| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๙. คูถขาทกเปติวตฺถุ
9. Gūthakhādakapetivatthu
๗๗๔.
774.
‘‘คูถกูปโต อุคฺคนฺตฺวา, กา นุ ทีนา ปติฎฺฐสิ;
‘‘Gūthakūpato uggantvā, kā nu dīnā patiṭṭhasi;
นิสฺสํสยํ ปาปกมฺมนฺตา, กิํ นุ สทฺทหเส ตุว’’นฺติฯ
Nissaṃsayaṃ pāpakammantā, kiṃ nu saddahase tuva’’nti.
๗๗๕.
775.
‘‘อหํ ภทเนฺต เปตีมฺหิ, ทุคฺคตา ยมโลกิกา;
‘‘Ahaṃ bhadante petīmhi, duggatā yamalokikā;
ปาปกมฺมํ กริตฺวาน, เปตโลกํ อิโต คตา’’ติฯ
Pāpakammaṃ karitvāna, petalokaṃ ito gatā’’ti.
๗๗๖.
776.
‘‘กิํ นุ กาเยน วาจาย, มนสา ทุกฺกฎํ กตํ;
‘‘Kiṃ nu kāyena vācāya, manasā dukkaṭaṃ kataṃ;
กิสฺส กมฺมวิปาเกน, อิทํ ทุกฺขํ นิคจฺฉสี’’ติฯ
Kissa kammavipākena, idaṃ dukkhaṃ nigacchasī’’ti.
๗๗๗.
777.
‘‘อหุ อาวาสิโก มยฺหํ, อิสฺสุกี กุลมจฺฉรี;
‘‘Ahu āvāsiko mayhaṃ, issukī kulamaccharī;
อโชฺฌสิโต มยฺหํ ฆเร, กทริโย ปริภาสโกฯ
Ajjhosito mayhaṃ ghare, kadariyo paribhāsako.
๗๗๘.
778.
‘‘ตสฺสาหํ วจนํ สุตฺวา, ภิกฺขโว ปริภาสิสํ;
‘‘Tassāhaṃ vacanaṃ sutvā, bhikkhavo paribhāsisaṃ;
ตสฺส กมฺมวิปาเกน, เปตโลกํ อิโต คตา’’ติฯ
Tassa kammavipākena, petalokaṃ ito gatā’’ti.
๗๗๙.
779.
‘‘อมิโตฺต มิตฺตวเณฺณน, โย เต อาสิ กุลูปโก;
‘‘Amitto mittavaṇṇena, yo te āsi kulūpako;
กายสฺส เภทา ทุปฺปโญฺญ, กิํ นุ เปจฺจ คติํ คโต’’ติฯ
Kāyassa bhedā duppañño, kiṃ nu pecca gatiṃ gato’’ti.
๗๘๐.
780.
‘‘ตเสฺสวาหํ ปาปกมฺมสฺส, สีเส ติฎฺฐามิ มตฺถเก;
‘‘Tassevāhaṃ pāpakammassa, sīse tiṭṭhāmi matthake;
โส จ ปรวิสยํ ปโตฺต, มเมว ปริจารโกฯ
So ca paravisayaṃ patto, mameva paricārako.
๗๘๑.
781.
‘‘ยํ ภทเนฺต หทนฺตเญฺญ, เอตํ เม โหติ โภชนํ;
‘‘Yaṃ bhadante hadantaññe, etaṃ me hoti bhojanaṃ;
อหญฺจ โข ยํ หทามิ, เอตํ โส อุปชีวตี’’ติฯ
Ahañca kho yaṃ hadāmi, etaṃ so upajīvatī’’ti.
คูถขาทกเปติวตฺถุ นวมํฯ
Gūthakhādakapetivatthu navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๙. คูถขาทกเปติวตฺถุวณฺณนา • 9. Gūthakhādakapetivatthuvaṇṇanā
