| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[366] 6. г̇умб̣ияаж̇аад̇агаван̣н̣анаа
[366] 6. Gumbiyajātakavaṇṇanā
мад̇хуван̣н̣ам̣ мад̇хурасанд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. д̇ан̃хи сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гим̣ д̣̇исваа’’д̇и вад̇ваа ‘‘алан̇гад̇амаад̇уг̇аама’’нд̇и вуд̇д̇з ‘‘бхигку имз бан̃жа гаамаг̇ун̣аа наама згзна г̇умб̣иязна яагкзна халаахалависам̣ багкибид̇ваа маг̇г̇з табид̇амад̇хусад̣̇исаа’’д̇и вад̇ваа д̇зна яаажид̇о ад̇ийд̇ам̣ аахари.
Madhuvaṇṇaṃmadhurasanti idaṃ satthā jetavane viharanto ukkaṇṭhitabhikkhuṃ ārabbha kathesi. Tañhi satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘saccaṃ, bhante’’ti vutte ‘‘kiṃ disvā’’ti vatvā ‘‘alaṅkatamātugāma’’nti vutte ‘‘bhikkhu ime pañca kāmaguṇā nāma ekena gumbiyena yakkhena halāhalavisaṃ pakkhipitvā magge ṭhapitamadhusadisā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сад̇т̇аваахагулз ниб̣б̣ад̇д̇ид̇ваа ваяаббад̇д̇о б̣аараан̣асид̇о бан̃жахи сагадасад̇зхи бхан̣д̣ам̣ аад̣̇ааяа вохаарад̇т̇ааяа г̇ажчанд̇о махаавад̇д̇аниадавид̣̇ваарам̣ бад̇ваа сад̇т̇агз саннибаад̇аабзд̇ваа ‘‘амбхо, имасмим̣ маг̇г̇з висабан̣н̣абубпапалаад̣̇ийни ад̇т̇и, д̇умхз гин̃жи акаад̣̇ид̇абуб̣б̣ам̣ каад̣̇анд̇аа мам̣ абужчид̇ваа маа каад̣̇ид̇т̇а, амануссааби висам̣ багкибид̇ваа бхад̇д̇абудамад̇хугапалаани маг̇г̇з табзнд̇и, д̇ааниби мам̣ анаабужчид̇ваа маа каад̣̇ид̇т̇аа’’д̇и оваад̣̇ам̣ д̣̇ад̇ваа маг̇г̇ам̣ бадибаж̇ж̇и. ат̇зго г̇умб̣ияо наама яагко адавияаа маж̇жхадтаанз маг̇г̇з бан̣н̣аани ад̇т̇арид̇ваа халаахалависасам̣яуд̇д̇аани мад̇хубин̣д̣аани табзд̇ваа саяам̣ маг̇г̇асааманд̇з мад̇хум̣ г̇ан̣ханд̇о вияа ругкз годдзнд̇о вижарад̇и. аж̇аананд̇аа ‘‘бун̃н̃ад̇т̇ааяа табид̇аани бхависсанд̇ий’’д̇и каад̣̇ид̇ваа ж̇ийвид̇агкаяам̣ баабун̣анд̇и. амануссаа ааг̇анд̇ваа д̇з каад̣̇анд̇и. б̣од̇хисад̇д̇асса сад̇т̇агамануссааби д̇аани д̣̇исваа згажжз лолаж̇аад̇игаа ад̇хиваасзд̇ум̣ асаггонд̇аа каад̣̇им̣су, бан̣д̣ид̇аж̇аад̇игаа ‘‘бужчид̇ваа каад̣̇иссаамаа’’д̇и г̇ахзд̇ваа адтам̣су. б̣од̇хисад̇д̇о д̇з д̣̇исваа хад̇т̇аг̇ад̇аани чад̣д̣аабзси, язхи батамад̇арам̣ каад̣̇ид̇аани, д̇з марим̣су. язхи ад̣дхакаад̣̇ид̇аани, д̇зсам̣ ваманавирзжанам̣ д̣̇ад̇ваа ванд̇агаалз жад̇умад̇хурам̣ ад̣̇ааси. ид̇и д̇з д̇асса аанубхаавзна ж̇ийвид̇ам̣ бадилабхим̣су. б̣од̇хисад̇д̇о сод̇т̇инаа ижчид̇адтаанам̣ г̇анд̇ваа бхан̣д̣ам̣ виссаж̇ж̇зд̇ваа ад̇д̇ано г̇зхамзва аг̇амааси. д̇амад̇т̇ам̣ гат̇знд̇о сад̇т̇аа имаа абхисамб̣уд̣̇д̇хаг̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto satthavāhakule nibbattitvā vayappatto bārāṇasito pañcahi sakaṭasatehi bhaṇḍaṃ ādāya vohāratthāya gacchanto mahāvattaniaṭavidvāraṃ patvā satthake sannipātāpetvā ‘‘ambho, imasmiṃ magge visapaṇṇapupphaphalādīni atthi, tumhe kiñci akhāditapubbaṃ khādantā maṃ apucchitvā mā khādittha, amanussāpi visaṃ pakkhipitvā bhattapuṭamadhukaphalāni magge ṭhapenti, tānipi maṃ anāpucchitvā mā khāditthā’’ti ovādaṃ datvā maggaṃ paṭipajji. Atheko gumbiyo nāma yakkho aṭaviyā majjhaṭṭhāne magge paṇṇāni attharitvā halāhalavisasaṃyuttāni madhupiṇḍāni ṭhapetvā sayaṃ maggasāmante madhuṃ gaṇhanto viya rukkhe koṭṭento vicarati. Ajānantā ‘‘puññatthāya ṭhapitāni bhavissantī’’ti khāditvā jīvitakkhayaṃ pāpuṇanti. Amanussā āgantvā te khādanti. Bodhisattassa satthakamanussāpi tāni disvā ekacce lolajātikā adhivāsetuṃ asakkontā khādiṃsu, paṇḍitajātikā ‘‘pucchitvā khādissāmā’’ti gahetvā aṭṭhaṃsu. Bodhisatto te disvā hatthagatāni chaḍḍāpesi, yehi paṭhamataraṃ khāditāni, te mariṃsu. Yehi aḍḍhakhāditāni, tesaṃ vamanavirecanaṃ datvā vantakāle catumadhuraṃ adāsi. Iti te tassa ānubhāvena jīvitaṃ paṭilabhiṃsu. Bodhisatto sotthinā icchitaṭṭhānaṃ gantvā bhaṇḍaṃ vissajjetvā attano gehameva agamāsi. Tamatthaṃ kathento satthā imā abhisambuddhagāthā abhāsi –
85.
85.
‘‘мад̇хуван̣н̣ам̣ мад̇хурасам̣, мад̇хуг̇анд̇хам̣ висам̣ аху;
‘‘Madhuvaṇṇaṃ madhurasaṃ, madhugandhaṃ visaṃ ahu;
г̇умб̣ияо гхаасамзсаано, аран̃н̃з од̣̇ахий висам̣.
Gumbiyo ghāsamesāno, araññe odahī visaṃ.
86.
86.
‘‘мад̇ху ид̇и ман̃н̃амаанаа, яз д̇ам̣ висамакаад̣̇исум̣;
‘‘Madhu iti maññamānā, ye taṃ visamakhādisuṃ;
д̇зсам̣ д̇ам̣ гадугам̣ ааси, маран̣ам̣ д̇знубааг̇амум̣.
Tesaṃ taṃ kaṭukaṃ āsi, maraṇaṃ tenupāgamuṃ.
87.
87.
‘‘яз жа ко бадисан̇кааяа, висам̣ д̇ам̣ бариваж̇ж̇аяум̣;
‘‘Ye ca kho paṭisaṅkhāya, visaṃ taṃ parivajjayuṃ;
д̇з аад̇урзсу сукид̇аа, д̣аяхамаанзсу ниб̣б̣уд̇аа.
Te āturesu sukhitā, ḍayhamānesu nibbutā.
88.
88.
‘‘звамзва мануссзсу, висам̣ гаамаа самохид̇аа;
‘‘Evameva manussesu, visaṃ kāmā samohitā;
аамисам̣ б̣анд̇ханан̃жзд̇ам̣, мажжувзсо г̇ухаасаяо.
Āmisaṃ bandhanañcetaṃ, maccuveso guhāsayo.
89.
89.
‘‘звамзва имз гаамз, аад̇ураа барижааригз;
‘‘Evameva ime kāme, āturā paricārike;
яз сад̣̇аа бариваж̇ж̇знд̇и, сан̇г̇ам̣ логз убажжаг̇у’’нд̇и.
Ye sadā parivajjenti, saṅgaṃ loke upaccagu’’nti.
д̇ад̇т̇а г̇умб̣ияод̇и д̇асмим̣ ванаг̇умб̣з вижаран̣зна звам̣лад̣̇д̇ханаамо яагко. гхаасамзсаанод̇и ‘‘д̇ам̣ висам̣ каад̣̇ид̇ваа мад̇з каад̣̇иссаамий’’д̇и звам̣ ад̇д̇ано гхаасам̣ бариязсанд̇о. од̣̇ахийд̇и д̇ам̣ мад̇хунаа самаанаван̣н̣аг̇анд̇харасам̣ висам̣ нигкиби. гадугам̣ аасийд̇и д̇икин̣ам̣ ахоси. маран̣ам̣ д̇знубааг̇амунд̇и д̇зна висзна д̇з сад̇д̇аа маран̣ам̣ убаг̇ад̇аа.
Tattha gumbiyoti tasmiṃ vanagumbe vicaraṇena evaṃladdhanāmo yakkho. Ghāsamesānoti ‘‘taṃ visaṃ khāditvā mate khādissāmī’’ti evaṃ attano ghāsaṃ pariyesanto. Odahīti taṃ madhunā samānavaṇṇagandharasaṃ visaṃ nikkhipi. Kaṭukaṃ āsīti tikhiṇaṃ ahosi. Maraṇaṃ tenupāgamunti tena visena te sattā maraṇaṃ upagatā.
аад̇урзсууд̇и висавзг̇зна аасаннамаран̣зсу. д̣аяхамаанзсууд̇и висад̇зж̇знзва д̣аяхамаанзсу. висам̣ гаамаа самохид̇аад̇и яат̇аа д̇асмим̣ вад̇д̇анимахаамаг̇г̇з висам̣ самохид̇ам̣ нигкид̇д̇ам̣, звам̣ мануссзсуби яз зд̇з руубаад̣̇аяо бан̃жа вад̇т̇угаамаа д̇ад̇т̇а д̇ад̇т̇а самохид̇аа нигкид̇д̇аа, д̇з ‘‘виса’’нд̇и взд̣̇ид̇аб̣б̣аа. аамисам̣ б̣анд̇ханан̃жзд̇анд̇и зд̇з бан̃жа гаамаг̇ун̣аа наама звам̣ имасса мажчабхууд̇асса логасса маараб̣аалисигзна багкид̇д̇ам̣ аамисан̃жзва , бхаваабхавад̇о нигкамид̇ум̣ аббад̣̇аанзна анд̣̇уаад̣̇иббабхзд̣̇ам̣ наанаббагаарам̣ б̣анд̇ханан̃жа. мажжувзсо г̇ухаасаяод̇и сарийраг̇ухааяа васанаго маран̣амажжувзсо.
Āturesūti visavegena āsannamaraṇesu. Ḍayhamānesūti visatejeneva ḍayhamānesu. Visaṃ kāmā samohitāti yathā tasmiṃ vattanimahāmagge visaṃ samohitaṃ nikkhittaṃ, evaṃ manussesupi ye ete rūpādayo pañca vatthukāmā tattha tattha samohitā nikkhittā, te ‘‘visa’’nti veditabbā. Āmisaṃ bandhanañcetanti ete pañca kāmaguṇā nāma evaṃ imassa macchabhūtassa lokassa mārabālisikena pakkhittaṃ āmisañceva , bhavābhavato nikkhamituṃ appadānena anduādippabhedaṃ nānappakāraṃ bandhanañca. Maccuveso guhāsayoti sarīraguhāya vasanako maraṇamaccuveso.
звамзва имз гаамзд̇и яат̇аа вад̇д̇анимахаамаг̇г̇з висам̣ нигкид̇д̇ам̣, звам̣ д̇ад̇т̇а д̇ад̇т̇а нигкид̇д̇з имз гаамз. аад̇ураад̇и зганд̇амаран̣ад̇хаммад̇ааяа аад̇ураа аасаннамаран̣аа бан̣д̣ид̇амануссаа. барижааригзд̇и гилзсабарижааригз гилзсаб̣анд̇хагз. яз сад̣̇аа бариваж̇ж̇знд̇ийд̇и яз вуд̇д̇аббагаараа бан̣д̣ид̇абурисаа нижжам̣ зваруубз гаамз важ̇ж̇знд̇и. сан̇г̇ам̣ логзд̇и логз сан̇г̇анадтзна ‘‘сан̇г̇а’’нд̇и лад̣̇д̇ханаамам̣ рааг̇аад̣̇ибхзд̣̇ам̣ гилзсаж̇аад̇ам̣. убажжаг̇унд̇и ад̇ийд̇аа наамаад̇и взд̣̇ид̇аб̣б̣аа, ад̇иггаманд̇ийд̇и ваа ад̇т̇о.
Evameva ime kāmeti yathā vattanimahāmagge visaṃ nikkhittaṃ, evaṃ tattha tattha nikkhitte ime kāme. Āturāti ekantamaraṇadhammatāya āturā āsannamaraṇā paṇḍitamanussā. Paricāriketi kilesaparicārike kilesabandhake. Ye sadā parivajjentīti ye vuttappakārā paṇḍitapurisā niccaṃ evarūpe kāme vajjenti. Saṅgaṃ loketi loke saṅganaṭṭhena ‘‘saṅga’’nti laddhanāmaṃ rāgādibhedaṃ kilesajātaṃ. Upaccagunti atītā nāmāti veditabbā, atikkamantīti vā attho.
сад̇т̇аа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа сад̇т̇аваахо ахамзва ахосинд̇и.
Satthā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā satthavāho ahameva ahosinti.
г̇умб̣ияаж̇аад̇агаван̣н̣анаа чадтаа.
Gumbiyajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 366. г̇умб̣ияаж̇аад̇агам̣ • 366. Gumbiyajātakaṃ
