| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
г̇ул̣аад̣̇иануж̇аананагат̇ааван̣н̣анаа
Guḷādianujānanakathāvaṇṇanā
274. саамам̣ баггам̣ самабагганд̇и д̣̇увид̇хам̣ вияа д̣̇ийбзд̇и, д̇асмаа кийраад̣̇ийсу ун̣хамад̇д̇амзва бааго. д̇зна уд̇д̇ан̣д̣улаад̣̇исамаанаа хонд̇и.
274. Sāmaṃ pakkaṃ samapakkanti duvidhaṃ viya dīpeti, tasmā khīrādīsu uṇhamattameva pāko. Tena uttaṇḍulādisamānā honti.
276-8. ‘‘б̣уд̣̇д̇хаббамука’нд̇и ааг̇ад̇адтаанз ‘бхигкусан̇гхо’д̇и авад̇ваа ‘сан̇гхо’д̇и вужжад̇и бхаг̇аванд̇амби сан̇г̇ахзд̇у’’нд̇и вад̣̇анд̇и. нааг̇од̇и хад̇т̇ий.
276-8. ‘‘Buddhappamukha’nti āgataṭṭhāne ‘bhikkhusaṅgho’ti avatvā ‘saṅgho’ti vuccati bhagavantampi saṅgahetu’’nti vadanti. Nāgoti hatthī.
279. самб̣аад̇хзд̇и важжамаг̇г̇з бхигкусса бхигкунияаа жа бассаавамаг̇г̇зби ануломад̇о. д̣̇аханам̣ бадигкзбаабхааваа ваддад̇и. сад̇т̇авад̇д̇игаммаануломад̇о на ваддад̇ийд̇и жз? на, бадигкид̇д̇абадигкзбаа, бадигкибид̇аб̣б̣асса д̇аббарамад̇аад̣̇ийбанад̇о, гим̣ вуд̇д̇ам̣ ход̇и? буб̣б̣з бадигкид̇д̇амби сад̇т̇агаммам̣ самбин̣д̣зд̇ваа бажчаа ‘‘на, бхигкавз…бз… т̇уллажжаяассаа’’д̇и д̣̇вигкад̇д̇ум̣ сад̇т̇агаммасса бадигкзбо гад̇о. д̇зна самб̣аад̇хасса сааманд̇аа д̣̇ван̇г̇улам̣ бадигкибид̇аб̣б̣ам̣ наама. сад̇т̇авад̇д̇игаммад̇о уд̣̇д̇хам̣ над̇т̇ийд̇и д̣̇ийбзд̇и. гин̃жа бхияяо буб̣б̣з самб̣аад̇хзязва сад̇т̇агаммам̣ бадигкид̇д̇ам̣, бажчаа самб̣аад̇хасса сааманд̇аа д̣̇ван̇г̇уламби бадигкид̇д̇ам̣, д̇асмаа д̇ассзва бадигкзбо, нзд̇арассаад̇и сид̣̇д̇хам̣. зд̇т̇а ‘‘сад̇т̇ам̣ наама сад̇т̇ахаарагам̣ ваасса бариязсзяяаа’’д̇иаад̣̇ийсу вияа язна чинд̣̇ад̇и, д̇ам̣ саб̣б̣ам̣. д̇зна вуд̇д̇ам̣ ‘‘ган̣дагзна ваа’’д̇иаад̣̇и. каарад̣̇аанам̣ банзд̇т̇а бхигкунивибхан̇г̇з басаакз лзбамукзна анун̃н̃аад̇анд̇и взд̣̇ид̇аб̣б̣ам̣. згз бана ‘‘сад̇т̇агаммам̣ ваа’’д̇и баатам̣ вигаббзд̇ваа вад̇т̇игаммам̣ гаронд̇и. ‘‘вад̇т̇ий’’д̇и гира аг̇гхигаа вужжад̇и. д̇ааяа чинд̣̇анам̣ вад̇т̇игаммам̣ наамаад̇и жа ад̇т̇ам̣ ван̣н̣аяанд̇и, д̇з ‘‘сад̇т̇ахаарагам̣ ваасса бариязсзяяаа’’д̇и имасса бад̣̇абхааж̇анийяам̣ д̣̇ассзд̇ваа бадигкибид̇аб̣б̣аа. ан̣д̣авуд̣дхийд̇и ваад̇ан̣д̣аго. аад̣̇аанавад̇д̇ийд̇и аанахавад̇д̇и.
279.Sambādheti vaccamagge bhikkhussa bhikkhuniyā ca passāvamaggepi anulomato. Dahanaṃ paṭikkhepābhāvā vaṭṭati. Satthavattikammānulomato na vaṭṭatīti ce? Na, paṭikkhittapaṭikkhepā, paṭikkhipitabbassa tapparamatādīpanato, kiṃ vuttaṃ hoti? Pubbe paṭikkhittampi satthakammaṃ sampiṇḍetvā pacchā ‘‘na, bhikkhave…pe… thullaccayassā’’ti dvikkhattuṃ satthakammassa paṭikkhepo kato. Tena sambādhassa sāmantā dvaṅgulaṃ paṭikkhipitabbaṃ nāma. Satthavattikammato uddhaṃ natthīti dīpeti. Kiñca bhiyyo pubbe sambādheyeva satthakammaṃ paṭikkhittaṃ, pacchā sambādhassa sāmantā dvaṅgulampi paṭikkhittaṃ, tasmā tasseva paṭikkhepo, netarassāti siddhaṃ. Ettha ‘‘satthaṃ nāma satthahārakaṃ vāssa pariyeseyyā’’tiādīsu viya yena chindati, taṃ sabbaṃ. Tena vuttaṃ ‘‘kaṇṭakena vā’’tiādi. Khāradānaṃ panettha bhikkhunivibhaṅge pasākhe lepamukhena anuññātanti veditabbaṃ. Eke pana ‘‘satthakammaṃ vā’’ti pāṭhaṃ vikappetvā vatthikammaṃ karonti. ‘‘Vatthī’’ti kira agghikā vuccati. Tāya chindanaṃ vatthikammaṃ nāmāti ca atthaṃ vaṇṇayanti, te ‘‘satthahārakaṃ vāssa pariyeseyyā’’ti imassa padabhājanīyaṃ dassetvā paṭikkhipitabbā. Aṇḍavuḍḍhīti vātaṇḍako. Ādānavattīti ānahavatti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
164. анд̇овудтаад̣̇ибадигкзбагат̇аа • 164. Antovuṭṭhādipaṭikkhepakathā
165. уг̇г̇ахид̇абадиг̇г̇ахан̣аа • 165. Uggahitapaṭiggahaṇā
166. бадиг̇г̇ахид̇аад̣̇иануж̇аананаа • 166. Paṭiggahitādianujānanā
167. сад̇т̇агаммабадигкзбагат̇аа • 167. Satthakammapaṭikkhepakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇ул̣аад̣̇иануж̇аананагат̇аа • Guḷādianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / г̇ул̣аад̣̇иануж̇аананагат̇ааван̣н̣анаа • Guḷādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇ул̣аад̣̇иануж̇аананагат̇ааван̣н̣анаа • Guḷādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
163. г̇ул̣аад̣̇иануж̇аананагат̇аа • 163. Guḷādianujānanakathā
167. сад̇т̇агаммабадигкзбагат̇аа • 167. Satthakammapaṭikkhepakathā
