| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
2. г̇ухадтагасуд̇д̇аван̣н̣анаа
2. Guhaṭṭhakasuttavaṇṇanā
779. сад̇д̇о г̇ухааяанд̇и г̇ухадтагасуд̇д̇ам̣. гаа уббад̇д̇и? бхаг̇авад̇и гира саавад̇т̇ияам̣ вихаранд̇з ааяасмаа бин̣д̣олабхаарад̣̇вааж̇о госамб̣ияам̣ г̇ам̣н̇г̇аад̇ийрз ааваддагам̣ наама уд̇знасса уяяаанам̣, д̇ад̇т̇а аг̇амааси сийд̇алз бад̣̇зсз д̣̇иваавихаарам̣ нисийд̣̇ид̇угаамо. ан̃н̃ад̣̇ааби жааяам̣ г̇ажчад̇зва д̇ад̇т̇а буб̣б̣аасзванзна яат̇аа г̇авамбад̇ид̇т̇зро д̇аавад̇им̣сабхавананд̇и вуд̇д̇анаяамзд̇ам̣ ван̇г̇ийсасуд̇д̇аван̣н̣анааяам̣. со д̇ад̇т̇а г̇ан̇г̇аад̇ийрз сийд̇алз ругкамуулз самаабад̇д̇им̣ аббзд̇ваа д̣̇иваавихаарам̣ нисийд̣̇и. рааж̇ааби ко уд̇зно д̇ам̣ д̣̇ивасам̣язва уяяаанагийл̣игам̣ г̇анд̇ваа б̣ахуд̣̇зва д̣̇ивасабхааг̇ам̣ нажжаг̇ийд̇аад̣̇ийхи уяяаанз гийл̣ид̇ваа баанамад̣̇амад̇д̇о згиссаа ид̇т̇ияаа ан̇гз сийсам̣ гад̇ваа саяи. сзсид̇т̇ияо ‘‘суд̇д̇о рааж̇аа’’д̇и удтахид̇ваа уяяаанз бубпапалаад̣̇ийни г̇ан̣ханд̇ияо т̇зрам̣ д̣̇исваа хирод̇д̇аббам̣ убадтаабзд̇ваа ‘‘маа сад̣̇д̣̇ам̣ агад̇т̇аа’’д̇и ан̃н̃аман̃н̃ам̣ ниваарзд̇ваа аббасад̣̇д̣̇аа убасан̇гамид̇ваа ванд̣̇ид̇ваа т̇зрам̣ самбариваарзд̇ваа нисийд̣̇им̣су. т̇зро самаабад̇д̇ид̇о вудтааяа д̇аасам̣ д̇хаммам̣ д̣̇зсзси, д̇аа д̇удтаа ‘‘саад̇ху саад̇хуу’’д̇и вад̇ваа сун̣анд̇и.
779.Sattoguhāyanti guhaṭṭhakasuttaṃ. Kā uppatti? Bhagavati kira sāvatthiyaṃ viharante āyasmā piṇḍolabhāradvājo kosambiyaṃ gaṃṅgātīre āvaṭṭakaṃ nāma utenassa uyyānaṃ, tattha agamāsi sītale padese divāvihāraṃ nisīditukāmo. Aññadāpi cāyaṃ gacchateva tattha pubbāsevanena yathā gavampatitthero tāvatiṃsabhavananti vuttanayametaṃ vaṅgīsasuttavaṇṇanāyaṃ. So tattha gaṅgātīre sītale rukkhamūle samāpattiṃ appetvā divāvihāraṃ nisīdi. Rājāpi kho uteno taṃ divasaṃyeva uyyānakīḷikaṃ gantvā bahudeva divasabhāgaṃ naccagītādīhi uyyāne kīḷitvā pānamadamatto ekissā itthiyā aṅke sīsaṃ katvā sayi. Sesitthiyo ‘‘sutto rājā’’ti uṭṭhahitvā uyyāne pupphaphalādīni gaṇhantiyo theraṃ disvā hirottappaṃ upaṭṭhāpetvā ‘‘mā saddaṃ akatthā’’ti aññamaññaṃ nivāretvā appasaddā upasaṅkamitvā vanditvā theraṃ samparivāretvā nisīdiṃsu. Thero samāpattito vuṭṭhāya tāsaṃ dhammaṃ desesi, tā tuṭṭhā ‘‘sādhu sādhū’’ti vatvā suṇanti.
ран̃н̃о сийсам̣ ан̇гзнаад̣̇ааяа нисиннид̇т̇ий ‘‘имаа мам̣ охааяа гийл̣анд̇ий’’д̇и д̇аасу иссаабагад̇аа уурум̣ жаалзд̇ваа рааж̇аанам̣ баб̣од̇хзси. рааж̇аа бадиб̣уж̇жхид̇ваа ид̇т̇ааг̇аарам̣ абассанд̇о ‘‘гухим̣ имаа васалияо’’д̇и ааха. саа ааха – ‘‘д̇умхзсу аб̣ахугад̇аа ‘саман̣ам̣ рамаяиссаамаа’д̇и г̇ад̇аа’’д̇и. со гуд̣̇д̇хо т̇зраабхимуко аг̇амааси. д̇аа ид̇т̇ияо рааж̇аанам̣ д̣̇исваа згажжаа удтахим̣су, згажжаа ‘‘махаарааж̇а, баб̣б̣аж̇ид̇асса санд̇игз д̇хаммам̣ сун̣аамаа’’д̇и на удтахим̣су. со д̇зна бхияяосомад̇д̇ааяа гуд̣̇д̇хо т̇зрам̣ аванд̣̇ид̇ваава ‘‘гимад̇т̇ам̣ ааг̇ад̇осий’’д̇и ааха. ‘‘вивзгад̇т̇ам̣ махаарааж̇аа’’д̇и. со ‘‘вивзгад̇т̇ааяа ааг̇ад̇аа звам̣ ид̇т̇ааг̇аарабаривуд̇аа нисийд̣̇анд̇ий’’д̇и вад̇ваа ‘‘д̇ава вивзгам̣ гат̇зхий’’д̇и ааха. т̇зро висаарад̣̇оби вивзгагат̇ааяа ‘‘нааяам̣ ан̃н̃аад̇угаамо бужчад̇ий’’д̇и д̇ун̣хий ахоси. рааж̇аа ‘‘сажз на гат̇зси, д̇амб̣агибиллигзхи д̇ам̣ каад̣̇аабзссаамий’’д̇и ан̃н̃ад̇арасмим̣ асогаругкз д̇амб̣агибиллигабудам̣ г̇ан̣ханд̇о ад̇д̇анова убари вигири. со сарийрам̣ бун̃чид̇ваа ан̃н̃ам̣ будам̣ г̇ахзд̇ваа т̇зраабхимуко аг̇амааси. т̇зро ‘‘сажааяам̣ рааж̇аа маяи абараж̇жхзяяа , абааяаабхимуко бхавзяяаа’’д̇и д̇ам̣ анугамбамаано ид̣̇д̇хияаа аагаасам̣ аб̣бхуг̇г̇анд̇ваа г̇ад̇о.
Rañño sīsaṃ aṅkenādāya nisinnitthī ‘‘imā maṃ ohāya kīḷantī’’ti tāsu issāpakatā ūruṃ cāletvā rājānaṃ pabodhesi. Rājā paṭibujjhitvā itthāgāraṃ apassanto ‘‘kuhiṃ imā vasaliyo’’ti āha. Sā āha – ‘‘tumhesu abahukatā ‘samaṇaṃ ramayissāmā’ti gatā’’ti. So kuddho therābhimukho agamāsi. Tā itthiyo rājānaṃ disvā ekaccā uṭṭhahiṃsu, ekaccā ‘‘mahārāja, pabbajitassa santike dhammaṃ suṇāmā’’ti na uṭṭhahiṃsu. So tena bhiyyosomattāya kuddho theraṃ avanditvāva ‘‘kimatthaṃ āgatosī’’ti āha. ‘‘Vivekatthaṃ mahārājā’’ti. So ‘‘vivekatthāya āgatā evaṃ itthāgāraparivutā nisīdantī’’ti vatvā ‘‘tava vivekaṃ kathehī’’ti āha. Thero visāradopi vivekakathāya ‘‘nāyaṃ aññātukāmo pucchatī’’ti tuṇhī ahosi. Rājā ‘‘sace na kathesi, tambakipillikehi taṃ khādāpessāmī’’ti aññatarasmiṃ asokarukkhe tambakipillikapuṭaṃ gaṇhanto attanova upari vikiri. So sarīraṃ puñchitvā aññaṃ puṭaṃ gahetvā therābhimukho agamāsi. Thero ‘‘sacāyaṃ rājā mayi aparajjheyya , apāyābhimukho bhaveyyā’’ti taṃ anukampamāno iddhiyā ākāsaṃ abbhuggantvā gato.
д̇ад̇о ид̇т̇ияо аахам̣су – ‘‘махаарааж̇а, ан̃н̃з рааж̇аано ийд̣̇исам̣ баб̣б̣аж̇ид̇ам̣ д̣̇исваа бубпаг̇анд̇хаад̣̇ийхи бууж̇знд̇и, д̇вам̣ д̇амб̣агибиллигабудзна аасаад̣̇зд̇ум̣ аарад̣̇д̇хо ахоси, гулавам̣сам̣ наасзд̇ум̣ удтид̇о’’д̇и. со ад̇д̇ано д̣̇осам̣ н̃ад̇ваа д̇ун̣хий худ̇ваа уяяаанабаалам̣ бужчи – ‘‘ан̃н̃амби д̣̇ивасам̣ т̇зро ид̇хааг̇ажчад̇ий’’д̇и? ‘‘аама, махаарааж̇аа’’д̇и. д̇зна хи яад̣̇аа ааг̇ажчад̇и, д̇ад̣̇аа мз аарожзяяаасийд̇и. со згад̣̇ивасам̣ т̇зрз ааг̇ад̇з аарожзси. рааж̇ааби т̇зрам̣ убасан̇гамид̇ваа бан̃хам̣ бужчид̇ваа баан̣зхи саран̣ам̣ г̇ад̇о ахоси. д̇амб̣агибиллигабудзна аасаад̣̇ид̇ад̣̇ивасз бана т̇зро аагаасзнааг̇анд̇ваа буна бат̇авияам̣ нимуж̇ж̇ид̇ваа бхаг̇авад̇о г̇анд̇хагудияам̣ уммуж̇ж̇и. бхаг̇авааби ко д̣̇агкин̣зна бассзна сад̇о самбаж̇аано сийхасзяяам̣ габбаяамаано т̇зрам̣ д̣̇исваа ‘‘гим̣, бхаарад̣̇вааж̇а, агаалз ааг̇ад̇осий’’д̇и ааха. т̇зро ‘‘аама бхаг̇аваа’’д̇и вад̇ваа саб̣б̣ам̣ д̇ам̣ бавад̇д̇им̣ аарожзси. д̇ам̣ суд̇ваа бхаг̇аваа ‘‘гим̣ гариссад̇и д̇асса вивзгагат̇аа гаамаг̇ун̣аг̇ид̣̇д̇хассаа’’д̇и вад̇ваа д̣̇агкин̣зна бассзна нибанно зва т̇зрасса д̇хаммад̣̇зсанад̇т̇ам̣ имам̣ суд̇д̇амабхааси.
Tato itthiyo āhaṃsu – ‘‘mahārāja, aññe rājāno īdisaṃ pabbajitaṃ disvā pupphagandhādīhi pūjenti, tvaṃ tambakipillikapuṭena āsādetuṃ āraddho ahosi, kulavaṃsaṃ nāsetuṃ uṭṭhito’’ti. So attano dosaṃ ñatvā tuṇhī hutvā uyyānapālaṃ pucchi – ‘‘aññampi divasaṃ thero idhāgacchatī’’ti? ‘‘Āma, mahārājā’’ti. Tena hi yadā āgacchati, tadā me āroceyyāsīti. So ekadivasaṃ there āgate ārocesi. Rājāpi theraṃ upasaṅkamitvā pañhaṃ pucchitvā pāṇehi saraṇaṃ gato ahosi. Tambakipillikapuṭena āsāditadivase pana thero ākāsenāgantvā puna pathaviyaṃ nimujjitvā bhagavato gandhakuṭiyaṃ ummujji. Bhagavāpi kho dakkhiṇena passena sato sampajāno sīhaseyyaṃ kappayamāno theraṃ disvā ‘‘kiṃ, bhāradvāja, akāle āgatosī’’ti āha. Thero ‘‘āma bhagavā’’ti vatvā sabbaṃ taṃ pavattiṃ ārocesi. Taṃ sutvā bhagavā ‘‘kiṃ karissati tassa vivekakathā kāmaguṇagiddhassā’’ti vatvā dakkhiṇena passena nipanno eva therassa dhammadesanatthaṃ imaṃ suttamabhāsi.
д̇ад̇т̇а сад̇д̇од̇и лаг̇г̇о. г̇ухааяанд̇и гааяз. гааяо хи рааг̇аад̣̇ийнам̣ ваал̣аанам̣ васаногаасад̇о ‘‘г̇ухаа’’д̇и вужжад̇и. б̣ахунаабхичаннод̇и б̣ахунаа рааг̇аад̣̇игилзсаж̇аалзна абхижчанно. зд̇зна аж̇жхад̇д̇аб̣анд̇ханам̣ вуд̇д̇ам̣. д̇идтанд̇и рааг̇аад̣̇ивасзна д̇идтанд̇о. народ̇и сад̇д̇о. моханасмим̣ баг̇аал̣ход̇и моханам̣ вужжад̇и гаамаг̇ун̣аа. зд̇т̇а хи д̣̇звамануссаа муяханд̇и, д̇зсу аж̇жхог̇аал̣хо худ̇ваа . зд̇зна б̣ахид̣̇д̇хааб̣анд̇ханам̣ вуд̇д̇ам̣. д̣̇уурз вивзгаа хи д̇ат̇аавид̇хо сод̇и со д̇ат̇ааруубо наро д̇ивид̇хааби гааяавивзгаад̣̇игаа вивзгаа д̣̇уурз анаасаннз. гим̣гааран̣аа? гаамаа хи логз на хи суббахааяаа, яасмаа логз гаамаа суббахааяаа на хонд̇ийд̇и вуд̇д̇ам̣ ход̇и.
Tattha sattoti laggo. Guhāyanti kāye. Kāyo hi rāgādīnaṃ vāḷānaṃ vasanokāsato ‘‘guhā’’ti vuccati. Bahunābhichannoti bahunā rāgādikilesajālena abhicchanno. Etena ajjhattabandhanaṃ vuttaṃ. Tiṭṭhanti rāgādivasena tiṭṭhanto. Naroti satto. Mohanasmiṃ pagāḷhoti mohanaṃ vuccati kāmaguṇā. Ettha hi devamanussā muyhanti, tesu ajjhogāḷho hutvā . Etena bahiddhābandhanaṃ vuttaṃ. Dūre vivekā hi tathāvidho soti so tathārūpo naro tividhāpi kāyavivekādikā vivekā dūre anāsanne. Kiṃkāraṇā? Kāmā hi loke na hi suppahāyā, yasmā loke kāmā suppahāyā na hontīti vuttaṃ hoti.
780. звам̣ батамаг̇аат̇ааяа ‘‘д̣̇уурз вивзгаа д̇ат̇аавид̇хо’’д̇и саад̇хзд̇ваа буна д̇ат̇аавид̇хаанам̣ сад̇д̇аанам̣ д̇хаммад̇ам̣ аавигаронд̇о ‘‘ижчаанид̣̇аанаа’’д̇и г̇аат̇амааха. д̇ад̇т̇а ижчаанид̣̇аанаад̇и д̇ан̣хаахзд̇угаа. бхавасаад̇аб̣ад̣̇д̇хаад̇и сукавзд̣̇анаад̣̇имхи бхавасаад̇з б̣ад̣̇д̇хаа. д̇з д̣̇уббамун̃жаад̇и д̇з бхавасаад̇авад̇т̇убхууд̇аа д̇хаммаа, д̇з ваа д̇ад̇т̇а б̣ад̣̇д̇хаа ижчаанид̣̇аанаа сад̇д̇аа д̣̇уббаможаяаа. на хи ан̃н̃амогкаад̇и ан̃н̃зна жа можзд̇ум̣ на саггонд̇и. гааран̣аважанам̣ ваа зд̇ам̣, д̇з сад̇д̇аа д̣̇уббамун̃жаа. гасмаа? яасмаа ан̃н̃зна можзд̇аб̣б̣аа на хонд̇и. яад̣̇и бана мун̃жзяяум̣, сагзна т̇аамзна мун̃жзяяунд̇и аяамасса ад̇т̇о. бажчаа бурз вааби абзгкамаанаад̇и анааг̇ад̇з ад̇ийд̇з ваа гаамз абзгкамаанаа. имзва гаамз буримзва ж̇аббанд̇и имз ваа бажжуббаннз гаамз буримз ваа д̣̇увид̇хзби ад̇ийд̇аанааг̇ад̇з б̣алавад̇ан̣хааяа бад̇т̇аяамаанаа. имзсан̃жа д̣̇виннам̣ бад̣̇аанам̣ ‘‘д̇з д̣̇уббамун̃жаа на хи ан̃н̃амогкаа’’д̇и иминаа саха самб̣анд̇хо взд̣̇ид̇аб̣б̣о, ид̇арат̇аа ‘‘абзгкамаанаа ж̇аббам̣ гим̣ гаронд̇и гим̣ ваа гад̇аа’’д̇и на бан̃н̃ааязяяум̣.
780. Evaṃ paṭhamagāthāya ‘‘dūre vivekā tathāvidho’’ti sādhetvā puna tathāvidhānaṃ sattānaṃ dhammataṃ āvikaronto ‘‘icchānidānā’’ti gāthamāha. Tattha icchānidānāti taṇhāhetukā. Bhavasātabaddhāti sukhavedanādimhi bhavasāte baddhā. Te duppamuñcāti te bhavasātavatthubhūtā dhammā, te vā tattha baddhā icchānidānā sattā duppamocayā. Na hi aññamokkhāti aññena ca mocetuṃ na sakkonti. Kāraṇavacanaṃ vā etaṃ, te sattā duppamuñcā. Kasmā? Yasmā aññena mocetabbā na honti. Yadi pana muñceyyuṃ, sakena thāmena muñceyyunti ayamassa attho. Pacchā pure vāpi apekkhamānāti anāgate atīte vā kāme apekkhamānā. Imeva kāme purimeva jappanti ime vā paccuppanne kāme purime vā duvidhepi atītānāgate balavataṇhāya patthayamānā. Imesañca dvinnaṃ padānaṃ ‘‘te duppamuñcā na hi aññamokkhā’’ti iminā saha sambandho veditabbo, itarathā ‘‘apekkhamānā jappaṃ kiṃ karonti kiṃ vā katā’’ti na paññāyeyyuṃ.
781-2. звам̣ батамаг̇аат̇ааяа ‘‘д̣̇уурз вивзгаа д̇ат̇аавид̇хо’’д̇и саад̇хзд̇ваа д̣̇уд̇ияаг̇аат̇ааяа жа д̇ат̇аавид̇хаанам̣ сад̇д̇аанам̣ д̇хаммад̇ам̣ аавигад̇ваа ид̣̇аани нзсам̣ баабагаммагаран̣ам̣ аавигаронд̇о ‘‘гаамзсу г̇ид̣̇д̇хаа’’д̇и г̇аат̇амааха. д̇ассад̇т̇о – д̇з сад̇д̇аа гаамзсу барибхог̇ад̇ан̣хааяа г̇ид̣̇д̇хаа бариязсанаад̣̇имануяуд̇д̇ад̇д̇аа басуд̇аа саммохамаабаннад̇д̇аа бамуул̣хаа аваг̇аманад̇ааяа мажчарид̇ааяа б̣уд̣̇д̇хаад̣̇ийнам̣ важанам̣ анаад̣̇ияанад̇ааяа жа авад̣̇аанияаа. гааяависамаад̣̇имхи висамз нивидтаа анд̇агаалз маран̣ад̣̇угкуубанийд̇аа ‘‘гим̣суу бхависсаама ид̇о жуд̇аасз’’д̇и барид̣̇зваяанд̇ийд̇и. яасмаа зд̇ад̣̇зва, д̇асмаа хи сигкзт̇а…бз… мааху д̇хийраад̇и. д̇ад̇т̇а сигкзт̇аад̇и д̇иссо сигкаа аабаж̇ж̇зяяа. ид̇хзваад̇и имасмим̣язва саасанз. сзсамуд̇д̇аанамзва.
781-2. Evaṃ paṭhamagāthāya ‘‘dūre vivekā tathāvidho’’ti sādhetvā dutiyagāthāya ca tathāvidhānaṃ sattānaṃ dhammataṃ āvikatvā idāni nesaṃ pāpakammakaraṇaṃ āvikaronto ‘‘kāmesu giddhā’’ti gāthamāha. Tassattho – te sattā kāmesu paribhogataṇhāya giddhā pariyesanādimanuyuttattā pasutā sammohamāpannattā pamūḷhā avagamanatāya maccharitāya buddhādīnaṃ vacanaṃ anādiyanatāya ca avadāniyā. Kāyavisamādimhi visame niviṭṭhā antakāle maraṇadukkhūpanītā ‘‘kiṃsū bhavissāma ito cutāse’’ti paridevayantīti. Yasmā etadeva, tasmā hi sikkhetha…pe… māhu dhīrāti. Tattha sikkhethāti tisso sikkhā āpajjeyya. Idhevāti imasmiṃyeva sāsane. Sesamuttānameva.
783. ид̣̇аани яз д̇ат̇аа на гаронд̇и, д̇зсам̣ б̣яасанаббад̇д̇им̣ д̣̇ассзнд̇о ‘‘бассаамий’’д̇и г̇аат̇амааха. д̇ад̇т̇а бассаамийд̇и мам̣сажагкуаад̣̇ийхи бзгкаами. логзд̇и абааяаад̣̇имхи. барипанд̣̇амаананд̇и ид̇о жид̇о жа панд̣̇амаанам̣. баж̇ам̣ иманд̇и имам̣ сад̇д̇агааяам̣. д̇ан̣хаг̇ад̇анд̇и д̇ан̣хааяа г̇ад̇ам̣ абхибхууд̇ам̣, нибаад̇ид̇анд̇и ад̇хиббааяо. бхавзсууд̇и гаамабхаваад̣̇ийсу. хийнаа нараад̇и хийнагамманд̇аа нараа. мажжумукз лабанд̇ийд̇и анд̇агаалз самбад̇д̇з маран̣амукз барид̣̇званд̇и. авийд̇ад̇ан̣хаасзд̇и авиг̇ад̇ад̇ан̣хаа. бхаваабхавзсууд̇и гаамабхаваад̣̇ийсу. ат̇а ваа бхаваабхавзсууд̇и бхавабхавзсу, бунаббунабхавзсууд̇и вуд̇д̇ам̣ ход̇и.
783. Idāni ye tathā na karonti, tesaṃ byasanappattiṃ dassento ‘‘passāmī’’ti gāthamāha. Tattha passāmīti maṃsacakkhuādīhi pekkhāmi. Loketi apāyādimhi. Pariphandamānanti ito cito ca phandamānaṃ. Pajaṃ imanti imaṃ sattakāyaṃ. Taṇhagatanti taṇhāya gataṃ abhibhūtaṃ, nipātitanti adhippāyo. Bhavesūti kāmabhavādīsu. Hīnā narāti hīnakammantā narā. Maccumukhe lapantīti antakāle sampatte maraṇamukhe paridevanti. Avītataṇhāseti avigatataṇhā. Bhavābhavesūti kāmabhavādīsu. Atha vā bhavābhavesūti bhavabhavesu, punappunabhavesūti vuttaṃ hoti.
784. ид̣̇аани яасмаа авийд̇ад̇ан̣хаа звам̣ панд̣̇анд̇и жа лабанд̇и жа, д̇асмаа д̇ан̣хаавинаяз самаад̣̇абзнд̇о ‘‘мамааяид̇з’’д̇и г̇аат̇амааха. д̇ад̇т̇а мамааяид̇зд̇и д̇ан̣хаад̣̇идтимамад̇д̇зхи ‘‘мама’’нд̇и бариг̇г̇ахид̇з вад̇т̇усмим̣. бассат̇аад̇и сод̇аарз аалабанд̇о ааха. зд̇амбийд̇и зд̇амби аад̣̇ийнавам̣. сзсам̣ баагадамзва.
784. Idāni yasmā avītataṇhā evaṃ phandanti ca lapanti ca, tasmā taṇhāvinaye samādapento ‘‘mamāyite’’ti gāthamāha. Tattha mamāyiteti taṇhādiṭṭhimamattehi ‘‘mama’’nti pariggahite vatthusmiṃ. Passathāti sotāre ālapanto āha. Etampīti etampi ādīnavaṃ. Sesaṃ pākaṭameva.
785. звамзд̇т̇а батамаг̇аат̇ааяа ассаад̣̇ам̣, д̇ад̇о бараахи жад̇уухи аад̣̇ийнаван̃жа д̣̇ассзд̇ваа ид̣̇аани саубааяам̣ ниссаран̣ам̣ ниссаран̣аанисам̣сан̃жа д̣̇ассзд̇ум̣ саб̣б̣аахи ваа зд̇аахи гаамаанам̣ аад̣̇ийнавам̣ огаарам̣ сам̣гилзсан̃жа д̣̇ассзд̇ваа ид̣̇аани нзгкаммз аанисам̣сам̣ д̣̇ассзд̇ум̣ ‘‘убхосу анд̇зсуу’’д̇и г̇аат̇аад̣̇ваяамааха. д̇ад̇т̇а убхосу анд̇зсууд̇и пассапассасамуд̣̇аяаад̣̇ийсу д̣̇вийсу барижчзд̣̇зсу. винзяяа чанд̣̇анд̇и чанд̣̇арааг̇ам̣ винзд̇ваа. пассам̣ барин̃н̃ааяаад̇и жагкусампассаад̣̇ипассам̣, пассаанусаарзна ваа д̇ам̣самбаяуд̇д̇з саб̣б̣зби аруубад̇хаммз, д̇зсам̣ вад̇т̇уд̣̇ваараарамман̣авасзна руубад̇хаммз жаад̇и сагаламби наамаруубам̣ д̇ийхи барин̃н̃аахи бариж̇аанид̇ваа. анаануг̇ид̣̇д̇ход̇и руубаад̣̇ийсу саб̣б̣ад̇хаммзсу аг̇ид̣̇д̇хо. яад̣̇ад̇д̇аг̇арахий д̇ад̣̇агуб̣б̣амаанод̇и яам̣ ад̇д̇анаа г̇арахад̇и, д̇ам̣ агурумаано. налиббад̇ий д̣̇идтасуд̇зсу д̇хийрод̇и со зваруубо д̇хид̇исамбанно д̇хийро д̣̇идтзсу жа суд̇зсу жа д̇хаммзсу д̣̇виннам̣ лзбаанам̣ згзнаби лзбзна на либбад̇и. аагаасамива нирубалид̇д̇о ажжанд̇авод̣̇аанаббад̇д̇о ход̇и.
785. Evamettha paṭhamagāthāya assādaṃ, tato parāhi catūhi ādīnavañca dassetvā idāni saupāyaṃ nissaraṇaṃ nissaraṇānisaṃsañca dassetuṃ sabbāhi vā etāhi kāmānaṃ ādīnavaṃ okāraṃ saṃkilesañca dassetvā idāni nekkhamme ānisaṃsaṃ dassetuṃ ‘‘ubhosu antesū’’ti gāthādvayamāha. Tattha ubhosu antesūti phassaphassasamudayādīsu dvīsu paricchedesu. Vineyya chandanti chandarāgaṃ vinetvā. Phassaṃ pariññāyāti cakkhusamphassādiphassaṃ, phassānusārena vā taṃsampayutte sabbepi arūpadhamme, tesaṃ vatthudvārārammaṇavasena rūpadhamme cāti sakalampi nāmarūpaṃ tīhi pariññāhi parijānitvā. Anānugiddhoti rūpādīsu sabbadhammesu agiddho. Yadattagarahī tadakubbamānoti yaṃ attanā garahati, taṃ akurumāno. Nalippatī diṭṭhasutesu dhīroti so evarūpo dhitisampanno dhīro diṭṭhesu ca sutesu ca dhammesu dvinnaṃ lepānaṃ ekenapi lepena na lippati. Ākāsamiva nirupalitto accantavodānappatto hoti.
786. сан̃н̃ам̣ барин̃н̃аад̇и г̇аат̇ааяа бана аяам̣ сан̇кзбад̇т̇о – на гзвалан̃жа пассамзва, абижа ко бана гаамасан̃н̃аад̣̇ибхзд̣̇ам̣ сан̃н̃амби, сан̃н̃аанусаарзна ваа буб̣б̣з вуд̇д̇анаязнзва наамаруубам̣ д̇ийхи барин̃н̃аахи бариж̇аанид̇ваа имааяа бадибад̣̇ааяа жад̇уб̣б̣ид̇хамби вид̇арзяяа огхам̣, д̇ад̇о со д̇ин̣н̣огхо д̇ан̣хаад̣̇идтибариг̇г̇ахзсу д̇ан̣хаад̣̇идтилзбаббахаанзна нобалид̇д̇о кийн̣аасавамуни рааг̇аад̣̇исаллаанам̣ аб̣б̣уул̣хад̇д̇аа аб̣б̣уул̣хасалло сад̇ивзбуллаббад̇д̇ияаа аббамад̇д̇о жарам̣, буб̣б̣абхааг̇з ваа аббамад̇д̇о жарам̣ д̇зна аббамаад̣̇ажаарзна аб̣б̣уул̣хасалло худ̇ваа сагабарад̇д̇абхааваад̣̇ибхзд̣̇ам̣ наасийсад̇ий логамимам̣ баран̃жа, ан̃н̃ад̣̇ад̇т̇у жаримажид̇д̇анирод̇хаа нирубаад̣̇аано ж̇аад̇авзд̣̇ова бариниб̣б̣аад̇ийд̇и арахад̇д̇анигуудзна д̣̇зсанам̣ нидтаабзси д̇хамманзд̇д̇идтабанамзва гаронд̇о, на уд̇д̇арим̣ имааяа д̣̇зсанааяа маг̇г̇ам̣ ваа палам̣ ваа уббаад̣̇зси кийн̣аасавасса д̣̇зсид̇ад̇д̇аад̇и.
786.Saññaṃ pariññāti gāthāya pana ayaṃ saṅkhepattho – na kevalañca phassameva, apica kho pana kāmasaññādibhedaṃ saññampi, saññānusārena vā pubbe vuttanayeneva nāmarūpaṃ tīhi pariññāhi parijānitvā imāya paṭipadāya catubbidhampi vitareyya oghaṃ, tato so tiṇṇogho taṇhādiṭṭhipariggahesu taṇhādiṭṭhilepappahānena nopalitto khīṇāsavamuni rāgādisallānaṃ abbūḷhattā abbūḷhasallo sativepullappattiyā appamatto caraṃ, pubbabhāge vā appamatto caraṃ tena appamādacārena abbūḷhasallo hutvā sakaparattabhāvādibhedaṃ nāsīsatī lokamimaṃ parañca, aññadatthu carimacittanirodhā nirupādāno jātavedova parinibbātīti arahattanikūṭena desanaṃ niṭṭhāpesi dhammanettiṭṭhapanameva karonto, na uttariṃ imāya desanāya maggaṃ vā phalaṃ vā uppādesi khīṇāsavassa desitattāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа г̇ухадтагасуд̇д̇аван̣н̣анаа нидтид̇аа.
Suttanipāta-aṭṭhakathāya guhaṭṭhakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 2. г̇ухадтагасуд̇д̇ам̣ • 2. Guhaṭṭhakasuttaṃ
