| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಹರೀತಕದಾಯಕತ್ಥೇರಅಪದಾನಂ
8. Harītakadāyakattheraapadānaṃ
೬೦.
60.
‘‘ಹರೀತಕಂ ಆಮಲಕಂ, ಅಮ್ಬಜಮ್ಬುವಿಭೀತಕಂ।
‘‘Harītakaṃ āmalakaṃ, ambajambuvibhītakaṃ;
ಕೋಲಂ ಭಲ್ಲಾತಕಂ ಬಿಲ್ಲಂ, ಸಯಮೇವ ಹರಾಮಹಂ॥
Kolaṃ bhallātakaṃ billaṃ, sayameva harāmahaṃ.
೬೧.
61.
‘‘ದಿಸ್ವಾನ ಪಬ್ಭಾರಗತಂ, ಝಾಯಿಂ ಝಾನರತಂ ಮುನಿಂ।
‘‘Disvāna pabbhāragataṃ, jhāyiṃ jhānarataṃ muniṃ;
ಆಬಾಧೇನ ಆಪೀಳೇನ್ತಂ, ಅದುತೀಯಂ ಮಹಾಮುನಿಂ॥
Ābādhena āpīḷentaṃ, adutīyaṃ mahāmuniṃ.
೬೨.
62.
‘‘ಹರೀತಕಂ ಗಹೇತ್ವಾನ, ಸಯಮ್ಭುಸ್ಸ ಅದಾಸಹಂ।
‘‘Harītakaṃ gahetvāna, sayambhussa adāsahaṃ;
೬೩.
63.
‘‘ಪಹೀನದರಥೋ ಬುದ್ಧೋ, ಅನುಮೋದಮಕಾಸಿ ಮೇ।
‘‘Pahīnadaratho buddho, anumodamakāsi me;
‘ಭೇಸಜ್ಜದಾನೇನಿಮಿನಾ, ಬ್ಯಾಧಿವೂಪಸಮೇನ ಚ॥
‘Bhesajjadāneniminā, byādhivūpasamena ca.
೬೪.
64.
‘‘‘ದೇವಭೂತೋ ಮನುಸ್ಸೋ ವಾ, ಜಾತೋ ವಾ ಅಞ್ಞಜಾತಿಯಾ।
‘‘‘Devabhūto manusso vā, jāto vā aññajātiyā;
ಸಬ್ಬತ್ಥ ಸುಖಿತೋ ಹೋತು, ಮಾ ಚ ತೇ ಬ್ಯಾಧಿಮಾಗಮಾ’॥
Sabbattha sukhito hotu, mā ca te byādhimāgamā’.
೬೫.
65.
‘‘ಇದಂ ವತ್ವಾನ ಸಮ್ಬುದ್ಧೋ, ಸಯಮ್ಭೂ ಅಪರಾಜಿತೋ।
‘‘Idaṃ vatvāna sambuddho, sayambhū aparājito;
ನಭಂ ಅಬ್ಭುಗ್ಗಮೀ ಧೀರೋ, ಹಂಸರಾಜಾವ ಅಮ್ಬರೇ॥
Nabhaṃ abbhuggamī dhīro, haṃsarājāva ambare.
೬೬.
66.
‘‘ಯತೋ ಹರೀತಕಂ ದಿನ್ನಂ, ಸಯಮ್ಭುಸ್ಸ ಮಹೇಸಿನೋ।
‘‘Yato harītakaṃ dinnaṃ, sayambhussa mahesino;
ಇಮಂ ಜಾತಿಂ ಉಪಾದಾಯ, ಬ್ಯಾಧಿ ಮೇ ನುಪಪಜ್ಜಥ॥
Imaṃ jātiṃ upādāya, byādhi me nupapajjatha.
೬೭.
67.
‘‘ಅಯಂ ಪಚ್ಛಿಮಕೋ ಮಯ್ಹಂ, ಚರಿಮೋ ವತ್ತತೇ ಭವೋ।
‘‘Ayaṃ pacchimako mayhaṃ, carimo vattate bhavo;
ತಿಸ್ಸೋ ವಿಜ್ಜಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā sacchikatā, kataṃ buddhassa sāsanaṃ.
೬೮.
68.
‘‘ಚತುನ್ನವುತಿತೋ ಕಪ್ಪೇ, ಭೇಸಜ್ಜಮದದಿಂ ತದಾ।
‘‘Catunnavutito kappe, bhesajjamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಭೇಸಜ್ಜಸ್ಸ ಇದಂ ಫಲಂ॥
Duggatiṃ nābhijānāmi, bhesajjassa idaṃ phalaṃ.
೬೯.
69.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೭೦.
70.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೭೧.
71.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಹರೀತಕದಾಯಕೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā harītakadāyako thero imā gāthāyo
ಅಭಾಸಿತ್ಥಾತಿ।
Abhāsitthāti.
ಹರೀತಕದಾಯಕತ್ಥೇರಸ್ಸಾಪದಾನಂ ಅಟ್ಠಮಂ।
Harītakadāyakattherassāpadānaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೬೦. ಸಕಿಂಸಮ್ಮಜ್ಜಕತ್ಥೇರಅಪದಾನಾದಿವಣ್ಣನಾ • 1-60. Sakiṃsammajjakattheraapadānādivaṇṇanā
