| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
431. харид̇ажаж̇аад̇агам̣ (5)
431. Haritacajātakaṃ (5)
40.
40.
суд̇ам̣ мзд̇ам̣ махааб̣рахмз, гаамз бхун̃ж̇ад̇и хаарид̇о;
Sutaṃ metaṃ mahābrahme, kāme bhuñjati hārito;
гажжзд̇ам̣ важанам̣ д̇ужчам̣, гажжи суд̣̇д̇хо ирияяаси.
Kaccetaṃ vacanaṃ tucchaṃ, kacci suddho iriyyasi.
41.
41.
звамзд̇ам̣ махаарааж̇а, яат̇аа д̇з важанам̣ суд̇ам̣;
Evametaṃ mahārāja, yathā te vacanaṃ sutaṃ;
гуммаг̇г̇ам̣ бадибанносми, моханзяязсу мужчид̇о.
Kummaggaṃ paṭipannosmi, mohaneyyesu mucchito.
42.
42.
яааяа уббад̇ид̇ам̣ рааг̇ам̣, гим̣ мано на винод̣̇аяз.
Yāya uppatitaṃ rāgaṃ, kiṃ mano na vinodaye.
43.
43.
жад̇д̇ааромз махаарааж̇а, логз ад̇иб̣алаа бхусаа;
Cattārome mahārāja, loke atibalā bhusā;
рааг̇о д̣̇осо мад̣̇о мохо, яад̇т̇а бан̃н̃аа на г̇аад̇хад̇и.
Rāgo doso mado moho, yattha paññā na gādhati.
44.
44.
арахаа сийласамбанно, суд̣̇д̇хо жарад̇и хаарид̇о;
Arahā sīlasampanno, suddho carati hārito;
мзд̇хаавий бан̣д̣ид̇о жзва, ид̇и но саммад̇о бхавам̣.
Medhāvī paṇḍito ceva, iti no sammato bhavaṃ.
45.
45.
мзд̇хаавийнамби хим̣санд̇и, исим̣ д̇хаммаг̇ун̣з рад̇ам̣;
Medhāvīnampi hiṃsanti, isiṃ dhammaguṇe rataṃ;
вид̇аггаа баабагаа рааж̇а, субхаа рааг̇уубасам̣хид̇аа.
Vitakkā pāpakā rāja, subhā rāgūpasaṃhitā.
46.
46.
уббаннааяам̣ сарийраж̇о, рааг̇о ван̣н̣авид̣̇уусано д̇ава;
Uppannāyaṃ sarīrajo, rāgo vaṇṇavidūsano tava;
д̇ам̣ баж̇аха бхад̣̇д̣̇амад̇т̇у д̇з, б̣ахуннааси мзд̇хаависаммад̇о.
Taṃ pajaha bhaddamatthu te, bahunnāsi medhāvisammato.
47.
47.
д̇зсам̣ муулам̣ г̇авзсиссам̣, чзжчам̣ рааг̇ам̣ саб̣анд̇ханам̣.
Tesaṃ mūlaṃ gavesissaṃ, checchaṃ rāgaṃ sabandhanaṃ.
48.
48.
ид̣̇ам̣ вад̇ваана хаарид̇о, иси сажжабараггамо;
Idaṃ vatvāna hārito, isi saccaparakkamo;
гаамарааг̇ам̣ вирааж̇зд̇ваа, б̣рахмалогуубаг̇о ахууд̇и.
Kāmarāgaṃ virājetvā, brahmalokūpago ahūti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [431] 5. харид̇ажаж̇аад̇агаван̣н̣анаа • [431] 5. Haritacajātakavaṇṇanā
