| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
431. හරිතචජාතකං (5)
431. Haritacajātakaṃ (5)
40.
40.
සුතං මෙතං මහාබ්‍රහ්‌මෙ, කාමෙ භුඤ්‌ජති හාරිතො;
Sutaṃ metaṃ mahābrahme, kāme bhuñjati hārito;
කච්‌චෙතං වචනං තුච්‌ඡං, කච්‌චි සුද්‌ධො ඉරිය්‍යසි.
Kaccetaṃ vacanaṃ tucchaṃ, kacci suddho iriyyasi.
41.
41.
එවමෙතං මහාරාජ, යථා තෙ වචනං සුතං;
Evametaṃ mahārāja, yathā te vacanaṃ sutaṃ;
කුම්‌මග්‌ගං පටිපන්‌නොස්‌මි, මොහනෙය්‍යෙසු මුච්‌ඡිතො.
Kummaggaṃ paṭipannosmi, mohaneyyesu mucchito.
42.
42.
යාය උප්‌පතිතං රාගං, කිං මනො න විනොදයෙ.
Yāya uppatitaṃ rāgaṃ, kiṃ mano na vinodaye.
43.
43.
චත්‌තාරොමෙ මහාරාජ, ලොකෙ අතිබලා භුසා;
Cattārome mahārāja, loke atibalā bhusā;
රාගො දොසො මදො මොහො, යත්‌ථ පඤ්‌ඤා න ගාධති.
Rāgo doso mado moho, yattha paññā na gādhati.
44.
44.
අරහා සීලසම්‌පන්‌නො, සුද්‌ධො චරති හාරිතො;
Arahā sīlasampanno, suddho carati hārito;
මෙධාවී පණ්‌ඩිතො චෙව, ඉති නො සම්‌මතො භවං.
Medhāvī paṇḍito ceva, iti no sammato bhavaṃ.
45.
45.
මෙධාවීනම්‌පි හිංසන්‌ති, ඉසිං ධම්‌මගුණෙ රතං;
Medhāvīnampi hiṃsanti, isiṃ dhammaguṇe rataṃ;
විතක්‌කා පාපකා රාජ, සුභා රාගූපසංහිතා.
Vitakkā pāpakā rāja, subhā rāgūpasaṃhitā.
46.
46.
උප්‌පන්‌නායං සරීරජො, රාගො වණ්‌ණවිදූසනො තව;
Uppannāyaṃ sarīrajo, rāgo vaṇṇavidūsano tava;
තං පජහ භද්‌දමත්‌ථු තෙ, බහුන්‌නාසි මෙධාවිසම්‌මතො.
Taṃ pajaha bhaddamatthu te, bahunnāsi medhāvisammato.
47.
47.
තෙසං මූලං ගවෙසිස්‌සං, ඡෙච්‌ඡං රාගං සබන්‌ධනං.
Tesaṃ mūlaṃ gavesissaṃ, checchaṃ rāgaṃ sabandhanaṃ.
48.
48.
ඉදං වත්‌වාන හාරිතො, ඉසි සච්‌චපරක්‌කමො;
Idaṃ vatvāna hārito, isi saccaparakkamo;
කාමරාගං විරාජෙත්‌වා, බ්‍රහ්‌මලොකූපගො අහූති.
Kāmarāgaṃ virājetvā, brahmalokūpago ahūti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [431] 5. හරිතචජාතකවණ්‌ණනා • [431] 5. Haritacajātakavaṇṇanā
