| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஹாலித்³தி³கானிஸுத்தங்
7. Hāliddikānisuttaṃ
130. ஏகங் ஸமயங் ஆயஸ்மா மஹாகச்சானோ அவந்தீஸு விஹரதி குரரக⁴ரே 1 பபாதே 2 பப்³ப³தே. அத² கோ² ஹாலித்³தி³கானி 3 க³ஹபதி யேனாயஸ்மா மஹாகச்சானோ தேனுபஸங்கமி…பே॰… ஏகமந்தங் நிஸின்னோ கோ² ஹாலித்³தி³கானி க³ஹபதி ஆயஸ்மந்தங் மஹாகச்சானங் ஏதத³வோச – ‘‘வுத்தமித³ங், ப⁴ந்தே, ப⁴க³வதா – ‘தா⁴துனானத்தங் படிச்ச உப்பஜ்ஜதி ப²ஸ்ஸனானத்தங்; ப²ஸ்ஸனானத்தங் படிச்ச உப்பஜ்ஜதி வேத³னானானத்த’ந்தி. கத²ங் நு கோ², ப⁴ந்தே, தா⁴துனானத்தங் படிச்ச உப்பஜ்ஜதி ப²ஸ்ஸனானத்தங்; ப²ஸ்ஸனானத்தங் படிச்ச உப்பஜ்ஜதி வேத³னானானத்த’’ந்தி? ‘‘இத⁴, க³ஹபதி, பி⁴க்கு² சக்கு²னா ரூபங் தி³ஸ்வா ‘மனாபங் இத்தே²த’ந்தி பஜானாதி சக்கு²விஞ்ஞாணங் ஸுக²வேத³னியஞ்ச 4. ப²ஸ்ஸங் படிச்ச உப்பஜ்ஜதி ஸுகா² வேத³னா. சக்கு²னா கோ² பனேவ 5 ரூபங் தி³ஸ்வா ‘அமனாபங் இத்தே²த’ந்தி பஜானாதி சக்கு²விஞ்ஞாணங் து³க்க²வேத³னியஞ்ச. ப²ஸ்ஸங் படிச்ச உப்பஜ்ஜதி து³க்கா² வேத³னா. சக்கு²னா கோ² பனேவ ரூபங் தி³ஸ்வா ‘உபெக்கா²ட்டா²னியங் 6 இத்தே²த’ந்தி பஜானாதி சக்கு²விஞ்ஞாணங் அது³க்க²மஸுக²வேத³னியஞ்ச. ப²ஸ்ஸங் படிச்ச உப்பஜ்ஜதி அது³க்க²மஸுகா² வேத³னா.
130. Ekaṃ samayaṃ āyasmā mahākaccāno avantīsu viharati kuraraghare 7 papāte 8 pabbate. Atha kho hāliddikāni 9 gahapati yenāyasmā mahākaccāno tenupasaṅkami…pe… ekamantaṃ nisinno kho hāliddikāni gahapati āyasmantaṃ mahākaccānaṃ etadavoca – ‘‘vuttamidaṃ, bhante, bhagavatā – ‘dhātunānattaṃ paṭicca uppajjati phassanānattaṃ; phassanānattaṃ paṭicca uppajjati vedanānānatta’nti. Kathaṃ nu kho, bhante, dhātunānattaṃ paṭicca uppajjati phassanānattaṃ; phassanānattaṃ paṭicca uppajjati vedanānānatta’’nti? ‘‘Idha, gahapati, bhikkhu cakkhunā rūpaṃ disvā ‘manāpaṃ ittheta’nti pajānāti cakkhuviññāṇaṃ sukhavedaniyañca 10. Phassaṃ paṭicca uppajjati sukhā vedanā. Cakkhunā kho paneva 11 rūpaṃ disvā ‘amanāpaṃ ittheta’nti pajānāti cakkhuviññāṇaṃ dukkhavedaniyañca. Phassaṃ paṭicca uppajjati dukkhā vedanā. Cakkhunā kho paneva rūpaṃ disvā ‘upekkhāṭṭhāniyaṃ 12 ittheta’nti pajānāti cakkhuviññāṇaṃ adukkhamasukhavedaniyañca. Phassaṃ paṭicca uppajjati adukkhamasukhā vedanā.
‘‘புன சபரங், க³ஹபதி, பி⁴க்கு² ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா…பே॰… ஜிவ்ஹாய ரஸங் ஸாயித்வா…பே॰… காயேன பொ²ட்ட²ப்³ப³ங் பு²ஸித்வா…பே॰… மனஸா த⁴ம்மங் விஞ்ஞாய ‘மனாபங் இத்தே²த’ந்தி பஜானாதி மனோவிஞ்ஞாணங் ஸுக²வேத³னியஞ்ச . ப²ஸ்ஸங் படிச்ச உப்பஜ்ஜதி ஸுகா² வேத³னா. மனஸா கோ² பனேவ த⁴ம்மங் விஞ்ஞாய ‘அமனாபங் இத்தே²த’ந்தி பஜானாதி மனோவிஞ்ஞாணங் து³க்க²வேத³னியஞ்ச. ப²ஸ்ஸங் படிச்ச உப்பஜ்ஜதி து³க்கா² வேத³னா. மனஸா கோ² பனேவ த⁴ம்மங் விஞ்ஞாய ‘உபெக்கா²ட்டா²னியங் இத்தே²த’ந்தி பஜானாதி மனோவிஞ்ஞாணங் அது³க்க²மஸுக²வேத³னியஞ்ச. ப²ஸ்ஸங் படிச்ச உப்பஜ்ஜதி அது³க்க²மஸுகா² வேத³னா. ஏவங் கோ², க³ஹபதி, தா⁴துனானத்தங் படிச்ச உப்பஜ்ஜதி ப²ஸ்ஸனானத்தங்; ப²ஸ்ஸனானத்தங் படிச்ச உப்பஜ்ஜதி வேத³னானானத்த’’ந்தி. ஸத்தமங்.
‘‘Puna caparaṃ, gahapati, bhikkhu sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya ‘manāpaṃ ittheta’nti pajānāti manoviññāṇaṃ sukhavedaniyañca . Phassaṃ paṭicca uppajjati sukhā vedanā. Manasā kho paneva dhammaṃ viññāya ‘amanāpaṃ ittheta’nti pajānāti manoviññāṇaṃ dukkhavedaniyañca. Phassaṃ paṭicca uppajjati dukkhā vedanā. Manasā kho paneva dhammaṃ viññāya ‘upekkhāṭṭhāniyaṃ ittheta’nti pajānāti manoviññāṇaṃ adukkhamasukhavedaniyañca. Phassaṃ paṭicca uppajjati adukkhamasukhā vedanā. Evaṃ kho, gahapati, dhātunānattaṃ paṭicca uppajjati phassanānattaṃ; phassanānattaṃ paṭicca uppajjati vedanānānatta’’nti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7-8. ஹாலித்³தி³கானிஸுத்தாதி³வண்ணனா • 7-8. Hāliddikānisuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7-8. ஹாலித்³தி³கானிஸுத்தாதி³வண்ணனா • 7-8. Hāliddikānisuttādivaṇṇanā
