| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๓. หสธมฺมสิกฺขาปทวณฺณนา
3. Hasadhammasikkhāpadavaṇṇanā
๓๓๘. ตติเย ปาฬิยํ หสธเมฺม หสธมฺมสญฺญีติอาทีสุ อุปฺลวาทิมตฺตํ กิํ หสธโมฺม โหตีติ คหณวเสน สติ กรณีเย กริยมานํ หสธมฺมํ หสธโมฺมติ คหณวเสน อโตฺถ เวทิตโพฺพฯ อุสฺสาเรโนฺตติ อุทเก ฐิตํ นาวํ ตีเร อาโรเปโนฺตฯ
338. Tatiye pāḷiyaṃ hasadhamme hasadhammasaññītiādīsu uplavādimattaṃ kiṃ hasadhammo hotīti gahaṇavasena sati karaṇīye kariyamānaṃ hasadhammaṃ hasadhammoti gahaṇavasena attho veditabbo. Ussārentoti udake ṭhitaṃ nāvaṃ tīre āropento.
ปตนุปฺปตนวาเรสูติ อุทกสฺส อุปริตเล มณฺฑูกคติยา ปตนุปฺปตนวเสน คมนตฺถํ ขิตฺตาย เอกิสฺสา กถลาย วเสน วุตฺตํฯ อุทกสฺส อุปริโคปฺผกตา, หสาธิปฺปาเยน กีฬนนฺติ เทฺว องฺคานิฯ
Patanuppatanavāresūti udakassa uparitale maṇḍūkagatiyā patanuppatanavasena gamanatthaṃ khittāya ekissā kathalāya vasena vuttaṃ. Udakassa uparigopphakatā, hasādhippāyena kīḷananti dve aṅgāni.
หสธมฺมสิกฺขาปทวณฺณนา นิฎฺฐิตาฯ
Hasadhammasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๖. สุราปานวโคฺค • 6. Surāpānavaggo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๓. หสธมฺมสิกฺขาปทํ • 3. Hasadhammasikkhāpadaṃ
