| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
7-8. හාලිද්‌දිකානිසුත්‌තාදිවණ්‌ණනා
7-8. Hāliddikānisuttādivaṇṇanā
130-131. තං ඉත්‌ථෙතන්‌ති චක්‌ඛුනා යං රූපං දිට්‌ඨං, තං ඉත්‌ථන්‌ති අත්‌ථො. තං සුඛවෙදනියන්‌ති තං සුඛවෙදනාය උපනිස්‌සයකොටියා පච්‌චයභූතං චක්‌ඛුවිඤ්‌ඤාණඤ්‌චෙව, යො ච යථාරහං උපනිස්‌සයකොටියා වා, අනන්‌තරො චෙ අනන්‌තරකොටියා වා, සහජාතො චෙ සම්‌පයුත්‌තකොටියා වා, සුඛවෙදනාය පච්‌චයො ඵස්‌සො. තං සුඛවෙදනියඤ්‌ච ඵස්‌සං පටිච්‌ච උප්‌පජ්‌ජති සුඛවෙදනාති යොජනා. එස නයො සබ්‌බත්‌ථ සබ්‌බෙසු සෙසෙසු සත්‌තසු වාරෙසු. මනොධාතුයෙව වා සමානාති අභිධම්‌මනයෙන. සුත්‌තන්‌තනයෙන පන සුඤ්‌ඤතට්‌ඨෙන නිස්‌සත්‌තනිජ්‌ජීවට්‌ඨෙන ච මනොධාතුසමඤ්‌ඤං ලභතෙව. අට්‌ඨමං උත්‌තානමෙව හෙට්‌ඨා වුත්‌තනයත්‌තා.
130-131.Taṃitthetanti cakkhunā yaṃ rūpaṃ diṭṭhaṃ, taṃ itthanti attho. Taṃ sukhavedaniyanti taṃ sukhavedanāya upanissayakoṭiyā paccayabhūtaṃ cakkhuviññāṇañceva, yo ca yathārahaṃ upanissayakoṭiyā vā, anantaro ce anantarakoṭiyā vā, sahajāto ce sampayuttakoṭiyā vā, sukhavedanāya paccayo phasso. Taṃ sukhavedaniyañca phassaṃ paṭicca uppajjati sukhavedanāti yojanā. Esa nayo sabbattha sabbesu sesesu sattasu vāresu. Manodhātuyeva vā samānāti abhidhammanayena. Suttantanayena pana suññataṭṭhena nissattanijjīvaṭṭhena ca manodhātusamaññaṃ labhateva. Aṭṭhamaṃ uttānameva heṭṭhā vuttanayattā.
හාලිද්‌දිකානිසුත්‌තාදිවණ්‌ණනා නිට්‌ඨිතා.
Hāliddikānisuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
7. හාලිද්‌දිකානිසුත්‌තං • 7. Hāliddikānisuttaṃ
8. නකුලපිතුසුත්‌තං • 8. Nakulapitusuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7-8. හාලිද්‌දිකානිසුත්‌තාදිවණ්‌ණනා • 7-8. Hāliddikānisuttādivaṇṇanā
