| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. г̇уут̇абхаан̣ийсуд̇д̇аван̣н̣анаа
8. Gūthabhāṇīsuttavaṇṇanā
28. адтамз г̇уут̇абхаан̣ийд̇и г̇уут̇асад̣̇исаважанад̇д̇аа г̇уут̇абхаан̣ий. яат̇аа хи г̇уут̇ам̣ наама махааж̇анасса анидтам̣ ход̇и, звамзва имасса буг̇г̇аласса важанам̣ д̣̇звамануссаанам̣ анидтам̣ ход̇и. д̣̇уг̇г̇анд̇хагат̇анд̇и гилзсаасужисам̣гилидтад̇ааяа г̇уут̇ам̣ вияа д̣̇уг̇г̇анд̇хавааяанагат̇ам̣. бубпабхаан̣ийд̇и субубпасад̣̇исаважанад̇д̇аа бубпабхаан̣ий . яат̇аа хи пуллаани вассигаани ваа ад̇химуд̇д̇игаани ваа махааж̇анасса идтаани ганд̇аани хонд̇и, звамзва имасса буг̇г̇аласса важанам̣ д̣̇звамануссаанам̣ идтам̣ ход̇и ганд̇ам̣. бубпаани вияаад̇и жамбагасуманаад̣̇исуг̇анд̇хабубпаани вияа. суг̇анд̇хагат̇анд̇и сужиг̇анд̇хавааяанагат̇ам̣ гилзсад̣̇уг̇г̇анд̇хаабхаавад̇о. мад̇хубхаан̣ийд̇и зд̇т̇а ‘‘муд̣̇убхаан̣ий’’д̇иби батанд̇и. убхаяад̇т̇ааби хи мад̇хураважанод̇и ад̇т̇о. яат̇аа хи жад̇умад̇хурам̣ наама мад̇хурам̣ бан̣ийд̇ам̣, звамзва имасса буг̇г̇аласса важанам̣ д̣̇звамануссаанам̣ мад̇хурам̣ ход̇и. мад̇хурагат̇анд̇и ган̣н̣асукад̇ааяа бзманийяад̇ааяа жа сад̣̇д̣̇ад̇о ад̇т̇ад̇о жа мад̇хурасабхаавагат̇ам̣. ад̇д̇ахзд̇у ваад̇и ад̇д̇ано ваа хад̇т̇абаад̣̇аад̣̇ижчзд̣̇анахаран̣ахзд̇у. барахзд̇у ваад̇и зд̇т̇ааби зсзва наяо. д̇знааха ‘‘ад̇д̇ано ваа’’д̇иаад̣̇и.
28. Aṭṭhame gūthabhāṇīti gūthasadisavacanattā gūthabhāṇī. Yathā hi gūthaṃ nāma mahājanassa aniṭṭhaṃ hoti, evameva imassa puggalassa vacanaṃ devamanussānaṃ aniṭṭhaṃ hoti. Duggandhakathanti kilesāsucisaṃkiliṭṭhatāya gūthaṃ viya duggandhavāyanakathaṃ. Pupphabhāṇīti supupphasadisavacanattā pupphabhāṇī . Yathā hi phullāni vassikāni vā adhimuttikāni vā mahājanassa iṭṭhāni kantāni honti, evameva imassa puggalassa vacanaṃ devamanussānaṃ iṭṭhaṃ hoti kantaṃ. Pupphāni viyāti campakasumanādisugandhapupphāni viya. Sugandhakathanti sucigandhavāyanakathaṃ kilesaduggandhābhāvato. Madhubhāṇīti ettha ‘‘mudubhāṇī’’tipi paṭhanti. Ubhayatthāpi hi madhuravacanoti attho. Yathā hi catumadhuraṃ nāma madhuraṃ paṇītaṃ, evameva imassa puggalassa vacanaṃ devamanussānaṃ madhuraṃ hoti. Madhurakathanti kaṇṇasukhatāya pemanīyatāya ca saddato atthato ca madhurasabhāvakathaṃ. Attahetu vāti attano vā hatthapādādicchedanaharaṇahetu. Parahetu vāti etthāpi eseva nayo. Tenāha ‘‘attano vā’’tiādi.
‘‘нзлан̇г̇од̇и ко, бханд̇з, сийлаанамзд̇ам̣ ад̇хиважана’’нд̇и суд̇д̇з (сам̣. ни. 4.347) ааг̇ад̇ад̇д̇аа вуд̇д̇ам̣ ‘‘зд̇т̇а вуд̇д̇асийлам̣ вияаа’’д̇и. буурзд̇и г̇ун̣аанам̣ баарибуурияам̣. сугумаараад̇и апарусад̇ааяа муд̣̇угаа гомалаа. бурассаад̇и зд̇т̇а бура-сад̣̇д̣̇о д̇анниваасиваажаго д̣̇адтаб̣б̣о ‘‘г̇аамо ааг̇ад̇о’’д̇иаад̣̇ийсу вияа. д̇знааха ‘‘наг̇араваасийна’’нд̇и. манам̣ аббааяад̇и вад̣дхзд̇ийд̇и манаабаа. д̇знааха ‘‘жид̇д̇авуд̣̇д̇хигараа’’д̇и.
‘‘Nelaṅgoti kho, bhante, sīlānametaṃ adhivacana’’nti sutte (saṃ. ni. 4.347) āgatattā vuttaṃ ‘‘ettha vuttasīlaṃ viyā’’ti. Pūreti guṇānaṃ pāripūriyaṃ. Sukumārāti apharusatāya mudukā komalā. Purassāti ettha pura-saddo tannivāsivācako daṭṭhabbo ‘‘gāmo āgato’’tiādīsu viya. Tenāha ‘‘nagaravāsīna’’nti. Manaṃ appāyati vaḍḍhetīti manāpā. Tenāha ‘‘cittavuddhikarā’’ti.
г̇уут̇абхаан̣ийсуд̇д̇аван̣н̣анаа нидтид̇аа.
Gūthabhāṇīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. г̇уут̇абхаан̣ийсуд̇д̇ам̣ • 8. Gūthabhāṇīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. г̇уут̇абхаан̣ийсуд̇д̇аван̣н̣анаа • 8. Gūthabhāṇīsuttavaṇṇanā
