Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    7. хаалид̣̇д̣̇игаанисуд̇д̇ам̣

    7. Hāliddikānisuttaṃ

    130. згам̣ самаяам̣ ааяасмаа махаагажжаано аванд̇ийсу вихарад̇и гурарагхарз 1 бабаад̇з 2 баб̣б̣ад̇з. ат̇а ко хаалид̣̇д̣̇игаани 3 г̇ахабад̇и язнааяасмаа махаагажжаано д̇знубасан̇гами…бз… згаманд̇ам̣ нисинно ко хаалид̣̇д̣̇игаани г̇ахабад̇и ааяасманд̇ам̣ махаагажжаанам̣ зд̇ад̣̇авожа – ‘‘вуд̇д̇амид̣̇ам̣, бханд̇з, бхаг̇авад̇аа – ‘д̇хаад̇унаанад̇д̇ам̣ бадижжа уббаж̇ж̇ад̇и пассанаанад̇д̇ам̣; пассанаанад̇д̇ам̣ бадижжа уббаж̇ж̇ад̇и взд̣̇анаанаанад̇д̇а’нд̇и. гат̇ам̣ ну ко, бханд̇з, д̇хаад̇унаанад̇д̇ам̣ бадижжа уббаж̇ж̇ад̇и пассанаанад̇д̇ам̣; пассанаанад̇д̇ам̣ бадижжа уббаж̇ж̇ад̇и взд̣̇анаанаанад̇д̇а’’нд̇и? ‘‘ид̇ха, г̇ахабад̇и, бхигку жагкунаа руубам̣ д̣̇исваа ‘манаабам̣ ид̇т̇зд̇а’нд̇и баж̇аанаад̇и жагкувин̃н̃аан̣ам̣ сукавзд̣̇анияан̃жа 4. пассам̣ бадижжа уббаж̇ж̇ад̇и сукаа взд̣̇анаа. жагкунаа ко банзва 5 руубам̣ д̣̇исваа ‘аманаабам̣ ид̇т̇зд̇а’нд̇и баж̇аанаад̇и жагкувин̃н̃аан̣ам̣ д̣̇угкавзд̣̇анияан̃жа. пассам̣ бадижжа уббаж̇ж̇ад̇и д̣̇угкаа взд̣̇анаа. жагкунаа ко банзва руубам̣ д̣̇исваа ‘убзгкаадтаанияам̣ 6 ид̇т̇зд̇а’нд̇и баж̇аанаад̇и жагкувин̃н̃аан̣ам̣ ад̣̇угкамасукавзд̣̇анияан̃жа. пассам̣ бадижжа уббаж̇ж̇ад̇и ад̣̇угкамасукаа взд̣̇анаа.

    130. Ekaṃ samayaṃ āyasmā mahākaccāno avantīsu viharati kuraraghare 7 papāte 8 pabbate. Atha kho hāliddikāni 9 gahapati yenāyasmā mahākaccāno tenupasaṅkami…pe… ekamantaṃ nisinno kho hāliddikāni gahapati āyasmantaṃ mahākaccānaṃ etadavoca – ‘‘vuttamidaṃ, bhante, bhagavatā – ‘dhātunānattaṃ paṭicca uppajjati phassanānattaṃ; phassanānattaṃ paṭicca uppajjati vedanānānatta’nti. Kathaṃ nu kho, bhante, dhātunānattaṃ paṭicca uppajjati phassanānattaṃ; phassanānattaṃ paṭicca uppajjati vedanānānatta’’nti? ‘‘Idha, gahapati, bhikkhu cakkhunā rūpaṃ disvā ‘manāpaṃ ittheta’nti pajānāti cakkhuviññāṇaṃ sukhavedaniyañca 10. Phassaṃ paṭicca uppajjati sukhā vedanā. Cakkhunā kho paneva 11 rūpaṃ disvā ‘amanāpaṃ ittheta’nti pajānāti cakkhuviññāṇaṃ dukkhavedaniyañca. Phassaṃ paṭicca uppajjati dukkhā vedanā. Cakkhunā kho paneva rūpaṃ disvā ‘upekkhāṭṭhāniyaṃ 12 ittheta’nti pajānāti cakkhuviññāṇaṃ adukkhamasukhavedaniyañca. Phassaṃ paṭicca uppajjati adukkhamasukhā vedanā.

    ‘‘буна жабарам̣, г̇ахабад̇и, бхигку сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа ‘манаабам̣ ид̇т̇зд̇а’нд̇и баж̇аанаад̇и мановин̃н̃аан̣ам̣ сукавзд̣̇анияан̃жа . пассам̣ бадижжа уббаж̇ж̇ад̇и сукаа взд̣̇анаа. манасаа ко банзва д̇хаммам̣ вин̃н̃ааяа ‘аманаабам̣ ид̇т̇зд̇а’нд̇и баж̇аанаад̇и мановин̃н̃аан̣ам̣ д̣̇угкавзд̣̇анияан̃жа. пассам̣ бадижжа уббаж̇ж̇ад̇и д̣̇угкаа взд̣̇анаа. манасаа ко банзва д̇хаммам̣ вин̃н̃ааяа ‘убзгкаадтаанияам̣ ид̇т̇зд̇а’нд̇и баж̇аанаад̇и мановин̃н̃аан̣ам̣ ад̣̇угкамасукавзд̣̇анияан̃жа. пассам̣ бадижжа уббаж̇ж̇ад̇и ад̣̇угкамасукаа взд̣̇анаа. звам̣ ко, г̇ахабад̇и, д̇хаад̇унаанад̇д̇ам̣ бадижжа уббаж̇ж̇ад̇и пассанаанад̇д̇ам̣; пассанаанад̇д̇ам̣ бадижжа уббаж̇ж̇ад̇и взд̣̇анаанаанад̇д̇а’’нд̇и. сад̇д̇амам̣.

    ‘‘Puna caparaṃ, gahapati, bhikkhu sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya ‘manāpaṃ ittheta’nti pajānāti manoviññāṇaṃ sukhavedaniyañca . Phassaṃ paṭicca uppajjati sukhā vedanā. Manasā kho paneva dhammaṃ viññāya ‘amanāpaṃ ittheta’nti pajānāti manoviññāṇaṃ dukkhavedaniyañca. Phassaṃ paṭicca uppajjati dukkhā vedanā. Manasā kho paneva dhammaṃ viññāya ‘upekkhāṭṭhāniyaṃ ittheta’nti pajānāti manoviññāṇaṃ adukkhamasukhavedaniyañca. Phassaṃ paṭicca uppajjati adukkhamasukhā vedanā. Evaṃ kho, gahapati, dhātunānattaṃ paṭicca uppajjati phassanānattaṃ; phassanānattaṃ paṭicca uppajjati vedanānānatta’’nti. Sattamaṃ.




    Next: 8. нагулабид̇усуд̇д̇ам̣ • 8. Nakulapitusuttaṃ




    Footnotes:
    1. гулагхарз (сяаа. га.)
    2. бавад̇д̇з (сий. бий.), самбавад̇д̇з (сяаа. гам̣. га.) зд̇т̇зва адтамабидтзби
    3. хаалид̣̇д̣̇агаани (сий. сяаа. гам̣.)
    4. сукавзд̣̇анияам̣, сукавзд̣̇анияам̣ (сий. бий.), сукавзд̣̇анияан̃жа, сукавзд̣̇анияам̣ (сяаа. гам̣. га.) звам̣ ‘‘д̣̇угкавзд̣̇анияан̃жа ад̣̇угкамасукавзд̣̇анияан̃жаа’’д̇и бад̣̇зсуби. адтагат̇аадийгаа ологзд̇аб̣б̣аа
    5. банзвам̣ (сяаа. гам̣. га.)
    6. убзгкаавзд̣̇анияам̣ (га.)
    7. kulaghare (syā. ka.)
    8. pavatte (sī. pī.), sampavatte (syā. kaṃ. ka.) ettheva aṭṭhamapiṭṭhepi
    9. hāliddakāni (sī. syā. kaṃ.)
    10. sukhavedaniyaṃ, sukhavedaniyaṃ (sī. pī.), sukhavedaniyañca, sukhavedaniyaṃ (syā. kaṃ. ka.) evaṃ ‘‘dukkhavedaniyañca adukkhamasukhavedaniyañcā’’ti padesupi. aṭṭhakathāṭīkā oloketabbā
    11. panevaṃ (syā. kaṃ. ka.)
    12. upekkhāvedaniyaṃ (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7-8. хаалид̣̇д̣̇игаанисуд̇д̇аад̣̇иван̣н̣анаа • 7-8. Hāliddikānisuttādivaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7-8. хаалид̣̇д̣̇игаанисуд̇д̇аад̣̇иван̣н̣анаа • 7-8. Hāliddikānisuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact