| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
15. хаарид̇ад̇т̇зраг̇аат̇ааван̣н̣анаа
15. Hāritattheragāthāvaṇṇanā
яо буб̣б̣з гаран̣ийяаанийд̇и ааяасмад̇о хаарид̇ад̇т̇зрасса г̇аат̇аа. гаа уббад̇д̇и? аяамби бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇ари бариниб̣б̣уд̇з д̇асса жид̇агабууж̇ааяа гаяирамаанааяа г̇анд̇хзна бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа хаарид̇од̇и лад̣̇д̇ханаамо ваяаббад̇д̇о ж̇аад̇имаанам̣ ниссааяа ан̃н̃з васалаваад̣̇зна самуд̣̇аажарад̇и. со бхигкуунам̣ санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇оби жирабарижид̇ад̇д̇аа васаласамуд̣̇аажаарам̣ на виссаж̇ж̇и. ат̇згад̣̇ивасам̣ сад̇т̇у санд̇игз д̇хаммам̣ суд̇ваа сан̃ж̇аад̇асам̣взг̇о вибассанам̣ бадтабзд̇ваа ад̇д̇ано жид̇д̇аббавад̇д̇им̣ убабаригканд̇о маануд̣̇д̇хажжавиг̇г̇ахид̇ад̇ам̣ д̣̇исваа д̇ам̣ бахааяа вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.46.63-67) –
Yo pubbe karaṇīyānīti āyasmato hāritattherassa gāthā. Kā uppatti? Ayampi padumuttarassa bhagavato kāle kulagehe nibbattitvā viññutaṃ patto satthari parinibbute tassa citakapūjāya kayiramānāya gandhena pūjaṃ akāsi. So tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā hāritoti laddhanāmo vayappatto jātimānaṃ nissāya aññe vasalavādena samudācarati. So bhikkhūnaṃ santikaṃ gantvā dhammaṃ sutvā paṭiladdhasaddho pabbajitopi ciraparicitattā vasalasamudācāraṃ na vissajji. Athekadivasaṃ satthu santike dhammaṃ sutvā sañjātasaṃvego vipassanaṃ paṭṭhapetvā attano cittappavattiṃ upaparikkhanto mānuddhaccaviggahitataṃ disvā taṃ pahāya vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.46.63-67) –
‘‘жид̇аасу гурумаанаасу, наанааг̇анд̇хз самаахадз;
‘‘Citāsu kurumānāsu, nānāgandhe samāhaṭe;
басаннажид̇д̇о сумано, г̇анд̇хамудтимабууж̇аяим̣.
Pasannacitto sumano, gandhamuṭṭhimapūjayiṃ.
‘‘сад̇асахассид̇о габбз, жид̇агам̣ яамабууж̇аяим̣;
‘‘Satasahassito kappe, citakaṃ yamapūjayiṃ;
д̣̇уг̇г̇ад̇им̣ наабхиж̇аанаами, жид̇абууж̇ааяид̣̇ам̣ палам̣.
Duggatiṃ nābhijānāmi, citapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахаа бана худ̇ваа вимуд̇д̇исукам̣ анубхаванд̇о ‘‘яо буб̣б̣з гаран̣ийяааний’’д̇иаад̣̇инаа д̇ийхи г̇аат̇аахи бхигкуунам̣ оваад̣̇ад̣̇аанамукзна ан̃н̃ам̣ б̣яаагааси. д̇аасам̣ ад̇т̇о хздтаа вуд̇д̇оязва.
Arahā pana hutvā vimuttisukhaṃ anubhavanto ‘‘yo pubbe karaṇīyānī’’tiādinā tīhi gāthāhi bhikkhūnaṃ ovādadānamukhena aññaṃ byākāsi. Tāsaṃ attho heṭṭhā vuttoyeva.
хаарид̇ад̇т̇зраг̇аат̇ааван̣н̣анаа нидтид̇аа.
Hāritattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 15. хаарид̇ад̇т̇зраг̇аат̇аа • 15. Hāritattheragāthā
