| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
คุฬาทิอนุชานนกถาวณฺณนา
Guḷādianujānanakathāvaṇṇanā
๒๗๔. สามํ ปกฺกํ สมปกฺกนฺติ ทุวิธํ วิย ทีเปติ, ตสฺมา ขีราทีสุ อุณฺหมตฺตเมว ปาโกฯ เตน อุตฺตณฺฑุลาทิสมานา โหนฺติฯ
274. Sāmaṃ pakkaṃ samapakkanti duvidhaṃ viya dīpeti, tasmā khīrādīsu uṇhamattameva pāko. Tena uttaṇḍulādisamānā honti.
๒๗๖-๘. ‘‘พุทฺธปฺปมุข’นฺติ อาคตฎฺฐาเน ‘ภิกฺขุสโงฺฆ’ติ อวตฺวา ‘สโงฺฆ’ติ วุจฺจติ ภควนฺตมฺปิ สงฺคเหตุ’’นฺติ วทนฺติฯ นาโคติ หตฺถีฯ
276-8. ‘‘Buddhappamukha’nti āgataṭṭhāne ‘bhikkhusaṅgho’ti avatvā ‘saṅgho’ti vuccati bhagavantampi saṅgahetu’’nti vadanti. Nāgoti hatthī.
๒๗๙. สมฺพาเธติ วจฺจมเคฺค ภิกฺขุสฺส ภิกฺขุนิยา จ ปสฺสาวมเคฺคปิ อนุโลมโตฯ ทหนํ ปฎิเกฺขปาภาวา วฎฺฎติฯ สตฺถวตฺติกมฺมานุโลมโต น วฎฺฎตีติ เจ? น, ปฎิกฺขิตฺตปฎิเกฺขปา, ปฎิกฺขิปิตพฺพสฺส ตปฺปรมตาทีปนโต, กิํ วุตฺตํ โหติ? ปุเพฺพ ปฎิกฺขิตฺตมฺปิ สตฺถกมฺมํ สมฺปิเณฺฑตฺวา ปจฺฉา ‘‘น, ภิกฺขเว…เป.… ถุลฺลจฺจยสฺสา’’ติ ทฺวิกฺขตฺตุํ สตฺถกมฺมสฺส ปฎิเกฺขโป กโตฯ เตน สมฺพาธสฺส สามนฺตา ทฺวงฺคุลํ ปฎิกฺขิปิตพฺพํ นามฯ สตฺถวตฺติกมฺมโต อุทฺธํ นตฺถีติ ทีเปติฯ กิญฺจ ภิโยฺย ปุเพฺพ สมฺพาเธเยว สตฺถกมฺมํ ปฎิกฺขิตฺตํ, ปจฺฉา สมฺพาธสฺส สามนฺตา ทฺวงฺคุลมฺปิ ปฎิกฺขิตฺตํ, ตสฺมา ตเสฺสว ปฎิเกฺขโป, เนตรสฺสาติ สิทฺธํฯ เอตฺถ ‘‘สตฺถํ นาม สตฺถหารกํ วาสฺส ปริเยเสยฺยา’’ติอาทีสุ วิย เยน ฉินฺทติ, ตํ สพฺพํฯ เตน วุตฺตํ ‘‘กณฺฎเกน วา’’ติอาทิฯ ขารทานํ ปเนตฺถ ภิกฺขุนิวิภเงฺค ปสาเข เลปมุเขน อนุญฺญาตนฺติ เวทิตพฺพํฯ เอเก ปน ‘‘สตฺถกมฺมํ วา’’ติ ปาฐํ วิกเปฺปตฺวา วตฺถิกมฺมํ กโรนฺติฯ ‘‘วตฺถี’’ติ กิร อคฺฆิกา วุจฺจติฯ ตาย ฉินฺทนํ วตฺถิกมฺมํ นามาติ จ อตฺถํ วณฺณยนฺติ, เต ‘‘สตฺถหารกํ วาสฺส ปริเยเสยฺยา’’ติ อิมสฺส ปทภาชนียํ ทเสฺสตฺวา ปฎิกฺขิปิตพฺพาฯ อณฺฑวุฑฺฒีติ วาตณฺฑโกฯ อาทานวตฺตีติ อานหวตฺติฯ
279.Sambādheti vaccamagge bhikkhussa bhikkhuniyā ca passāvamaggepi anulomato. Dahanaṃ paṭikkhepābhāvā vaṭṭati. Satthavattikammānulomato na vaṭṭatīti ce? Na, paṭikkhittapaṭikkhepā, paṭikkhipitabbassa tapparamatādīpanato, kiṃ vuttaṃ hoti? Pubbe paṭikkhittampi satthakammaṃ sampiṇḍetvā pacchā ‘‘na, bhikkhave…pe… thullaccayassā’’ti dvikkhattuṃ satthakammassa paṭikkhepo kato. Tena sambādhassa sāmantā dvaṅgulaṃ paṭikkhipitabbaṃ nāma. Satthavattikammato uddhaṃ natthīti dīpeti. Kiñca bhiyyo pubbe sambādheyeva satthakammaṃ paṭikkhittaṃ, pacchā sambādhassa sāmantā dvaṅgulampi paṭikkhittaṃ, tasmā tasseva paṭikkhepo, netarassāti siddhaṃ. Ettha ‘‘satthaṃ nāma satthahārakaṃ vāssa pariyeseyyā’’tiādīsu viya yena chindati, taṃ sabbaṃ. Tena vuttaṃ ‘‘kaṇṭakena vā’’tiādi. Khāradānaṃ panettha bhikkhunivibhaṅge pasākhe lepamukhena anuññātanti veditabbaṃ. Eke pana ‘‘satthakammaṃ vā’’ti pāṭhaṃ vikappetvā vatthikammaṃ karonti. ‘‘Vatthī’’ti kira agghikā vuccati. Tāya chindanaṃ vatthikammaṃ nāmāti ca atthaṃ vaṇṇayanti, te ‘‘satthahārakaṃ vāssa pariyeseyyā’’ti imassa padabhājanīyaṃ dassetvā paṭikkhipitabbā. Aṇḍavuḍḍhīti vātaṇḍako. Ādānavattīti ānahavatti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๑๖๔. อโนฺตวุฎฺฐาทิปฎิเกฺขปกถา • 164. Antovuṭṭhādipaṭikkhepakathā
๑๖๕. อุคฺคหิตปฎิคฺคหณา • 165. Uggahitapaṭiggahaṇā
๑๖๖. ปฎิคฺคหิตาทิอนุชานนา • 166. Paṭiggahitādianujānanā
๑๖๗. สตฺถกมฺมปฎิเกฺขปกถา • 167. Satthakammapaṭikkhepakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / คุฬาทิอนุชานนกถา • Guḷādianujānanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / คุฬาทิอนุชานนกถาวณฺณนา • Guḷādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / คุฬาทิอนุชานนกถาวณฺณนา • Guḷādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๑๖๓. คุฬาทิอนุชานนกถา • 163. Guḷādianujānanakathā
๑๖๗. สตฺถกมฺมปฎิเกฺขปกถา • 167. Satthakammapaṭikkhepakathā
