| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
ගුළාදිඅනුජානනකථාවණ්‌ණනා
Guḷādianujānanakathāvaṇṇanā
274. සාමං පක්‌කං සමපක්‌කන්‌ති දුවිධං විය දීපෙති, තස්‌මා ඛීරාදීසු උණ්‌හමත්‌තමෙව පාකො. තෙන උත්‌තණ්‌ඩුලාදිසමානා හොන්‌ති.
274. Sāmaṃ pakkaṃ samapakkanti duvidhaṃ viya dīpeti, tasmā khīrādīsu uṇhamattameva pāko. Tena uttaṇḍulādisamānā honti.
276-8. ‘‘බුද්‌ධප්‌පමුඛ’න්‌ති ආගතට්‌ඨානෙ ‘භික්‌ඛුසඞ්‌ඝො’ති අවත්‌වා ‘සඞ්‌ඝො’ති වුච්‌චති භගවන්‌තම්‌පි සඞ්‌ගහෙතු’’න්‌ති වදන්‌ති. නාගොති හත්‌ථී.
276-8. ‘‘Buddhappamukha’nti āgataṭṭhāne ‘bhikkhusaṅgho’ti avatvā ‘saṅgho’ti vuccati bhagavantampi saṅgahetu’’nti vadanti. Nāgoti hatthī.
279. සම්‌බාධෙති වච්‌චමග්‌ගෙ භික්‌ඛුස්‌ස භික්‌ඛුනියා ච පස්‌සාවමග්‌ගෙපි අනුලොමතො. දහනං පටික්‌ඛෙපාභාවා වට්‌ටති. සත්‌ථවත්‌තිකම්‌මානුලොමතො න වට්‌ටතීති චෙ? න, පටික්‌ඛිත්‌තපටික්‌ඛෙපා, පටික්‌ඛිපිතබ්‌බස්‌ස තප්‌පරමතාදීපනතො, කිං වුත්‌තං හොති? පුබ්‌බෙ පටික්‌ඛිත්‌තම්‌පි සත්‌ථකම්‌මං සම්‌පිණ්‌ඩෙත්‌වා පච්‌ඡා ‘‘න, භික්‌ඛවෙ…පෙ.… ථුල්‌ලච්‌චයස්‌සා’’ති ද්‌වික්‌ඛත්‌තුං සත්‌ථකම්‌මස්‌ස පටික්‌ඛෙපො කතො. තෙන සම්‌බාධස්‌ස සාමන්‌තා ද්‌වඞ්‌ගුලං පටික්‌ඛිපිතබ්‌බං නාම. සත්‌ථවත්‌තිකම්‌මතො උද්‌ධං නත්‌ථීති දීපෙති. කිඤ්‌ච භිය්‍යො පුබ්‌බෙ සම්‌බාධෙයෙව සත්‌ථකම්‌මං පටික්‌ඛිත්‌තං, පච්‌ඡා සම්‌බාධස්‌ස සාමන්‌තා ද්‌වඞ්‌ගුලම්‌පි පටික්‌ඛිත්‌තං, තස්‌මා තස්‌සෙව පටික්‌ඛෙපො, නෙතරස්‌සාති සිද්‌ධං. එත්‌ථ ‘‘සත්‌ථං නාම සත්‌ථහාරකං වාස්‌ස පරියෙසෙය්‍යා’’තිආදීසු විය යෙන ඡින්‌දති, තං සබ්‌බං. තෙන වුත්‌තං ‘‘කණ්‌ටකෙන වා’’තිආදි. ඛාරදානං පනෙත්‌ථ භික්‌ඛුනිවිභඞ්‌ගෙ පසාඛෙ ලෙපමුඛෙන අනුඤ්‌ඤාතන්‌ති වෙදිතබ්‌බං. එකෙ පන ‘‘සත්‌ථකම්‌මං වා’’ති පාඨං විකප්‌පෙත්‌වා වත්‌ථිකම්‌මං කරොන්‌ති. ‘‘වත්‌ථී’’ති කිර අග්‌ඝිකා වුච්‌චති. තාය ඡින්‌දනං වත්‌ථිකම්‌මං නාමාති ච අත්‌ථං වණ්‌ණයන්‌ති, තෙ ‘‘සත්‌ථහාරකං වාස්‌ස පරියෙසෙය්‍යා’’ති ඉමස්‌ස පදභාජනීයං දස්‌සෙත්‌වා පටික්‌ඛිපිතබ්‌බා. අණ්‌ඩවුඩ්‌ඪීති වාතණ්‌ඩකො. ආදානවත්‌තීති ආනහවත්‌ති.
279.Sambādheti vaccamagge bhikkhussa bhikkhuniyā ca passāvamaggepi anulomato. Dahanaṃ paṭikkhepābhāvā vaṭṭati. Satthavattikammānulomato na vaṭṭatīti ce? Na, paṭikkhittapaṭikkhepā, paṭikkhipitabbassa tapparamatādīpanato, kiṃ vuttaṃ hoti? Pubbe paṭikkhittampi satthakammaṃ sampiṇḍetvā pacchā ‘‘na, bhikkhave…pe… thullaccayassā’’ti dvikkhattuṃ satthakammassa paṭikkhepo kato. Tena sambādhassa sāmantā dvaṅgulaṃ paṭikkhipitabbaṃ nāma. Satthavattikammato uddhaṃ natthīti dīpeti. Kiñca bhiyyo pubbe sambādheyeva satthakammaṃ paṭikkhittaṃ, pacchā sambādhassa sāmantā dvaṅgulampi paṭikkhittaṃ, tasmā tasseva paṭikkhepo, netarassāti siddhaṃ. Ettha ‘‘satthaṃ nāma satthahārakaṃ vāssa pariyeseyyā’’tiādīsu viya yena chindati, taṃ sabbaṃ. Tena vuttaṃ ‘‘kaṇṭakena vā’’tiādi. Khāradānaṃ panettha bhikkhunivibhaṅge pasākhe lepamukhena anuññātanti veditabbaṃ. Eke pana ‘‘satthakammaṃ vā’’ti pāṭhaṃ vikappetvā vatthikammaṃ karonti. ‘‘Vatthī’’ti kira agghikā vuccati. Tāya chindanaṃ vatthikammaṃ nāmāti ca atthaṃ vaṇṇayanti, te ‘‘satthahārakaṃ vāssa pariyeseyyā’’ti imassa padabhājanīyaṃ dassetvā paṭikkhipitabbā. Aṇḍavuḍḍhīti vātaṇḍako. Ādānavattīti ānahavatti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
164. අන්‌තොවුට්‌ඨාදිපටික්‌ඛෙපකථා • 164. Antovuṭṭhādipaṭikkhepakathā
165. උග්‌ගහිතපටිග්‌ගහණා • 165. Uggahitapaṭiggahaṇā
166. පටිග්‌ගහිතාදිඅනුජානනා • 166. Paṭiggahitādianujānanā
167. සත්‌ථකම්‌මපටික්‌ඛෙපකථා • 167. Satthakammapaṭikkhepakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / ගුළාදිඅනුජානනකථා • Guḷādianujānanakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / ගුළාදිඅනුජානනකථාවණ්‌ණනා • Guḷādianujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ගුළාදිඅනුජානනකථාවණ්‌ණනා • Guḷādianujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
163. ගුළාදිඅනුජානනකථා • 163. Guḷādianujānanakathā
167. සත්‌ථකම්‌මපටික්‌ඛෙපකථා • 167. Satthakammapaṭikkhepakathā
