| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
ஹரணககதா²வண்ணனா
Haraṇakakathāvaṇṇanā
111. ஹரணககதா²யங் ஹரணகந்தி ஹரியமானங். அபி⁴முக²ங் கத்வா கட்³ட⁴னங் ஆகட்³ட⁴னங், ஸேஸதி³ஸாகட்³ட⁴னங் விகட்³ட⁴னங். பாத³ங் அக்³க⁴தி, பாராஜிகமேவாதி எத்த² அந்தங் ந க³ண்ஹாமீதி அஸல்லக்கி²தத்தா அந்தஸ்ஸ ச க³ண்ஹிஸ்ஸாமீதி ஸல்லக்கி²தஸ்ஸேவ படஸ்ஸ ஏகதே³ஸத்தா பாராஜிகங் வுத்தங். ஸஹப⁴ண்ட³ஹாரகந்தி ப⁴ண்ட³ஹாரகேன ஸத்³தி⁴ங். ஸந்தஜ்ஜெத்வாதி த⁴னுஆதீ³ஹி ஸந்தஜ்ஜெத்வா.
111. Haraṇakakathāyaṃ haraṇakanti hariyamānaṃ. Abhimukhaṃ katvā kaḍḍhanaṃ ākaḍḍhanaṃ, sesadisākaḍḍhanaṃ vikaḍḍhanaṃ. Pādaṃ agghati, pārājikamevāti ettha antaṃ na gaṇhāmīti asallakkhitattā antassa ca gaṇhissāmīti sallakkhitasseva paṭassa ekadesattā pārājikaṃ vuttaṃ. Sahabhaṇḍahārakanti bhaṇḍahārakena saddhiṃ. Santajjetvāti dhanuādīhi santajjetvā.
ஸோதி ப⁴ண்ட³ஹாரகோ. அனஜ்ஜா²வுத்த²கந்தி அபரிக்³க³ஹிதகங், அஸாமிகந்தி அத்தோ².
Soti bhaṇḍahārako. Anajjhāvutthakanti apariggahitakaṃ, asāmikanti attho.
ஆஹராபெந்தே தா³தப்³ப³ந்தி எத்த² ‘‘ச²ட்³டெ³த்வா து⁴ரங் நிக்கி²பித்வா க³தானம்பி நிராலயானங் புன ஆஹராபனஸ்ஸ வுத்தத்தா பி⁴க்கூ²னம்பி அத்தனோ ஸந்தகே பரிக்கா²ரே அச்சி²ந்தி³த்வா பரேஹி க³ஹிதே தத்த² து⁴ரனிக்கே²பங் கத்வாபி புன தங் ப³லக்காரேனபி ஆஹராபேதுங் வட்டதீ’’தி தே³ஸவாஸினோ ஆசரியா வத³ந்தி, ஸீஹளதீ³பவாஸினோ பன தங் கேசி ஆசரியா ந இச்ச²ந்தி. தேனேவ மஹாக³ண்டி²பதே³ மஜ்ஜி²மக³ண்டி²பதே³ ச வுத்தங் ‘‘அம்ஹாகங் பன தங் ந ருச்சதீ’’தி. அஞ்ஞேஸூதி மஹாபச்சரிஆதீ³ஸு. விசாரணா ஏவ நத்தீ²தி தத்தா²பி படிக்கே²பாபா⁴வதோ அயமேவத்தோ²தி வுத்தங் ஹோதி.
Āharāpente dātabbanti ettha ‘‘chaḍḍetvā dhuraṃ nikkhipitvā gatānampi nirālayānaṃ puna āharāpanassa vuttattā bhikkhūnampi attano santake parikkhāre acchinditvā parehi gahite tattha dhuranikkhepaṃ katvāpi puna taṃ balakkārenapi āharāpetuṃ vaṭṭatī’’ti desavāsino ācariyā vadanti, sīhaḷadīpavāsino pana taṃ keci ācariyā na icchanti. Teneva mahāgaṇṭhipade majjhimagaṇṭhipade ca vuttaṃ ‘‘amhākaṃ pana taṃ na ruccatī’’ti. Aññesūti mahāpaccariādīsu. Vicāraṇā eva natthīti tatthāpi paṭikkhepābhāvato ayamevatthoti vuttaṃ hoti.
ஹரணககதா²வண்ணனா நிட்டி²தா.
Haraṇakakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பூ⁴மட்ட²கதா²தி³வண்ணனா • Bhūmaṭṭhakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஹரணககதா²வண்ணனா • Haraṇakakathāvaṇṇanā
