| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7-8. හාලිද්‌දිකානිසුත්‌තාදිවණ්‌ණනා
7-8. Hāliddikānisuttādivaṇṇanā
130-131. සත්‌තමෙ මනාපං ඉත්‌ථෙතන්‌ති පජානාතීති යං අනෙන මනාපං රූපං දිට්‌ඨං, තං ඉත්‌ථෙතන්‌ති එවමෙතං මනාපමෙව තන්‌ති පජානාති. චක්‌ඛුවිඤ්‌ඤාණං සුඛවෙදනියඤ්‌ච ඵස්‌සං පටිච්‌චාති චක්‌ඛුවිඤ්‌ඤාණඤ්‌චෙව, යො ච උපනිස්‌සයකොටියා වා අනන්‌තරකොටියා වා සමනන්‌තරකොටියා වා සම්‌පයුත්‌තකොටියා වා සුඛවෙදනාය පච්‌චයො ඵස්‌සො, තං සුඛවෙදනියං ඵස්‌සඤ්‌ච පටිච්‌ච උප්‌පජ්‌ජති සුඛවෙදනාති. එස නයො සබ්‌බත්‌ථ. ඉති ඉමෙසු ද්‌වීසු සුත්‌තෙසු කිරියාමනොවිඤ්‌ඤාණධාතු ආවජ්‌ජනකිච්‌චා, මනොධාතුයෙව වා සමානා මනොධාතුනාමෙන වුත්‌තාති වෙදිතබ්‌බා. අට්‌ඨමං උත්‌තානමෙව.
130-131. Sattame manāpaṃ itthetanti pajānātīti yaṃ anena manāpaṃ rūpaṃ diṭṭhaṃ, taṃ itthetanti evametaṃ manāpameva tanti pajānāti. Cakkhuviññāṇaṃ sukhavedaniyañca phassaṃ paṭiccāti cakkhuviññāṇañceva, yo ca upanissayakoṭiyā vā anantarakoṭiyā vā samanantarakoṭiyā vā sampayuttakoṭiyā vā sukhavedanāya paccayo phasso, taṃ sukhavedaniyaṃ phassañca paṭicca uppajjati sukhavedanāti. Esa nayo sabbattha. Iti imesu dvīsu suttesu kiriyāmanoviññāṇadhātu āvajjanakiccā, manodhātuyeva vā samānā manodhātunāmena vuttāti veditabbā. Aṭṭhamaṃ uttānameva.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
7. හාලිද්‌දිකානිසුත්‌තං • 7. Hāliddikānisuttaṃ
8. නකුලපිතුසුත්‌තං • 8. Nakulapitusuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7-8. හාලිද්‌දිකානිසුත්‌තාදිවණ්‌ණනා • 7-8. Hāliddikānisuttādivaṇṇanā
