| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
3. ஹஸத⁴ம்மஸிக்கா²பத³ங்
3. Hasadhammasikkhāpadaṃ
335. ததியே பகாரேன கரீயதி ட²பீயதீதி பகதங் பஞ்ஞத்தந்தி த³ஸ்ஸெந்தோ ஆஹ ‘‘யங் ப⁴க³வதா’’திஆதி³. யந்தி ஸிக்கா²பத³ங்.
335. Tatiye pakārena karīyati ṭhapīyatīti pakataṃ paññattanti dassento āha ‘‘yaṃ bhagavatā’’tiādi. Yanti sikkhāpadaṃ.
336. ஹஸஸங்கா²தோ த⁴ம்மோ ஸபா⁴வோ ஹஸத⁴ம்மோதி வுத்தே அத்த²தோ கீளிகாயேவாதி ஆஹ ‘‘கீளிகா வுச்சதீ’’தி.
336. Hasasaṅkhāto dhammo sabhāvo hasadhammoti vutte atthato kīḷikāyevāti āha ‘‘kīḷikā vuccatī’’ti.
337. கொ³ப்ப²கானந்தி சரணக³ண்டி²கானங். தே ஹி பாதே³ பாத³ங் ட²பனகாலே அஞ்ஞமஞ்ஞூபரி ட²பனதோ கோ³பீயந்தீதி கொ³ப்பா², தே ஏவ கொ³ப்ப²காதி வுச்சந்தி. பாத³ஸ்ஸ ஹி உபரி பாத³ங் ட²பனகாலே ஏகஸ்ஸ உபரி ஏகோ ந ட²பேதப்³போ³. தேனாஹ ப⁴க³வா ‘‘பாதே³ பாத³ங் அச்சாதா⁴யா’’தி (தீ³॰ நி॰ 2.196; ம॰ நி॰ 1.423; அ॰ நி॰ 3.16). ஒட்ட²ஜோ து³தியோ. ஓரோஹந்தஸ்ஸ பி⁴க்கு²னோதி ஸம்ப³ந்தோ⁴.
337.Gopphakānanti caraṇagaṇṭhikānaṃ. Te hi pāde pādaṃ ṭhapanakāle aññamaññūpari ṭhapanato gopīyantīti gopphā, te eva gopphakāti vuccanti. Pādassa hi upari pādaṃ ṭhapanakāle ekassa upari eko na ṭhapetabbo. Tenāha bhagavā ‘‘pāde pādaṃ accādhāyā’’ti (dī. ni. 2.196; ma. ni. 1.423; a. ni. 3.16). Oṭṭhajo dutiyo. Orohantassa bhikkhunoti sambandho.
338. பி²யாரித்தாதீ³ஹீதி ஆதி³ஸத்³தே³ன லங்காராத³யோ ஸங்க³ண்ஹாதி. கேசி வத³ந்தீதி ஸம்ப³ந்தோ⁴. பதனுப்பதனவாரேஸூதி பதனவார உப்பதனவாரேஸு. தத்தா²தி தஸ்ஸங் கி²த்தகத²லாயங். ஹீதி ஸச்சங் , யஸ்மா வா. ட²பெத்வா கீளந்தஸ்ஸாதி ஸம்ப³ந்தோ⁴. லிகி²துங் வட்டதி கீளாதி⁴ப்பாயஸ்ஸ விரஹிதத்தாதி அதி⁴ப்பாயோ. கீளாதி⁴ப்பாயேன அத்த²ஜோதகங் அக்க²ரங் லிக²ந்தஸ்ஸாபி ஆபத்தியேவாதி வத³ந்தி. எத்தா²தி இமஸ்மிங் ஸிக்கா²பதே³தி. ததியங்.
338.Phiyārittādīhīti ādisaddena laṅkārādayo saṅgaṇhāti. Keci vadantīti sambandho. Patanuppatanavāresūti patanavāra uppatanavāresu. Tatthāti tassaṃ khittakathalāyaṃ. Hīti saccaṃ , yasmā vā. Ṭhapetvā kīḷantassāti sambandho. Likhituṃ vaṭṭati kīḷādhippāyassa virahitattāti adhippāyo. Kīḷādhippāyena atthajotakaṃ akkharaṃ likhantassāpi āpattiyevāti vadanti. Etthāti imasmiṃ sikkhāpadeti. Tatiyaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுராபானவக்³கோ³ • 6. Surāpānavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 3. ஹஸத⁴ம்மஸிக்கா²பத³வண்ணனா • 3. Hasadhammasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. ஹஸத⁴ம்மஸிக்கா²பத³வண்ணனா • 3. Hasadhammasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. ஹஸத⁴ம்மஸிக்கா²பத³வண்ணனா • 3. Hasadhammasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 3. ஹஸத⁴ம்மஸிக்கா²பத³வண்ணனா • 3. Hasadhammasikkhāpadavaṇṇanā
