| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੩. ਹਸਧਮ੍ਮਸਿਕ੍ਖਾਪਦਂ
3. Hasadhammasikkhāpadaṃ
੩੩੫. ਤਤਿਯੇ ਪਕਾਰੇਨ ਕਰੀਯਤਿ ਠਪੀਯਤੀਤਿ ਪਕਤਂ ਪਞ੍ਞਤ੍ਤਨ੍ਤਿ ਦਸ੍ਸੇਨ੍ਤੋ ਆਹ ‘‘ਯਂ ਭਗવਤਾ’’ਤਿਆਦਿ। ਯਨ੍ਤਿ ਸਿਕ੍ਖਾਪਦਂ।
335. Tatiye pakārena karīyati ṭhapīyatīti pakataṃ paññattanti dassento āha ‘‘yaṃ bhagavatā’’tiādi. Yanti sikkhāpadaṃ.
੩੩੬. ਹਸਸਙ੍ਖਾਤੋ ਧਮ੍ਮੋ ਸਭਾવੋ ਹਸਧਮ੍ਮੋਤਿ વੁਤ੍ਤੇ ਅਤ੍ਥਤੋ ਕੀਲ਼ਿਕਾਯੇવਾਤਿ ਆਹ ‘‘ਕੀਲ਼ਿਕਾ વੁਚ੍ਚਤੀ’’ਤਿ।
336. Hasasaṅkhāto dhammo sabhāvo hasadhammoti vutte atthato kīḷikāyevāti āha ‘‘kīḷikā vuccatī’’ti.
੩੩੭. ਗੋਪ੍ਫਕਾਨਨ੍ਤਿ ਚਰਣਗਣ੍ਠਿਕਾਨਂ। ਤੇ ਹਿ ਪਾਦੇ ਪਾਦਂ ਠਪਨਕਾਲੇ ਅਞ੍ਞਮਞ੍ਞੂਪਰਿ ਠਪਨਤੋ ਗੋਪੀਯਨ੍ਤੀਤਿ ਗੋਪ੍ਫਾ, ਤੇ ਏવ ਗੋਪ੍ਫਕਾਤਿ વੁਚ੍ਚਨ੍ਤਿ। ਪਾਦਸ੍ਸ ਹਿ ਉਪਰਿ ਪਾਦਂ ਠਪਨਕਾਲੇ ਏਕਸ੍ਸ ਉਪਰਿ ਏਕੋ ਨ ਠਪੇਤਬ੍ਬੋ। ਤੇਨਾਹ ਭਗવਾ ‘‘ਪਾਦੇ ਪਾਦਂ ਅਚ੍ਚਾਧਾਯਾ’’ਤਿ (ਦੀ॰ ਨਿ॰ ੨.੧੯੬; ਮ॰ ਨਿ॰ ੧.੪੨੩; ਅ॰ ਨਿ॰ ੩.੧੬)। ਓਟ੍ਠਜੋ ਦੁਤਿਯੋ। ਓਰੋਹਨ੍ਤਸ੍ਸ ਭਿਕ੍ਖੁਨੋਤਿ ਸਮ੍ਬਨ੍ਧੋ।
337.Gopphakānanti caraṇagaṇṭhikānaṃ. Te hi pāde pādaṃ ṭhapanakāle aññamaññūpari ṭhapanato gopīyantīti gopphā, te eva gopphakāti vuccanti. Pādassa hi upari pādaṃ ṭhapanakāle ekassa upari eko na ṭhapetabbo. Tenāha bhagavā ‘‘pāde pādaṃ accādhāyā’’ti (dī. ni. 2.196; ma. ni. 1.423; a. ni. 3.16). Oṭṭhajo dutiyo. Orohantassa bhikkhunoti sambandho.
੩੩੮. ਫਿਯਾਰਿਤ੍ਤਾਦੀਹੀਤਿ ਆਦਿਸਦ੍ਦੇਨ ਲਙ੍ਕਾਰਾਦਯੋ ਸਙ੍ਗਣ੍ਹਾਤਿ। ਕੇਚਿ વਦਨ੍ਤੀਤਿ ਸਮ੍ਬਨ੍ਧੋ। ਪਤਨੁਪ੍ਪਤਨવਾਰੇਸੂਤਿ ਪਤਨવਾਰ ਉਪ੍ਪਤਨવਾਰੇਸੁ। ਤਤ੍ਥਾਤਿ ਤਸ੍ਸਂ ਖਿਤ੍ਤਕਥਲਾਯਂ। ਹੀਤਿ ਸਚ੍ਚਂ , ਯਸ੍ਮਾ વਾ। ਠਪੇਤ੍વਾ ਕੀਲ਼ਨ੍ਤਸ੍ਸਾਤਿ ਸਮ੍ਬਨ੍ਧੋ। ਲਿਖਿਤੁਂ વਟ੍ਟਤਿ ਕੀਲ਼ਾਧਿਪ੍ਪਾਯਸ੍ਸ વਿਰਹਿਤਤ੍ਤਾਤਿ ਅਧਿਪ੍ਪਾਯੋ। ਕੀਲ਼ਾਧਿਪ੍ਪਾਯੇਨ ਅਤ੍ਥਜੋਤਕਂ ਅਕ੍ਖਰਂ ਲਿਖਨ੍ਤਸ੍ਸਾਪਿ ਆਪਤ੍ਤਿਯੇવਾਤਿ વਦਨ੍ਤਿ। ਏਤ੍ਥਾਤਿ ਇਮਸ੍ਮਿਂ ਸਿਕ੍ਖਾਪਦੇਤਿ। ਤਤਿਯਂ।
338.Phiyārittādīhīti ādisaddena laṅkārādayo saṅgaṇhāti. Keci vadantīti sambandho. Patanuppatanavāresūti patanavāra uppatanavāresu. Tatthāti tassaṃ khittakathalāyaṃ. Hīti saccaṃ , yasmā vā. Ṭhapetvā kīḷantassāti sambandho. Likhituṃ vaṭṭati kīḷādhippāyassa virahitattāti adhippāyo. Kīḷādhippāyena atthajotakaṃ akkharaṃ likhantassāpi āpattiyevāti vadanti. Etthāti imasmiṃ sikkhāpadeti. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਰਾਪਾਨવਗ੍ਗੋ • 6. Surāpānavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਹਸਧਮ੍ਮਸਿਕ੍ਖਾਪਦવਣ੍ਣਨਾ • 3. Hasadhammasikkhāpadavaṇṇanā
