| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৬৩. গুল়াদিঅনুজাননকথা
163. Guḷādianujānanakathā
২৭২. হীতি সচ্চং। পক্কত্তাতি মুগ্গানং পক্কভাৰতো। তেতি মুগ্গা।
272.Hīti saccaṃ. Pakkattāti muggānaṃ pakkabhāvato. Teti muggā.
২৭৪. অকপ্পিযকুটিযন্তি অকপ্পিযকুটিযা অন্তো। অস্সাতি ভিক্খুনো ন ৰট্টতীতি সম্বন্ধো। তম্পীতি উণ্হযাগুম্পি। পিসদ্দেন পগেৰ আমিসং পচিতুন্তি দস্সেতি। উত্তণ্ডুলভত্তন্তি পক্কতণ্ডুলতো ৰিযোগোতি উত্তণ্ডুলো, উকারো হি ৰিযোগত্থৰাচকো, অপক্কতণ্ডুলোতি অত্থো। উত্তণ্ডুলমযং ভত্তন্তি উত্তণ্ডুলভত্তং। সকিং কুথিতেসু খীরতক্কাদীসু অগ্গিং দাতুং ৰট্টতীতি যোজনা। বিল়ালাদীনং সত্তানং সমূহো রূল়্হীৰসেন উক্কপিণ্ডকোতি ৰুচ্চতীতি আহ ‘‘বিল়ালমূসিকগোধামঙ্গুসা’’তি। ৰিঘাসাদভাৰেন নিহতমানত্তা কাযৰাচং দমেতীতি দমকো ৰিঘাসাদোতি আহ ‘‘ৰিঘাসাদা’’তি।
274.Akappiyakuṭiyanti akappiyakuṭiyā anto. Assāti bhikkhuno na vaṭṭatīti sambandho. Tampīti uṇhayāgumpi. Pisaddena pageva āmisaṃ pacitunti dasseti. Uttaṇḍulabhattanti pakkataṇḍulato viyogoti uttaṇḍulo, ukāro hi viyogatthavācako, apakkataṇḍuloti attho. Uttaṇḍulamayaṃ bhattanti uttaṇḍulabhattaṃ. Sakiṃ kuthitesu khīratakkādīsu aggiṃ dātuṃ vaṭṭatīti yojanā. Biḷālādīnaṃ sattānaṃ samūho rūḷhīvasena ukkapiṇḍakoti vuccatīti āha ‘‘biḷālamūsikagodhāmaṅgusā’’ti. Vighāsādabhāvena nihatamānattā kāyavācaṃ dametīti damako vighāsādoti āha ‘‘vighāsādā’’ti.
২৭৬. ততো নীহটন্তি এত্থ তসদ্দস্স ৰিসযং দস্সেন্তো আহ ‘‘যত্থা’’তিআদি। যত্থাতি যস্মিং ঠানে। নীহটন্তি নীহরিত্ৰা হরিতং।
276.Tato nīhaṭanti ettha tasaddassa visayaṃ dassento āha ‘‘yatthā’’tiādi. Yatthāti yasmiṃ ṭhāne. Nīhaṭanti nīharitvā haritaṃ.
২৭৮. ৰনট্ঠং পোক্খরট্ঠন্তি এত্থ ৰনে তিট্ঠতীতি ৰনট্ঠো, পোক্খরে তিট্ঠতীতি পোক্খরট্ঠোতি ৰচনত্থং দস্সেন্তো আহ ‘‘ৰনে চেৰা’’তিআদি। ‘‘পদুমিনিগচ্ছে’’তি ইমিনা পোক্খরসদ্দো পদুমৰাচকোতি দস্সেতি। যস্স বীজং অঙ্কুরং ন জনেতি, তং ফলং অবীজং নামাতি যোজনা।
278.Vanaṭṭhaṃ pokkharaṭṭhanti ettha vane tiṭṭhatīti vanaṭṭho, pokkhare tiṭṭhatīti pokkharaṭṭhoti vacanatthaṃ dassento āha ‘‘vane cevā’’tiādi. ‘‘Paduminigacche’’ti iminā pokkharasaddo padumavācakoti dasseti. Yassa bījaṃ aṅkuraṃ na janeti, taṃ phalaṃ abījaṃ nāmāti yojanā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৬৩. গুল়াদিঅনুজাননা • 163. Guḷādianujānanā
১৬৪. অন্তোৰুট্ঠাদিপটিক্খেপকথা • 164. Antovuṭṭhādipaṭikkhepakathā
১৬৫. উগ্গহিতপটিগ্গহণা • 165. Uggahitapaṭiggahaṇā
১৬৬. পটিগ্গহিতাদিঅনুজাননা • 166. Paṭiggahitādianujānanā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / গুল়াদিঅনুজাননকথা • Guḷādianujānanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / গুল়াদিঅনুজাননকথাৰণ্ণনা • Guḷādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / গুল়াদিঅনুজাননকথাৰণ্ণনা • Guḷādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / গুল়াদিঅনুজাননকথাৰণ্ণনা • Guḷādianujānanakathāvaṇṇanā
