| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[227] 7. г̇уут̇абаан̣аж̇аад̇агаван̣н̣анаа
[227] 7. Gūthapāṇajātakavaṇṇanā
сууро суурзна сан̇г̇аммаад̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. д̇асмим̣ гира гаалз ж̇зд̇аванад̇о д̇иг̇аавуд̇ад̣дхаяож̇анамад̇д̇з зго ниг̇амаг̇аамо, д̇ад̇т̇а б̣ахууни салаагабхад̇д̇абагкияабхад̇д̇аани ад̇т̇и. д̇ад̇рзго бан̃хабужчаго гон̣д̣о васад̇и. со салаагабхад̇д̇абагкияабхад̇д̇аанам̣ ад̇т̇ааяа ааг̇ад̇з д̣̇ахарз жа сааман̣зрз жа ‘‘гз каад̣̇анд̇и, гз биванд̇и, гз бхун̃ж̇анд̇ий’’д̇и бан̃хам̣ бужчид̇ваа гат̇зд̇ум̣ асаггонд̇з лаж̇ж̇аабзси. д̇з д̇асса бхаязна салаагабхад̇д̇абагкияабхад̇д̇ад̇т̇ааяа д̇ам̣ г̇аамам̣ на г̇ажчанд̇и. ат̇згад̣̇ивасам̣ зго бхигку салаагаг̇г̇ам̣ г̇анд̇ваа ‘‘бханд̇з, асугаг̇аамз салаагабхад̇д̇ам̣ ваа багкияабхад̇д̇ам̣ ваа ад̇т̇ий’’д̇и бужчид̇ваа ‘‘ад̇т̇аавусо, д̇ад̇т̇а банзго гон̣д̣о бан̃хам̣ бужчад̇и, д̇ам̣ гат̇зд̇ум̣ асаггонд̇з аггосад̇и барибхаасад̇и, д̇асса бхаязна гожи г̇анд̇ум̣ на саггод̇ий’’д̇и вуд̇д̇з ‘‘бханд̇з, д̇ад̇т̇а бхад̇д̇аани маяхам̣ баабзт̇а, ахам̣ д̇ам̣ д̣̇амзд̇ваа ниб̣б̣исзванам̣ гад̇ваа д̇ад̇о бадтааяа д̇умхз д̣̇исваа балааяанагам̣ гариссаамий’’д̇и ааха. бхигкуу ‘‘саад̇хуу’’д̇и самбадижчид̇ваа д̇асса д̇ад̇т̇а бхад̇д̇аани баабзсум̣.
Sūro sūrena saṅgammāti idaṃ satthā jetavane viharanto aññataraṃ bhikkhuṃ ārabbha kathesi. Tasmiṃ kira kāle jetavanato tigāvutaḍḍhayojanamatte eko nigamagāmo, tattha bahūni salākabhattapakkhiyabhattāni atthi. Tatreko pañhapucchako koṇḍo vasati. So salākabhattapakkhiyabhattānaṃ atthāya āgate dahare ca sāmaṇere ca ‘‘ke khādanti, ke pivanti, ke bhuñjantī’’ti pañhaṃ pucchitvā kathetuṃ asakkonte lajjāpesi. Te tassa bhayena salākabhattapakkhiyabhattatthāya taṃ gāmaṃ na gacchanti. Athekadivasaṃ eko bhikkhu salākaggaṃ gantvā ‘‘bhante, asukagāme salākabhattaṃ vā pakkhiyabhattaṃ vā atthī’’ti pucchitvā ‘‘atthāvuso, tattha paneko koṇḍo pañhaṃ pucchati, taṃ kathetuṃ asakkonte akkosati paribhāsati, tassa bhayena koci gantuṃ na sakkotī’’ti vutte ‘‘bhante, tattha bhattāni mayhaṃ pāpetha, ahaṃ taṃ dametvā nibbisevanaṃ katvā tato paṭṭhāya tumhe disvā palāyanakaṃ karissāmī’’ti āha. Bhikkhū ‘‘sādhū’’ti sampaṭicchitvā tassa tattha bhattāni pāpesuṃ.
со д̇ад̇т̇а г̇анд̇ваа г̇аамад̣̇ваарз жийварам̣ бааруби. д̇ам̣ д̣̇исваа гон̣д̣о жан̣д̣амзн̣д̣аго вияа взг̇зна убаг̇анд̇ваа ‘‘бан̃хам̣ мз, саман̣а, гат̇зхий’’д̇и ааха. ‘‘убаасага, г̇аамз жарид̇ваа яааг̇ум̣ аад̣̇ааяа аасанасаалам̣ д̇аава мз ааг̇анд̇ум̣ д̣̇зхий’’д̇и. со яааг̇ум̣ аад̣̇ааяа аасанасаалам̣ ааг̇ад̇зби д̇асмим̣ д̇ат̇зва ааха. соби нам̣ бхигку ‘‘яааг̇ум̣ д̇аава мз баад̇ум̣ д̣̇зхи, аасанасаалам̣ д̇аава саммаж̇ж̇ид̇ум̣ д̣̇зхи, салаагабхад̇д̇ам̣ д̇аава мз аахарид̇ум̣ д̣̇зхий’’д̇и вад̇ваа салаагабхад̇д̇ам̣ аахарид̇ваа д̇амзва бад̇д̇ам̣ г̇аахаабзд̇ваа ‘‘зхи, бан̃хам̣ д̇з гат̇зссаамий’’д̇и б̣ахиг̇аамам̣ нзд̇ваа жийварам̣ сам̣харид̇ваа ам̣сз табзд̇ваа д̇асса хад̇т̇ад̇о бад̇д̇ам̣ г̇ахзд̇ваа адтааси. д̇ад̇рааби нам̣ со ‘‘саман̣а, бан̃хам̣ мз гат̇зхий’’д̇и ааха. ат̇а нам̣ ‘‘гат̇зми д̇з бан̃ха’’нд̇и згаббахаарзнзва баад̇зд̇ваа адтийни сам̣жун̣н̣знд̇о вияа бот̇зд̇ваа г̇уут̇ам̣ мукз багкибид̇ваа ‘‘ид̇о д̣̇аани бадтааяа имам̣ г̇аамам̣ ааг̇ад̇ам̣ ган̃жи бхигкум̣ бан̃хам̣ бужчид̇агаалз ж̇ааниссаамий’’д̇и санд̇аж̇ж̇зд̇ваа баггаами. со д̇ад̇о бадтааяа бхигкуу д̣̇исваава балааяад̇и. абарабхааг̇з д̇асса бхигкуно саа гирияаа бхигкусан̇гхз баагадаа ж̇аад̇аа. ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо, асугабхигку гира гон̣д̣асса мукз г̇уут̇ам̣ багкибид̇ваа г̇ад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, со бхигку ид̣̇аанзва д̇ам̣ мийл̣хзна аасаад̣̇зд̇и, буб̣б̣зби аасаад̣̇зсиязваа’’д̇и вад̇ваа ад̇ийд̇ам̣ аахари.
So tattha gantvā gāmadvāre cīvaraṃ pārupi. Taṃ disvā koṇḍo caṇḍameṇḍako viya vegena upagantvā ‘‘pañhaṃ me, samaṇa, kathehī’’ti āha. ‘‘Upāsaka, gāme caritvā yāguṃ ādāya āsanasālaṃ tāva me āgantuṃ dehī’’ti. So yāguṃ ādāya āsanasālaṃ āgatepi tasmiṃ tatheva āha. Sopi naṃ bhikkhu ‘‘yāguṃ tāva me pātuṃ dehi, āsanasālaṃ tāva sammajjituṃ dehi, salākabhattaṃ tāva me āharituṃ dehī’’ti vatvā salākabhattaṃ āharitvā tameva pattaṃ gāhāpetvā ‘‘ehi, pañhaṃ te kathessāmī’’ti bahigāmaṃ netvā cīvaraṃ saṃharitvā aṃse ṭhapetvā tassa hatthato pattaṃ gahetvā aṭṭhāsi. Tatrāpi naṃ so ‘‘samaṇa, pañhaṃ me kathehī’’ti āha. Atha naṃ ‘‘kathemi te pañha’’nti ekappahāreneva pātetvā aṭṭhīni saṃcuṇṇento viya pothetvā gūthaṃ mukhe pakkhipitvā ‘‘ito dāni paṭṭhāya imaṃ gāmaṃ āgataṃ kañci bhikkhuṃ pañhaṃ pucchitakāle jānissāmī’’ti santajjetvā pakkāmi. So tato paṭṭhāya bhikkhū disvāva palāyati. Aparabhāge tassa bhikkhuno sā kiriyā bhikkhusaṅghe pākaṭā jātā. Athekadivasaṃ dhammasabhāyaṃ bhikkhū kathaṃ samuṭṭhāpesuṃ – ‘‘āvuso, asukabhikkhu kira koṇḍassa mukhe gūthaṃ pakkhipitvā gato’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, so bhikkhu idāneva taṃ mīḷhena āsādeti, pubbepi āsādesiyevā’’ti vatvā atītaṃ āhari.
ад̇ийд̇з ан̇г̇амаг̇ад̇хаваасино ан̃н̃аман̃н̃асса радтам̣ г̇ажчанд̇аа згад̣̇ивасам̣ д̣̇виннам̣ радтаанам̣ сийманд̇арз згам̣ сарам̣ ниссааяа васид̇ваа сурам̣ бивид̇ваа мажчамам̣сам̣ каад̣̇ид̇ваа баад̇ова яаанаани яож̇зд̇ваа баггамим̣су. д̇зсам̣ г̇ад̇агаалз зго г̇уут̇акаад̣̇аго баан̣аго г̇уут̇аг̇анд̇хзна ааг̇анд̇ваа д̇зсам̣ бийд̇адтаанз чад̣д̣ид̇ам̣ сурам̣ д̣̇исваа бибаасааяа бивид̇ваа мад̇д̇о худ̇ваа г̇уут̇абун̃ж̇ам̣ абхирухи, аллаг̇уут̇ам̣ д̇асмим̣ аарул̣хз т̇огам̣ онами. со ‘‘бат̇авий мам̣ д̇хаарзд̇ум̣ на саггод̇ий’’д̇и вирави. д̇асмин̃н̃зва кан̣з зго мад̇д̇аваравааран̣о д̇ам̣ бад̣̇зсам̣ бад̇ваа г̇уут̇аг̇анд̇хам̣ гхааяид̇ваа ж̇иг̇ужчанд̇о бадиггами. со д̇ам̣ д̣̇исваа ‘‘зса мама бхаязна балааяад̇ий’’д̇и сан̃н̃ий худ̇ваа ‘‘иминаа мз сад̣̇д̇хим̣ сан̇г̇аамам̣ гаад̇ум̣ ваддад̇ий’’д̇и д̇ам̣ авхаяанд̇о батамам̣ г̇аат̇амааха –
Atīte aṅgamagadhavāsino aññamaññassa raṭṭhaṃ gacchantā ekadivasaṃ dvinnaṃ raṭṭhānaṃ sīmantare ekaṃ saraṃ nissāya vasitvā suraṃ pivitvā macchamaṃsaṃ khāditvā pātova yānāni yojetvā pakkamiṃsu. Tesaṃ gatakāle eko gūthakhādako pāṇako gūthagandhena āgantvā tesaṃ pītaṭṭhāne chaḍḍitaṃ suraṃ disvā pipāsāya pivitvā matto hutvā gūthapuñjaṃ abhiruhi, allagūthaṃ tasmiṃ āruḷhe thokaṃ onami. So ‘‘pathavī maṃ dhāretuṃ na sakkotī’’ti viravi. Tasmiññeva khaṇe eko mattavaravāraṇo taṃ padesaṃ patvā gūthagandhaṃ ghāyitvā jigucchanto paṭikkami. So taṃ disvā ‘‘esa mama bhayena palāyatī’’ti saññī hutvā ‘‘iminā me saddhiṃ saṅgāmaṃ kātuṃ vaṭṭatī’’ti taṃ avhayanto paṭhamaṃ gāthamāha –
153.
153.
‘‘сууро суурзна сан̇г̇амма, вигганд̇зна бахааринаа;
‘‘Sūro sūrena saṅgamma, vikkantena pahārinā;
зхи нааг̇а нивад̇д̇ассу, гим̣ ну бхийд̇о балааяаси;
Ehi nāga nivattassu, kiṃ nu bhīto palāyasi;
бассанд̇у ан̇г̇амаг̇ад̇хаа, мама д̇уяхан̃жа виггама’’нд̇и.
Passantu aṅgamagadhā, mama tuyhañca vikkama’’nti.
д̇ассад̇т̇о – д̇вам̣ сууро маяаа суурзна сад̣̇д̇хим̣ самааг̇анд̇ваа вийрияавиггамзна вигганд̇зна бахаарад̣̇аанасамад̇т̇ад̇ааяа бахааринаа гим̣гааран̣аа асан̇г̇аамзд̇ваава г̇ажчаси, нану наама згасамбахаароби д̣̇аад̇аб̣б̣о сияаа, д̇асмаа зхи нааг̇а нивад̇д̇ассу, зд̇д̇агзнзва маран̣абхаяад̇аж̇ж̇ид̇о худ̇ваа гим̣ ну бхийд̇о балааяаси, имз имам̣ сиймам̣ анд̇арам̣ гад̇ваа васанд̇аа бассанд̇у, ан̇г̇амаг̇ад̇хаа мама д̇уяхан̃жа виггамам̣ убхиннамби амхаагам̣ бараггамам̣ бассанд̇ууд̇и.
Tassattho – tvaṃ sūro mayā sūrena saddhiṃ samāgantvā vīriyavikkamena vikkantena pahāradānasamatthatāya pahārinā kiṃkāraṇā asaṅgāmetvāva gacchasi, nanu nāma ekasampahāropi dātabbo siyā, tasmā ehi nāga nivattassu, ettakeneva maraṇabhayatajjito hutvā kiṃ nu bhīto palāyasi, ime imaṃ sīmaṃ antaraṃ katvā vasantā passantu, aṅgamagadhā mama tuyhañca vikkamaṃ ubhinnampi amhākaṃ parakkamaṃ passantūti.
со хад̇т̇ий ган̣н̣ам̣ д̣̇ад̇ваа д̇асса важанам̣ суд̇ваа нивад̇д̇ид̇ваа д̇асса санд̇игам̣ г̇анд̇ваа д̇ам̣ абасаад̣̇знд̇о д̣̇уд̇ияам̣ г̇аат̇амааха –
So hatthī kaṇṇaṃ datvā tassa vacanaṃ sutvā nivattitvā tassa santikaṃ gantvā taṃ apasādento dutiyaṃ gāthamāha –
154.
154.
‘‘на д̇ам̣ баад̣̇аа вад̇хиссаами, на д̣̇анд̇зхи на сон̣д̣ияаа;
‘‘Na taṃ pādā vadhissāmi, na dantehi na soṇḍiyā;
мийл̣хзна д̇ам̣ вад̇хиссаами, бууд̇и хан̃н̃ад̇у бууд̇инаа’’д̇и.
Mīḷhena taṃ vadhissāmi, pūti haññatu pūtinā’’ti.
д̇ассад̇т̇о – на д̇ам̣ баад̣̇аад̣̇ийхи вад̇хиссаами, д̇уяхам̣ бана анужчавигзна мийл̣хзна д̇ам̣ вад̇хиссаамийд̇и.
Tassattho – na taṃ pādādīhi vadhissāmi, tuyhaṃ pana anucchavikena mīḷhena taṃ vadhissāmīti.
зван̃жа бана вад̇ваа ‘‘бууд̇иг̇уут̇абаан̣аго бууд̇инаава хан̃н̃ад̇уу’’д̇и д̇асса мад̇т̇агз маханд̇ам̣ лан̣д̣ам̣ баад̇зд̇ваа уд̣̇агам̣ виссаж̇ж̇зд̇ваа д̇ад̇т̇зва д̇ам̣ ж̇ийвид̇агкаяам̣ баабзд̇ваа гон̃жанаад̣̇ам̣ над̣̇анд̇о аран̃н̃амзва баависи.
Evañca pana vatvā ‘‘pūtigūthapāṇako pūtināva haññatū’’ti tassa matthake mahantaṃ laṇḍaṃ pātetvā udakaṃ vissajjetvā tattheva taṃ jīvitakkhayaṃ pāpetvā koñcanādaṃ nadanto araññameva pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа г̇уут̇абаан̣аго гон̣д̣о ахоси, вааран̣о со бхигку, д̇ам̣ гааран̣ам̣ бажжагкад̇о д̣̇исваа д̇асмим̣ ванасан̣д̣з нивуд̇т̇ад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā gūthapāṇako koṇḍo ahosi, vāraṇo so bhikkhu, taṃ kāraṇaṃ paccakkhato disvā tasmiṃ vanasaṇḍe nivutthadevatā pana ahameva ahosi’’nti.
г̇уут̇абаан̣аж̇аад̇агаван̣н̣анаа сад̇д̇амаа.
Gūthapāṇajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 227. г̇уут̇абаан̣аж̇аад̇агам̣ • 227. Gūthapāṇajātakaṃ
