| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๖๓. คุฬาทิอนุชานนกถา
163. Guḷādianujānanakathā
๒๗๒. หีติ สจฺจํฯ ปกฺกตฺตาติ มุคฺคานํ ปกฺกภาวโตฯ เตติ มุคฺคาฯ
272.Hīti saccaṃ. Pakkattāti muggānaṃ pakkabhāvato. Teti muggā.
๒๗๔. อกปฺปิยกุฎิยนฺติ อกปฺปิยกุฎิยา อโนฺตฯ อสฺสาติ ภิกฺขุโน น วฎฺฎตีติ สมฺพโนฺธฯ ตมฺปีติ อุณฺหยาคุมฺปิฯ ปิสเทฺทน ปเคว อามิสํ ปจิตุนฺติ ทเสฺสติฯ อุตฺตณฺฑุลภตฺตนฺติ ปกฺกตณฺฑุลโต วิโยโคติ อุตฺตณฺฑุโล, อุกาโร หิ วิโยคตฺถวาจโก, อปกฺกตณฺฑุโลติ อโตฺถฯ อุตฺตณฺฑุลมยํ ภตฺตนฺติ อุตฺตณฺฑุลภตฺตํฯ สกิํ กุถิเตสุ ขีรตกฺกาทีสุ อคฺคิํ ทาตุํ วฎฺฎตีติ โยชนาฯ พิฬาลาทีนํ สตฺตานํ สมูโห รูฬฺหีวเสน อุกฺกปิณฺฑโกติ วุจฺจตีติ อาห ‘‘พิฬาลมูสิกโคธามงฺคุสา’’ติฯ วิฆาสาทภาเวน นิหตมานตฺตา กายวาจํ ทเมตีติ ทมโก วิฆาสาโทติ อาห ‘‘วิฆาสาทา’’ติฯ
274.Akappiyakuṭiyanti akappiyakuṭiyā anto. Assāti bhikkhuno na vaṭṭatīti sambandho. Tampīti uṇhayāgumpi. Pisaddena pageva āmisaṃ pacitunti dasseti. Uttaṇḍulabhattanti pakkataṇḍulato viyogoti uttaṇḍulo, ukāro hi viyogatthavācako, apakkataṇḍuloti attho. Uttaṇḍulamayaṃ bhattanti uttaṇḍulabhattaṃ. Sakiṃ kuthitesu khīratakkādīsu aggiṃ dātuṃ vaṭṭatīti yojanā. Biḷālādīnaṃ sattānaṃ samūho rūḷhīvasena ukkapiṇḍakoti vuccatīti āha ‘‘biḷālamūsikagodhāmaṅgusā’’ti. Vighāsādabhāvena nihatamānattā kāyavācaṃ dametīti damako vighāsādoti āha ‘‘vighāsādā’’ti.
๒๗๖. ตโต นีหฎนฺติ เอตฺถ ตสทฺทสฺส วิสยํ ทเสฺสโนฺต อาห ‘‘ยตฺถา’’ติอาทิฯ ยตฺถาติ ยสฺมิํ ฐาเนฯ นีหฎนฺติ นีหริตฺวา หริตํฯ
276.Tato nīhaṭanti ettha tasaddassa visayaṃ dassento āha ‘‘yatthā’’tiādi. Yatthāti yasmiṃ ṭhāne. Nīhaṭanti nīharitvā haritaṃ.
๒๗๘. วนฎฺฐํ โปกฺขรฎฺฐนฺติ เอตฺถ วเน ติฎฺฐตีติ วนโฎฺฐ, โปกฺขเร ติฎฺฐตีติ โปกฺขรโฎฺฐติ วจนตฺถํ ทเสฺสโนฺต อาห ‘‘วเน เจวา’’ติอาทิฯ ‘‘ปทุมินิคเจฺฉ’’ติ อิมินา โปกฺขรสโทฺท ปทุมวาจโกติ ทเสฺสติฯ ยสฺส พีชํ องฺกุรํ น ชเนติ, ตํ ผลํ อพีชํ นามาติ โยชนาฯ
278.Vanaṭṭhaṃ pokkharaṭṭhanti ettha vane tiṭṭhatīti vanaṭṭho, pokkhare tiṭṭhatīti pokkharaṭṭhoti vacanatthaṃ dassento āha ‘‘vane cevā’’tiādi. ‘‘Paduminigacche’’ti iminā pokkharasaddo padumavācakoti dasseti. Yassa bījaṃ aṅkuraṃ na janeti, taṃ phalaṃ abījaṃ nāmāti yojanā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๖๓. คุฬาทิอนุชานนา • 163. Guḷādianujānanā
๑๖๔. อโนฺตวุฎฺฐาทิปฎิเกฺขปกถา • 164. Antovuṭṭhādipaṭikkhepakathā
๑๖๕. อุคฺคหิตปฎิคฺคหณา • 165. Uggahitapaṭiggahaṇā
๑๖๖. ปฎิคฺคหิตาทิอนุชานนา • 166. Paṭiggahitādianujānanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / คุฬาทิอนุชานนกถา • Guḷādianujānanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / คุฬาทิอนุชานนกถาวณฺณนา • Guḷādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / คุฬาทิอนุชานนกถาวณฺณนา • Guḷādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / คุฬาทิอนุชานนกถาวณฺณนา • Guḷādianujānanakathāvaṇṇanā
