| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੬੩. ਗੁਲ਼ਾਦਿਅਨੁਜਾਨਨਾ
163. Guḷādianujānanā
੨੭੨. ਅਥ ਖੋ ਭਗવਾ ਸਾવਤ੍ਥਿਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਰਾਜਗਹਂ ਤੇਨ ਚਾਰਿਕਂ ਪਕ੍ਕਾਮਿ। ਅਦ੍ਦਸਾ ਖੋ ਆਯਸ੍ਮਾ ਕਙ੍ਖਾਰੇવਤੋ ਅਨ੍ਤਰਾਮਗ੍ਗੇ ਗੁਲ਼ਕਰਣਂ, ਓਕ੍ਕਮਿਤ੍વਾ ਗੁਲ਼ੇ ਪਿਟ੍ਠਮ੍ਪਿ ਛਾਰਿਕਮ੍ਪਿ ਪਕ੍ਖਿਪਨ੍ਤੇ, ਦਿਸ੍વਾਨ ‘‘ਅਕਪ੍ਪਿਯੋ ਗੁਲ਼ੋ ਸਾਮਿਸੋ, ਨ ਕਪ੍ਪਤਿ ਗੁਲ਼ੋ વਿਕਾਲੇ ਪਰਿਭੁਞ੍ਜਿਤੁ’’ਨ੍ਤਿ ਕੁਕ੍ਕੁਚ੍ਚਾਯਨ੍ਤੋ ਸਪਰਿਸੋ ਗੁਲ਼ਂ ਨ ਪਰਿਭੁਞ੍ਜਤਿ। ਯੇਪਿਸ੍ਸ ਸੋਤਬ੍ਬਂ ਮਞ੍ਞਨ੍ਤਿ, ਤੇਪਿ ਗੁਲ਼ਂ ਨ ਪਰਿਭੁਞ੍ਜਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਕਿਮਤ੍ਥਾਯ 1, ਭਿਕ੍ਖવੇ, ਗੁਲ਼ੇ ਪਿਟ੍ਠਮ੍ਪਿ ਛਾਰਿਕਮ੍ਪਿ ਪਕ੍ਖਿਪਨ੍ਤੀਤਿ? ਥਦ੍ਧਤ੍ਥਾਯ 2 ਭਗવਾਤਿ। ਸਚੇ, ਭਿਕ੍ਖવੇ, ਥਦ੍ਧਤ੍ਥਾਯ ਗੁਲ਼ੇ ਪਿਟ੍ਠਮ੍ਪਿ ਛਾਰਿਕਮ੍ਪਿ ਪਕ੍ਖਿਪਨ੍ਤਿ, ਸੋ ਚ ਗੁਲ਼ੋਤ੍વੇવ ਸਙ੍ਖਂ ਗਚ੍ਛਤਿ। ਅਨੁਜਾਨਾਮਿ, ਭਿਕ੍ਖવੇ, ਯਥਾਸੁਖਂ ਗੁਲ਼ਂ ਪਰਿਭੁਞ੍ਜਿਤੁਨ੍ਤਿ।
272. Atha kho bhagavā sāvatthiyaṃ yathābhirantaṃ viharitvā yena rājagahaṃ tena cārikaṃ pakkāmi. Addasā kho āyasmā kaṅkhārevato antarāmagge guḷakaraṇaṃ, okkamitvā guḷe piṭṭhampi chārikampi pakkhipante, disvāna ‘‘akappiyo guḷo sāmiso, na kappati guḷo vikāle paribhuñjitu’’nti kukkuccāyanto sapariso guḷaṃ na paribhuñjati. Yepissa sotabbaṃ maññanti, tepi guḷaṃ na paribhuñjanti. Bhagavato etamatthaṃ ārocesuṃ. Kimatthāya 3, bhikkhave, guḷe piṭṭhampi chārikampi pakkhipantīti? Thaddhatthāya 4 bhagavāti. Sace, bhikkhave, thaddhatthāya guḷe piṭṭhampi chārikampi pakkhipanti, so ca guḷotveva saṅkhaṃ gacchati. Anujānāmi, bhikkhave, yathāsukhaṃ guḷaṃ paribhuñjitunti.
ਅਦ੍ਦਸਾ ਖੋ ਆਯਸ੍ਮਾ ਕਙ੍ਖਾਰੇવਤੋ ਅਨ੍ਤਰਾਮਗ੍ਗੇ વਚ੍ਚੇ ਮੁਗ੍ਗਂ ਜਾਤਂ, ਪਸ੍ਸਿਤ੍વਾ ‘‘ਅਕਪ੍ਪਿਯਾ ਮੁਗ੍ਗਾ; ਪਕ੍ਕਾਪਿ ਮੁਗ੍ਗਾ ਜਾਯਨ੍ਤੀਤਿ’’ ਕੁਕ੍ਕੁਚ੍ਚਾਯਨ੍ਤੋ ਸਪਰਿਸੋ ਮੁਗ੍ਗਂ ਨ ਪਰਿਭੁਞ੍ਜਤਿ। ਯੇਪਿਸ੍ਸ ਸੋਤਬ੍ਬਂ ਮਞ੍ਞਨ੍ਤਿ, ਤੇਪਿ ਮੁਗ੍ਗਂ ਨ ਪਰਿਭੁਞ੍ਜਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਸਚੇ 5, ਭਿਕ੍ਖવੇ, ਪਕ੍ਕਾਪਿ ਮੁਗ੍ਗਾ ਜਾਯਨ੍ਤਿ , ਅਨੁਜਾਨਾਮਿ, ਭਿਕ੍ਖવੇ, ਯਥਾਸੁਖਂ ਮੁਗ੍ਗਂ ਪਰਿਭੁਞ੍ਜਿਤੁਨ੍ਤਿ।
Addasā kho āyasmā kaṅkhārevato antarāmagge vacce muggaṃ jātaṃ, passitvā ‘‘akappiyā muggā; pakkāpi muggā jāyantīti’’ kukkuccāyanto sapariso muggaṃ na paribhuñjati. Yepissa sotabbaṃ maññanti, tepi muggaṃ na paribhuñjanti. Bhagavato etamatthaṃ ārocesuṃ. Sace 6, bhikkhave, pakkāpi muggā jāyanti , anujānāmi, bhikkhave, yathāsukhaṃ muggaṃ paribhuñjitunti.
੨੭੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਰવਾਤਾਬਾਧੋ ਹੋਤਿ। ਸੋ ਲੋਣਸੋવੀਰਕਂ ਅਪਾਯਿ। ਤਸ੍ਸ ਸੋ ਉਦਰવਾਤਾਬਾਧੋ ਪਟਿਪ੍ਪਸ੍ਸਮ੍ਭਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ । ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨਸ੍ਸ ਲੋਣਸੋવੀਰਕਂ; ਅਗਿਲਾਨਸ੍ਸ ਉਦਕਸਮ੍ਭਿਨ੍ਨਂ ਪਾਨਪਰਿਭੋਗੇਨ ਪਰਿਭੁਞ੍ਜਿਤੁਨ੍ਤਿ।
273. Tena kho pana samayena aññatarassa bhikkhuno udaravātābādho hoti. So loṇasovīrakaṃ apāyi. Tassa so udaravātābādho paṭippassambhi. Bhagavato etamatthaṃ ārocesuṃ . Anujānāmi, bhikkhave, gilānassa loṇasovīrakaṃ; agilānassa udakasambhinnaṃ pānaparibhogena paribhuñjitunti.
ਗੁਲ਼ਾਦਿਅਨੁਜਾਨਨਾ ਨਿਟ੍ਠਿਤਾ।
Guḷādianujānanā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਗੁਲ਼ਾਦਿਅਨੁਜਾਨਨਕਥਾ • Guḷādianujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਗੁਲ਼ਾਦਿਅਨੁਜਾਨਨਕਥਾવਣ੍ਣਨਾ • Guḷādianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਗੁਲ਼ਾਦਿਅਨੁਜਾਨਨਕਥਾવਣ੍ਣਨਾ • Guḷādianujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੬੩. ਗੁਲ਼ਾਦਿਅਨੁਜਾਨਨਕਥਾ • 163. Guḷādianujānanakathā
