| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. கூ³த²பா⁴ணீஸுத்தவண்ணனா
8. Gūthabhāṇīsuttavaṇṇanā
28. அட்ட²மே கூ³த²பா⁴ணீதி கூ³த²ஸதி³ஸவசனத்தா கூ³த²பா⁴ணீ. யதா² ஹி கூ³த²ங் நாம மஹாஜனஸ்ஸ அனிட்ட²ங் ஹோதி, ஏவமேவ இமஸ்ஸ புக்³க³லஸ்ஸ வசனங் தே³வமனுஸ்ஸானங் அனிட்ட²ங் ஹோதி. து³க்³க³ந்த⁴கத²ந்தி கிலேஸாஸுசிஸங்கிலிட்ட²தாய கூ³த²ங் விய து³க்³க³ந்த⁴வாயனகத²ங். புப்ப²பா⁴ணீதி ஸுபுப்ப²ஸதி³ஸவசனத்தா புப்ப²பா⁴ணீ . யதா² ஹி பு²ல்லானி வஸ்ஸிகானி வா அதி⁴முத்திகானி வா மஹாஜனஸ்ஸ இட்டா²னி கந்தானி ஹொந்தி, ஏவமேவ இமஸ்ஸ புக்³க³லஸ்ஸ வசனங் தே³வமனுஸ்ஸானங் இட்ட²ங் ஹோதி கந்தங். புப்பா²னி வியாதி சம்பகஸுமனாதி³ஸுக³ந்த⁴புப்பா²னி விய. ஸுக³ந்த⁴கத²ந்தி ஸுசிக³ந்த⁴வாயனகத²ங் கிலேஸது³க்³க³ந்தா⁴பா⁴வதோ. மது⁴பா⁴ணீதி எத்த² ‘‘முது³பா⁴ணீ’’திபி பட²ந்தி. உப⁴யத்தா²பி ஹி மது⁴ரவசனோதி அத்தோ². யதா² ஹி சதுமது⁴ரங் நாம மது⁴ரங் பணீதங், ஏவமேவ இமஸ்ஸ புக்³க³லஸ்ஸ வசனங் தே³வமனுஸ்ஸானங் மது⁴ரங் ஹோதி. மது⁴ரகத²ந்தி கண்ணஸுக²தாய பேமனீயதாய ச ஸத்³த³தோ அத்த²தோ ச மது⁴ரஸபா⁴வகத²ங். அத்தஹேது வாதி அத்தனோ வா ஹத்த²பாதா³தி³ச்சே²த³னஹரணஹேது. பரஹேது வாதி எத்தா²பி ஏஸேவ நயோ. தேனாஹ ‘‘அத்தனோ வா’’திஆதி³.
28. Aṭṭhame gūthabhāṇīti gūthasadisavacanattā gūthabhāṇī. Yathā hi gūthaṃ nāma mahājanassa aniṭṭhaṃ hoti, evameva imassa puggalassa vacanaṃ devamanussānaṃ aniṭṭhaṃ hoti. Duggandhakathanti kilesāsucisaṃkiliṭṭhatāya gūthaṃ viya duggandhavāyanakathaṃ. Pupphabhāṇīti supupphasadisavacanattā pupphabhāṇī . Yathā hi phullāni vassikāni vā adhimuttikāni vā mahājanassa iṭṭhāni kantāni honti, evameva imassa puggalassa vacanaṃ devamanussānaṃ iṭṭhaṃ hoti kantaṃ. Pupphāni viyāti campakasumanādisugandhapupphāni viya. Sugandhakathanti sucigandhavāyanakathaṃ kilesaduggandhābhāvato. Madhubhāṇīti ettha ‘‘mudubhāṇī’’tipi paṭhanti. Ubhayatthāpi hi madhuravacanoti attho. Yathā hi catumadhuraṃ nāma madhuraṃ paṇītaṃ, evameva imassa puggalassa vacanaṃ devamanussānaṃ madhuraṃ hoti. Madhurakathanti kaṇṇasukhatāya pemanīyatāya ca saddato atthato ca madhurasabhāvakathaṃ. Attahetu vāti attano vā hatthapādādicchedanaharaṇahetu. Parahetu vāti etthāpi eseva nayo. Tenāha ‘‘attano vā’’tiādi.
‘‘நேலங்கோ³தி கோ², ப⁴ந்தே, ஸீலானமேதங் அதி⁴வசன’’ந்தி ஸுத்தே (ஸங்॰ நி॰ 4.347) ஆக³தத்தா வுத்தங் ‘‘எத்த² வுத்தஸீலங் வியா’’தி. பூரேதி கு³ணானங் பாரிபூரியங். ஸுகுமாராதி அப²ருஸதாய முது³கா கோமலா. புரஸ்ஸாதி எத்த² புர-ஸத்³தோ³ தன்னிவாஸிவாசகோ த³ட்ட²ப்³போ³ ‘‘கா³மோ ஆக³தோ’’திஆதீ³ஸு விய. தேனாஹ ‘‘நக³ரவாஸீன’’ந்தி. மனங் அப்பாயதி வட்³டே⁴தீதி மனாபா. தேனாஹ ‘‘சித்தவுத்³தி⁴கரா’’தி.
‘‘Nelaṅgoti kho, bhante, sīlānametaṃ adhivacana’’nti sutte (saṃ. ni. 4.347) āgatattā vuttaṃ ‘‘ettha vuttasīlaṃ viyā’’ti. Pūreti guṇānaṃ pāripūriyaṃ. Sukumārāti apharusatāya mudukā komalā. Purassāti ettha pura-saddo tannivāsivācako daṭṭhabbo ‘‘gāmo āgato’’tiādīsu viya. Tenāha ‘‘nagaravāsīna’’nti. Manaṃ appāyati vaḍḍhetīti manāpā. Tenāha ‘‘cittavuddhikarā’’ti.
கூ³த²பா⁴ணீஸுத்தவண்ணனா நிட்டி²தா.
Gūthabhāṇīsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. கூ³த²பா⁴ணீஸுத்தங் • 8. Gūthabhāṇīsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. கூ³த²பா⁴ணீஸுத்தவண்ணனா • 8. Gūthabhāṇīsuttavaṇṇanā
