| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[243] 3. г̇уд̇д̇илаж̇аад̇агаван̣н̣анаа
[243] 3. Guttilajātakavaṇṇanā
сад̇д̇ад̇анд̇им̣ сумад̇хуранд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇асмин̃хи гаалз бхигкуу д̣̇звад̣̇ад̇д̇ам̣ аахам̣су – ‘‘аавусо д̣̇звад̣̇ад̇д̇а, саммаасамб̣уд̣̇д̇хо д̇уяхам̣ аажарияо, д̇вам̣ саммаасамб̣уд̣̇д̇хам̣ ниссааяа д̇ийн̣и бидагаани уг̇г̇ан̣хи, жад̇д̇аари жхаанаани уббаад̣̇зси, аажарияасса наама бадисад̇д̇унаа бхавид̇ум̣ на яуд̇д̇а’’нд̇и. д̣̇звад̣̇ад̇д̇о ‘‘гим̣ бана мз, аавусо, саман̣о г̇од̇амо аажарияо, нану маяаа ад̇д̇ано б̣алзнзва д̇ийн̣и бидагаани уг̇г̇ахид̇аани, жад̇д̇аари жхаанаани уббаад̣̇ид̇ааний’’д̇и аажарияам̣ бажжагкааси. бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇о аажарияам̣ бажжагкааяа саммаасамб̣уд̣̇д̇хасса бадисад̇д̇у худ̇ваа махаавинаасам̣ бад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̣̇звад̣̇ад̇д̇о ид̣̇аанзва аажарияам̣ бажжагкааяа мама бадисад̇д̇у худ̇ваа винаасам̣ баабун̣аад̇и, буб̣б̣зби бад̇д̇оязваа’’д̇и вад̇ваа ад̇ийд̇ам̣ аахари.
Sattatantiṃ sumadhuranti idaṃ satthā veḷuvane viharanto devadattaṃ ārabbha kathesi. Tasmiñhi kāle bhikkhū devadattaṃ āhaṃsu – ‘‘āvuso devadatta, sammāsambuddho tuyhaṃ ācariyo, tvaṃ sammāsambuddhaṃ nissāya tīṇi piṭakāni uggaṇhi, cattāri jhānāni uppādesi, ācariyassa nāma paṭisattunā bhavituṃ na yutta’’nti. Devadatto ‘‘kiṃ pana me, āvuso, samaṇo gotamo ācariyo, nanu mayā attano baleneva tīṇi piṭakāni uggahitāni, cattāri jhānāni uppāditānī’’ti ācariyaṃ paccakkhāsi. Bhikkhū dhammasabhāyaṃ kathaṃ samuṭṭhāpesuṃ ‘‘āvuso, devadatto ācariyaṃ paccakkhāya sammāsambuddhassa paṭisattu hutvā mahāvināsaṃ patto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, devadatto idāneva ācariyaṃ paccakkhāya mama paṭisattu hutvā vināsaṃ pāpuṇāti, pubbepi pattoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇анд̇хаб̣б̣агулз ниб̣б̣ад̇д̇и, ‘‘г̇уд̇д̇илагумааро’’д̇исса наамам̣ агам̣су. со ваяаббад̇д̇о г̇анд̇хаб̣б̣асиббз нибпад̇д̇им̣ бад̇ваа г̇уд̇д̇илаг̇анд̇хаб̣б̣о наама сагалаж̇амб̣уд̣̇ийбз аг̇г̇аг̇анд̇хаб̣б̣о ахоси. со д̣̇аараабхаран̣ам̣ агад̇ваа анд̇хз маад̇аабид̇аро босзси. д̇ад̣̇аа б̣аараан̣асиваасино ваан̣иж̇аа ван̣иж̇ж̇ааяа уж̇ж̇знинаг̇арам̣ г̇анд̇ваа уссавз гхудтз чанд̣̇агам̣ сам̣харид̇ваа б̣ахум̣ маалааг̇анд̇хавилзбанан̃жа каж̇ж̇абхож̇ж̇аад̣̇ийни жа аад̣̇ааяа гийл̣анадтаанз саннибад̇ид̇ваа ‘‘взд̇анам̣ д̣̇ад̇ваа згам̣ г̇анд̇хаб̣б̣ам̣ аанзт̇аа’’д̇и аахам̣су. д̇зна жа самаязна уж̇ж̇знияам̣ муусило наама ж̇здтаг̇анд̇хаб̣б̣о ход̇и, д̇з д̇ам̣ баггосаабзд̇ваа ад̇д̇ано г̇анд̇хаб̣б̣ам̣ гаарзсум̣.
Atīte bārāṇasiyaṃ brahmadatte rajjaṃ kārente bodhisatto gandhabbakule nibbatti, ‘‘guttilakumāro’’tissa nāmaṃ akaṃsu. So vayappatto gandhabbasippe nipphattiṃ patvā guttilagandhabbo nāma sakalajambudīpe aggagandhabbo ahosi. So dārābharaṇaṃ akatvā andhe mātāpitaro posesi. Tadā bārāṇasivāsino vāṇijā vaṇijjāya ujjeninagaraṃ gantvā ussave ghuṭṭhe chandakaṃ saṃharitvā bahuṃ mālāgandhavilepanañca khajjabhojjādīni ca ādāya kīḷanaṭṭhāne sannipatitvā ‘‘vetanaṃ datvā ekaṃ gandhabbaṃ ānethā’’ti āhaṃsu. Tena ca samayena ujjeniyaṃ mūsilo nāma jeṭṭhagandhabbo hoti, te taṃ pakkosāpetvā attano gandhabbaṃ kāresuṃ.
муусило вийн̣ам̣ ваад̣̇анд̇о вийн̣ам̣ уд̇д̇амамужчанааяа мужчид̇ваа ваад̣̇зси. д̇зсам̣ г̇уд̇д̇илаг̇анд̇хаб̣б̣асса г̇анд̇хаб̣б̣з ж̇аад̇абарижаяаанам̣ д̇асса г̇анд̇хаб̣б̣ам̣ гилан̃ж̇аган̣д̣ууванам̣ вияа худ̇ваа убадтааси, згоби бахадтаагаарам̣ на д̣̇ассзси. муусило д̇зсу д̇удтаагаарам̣ ад̣̇ассзнд̇зсу ‘‘ад̇икарам̣ гад̇ваа ваад̣̇зми ман̃н̃з’’д̇и маж̇жхимамужчанааяа мужчид̇ваа маж̇жхимасарзна ваад̣̇зси, д̇з д̇ад̇т̇аби маж̇жхад̇д̇аава ахзсум̣. ат̇а со ‘‘имз на гин̃жи ж̇аананд̇и ман̃н̃з’’д̇и саяамби аж̇аананаго вияа худ̇ваа д̇анд̇ияо сит̇илз ваад̣̇зси, д̇з д̇ад̇т̇аби на гин̃жи аахам̣су. ат̇а нз муусило ‘‘амбхо ваан̣иж̇аа, гим̣ ну ко маяи вийн̣ам̣ ваад̣̇знд̇з д̇умхз на д̇уссат̇аа’’д̇и. ‘‘гим̣ бана д̇вам̣ вийн̣ам̣ ваад̣̇зси, маяан̃хи ‘аяам̣ вийн̣ам̣ мужчзд̇ий’д̇и сан̃н̃ам̣ агаримхаа’’д̇и. ‘‘гим̣ бана д̇умхз маяаа уд̇д̇арид̇арам̣ аажарияам̣ ж̇аанаат̇а, уд̣̇ааху ад̇д̇ано аж̇аананабхаавзна на д̇уссат̇аа’’д̇и. ваан̣иж̇аа ‘‘б̣аараан̣асияам̣ г̇уд̇д̇илаг̇анд̇хаб̣б̣асса вийн̣аасад̣̇д̣̇ам̣ суд̇абуб̣б̣аанам̣ д̇ава вийн̣аасад̣̇д̣̇о ид̇т̇ийнам̣ д̣̇аарагз д̇осаабанасад̣̇д̣̇о вияа ход̇ий’’д̇и аахам̣су. ‘‘д̇зна хи, ханд̣̇а, д̇умхзхи д̣̇иннабариб̣б̣аяам̣ бадиг̇г̇ан̣хат̇а, на маяхам̣ зд̇знад̇т̇о, абижа ко бана б̣аараан̣асим̣ г̇ажчанд̇аа мам̣ г̇ан̣хид̇ваа г̇ажчзяяаат̇аа’’д̇и. д̇з ‘‘саад̇хуу’’д̇и самбадижчид̇ваа г̇аманагаалз д̇ам̣ аад̣̇ааяа б̣аараан̣асим̣ г̇анд̇ваа д̇асса ‘‘зд̇ам̣ г̇уд̇д̇иласса васанадтаана’’нд̇и аажигкид̇ваа сагасаганивзсанам̣ аг̇амим̣су.
Mūsilo vīṇaṃ vādanto vīṇaṃ uttamamucchanāya mucchitvā vādesi. Tesaṃ guttilagandhabbassa gandhabbe jātaparicayānaṃ tassa gandhabbaṃ kilañjakaṇḍūvanaṃ viya hutvā upaṭṭhāsi, ekopi pahaṭṭhākāraṃ na dassesi. Mūsilo tesu tuṭṭhākāraṃ adassentesu ‘‘atikharaṃ katvā vādemi maññe’’ti majjhimamucchanāya mucchitvā majjhimasarena vādesi, te tatthapi majjhattāva ahesuṃ. Atha so ‘‘ime na kiñci jānanti maññe’’ti sayampi ajānanako viya hutvā tantiyo sithile vādesi, te tatthapi na kiñci āhaṃsu. Atha ne mūsilo ‘‘ambho vāṇijā, kiṃ nu kho mayi vīṇaṃ vādente tumhe na tussathā’’ti. ‘‘Kiṃ pana tvaṃ vīṇaṃ vādesi, mayañhi ‘ayaṃ vīṇaṃ mucchetī’ti saññaṃ akarimhā’’ti. ‘‘Kiṃ pana tumhe mayā uttaritaraṃ ācariyaṃ jānātha, udāhu attano ajānanabhāvena na tussathā’’ti. Vāṇijā ‘‘bārāṇasiyaṃ guttilagandhabbassa vīṇāsaddaṃ sutapubbānaṃ tava vīṇāsaddo itthīnaṃ dārake tosāpanasaddo viya hotī’’ti āhaṃsu. ‘‘Tena hi, handa, tumhehi dinnaparibbayaṃ paṭiggaṇhatha, na mayhaṃ etenattho, apica kho pana bārāṇasiṃ gacchantā maṃ gaṇhitvā gaccheyyāthā’’ti. Te ‘‘sādhū’’ti sampaṭicchitvā gamanakāle taṃ ādāya bārāṇasiṃ gantvā tassa ‘‘etaṃ guttilassa vasanaṭṭhāna’’nti ācikkhitvā sakasakanivesanaṃ agamiṃsu.
муусило б̣од̇хисад̇д̇асса г̇зхам̣ бависид̇ваа лаг̇г̇зд̇ваа табид̇ам̣ б̣од̇хисад̇д̇асса ж̇аад̇ивийн̣ам̣ д̣̇исваа г̇ахзд̇ваа ваад̣̇зси, ат̇а б̣од̇хисад̇д̇асса маад̇аабид̇аро анд̇хабхаавзна д̇ам̣ абассанд̇аа ‘‘муусигаа ман̃н̃з вийн̣ам̣ каад̣̇анд̇ий’’д̇и сан̃н̃ааяа ‘‘сусуу’’д̇и аахам̣су. д̇асмим̣ гаалз муусило вийн̣ам̣ табзд̇ваа б̣од̇хисад̇д̇асса маад̇аабид̇аро ванд̣̇ид̇ваа ‘‘гуд̇о ааг̇ад̇осий’’д̇и вуд̇д̇з ‘‘аажарияасса санд̇игз сиббам̣ уг̇г̇ан̣хид̇ум̣ уж̇ж̇знид̇о ааг̇ад̇омхий’’д̇и ааха. со ‘‘саад̇хуу’’д̇и вуд̇д̇з ‘‘гахам̣ аажарияо’’д̇и бужчид̇ваа ‘‘виббавуд̇т̇о, д̇аад̇а, аж̇ж̇а ааг̇амиссад̇ий’’д̇и суд̇ваа д̇ад̇т̇зва нисийд̣̇ид̇ваа б̣од̇хисад̇д̇ам̣ ааг̇ад̇ам̣ д̣̇исваа д̇зна гад̇абадисант̇ааро ад̇д̇ано ааг̇ад̇агааран̣ам̣ аарожзси. б̣од̇хисад̇д̇о ан̇г̇авиж̇ж̇аабаатаго, со д̇асса асаббурисабхаавам̣ н̃ад̇ваа ‘‘г̇ажча д̇аад̇а, над̇т̇и д̇ава сибба’’нд̇и бадигкиби. со б̣од̇хисад̇д̇асса маад̇аабид̇уунам̣ баад̣̇з г̇ахзд̇ваа убагаарам̣ гаронд̇о д̇з аараад̇хзд̇ваа ‘‘сиббам̣ мз д̣̇аабзт̇аа’’д̇и яаажи. б̣од̇хисад̇д̇о маад̇аабид̇уухи бунаббунам̣ вужжамаано д̇з ад̇иггамид̇ум̣ асаггонд̇о сиббам̣ ад̣̇ааси. со б̣од̇хисад̇д̇знзва сад̣̇д̇хим̣ рааж̇анивзсанам̣ г̇ажчад̇и. рааж̇аа д̇ам̣ д̣̇исваа ‘‘го зса, аажарияаа’’д̇и бужчи. ‘‘маяхам̣ анд̇зваасиго, махаарааж̇аа’’д̇и. со ануггамзна ран̃н̃о виссаасиго ахоси. б̣од̇хисад̇д̇о аажарияамудтим̣ агад̇ваа ад̇д̇ано ж̇аанананияаамзна саб̣б̣ам̣ сиббам̣ сигкаабзд̇ваа ‘‘нидтид̇ам̣ д̇з, д̇аад̇а, сибба’’нд̇и ааха.
Mūsilo bodhisattassa gehaṃ pavisitvā laggetvā ṭhapitaṃ bodhisattassa jātivīṇaṃ disvā gahetvā vādesi, atha bodhisattassa mātāpitaro andhabhāvena taṃ apassantā ‘‘mūsikā maññe vīṇaṃ khādantī’’ti saññāya ‘‘susū’’ti āhaṃsu. Tasmiṃ kāle mūsilo vīṇaṃ ṭhapetvā bodhisattassa mātāpitaro vanditvā ‘‘kuto āgatosī’’ti vutte ‘‘ācariyassa santike sippaṃ uggaṇhituṃ ujjenito āgatomhī’’ti āha. So ‘‘sādhū’’ti vutte ‘‘kahaṃ ācariyo’’ti pucchitvā ‘‘vippavuttho, tāta, ajja āgamissatī’’ti sutvā tattheva nisīditvā bodhisattaṃ āgataṃ disvā tena katapaṭisanthāro attano āgatakāraṇaṃ ārocesi. Bodhisatto aṅgavijjāpāṭhako, so tassa asappurisabhāvaṃ ñatvā ‘‘gaccha tāta, natthi tava sippa’’nti paṭikkhipi. So bodhisattassa mātāpitūnaṃ pāde gahetvā upakāraṃ karonto te ārādhetvā ‘‘sippaṃ me dāpethā’’ti yāci. Bodhisatto mātāpitūhi punappunaṃ vuccamāno te atikkamituṃ asakkonto sippaṃ adāsi. So bodhisatteneva saddhiṃ rājanivesanaṃ gacchati. Rājā taṃ disvā ‘‘ko esa, ācariyā’’ti pucchi. ‘‘Mayhaṃ antevāsiko, mahārājā’’ti. So anukkamena rañño vissāsiko ahosi. Bodhisatto ācariyamuṭṭhiṃ akatvā attano jānananiyāmena sabbaṃ sippaṃ sikkhāpetvā ‘‘niṭṭhitaṃ te, tāta, sippa’’nti āha.
со жинд̇зси – ‘‘маяхам̣ сиббам̣ баг̇ун̣ам̣, ид̣̇ан̃жа б̣аараан̣асинаг̇арам̣ сагалаж̇амб̣уд̣̇ийбз аг̇г̇анаг̇арам̣, аажарияоби махаллаго, ид̇хзва маяаа васид̇ум̣ ваддад̇ий’’д̇и. со аажарияам̣ ааха – ‘‘аажарияа ахам̣ рааж̇аанам̣ убадтахиссаамий’’д̇и. аажарияо ‘‘саад̇ху, д̇аад̇а, ран̃н̃о аарожзссаамий’’д̇и г̇анд̇ваа ‘‘амхаагам̣ анд̇зваасиго д̣̇звам̣ убадтаад̇ум̣ ижчад̇и, д̣̇зяяад̇хаммамасса ж̇аанаат̇аа’’д̇и ран̃н̃о аарожзд̇ваа ран̃н̃аа ‘‘д̇умхаагам̣ д̣̇зяяад̇хаммад̇о убад̣дхам̣ лабхиссад̇ий’’д̇и вуд̇д̇з д̇ам̣ бавад̇д̇им̣ муусиласса аарожзси. муусило ‘‘ахам̣ д̇умхзхи самаган̃н̃зва лабханд̇о убадтахиссаами, на алабханд̇о’’д̇и ааха . ‘‘гим̣гааран̣аа’’д̇и? ‘‘нану ахам̣ д̇умхаагам̣ ж̇аананасиббам̣ саб̣б̣ам̣ ж̇аанаамий’’д̇и? ‘‘аама, ж̇аанаасий’’д̇и. ‘‘звам̣ санд̇з гасмаа маяхам̣ убад̣дхам̣ д̣̇зд̇ий’’д̇и? б̣од̇хисад̇д̇о ран̃н̃о аарожзси. рааж̇аа ‘‘яад̣̇и звам̣ д̇умхзхи самагам̣ сиббам̣ д̣̇ассзд̇ум̣ саггонд̇о самагам̣ лабхиссад̇ий’’д̇и ааха. б̣од̇хисад̇д̇о ран̃н̃о важанам̣ д̇асса аарожзд̇ваа д̇зна ‘‘саад̇ху д̣̇ассзссаамий’’д̇и вуд̇д̇з ран̃н̃о д̇ам̣ бавад̇д̇им̣ аарожзд̇ваа ‘‘саад̇ху д̣̇ассзд̇у, гад̇арад̣̇ивасам̣ саагажчаа ход̇уу’’д̇и вуд̇д̇з ‘‘ид̇о сад̇д̇амз д̣̇ивасз ход̇у, махаарааж̇аа’’д̇и ааха.
So cintesi – ‘‘mayhaṃ sippaṃ paguṇaṃ, idañca bārāṇasinagaraṃ sakalajambudīpe agganagaraṃ, ācariyopi mahallako, idheva mayā vasituṃ vaṭṭatī’’ti. So ācariyaṃ āha – ‘‘ācariya ahaṃ rājānaṃ upaṭṭhahissāmī’’ti. Ācariyo ‘‘sādhu, tāta, rañño ārocessāmī’’ti gantvā ‘‘amhākaṃ antevāsiko devaṃ upaṭṭhātuṃ icchati, deyyadhammamassa jānāthā’’ti rañño ārocetvā raññā ‘‘tumhākaṃ deyyadhammato upaḍḍhaṃ labhissatī’’ti vutte taṃ pavattiṃ mūsilassa ārocesi. Mūsilo ‘‘ahaṃ tumhehi samakaññeva labhanto upaṭṭhahissāmi, na alabhanto’’ti āha . ‘‘Kiṃkāraṇā’’ti? ‘‘Nanu ahaṃ tumhākaṃ jānanasippaṃ sabbaṃ jānāmī’’ti? ‘‘Āma, jānāsī’’ti. ‘‘Evaṃ sante kasmā mayhaṃ upaḍḍhaṃ detī’’ti? Bodhisatto rañño ārocesi. Rājā ‘‘yadi evaṃ tumhehi samakaṃ sippaṃ dassetuṃ sakkonto samakaṃ labhissatī’’ti āha. Bodhisatto rañño vacanaṃ tassa ārocetvā tena ‘‘sādhu dassessāmī’’ti vutte rañño taṃ pavattiṃ ārocetvā ‘‘sādhu dassetu, kataradivasaṃ sākacchā hotū’’ti vutte ‘‘ito sattame divase hotu, mahārājā’’ti āha.
рааж̇аа муусилам̣ баггосаабзд̇ваа ‘‘сажжам̣ гира д̇вам̣ аажариязна сад̣̇д̇хим̣ саагажчам̣ гариссасий’’д̇и бужчид̇ваа ‘‘сажжам̣, д̣̇зваа’’д̇и вуд̇д̇з ‘‘аажариязна сад̣̇д̇хим̣ виг̇г̇ахо наама на ваддад̇и, маа гарий’’д̇и ваарияамааноби ‘‘алам̣, махаарааж̇а, ход̇уязва мз аажариязна сад̣̇д̇хим̣ сад̇д̇амз д̣̇ивасз саагажчаа, гад̇арасса ж̇аанибхаавам̣ ж̇ааниссаамаа’’д̇и ааха. рааж̇аа ‘‘саад̇хуу’’д̇и самбадижчид̇ваа ‘‘ид̇о гира сад̇д̇амз д̣̇ивасз аажарияаг̇уд̇д̇ило жа анд̇зваасигамуусило жа рааж̇ад̣̇ваарз ан̃н̃аман̃н̃ам̣ саагажчам̣ гад̇ваа сиббам̣ д̣̇ассзссанд̇и, нааг̇араа саннибад̇ид̇ваа сиббам̣ бассанд̇уу’’д̇и бхзрим̣ жараабзси.
Rājā mūsilaṃ pakkosāpetvā ‘‘saccaṃ kira tvaṃ ācariyena saddhiṃ sākacchaṃ karissasī’’ti pucchitvā ‘‘saccaṃ, devā’’ti vutte ‘‘ācariyena saddhiṃ viggaho nāma na vaṭṭati, mā karī’’ti vāriyamānopi ‘‘alaṃ, mahārāja, hotuyeva me ācariyena saddhiṃ sattame divase sākacchā, katarassa jānibhāvaṃ jānissāmā’’ti āha. Rājā ‘‘sādhū’’ti sampaṭicchitvā ‘‘ito kira sattame divase ācariyaguttilo ca antevāsikamūsilo ca rājadvāre aññamaññaṃ sākacchaṃ katvā sippaṃ dassessanti, nāgarā sannipatitvā sippaṃ passantū’’ti bheriṃ carāpesi.
б̣од̇хисад̇д̇о жинд̇зси – ‘‘аяам̣ муусило д̣̇ахаро д̇арун̣о, ахам̣ махаллаго барихийнат̇аамо, махаллагасса гирияаа наама на самбаж̇ж̇ад̇и. анд̇зваасигз наама барааж̇ид̇зби висзсо над̇т̇и, анд̇зваасигасса бана ж̇аяз сад̇и бад̇д̇аб̣б̣алаж̇ж̇ад̇о аран̃н̃ам̣ бависид̇ваа маран̣ам̣ варад̇ара’’нд̇и. со аран̃н̃ам̣ бависид̇ваа маран̣абхаязна нивад̇д̇ад̇и, лаж̇ж̇аабхаязна г̇ажчад̇и. звамасса г̇аманааг̇аманам̣ гаронд̇ассзва ча д̣̇ивасаа ад̇игганд̇аа, д̇ин̣аани мад̇аани, ж̇ан̇гхамаг̇г̇о ниб̣б̣ад̇д̇и. д̇асмим̣ кан̣з саггасса бхаванам̣ ун̣хаагаарам̣ д̣̇ассзси. сагго ааваж̇ж̇амаано д̇ам̣ гааран̣ам̣ н̃ад̇ваа ‘‘г̇уд̇д̇илаг̇анд̇хаб̣б̣о анд̇зваасигасса бхаязна аран̃н̃з махаад̣̇угкам̣ анубход̇и , зд̇асса маяаа авассаязна бхавид̇ум̣ ваддад̇ий’’д̇и взг̇зна г̇анд̇ваа б̣од̇хисад̇д̇асса бурад̇о тад̇ваа ‘‘аажарияа, гасмаа аран̃н̃ам̣ бавидтосий’’д̇и бужчид̇ваа ‘‘госи д̇ва’’нд̇и вуд̇д̇з ‘‘саггохамасмий’’д̇и ааха. ат̇а нам̣ б̣од̇хисад̇д̇о ‘‘ахам̣ ко, д̣̇зварааж̇а, анд̇зваасигад̇о барааж̇аяабхаязна аран̃н̃ам̣ бавидто’’д̇и вад̇ваа батамам̣ г̇аат̇амааха –
Bodhisatto cintesi – ‘‘ayaṃ mūsilo daharo taruṇo, ahaṃ mahallako parihīnathāmo, mahallakassa kiriyā nāma na sampajjati. Antevāsike nāma parājitepi viseso natthi, antevāsikassa pana jaye sati pattabbalajjato araññaṃ pavisitvā maraṇaṃ varatara’’nti. So araññaṃ pavisitvā maraṇabhayena nivattati, lajjābhayena gacchati. Evamassa gamanāgamanaṃ karontasseva cha divasā atikkantā, tiṇāni matāni, jaṅghamaggo nibbatti. Tasmiṃ khaṇe sakkassa bhavanaṃ uṇhākāraṃ dassesi. Sakko āvajjamāno taṃ kāraṇaṃ ñatvā ‘‘guttilagandhabbo antevāsikassa bhayena araññe mahādukkhaṃ anubhoti , etassa mayā avassayena bhavituṃ vaṭṭatī’’ti vegena gantvā bodhisattassa purato ṭhatvā ‘‘ācariya, kasmā araññaṃ paviṭṭhosī’’ti pucchitvā ‘‘kosi tva’’nti vutte ‘‘sakkohamasmī’’ti āha. Atha naṃ bodhisatto ‘‘ahaṃ kho, devarāja, antevāsikato parājayabhayena araññaṃ paviṭṭho’’ti vatvā paṭhamaṃ gāthamāha –
186.
186.
‘‘сад̇д̇ад̇анд̇им̣ сумад̇хурам̣, рааман̣зяяам̣ аваажаяим̣;
‘‘Sattatantiṃ sumadhuraṃ, rāmaṇeyyaṃ avācayiṃ;
со мам̣ ран̇г̇амхи авхзд̇и, саран̣ам̣ мз ход̇и госияаа’’д̇и.
So maṃ raṅgamhi avheti, saraṇaṃ me hoti kosiyā’’ti.
д̇ассад̇т̇о – ахам̣, д̣̇зварааж̇а, муусилам̣ наама анд̇зваасигам̣ сад̇д̇ад̇анд̇им̣ сумад̇хурам̣ рааман̣зяяам̣ вийн̣ам̣ ад̇д̇ано ж̇аанананияаамзна сигкаабзсим̣, со мам̣ ид̣̇аани ран̇г̇аман̣д̣алз баггосад̇и, д̇асса мз д̇вам̣, госияаг̇од̇д̇а, саран̣ам̣ хохийд̇и.
Tassattho – ahaṃ, devarāja, mūsilaṃ nāma antevāsikaṃ sattatantiṃ sumadhuraṃ rāmaṇeyyaṃ vīṇaṃ attano jānananiyāmena sikkhāpesiṃ, so maṃ idāni raṅgamaṇḍale pakkosati, tassa me tvaṃ, kosiyagotta, saraṇaṃ hohīti.
сагго д̇асса важанам̣ суд̇ваа ‘‘маа бхааяи, ахам̣ д̇з д̇аан̣ан̃жа лзн̣ан̃жаа’’д̇и вад̇ваа д̣̇уд̇ияам̣ г̇аат̇амааха –
Sakko tassa vacanaṃ sutvā ‘‘mā bhāyi, ahaṃ te tāṇañca leṇañcā’’ti vatvā dutiyaṃ gāthamāha –
187.
187.
‘‘ахам̣ д̇ам̣ саран̣ам̣ самма, ахамаажарияабууж̇аго;
‘‘Ahaṃ taṃ saraṇaṃ samma, ahamācariyapūjako;
на д̇ам̣ ж̇аяиссад̇и сиссо, сиссамаажарияа ж̇зссасий’’д̇и.
Na taṃ jayissati sisso, sissamācariya jessasī’’ti.
д̇ад̇т̇а ахам̣ д̇ам̣ саран̣анд̇и ахам̣ саран̣ам̣ авассаяо бад̇идтаа худ̇ваа д̇ам̣ д̇ааяиссаами. саммаад̇и бияаважанамзд̇ам̣. сиссамаажарияа, ж̇зссасийд̇и, аажарияа, д̇вам̣ вийн̣ам̣ ваад̣̇аяамаано сиссам̣ ж̇иниссаси. абижа д̇вам̣ вийн̣ам̣ ваад̣̇знд̇о згам̣ д̇анд̇им̣ чинд̣̇ид̇ваа ча ваад̣̇зяяааси, вийн̣ааяа д̇з багад̇исад̣̇д̣̇о бхависсад̇и. муусилоби д̇анд̇им̣ чинд̣̇иссад̇и, ат̇асса вийн̣ааяа сад̣̇д̣̇о на бхависсад̇и. д̇асмим̣ кан̣з со барааж̇аяам̣ баабун̣иссад̇и. ат̇асса барааж̇аяабхаавам̣ н̃ад̇ваа д̣̇уд̇ияамби д̇ад̇ияамби жад̇уд̇т̇амби бан̃жамамби сад̇д̇амамби д̇анд̇им̣ чинд̣̇ид̇ваа суд̣̇д̇хад̣̇ан̣д̣агамзва ваад̣̇зяяааси, чиннад̇анд̇игодийхи саро нигкамид̇ваа сагалам̣ д̣̇ваад̣̇асаяож̇анигам̣ б̣аараан̣асинаг̇арам̣ чаад̣̇зд̇ваа тассад̇ийд̇и.
Tattha ahaṃ taṃ saraṇanti ahaṃ saraṇaṃ avassayo patiṭṭhā hutvā taṃ tāyissāmi. Sammāti piyavacanametaṃ. Sissamācariya, jessasīti, ācariya, tvaṃ vīṇaṃ vādayamāno sissaṃ jinissasi. Apica tvaṃ vīṇaṃ vādento ekaṃ tantiṃ chinditvā cha vādeyyāsi, vīṇāya te pakatisaddo bhavissati. Mūsilopi tantiṃ chindissati, athassa vīṇāya saddo na bhavissati. Tasmiṃ khaṇe so parājayaṃ pāpuṇissati. Athassa parājayabhāvaṃ ñatvā dutiyampi tatiyampi catutthampi pañcamampi sattamampi tantiṃ chinditvā suddhadaṇḍakameva vādeyyāsi, chinnatantikoṭīhi saro nikkhamitvā sakalaṃ dvādasayojanikaṃ bārāṇasinagaraṃ chādetvā ṭhassatīti.
звам̣ вад̇ваа сагго б̣од̇хисад̇д̇асса д̇иссо баасагагхадигаа д̣̇ад̇ваа звамааха – ‘‘вийн̣аасад̣̇д̣̇знзва бана сагаланаг̇арз чаад̣̇ид̇з ид̇о згам̣ баасагагхадигам̣ аагаасз кибзяяааси, ат̇а д̇з бурад̇о од̇арид̇ваа д̇ийн̣и ажчараасад̇аани нажжиссанд̇и. д̇аасам̣ нажжанагаалз жа д̣̇уд̇ияам̣ кибзяяааси, ат̇аабарааниби д̇ийн̣и сад̇аани од̇арид̇ваа д̇ава вийн̣аад̇хурз нажжиссанд̇и. д̇ад̇о д̇ад̇ияам̣ кибзяяааси, ат̇аабараани д̇ийн̣и сад̇аани од̇арид̇ваа ран̇г̇аман̣д̣алз нажжиссанд̇и. ахамби д̇з санд̇игам̣ ааг̇амиссаами, г̇ажча маа бхааяий’’д̇и б̣од̇хисад̇д̇ам̣ ассаасзси. б̣од̇хисад̇д̇о буб̣б̣ан̣хасамаяз г̇зхам̣ аг̇амааси. нааг̇араа рааж̇ад̣̇ваарасамийбз ман̣д̣абам̣ гад̇ваа ран̃н̃о аасанам̣ бан̃н̃абзсум̣. рааж̇аа баасаад̣̇аа од̇арид̇ваа алан̇гад̇аман̣д̣абз баллан̇гамаж̇жхз нисийд̣̇и, д̣̇ваад̣̇асасахассаа алан̇гад̇ид̇т̇ияо амажжаб̣раахман̣аг̇ахабад̇игаад̣̇аяо жа рааж̇аанам̣ бариваараяим̣су, саб̣б̣з нааг̇араа саннибад̇им̣су, рааж̇ан̇г̇ан̣з жаггаад̇ижаггз ман̃жаад̇иман̃жз б̣анд̇хим̣су.
Evaṃ vatvā sakko bodhisattassa tisso pāsakaghaṭikā datvā evamāha – ‘‘vīṇāsaddeneva pana sakalanagare chādite ito ekaṃ pāsakaghaṭikaṃ ākāse khipeyyāsi, atha te purato otaritvā tīṇi accharāsatāni naccissanti. Tāsaṃ naccanakāle ca dutiyaṃ khipeyyāsi, athāparānipi tīṇi satāni otaritvā tava vīṇādhure naccissanti. Tato tatiyaṃ khipeyyāsi, athāparāni tīṇi satāni otaritvā raṅgamaṇḍale naccissanti. Ahampi te santikaṃ āgamissāmi, gaccha mā bhāyī’’ti bodhisattaṃ assāsesi. Bodhisatto pubbaṇhasamaye gehaṃ agamāsi. Nāgarā rājadvārasamīpe maṇḍapaṃ katvā rañño āsanaṃ paññapesuṃ. Rājā pāsādā otaritvā alaṅkatamaṇḍape pallaṅkamajjhe nisīdi, dvādasasahassā alaṅkatitthiyo amaccabrāhmaṇagahapatikādayo ca rājānaṃ parivārayiṃsu, sabbe nāgarā sannipatiṃsu, rājaṅgaṇe cakkāticakke mañcātimañce bandhiṃsu.
б̣од̇хисад̇д̇оби нхаад̇аанулид̇д̇о наанаг̇г̇арасабхож̇анам̣ бхун̃ж̇ид̇ваа вийн̣ам̣ г̇аахаабзд̇ваа ад̇д̇ано бан̃н̃ад̇д̇аасанз нисийд̣̇и. сагго ад̣̇иссамаанагааязна ааг̇анд̇ваа аагаасз адтааси, б̣од̇хисад̇д̇оязва нам̣ бассад̇и. муусилоби ааг̇анд̇ваа ад̇д̇ано аасанз нисийд̣̇и. махааж̇ано бариваарзси, аад̣̇ид̇ова д̣̇взби самасамам̣ ваад̣̇аяим̣су. махааж̇ано д̣̇виннамби ваад̣̇ид̇зна д̇удто уггудтисахассаани бавад̇д̇зси. сагго аагаасз тад̇ваа б̣од̇хисад̇д̇ан̃н̃зва саавзнд̇о ‘‘згам̣ д̇анд̇им̣ чинд̣̇аа’’д̇и ааха. б̣од̇хисад̇д̇о д̇анд̇им̣ чинд̣̇и, саа чиннааби чиннагодияаа сарам̣ мун̃жад̇зва, д̣̇зваг̇анд̇хаб̣б̣ам̣ вияа вад̇д̇ад̇и. муусилоби д̇анд̇им̣ чинд̣̇и, д̇ад̇о сад̣̇д̣̇о на нигками. аажарияо д̣̇уд̇ияамби чинд̣̇и …бз… сад̇д̇амамби чинд̣̇и. суд̣̇д̇хад̣̇ан̣д̣агам̣ ваад̣̇знд̇асса сад̣̇д̣̇о наг̇арам̣ чаад̣̇зд̇ваа адтааси. жзлугкзбасахассаани жзва уггудтисахассаани жа бавад̇д̇аяим̣су. б̣од̇хисад̇д̇о згам̣ баасагам̣ аагаасз киби, д̇ийн̣и ажчараасад̇аани од̇арид̇ваа нажжим̣су. звам̣ д̣̇уд̇ияз жа д̇ад̇ияз жа кид̇д̇з д̇ийн̣и д̇ийн̣и ажчараасад̇аани од̇арид̇ваа вуд̇д̇анаязнзва нажжим̣су.
Bodhisattopi nhātānulitto nānaggarasabhojanaṃ bhuñjitvā vīṇaṃ gāhāpetvā attano paññattāsane nisīdi. Sakko adissamānakāyena āgantvā ākāse aṭṭhāsi, bodhisattoyeva naṃ passati. Mūsilopi āgantvā attano āsane nisīdi. Mahājano parivāresi, āditova dvepi samasamaṃ vādayiṃsu. Mahājano dvinnampi vāditena tuṭṭho ukkuṭṭhisahassāni pavattesi. Sakko ākāse ṭhatvā bodhisattaññeva sāvento ‘‘ekaṃ tantiṃ chindā’’ti āha. Bodhisatto tantiṃ chindi, sā chinnāpi chinnakoṭiyā saraṃ muñcateva, devagandhabbaṃ viya vattati. Mūsilopi tantiṃ chindi, tato saddo na nikkhami. Ācariyo dutiyampi chindi …pe… sattamampi chindi. Suddhadaṇḍakaṃ vādentassa saddo nagaraṃ chādetvā aṭṭhāsi. Celukkhepasahassāni ceva ukkuṭṭhisahassāni ca pavattayiṃsu. Bodhisatto ekaṃ pāsakaṃ ākāse khipi, tīṇi accharāsatāni otaritvā nacciṃsu. Evaṃ dutiye ca tatiye ca khitte tīṇi tīṇi accharāsatāni otaritvā vuttanayeneva nacciṃsu.
д̇асмим̣ кан̣з рааж̇аа махааж̇анасса ин̇г̇ид̇асан̃н̃ам̣ ад̣̇ааси, махааж̇ано удтааяа ‘‘д̇вам̣ аажариязна сад̣̇д̇хим̣ вируж̇жхид̇ваа ‘самагаарам̣ гаромий’д̇и вааяамаси, ад̇д̇ано бамаан̣ам̣ на ж̇аанаасий’’д̇и муусилам̣ д̇аж̇ж̇зд̇ваа г̇ахид̇аг̇ахид̇зхзва баасаан̣ад̣̇ан̣д̣аад̣̇ийхи сам̣жун̣н̣зд̇ваа ж̇ийвид̇агкаяам̣ баабзд̇ваа баад̣̇з г̇ахзд̇ваа сан̇гаарадтаанз чад̣д̣зси. рааж̇аа д̇удтажид̇д̇о гханавассам̣ вассаабзнд̇о вияа б̣од̇хисад̇д̇асса б̣ахум̣ д̇ханам̣ ад̣̇ааси, д̇ат̇аа нааг̇араа. сагго б̣од̇хисад̇д̇зна сад̣̇д̇хим̣ бадисант̇аарам̣ гад̇ваа ‘‘ахам̣ д̇з, бан̣д̣ид̇а, сахассаяуд̇д̇ам̣ ааж̇ан̃н̃арат̇ам̣ г̇аахаабзд̇ваа бажчаа маад̇алим̣ бзсзссаами, д̇вам̣ сахассаяуд̇д̇ам̣ взж̇аяанд̇арат̇аварам̣ абхируяха д̣̇звалогам̣ ааг̇ажчзяяаасий’’д̇и вад̇ваа баггаами.
Tasmiṃ khaṇe rājā mahājanassa iṅgitasaññaṃ adāsi, mahājano uṭṭhāya ‘‘tvaṃ ācariyena saddhiṃ virujjhitvā ‘samakāraṃ karomī’ti vāyamasi, attano pamāṇaṃ na jānāsī’’ti mūsilaṃ tajjetvā gahitagahiteheva pāsāṇadaṇḍādīhi saṃcuṇṇetvā jīvitakkhayaṃ pāpetvā pāde gahetvā saṅkāraṭṭhāne chaḍḍesi. Rājā tuṭṭhacitto ghanavassaṃ vassāpento viya bodhisattassa bahuṃ dhanaṃ adāsi, tathā nāgarā. Sakko bodhisattena saddhiṃ paṭisanthāraṃ katvā ‘‘ahaṃ te, paṇḍita, sahassayuttaṃ ājaññarathaṃ gāhāpetvā pacchā mātaliṃ pesessāmi, tvaṃ sahassayuttaṃ vejayantarathavaraṃ abhiruyha devalokaṃ āgaccheyyāsī’’ti vatvā pakkāmi.
ат̇а нам̣ г̇анд̇ваа бан̣д̣угамб̣аласилааяам̣ нисиннам̣ ‘‘гахам̣ г̇ад̇аад̇т̇а, махаарааж̇аа’’д̇и д̣̇звад̇хийд̇аро бужчим̣су. сагго д̇аасам̣ д̇ам̣ гааран̣ам̣ вид̇т̇аарзна гат̇зд̇ваа б̣од̇хисад̇д̇асса сийлан̃жа г̇ун̣ан̃жа ван̣н̣зси. д̣̇звад̇хийд̇аро ‘‘махаарааж̇а, маяамби аажарияам̣ д̣̇адтугаамаа, ид̇ха нам̣ аанзхий’’д̇и аахам̣су. сагго маад̇алим̣ ааманд̇зд̇ваа ‘‘д̇аад̇а, д̣̇зважчараа г̇уд̇д̇илаг̇анд̇хаб̣б̣ам̣ д̣̇адтугаамаа, г̇ажча нам̣ взж̇аяанд̇арат̇з нисийд̣̇аабзд̇ваа аанзхий’’д̇и. со ‘‘саад̇хуу’’д̇и г̇анд̇ваа б̣од̇хисад̇д̇ам̣ аанзси. сагго б̣од̇хисад̇д̇зна сад̣̇д̇хим̣ саммод̣̇ид̇ваа ‘‘д̣̇зваган̃н̃аа гира д̇з, аажарияа, г̇анд̇хаб̣б̣ам̣ сод̇угаамаа’’д̇и ааха. ‘‘маяам̣ махаарааж̇а, г̇анд̇хаб̣б̣аа наама сиббам̣ ниссааяа ж̇ийваама, муулам̣ лабханд̇аа ваад̣̇зяяаамаа’’д̇и. ‘‘ваад̣̇зхи, ахам̣ д̇з муулам̣ д̣̇ассаамий’’д̇и. ‘‘на маяхам̣ ан̃н̃зна муулзнад̇т̇о, имаа бана д̣̇звад̇хийд̇аро ад̇д̇ано ад̇д̇ано галяаан̣агаммам̣ гат̇знд̇у, зваахам̣ ваад̣̇зссаамий’’д̇и . ат̇а нам̣ д̣̇звад̇хийд̇аро аахам̣су – ‘‘амхзхи гад̇ам̣ галяаан̣агаммам̣ бажчаа д̇умхаагам̣ гат̇зссаама, г̇анд̇хаб̣б̣ам̣ гарохи аажарияаа’’д̇и. б̣од̇хисад̇д̇о сад̇д̇аахам̣ д̣̇звад̇аанам̣ г̇анд̇хаб̣б̣ам̣ агааси, д̇ам̣ д̣̇иб̣б̣аг̇анд̇хаб̣б̣ам̣ абхибхавид̇ваа бавад̇д̇и. сад̇д̇амз д̣̇ивасз аад̣̇ид̇о бадтааяа д̣̇звад̇хийд̇аанам̣ галяаан̣агаммам̣ бужчи. згам̣ гассабасаммаасамб̣уд̣̇д̇хагаалз згасса бхигкуно уд̇д̇амавад̇т̇ам̣ д̣̇ад̇ваа саггасса барижааригаа худ̇ваа ниб̣б̣ад̇д̇ам̣ ажчараасахассабариваарам̣ уд̇д̇амавад̇т̇ад̣̇зваган̃н̃ам̣ ‘‘д̇вам̣ буримабхавз гим̣ гаммам̣ гад̇ваа ниб̣б̣ад̇д̇аа’’д̇и бужчи. д̇асса бужчанаагааро жа виссаж̇ж̇анаа жа вимаанавад̇т̇умхи ааг̇ад̇амзва. вуд̇д̇ан̃хи д̇ад̇т̇а –
Atha naṃ gantvā paṇḍukambalasilāyaṃ nisinnaṃ ‘‘kahaṃ gatāttha, mahārājā’’ti devadhītaro pucchiṃsu. Sakko tāsaṃ taṃ kāraṇaṃ vitthārena kathetvā bodhisattassa sīlañca guṇañca vaṇṇesi. Devadhītaro ‘‘mahārāja, mayampi ācariyaṃ daṭṭhukāmā, idha naṃ ānehī’’ti āhaṃsu. Sakko mātaliṃ āmantetvā ‘‘tāta, devaccharā guttilagandhabbaṃ daṭṭhukāmā, gaccha naṃ vejayantarathe nisīdāpetvā ānehī’’ti. So ‘‘sādhū’’ti gantvā bodhisattaṃ ānesi. Sakko bodhisattena saddhiṃ sammoditvā ‘‘devakaññā kira te, ācariya, gandhabbaṃ sotukāmā’’ti āha. ‘‘Mayaṃ mahārāja, gandhabbā nāma sippaṃ nissāya jīvāma, mūlaṃ labhantā vādeyyāmā’’ti. ‘‘Vādehi, ahaṃ te mūlaṃ dassāmī’’ti. ‘‘Na mayhaṃ aññena mūlenattho, imā pana devadhītaro attano attano kalyāṇakammaṃ kathentu, evāhaṃ vādessāmī’’ti . Atha naṃ devadhītaro āhaṃsu – ‘‘amhehi kataṃ kalyāṇakammaṃ pacchā tumhākaṃ kathessāma, gandhabbaṃ karohi ācariyā’’ti. Bodhisatto sattāhaṃ devatānaṃ gandhabbaṃ akāsi, taṃ dibbagandhabbaṃ abhibhavitvā pavatti. Sattame divase ādito paṭṭhāya devadhītānaṃ kalyāṇakammaṃ pucchi. Ekaṃ kassapasammāsambuddhakāle ekassa bhikkhuno uttamavatthaṃ datvā sakkassa paricārikā hutvā nibbattaṃ accharāsahassaparivāraṃ uttamavatthadevakaññaṃ ‘‘tvaṃ purimabhave kiṃ kammaṃ katvā nibbattā’’ti pucchi. Tassa pucchanākāro ca vissajjanā ca vimānavatthumhi āgatameva. Vuttañhi tattha –
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
‘‘вад̇т̇уд̇д̇амад̣̇ааяигаа наарий, бавараа ход̇и нарзсу наарийсу;
‘‘Vatthuttamadāyikā nārī, pavarā hoti naresu nārīsu;
звам̣ бияаруубад̣̇ааяигаа манаабам̣, д̣̇иб̣б̣ам̣ саа лабхад̇з убзжжа таанам̣.
Evaṃ piyarūpadāyikā manāpaṃ, dibbaṃ sā labhate upecca ṭhānaṃ.
‘‘д̇ассаа мз басса вимаанам̣, ажчараа гаамаван̣н̣инийхамасми;
‘‘Tassā me passa vimānaṃ, accharā kāmavaṇṇinīhamasmi;
ажчараасахассассаахам̣, бавараа басса бун̃н̃аанам̣ вибаагам̣.
Accharāsahassassāhaṃ, pavarā passa puññānaṃ vipākaṃ.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
‘‘д̇знамхи звам̣ ж̇алид̇аанубхааваа;
‘‘Tenamhi evaṃ jalitānubhāvā;
ван̣н̣о жа мз саб̣б̣ад̣̇исаа бабхаасад̇ий’’д̇и. (ви. ва. 329-331, 333-336);
Vaṇṇo ca me sabbadisā pabhāsatī’’ti. (vi. va. 329-331, 333-336);
абараа бин̣д̣ааяа жарамаанасса бхигкуно бууж̇анад̇т̇ааяа бубпаани ад̣̇ааси, абараа ‘‘жзд̇ияз г̇анд̇хабан̃жан̇г̇улигам̣ д̣̇зт̇аа’’д̇и г̇анд̇хз ад̣̇ааси, абараа мад̇хураани палаапалаани ад̣̇ааси, абараа ужчурасам̣ ад̣̇ааси, абараа гассабад̣̇асаб̣аласса жзд̇ияз г̇анд̇хабан̃жан̇г̇улигам̣ ад̣̇ааси, абараа маг̇г̇абадибаннаанам̣ бхигкуунам̣ бхигкунийнан̃жа гулаг̇зхз ваасам̣ убаг̇ад̇аанам̣ санд̇игз д̇хаммам̣ ассоси, абараа наавааяа убагадтааяа взлааяа бхуд̇д̇асса бхигкуно уд̣̇агз тад̇ваа уд̣̇агам̣ ад̣̇ааси, абараа аг̇аарамаж̇жхз васамаанаа аггод̇ханаа худ̇ваа сассусасуравад̇д̇ам̣ агааси, абараа ад̇д̇ано лад̣̇д̇хагодтаасад̇оби сам̣вибхааг̇ам̣ гад̇ваава барибхун̃ж̇и, сийлавад̇ий жа ахоси, абараа бараг̇зхз д̣̇аасий худ̇ваа ниггод̇ханаа ниммаанаа ад̇д̇ано лад̣̇д̇хагодтаасад̇о сам̣вибхааг̇ам̣ гад̇ваа д̣̇зваран̃н̃о барижааригаа худ̇ваа ниб̣б̣ад̇д̇аа (ви. ва. адта. 328-336). звам̣ саб̣б̣ааби г̇уд̇д̇илавимаанавад̇т̇усмим̣ ааг̇ад̇аа чад̇д̇им̣са д̣̇звад̇хийд̇аа яам̣ яам̣ гаммам̣ гад̇ваа д̇ад̇т̇а ниб̣б̣ад̇д̇аа, саб̣б̣ам̣ б̣од̇хисад̇д̇о бужчи. д̇аабисса ад̇д̇ано гад̇агаммам̣ г̇аат̇аахиязва гат̇зсум̣. д̇ам̣ суд̇ваа б̣од̇хисад̇д̇о ‘‘лаабхаа вад̇а мз, сулад̣̇д̇хам̣ вад̇а мз, сваахам̣ ид̇хааг̇анд̇ваа аббамад̇д̇агзнаби гаммзна бадилад̣̇д̇хад̣̇иб̣б̣асамбад̇д̇ияо ассосим̣. ид̇о д̣̇аани бадтааяа мануссалогам̣ г̇анд̇ваа д̣̇аанаад̣̇ийни гусалагаммаанзва гариссаамий’’д̇и вад̇ваа имам̣ уд̣̇аанам̣ уд̣̇аанзси –
Aparā piṇḍāya caramānassa bhikkhuno pūjanatthāya pupphāni adāsi, aparā ‘‘cetiye gandhapañcaṅgulikaṃ dethā’’ti gandhe adāsi, aparā madhurāni phalāphalāni adāsi, aparā ucchurasaṃ adāsi, aparā kassapadasabalassa cetiye gandhapañcaṅgulikaṃ adāsi, aparā maggapaṭipannānaṃ bhikkhūnaṃ bhikkhunīnañca kulagehe vāsaṃ upagatānaṃ santike dhammaṃ assosi, aparā nāvāya upakaṭṭhāya velāya bhuttassa bhikkhuno udake ṭhatvā udakaṃ adāsi, aparā agāramajjhe vasamānā akkodhanā hutvā sassusasuravattaṃ akāsi, aparā attano laddhakoṭṭhāsatopi saṃvibhāgaṃ katvāva paribhuñji, sīlavatī ca ahosi, aparā paragehe dāsī hutvā nikkodhanā nimmānā attano laddhakoṭṭhāsato saṃvibhāgaṃ katvā devarañño paricārikā hutvā nibbattā (vi. va. aṭṭha. 328-336). Evaṃ sabbāpi guttilavimānavatthusmiṃ āgatā chattiṃsa devadhītā yaṃ yaṃ kammaṃ katvā tattha nibbattā, sabbaṃ bodhisatto pucchi. Tāpissa attano katakammaṃ gāthāhiyeva kathesuṃ. Taṃ sutvā bodhisatto ‘‘lābhā vata me, suladdhaṃ vata me, svāhaṃ idhāgantvā appamattakenapi kammena paṭiladdhadibbasampattiyo assosiṃ. Ito dāni paṭṭhāya manussalokaṃ gantvā dānādīni kusalakammāneva karissāmī’’ti vatvā imaṃ udānaṃ udānesi –
‘‘свааг̇ад̇ам̣ вад̇а мз аж̇ж̇а, суббабхаад̇ам̣ сухудтид̇ам̣;
‘‘Svāgataṃ vata me ajja, suppabhātaṃ suhuṭṭhitaṃ;
яам̣ ад̣̇д̣̇асаами д̣̇звад̇ааяо, ажчараагаамаван̣н̣ияо.
Yaṃ addasāmi devatāyo, accharākāmavaṇṇiyo.
‘‘имаасаахам̣ д̇хаммам̣ суд̇ваа, гаахаами гусалам̣ б̣ахум̣;
‘‘Imāsāhaṃ dhammaṃ sutvā, kāhāmi kusalaṃ bahuṃ;
д̣̇аанзна самажарияааяа, сам̣яамзна д̣̇амзна жа;
Dānena samacariyāya, saṃyamena damena ca;
сваахам̣ д̇ад̇т̇а г̇амиссаами, яад̇т̇а г̇анд̇ваа на сожарз’’д̇и. (ви. ва. 617-618);
Svāhaṃ tattha gamissāmi, yattha gantvā na socare’’ti. (vi. va. 617-618);
ат̇а нам̣ сад̇д̇аахажжаязна д̣̇зварааж̇аа маад̇алисан̇г̇аахагам̣ аан̣аабзд̇ваа рат̇з нисийд̣̇аабзд̇ваа б̣аараан̣асимзва бзсзси. со б̣аараан̣асим̣ г̇анд̇ваа д̣̇звалогз ад̇д̇анаа д̣̇идтагааран̣ам̣ мануссаанам̣ аажигки. д̇ад̇о бадтааяа мануссаа сауссаахаа бун̃н̃аани гаад̇ум̣ ман̃н̃им̣су.
Atha naṃ sattāhaccayena devarājā mātalisaṅgāhakaṃ āṇāpetvā rathe nisīdāpetvā bārāṇasimeva pesesi. So bārāṇasiṃ gantvā devaloke attanā diṭṭhakāraṇaṃ manussānaṃ ācikkhi. Tato paṭṭhāya manussā saussāhā puññāni kātuṃ maññiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа муусило д̣̇звад̣̇ад̇д̇о ахоси, сагго ануруд̣̇д̇хо, рааж̇аа аананд̣̇о, г̇уд̇д̇илаг̇анд̇хаб̣б̣о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mūsilo devadatto ahosi, sakko anuruddho, rājā ānando, guttilagandhabbo pana ahameva ahosi’’nti.
г̇уд̇д̇илаж̇аад̇агаван̣н̣анаа д̇ад̇ияаа.
Guttilajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 243. г̇уд̇д̇илаж̇аад̇агам̣ • 243. Guttilajātakaṃ
