Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਹਰਣਕਕਥਾવਣ੍ਣਨਾ
Haraṇakakathāvaṇṇanā
੧੧੧. ਹਰਣਕਕਥਾਯਂ ਹਰਣਕਨ੍ਤਿ વਤ੍ਥੁਸਾਮਿਨਾ ਹਰਿਯਮਾਨਂ। ਸੋ ਚ ਪਾਦਂ ਅਗ੍ਘਤਿ, ਪਾਰਾਜਿਕਮੇવਾਤਿ ‘‘ਅਨ੍ਤਂ ਨ ਗਣ੍ਹਿਸ੍ਸਾਮੀ’’ਤਿ ਅਸਲ੍ਲਕ੍ਖਿਤਤ੍ਤਾ ਸਾਮਞ੍ਞਤੋ ‘‘ਗਣ੍ਹਿਸ੍ਸਾਮਿ ਏਤ’’ਨ੍ਤਿ ਸਲ੍ਲਕ੍ਖਿਤਸ੍ਸੇવ ਪਟਸ੍ਸ ਏਕਦੇਸਤਾਯ ਤਮ੍ਪਿ ਗਣ੍ਹਿਤੁਕਾਮੋવਾਤਿ ਪਾਰਾਜਿਕਂ વੁਤ੍ਤਂ। ਸਭਣ੍ਡਹਾਰਕਨ੍ਤਿ ਸਹਭਣ੍ਡਹਾਰਕਂ, ਸਕਾਰਾਦੇਸਸ੍ਸ વਿਕਪ੍ਪਤ੍ਤਾ ਸਹ ਸਦ੍ਦੋવ ਠਿਤੋ, ਭਣ੍ਡਹਾਰਕੇਨ ਸਹ ਤਂ ਭਣ੍ਡਨ੍ਤਿ ਅਤ੍ਥੋ। ਸਾਸਙ੍ਕੋਤਿ ‘‘ਯਦਿ ਉਪਸਙ੍ਕਮਿਤ੍વਾ ਭਣ੍ਡਂ ਗਣ੍ਹਿਸ੍ਸਾਮਿ, ਆવੁਧੇਨ ਮਂ ਪਹਰੇਯ੍ਯਾ’’ਤਿ ਭਯੇਨ ਸਞ੍ਜਾਤਾਸਙ੍ਕੋ। ਏਕਮਨ੍ਤਂ ਪਟਿਕ੍ਕਮ੍ਮਾਤਿ ਭਯੇਨੇવ ਅਨੁਪਗਨ੍ਤ੍વਾ ਮਗ੍ਗਤੋ ਸਯਂ ਪਟਿਕ੍ਕਮ੍ਮ। ਸਨ੍ਤਜ੍ਜੇਤ੍વਾਤਿ ਫਰੁਸવਾਚਾਯ ਚੇવ ਆવੁਧਪਰਿવਤ੍ਤਨਾਦਿਕਾਯવਿਕਾਰੇਨ ਚ ਸਨ੍ਤਜ੍ਜੇਤ੍વਾ। ਅਨਜ੍ਝਾવੁਤ੍ਥਕਨ੍ਤਿ ਅਪਰਿਗ੍ਗਹਿਤਕਂ। ਆਲਯੇਨ ਅਨਧਿਮੁਤ੍ਤਮ੍ਪਿ ਭਣ੍ਡਂ ਅਨਜ੍ਝਾવੁਤ੍ਥਕਂ ਨਾਮ ਹੋਤੀਤਿ ਆਹ ‘‘ਆਹਰਾਪੇਨ੍ਤੇ ਦਾਤਬ੍ਬ’’ਨ੍ਤਿ, ਇਮਿਨਾ ਪਠਮਂ ਪਰਿਚ੍ਚਤ੍ਤਾਲਯਾਨਮ੍ਪਿ ਯਦਿ ਪਚ੍ਛਾਪਿ ਸਕਸਞ੍ਞਾ ਉਪ੍ਪਜ੍ਜਤਿ, ਤੇਸਞ੍ਞੇવ ਤਂ ਭਣ੍ਡਂ ਹੋਤਿ, ਬਲਕ੍ਕਾਰੇਨਾਪਿ ਸਕਸਞ੍ਞਾਯ ਤਸ੍ਸ ਗਹਣੇ ਦੋਸੋ ਨਤ੍ਥਿ, ਅਦਦਨ੍ਤਸ੍ਸੇવ ਅવਹਾਰੋਤਿ ਦਸ੍ਸੇਤਿ। ਯਦਿ ਪਨ ਸਾਮਿਨੋ ‘‘ਪਰਿਚ੍ਚਤ੍ਤਂ ਮਯਾ ਪਠਮਂ, ਇਦਾਨਿ ਮਮ ਸਨ੍ਤਕਂ વਾ ਏਤਂ, ਨੋ’’ਤਿ ਆਸਙ੍ਕਾ ਹੋਤਿ, ਬਲਕ੍ਕਾਰੇਨ ਗਹੇਤੁਂ ਨ વਟ੍ਟਤਿ ਸਕਸਞ੍ਞਾਬਲੇਨੇવ ਪੁਨ ਗਹੇਤਬ੍ਬਭਾવਸ੍ਸ ਆਪਨ੍ਨਤ੍ਤਾ। ‘‘ਅਦੇਨ੍ਤਸ੍ਸ ਪਾਰਾਜਿਕ’’ਨ੍ਤਿ વਚਨਤੋ ਚੋਰਸ੍ਸ ਸਕਸਞ੍ਞਾਯ વਿਜ੍ਜਮਾਨਾਯਪਿ ਸਾਮਿਕੇਸੁ ਸਾਲਯੇਸੁ ਅਦਾਤੁਂ ਨ વਟ੍ਟਤੀਤਿ ਦੀਪਿਤਂ ਹੋਤਿ। ਅਞ੍ਞੇਸੂਤਿ ਮਹਾਪਚ੍ਚਰਿਯਾਦੀਸੁ। વਿਚਾਰਣਾਯੇવ ਨਤ੍ਥੀਤਿ ਇਮਿਨਾ ਤਤ੍ਥਾਪਿ ਪਟਿਕ੍ਖੇਪਾਭਾવਤੋ ਅਯਮੇવ ਅਤ੍ਥੋਤਿ ਦਸ੍ਸੇਤਿ।
111. Haraṇakakathāyaṃ haraṇakanti vatthusāminā hariyamānaṃ. So ca pādaṃ agghati, pārājikamevāti ‘‘antaṃ na gaṇhissāmī’’ti asallakkhitattā sāmaññato ‘‘gaṇhissāmi eta’’nti sallakkhitasseva paṭassa ekadesatāya tampi gaṇhitukāmovāti pārājikaṃ vuttaṃ. Sabhaṇḍahārakanti sahabhaṇḍahārakaṃ, sakārādesassa vikappattā saha saddova ṭhito, bhaṇḍahārakena saha taṃ bhaṇḍanti attho. Sāsaṅkoti ‘‘yadi upasaṅkamitvā bhaṇḍaṃ gaṇhissāmi, āvudhena maṃ pahareyyā’’ti bhayena sañjātāsaṅko. Ekamantaṃ paṭikkammāti bhayeneva anupagantvā maggato sayaṃ paṭikkamma. Santajjetvāti pharusavācāya ceva āvudhaparivattanādikāyavikārena ca santajjetvā. Anajjhāvutthakanti apariggahitakaṃ. Ālayena anadhimuttampi bhaṇḍaṃ anajjhāvutthakaṃ nāma hotīti āha ‘‘āharāpente dātabba’’nti, iminā paṭhamaṃ pariccattālayānampi yadi pacchāpi sakasaññā uppajjati, tesaññeva taṃ bhaṇḍaṃ hoti, balakkārenāpi sakasaññāya tassa gahaṇe doso natthi, adadantasseva avahāroti dasseti. Yadi pana sāmino ‘‘pariccattaṃ mayā paṭhamaṃ, idāni mama santakaṃ vā etaṃ, no’’ti āsaṅkā hoti, balakkārena gahetuṃ na vaṭṭati sakasaññābaleneva puna gahetabbabhāvassa āpannattā. ‘‘Adentassa pārājika’’nti vacanato corassa sakasaññāya vijjamānāyapi sāmikesu sālayesu adātuṃ na vaṭṭatīti dīpitaṃ hoti. Aññesūti mahāpaccariyādīsu. Vicāraṇāyeva natthīti iminā tatthāpi paṭikkhepābhāvato ayameva atthoti dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਹਰਣਕਕਥਾવਣ੍ਣਨਾ • Haraṇakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭੂਮਟ੍ਠਕਥਾਦਿવਣ੍ਣਨਾ • Bhūmaṭṭhakathādivaṇṇanā