| Library / Tipiṭaka / ติปิฎก • Tipiṭaka / กงฺขาวิตรณี-ปุราณ-ฎีกา • Kaṅkhāvitaraṇī-purāṇa-ṭīkā |
๓. หสธมฺมสิกฺขาปทวณฺณนา
3. Hasadhammasikkhāpadavaṇṇanā
‘‘จิกฺขลฺลํ วา’’ติ วจนโต สกฺขรมฺปิ ขิปนกีฬาย กีฬโต ทุกฺกฎเมวฯ อุปริโคปฺผเก ปาจิตฺติยํ, อญฺญตฺถ ทุกฺกฎนฺติ ปาจิตฺติยวตฺถุอตฺถวเสน ‘‘อุทเก หสธเมฺม ปาจิตฺติย’’นฺติ วุตฺตํฯ
‘‘Cikkhallaṃ vā’’ti vacanato sakkharampi khipanakīḷāya kīḷato dukkaṭameva. Uparigopphake pācittiyaṃ, aññattha dukkaṭanti pācittiyavatthuatthavasena ‘‘udake hasadhamme pācittiya’’nti vuttaṃ.
อิทํ สญฺญาวิโมกฺขํ เจ, ติกปาจิตฺติยํ กถํ;
Idaṃ saññāvimokkhaṃ ce, tikapācittiyaṃ kathaṃ;
กีฬิตํว อกีฬาติ, มิจฺฉาคาเหน ตํ สิยาฯ
Kīḷitaṃva akīḷāti, micchāgāhena taṃ siyā.
เอตฺตาวตา กถํ กีฬา, อิติ กีฬายํ เอวายํ;
Ettāvatā kathaṃ kīḷā, iti kīḷāyaṃ evāyaṃ;
อกีฬาสญฺญี โหเตตฺถ, วินยตฺถํ สมาทเยฯ
Akīḷāsaññī hotettha, vinayatthaṃ samādaye.
เอกนฺตากุสโล ยสฺมา, กีฬายาภิรตมโน;
Ekantākusalo yasmā, kīḷāyābhiratamano;
ตสฺมา อกุสลํ จิตฺตํ, เอกเมเวตฺถ ลพฺภตีติฯ (วชิร. ฎี. ปาจิตฺติย ๓๓๖);
Tasmā akusalaṃ cittaṃ, ekamevettha labbhatīti. (vajira. ṭī. pācittiya 336);
หสธมฺมสิกฺขาปทวณฺณนา นิฎฺฐิตาฯ
Hasadhammasikkhāpadavaṇṇanā niṭṭhitā.
