| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. ගූථඛාදසුත්‌තං
2. Gūthakhādasuttaṃ
213. ‘‘ඉධාහං, ආවුසො, ගිජ්‌ඣකූටා පබ්‌බතා ඔරොහන්‌තො අද්‌දසං පුරිසං ගූථකූපෙ නිමුග්‌ගං උභොහි හත්‌ථෙහි ගූථං ඛාදන්‌තං…පෙ.… එසො, භික්‌ඛවෙ, සත්‌තො ඉමස්‌මිංයෙව රාජගහෙ දුට්‌ඨබ්‍රාහ්‌මණො අහොසි. සො කස්‌සපස්‌ස සම්‌මාසම්‌බුද්‌ධස්‌ස පාවචනෙ භික්‌ඛුසඞ්‌ඝං භත්‌තෙන නිමන්‌තෙත්‌වා දොණියො 1 ගූථස්‌ස පූරාපෙත්‌වා එතදවොච – අහො භොන්‌තො, යාවදත්‌ථං භුඤ්‌ජන්‌තු චෙව හරන්‌තු චාති…පෙ.…. දුතියං.
213. ‘‘Idhāhaṃ, āvuso, gijjhakūṭā pabbatā orohanto addasaṃ purisaṃ gūthakūpe nimuggaṃ ubhohi hatthehi gūthaṃ khādantaṃ…pe… eso, bhikkhave, satto imasmiṃyeva rājagahe duṭṭhabrāhmaṇo ahosi. So kassapassa sammāsambuddhassa pāvacane bhikkhusaṅghaṃ bhattena nimantetvā doṇiyo 2 gūthassa pūrāpetvā etadavoca – aho bhonto, yāvadatthaṃ bhuñjantu ceva harantu cāti…pe…. Dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. ගූථඛාදසුත්‌තවණ්‌ණනා • 2. Gūthakhādasuttavaṇṇanā
