| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
গুল়াদিঅনুজাননকথাৰণ্ণনা
Guḷādianujānanakathāvaṇṇanā
২৭৪. সামং পক্কং সমপক্কন্তি দুৰিধং ৰিয দীপেতি, তস্মা খীরাদীসু উণ্হমত্তমেৰ পাকো। তেন উত্তণ্ডুলাদিসমানা হোন্তি।
274. Sāmaṃ pakkaṃ samapakkanti duvidhaṃ viya dīpeti, tasmā khīrādīsu uṇhamattameva pāko. Tena uttaṇḍulādisamānā honti.
২৭৬-৮. ‘‘বুদ্ধপ্পমুখ’ন্তি আগতট্ঠানে ‘ভিক্খুসঙ্ঘো’তি অৰত্ৰা ‘সঙ্ঘো’তি ৰুচ্চতি ভগৰন্তম্পি সঙ্গহেতু’’ন্তি ৰদন্তি। নাগোতি হত্থী।
276-8. ‘‘Buddhappamukha’nti āgataṭṭhāne ‘bhikkhusaṅgho’ti avatvā ‘saṅgho’ti vuccati bhagavantampi saṅgahetu’’nti vadanti. Nāgoti hatthī.
২৭৯. সম্বাধেতি ৰচ্চমগ্গে ভিক্খুস্স ভিক্খুনিযা চ পস্সাৰমগ্গেপি অনুলোমতো। দহনং পটিক্খেপাভাৰা ৰট্টতি। সত্থৰত্তিকম্মানুলোমতো ন ৰট্টতীতি চে? ন, পটিক্খিত্তপটিক্খেপা, পটিক্খিপিতব্বস্স তপ্পরমতাদীপনতো, কিং ৰুত্তং হোতি? পুব্বে পটিক্খিত্তম্পি সত্থকম্মং সম্পিণ্ডেত্ৰা পচ্ছা ‘‘ন, ভিক্খৰে…পে॰… থুল্লচ্চযস্সা’’তি দ্ৰিক্খত্তুং সত্থকম্মস্স পটিক্খেপো কতো। তেন সম্বাধস্স সামন্তা দ্ৰঙ্গুলং পটিক্খিপিতব্বং নাম। সত্থৰত্তিকম্মতো উদ্ধং নত্থীতি দীপেতি। কিঞ্চ ভিয্যো পুব্বে সম্বাধেযেৰ সত্থকম্মং পটিক্খিত্তং, পচ্ছা সম্বাধস্স সামন্তা দ্ৰঙ্গুলম্পি পটিক্খিত্তং, তস্মা তস্সেৰ পটিক্খেপো, নেতরস্সাতি সিদ্ধং। এত্থ ‘‘সত্থং নাম সত্থহারকং ৰাস্স পরিযেসেয্যা’’তিআদীসু ৰিয যেন ছিন্দতি, তং সব্বং। তেন ৰুত্তং ‘‘কণ্টকেন ৰা’’তিআদি। খারদানং পনেত্থ ভিক্খুনিৰিভঙ্গে পসাখে লেপমুখেন অনুঞ্ঞাতন্তি ৰেদিতব্বং। একে পন ‘‘সত্থকম্মং ৰা’’তি পাঠং ৰিকপ্পেত্ৰা ৰত্থিকম্মং করোন্তি। ‘‘ৰত্থী’’তি কির অগ্ঘিকা ৰুচ্চতি। তায ছিন্দনং ৰত্থিকম্মং নামাতি চ অত্থং ৰণ্ণযন্তি, তে ‘‘সত্থহারকং ৰাস্স পরিযেসেয্যা’’তি ইমস্স পদভাজনীযং দস্সেত্ৰা পটিক্খিপিতব্বা। অণ্ডৰুড্ঢীতি ৰাতণ্ডকো। আদানৰত্তীতি আনহৰত্তি।
279.Sambādheti vaccamagge bhikkhussa bhikkhuniyā ca passāvamaggepi anulomato. Dahanaṃ paṭikkhepābhāvā vaṭṭati. Satthavattikammānulomato na vaṭṭatīti ce? Na, paṭikkhittapaṭikkhepā, paṭikkhipitabbassa tapparamatādīpanato, kiṃ vuttaṃ hoti? Pubbe paṭikkhittampi satthakammaṃ sampiṇḍetvā pacchā ‘‘na, bhikkhave…pe… thullaccayassā’’ti dvikkhattuṃ satthakammassa paṭikkhepo kato. Tena sambādhassa sāmantā dvaṅgulaṃ paṭikkhipitabbaṃ nāma. Satthavattikammato uddhaṃ natthīti dīpeti. Kiñca bhiyyo pubbe sambādheyeva satthakammaṃ paṭikkhittaṃ, pacchā sambādhassa sāmantā dvaṅgulampi paṭikkhittaṃ, tasmā tasseva paṭikkhepo, netarassāti siddhaṃ. Ettha ‘‘satthaṃ nāma satthahārakaṃ vāssa pariyeseyyā’’tiādīsu viya yena chindati, taṃ sabbaṃ. Tena vuttaṃ ‘‘kaṇṭakena vā’’tiādi. Khāradānaṃ panettha bhikkhunivibhaṅge pasākhe lepamukhena anuññātanti veditabbaṃ. Eke pana ‘‘satthakammaṃ vā’’ti pāṭhaṃ vikappetvā vatthikammaṃ karonti. ‘‘Vatthī’’ti kira agghikā vuccati. Tāya chindanaṃ vatthikammaṃ nāmāti ca atthaṃ vaṇṇayanti, te ‘‘satthahārakaṃ vāssa pariyeseyyā’’ti imassa padabhājanīyaṃ dassetvā paṭikkhipitabbā. Aṇḍavuḍḍhīti vātaṇḍako. Ādānavattīti ānahavatti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৬৪. অন্তোৰুট্ঠাদিপটিক্খেপকথা • 164. Antovuṭṭhādipaṭikkhepakathā
১৬৫. উগ্গহিতপটিগ্গহণা • 165. Uggahitapaṭiggahaṇā
১৬৬. পটিগ্গহিতাদিঅনুজাননা • 166. Paṭiggahitādianujānanā
১৬৭. সত্থকম্মপটিক্খেপকথা • 167. Satthakammapaṭikkhepakathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / গুল়াদিঅনুজাননকথা • Guḷādianujānanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / গুল়াদিঅনুজাননকথাৰণ্ণনা • Guḷādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / গুল়াদিঅনুজাননকথাৰণ্ণনা • Guḷādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
১৬৩. গুল়াদিঅনুজাননকথা • 163. Guḷādianujānanakathā
১৬৭. সত্থকম্মপটিক্খেপকথা • 167. Satthakammapaṭikkhepakathā
