| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗-๘. หาลิทฺทิกานิสุตฺตาทิวณฺณนา
7-8. Hāliddikānisuttādivaṇṇanā
๑๓๐-๑๓๑. สตฺตเม มนาปํ อิเตฺถตนฺติ ปชานาตีติ ยํ อเนน มนาปํ รูปํ ทิฎฺฐํ, ตํ อิเตฺถตนฺติ เอวเมตํ มนาปเมว ตนฺติ ปชานาติฯ จกฺขุวิญฺญาณํ สุขเวทนิยญฺจ ผสฺสํ ปฎิจฺจาติ จกฺขุวิญฺญาณเญฺจว, โย จ อุปนิสฺสยโกฎิยา วา อนนฺตรโกฎิยา วา สมนนฺตรโกฎิยา วา สมฺปยุตฺตโกฎิยา วา สุขเวทนาย ปจฺจโย ผโสฺส, ตํ สุขเวทนิยํ ผสฺสญฺจ ปฎิจฺจ อุปฺปชฺชติ สุขเวทนาติฯ เอส นโย สพฺพตฺถฯ อิติ อิเมสุ ทฺวีสุ สุเตฺตสุ กิริยามโนวิญฺญาณธาตุ อาวชฺชนกิจฺจา, มโนธาตุเยว วา สมานา มโนธาตุนาเมน วุตฺตาติ เวทิตพฺพาฯ อฎฺฐมํ อุตฺตานเมวฯ
130-131. Sattame manāpaṃ itthetanti pajānātīti yaṃ anena manāpaṃ rūpaṃ diṭṭhaṃ, taṃ itthetanti evametaṃ manāpameva tanti pajānāti. Cakkhuviññāṇaṃ sukhavedaniyañca phassaṃ paṭiccāti cakkhuviññāṇañceva, yo ca upanissayakoṭiyā vā anantarakoṭiyā vā samanantarakoṭiyā vā sampayuttakoṭiyā vā sukhavedanāya paccayo phasso, taṃ sukhavedaniyaṃ phassañca paṭicca uppajjati sukhavedanāti. Esa nayo sabbattha. Iti imesu dvīsu suttesu kiriyāmanoviññāṇadhātu āvajjanakiccā, manodhātuyeva vā samānā manodhātunāmena vuttāti veditabbā. Aṭṭhamaṃ uttānameva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya
๗. หาลิทฺทิกานิสุตฺตํ • 7. Hāliddikānisuttaṃ
๘. นกุลปิตุสุตฺตํ • 8. Nakulapitusuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗-๘. หาลิทฺทิกานิสุตฺตาทิวณฺณนา • 7-8. Hāliddikānisuttādivaṇṇanā
