| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৩. হসধম্মসিক্খাপদৰণ্ণনা
3. Hasadhammasikkhāpadavaṇṇanā
‘‘চিক্খল্লং ৰা’’তি ৰচনতো সক্খরম্পি খিপনকীল়ায কীল়তো দুক্কটমেৰ। উপরিগোপ্ফকে পাচিত্তিযং, অঞ্ঞত্থ দুক্কটন্তি পাচিত্তিযৰত্থুঅত্থৰসেন ‘‘উদকে হসধম্মে পাচিত্তিয’’ন্তি ৰুত্তং।
‘‘Cikkhallaṃ vā’’ti vacanato sakkharampi khipanakīḷāya kīḷato dukkaṭameva. Uparigopphake pācittiyaṃ, aññattha dukkaṭanti pācittiyavatthuatthavasena ‘‘udake hasadhamme pācittiya’’nti vuttaṃ.
ইদং সঞ্ঞাৰিমোক্খং চে, তিকপাচিত্তিযং কথং।
Idaṃ saññāvimokkhaṃ ce, tikapācittiyaṃ kathaṃ;
কীল়িতংৰ অকীল়াতি, মিচ্ছাগাহেন তং সিযা॥
Kīḷitaṃva akīḷāti, micchāgāhena taṃ siyā.
এত্তাৰতা কথং কীল়া, ইতি কীল়াযং এৰাযং।
Ettāvatā kathaṃ kīḷā, iti kīḷāyaṃ evāyaṃ;
অকীল়াসঞ্ঞী হোতেত্থ, ৰিনযত্থং সমাদযে॥
Akīḷāsaññī hotettha, vinayatthaṃ samādaye.
একন্তাকুসলো যস্মা, কীল়াযাভিরতমনো।
Ekantākusalo yasmā, kīḷāyābhiratamano;
তস্মা অকুসলং চিত্তং, একমেৰেত্থ লব্ভতীতি॥ (ৰজির॰ টী॰ পাচিত্তিয ৩৩৬)।
Tasmā akusalaṃ cittaṃ, ekamevettha labbhatīti. (vajira. ṭī. pācittiya 336);
হসধম্মসিক্খাপদৰণ্ণনা নিট্ঠিতা।
Hasadhammasikkhāpadavaṇṇanā niṭṭhitā.
