| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
३. हसधम्मसिक्खापदं
3. Hasadhammasikkhāpadaṃ
३३५. ततिये पकारेन करीयति ठपीयतीति पकतं पञ्ञत्तन्ति दस्सेन्तो आह ‘‘यं भगवता’’तिआदि। यन्ति सिक्खापदं।
335. Tatiye pakārena karīyati ṭhapīyatīti pakataṃ paññattanti dassento āha ‘‘yaṃ bhagavatā’’tiādi. Yanti sikkhāpadaṃ.
३३६. हससङ्खातो धम्मो सभावो हसधम्मोति वुत्ते अत्थतो कीळिकायेवाति आह ‘‘कीळिका वुच्चती’’ति।
336. Hasasaṅkhāto dhammo sabhāvo hasadhammoti vutte atthato kīḷikāyevāti āha ‘‘kīḷikā vuccatī’’ti.
३३७. गोप्फकानन्ति चरणगण्ठिकानं। ते हि पादे पादं ठपनकाले अञ्ञमञ्ञूपरि ठपनतो गोपीयन्तीति गोप्फा, ते एव गोप्फकाति वुच्चन्ति। पादस्स हि उपरि पादं ठपनकाले एकस्स उपरि एको न ठपेतब्बो। तेनाह भगवा ‘‘पादे पादं अच्चाधाया’’ति (दी॰ नि॰ २.१९६; म॰ नि॰ १.४२३; अ॰ नि॰ ३.१६)। ओट्ठजो दुतियो। ओरोहन्तस्स भिक्खुनोति सम्बन्धो।
337.Gopphakānanti caraṇagaṇṭhikānaṃ. Te hi pāde pādaṃ ṭhapanakāle aññamaññūpari ṭhapanato gopīyantīti gopphā, te eva gopphakāti vuccanti. Pādassa hi upari pādaṃ ṭhapanakāle ekassa upari eko na ṭhapetabbo. Tenāha bhagavā ‘‘pāde pādaṃ accādhāyā’’ti (dī. ni. 2.196; ma. ni. 1.423; a. ni. 3.16). Oṭṭhajo dutiyo. Orohantassa bhikkhunoti sambandho.
३३८. फियारित्तादीहीति आदिसद्देन लङ्कारादयो सङ्गण्हाति। केचि वदन्तीति सम्बन्धो। पतनुप्पतनवारेसूति पतनवार उप्पतनवारेसु। तत्थाति तस्सं खित्तकथलायं। हीति सच्चं , यस्मा वा। ठपेत्वा कीळन्तस्साति सम्बन्धो। लिखितुं वट्टति कीळाधिप्पायस्स विरहितत्ताति अधिप्पायो। कीळाधिप्पायेन अत्थजोतकं अक्खरं लिखन्तस्सापि आपत्तियेवाति वदन्ति। एत्थाति इमस्मिं सिक्खापदेति। ततियं।
338.Phiyārittādīhīti ādisaddena laṅkārādayo saṅgaṇhāti. Keci vadantīti sambandho. Patanuppatanavāresūti patanavāra uppatanavāresu. Tatthāti tassaṃ khittakathalāyaṃ. Hīti saccaṃ , yasmā vā. Ṭhapetvā kīḷantassāti sambandho. Likhituṃ vaṭṭati kīḷādhippāyassa virahitattāti adhippāyo. Kīḷādhippāyena atthajotakaṃ akkharaṃ likhantassāpi āpattiyevāti vadanti. Etthāti imasmiṃ sikkhāpadeti. Tatiyaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ६. सुरापानवग्गो • 6. Surāpānavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / ३. हसधम्मसिक्खापदवण्णना • 3. Hasadhammasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ३. हसधम्मसिक्खापदवण्णना • 3. Hasadhammasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ३. हसधम्मसिक्खापदवण्णना • 3. Hasadhammasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ३. हसधम्मसिक्खापदवण्णना • 3. Hasadhammasikkhāpadavaṇṇanā
