| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. ஹரந்திஸுத்தங்
2. Harantisuttaṃ
393. ஸாவத்தி²னிதா³னங் . ‘‘சதஸ்ஸோ இமா, பி⁴க்க²வே, ஸுபண்ணயோனியோ. கதமா சதஸ்ஸோ? அண்ட³ஜா…பே॰… இமா கோ², பி⁴க்க²வே, சதஸ்ஸோ ஸுபண்ணயோனியோ. தத்ர, பி⁴க்க²வே, அண்ட³ஜா ஸுபண்ணா அண்ட³ஜேவ நாகே³ ஹரந்தி, ந ஜலாபு³ஜே, ந ஸங்ஸேத³ஜே, ந ஓபபாதிகே. தத்ர, பி⁴க்க²வே, ஜலாபு³ஜா ஸுபண்ணா அண்ட³ஜே ச ஜலாபு³ஜே ச நாகே³ ஹரந்தி, ந ஸங்ஸேத³ஜே, ந ஓபபாதிகே. தத்ர, பி⁴க்க²வே, ஸங்ஸேத³ஜா ஸுபண்ணா அண்ட³ஜே ச ஜலாபு³ஜே ச ஸங்ஸேத³ஜே ச நாகே³ ஹரந்தி, ந ஓபபாதிகே. தத்ர, பி⁴க்க²வே, ஓபபாதிகா ஸுபண்ணா அண்ட³ஜே ச ஜலாபு³ஜே ச ஸங்ஸேத³ஜே ச ஓபபாதிகே ச நாகே³ ஹரந்தி. இமா கோ², பி⁴க்க²வே, சதஸ்ஸோ ஸுபண்ணயோனியோ’’தி. து³தியங்.
393. Sāvatthinidānaṃ . ‘‘Catasso imā, bhikkhave, supaṇṇayoniyo. Katamā catasso? Aṇḍajā…pe… imā kho, bhikkhave, catasso supaṇṇayoniyo. Tatra, bhikkhave, aṇḍajā supaṇṇā aṇḍajeva nāge haranti, na jalābuje, na saṃsedaje, na opapātike. Tatra, bhikkhave, jalābujā supaṇṇā aṇḍaje ca jalābuje ca nāge haranti, na saṃsedaje, na opapātike. Tatra, bhikkhave, saṃsedajā supaṇṇā aṇḍaje ca jalābuje ca saṃsedaje ca nāge haranti, na opapātike. Tatra, bhikkhave, opapātikā supaṇṇā aṇḍaje ca jalābuje ca saṃsedaje ca opapātike ca nāge haranti. Imā kho, bhikkhave, catasso supaṇṇayoniyo’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஸுபண்ணஸங்யுத்தவண்ணனா • 9. Supaṇṇasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ஸுபண்ணஸங்யுத்தவண்ணனா • 9. Supaṇṇasaṃyuttavaṇṇanā
