| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၁၆၃. ဂုဠာဒိအနုဇာနနကထာ
163. Guḷādianujānanakathā
၂၇၂. ဟီတိ သစ္စံ။ ပက္ကတ္တာတိ မုဂ္ဂာနံ ပက္ကဘာဝတော။ တေတိ မုဂ္ဂာ။
272.Hīti saccaṃ. Pakkattāti muggānaṃ pakkabhāvato. Teti muggā.
၂၇၄. အကပ္ပိယကုဋိယန္တိ အကပ္ပိယကုဋိယာ အန္တော။ အသ္သာတိ ဘိက္ခုနော န ဝဋ္ဋတီတိ သမ္ဗန္ဓော။ တမ္ပီတိ ဥဏ္ဟယာဂုမ္ပိ။ ပိသဒ္ဒေန ပဂေဝ အာမိသံ ပစိတုန္တိ ဒသ္သေတိ။ ဥတ္တဏ္ဍုလဘတ္တန္တိ ပက္ကတဏ္ဍုလတော ဝိယောဂောတိ ဥတ္တဏ္ဍုလော, ဥကာရော ဟိ ဝိယောဂတ္ထဝာစကော, အပက္ကတဏ္ဍုလောတိ အတ္ထော။ ဥတ္တဏ္ဍုလမယံ ဘတ္တန္တိ ဥတ္တဏ္ဍုလဘတ္တံ။ သကိံ ကုထိတေသု ခီရတက္ကာဒီသု အဂ္ဂိံ ဒာတုံ ဝဋ္ဋတီတိ ယောဇနာ။ ဗိဠာလာဒီနံ သတ္တာနံ သမူဟော ရူဠ္ဟီဝသေန ဥက္ကပိဏ္ဍကောတိ ဝုစ္စတီတိ အာဟ ‘‘ဗိဠာလမူသိကဂောဓာမင္ဂုသာ’’တိ။ ဝိဃာသာဒဘာဝေန နိဟတမာနတ္တာ ကာယဝာစံ ဒမေတီတိ ဒမကော ဝိဃာသာဒောတိ အာဟ ‘‘ဝိဃာသာဒာ’’တိ။
274.Akappiyakuṭiyanti akappiyakuṭiyā anto. Assāti bhikkhuno na vaṭṭatīti sambandho. Tampīti uṇhayāgumpi. Pisaddena pageva āmisaṃ pacitunti dasseti. Uttaṇḍulabhattanti pakkataṇḍulato viyogoti uttaṇḍulo, ukāro hi viyogatthavācako, apakkataṇḍuloti attho. Uttaṇḍulamayaṃ bhattanti uttaṇḍulabhattaṃ. Sakiṃ kuthitesu khīratakkādīsu aggiṃ dātuṃ vaṭṭatīti yojanā. Biḷālādīnaṃ sattānaṃ samūho rūḷhīvasena ukkapiṇḍakoti vuccatīti āha ‘‘biḷālamūsikagodhāmaṅgusā’’ti. Vighāsādabhāvena nihatamānattā kāyavācaṃ dametīti damako vighāsādoti āha ‘‘vighāsādā’’ti.
၂၇၆. တတော နီဟဋန္တိ ဧတ္ထ တသဒ္ဒသ္သ ဝိသယံ ဒသ္သေန္တော အာဟ ‘‘ယတ္ထာ’’တိအာဒိ။ ယတ္ထာတိ ယသ္မိံ ဌာနေ။ နီဟဋန္တိ နီဟရိတ္ဝာ ဟရိတံ။
276.Tato nīhaṭanti ettha tasaddassa visayaṃ dassento āha ‘‘yatthā’’tiādi. Yatthāti yasmiṃ ṭhāne. Nīhaṭanti nīharitvā haritaṃ.
၂၇၈. ဝနဋ္ဌံ ပောက္ခရဋ္ဌန္တိ ဧတ္ထ ဝနေ တိဋ္ဌတီတိ ဝနဋ္ဌော, ပောက္ခရေ တိဋ္ဌတီတိ ပောက္ခရဋ္ဌောတိ ဝစနတ္ထံ ဒသ္သေန္တော အာဟ ‘‘ဝနေ စေဝာ’’တိအာဒိ။ ‘‘ပဒုမိနိဂစ္ဆေ’’တိ ဣမိနာ ပောက္ခရသဒ္ဒော ပဒုမဝာစကောတိ ဒသ္သေတိ။ ယသ္သ ဗီဇံ အင္ကုရံ န ဇနေတိ, တံ ဖလံ အဗီဇံ နာမာတိ ယောဇနာ။
278.Vanaṭṭhaṃ pokkharaṭṭhanti ettha vane tiṭṭhatīti vanaṭṭho, pokkhare tiṭṭhatīti pokkharaṭṭhoti vacanatthaṃ dassento āha ‘‘vane cevā’’tiādi. ‘‘Paduminigacche’’ti iminā pokkharasaddo padumavācakoti dasseti. Yassa bījaṃ aṅkuraṃ na janeti, taṃ phalaṃ abījaṃ nāmāti yojanā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၁၆၃. ဂုဠာဒိအနုဇာနနာ • 163. Guḷādianujānanā
၁၆၄. အန္တောဝုဋ္ဌာဒိပဋိက္ခေပကထာ • 164. Antovuṭṭhādipaṭikkhepakathā
၁၆၅. ဥဂ္ဂဟိတပဋိဂ္ဂဟဏာ • 165. Uggahitapaṭiggahaṇā
၁၆၆. ပဋိဂ္ဂဟိတာဒိအနုဇာနနာ • 166. Paṭiggahitādianujānanā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဂုဠာဒိအနုဇာနနကထာ • Guḷādianujānanakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဂုဠာဒိအနုဇာနနကထာဝဏ္ဏနာ • Guḷādianujānanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဂုဠာဒိအနုဇာနနကထာဝဏ္ဏနာ • Guḷādianujānanakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဂုဠာဒိအနုဇာနနကထာဝဏ္ဏနာ • Guḷādianujānanakathāvaṇṇanā
