| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[157] 7. г̇ун̣аж̇аад̇агаван̣н̣анаа
[157] 7. Guṇajātakavaṇṇanā
язна гаамам̣ бан̣аамзд̇ийд̇и ид̣̇ам̣ сад̇т̇аа ж̇зд̇аванз вихаранд̇о аананд̣̇ад̇т̇зрасса саадагасахассалаабхам̣ аараб̣бха гат̇зси. т̇зрасса госаларан̃н̃о анд̇збурз д̇хаммаваажанавад̇т̇у хздтаа махаасаараж̇аад̇агз (ж̇аа. 1.1.92) ааг̇ад̇амзва. ид̇и т̇зрз ран̃н̃о анд̇збурз д̇хаммам̣ ваажзнд̇з ран̃н̃о сахассаг̇гханигаанам̣ саадагаанам̣ сахассам̣ аахарияид̇т̇а. рааж̇аа д̇ад̇о бан̃жа саадагасад̇аани бан̃жаннам̣ д̣̇звийсад̇аанам̣ ад̣̇ааси. д̇аа саб̣б̣ааби д̇з саадагз табзд̇ваа бунад̣̇ивасз аананд̣̇ад̇т̇зрасса д̣̇ад̇ваа саяам̣ бураан̣асаадагзязва баарубид̇ваа ран̃н̃о баад̇араасадтаанам̣ аг̇амам̣су.
Yena kāmaṃ paṇāmetīti idaṃ satthā jetavane viharanto ānandattherassa sāṭakasahassalābhaṃ ārabbha kathesi. Therassa kosalarañño antepure dhammavācanavatthu heṭṭhā mahāsārajātake (jā. 1.1.92) āgatameva. Iti there rañño antepure dhammaṃ vācente rañño sahassagghanikānaṃ sāṭakānaṃ sahassaṃ āhariyittha. Rājā tato pañca sāṭakasatāni pañcannaṃ devīsatānaṃ adāsi. Tā sabbāpi te sāṭake ṭhapetvā punadivase ānandattherassa datvā sayaṃ purāṇasāṭakeyeva pārupitvā rañño pātarāsaṭṭhānaṃ agamaṃsu.
рааж̇аа ‘‘маяаа д̇умхаагам̣ сахассаг̇гханигаа саадагаа д̣̇аабид̇аа, гасмаа д̇умхз д̇з абаарубид̇ваава ааг̇ад̇аа’’д̇и бужчи. ‘‘д̣̇зва, амхзхи д̇з аананд̣̇ад̇т̇зрасса д̣̇иннаа’’д̇и. ‘‘аананд̣̇ад̇т̇зрзна саб̣б̣з г̇ахид̇аа’’д̇и? ‘‘аама, д̣̇зваа’’д̇и. ‘‘саммаасамб̣уд̣̇д̇хзна д̇ижийварам̣ анун̃н̃аад̇ам̣, аананд̣̇ад̇т̇зро д̣̇уссаван̣иж̇ж̇ам̣ ман̃н̃з гариссад̇и, ад̇иб̣ахуу д̇зна саадагаа г̇ахид̇аа’’д̇и т̇зрасса гуж̇жхид̇ваа бхуд̇д̇абаад̇араасо вихаарам̣ г̇анд̇ваа т̇зрасса баривзн̣ам̣ бависид̇ваа т̇зрам̣ ванд̣̇ид̇ваа нисинно бужчи – ‘‘аби, бханд̇з, амхаагам̣ гхарз ид̇т̇ияо д̇умхаагам̣ санд̇игз д̇хаммам̣ уг̇г̇ан̣ханд̇и ваа сун̣анд̇и ваа’’д̇и? ‘‘аама, махаарааж̇а, г̇ахзд̇аб̣б̣аяуд̇д̇агам̣ г̇ан̣ханд̇и, сод̇аб̣б̣аяуд̇д̇агам̣ сун̣анд̇ий’’д̇и. ‘‘гим̣ д̇аа сун̣анд̇иязва, уд̣̇ааху д̇умхаагам̣ ниваасанам̣ ваа баарубанам̣ ваа д̣̇ад̣̇анд̇ий’’д̇и? ‘‘д̇аа аж̇ж̇а, махаарааж̇а, сахассаг̇гханигаани бан̃жа саадагасад̇аани ад̣̇ам̣суу’’д̇и. ‘‘д̇умхзхи г̇ахид̇аани д̇аани, бханд̇з’’д̇и? ‘‘аама, махаарааж̇аа’’д̇и. ‘‘нану, бханд̇з, сад̇т̇аараа д̇ижийварамзва анун̃н̃аад̇а’’нд̇и? ‘‘аама, махаарааж̇а, бхаг̇авад̇аа згасса бхигкуно д̇ижийварамзва барибхог̇асийсзна анун̃н̃аад̇ам̣, бадиг̇г̇ахан̣ам̣ бана аваарид̇ам̣, д̇асмаа маяааби ан̃н̃зсам̣ ж̇ин̣н̣ажийваригаанам̣ д̣̇аад̇ум̣ д̇з саадагаа бадиг̇г̇ахид̇аа’’д̇и. ‘‘д̇з бана бхигкуу д̇умхаагам̣ санд̇игаа саадагз лабхид̇ваа бораан̣ажийвараани гим̣ гариссанд̇ий’’д̇и? ‘‘бораан̣асан̇гхаадим̣ уд̇д̇араасан̇г̇ам̣ гариссанд̇ий’’д̇и? ‘‘бораан̣ауд̇д̇араасан̇г̇ам̣ гим̣ гариссанд̇ий’’д̇и? ‘‘анд̇араваасагам̣ гариссанд̇ий’’д̇и. ‘‘бораан̣аанд̇араваасагам̣ гим̣ гариссанд̇ий’’д̇и? ‘‘бажжад̇т̇аран̣ам̣ гариссанд̇ий’’д̇и. ‘‘бораан̣абажжад̇т̇аран̣ам̣ гим̣ гариссанд̇ий’’д̇и? ‘‘бхуммад̇т̇аран̣ам̣ гариссанд̇ий’’д̇и. ‘‘бораан̣абхуммад̇т̇аран̣ам̣ гим̣ гариссанд̇ий’’д̇и? ‘‘баад̣̇абун̃чанам̣ гариссанд̇ий’’д̇и. ‘‘бораан̣абаад̣̇абун̃чанам̣ гим̣ гариссанд̇ий’’д̇и? ‘‘махаарааж̇а, сад̣̇д̇хаад̣̇зяяам̣ наама винибаад̇зд̇ум̣ на лаб̣бхад̇и, д̇асмаа бораан̣абаад̣̇абун̃чанам̣ ваасияаа годдзд̇ваа мад̇д̇игааяа магкзд̇ваа сзнаасанзсу мад̇д̇игаалзбанам̣ гариссанд̇ий’’д̇и. ‘‘бханд̇з, д̇умхаагам̣ д̣̇иннам̣ яаава баад̣̇абун̃чанааби нассид̇ум̣ на лаб̣бхад̇ий’’д̇и? ‘‘аама, махаарааж̇а, амхаагам̣ д̣̇иннам̣ нассид̇ум̣ на лаб̣бхад̇и, барибхог̇амзва ход̇ий’’д̇и.
Rājā ‘‘mayā tumhākaṃ sahassagghanikā sāṭakā dāpitā, kasmā tumhe te apārupitvāva āgatā’’ti pucchi. ‘‘Deva, amhehi te ānandattherassa dinnā’’ti. ‘‘Ānandattherena sabbe gahitā’’ti? ‘‘Āma, devā’’ti. ‘‘Sammāsambuddhena ticīvaraṃ anuññātaṃ, ānandatthero dussavaṇijjaṃ maññe karissati, atibahū tena sāṭakā gahitā’’ti therassa kujjhitvā bhuttapātarāso vihāraṃ gantvā therassa pariveṇaṃ pavisitvā theraṃ vanditvā nisinno pucchi – ‘‘api, bhante, amhākaṃ ghare itthiyo tumhākaṃ santike dhammaṃ uggaṇhanti vā suṇanti vā’’ti? ‘‘Āma, mahārāja, gahetabbayuttakaṃ gaṇhanti, sotabbayuttakaṃ suṇantī’’ti. ‘‘Kiṃ tā suṇantiyeva, udāhu tumhākaṃ nivāsanaṃ vā pārupanaṃ vā dadantī’’ti? ‘‘Tā ajja, mahārāja, sahassagghanikāni pañca sāṭakasatāni adaṃsū’’ti. ‘‘Tumhehi gahitāni tāni, bhante’’ti? ‘‘Āma, mahārājā’’ti. ‘‘Nanu, bhante, satthārā ticīvarameva anuññāta’’nti? ‘‘Āma, mahārāja, bhagavatā ekassa bhikkhuno ticīvarameva paribhogasīsena anuññātaṃ, paṭiggahaṇaṃ pana avāritaṃ, tasmā mayāpi aññesaṃ jiṇṇacīvarikānaṃ dātuṃ te sāṭakā paṭiggahitā’’ti. ‘‘Te pana bhikkhū tumhākaṃ santikā sāṭake labhitvā porāṇacīvarāni kiṃ karissantī’’ti? ‘‘Porāṇasaṅghāṭiṃ uttarāsaṅgaṃ karissantī’’ti? ‘‘Porāṇauttarāsaṅgaṃ kiṃ karissantī’’ti? ‘‘Antaravāsakaṃ karissantī’’ti. ‘‘Porāṇaantaravāsakaṃ kiṃ karissantī’’ti? ‘‘Paccattharaṇaṃ karissantī’’ti. ‘‘Porāṇapaccattharaṇaṃ kiṃ karissantī’’ti? ‘‘Bhummattharaṇaṃ karissantī’’ti. ‘‘Porāṇabhummattharaṇaṃ kiṃ karissantī’’ti? ‘‘Pādapuñchanaṃ karissantī’’ti. ‘‘Porāṇapādapuñchanaṃ kiṃ karissantī’’ti? ‘‘Mahārāja, saddhādeyyaṃ nāma vinipātetuṃ na labbhati, tasmā porāṇapādapuñchanaṃ vāsiyā koṭṭetvā mattikāya makkhetvā senāsanesu mattikālepanaṃ karissantī’’ti. ‘‘Bhante, tumhākaṃ dinnaṃ yāva pādapuñchanāpi nassituṃ na labbhatī’’ti? ‘‘Āma, mahārāja, amhākaṃ dinnaṃ nassituṃ na labbhati, paribhogameva hotī’’ti.
рааж̇аа д̇удто соманассаббад̇д̇о худ̇ваа ид̇арааниби г̇зхз табид̇аани бан̃жа саадагасад̇аани аахараабзд̇ваа т̇зрасса д̣̇ад̇ваа анумод̣̇анам̣ суд̇ваа т̇зрам̣ ванд̣̇ид̇ваа бад̣̇агкин̣ам̣ гад̇ваа баггаами. т̇зро батамалад̣̇д̇хаани бан̃жа саадагасад̇аани ж̇ин̣н̣ажийваригаанам̣ бхигкуунам̣ ад̣̇ааси. т̇зрасса бана бан̃жамад̇д̇аани сад̣̇д̇хивихааригасад̇аани , д̇зсу зго д̣̇ахарабхигку т̇зрасса б̣ахуубагааро баривзн̣ам̣ саммаж̇ж̇ад̇и, баанийяабарибхож̇анийяам̣ убадтабзд̇и, д̣̇анд̇агадтам̣ мукод̣̇агам̣ нхаанод̣̇агам̣ д̣̇зд̇и, важжагудиж̇анд̇аагхарасзнаасанаани бадиж̇аг̇г̇ад̇и, хад̇т̇абаригаммабаад̣̇абаригаммабидтибаригаммаад̣̇ийни гарод̇и. т̇зро бажчаа лад̣̇д̇хаани бан̃жа саадагасад̇аани ‘‘аяам̣ мз б̣ахуубагааро’’д̇и яуд̇д̇авасзна саб̣б̣аани д̇ассзва ад̣̇ааси. соби саб̣б̣з д̇з саадагз бхааж̇зд̇ваа ад̇д̇ано самаанубаж̇жхааяаанам̣ ад̣̇ааси.
Rājā tuṭṭho somanassappatto hutvā itarānipi gehe ṭhapitāni pañca sāṭakasatāni āharāpetvā therassa datvā anumodanaṃ sutvā theraṃ vanditvā padakkhiṇaṃ katvā pakkāmi. Thero paṭhamaladdhāni pañca sāṭakasatāni jiṇṇacīvarikānaṃ bhikkhūnaṃ adāsi. Therassa pana pañcamattāni saddhivihārikasatāni , tesu eko daharabhikkhu therassa bahūpakāro pariveṇaṃ sammajjati, pānīyaparibhojanīyaṃ upaṭṭhapeti, dantakaṭṭhaṃ mukhodakaṃ nhānodakaṃ deti, vaccakuṭijantāgharasenāsanāni paṭijaggati, hatthaparikammapādaparikammapiṭṭhiparikammādīni karoti. Thero pacchā laddhāni pañca sāṭakasatāni ‘‘ayaṃ me bahūpakāro’’ti yuttavasena sabbāni tasseva adāsi. Sopi sabbe te sāṭake bhājetvā attano samānupajjhāyānaṃ adāsi.
звам̣ саб̣б̣зби д̇з лад̣̇д̇хасаадагаа бхигкуу саадагз чинд̣̇ид̇ваа раж̇ид̇ваа ган̣игаарабубпаван̣н̣аани гаасааяаани ниваасзд̇ваа жа баарубид̇ваа жа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇ид̇ваа звамаахам̣су – ‘‘бханд̇з, сод̇аабаннасса арияасаавагасса мукологанад̣̇аанам̣ наама ад̇т̇ий’’д̇и. ‘‘на, бхигкавз, арияасаавагаанам̣ мукологанад̣̇аанам̣ наама ад̇т̇ий’’д̇и. ‘‘бханд̇з, амхаагам̣ убаж̇жхааязна д̇хаммабхан̣д̣ааг̇ааригад̇т̇зрзна сахассаг̇гханигаанам̣ саадагаанам̣ бан̃жа сад̇аани згассзва д̣̇ахарабхигкуно д̣̇иннаани, со бана ад̇д̇анаа лад̣̇д̇хз бхааж̇зд̇ваа амхаагам̣ ад̣̇аасий’’д̇и. ‘‘на, бхигкавз, аананд̣̇о мукологанабхигкам̣ д̣̇зд̇и , со банасса бхигку б̣ахуубагааро, д̇асмаа ад̇д̇ано убагаарасса убагааравасзна г̇ун̣авасзна яуд̇д̇авасзна ‘убагаарасса наама бажжубагааро гаад̇ум̣ ваддад̇ий’д̇и гад̇ан̃н̃угад̇авзд̣̇ибхаавзна ад̣̇ааси. бораан̣агабан̣д̣ид̇ааби хи ад̇д̇ано убагаараанан̃н̃зва бажжубагаарам̣ гарим̣суу’’д̇и вад̇ваа д̇зхи яаажид̇о ад̇ийд̇ам̣ аахари.
Evaṃ sabbepi te laddhasāṭakā bhikkhū sāṭake chinditvā rajitvā kaṇikārapupphavaṇṇāni kāsāyāni nivāsetvā ca pārupitvā ca satthāraṃ upasaṅkamitvā vanditvā ekamantaṃ nisīditvā evamāhaṃsu – ‘‘bhante, sotāpannassa ariyasāvakassa mukholokanadānaṃ nāma atthī’’ti. ‘‘Na, bhikkhave, ariyasāvakānaṃ mukholokanadānaṃ nāma atthī’’ti. ‘‘Bhante, amhākaṃ upajjhāyena dhammabhaṇḍāgārikattherena sahassagghanikānaṃ sāṭakānaṃ pañca satāni ekasseva daharabhikkhuno dinnāni, so pana attanā laddhe bhājetvā amhākaṃ adāsī’’ti. ‘‘Na, bhikkhave, ānando mukholokanabhikkhaṃ deti , so panassa bhikkhu bahūpakāro, tasmā attano upakārassa upakāravasena guṇavasena yuttavasena ‘upakārassa nāma paccupakāro kātuṃ vaṭṭatī’ti kataññukatavedibhāvena adāsi. Porāṇakapaṇḍitāpi hi attano upakārānaññeva paccupakāraṃ kariṃsū’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сийхо худ̇ваа баб̣б̣ад̇аг̇ухааяам̣ васад̇и. со згад̣̇ивасам̣ г̇ухааяа нигкамид̇ваа баб̣б̣ад̇абаад̣̇ам̣ ологзси, д̇ам̣ бана баб̣б̣ад̇абаад̣̇ам̣ баригкибид̇ваа махаасаро ахоси. д̇асса згасмим̣ уннад̇адтаанз убарит̇ад̣̇д̇хагад̣̇д̣̇амабидтз муд̣̇ууни харид̇ад̇ин̣аани ж̇ааяим̣су. сасагаа жзва харин̣аад̣̇аяо жа саллахугамиг̇аа гад̣̇д̣̇амамад̇т̇агз вижаранд̇аа д̇аани каад̣̇анд̇и. д̇ам̣ д̣̇ивасамби зго миг̇о д̇аани каад̣̇анд̇о вижарад̇и. сийхо ‘‘д̇ам̣ миг̇ам̣ г̇ан̣хиссаамий’’д̇и баб̣б̣ад̇амад̇т̇агаа уббад̇ид̇ваа сийхавзг̇зна багканд̣̇и, миг̇о маран̣абхаяад̇аж̇ж̇ид̇о вираванд̇о балааяи. сийхо взг̇ам̣ санд̇хаарзд̇ум̣ асаггонд̇о галалабидтз нибад̇ид̇ваа осийд̣̇ид̇ваа уг̇г̇анд̇ум̣ асаггонд̇о жад̇д̇ааро баад̣̇аа т̇амбхаа вияа осийд̣̇ид̇ваа сад̇д̇аахам̣ нираахааро адтааси.
Atīte bārāṇasiyaṃ brahmadatte rajjaṃ kārente bodhisatto sīho hutvā pabbataguhāyaṃ vasati. So ekadivasaṃ guhāya nikkhamitvā pabbatapādaṃ olokesi, taṃ pana pabbatapādaṃ parikkhipitvā mahāsaro ahosi. Tassa ekasmiṃ unnataṭṭhāne uparithaddhakaddamapiṭṭhe mudūni haritatiṇāni jāyiṃsu. Sasakā ceva hariṇādayo ca sallahukamigā kaddamamatthake vicarantā tāni khādanti. Taṃ divasampi eko migo tāni khādanto vicarati. Sīho ‘‘taṃ migaṃ gaṇhissāmī’’ti pabbatamatthakā uppatitvā sīhavegena pakkhandi, migo maraṇabhayatajjito viravanto palāyi. Sīho vegaṃ sandhāretuṃ asakkonto kalalapiṭṭhe nipatitvā osīditvā uggantuṃ asakkonto cattāro pādā thambhā viya osīditvā sattāhaṃ nirāhāro aṭṭhāsi.
ат̇а нам̣ зго син̇г̇аало г̇ожараббасуд̇о д̇ам̣ д̣̇исваа бхаязна балааяи. сийхо д̇ам̣ баггосид̇ваа ‘‘бхо син̇г̇аала, маа балааяи, ахам̣ галалз лаг̇г̇о, ж̇ийвид̇ам̣ мз д̣̇зхий’’д̇и ааха. син̇г̇аало д̇асса санд̇игам̣ г̇анд̇ваа ‘‘ахам̣ д̇ам̣ уд̣̇д̇харзяяам̣, уд̣̇д̇хадо бана мам̣ каад̣̇зяяаасийд̇и бхааяаамий’’д̇и ааха. ‘‘маа бхааяи, наахам̣ д̇ам̣ каад̣̇иссаами, маханд̇ам̣ бана д̇з г̇ун̣ам̣ гариссаами, згзнубааязна мам̣ уд̣̇д̇хараахий’’д̇и. син̇г̇аало д̇асса бадин̃н̃ам̣ г̇ахзд̇ваа жад̇уннам̣ баад̣̇аанам̣ саманд̇аа галалз абанзд̇ваа жад̇уннамби баад̣̇аанам̣ жад̇ассо маад̇игаа кан̣ид̇ваа уд̣̇агаабхимукам̣ агааси, уд̣̇агам̣ бависид̇ваа галалам̣ муд̣̇ум̣ агааси. д̇асмим̣ кан̣з син̇г̇аало сийхасса уд̣̇аранд̇арам̣ ад̇д̇ано сийсам̣ бавзсзд̇ваа ‘‘вааяаамам̣ гарохи, саамий’’д̇и ужжаасад̣̇д̣̇ам̣ гаронд̇о сийсзна уд̣̇арам̣ бахари. сийхо взг̇ам̣ ж̇анзд̇ваа галалаа уг̇г̇анд̇ваа багканд̣̇ид̇ваа т̇алз адтааси. со мухуд̇д̇ам̣ виссамид̇ваа сарам̣ оруяха гад̣̇д̣̇амам̣ д̇ховид̇ваа нхааяид̇ваа д̣̇арат̇ам̣ бадиббассамбхзд̇ваа згам̣ махим̣сам̣ вад̇хид̇ваа д̣̇аатаахи овиж̇жхид̇ваа мам̣сам̣ уб̣б̣ад̇д̇зд̇ваа ‘‘каад̣̇а, саммаа’’д̇и син̇г̇ааласса бурад̇о табзд̇ваа д̇зна каад̣̇ид̇з бажчаа ад̇д̇анаа каад̣̇и. буна син̇г̇аало згам̣ мам̣сабзсим̣ д̣ам̣сид̇ваа г̇ан̣хи. ‘‘ид̣̇ам̣ гимад̇т̇ааяа, саммаа’’д̇и жа вуд̇д̇з ‘‘д̇умхаагам̣ д̣̇аасий ад̇т̇и, д̇ассаа бхааг̇о бхависсад̇ий’’д̇и ааха. сийхо ‘‘г̇ан̣хаахий’’д̇и вад̇ваа саяамби сийхияаа ад̇т̇ааяа мам̣сам̣ г̇ан̣хид̇ваа ‘‘зхи, самма, амхаагам̣ баб̣б̣ад̇амуд̣̇д̇хани тад̇ваа сакияаа васанадтаанам̣ г̇амиссаамаа’’д̇и вад̇ваа д̇ад̇т̇а г̇анд̇ваа мам̣сам̣ каад̣̇аабзд̇ваа син̇г̇аалан̃жа син̇г̇аалин̃жа ассаасзд̇ваа ‘‘ид̇о бадтааяа ид̣̇аани ахам̣ д̇умхз бадиж̇аг̇г̇иссаамий’’д̇и ад̇д̇ано васанадтаанам̣ нзд̇ваа г̇ухааяа д̣̇ваарз ан̃н̃иссаа г̇ухааяа васаабзси. д̇з д̇ад̇о бадтааяа г̇ожарааяа г̇ажчанд̇аа сийхин̃жа син̇г̇аалин̃жа табзд̇ваа син̇г̇аалзна сад̣̇д̇хим̣ г̇анд̇ваа наанаамиг̇з вад̇хид̇ваа убхоби д̇ад̇т̇зва мам̣сам̣ каад̣̇ид̇ваа ид̇араасамби д̣̇виннам̣ аахарид̇ваа д̣̇знд̇и.
Atha naṃ eko siṅgālo gocarappasuto taṃ disvā bhayena palāyi. Sīho taṃ pakkositvā ‘‘bho siṅgāla, mā palāyi, ahaṃ kalale laggo, jīvitaṃ me dehī’’ti āha. Siṅgālo tassa santikaṃ gantvā ‘‘ahaṃ taṃ uddhareyyaṃ, uddhaṭo pana maṃ khādeyyāsīti bhāyāmī’’ti āha. ‘‘Mā bhāyi, nāhaṃ taṃ khādissāmi, mahantaṃ pana te guṇaṃ karissāmi, ekenupāyena maṃ uddharāhī’’ti. Siṅgālo tassa paṭiññaṃ gahetvā catunnaṃ pādānaṃ samantā kalale apanetvā catunnampi pādānaṃ catasso mātikā khaṇitvā udakābhimukhaṃ akāsi, udakaṃ pavisitvā kalalaṃ muduṃ akāsi. Tasmiṃ khaṇe siṅgālo sīhassa udarantaraṃ attano sīsaṃ pavesetvā ‘‘vāyāmaṃ karohi, sāmī’’ti uccāsaddaṃ karonto sīsena udaraṃ pahari. Sīho vegaṃ janetvā kalalā uggantvā pakkhanditvā thale aṭṭhāsi. So muhuttaṃ vissamitvā saraṃ oruyha kaddamaṃ dhovitvā nhāyitvā darathaṃ paṭippassambhetvā ekaṃ mahiṃsaṃ vadhitvā dāṭhāhi ovijjhitvā maṃsaṃ ubbattetvā ‘‘khāda, sammā’’ti siṅgālassa purato ṭhapetvā tena khādite pacchā attanā khādi. Puna siṅgālo ekaṃ maṃsapesiṃ ḍaṃsitvā gaṇhi. ‘‘Idaṃ kimatthāya, sammā’’ti ca vutte ‘‘tumhākaṃ dāsī atthi, tassā bhāgo bhavissatī’’ti āha. Sīho ‘‘gaṇhāhī’’ti vatvā sayampi sīhiyā atthāya maṃsaṃ gaṇhitvā ‘‘ehi, samma, amhākaṃ pabbatamuddhani ṭhatvā sakhiyā vasanaṭṭhānaṃ gamissāmā’’ti vatvā tattha gantvā maṃsaṃ khādāpetvā siṅgālañca siṅgāliñca assāsetvā ‘‘ito paṭṭhāya idāni ahaṃ tumhe paṭijaggissāmī’’ti attano vasanaṭṭhānaṃ netvā guhāya dvāre aññissā guhāya vasāpesi. Te tato paṭṭhāya gocarāya gacchantā sīhiñca siṅgāliñca ṭhapetvā siṅgālena saddhiṃ gantvā nānāmige vadhitvā ubhopi tattheva maṃsaṃ khāditvā itarāsampi dvinnaṃ āharitvā denti.
звам̣ гаалз г̇ажчанд̇з сийхий д̣̇вз буд̇д̇з виж̇ааяи, син̇г̇аалийби д̣̇вз буд̇д̇з виж̇ааяи. д̇з саб̣б̣зби самаг̇г̇аваасам̣ васим̣су. ат̇згад̣̇ивасам̣ сийхияаа зд̇ад̣̇ахоси – ‘‘аяам̣ сийхо син̇г̇аалан̃жа син̇г̇аалин̃жа син̇г̇аалабод̇агз жа ад̇ивияа бияааяад̇и, нуунамасса син̇г̇аалияаа сад̣̇д̇хим̣ сант̇аво ад̇т̇и, д̇асмаа звам̣ синзхам̣ гарод̇и, яам̣нуунаахам̣ имам̣ бийл̣зд̇ваа д̇аж̇ж̇зд̇ваа ид̇о балаабзяяа’’нд̇и . саа сийхасса син̇г̇аалам̣ г̇ахзд̇ваа г̇ожарааяа г̇ад̇агаалз син̇г̇аалим̣ бийл̣зси д̇аж̇ж̇зси ‘‘гим̣гааран̣аа имасмим̣ таанз васад̇и , на балааяасий’’д̇и? буд̇д̇аабиссаа син̇г̇аалибуд̇д̇з д̇ат̇зва д̇аж̇ж̇аяим̣су. син̇г̇аалий д̇амад̇т̇ам̣ син̇г̇ааласса гат̇зд̇ваа ‘‘сийхасса важанзна зд̇ааяа звам̣ гад̇абхаавамби на ж̇аанаама, жирам̣ васимхаа, наасаабзяяааби но, амхаагам̣ васанадтаанамзва г̇ажчаамаа’’д̇и ааха. син̇г̇аало д̇ассаа важанам̣ суд̇ваа сийхам̣ убасан̇гамид̇ваа ааха – ‘‘саами, жирам̣ амхзхи д̇умхаагам̣ санд̇игз нивуд̇т̇ам̣, ад̇ижирам̣ васанд̇аа наама аббияаа хонд̇и, амхаагам̣ г̇ожарааяа багганд̇агаалз сийхий син̇г̇аалим̣ вихзтзд̇и ‘имасмим̣ таанз гасмаа васат̇а, балааяат̇аа’д̇и д̇аж̇ж̇зд̇и, сийхабод̇агааби син̇г̇аалабод̇агз д̇аж̇ж̇знд̇и. яо наама яасса ад̇д̇ано санд̇игз ваасам̣ на рожзд̇и, д̇зна со ‘яаахий’д̇и нийхарид̇аб̣б̣ова, вихзтанам̣ наама гимад̇т̇ияа’’нд̇и вад̇ваа батамам̣ г̇аат̇амааха –
Evaṃ kāle gacchante sīhī dve putte vijāyi, siṅgālīpi dve putte vijāyi. Te sabbepi samaggavāsaṃ vasiṃsu. Athekadivasaṃ sīhiyā etadahosi – ‘‘ayaṃ sīho siṅgālañca siṅgāliñca siṅgālapotake ca ativiya piyāyati, nūnamassa siṅgāliyā saddhiṃ santhavo atthi, tasmā evaṃ sinehaṃ karoti, yaṃnūnāhaṃ imaṃ pīḷetvā tajjetvā ito palāpeyya’’nti . Sā sīhassa siṅgālaṃ gahetvā gocarāya gatakāle siṅgāliṃ pīḷesi tajjesi ‘‘kiṃkāraṇā imasmiṃ ṭhāne vasati , na palāyasī’’ti? Puttāpissā siṅgāliputte tatheva tajjayiṃsu. Siṅgālī tamatthaṃ siṅgālassa kathetvā ‘‘sīhassa vacanena etāya evaṃ katabhāvampi na jānāma, ciraṃ vasimhā, nāsāpeyyāpi no, amhākaṃ vasanaṭṭhānameva gacchāmā’’ti āha. Siṅgālo tassā vacanaṃ sutvā sīhaṃ upasaṅkamitvā āha – ‘‘sāmi, ciraṃ amhehi tumhākaṃ santike nivutthaṃ, aticiraṃ vasantā nāma appiyā honti, amhākaṃ gocarāya pakkantakāle sīhī siṅgāliṃ viheṭheti ‘imasmiṃ ṭhāne kasmā vasatha, palāyathā’ti tajjeti, sīhapotakāpi siṅgālapotake tajjenti. Yo nāma yassa attano santike vāsaṃ na roceti, tena so ‘yāhī’ti nīharitabbova, viheṭhanaṃ nāma kimatthiya’’nti vatvā paṭhamaṃ gāthamāha –
13.
13.
‘‘язна гаамам̣ бан̣аамзд̇и, д̇хаммо б̣алавад̇ам̣ миг̇ий;
‘‘Yena kāmaṃ paṇāmeti, dhammo balavataṃ migī;
уннад̣̇анд̇ий виж̇аанаахи, ж̇аад̇ам̣ саран̣ад̇о бхаяа’’нд̇и.
Unnadantī vijānāhi, jātaṃ saraṇato bhaya’’nti.
д̇ад̇т̇а язна гаамам̣ бан̣аамзд̇и, д̇хаммо б̣алавад̇анд̇и б̣алаваа наама иссаро ад̇д̇ано сзвагам̣ язна д̣̇исаабхааг̇зна ижчад̇и, д̇зна д̣̇исаабхааг̇зна со бан̣аамзд̇и нийхарад̇и. зса д̇хаммо б̣алавад̇ам̣ аяам̣ иссараанам̣ сабхааво бавзн̣ид̇хаммова, д̇асмаа сажз амхаагам̣ ваасам̣ на рожзт̇а, уж̇угамзва но нийхарат̇а , вихзтанзна го ад̇т̇од̇и д̣̇ийбзнд̇о звамааха. миг̇ийд̇и сийхам̣ аалабад̇и. со хи миг̇арааж̇ад̇ааяа миг̇аа асса ад̇т̇ийд̇и миг̇ий. уннад̣̇анд̇ийд̇иби д̇амзва аалабад̇и. со хи уннад̇аанам̣ д̣̇анд̇аанам̣ ад̇т̇ид̇ааяа уннад̇аа д̣̇анд̇аа асса ад̇т̇ийд̇и уннад̣̇анд̇ий. ‘‘уннад̇ад̣̇анд̇ий’’д̇иби баатоязва. виж̇аанаахийд̇и ‘‘зса иссараанам̣ д̇хаммо’’д̇и звам̣ ж̇аанаахи. ж̇аад̇ам̣ саран̣ад̇о бхаяанд̇и амхаагам̣ д̇умхз бад̇идтаанадтзна саран̣ам̣, д̇умхааган̃н̃зва санд̇игаа бхаяам̣ ж̇аад̇ам̣, д̇асмаа ад̇д̇ано васанадтаанамзва г̇амиссаамаад̇и д̣̇ийбзд̇и.
Tattha yena kāmaṃ paṇāmeti, dhammo balavatanti balavā nāma issaro attano sevakaṃ yena disābhāgena icchati, tena disābhāgena so paṇāmeti nīharati. Esa dhammo balavataṃ ayaṃ issarānaṃ sabhāvo paveṇidhammova, tasmā sace amhākaṃ vāsaṃ na rocetha, ujukameva no nīharatha , viheṭhanena ko atthoti dīpento evamāha. Migīti sīhaṃ ālapati. So hi migarājatāya migā assa atthīti migī. Unnadantītipi tameva ālapati. So hi unnatānaṃ dantānaṃ atthitāya unnatā dantā assa atthīti unnadantī. ‘‘Unnatadantī’’tipi pāṭhoyeva. Vijānāhīti ‘‘esa issarānaṃ dhammo’’ti evaṃ jānāhi. Jātaṃ saraṇato bhayanti amhākaṃ tumhe patiṭṭhānaṭṭhena saraṇaṃ, tumhākaññeva santikā bhayaṃ jātaṃ, tasmā attano vasanaṭṭhānameva gamissāmāti dīpeti.
абаро наяо – д̇ава миг̇ий сийхий уннад̣̇анд̇иймама буд̇д̇ад̣̇аарам̣ д̇аж̇ж̇знд̇ий язна гаамам̣ бан̣аамзд̇и, язна язнаагаарзна ижчад̇и, д̇зна бан̣аамзд̇и бавад̇д̇ад̇и, вихзтзд̇иби балаабзд̇иби, звам̣ д̇вам̣ виж̇аанаахи, д̇ад̇т̇а гим̣ саггаа амхзхи гаад̇ум̣. д̇хаммо б̣алавад̇ам̣ зса б̣алаванд̇аанам̣ сабхааво, ид̣̇аани маяам̣ г̇амиссаама. гасмаа? ж̇аад̇ам̣ саран̣ад̇о бхаяанд̇и.
Aparo nayo – tava migī sīhī unnadantīmama puttadāraṃ tajjentī yena kāmaṃ paṇāmeti, yena yenākārena icchati, tena paṇāmeti pavattati, viheṭhetipi palāpetipi, evaṃ tvaṃ vijānāhi, tattha kiṃ sakkā amhehi kātuṃ. Dhammo balavataṃ esa balavantānaṃ sabhāvo, idāni mayaṃ gamissāma. Kasmā? Jātaṃ saraṇato bhayanti.
д̇асса важанам̣ суд̇ваа сийхо сийхим̣ ааха – ‘‘бхад̣̇д̣̇з, асугасмим̣ наама гаалз мама г̇ожарад̇т̇ааяа г̇анд̇ваа сад̇д̇амз д̣̇ивасз иминаа син̇г̇аалзна имааяа жа син̇г̇аалияаа сад̣̇д̇хим̣ ааг̇ад̇абхаавам̣ сарасий’’д̇и. ‘‘аама, сараамий’’д̇и. ‘‘ж̇аанааси бана маяхам̣ сад̇д̇аахам̣ анааг̇аманасса гааран̣а’’нд̇и? ‘‘на ж̇аанаами, саамий’’д̇и. ‘‘бхад̣̇д̣̇з, ахам̣ ‘згам̣ миг̇ам̣ г̇ан̣хиссаамий’д̇и вираж̇жхид̇ваа галалз лаг̇г̇о, д̇ад̇о нигкамид̇ум̣ асаггонд̇о сад̇д̇аахам̣ нираахааро адтаасим̣, сваахам̣ имам̣ син̇г̇аалам̣ ниссааяа ж̇ийвид̇ам̣ лабхим̣, аяам̣ мз ж̇ийвид̇ад̣̇ааяаго сахааяо. мид̇д̇ад̇хаммз таад̇ум̣ самад̇т̇о хи мид̇д̇о д̣̇уб̣б̣ало наама над̇т̇и, ид̇о бадтааяа маяхам̣ сахааяасса жа сахааяигааяа жа буд̇д̇агаанан̃жа зваруубам̣ авамаанам̣ маа агаасий’’д̇и вад̇ваа сийхо д̣̇уд̇ияам̣ г̇аат̇амааха –
Tassa vacanaṃ sutvā sīho sīhiṃ āha – ‘‘bhadde, asukasmiṃ nāma kāle mama gocaratthāya gantvā sattame divase iminā siṅgālena imāya ca siṅgāliyā saddhiṃ āgatabhāvaṃ sarasī’’ti. ‘‘Āma, sarāmī’’ti. ‘‘Jānāsi pana mayhaṃ sattāhaṃ anāgamanassa kāraṇa’’nti? ‘‘Na jānāmi, sāmī’’ti. ‘‘Bhadde, ahaṃ ‘ekaṃ migaṃ gaṇhissāmī’ti virajjhitvā kalale laggo, tato nikkhamituṃ asakkonto sattāhaṃ nirāhāro aṭṭhāsiṃ, svāhaṃ imaṃ siṅgālaṃ nissāya jīvitaṃ labhiṃ, ayaṃ me jīvitadāyako sahāyo. Mittadhamme ṭhātuṃ samattho hi mitto dubbalo nāma natthi, ito paṭṭhāya mayhaṃ sahāyassa ca sahāyikāya ca puttakānañca evarūpaṃ avamānaṃ mā akāsī’’ti vatvā sīho dutiyaṃ gāthamāha –
14.
14.
‘‘аби жзби д̣̇уб̣б̣ало мид̇д̇о, мид̇д̇ад̇хаммзсу д̇идтад̇и;
‘‘Api cepi dubbalo mitto, mittadhammesu tiṭṭhati;
со н̃аад̇аго жа б̣анд̇ху жа, со мид̇д̇о со жа мз сакаа;
So ñātako ca bandhu ca, so mitto so ca me sakhā;
д̣̇аатини маад̇иман̃н̃ид̇т̇о, син̇г̇аало мама баан̣ад̣̇о’’д̇и.
Dāṭhini mātimaññittho, siṅgālo mama pāṇado’’ti.
д̇ад̇т̇а аби жзбийд̇и зго абисад̣̇д̣̇о ануг̇г̇ахад̇т̇о, зго самбхааванад̇т̇о. д̇ад̇рааяам̣ яож̇анаа – д̣̇уб̣б̣алоби жз мид̇д̇о мид̇д̇ад̇хаммзсу аби д̇идтад̇и, сажз таад̇ум̣ саггод̇и, со н̃аад̇аго жа б̣анд̇ху жа, со мзд̇д̇ажид̇д̇ад̇ааяа мид̇д̇о, со жа мз сахааяадтзна сакаа. д̣̇аатини маад̇иман̃н̃ид̇т̇од̇и, бхад̣̇д̣̇з, д̣̇аатаасамбаннз сийхи маа маяхам̣ сахааяам̣ ваа сахааяим̣ ваа ад̇иман̃н̃и, аяан̃хи син̇г̇аало мама баан̣ад̣̇од̇и.
Tattha api cepīti eko apisaddo anuggahattho, eko sambhāvanattho. Tatrāyaṃ yojanā – dubbalopi ce mitto mittadhammesu api tiṭṭhati, sace ṭhātuṃ sakkoti, so ñātako ca bandhu ca, so mettacittatāya mitto, so ca me sahāyaṭṭhena sakhā. Dāṭhini mātimaññitthoti, bhadde, dāṭhāsampanne sīhi mā mayhaṃ sahāyaṃ vā sahāyiṃ vā atimaññi, ayañhi siṅgālo mama pāṇadoti.
саа д̇асса важанам̣ суд̇ваа син̇г̇аалим̣ камаабзд̇ваа д̇ад̇о бадтааяа сабуд̇д̇ааяа д̇ааяа сад̣̇д̇хим̣ самаг̇г̇аваасам̣ васи. сийхабод̇агааби син̇г̇аалабод̇агзхи сад̣̇д̇хим̣ гийл̣амаанаа саммод̣̇амаанаа маад̇аабид̇уунам̣ ад̇игганд̇агаалзби мид̇д̇абхаавам̣ абхинд̣̇ид̇ваа саммод̣̇амаанаа васим̣су. д̇зсам̣ гира сад̇д̇агулабариваддз абхиж̇ж̇амаанаа мзд̇д̇и аг̇амааси.
Sā tassa vacanaṃ sutvā siṅgāliṃ khamāpetvā tato paṭṭhāya saputtāya tāya saddhiṃ samaggavāsaṃ vasi. Sīhapotakāpi siṅgālapotakehi saddhiṃ kīḷamānā sammodamānā mātāpitūnaṃ atikkantakālepi mittabhāvaṃ abhinditvā sammodamānā vasiṃsu. Tesaṃ kira sattakulaparivaṭṭe abhijjamānā metti agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – сажжабарияосаанз гзжи сод̇аабаннаа, гзжи сагад̣̇ааг̇аамино, гзжи анааг̇аамино, гзжи араханд̇о ахзсум̣. ‘‘д̇ад̣̇аа син̇г̇аало аананд̣̇о ахоси, сийхо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – saccapariyosāne keci sotāpannā, keci sakadāgāmino, keci anāgāmino, keci arahanto ahesuṃ. ‘‘Tadā siṅgālo ānando ahosi, sīho pana ahameva ahosi’’nti.
г̇ун̣аж̇аад̇агаван̣н̣анаа сад̇д̇амаа.
Guṇajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 157. г̇ун̣аж̇аад̇агам̣ • 157. Guṇajātakaṃ
