н̃аа? звам̣ д̇ийраяид̇ваа сан̃н̃ааяа чанд̣̇арааг̇ам̣ баж̇ахад̇и винод̣̇зд̇и анабхаавам̣ г̇амзд̇и. вуд̇д̇амби хзд̇ам̣ бхаг̇авад̇аа – ‘‘яо, бхигкавз, сан̃н̃ааяа чанд̣̇арааг̇о, д̇ам̣ баж̇ахат̇а. звам̣ саа сан̃н̃аа бахийнаа бхависсад̇и ужчиннамуулаа д̇аалаавад̇т̇угад̇аа анабхаавам̣ гад̇аа ааяад̇им̣ ануббаад̣̇ад̇хаммаа’’д̇и – аяам̣ бахаанабарин̃н̃аа. сан̃н̃ам̣ барин̃н̃аад̇и сан̃н̃ам̣ имаахи д̇ийхи барин̃н̃аахи бариж̇аанид̇ваа. вид̇арзяяа огханд̇и гаамогхам̣ бхавогхам̣ д̣̇идтогхам̣ авиж̇ж̇огхам̣ д̇арзяяа уд̇д̇арзяяа бад̇арзяяа самад̇иггамзяяа вийд̇ивад̇д̇зяяаад̇и – сан̃н̃ам̣ барин̃н̃аа вид̇арзяяа огхам̣.

    Katamā pahānapariññā? Evaṃ tīrayitvā saññāya chandarāgaṃ pajahati vinodeti anabhāvaṃ gameti. Vuttampi hetaṃ bhagavatā – ‘‘yo, bhikkhave, saññāya chandarāgo, taṃ pajahatha. Evaṃ sā saññā pahīnā bhavissati ucchinnamūlā tālāvatthukatā anabhāvaṃ katā āyatiṃ anuppādadhammā’’ti – ayaṃ pahānapariññā. Saññaṃ pariññāti saññaṃ imāhi tīhi pariññāhi parijānitvā. Vitareyyaoghanti kāmoghaṃ bhavoghaṃ diṭṭhoghaṃ avijjoghaṃ tareyya uttareyya patareyya samatikkameyya vītivatteyyāti – saññaṃ pariññā vitareyya oghaṃ.

    бариг̇г̇ахзсу муни нобалид̇д̇од̇и. бариг̇г̇ахаад̇и д̣̇вз бариг̇г̇ахаа – д̇ан̣хаабариг̇г̇ахо жа д̣̇идтибариг̇г̇ахо жа…бз… аяам̣ д̇ан̣хаабариг̇г̇ахо…бз… аяам̣ д̣̇идтибариг̇г̇ахо. мунийд̇и. монам̣ вужжад̇и н̃аан̣ам̣. яаа бан̃н̃аа баж̇аананаа…бз… амохо д̇хаммавижаяо саммаад̣̇идти, д̇зна н̃аан̣зна саманнааг̇ад̇о муни монаббад̇д̇од̇и. д̇ийн̣и монзяяаани – гааяамонзяяам̣, важиймонзяяам̣, маномонзяяам̣.

    Pariggahesumuni nopalittoti. Pariggahāti dve pariggahā – taṇhāpariggaho ca diṭṭhipariggaho ca…pe… ayaṃ taṇhāpariggaho…pe… ayaṃ diṭṭhipariggaho. Munīti. Monaṃ vuccati ñāṇaṃ. Yā paññā pajānanā…pe… amoho dhammavicayo sammādiṭṭhi, tena ñāṇena samannāgato muni monappattoti. Tīṇi moneyyāni – kāyamoneyyaṃ, vacīmoneyyaṃ, manomoneyyaṃ.

    гад̇амам̣ гааяамонзяяам̣? д̇ивид̇хагааяад̣̇ужжарид̇аанам̣ бахаанам̣ гааяамонзяяам̣, д̇ивид̇хам̣ гааяасужарид̇ам̣ гааяамонзяяам̣, гааяаарамман̣з н̃аан̣ам̣ гааяамонзяяам̣, гааяабарин̃н̃аа гааяамонзяяам̣, барин̃н̃аасахаг̇ад̇о маг̇г̇о гааяамонзяяам̣, гааяз чанд̣̇арааг̇асса бахаанам̣ гааяамонзяяам̣, гааяасан̇кааранирод̇хо жад̇уд̇т̇аж̇жхаанасамаабад̇д̇и гааяамонзяяам̣ – ид̣̇ам̣ гааяамонзяяам̣.

    Katamaṃ kāyamoneyyaṃ? Tividhakāyaduccaritānaṃ pahānaṃ kāyamoneyyaṃ, tividhaṃ kāyasucaritaṃ kāyamoneyyaṃ, kāyārammaṇe ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāye chandarāgassa pahānaṃ kāyamoneyyaṃ, kāyasaṅkhāranirodho catutthajjhānasamāpatti kāyamoneyyaṃ – idaṃ kāyamoneyyaṃ.

    гад̇амам̣ важиймонзяяам̣? жад̇уб̣б̣ид̇хаважийд̣̇ужжарид̇аанам̣ бахаанам̣ важиймонзяяам̣, жад̇уб̣б̣ид̇хам̣ важийсужарид̇ам̣ важиймонзяяам̣, ваажаарамман̣з н̃аан̣ам̣ важиймонзяяам̣, ваажаабарин̃н̃аа важиймонзяяам̣, барин̃н̃аасахаг̇ад̇о маг̇г̇о важиймонзяяам̣, ваажааяа чанд̣̇арааг̇асса бахаанам̣ важиймонзяяам̣, важийсан̇кааранирод̇хо д̣̇уд̇ияаж̇жхаанасамаабад̇д̇и важиймонзяяам̣ – ид̣̇ам̣ важиймонзяяам̣.

    Katamaṃ vacīmoneyyaṃ? Catubbidhavacīduccaritānaṃ pahānaṃ vacīmoneyyaṃ, catubbidhaṃ vacīsucaritaṃ vacīmoneyyaṃ, vācārammaṇe ñāṇaṃ vacīmoneyyaṃ, vācāpariññā vacīmoneyyaṃ, pariññāsahagato maggo vacīmoneyyaṃ, vācāya chandarāgassa pahānaṃ vacīmoneyyaṃ, vacīsaṅkhāranirodho dutiyajjhānasamāpatti vacīmoneyyaṃ – idaṃ vacīmoneyyaṃ.

    гад̇амам̣ маномонзяяам̣? д̇ивид̇хаманод̣̇ужжарид̇аанам̣ бахаанам̣ маномонзяяам̣, д̇ивид̇хам̣ маносужарид̇ам̣ маномонзяяам̣, жид̇д̇аарамман̣з н̃аан̣ам̣ маномонзяяам̣, жид̇д̇абарин̃н̃аа маномонзяяам̣, барин̃н̃аасахаг̇ад̇о маг̇г̇о маномонзяяам̣, жид̇д̇з чанд̣̇арааг̇асса бахаанам̣ маномонзяяам̣, жид̇д̇асан̇кааранирод̇хо сан̃н̃аавзд̣̇аяид̇анирод̇хам̣ маномонзяяам̣ – ид̣̇ам̣ маномонзяяам̣.

    Katamaṃ manomoneyyaṃ? Tividhamanoduccaritānaṃ pahānaṃ manomoneyyaṃ, tividhaṃ manosucaritaṃ manomoneyyaṃ, cittārammaṇe ñāṇaṃ manomoneyyaṃ, cittapariññā manomoneyyaṃ, pariññāsahagato maggo manomoneyyaṃ, citte chandarāgassa pahānaṃ manomoneyyaṃ, cittasaṅkhāranirodho saññāvedayitanirodhaṃ manomoneyyaṃ – idaṃ manomoneyyaṃ.

    ‘‘гааяамуним̣ ваажаамуним̣, маномуниманаасавам̣;

    ‘‘Kāyamuniṃ vācāmuniṃ, manomunimanāsavaṃ;

    муним̣ монзяяасамбаннам̣, ааху саб̣б̣аббахааяинам̣.

    Muniṃ moneyyasampannaṃ, āhu sabbappahāyinaṃ.

    ‘‘гааяамуним̣ ваажаамуним̣, маномуниманаасавам̣;

    ‘‘Kāyamuniṃ vācāmuniṃ, manomunimanāsavaṃ;

    муним̣ монзяяасамбаннам̣, ааху нинхаад̇абаабага’’нд̇и 41.

    Muniṃ moneyyasampannaṃ, āhu ninhātapāpaka’’nti 42.

    имзхи д̇ийхи монзяязхи д̇хаммзхи саманнааг̇ад̇аа ча мунино 43 – аг̇аарамунино, анаг̇аарамунино, сзкамунино, асзкамунино, бажжзгамунино, мунимунинод̇и. гад̇амз аг̇аарамунино? яз д̇з аг̇ааригаа д̣̇идтабад̣̇аа вин̃н̃аад̇асаасанаа – имз аг̇аарамунино. гад̇амз анаг̇аарамунино ? яз д̇з баб̣б̣аж̇ид̇аа д̣̇идтабад̣̇аа вин̃н̃аад̇асаасанаа – имз анаг̇аарамунино. сад̇д̇а сзкаа сзкамунино. араханд̇о асзкамунино. бажжзгаб̣уд̣̇д̇хаа бажжзгамунино. мунимунино вужжанд̇и д̇ат̇ааг̇ад̇аа араханд̇о саммаасамб̣уд̣̇д̇хаа.

    Imehi tīhi moneyyehi dhammehi samannāgatā cha munino 44 – agāramunino, anagāramunino, sekhamunino, asekhamunino, paccekamunino, munimuninoti. Katame agāramunino? Ye te agārikā diṭṭhapadā viññātasāsanā – ime agāramunino. Katame anagāramunino ? Ye te pabbajitā diṭṭhapadā viññātasāsanā – ime anagāramunino. Satta sekhā sekhamunino. Arahanto asekhamunino. Paccekabuddhā paccekamunino. Munimunino vuccanti tathāgatā arahanto sammāsambuddhā.

    ‘‘на монзна муни ход̇и, муул̣харуубо авид̣̇д̣̇асу;

    ‘‘Na monena muni hoti, mūḷharūpo aviddasu;

    яо жа д̇улам̣ва баг̇г̇аяха, варамаад̣̇ааяа бан̣д̣ид̇о.

    Yo ca tulaṃva paggayha, varamādāya paṇḍito.

    ‘‘баабаани бариваж̇ж̇зд̇и, са муни д̇зна со муни;

    ‘‘Pāpāni parivajjeti, sa muni tena so muni;

    яо мунаад̇и убхо логз, муни д̇зна бавужжад̇и.

    Yo munāti ubho loke, muni tena pavuccati.

    ‘‘асад̇ан̃жа сад̇ан̃жа н̃ад̇ваа д̇хаммам̣, аж̇жхад̇д̇ам̣ б̣ахид̣̇д̇хаа жа саб̣б̣алогз;

    ‘‘Asatañca satañca ñatvā dhammaṃ, ajjhattaṃ bahiddhā ca sabbaloke;

    д̣̇звамануссзхи бууж̇ид̇о яо, сан̇г̇аж̇ааламад̇ижжа со муний’’д̇и.

    Devamanussehi pūjito yo, saṅgajālamaticca so munī’’ti.

    лзбаад̇и д̣̇вз лзбаа – д̇ан̣хаалзбо жа д̣̇идтилзбо жа…бз… аяам̣ д̇ан̣хаалзбо…бз… аяам̣ д̣̇идтилзбо. муни д̇ан̣хаалзбам̣ бахааяа д̣̇идтилзбам̣ бадиниссаж̇ж̇ид̇ваа бариг̇г̇ахзсу на лимбад̇и на балимбад̇и на убалимбад̇и. алид̇д̇о абалид̇д̇о анубалид̇д̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – бариг̇г̇ахзсу муни нобалид̇д̇о.

    Lepāti dve lepā – taṇhālepo ca diṭṭhilepo ca…pe… ayaṃ taṇhālepo…pe… ayaṃ diṭṭhilepo. Muni taṇhālepaṃ pahāya diṭṭhilepaṃ paṭinissajjitvā pariggahesu na limpati na palimpati na upalimpati. Alitto apalitto anupalitto nikkhanto nissaṭo vippamutto visaññutto vimariyādikatena cetasā viharatīti – pariggahesu muni nopalitto.

    аб̣б̣уул̣хасалло жарамаббамад̇д̇од̇и. салланд̇и сад̇д̇а саллаани – рааг̇асаллам̣, д̣̇осасаллам̣, мохасаллам̣, маанасаллам̣, д̣̇идтисаллам̣, согасаллам̣, гат̇ам̣гат̇аасаллам̣ 45. яассзд̇з саллаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и аб̣б̣уул̣хасалло аб̣б̣ахид̇асалло уд̣̇д̇хад̇асалло самуд̣̇д̇хад̇асалло уббаадид̇асалло самуббаадид̇асалло жад̇д̇асалло ванд̇асалло муд̇д̇асалло бахийнасалло бадиниссадтасалло нижчаад̇о ниб̣б̣уд̇о сийд̇ибхууд̇о сукабадисам̣взд̣̇ий б̣рахмабхууд̇зна ад̇д̇анаа вихарад̇ийд̇и – аб̣б̣уул̣хасалло.

    Abbūḷhasallo caramappamattoti. Sallanti satta sallāni – rāgasallaṃ, dosasallaṃ, mohasallaṃ, mānasallaṃ, diṭṭhisallaṃ, sokasallaṃ, kathaṃkathāsallaṃ 46. Yassete sallā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati abbūḷhasallo abbahitasallo uddhatasallo samuddhatasallo uppāṭitasallo samuppāṭitasallo cattasallo vantasallo muttasallo pahīnasallo paṭinissaṭṭhasallo nicchāto nibbuto sītibhūto sukhapaṭisaṃvedī brahmabhūtena attanā viharatīti – abbūḷhasallo.

    жаранд̇и жаранд̇о вихаранд̇о ирияанд̇о вад̇д̇анд̇о баалзнд̇о яабзнд̇о яаабзнд̇о. аббамад̇д̇од̇и саггажжагаарий саад̇ажжагаарий адтид̇агаарий анолийнавуд̇д̇иго анигкид̇д̇ажчанд̣̇о анигкид̇д̇ад̇хуро гусалзсу д̇хаммзсу. ‘‘гат̇аахам̣ абарибуурам̣ ваа сийлагканд̇хам̣ барибуурзяяам̣, барибуурам̣ ваа сийлагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ан̣хзяяа’’нд̇и яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадиваани жа сад̇и жа самбаж̇ан̃н̃ан̃жа аад̇аббам̣ бад̇хаанам̣ ад̇хидтаанам̣ ануяог̇о аббамаад̣̇о гусалзсу д̇хаммзсу. ‘‘гат̇аахам̣ абарибуурам̣ ваа самаад̇хигканд̇хам̣ барибуурзяяам̣, барибуурам̣ ваа самаад̇хигканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ан̣хзяяа’’нд̇и…бз… гусалзсу д̇хаммзсу. ‘‘гат̇аахам̣ абарибуурам̣ ваа бан̃н̃аагканд̇хам̣ барибуурзяяам̣… вимуд̇д̇игканд̇хам̣… вимуд̇д̇ин̃аан̣ад̣̇ассанагканд̇хам̣ барибуурзяяам̣, барибуурам̣ ваа вимуд̇д̇ин̃аан̣ад̣̇ассанагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ан̣хзяяа’’нд̇и яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадиваани жа сад̇и жа самбаж̇ан̃н̃ан̃жа аад̇аббам̣ бад̇хаанам̣ ад̇хидтаанам̣ ануяог̇о аббамаад̣̇о гусалзсу д̇хаммзсу. ‘‘гат̇аахам̣ абарин̃н̃аад̇ам̣ ваа д̣̇угкам̣ бариж̇аанзяяам̣, аббахийнз ваа гилзсз баж̇ахзяяам̣, абхаавид̇ам̣ ваа маг̇г̇ам̣ бхаавзяяам̣, асажчигад̇ам̣ ваа нирод̇хам̣ сажчигарзяяа’’нд̇и яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадиваани жа сад̇и жа самбаж̇ан̃н̃ан̃жа аад̇аббам̣ бад̇хаанам̣ ад̇хидтаанам̣ ануяог̇о аббамаад̣̇о гусалзсу д̇хаммзсууд̇и – аб̣б̣уул̣хасалло жарамаббамад̇д̇о.

    Caranti caranto viharanto iriyanto vattanto pālento yapento yāpento. Appamattoti sakkaccakārī sātaccakārī aṭṭhitakārī anolīnavuttiko anikkhittacchando anikkhittadhuro kusalesu dhammesu. ‘‘Kathāhaṃ aparipūraṃ vā sīlakkhandhaṃ paripūreyyaṃ, paripūraṃ vā sīlakkhandhaṃ tattha tattha paññāya anuggaṇheyya’’nti yo tattha chando ca vāyāmo ca ussāho ca ussoḷhī ca appaṭivāni ca sati ca sampajaññañca ātappaṃ padhānaṃ adhiṭṭhānaṃ anuyogo appamādo kusalesu dhammesu. ‘‘Kathāhaṃ aparipūraṃ vā samādhikkhandhaṃ paripūreyyaṃ, paripūraṃ vā samādhikkhandhaṃ tattha tattha paññāya anuggaṇheyya’’nti…pe… kusalesu dhammesu. ‘‘Kathāhaṃ aparipūraṃ vā paññākkhandhaṃ paripūreyyaṃ… vimuttikkhandhaṃ… vimuttiñāṇadassanakkhandhaṃ paripūreyyaṃ, paripūraṃ vā vimuttiñāṇadassanakkhandhaṃ tattha tattha paññāya anuggaṇheyya’’nti yo tattha chando ca vāyāmo ca ussāho ca ussoḷhī ca appaṭivāni ca sati ca sampajaññañca ātappaṃ padhānaṃ adhiṭṭhānaṃ anuyogo appamādo kusalesu dhammesu. ‘‘Kathāhaṃ apariññātaṃ vā dukkhaṃ parijāneyyaṃ, appahīne vā kilese pajaheyyaṃ, abhāvitaṃ vā maggaṃ bhāveyyaṃ, asacchikataṃ vā nirodhaṃ sacchikareyya’’nti yo tattha chando ca vāyāmo ca ussāho ca ussoḷhī ca appaṭivāni ca sati ca sampajaññañca ātappaṃ padhānaṃ adhiṭṭhānaṃ anuyogo appamādo kusalesu dhammesūti – abbūḷhasallo caramappamatto.

    наасийсад̇ий логамимам̣ баран̃жаад̇и имам̣ логам̣ наасийсад̇и сагад̇д̇абхаавам̣, баралогам̣ наасийсад̇и барад̇д̇абхаавам̣; имам̣ логам̣ наасийсад̇и сагаруубавзд̣̇анаасан̃н̃аасан̇кааравин̃н̃аан̣ам̣, барам̣ логам̣ наасийсад̇и бараруубавзд̣̇анаасан̃н̃аасан̇кааравин̃н̃аан̣ам̣; имам̣ логам̣ наасийсад̇и ча аж̇жхад̇д̇игаани ааяад̇анаани, барам̣ логам̣ наасийсад̇и ча б̣аахираани ааяад̇анаани; имам̣ логам̣ наасийсад̇и мануссалогам̣, барам̣ логам̣ наасийсад̇и д̣̇звалогам̣. имам̣ логам̣ наасийсад̇и гаамад̇хаад̇ум̣, барам̣ логам̣ наасийсад̇и руубад̇хаад̇ум̣ аруубад̇хаад̇ум̣; имам̣ логам̣ наасийсад̇и гаамад̇хаад̇ум̣ руубад̇хаад̇ум̣, барам̣ логам̣ наасийсад̇и аруубад̇хаад̇ум̣. буна г̇ад̇им̣ ваа убабад̇д̇им̣ ваа бадисанд̇хим̣ ваа бхавам̣ ваа сам̣саарам̣ ваа ваддам̣ ваа наасийсад̇и на ижчад̇и на саад̣̇ияад̇и на бад̇т̇зд̇и на бихзд̇и наад̇иж̇аббад̇ийд̇и – наасийсад̇ий логамимам̣ баран̃жаад̇и.

    Nāsīsatī lokamimaṃ parañcāti imaṃ lokaṃ nāsīsati sakattabhāvaṃ, paralokaṃ nāsīsati parattabhāvaṃ; imaṃ lokaṃ nāsīsati sakarūpavedanāsaññāsaṅkhāraviññāṇaṃ, paraṃ lokaṃ nāsīsati pararūpavedanāsaññāsaṅkhāraviññāṇaṃ; imaṃ lokaṃ nāsīsati cha ajjhattikāni āyatanāni, paraṃ lokaṃ nāsīsati cha bāhirāni āyatanāni; imaṃ lokaṃ nāsīsati manussalokaṃ, paraṃ lokaṃ nāsīsati devalokaṃ. Imaṃ lokaṃ nāsīsati kāmadhātuṃ, paraṃ lokaṃ nāsīsati rūpadhātuṃ arūpadhātuṃ; imaṃ lokaṃ nāsīsati kāmadhātuṃ rūpadhātuṃ, paraṃ lokaṃ nāsīsati arūpadhātuṃ. Puna gatiṃ vā upapattiṃ vā paṭisandhiṃ vā bhavaṃ vā saṃsāraṃ vā vaṭṭaṃ vā nāsīsati na icchati na sādiyati na pattheti na piheti nātijappatīti – nāsīsatī lokamimaṃ parañcāti.

    д̇знааха бхаг̇аваа –

    Tenāha bhagavā –

    ‘‘сан̃н̃ам̣ барин̃н̃аа вид̇арзяяа огхам̣, бариг̇г̇ахзсу муни нобалид̇д̇о;

    ‘‘Saññaṃ pariññā vitareyya oghaṃ, pariggahesu muni nopalitto;

    аб̣б̣уул̣хасалло жарамаббамад̇д̇о, наасийсад̇ий логамимам̣ баран̃жаа’’д̇и.

    Abbūḷhasallo caramappamatto, nāsīsatī lokamimaṃ parañcā’’ti.

    г̇ухадтагасуд̇д̇анид̣̇д̣̇зсо д̣̇уд̇ияо.

    Guhaṭṭhakasuttaniddeso dutiyo.




    Next: 3. д̣̇удтадтагасуд̇д̇анид̣̇д̣̇зсо • 3. Duṭṭhaṭṭhakasuttaniddeso




    Footnotes:
    1. опуд̇о (сяаа.)
    2. ophuto (syā.)
    3. вуубагадтагааяаанам̣ (сяаа.)
    4. vūpakaṭṭhakāyānaṃ (syā.)
    5. вавагадтз (сий.), анубагадтз (сяаа.)
    6. vavakaṭṭhe (sī.), anupakaṭṭhe (syā.)
    7. д̣̇уд̣̇д̇хараа (га.)
    8. duddharā (ka.)
    9. аж̇жхобаннаа (сий. сяаа.)
    10. ajjhopannā (sī. syā.)
    11. б̣уд̣̇д̇хаанам̣ б̣уд̣̇д̇хасаавагаанам̣ (сий. сяаа.)
    12. buddhānaṃ buddhasāvakānaṃ (sī. syā.)
    13. саллабанд̇и (сий.)
    14. sallapanti (sī.)
    15. барид̣̇ааяаважанамзд̇ам̣ (сяаа.)
    16. paridāyavacanametaṃ (syā.)
    17. бхан̇г̇аа (сий. сяаа.)
    18. bhaṅgā (sī. syā.)
    19. ниб̣б̣ад̇д̇ааязва (саб̣б̣ад̇т̇а)
    20. nibbattāyeva (sabbattha)
    21. т̇огагам̣ (га.)
    22. thokakaṃ (ka.)
    23. бхаг̇анд̣̇алааяа (сяаа.)
    24. bhagandalāya (syā.)
    25. мажчова (сий.)
    26. macchova (sī.)
    27. взд̇хзнд̇и (сяаа.)
    28. vedhenti (syā.)
    29. д̇ираяид̇ваа (га.)
    30. tirayitvā (ka.)
    31. на либбад̇и (сий.)
    32. na lippati (sī.)
    33. д̇иран̣абарин̃н̃ааяа (сяаа.)
    34. tiraṇapariññāya (syā.)
    35. бхож̇анз (сяаа.)
    36. на сам̣лимбад̇и (сяаа.)
    37. асам̣лид̇д̇о (сяаа.)
    38. bhojane (syā.)
    39. na saṃlimpati (syā.)
    40. asaṃlitto (syā.)
    41. ним̣нхаад̇абаабаганд̇и (сяаа.)
    42. niṃnhātapāpakanti (syā.)
    43. ча мунаяо (сяаа.)
    44. cha munayo (syā.)
    45. д̣̇ужжарид̇асаллам̣ (сий.)
    46. duccaritasallaṃ (sī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 2. г̇ухадтагасуд̇д̇анид̣̇д̣̇зсаван̣н̣анаа • 2. Guhaṭṭhakasuttaniddesavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact