| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. г̇уут̇абхаан̣ийсуд̇д̇аван̣н̣анаа
8. Gūthabhāṇīsuttavaṇṇanā
28. адтамз г̇уут̇абхаан̣ийд̇и яо г̇уут̇ам̣ вияа д̣̇уг̇г̇анд̇хагат̇ам̣ гат̇зд̇и. бубпабхаан̣ийд̇и яо бубпаани вияа суг̇анд̇хагат̇ам̣ гат̇зд̇и. мад̇хубхаан̣ийд̇и яо мад̇ху вияа мад̇хурагат̇ам̣ гат̇зд̇и. сабхаг̇г̇ад̇од̇и сабхааяа тид̇о. барисаг̇г̇ад̇од̇и г̇аамабарисааяа тид̇о. н̃аад̇имаж̇жхаг̇ад̇од̇и н̃аад̇ийнам̣ маж̇жхз тид̇о. бууг̇амаж̇жхаг̇ад̇од̇и сзн̣ийнам̣ маж̇жхз тид̇о. рааж̇агуламаж̇жхаг̇ад̇од̇и рааж̇агуласса маж̇жхз махаавинижчаяз тид̇о. абхинийд̇од̇и бужчанад̇т̇ааяаанийд̇о. сагкибудтод̇и сагким̣ гад̇ваа бужчид̇о. зхамбхо бурисаад̇и аалабанамзд̇ам̣. ад̇д̇ахзд̇у ваа барахзд̇у ваад̇и ад̇д̇ано ваа барасса ваа хад̇т̇абаад̣̇аад̣̇ихзд̇у ваа д̇ханахзд̇у ваа. аамисагин̃жигкахзд̇у ваад̇и зд̇т̇а аамисанд̇и лан̃ж̇о ад̇хиббзд̇о. гин̃жигканд̇и яам̣ ваа д̇ам̣ ваа аббамад̇д̇агам̣ анд̇амасо д̇ид̇д̇ирияаваддагасаббибин̣д̣анаванийд̇абин̣д̣аад̣̇имад̇д̇агасса лан̃ж̇асса хзд̇ууд̇и ад̇т̇о. самбаж̇аанамусаа бхаасид̇аа ход̇ийд̇и ж̇аананд̇оязва мусааваад̣̇ам̣ гад̇д̇аа ход̇и.
28. Aṭṭhame gūthabhāṇīti yo gūthaṃ viya duggandhakathaṃ katheti. Pupphabhāṇīti yo pupphāni viya sugandhakathaṃ katheti. Madhubhāṇīti yo madhu viya madhurakathaṃ katheti. Sabhaggatoti sabhāya ṭhito. Parisaggatoti gāmaparisāya ṭhito. Ñātimajjhagatoti ñātīnaṃ majjhe ṭhito. Pūgamajjhagatoti seṇīnaṃ majjhe ṭhito. Rājakulamajjhagatoti rājakulassa majjhe mahāvinicchaye ṭhito. Abhinītoti pucchanatthāyānīto. Sakkhipuṭṭhoti sakkhiṃ katvā pucchito. Ehambho purisāti ālapanametaṃ. Attahetu vā parahetu vāti attano vā parassa vā hatthapādādihetu vā dhanahetu vā. Āmisakiñcikkhahetu vāti ettha āmisanti lañjo adhippeto. Kiñcikkhanti yaṃ vā taṃ vā appamattakaṃ antamaso tittiriyavaṭṭakasappipiṇḍanavanītapiṇḍādimattakassa lañjassa hetūti attho. Sampajānamusā bhāsitā hotīti jānantoyeva musāvādaṃ kattā hoti.
нзлаад̇и злам̣ вужжад̇и д̣̇осо, наасса зланд̇и нзлаа, нид̣̇д̣̇осаад̇и ад̇т̇о. ‘‘нзлан̇г̇о сзд̇абажчаад̣̇о’’д̇и (уд̣̇аа. 65) зд̇т̇а вуд̇д̇асийлам̣ вияа. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа, сууживиж̇жханам̣ вияа ган̣н̣асуулам̣ на ж̇анзд̇и. ад̇т̇амад̇хурад̇ааяа сагаласарийрз гобам̣ аж̇анзд̇ваа бзмам̣ ж̇анзд̇ийд̇и бзманийяаа. хад̣̇аяам̣ г̇ажчад̇и аббадихан̃н̃амаанаа сукзна жид̇д̇ам̣ бависад̇ийд̇и хад̣̇аяан̇г̇амаа. г̇ун̣абарибун̣н̣ад̇ааяа бурз бхаваад̇и борий. бурз сам̣вад̣дханаарий вияа сугумаараад̇иби борий. бурасса зсаад̇иби борий. бурасса зсаад̇и наг̇араваасийнам̣ гат̇аад̇и ад̇т̇о. наг̇араваасино хи яуд̇д̇агат̇аа хонд̇и , бид̇имад̇д̇ам̣ бид̇аад̇и, маад̇имад̇д̇ам̣ маад̇аад̇и, бхаад̇имад̇д̇ам̣ бхаад̇аад̇и вад̣̇анд̇и. зваруубий гат̇аа б̣ахуно ж̇анасса ганд̇аа ход̇ийд̇и б̣ахуж̇анаганд̇аа. ганд̇абхаавзнзва б̣ахуно ж̇анасса манаабаа жид̇д̇авуд̣̇д̇хигараад̇и б̣ахуж̇анаманаабаа.
Nelāti elaṃ vuccati doso, nāssa elanti nelā, niddosāti attho. ‘‘Nelaṅgo setapacchādo’’ti (udā. 65) ettha vuttasīlaṃ viya. Kaṇṇasukhāti byañjanamadhuratāya kaṇṇānaṃ sukhā, sūcivijjhanaṃ viya kaṇṇasūlaṃ na janeti. Atthamadhuratāya sakalasarīre kopaṃ ajanetvā pemaṃ janetīti pemanīyā. Hadayaṃ gacchati appaṭihaññamānā sukhena cittaṃ pavisatīti hadayaṅgamā. Guṇaparipuṇṇatāya pure bhavāti porī. Pure saṃvaḍḍhanārī viya sukumārātipi porī. Purassa esātipi porī. Purassa esāti nagaravāsīnaṃ kathāti attho. Nagaravāsino hi yuttakathā honti , pitimattaṃ pitāti, mātimattaṃ mātāti, bhātimattaṃ bhātāti vadanti. Evarūpī kathā bahuno janassa kantā hotīti bahujanakantā. Kantabhāveneva bahuno janassa manāpā cittavuddhikarāti bahujanamanāpā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. г̇уут̇абхаан̣ийсуд̇д̇ам̣ • 8. Gūthabhāṇīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. г̇уут̇абхаан̣ийсуд̇д̇аван̣н̣анаа • 8. Gūthabhāṇīsuttavaṇṇanā
