| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৩. হসধম্মসিক্খাপদং
3. Hasadhammasikkhāpadaṃ
৩৩৫. ততিযে পকারেন করীযতি ঠপীযতীতি পকতং পঞ্ঞত্তন্তি দস্সেন্তো আহ ‘‘যং ভগৰতা’’তিআদি। যন্তি সিক্খাপদং।
335. Tatiye pakārena karīyati ṭhapīyatīti pakataṃ paññattanti dassento āha ‘‘yaṃ bhagavatā’’tiādi. Yanti sikkhāpadaṃ.
৩৩৬. হসসঙ্খাতো ধম্মো সভাৰো হসধম্মোতি ৰুত্তে অত্থতো কীল়িকাযেৰাতি আহ ‘‘কীল়িকা ৰুচ্চতী’’তি।
336. Hasasaṅkhāto dhammo sabhāvo hasadhammoti vutte atthato kīḷikāyevāti āha ‘‘kīḷikā vuccatī’’ti.
৩৩৭. গোপ্ফকানন্তি চরণগণ্ঠিকানং। তে হি পাদে পাদং ঠপনকালে অঞ্ঞমঞ্ঞূপরি ঠপনতো গোপীযন্তীতি গোপ্ফা, তে এৰ গোপ্ফকাতি ৰুচ্চন্তি। পাদস্স হি উপরি পাদং ঠপনকালে একস্স উপরি একো ন ঠপেতব্বো। তেনাহ ভগৰা ‘‘পাদে পাদং অচ্চাধাযা’’তি (দী॰ নি॰ ২.১৯৬; ম॰ নি॰ ১.৪২৩; অ॰ নি॰ ৩.১৬)। ওট্ঠজো দুতিযো। ওরোহন্তস্স ভিক্খুনোতি সম্বন্ধো।
337.Gopphakānanti caraṇagaṇṭhikānaṃ. Te hi pāde pādaṃ ṭhapanakāle aññamaññūpari ṭhapanato gopīyantīti gopphā, te eva gopphakāti vuccanti. Pādassa hi upari pādaṃ ṭhapanakāle ekassa upari eko na ṭhapetabbo. Tenāha bhagavā ‘‘pāde pādaṃ accādhāyā’’ti (dī. ni. 2.196; ma. ni. 1.423; a. ni. 3.16). Oṭṭhajo dutiyo. Orohantassa bhikkhunoti sambandho.
৩৩৮. ফিযারিত্তাদীহীতি আদিসদ্দেন লঙ্কারাদযো সঙ্গণ্হাতি। কেচি ৰদন্তীতি সম্বন্ধো। পতনুপ্পতনৰারেসূতি পতনৰার উপ্পতনৰারেসু। তত্থাতি তস্সং খিত্তকথলাযং। হীতি সচ্চং , যস্মা ৰা। ঠপেত্ৰা কীল়ন্তস্সাতি সম্বন্ধো। লিখিতুং ৰট্টতি কীল়াধিপ্পাযস্স ৰিরহিতত্তাতি অধিপ্পাযো। কীল়াধিপ্পাযেন অত্থজোতকং অক্খরং লিখন্তস্সাপি আপত্তিযেৰাতি ৰদন্তি। এত্থাতি ইমস্মিং সিক্খাপদেতি। ততিযং।
338.Phiyārittādīhīti ādisaddena laṅkārādayo saṅgaṇhāti. Keci vadantīti sambandho. Patanuppatanavāresūti patanavāra uppatanavāresu. Tatthāti tassaṃ khittakathalāyaṃ. Hīti saccaṃ , yasmā vā. Ṭhapetvā kīḷantassāti sambandho. Likhituṃ vaṭṭati kīḷādhippāyassa virahitattāti adhippāyo. Kīḷādhippāyena atthajotakaṃ akkharaṃ likhantassāpi āpattiyevāti vadanti. Etthāti imasmiṃ sikkhāpadeti. Tatiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৬. সুরাপানৰগ্গো • 6. Surāpānavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৩. হসধম্মসিক্খাপদৰণ্ণনা • 3. Hasadhammasikkhāpadavaṇṇanā
