| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. хаарид̇ад̇т̇зраг̇аат̇ааван̣н̣анаа
9. Hāritattheragāthāvaṇṇanā
самуннамаяамад̇д̇аананд̇и ааяасмад̇о хаарид̇ад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро худ̇ваа д̇ад̇т̇а д̇ад̇т̇а виваддуубаниссаяам̣ бун̃н̃асамбхаарам̣ убажинанд̇о ид̇о згад̇им̣сз габбз суд̣̇ассанам̣ наама бажжзгасамб̣уд̣̇д̇хам̣ д̣̇исваа басаннамаанасо гудаж̇абубпзхи бууж̇ам̣ гад̇ваа д̇зна бун̃н̃агаммзна суг̇ад̇ийсуязва баривад̇д̇знд̇о имасмим̣ б̣уд̣̇д̇хуббаад̣̇з саавад̇т̇инаг̇арз б̣раахман̣амахаасаалагулз ниб̣б̣ад̇д̇и. хаарид̇од̇исса наамам̣ ахоси. д̇асса ваяаббад̇д̇асса маад̇аабид̇аро гуларуубаад̣̇ийхи анужчавигам̣ гумааригам̣ б̣раахман̣ад̇хийд̇арам̣ аанзсум̣. со д̇ааяа сад̣̇д̇хим̣ бхог̇асукам̣ анубхаванд̇о згад̣̇ивасам̣ ад̇д̇ано д̇ассаа жа руубасамбад̇д̇им̣ ологзд̇ваа д̇хаммад̇ааяа жод̣̇ияамаано ‘‘ийд̣̇исам̣ наама руубам̣ нажирассзва ж̇арааяа мажжунаа жа абхиббамад̣̇д̣̇ийяад̇ий’’д̇и сам̣взг̇ам̣ бадилабхи. гад̇ибаяад̣̇ивасаад̇иггамзнзва жасса бхарияам̣ ган̣хасаббо д̣ам̣сид̇ваа маарзси. со д̇зна бхияяосомад̇д̇ааяа сан̃ж̇аад̇асам̣взг̇о сад̇т̇у санд̇игам̣ г̇анд̇ваа д̇хаммам̣ суд̇ваа гхараб̣анд̇ханз чинд̣̇ид̇ваа баб̣б̣аж̇и. д̇асса жа жарияаанугуулам̣ гаммадтаанам̣ г̇ахзд̇ваа вихаранд̇асса гаммадтаанам̣ на самбаж̇ж̇ад̇и, жид̇д̇ам̣ уж̇уг̇ад̇ам̣ на ход̇и. со г̇аамам̣ бин̣д̣ааяа бавидто ан̃н̃ад̇арам̣ усугаарам̣ усуд̣̇ан̣д̣ам̣ яанд̇з багкибид̇ваа уж̇ум̣ гаронд̇ам̣ д̣̇исваа ‘‘имз ажзд̇анамби наама уж̇ум̣ гаронд̇и, гасмаа ахам̣ жид̇д̇ам̣ уж̇ум̣ на гариссаамий’’д̇и жинд̇зд̇ваа д̇ад̇ова бадинивад̇д̇ид̇ваа д̣̇иваадтаанз нисинно вибассанам̣ аарабхи. ат̇асса бхаг̇аваа убари аагаасз нисийд̣̇ид̇ваа оваад̣̇ам̣ д̣̇знд̇о ‘‘самуннамаяамад̇д̇аана’’нд̇и г̇аат̇ам̣ абхааси. аяамзва т̇зро ад̇д̇аанам̣ барам̣ вияа овад̣̇анд̇о абхаасийд̇и жа вад̣̇анд̇и.
Samunnamayamattānanti āyasmato hāritattherassa gāthā. Kā uppatti? So kira purimabuddhesu katādhikāro hutvā tattha tattha vivaṭṭūpanissayaṃ puññasambhāraṃ upacinanto ito ekatiṃse kappe sudassanaṃ nāma paccekasambuddhaṃ disvā pasannamānaso kuṭajapupphehi pūjaṃ katvā tena puññakammena sugatīsuyeva parivattento imasmiṃ buddhuppāde sāvatthinagare brāhmaṇamahāsālakule nibbatti. Hāritotissa nāmaṃ ahosi. Tassa vayappattassa mātāpitaro kularūpādīhi anucchavikaṃ kumārikaṃ brāhmaṇadhītaraṃ ānesuṃ. So tāya saddhiṃ bhogasukhaṃ anubhavanto ekadivasaṃ attano tassā ca rūpasampattiṃ oloketvā dhammatāya codiyamāno ‘‘īdisaṃ nāma rūpaṃ nacirasseva jarāya maccunā ca abhippamaddīyatī’’ti saṃvegaṃ paṭilabhi. Katipayadivasātikkameneva cassa bhariyaṃ kaṇhasappo ḍaṃsitvā māresi. So tena bhiyyosomattāya sañjātasaṃvego satthu santikaṃ gantvā dhammaṃ sutvā gharabandhane chinditvā pabbaji. Tassa ca cariyānukūlaṃ kammaṭṭhānaṃ gahetvā viharantassa kammaṭṭhānaṃ na sampajjati, cittaṃ ujugataṃ na hoti. So gāmaṃ piṇḍāya paviṭṭho aññataraṃ usukāraṃ usudaṇḍaṃ yante pakkhipitvā ujuṃ karontaṃ disvā ‘‘ime acetanampi nāma ujuṃ karonti, kasmā ahaṃ cittaṃ ujuṃ na karissāmī’’ti cintetvā tatova paṭinivattitvā divāṭṭhāne nisinno vipassanaṃ ārabhi. Athassa bhagavā upari ākāse nisīditvā ovādaṃ dento ‘‘samunnamayamattāna’’nti gāthaṃ abhāsi. Ayameva thero attānaṃ paraṃ viya ovadanto abhāsīti ca vadanti.
29. д̇ад̇т̇а самуннамаяанд̇и саммаа уннамзнд̇о, самаабад̇д̇ивасзна госаж̇ж̇абагкз бад̇ид̇ум̣ ад̣̇ад̇ваа д̇ад̇о уд̣̇д̇харанд̇о вийрияасамад̇ам̣ яож̇знд̇од̇и ад̇т̇о. ад̇д̇аананд̇и жид̇д̇ам̣, ат̇а ваа самуннамаяаад̇и госаж̇ж̇абагкад̇о самуннамзхи. ма-гааро бад̣̇асанд̇хигаро. хийнавийрияад̇ааяа д̇ава жид̇д̇ам̣ гаммадтаанавийт̇им̣ наббадибаж̇ж̇ад̇и жз, д̇ам̣ вийрияаарамбхавасзна саммаа уннамзхи, анонад̇ам̣ анабанад̇ам̣ гарохийд̇и ад̇хиббааяо. звам̣ бана гаронд̇о усугаарова д̇зж̇анам̣. жид̇д̇ам̣ уж̇ум̣ гарид̇ваана, авиж̇ж̇ам̣ бхинд̣̇а хаарид̇аад̇и. яат̇аа наама усугааро ган̣д̣ам̣ ийсагамби онад̇ам̣ абанад̇ан̃жа виж̇жханд̇о лагкам̣ бхинд̣̇анад̇т̇ам̣ уж̇ум̣ гарод̇и, звам̣ госаж̇ж̇абаад̇ад̇о арагкан̣зна онад̇ам̣ уд̣̇д̇хажжабаад̇ад̇о арагкан̣зна абанад̇ам̣ виж̇жханд̇о аббанаабад̇д̇ияаа жид̇д̇ам̣ уж̇ум̣ гарид̇ваана самаахид̇ажид̇д̇о вибассанам̣ уссуггаабзд̇ваа сийгхам̣ аг̇г̇амаг̇г̇ан̃аан̣зна авиж̇ж̇ам̣ бхинд̣̇а бад̣̇аалзхийд̇и. д̇ам̣ суд̇ваа т̇зро вибассанам̣ вад̣дхзд̇ваа нажирзнзва арахаа ахоси. д̇зна вуд̇д̇ам̣ абад̣̇аанз (аба. т̇зра 1.35.39-43) –
29. Tattha samunnamayanti sammā unnamento, samāpattivasena kosajjapakkhe patituṃ adatvā tato uddharanto vīriyasamataṃ yojentoti attho. Attānanti cittaṃ, atha vā samunnamayāti kosajjapakkhato samunnamehi. Ma-kāro padasandhikaro. Hīnavīriyatāya tava cittaṃ kammaṭṭhānavīthiṃ nappaṭipajjati ce, taṃ vīriyārambhavasena sammā unnamehi, anonataṃ anapanataṃ karohīti adhippāyo. Evaṃ pana karonto usukārova tejanaṃ. Cittaṃ ujuṃ karitvāna, avijjaṃ bhinda hāritāti. Yathā nāma usukāro kaṇḍaṃ īsakampi onataṃ apanatañca vijjhanto lakkhaṃ bhindanatthaṃ ujuṃ karoti, evaṃ kosajjapātato arakkhaṇena onataṃ uddhaccapātato arakkhaṇena apanataṃ vijjhanto appanāpattiyā cittaṃ ujuṃ karitvāna samāhitacitto vipassanaṃ ussukkāpetvā sīghaṃ aggamaggañāṇena avijjaṃ bhinda padālehīti. Taṃ sutvā thero vipassanaṃ vaḍḍhetvā nacireneva arahā ahosi. Tena vuttaṃ apadāne (apa. thera 1.35.39-43) –
‘‘химаванд̇ассаавид̣̇уурз, васало наама баб̣б̣ад̇о;
‘‘Himavantassāvidūre, vasalo nāma pabbato;
б̣уд̣̇д̇хо суд̣̇ассано наама, васад̇з баб̣б̣ад̇анд̇арз.
Buddho sudassano nāma, vasate pabbatantare.
‘‘бубпам̣ хзмаванд̇ам̣ г̇аяха, взхаасам̣ аг̇амаасахам̣;
‘‘Pupphaṃ hemavantaṃ gayha, vehāsaṃ agamāsahaṃ;
д̇ад̇т̇ад̣̇д̣̇асаасим̣ самб̣уд̣̇д̇хам̣, огхад̇ин̣н̣аманаасавам̣.
Tatthaddasāsiṃ sambuddhaṃ, oghatiṇṇamanāsavaṃ.
‘‘бубпам̣ гудаж̇амаад̣̇ааяа, сийсз гад̇ваанахам̣ д̇ад̣̇аа;
‘‘Pupphaṃ kuṭajamādāya, sīse katvānahaṃ tadā;
б̣уд̣̇д̇хасса абхиробзсим̣, саяамбхусса махзсино.
Buddhassa abhiropesiṃ, sayambhussa mahesino.
‘‘згад̇им̣сз ид̇о габбз, яам̣ бубпамабхибууж̇аяим̣;
‘‘Ekatiṃse ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, бубпабууж̇ааяид̣̇ам̣ палам̣.
Duggatiṃ nābhijānāmi, pupphapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇оби д̇амзва г̇аат̇ам̣ абхааси.
Arahattaṃ pana patvā aññaṃ byākarontopi tameva gāthaṃ abhāsi.
хаарид̇ад̇т̇зраг̇аат̇ааван̣н̣анаа нидтид̇аа.
Hāritattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. хаарид̇ад̇т̇зраг̇аат̇аа • 9. Hāritattheragāthā
