| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
8. г̇уут̇акаад̣̇агабзд̇авад̇т̇уван̣н̣анаа
8. Gūthakhādakapetavatthuvaṇṇanā
г̇уут̇агуубад̇о уг̇г̇анд̇ваад̇и ид̣̇ам̣ сад̇т̇ари ж̇зд̇аванз вихаранд̇з згам̣ г̇уут̇акаад̣̇агабзд̇ам̣ аарамбха вуд̇д̇ам̣. саавад̇т̇ияаа гира авид̣̇уурз ан̃н̃ад̇арасмим̣ г̇аамагз зго гудумб̣иго ад̇д̇ано гулуубагам̣ бхигкум̣ уд̣̇д̣̇исса вихаарам̣ гаарзси. д̇ад̇т̇а наанааж̇анабад̣̇ад̇о бхигкуу ааг̇анд̇ваа бадивасим̣су. д̇з д̣̇исваа мануссаа басаннажид̇д̇аа бан̣ийд̇зна бажжаязна убадтахим̣су. гулуубаго бхигку д̇ам̣ асахамаано иссаабагад̇о худ̇ваа д̇зсам̣ бхигкуунам̣ д̣̇осам̣ вад̣̇анд̇о гудумб̣игам̣ уж̇жхаабзси. гудумб̣иго д̇з бхигкуу гулуубаган̃жа барибхаванд̇о барибхааси. ат̇а гулуубаго гаалам̣ гад̇ваа д̇асмим̣язва вихаарз важжагудияам̣ бзд̇о худ̇ваа ниб̣б̣ад̇д̇и, гудумб̣иго бана гаалам̣ гад̇ваа д̇ассзва убари бзд̇о худ̇ваа ниб̣б̣ад̇д̇и. ат̇ааяасмаа махаамог̇г̇аллаано д̇ам̣ д̣̇исваа бужчанд̇о –
Gūthakūpatouggantvāti idaṃ satthari jetavane viharante ekaṃ gūthakhādakapetaṃ ārambha vuttaṃ. Sāvatthiyā kira avidūre aññatarasmiṃ gāmake eko kuṭumbiko attano kulūpakaṃ bhikkhuṃ uddissa vihāraṃ kāresi. Tattha nānājanapadato bhikkhū āgantvā paṭivasiṃsu. Te disvā manussā pasannacittā paṇītena paccayena upaṭṭhahiṃsu. Kulūpako bhikkhu taṃ asahamāno issāpakato hutvā tesaṃ bhikkhūnaṃ dosaṃ vadanto kuṭumbikaṃ ujjhāpesi. Kuṭumbiko te bhikkhū kulūpakañca paribhavanto paribhāsi. Atha kulūpako kālaṃ katvā tasmiṃyeva vihāre vaccakuṭiyaṃ peto hutvā nibbatti, kuṭumbiko pana kālaṃ katvā tasseva upari peto hutvā nibbatti. Athāyasmā mahāmoggallāno taṃ disvā pucchanto –
766.
766.
‘‘г̇уут̇агуубад̇о уг̇г̇анд̇ваа, го на д̣̇ийно бад̇идтаси;
‘‘Gūthakūpato uggantvā, ko na dīno patiṭṭhasi;
ниссам̣саяам̣ баабагамманд̇о, гим̣ ну сад̣̇д̣̇ахасз д̇ува’’нд̇и. –
Nissaṃsayaṃ pāpakammanto, kiṃ nu saddahase tuva’’nti. –
г̇аат̇амааха. д̇ам̣ суд̇ваа бзд̇о –
Gāthamāha. Taṃ sutvā peto –
767.
767.
‘‘ахам̣ бхад̣̇анд̇з бзд̇омхи, д̣̇уг̇г̇ад̇о яамалогиго;
‘‘Ahaṃ bhadante petomhi, duggato yamalokiko;
баабагаммам̣ гарид̇ваана, бзд̇алогам̣ ид̇о г̇ад̇о’’д̇и. –
Pāpakammaṃ karitvāna, petalokaṃ ito gato’’ti. –
г̇аат̇ааяа ад̇д̇аанам̣ аажигки. ат̇а нам̣ т̇зро –
Gāthāya attānaṃ ācikkhi. Atha naṃ thero –
768.
768.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, ид̣̇ам̣ д̣̇угкам̣ ниг̇ажчасий’’д̇и. –
Kissakammavipākena, idaṃ dukkhaṃ nigacchasī’’ti. –
г̇аат̇ааяа д̇зна гад̇агаммам̣ бужчи. со бзд̇о –
Gāthāya tena katakammaṃ pucchi. So peto –
769.
769.
‘‘аху ааваасиго маяхам̣, иссугий гуламажчарий;
‘‘Ahu āvāsiko mayhaṃ, issukī kulamaccharī;
аж̇жхаасид̇о маяхам̣ гхарз, гад̣̇арияо барибхаасаго.
Ajjhāsito mayhaṃ ghare, kadariyo paribhāsako.
770.
770.
‘‘д̇ассаахам̣ важанам̣ суд̇ваа, бхигкаво барибхаасисам̣;
‘‘Tassāhaṃ vacanaṃ sutvā, bhikkhavo paribhāsisaṃ;
д̇ассагаммавибаагзна, бзд̇алогам̣ ид̇о г̇ад̇о’’д̇и. –
Tassakammavipākena, petalokaṃ ito gato’’ti. –
д̣̇вийхи г̇аат̇аахи ад̇д̇анаа гад̇агаммам̣ гат̇зси.
Dvīhi gāthāhi attanā katakammaṃ kathesi.
769. д̇ад̇т̇а аху ааваасиго маяханд̇и маяхам̣ ааваасз маяаа гад̇авихаарз зго бхигку ааваасиго ниб̣ад̣̇д̇хавасанаго ахоси. аж̇жхаасид̇о маяхам̣ гхарзд̇и гулуубагабхаавзна мама г̇зхз д̇ан̣хаабхинивзсавасзна абхинивидто.
769. Tattha ahu āvāsiko mayhanti mayhaṃ āvāse mayā katavihāre eko bhikkhu āvāsiko nibaddhavasanako ahosi. Ajjhāsito mayhaṃ ghareti kulūpakabhāvena mama gehe taṇhābhinivesavasena abhiniviṭṭho.
770. д̇ассаад̇и д̇асса гулуубагабхигкусса. бхигкавод̇и бхигкуу. барибхаасисанд̇и аггосим̣. бзд̇алогам̣ ид̇о г̇ад̇од̇и иминаа аагаарзна бзд̇аяоним̣ убаг̇ад̇о бзд̇абхууд̇о.
770.Tassāti tassa kulūpakabhikkhussa. Bhikkhavoti bhikkhū. Paribhāsisanti akkosiṃ. Petalokaṃ ito gatoti iminā ākārena petayoniṃ upagato petabhūto.
д̇ам̣ суд̇ваа т̇зро ид̇арасса г̇ад̇им̣ бужчанд̇о –
Taṃ sutvā thero itarassa gatiṃ pucchanto –
771.
771.
‘‘амид̇д̇о мид̇д̇аван̣н̣зна, яо д̇з ааси гулуубаго;
‘‘Amitto mittavaṇṇena, yo te āsi kulūpako;
гааяасса бхзд̣̇аа д̣̇уббан̃н̃о, гим̣ ну бзжжа г̇ад̇им̣ г̇ад̇о’’д̇и. –
Kāyassa bhedā duppañño, kiṃ nu pecca gatiṃ gato’’ti. –
г̇аат̇амааха. д̇ад̇т̇а мид̇д̇аван̣н̣знаад̇и мид̇д̇абадируубзна мид̇д̇абадируубад̇ааяа.
Gāthamāha. Tattha mittavaṇṇenāti mittapaṭirūpena mittapaṭirūpatāya.
буна бзд̇о т̇зрасса д̇амад̇т̇ам̣ аажигканд̇о –
Puna peto therassa tamatthaṃ ācikkhanto –
772.
772.
‘‘д̇ассзваахам̣ баабагаммасса, сийсз д̇идтаами мад̇т̇агз;
‘‘Tassevāhaṃ pāpakammassa, sīse tiṭṭhāmi matthake;
со жа барависаяам̣ бад̇д̇о, мамзва барижаараго.
So ca paravisayaṃ patto, mameva paricārako.
773.
773.
‘‘яам̣ бхад̣̇анд̇з хад̣̇анд̇ан̃н̃з, зд̇ам̣ мз ход̇и бхож̇анам̣;
‘‘Yaṃ bhadante hadantaññe, etaṃ me hoti bhojanaṃ;
ахан̃жа ко яам̣ хад̣̇аами, зд̇ам̣ со убаж̇ийвад̇ий’’д̇и. – г̇аат̇аад̣̇ваяамааха;
Ahañca kho yaṃ hadāmi, etaṃ so upajīvatī’’ti. – gāthādvayamāha;
772. д̇ад̇т̇а д̇ассзваад̇и д̇ассзва маяхам̣ буб̣б̣з гулуубагабхигкубхууд̇асса бзд̇асса. баабагаммассаад̇и баабасамаажаарасса. сийсз д̇идтаами мад̇т̇агзд̇и сийсз д̇идтаами, д̇идтанд̇о жа мад̇т̇агз зва д̇идтаами, на сийсаббамаан̣з аагаасзд̇и ад̇т̇о. барависаяам̣ бад̇д̇од̇и мануссалогам̣ убаад̣̇ааяа барависаяабхууд̇ам̣ бзд̇д̇ивисаяам̣ бад̇д̇о. мамзваад̇и маяхам̣ зва барижаараго ахосийд̇и важанасзсо.
772. Tattha tassevāti tasseva mayhaṃ pubbe kulūpakabhikkhubhūtassa petassa. Pāpakammassāti pāpasamācārassa. Sīse tiṭṭhāmi matthaketi sīse tiṭṭhāmi, tiṭṭhanto ca matthake eva tiṭṭhāmi, na sīsappamāṇe ākāseti attho. Paravisayaṃ pattoti manussalokaṃ upādāya paravisayabhūtaṃ pettivisayaṃ patto. Mamevāti mayhaṃ eva paricārako ahosīti vacanaseso.
773. яам̣ бхад̣̇анд̇з хад̣̇анд̇ан̃н̃зд̇и бхад̣̇анд̇з, аяяа махаамог̇г̇алаана, д̇ассам̣ важжагудияам̣ яам̣ ан̃н̃з ухад̣̇анд̇и важжам̣ оссаж̇анд̇и. зд̇ам̣ мз ход̇и бхож̇ананд̇и зд̇ам̣ важжам̣ маяхам̣ д̣̇ивасз д̣̇ивасз бхож̇анам̣ ход̇и. яам̣ хад̣̇аамийд̇и д̇ам̣ бана важжам̣ каад̣̇ид̇ваа яамбахам̣ важжам̣ гароми. зд̇ам̣ со убаж̇ийвад̇ийд̇и зд̇ам̣ мама важжам̣ со гулуубагабзд̇о д̣̇ивасз д̣̇ивасз каад̣̇анавасзна убаж̇ийвад̇и, ад̇д̇абхаавам̣ яаабзд̇ийд̇и ад̇т̇о.
773.Yaṃ bhadante hadantaññeti bhadante, ayya mahāmoggalāna, tassaṃ vaccakuṭiyaṃ yaṃ aññe uhadanti vaccaṃ ossajanti. Etaṃ me hoti bhojananti etaṃ vaccaṃ mayhaṃ divase divase bhojanaṃ hoti. Yaṃ hadāmīti taṃ pana vaccaṃ khāditvā yampahaṃ vaccaṃ karomi. Etaṃ so upajīvatīti etaṃ mama vaccaṃ so kulūpakapeto divase divase khādanavasena upajīvati, attabhāvaṃ yāpetīti attho.
д̇зсу гудумб̣иго бзсалз бхигкуу ‘‘звам̣ аахаарабарибхог̇ад̇о варам̣ д̇умхаагам̣ г̇уут̇акаад̣̇ана’’нд̇и аггоси. гулуубаго бана гудумб̣игамби д̇ат̇ааважанз самаад̣̇абзд̇ваа саяам̣ д̇ат̇аа аггоси, д̇знасса д̇ад̇оби бадигудтад̇араа ж̇ийвигаа ахоси. ааяасмаа махаамог̇г̇аллаано д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа убаваад̣̇з аад̣̇ийнавам̣ д̣̇ассзд̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Tesu kuṭumbiko pesale bhikkhū ‘‘evaṃ āhāraparibhogato varaṃ tumhākaṃ gūthakhādana’’nti akkosi. Kulūpako pana kuṭumbikampi tathāvacane samādapetvā sayaṃ tathā akkosi, tenassa tatopi paṭikuṭṭhatarā jīvikā ahosi. Āyasmā mahāmoggallāno taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā upavāde ādīnavaṃ dassetvā sampattaparisāya dhammaṃ desesi. Sā desanā mahājanassa sātthikā ahosīti.
г̇уут̇акаад̣̇агабзд̇авад̇т̇уван̣н̣анаа нидтид̇аа.
Gūthakhādakapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 8. г̇уут̇акаад̣̇агабзд̇авад̇т̇у • 8. Gūthakhādakapetavatthu
