| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
ဟရဏကကထာဝဏ္ဏနာ
Haraṇakakathāvaṇṇanā
၁၁၁. ဟရဏကကထာယံ ဟရဏကန္တိ ဟရိယမာနံ။ အဘိမုခံ ကတ္ဝာ ကဍ္ဎနံ အာကဍ္ဎနံ, သေသဒိသာကဍ္ဎနံ ဝိကဍ္ဎနံ။ ပာဒံ အဂ္ဃတိ, ပာရာဇိကမေဝာတိ ဧတ္ထ အန္တံ န ဂဏ္ဟာမီတိ အသလ္လက္ခိတတ္တာ အန္တသ္သ စ ဂဏ္ဟိသ္သာမီတိ သလ္လက္ခိတသ္သေဝ ပဋသ္သ ဧကဒေသတ္တာ ပာရာဇိကံ ဝုတ္တံ။ သဟဘဏ္ဍဟာရကန္တိ ဘဏ္ဍဟာရကေန သဒ္ဓိံ။ သန္တဇ္ဇေတ္ဝာတိ ဓနုအာဒီဟိ သန္တဇ္ဇေတ္ဝာ။
111. Haraṇakakathāyaṃ haraṇakanti hariyamānaṃ. Abhimukhaṃ katvā kaḍḍhanaṃ ākaḍḍhanaṃ, sesadisākaḍḍhanaṃ vikaḍḍhanaṃ. Pādaṃ agghati, pārājikamevāti ettha antaṃ na gaṇhāmīti asallakkhitattā antassa ca gaṇhissāmīti sallakkhitasseva paṭassa ekadesattā pārājikaṃ vuttaṃ. Sahabhaṇḍahārakanti bhaṇḍahārakena saddhiṃ. Santajjetvāti dhanuādīhi santajjetvā.
သောတိ ဘဏ္ဍဟာရကော။ အနဇ္ဈာဝုတ္ထကန္တိ အပရိဂ္ဂဟိတကံ, အသာမိကန္တိ အတ္ထော။
Soti bhaṇḍahārako. Anajjhāvutthakanti apariggahitakaṃ, asāmikanti attho.
အာဟရာပေန္တေ ဒာတဗ္ဗန္တိ ဧတ္ထ ‘‘ဆဍ္ဍေတ္ဝာ ဓုရံ နိက္ခိပိတ္ဝာ ဂတာနမ္ပိ နိရာလယာနံ ပုန အာဟရာပနသ္သ ဝုတ္တတ္တာ ဘိက္ခူနမ္ပိ အတ္တနော သန္တကေ ပရိက္ခာရေ အစ္ဆိန္ဒိတ္ဝာ ပရေဟိ ဂဟိတေ တတ္ထ ဓုရနိက္ခေပံ ကတ္ဝာပိ ပုန တံ ဗလက္ကာရေနပိ အာဟရာပေတုံ ဝဋ္ဋတီ’’တိ ဒေသဝာသိနော အာစရိယာ ဝဒန္တိ, သီဟဠဒီပဝာသိနော ပန တံ ကေစိ အာစရိယာ န ဣစ္ဆန္တိ။ တေနေဝ မဟာဂဏ္ဌိပဒေ မဇ္ဈိမဂဏ္ဌိပဒေ စ ဝုတ္တံ ‘‘အမ္ဟာကံ ပန တံ န ရုစ္စတီ’’တိ။ အညေသူတိ မဟာပစ္စရိအာဒီသု။ ဝိစာရဏာ ဧဝ နတ္ထီတိ တတ္ထာပိ ပဋိက္ခေပာဘာဝတော အယမေဝတ္ထောတိ ဝုတ္တံ ဟောတိ။
Āharāpente dātabbanti ettha ‘‘chaḍḍetvā dhuraṃ nikkhipitvā gatānampi nirālayānaṃ puna āharāpanassa vuttattā bhikkhūnampi attano santake parikkhāre acchinditvā parehi gahite tattha dhuranikkhepaṃ katvāpi puna taṃ balakkārenapi āharāpetuṃ vaṭṭatī’’ti desavāsino ācariyā vadanti, sīhaḷadīpavāsino pana taṃ keci ācariyā na icchanti. Teneva mahāgaṇṭhipade majjhimagaṇṭhipade ca vuttaṃ ‘‘amhākaṃ pana taṃ na ruccatī’’ti. Aññesūti mahāpaccariādīsu. Vicāraṇā eva natthīti tatthāpi paṭikkhepābhāvato ayamevatthoti vuttaṃ hoti.
ဟရဏကကထာဝဏ္ဏနာ နိဋ္ဌိတာ။
Haraṇakakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဒုတိယပာရာဇိကံ • 2. Dutiyapārājikaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ဒုတိယပာရာဇိကံ • 2. Dutiyapārājikaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဘူမဋ္ဌကထာဒိဝဏ္ဏနာ • Bhūmaṭṭhakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဟရဏကကထာဝဏ္ဏနာ • Haraṇakakathāvaṇṇanā
