| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
163. கு³ளாதி³அனுஜானநா
163. Guḷādianujānanā
272. அத² கோ² ப⁴க³வா ஸாவத்தி²யங் யதா²பி⁴ரந்தங் விஹரித்வா யேன ராஜக³ஹங் தேன சாரிகங் பக்காமி. அத்³த³ஸா கோ² ஆயஸ்மா கங்கா²ரேவதோ அந்தராமக்³கே³ கு³ளகரணங், ஓக்கமித்வா கு³ளே பிட்ட²ம்பி சா²ரிகம்பி பக்கி²பந்தே, தி³ஸ்வான ‘‘அகப்பியோ கு³ளோ ஸாமிஸோ, ந கப்பதி கு³ளோ விகாலே பரிபு⁴ஞ்ஜிது’’ந்தி குக்குச்சாயந்தோ ஸபரிஸோ கு³ளங் ந பரிபு⁴ஞ்ஜதி. யேபிஸ்ஸ ஸோதப்³ப³ங் மஞ்ஞந்தி, தேபி கு³ளங் ந பரிபு⁴ஞ்ஜந்தி. ப⁴க³வதோ ஏதமத்த²ங் ஆரோசேஸுங். கிமத்தா²ய 1, பி⁴க்க²வே, கு³ளே பிட்ட²ம்பி சா²ரிகம்பி பக்கி²பந்தீதி? த²த்³த⁴த்தா²ய 2 ப⁴க³வாதி. ஸசே, பி⁴க்க²வே, த²த்³த⁴த்தா²ய கு³ளே பிட்ட²ம்பி சா²ரிகம்பி பக்கி²பந்தி, ஸோ ச கு³ளொத்வேவ ஸங்க²ங் க³ச்ச²தி. அனுஜானாமி, பி⁴க்க²வே, யதா²ஸுக²ங் கு³ளங் பரிபு⁴ஞ்ஜிதுந்தி.
272. Atha kho bhagavā sāvatthiyaṃ yathābhirantaṃ viharitvā yena rājagahaṃ tena cārikaṃ pakkāmi. Addasā kho āyasmā kaṅkhārevato antarāmagge guḷakaraṇaṃ, okkamitvā guḷe piṭṭhampi chārikampi pakkhipante, disvāna ‘‘akappiyo guḷo sāmiso, na kappati guḷo vikāle paribhuñjitu’’nti kukkuccāyanto sapariso guḷaṃ na paribhuñjati. Yepissa sotabbaṃ maññanti, tepi guḷaṃ na paribhuñjanti. Bhagavato etamatthaṃ ārocesuṃ. Kimatthāya 3, bhikkhave, guḷe piṭṭhampi chārikampi pakkhipantīti? Thaddhatthāya 4 bhagavāti. Sace, bhikkhave, thaddhatthāya guḷe piṭṭhampi chārikampi pakkhipanti, so ca guḷotveva saṅkhaṃ gacchati. Anujānāmi, bhikkhave, yathāsukhaṃ guḷaṃ paribhuñjitunti.
அத்³த³ஸா கோ² ஆயஸ்மா கங்கா²ரேவதோ அந்தராமக்³கே³ வச்சே முக்³க³ங் ஜாதங், பஸ்ஸித்வா ‘‘அகப்பியா முக்³கா³; பக்காபி முக்³கா³ ஜாயந்தீதி’’ குக்குச்சாயந்தோ ஸபரிஸோ முக்³க³ங் ந பரிபு⁴ஞ்ஜதி. யேபிஸ்ஸ ஸோதப்³ப³ங் மஞ்ஞந்தி, தேபி முக்³க³ங் ந பரிபு⁴ஞ்ஜந்தி. ப⁴க³வதோ ஏதமத்த²ங் ஆரோசேஸுங். ஸசே 5, பி⁴க்க²வே, பக்காபி முக்³கா³ ஜாயந்தி , அனுஜானாமி, பி⁴க்க²வே, யதா²ஸுக²ங் முக்³க³ங் பரிபு⁴ஞ்ஜிதுந்தி.
Addasā kho āyasmā kaṅkhārevato antarāmagge vacce muggaṃ jātaṃ, passitvā ‘‘akappiyā muggā; pakkāpi muggā jāyantīti’’ kukkuccāyanto sapariso muggaṃ na paribhuñjati. Yepissa sotabbaṃ maññanti, tepi muggaṃ na paribhuñjanti. Bhagavato etamatthaṃ ārocesuṃ. Sace 6, bhikkhave, pakkāpi muggā jāyanti , anujānāmi, bhikkhave, yathāsukhaṃ muggaṃ paribhuñjitunti.
273. தேன கோ² பன ஸமயேன அஞ்ஞதரஸ்ஸ பி⁴க்கு²னோ உத³ரவாதாபா³தோ⁴ ஹோதி. ஸோ லோணஸோவீரகங் அபாயி. தஸ்ஸ ஸோ உத³ரவாதாபா³தோ⁴ படிப்பஸ்ஸம்பி⁴. ப⁴க³வதோ ஏதமத்த²ங் ஆரோசேஸுங் . அனுஜானாமி, பி⁴க்க²வே, கி³லானஸ்ஸ லோணஸோவீரகங்; அகி³லானஸ்ஸ உத³கஸம்பி⁴ன்னங் பானபரிபோ⁴கே³ன பரிபு⁴ஞ்ஜிதுந்தி.
273. Tena kho pana samayena aññatarassa bhikkhuno udaravātābādho hoti. So loṇasovīrakaṃ apāyi. Tassa so udaravātābādho paṭippassambhi. Bhagavato etamatthaṃ ārocesuṃ . Anujānāmi, bhikkhave, gilānassa loṇasovīrakaṃ; agilānassa udakasambhinnaṃ pānaparibhogena paribhuñjitunti.
கு³ளாதி³அனுஜானநா நிட்டி²தா.
Guḷādianujānanā niṭṭhitā.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கு³ளாதி³அனுஜானநகதா² • Guḷādianujānanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / கு³ளாதி³அனுஜானநகதா²வண்ணனா • Guḷādianujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / கு³ளாதி³அனுஜானநகதா²வண்ணனா • Guḷādianujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 163. கு³ளாதி³அனுஜானநகதா² • 163. Guḷādianujānanakathā
