| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
харан̣агагат̇ааван̣н̣анаа
Haraṇakakathāvaṇṇanā
111. харан̣агагат̇ааяам̣ харан̣аганд̇и вад̇т̇усааминаа харияамаанам̣. со жа баад̣̇ам̣ аг̇гхад̇и, баарааж̇игамзваад̇и ‘‘анд̇ам̣ на г̇ан̣хиссаамий’’д̇и асаллагкид̇ад̇д̇аа сааман̃н̃ад̇о ‘‘г̇ан̣хиссаами зд̇а’’нд̇и саллагкид̇ассзва бадасса згад̣̇зсад̇ааяа д̇амби г̇ан̣хид̇угаамоваад̇и баарааж̇игам̣ вуд̇д̇ам̣. сабхан̣д̣ахаараганд̇и сахабхан̣д̣ахаарагам̣, сагаараад̣̇зсасса вигаббад̇д̇аа саха сад̣̇д̣̇ова тид̇о, бхан̣д̣ахаарагзна саха д̇ам̣ бхан̣д̣анд̇и ад̇т̇о. саасан̇год̇и ‘‘яад̣̇и убасан̇гамид̇ваа бхан̣д̣ам̣ г̇ан̣хиссаами, аавуд̇хзна мам̣ бахарзяяаа’’д̇и бхаязна сан̃ж̇аад̇аасан̇го. згаманд̇ам̣ бадиггаммаад̇и бхаязнзва анубаг̇анд̇ваа маг̇г̇ад̇о саяам̣ бадиггамма. санд̇аж̇ж̇зд̇ваад̇и парусаваажааяа жзва аавуд̇хабаривад̇д̇анаад̣̇игааяавигаарзна жа санд̇аж̇ж̇зд̇ваа. анаж̇жхаавуд̇т̇аганд̇и абариг̇г̇ахид̇агам̣. аалаязна анад̇химуд̇д̇амби бхан̣д̣ам̣ анаж̇жхаавуд̇т̇агам̣ наама ход̇ийд̇и ааха ‘‘аахараабзнд̇з д̣̇аад̇аб̣б̣а’’нд̇и, иминаа батамам̣ барижжад̇д̇аалаяаанамби яад̣̇и бажчааби сагасан̃н̃аа уббаж̇ж̇ад̇и, д̇зсан̃н̃зва д̇ам̣ бхан̣д̣ам̣ ход̇и, б̣алаггаарзнааби сагасан̃н̃ааяа д̇асса г̇ахан̣з д̣̇осо над̇т̇и, ад̣̇ад̣̇анд̇ассзва авахаарод̇и д̣̇ассзд̇и. яад̣̇и бана саамино ‘‘барижжад̇д̇ам̣ маяаа батамам̣, ид̣̇аани мама санд̇агам̣ ваа зд̇ам̣, но’’д̇и аасан̇гаа ход̇и, б̣алаггаарзна г̇ахзд̇ум̣ на ваддад̇и сагасан̃н̃ааб̣алзнзва буна г̇ахзд̇аб̣б̣абхаавасса аабаннад̇д̇аа. ‘‘ад̣̇знд̇асса баарааж̇ига’’нд̇и важанад̇о жорасса сагасан̃н̃ааяа виж̇ж̇амаанааяаби саамигзсу саалаязсу ад̣̇аад̇ум̣ на ваддад̇ийд̇и д̣̇ийбид̇ам̣ ход̇и. ан̃н̃зсууд̇и махаабажжарияаад̣̇ийсу. вижааран̣ааязва над̇т̇ийд̇и иминаа д̇ад̇т̇ааби бадигкзбаабхаавад̇о аяамзва ад̇т̇од̇и д̣̇ассзд̇и.
111. Haraṇakakathāyaṃ haraṇakanti vatthusāminā hariyamānaṃ. So ca pādaṃ agghati, pārājikamevāti ‘‘antaṃ na gaṇhissāmī’’ti asallakkhitattā sāmaññato ‘‘gaṇhissāmi eta’’nti sallakkhitasseva paṭassa ekadesatāya tampi gaṇhitukāmovāti pārājikaṃ vuttaṃ. Sabhaṇḍahārakanti sahabhaṇḍahārakaṃ, sakārādesassa vikappattā saha saddova ṭhito, bhaṇḍahārakena saha taṃ bhaṇḍanti attho. Sāsaṅkoti ‘‘yadi upasaṅkamitvā bhaṇḍaṃ gaṇhissāmi, āvudhena maṃ pahareyyā’’ti bhayena sañjātāsaṅko. Ekamantaṃ paṭikkammāti bhayeneva anupagantvā maggato sayaṃ paṭikkamma. Santajjetvāti pharusavācāya ceva āvudhaparivattanādikāyavikārena ca santajjetvā. Anajjhāvutthakanti apariggahitakaṃ. Ālayena anadhimuttampi bhaṇḍaṃ anajjhāvutthakaṃ nāma hotīti āha ‘‘āharāpente dātabba’’nti, iminā paṭhamaṃ pariccattālayānampi yadi pacchāpi sakasaññā uppajjati, tesaññeva taṃ bhaṇḍaṃ hoti, balakkārenāpi sakasaññāya tassa gahaṇe doso natthi, adadantasseva avahāroti dasseti. Yadi pana sāmino ‘‘pariccattaṃ mayā paṭhamaṃ, idāni mama santakaṃ vā etaṃ, no’’ti āsaṅkā hoti, balakkārena gahetuṃ na vaṭṭati sakasaññābaleneva puna gahetabbabhāvassa āpannattā. ‘‘Adentassa pārājika’’nti vacanato corassa sakasaññāya vijjamānāyapi sāmikesu sālayesu adātuṃ na vaṭṭatīti dīpitaṃ hoti. Aññesūti mahāpaccariyādīsu. Vicāraṇāyeva natthīti iminā tatthāpi paṭikkhepābhāvato ayameva atthoti dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / харан̣агагат̇ааван̣н̣анаа • Haraṇakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
