| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७-८. हालिद्दिकानिसुत्तादिवण्णना
7-8. Hāliddikānisuttādivaṇṇanā
१३०-१३१. तं इत्थेतन्ति चक्खुना यं रूपं दिट्ठं, तं इत्थन्ति अत्थो। तं सुखवेदनियन्ति तं सुखवेदनाय उपनिस्सयकोटिया पच्चयभूतं चक्खुविञ्ञाणञ्चेव, यो च यथारहं उपनिस्सयकोटिया वा, अनन्तरो चे अनन्तरकोटिया वा, सहजातो चे सम्पयुत्तकोटिया वा, सुखवेदनाय पच्चयो फस्सो। तं सुखवेदनियञ्च फस्सं पटिच्च उप्पज्जति सुखवेदनाति योजना। एस नयो सब्बत्थ सब्बेसु सेसेसु सत्तसु वारेसु। मनोधातुयेव वा समानाति अभिधम्मनयेन। सुत्तन्तनयेन पन सुञ्ञतट्ठेन निस्सत्तनिज्जीवट्ठेन च मनोधातुसमञ्ञं लभतेव। अट्ठमं उत्तानमेव हेट्ठा वुत्तनयत्ता।
130-131.Taṃitthetanti cakkhunā yaṃ rūpaṃ diṭṭhaṃ, taṃ itthanti attho. Taṃ sukhavedaniyanti taṃ sukhavedanāya upanissayakoṭiyā paccayabhūtaṃ cakkhuviññāṇañceva, yo ca yathārahaṃ upanissayakoṭiyā vā, anantaro ce anantarakoṭiyā vā, sahajāto ce sampayuttakoṭiyā vā, sukhavedanāya paccayo phasso. Taṃ sukhavedaniyañca phassaṃ paṭicca uppajjati sukhavedanāti yojanā. Esa nayo sabbattha sabbesu sesesu sattasu vāresu. Manodhātuyeva vā samānāti abhidhammanayena. Suttantanayena pana suññataṭṭhena nissattanijjīvaṭṭhena ca manodhātusamaññaṃ labhateva. Aṭṭhamaṃ uttānameva heṭṭhā vuttanayattā.
हालिद्दिकानिसुत्तादिवण्णना निट्ठिता।
Hāliddikānisuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
७. हालिद्दिकानिसुत्तं • 7. Hāliddikānisuttaṃ
८. नकुलपितुसुत्तं • 8. Nakulapitusuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ७-८. हालिद्दिकानिसुत्तादिवण्णना • 7-8. Hāliddikānisuttādivaṇṇanā
