| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
២. ហរន្តិសុត្តំ
2. Harantisuttaṃ
៣៩៣. សាវត្ថិនិទានំ ។ ‘‘ចតស្សោ ឥមា, ភិក្ខវេ, សុបណ្ណយោនិយោ។ កតមា ចតស្សោ? អណ្ឌជា…បេ.… ឥមា ខោ, ភិក្ខវេ, ចតស្សោ សុបណ្ណយោនិយោ។ តត្រ, ភិក្ខវេ, អណ្ឌជា សុបណ្ណា អណ្ឌជេវ នាគេ ហរន្តិ, ន ជលាពុជេ, ន សំសេទជេ, ន ឱបបាតិកេ។ តត្រ, ភិក្ខវេ, ជលាពុជា សុបណ្ណា អណ្ឌជេ ច ជលាពុជេ ច នាគេ ហរន្តិ, ន សំសេទជេ, ន ឱបបាតិកេ។ តត្រ, ភិក្ខវេ, សំសេទជា សុបណ្ណា អណ្ឌជេ ច ជលាពុជេ ច សំសេទជេ ច នាគេ ហរន្តិ, ន ឱបបាតិកេ។ តត្រ, ភិក្ខវេ, ឱបបាតិកា សុបណ្ណា អណ្ឌជេ ច ជលាពុជេ ច សំសេទជេ ច ឱបបាតិកេ ច នាគេ ហរន្តិ។ ឥមា ខោ, ភិក្ខវេ, ចតស្សោ សុបណ្ណយោនិយោ’’តិ។ ទុតិយំ។
393. Sāvatthinidānaṃ . ‘‘Catasso imā, bhikkhave, supaṇṇayoniyo. Katamā catasso? Aṇḍajā…pe… imā kho, bhikkhave, catasso supaṇṇayoniyo. Tatra, bhikkhave, aṇḍajā supaṇṇā aṇḍajeva nāge haranti, na jalābuje, na saṃsedaje, na opapātike. Tatra, bhikkhave, jalābujā supaṇṇā aṇḍaje ca jalābuje ca nāge haranti, na saṃsedaje, na opapātike. Tatra, bhikkhave, saṃsedajā supaṇṇā aṇḍaje ca jalābuje ca saṃsedaje ca nāge haranti, na opapātike. Tatra, bhikkhave, opapātikā supaṇṇā aṇḍaje ca jalābuje ca saṃsedaje ca opapātike ca nāge haranti. Imā kho, bhikkhave, catasso supaṇṇayoniyo’’ti. Dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៩. សុបណ្ណសំយុត្តវណ្ណនា • 9. Supaṇṇasaṃyuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៩. សុបណ្ណសំយុត្តវណ្ណនា • 9. Supaṇṇasaṃyuttavaṇṇanā
