| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
౩. హసధమ్మసిక్ఖాపదవణ్ణనా
3. Hasadhammasikkhāpadavaṇṇanā
౩౩౮. తతియే పాళియం హసధమ్మే హసధమ్మసఞ్ఞీతిఆదీసు ఉప్లవాదిమత్తం కిం హసధమ్మో హోతీతి గహణవసేన సతి కరణీయే కరియమానం హసధమ్మం హసధమ్మోతి గహణవసేన అత్థో వేదితబ్బో. ఉస్సారేన్తోతి ఉదకే ఠితం నావం తీరే ఆరోపేన్తో.
338. Tatiye pāḷiyaṃ hasadhamme hasadhammasaññītiādīsu uplavādimattaṃ kiṃ hasadhammo hotīti gahaṇavasena sati karaṇīye kariyamānaṃ hasadhammaṃ hasadhammoti gahaṇavasena attho veditabbo. Ussārentoti udake ṭhitaṃ nāvaṃ tīre āropento.
పతనుప్పతనవారేసూతి ఉదకస్స ఉపరితలే మణ్డూకగతియా పతనుప్పతనవసేన గమనత్థం ఖిత్తాయ ఏకిస్సా కథలాయ వసేన వుత్తం. ఉదకస్స ఉపరిగోప్ఫకతా, హసాధిప్పాయేన కీళనన్తి ద్వే అఙ్గాని.
Patanuppatanavāresūti udakassa uparitale maṇḍūkagatiyā patanuppatanavasena gamanatthaṃ khittāya ekissā kathalāya vasena vuttaṃ. Udakassa uparigopphakatā, hasādhippāyena kīḷananti dve aṅgāni.
హసధమ్మసిక్ఖాపదవణ్ణనా నిట్ఠితా.
Hasadhammasikkhāpadavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౬. సురాపానవగ్గో • 6. Surāpānavaggo
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౩. హసధమ్మసిక్ఖాపదం • 3. Hasadhammasikkhāpadaṃ
