| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
හරණකකථාවණ්‌ණනා
Haraṇakakathāvaṇṇanā
111. හරණකකථායං හරණකන්‌ති හරියමානං. අභිමුඛං කත්‌වා කඩ්‌ඪනං ආකඩ්‌ඪනං, සෙසදිසාකඩ්‌ඪනං විකඩ්‌ඪනං. පාදං අග්‌ඝති, පාරාජිකමෙවාති එත්‌ථ අන්‌තං න ගණ්‌හාමීති අසල්‌ලක්‌ඛිතත්‌තා අන්‌තස්‌ස ච ගණ්‌හිස්‌සාමීති සල්‌ලක්‌ඛිතස්‌සෙව පටස්‌ස එකදෙසත්‌තා පාරාජිකං වුත්‌තං. සහභණ්‌ඩහාරකන්‌ති භණ්‌ඩහාරකෙන සද්‌ධිං. සන්‌තජ්‌ජෙත්‌වාති ධනුආදීහි සන්‌තජ්‌ජෙත්‌වා.
111. Haraṇakakathāyaṃ haraṇakanti hariyamānaṃ. Abhimukhaṃ katvā kaḍḍhanaṃ ākaḍḍhanaṃ, sesadisākaḍḍhanaṃ vikaḍḍhanaṃ. Pādaṃ agghati, pārājikamevāti ettha antaṃ na gaṇhāmīti asallakkhitattā antassa ca gaṇhissāmīti sallakkhitasseva paṭassa ekadesattā pārājikaṃ vuttaṃ. Sahabhaṇḍahārakanti bhaṇḍahārakena saddhiṃ. Santajjetvāti dhanuādīhi santajjetvā.
සොති භණ්‌ඩහාරකො. අනජ්‌ඣාවුත්‌ථකන්‌ති අපරිග්‌ගහිතකං, අසාමිකන්‌ති අත්‌ථො.
Soti bhaṇḍahārako. Anajjhāvutthakanti apariggahitakaṃ, asāmikanti attho.
ආහරාපෙන්‌තෙ දාතබ්‌බන්‌ති එත්‌ථ ‘‘ඡඩ්‌ඩෙත්‌වා ධුරං නික්‌ඛිපිත්‌වා ගතානම්‌පි නිරාලයානං පුන ආහරාපනස්‌ස වුත්‌තත්‌තා භික්‌ඛූනම්‌පි අත්‌තනො සන්‌තකෙ පරික්‌ඛාරෙ අච්‌ඡින්‌දිත්‌වා පරෙහි ගහිතෙ තත්‌ථ ධුරනික්‌ඛෙපං කත්‌වාපි පුන තං බලක්‌කාරෙනපි ආහරාපෙතුං වට්‌ටතී’’ති දෙසවාසිනො ආචරියා වදන්‌ති, සීහළදීපවාසිනො පන තං කෙචි ආචරියා න ඉච්‌ඡන්‌ති. තෙනෙව මහාගණ්‌ඨිපදෙ මජ්‌ඣිමගණ්‌ඨිපදෙ ච වුත්‌තං ‘‘අම්‌හාකං පන තං න රුච්‌චතී’’ති. අඤ්‌ඤෙසූති මහාපච්‌චරිආදීසු. විචාරණා එව නත්‌ථීති තත්‌ථාපි පටික්‌ඛෙපාභාවතො අයමෙවත්‌ථොති වුත්‌තං හොති.
Āharāpente dātabbanti ettha ‘‘chaḍḍetvā dhuraṃ nikkhipitvā gatānampi nirālayānaṃ puna āharāpanassa vuttattā bhikkhūnampi attano santake parikkhāre acchinditvā parehi gahite tattha dhuranikkhepaṃ katvāpi puna taṃ balakkārenapi āharāpetuṃ vaṭṭatī’’ti desavāsino ācariyā vadanti, sīhaḷadīpavāsino pana taṃ keci ācariyā na icchanti. Teneva mahāgaṇṭhipade majjhimagaṇṭhipade ca vuttaṃ ‘‘amhākaṃ pana taṃ na ruccatī’’ti. Aññesūti mahāpaccariādīsu. Vicāraṇā eva natthīti tatthāpi paṭikkhepābhāvato ayamevatthoti vuttaṃ hoti.
හරණකකථාවණ්‌ණනා නිට්‌ඨිතා.
Haraṇakakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. දුතියපාරාජිකං • 2. Dutiyapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 2. දුතියපාරාජිකං • 2. Dutiyapārājikaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / භූමට්‌ඨකථාදිවණ්‌ණනා • Bhūmaṭṭhakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / හරණකකථාවණ්‌ණනා • Haraṇakakathāvaṇṇanā
